شكراً بورداب الرياض على ثقتكم بنا ..

شكراً بورداب الرياض على إعادة الثقة في اللجنة السابقة التي تقود العمل وأنشطة البورداب بفضل وقفتكم وتعاونكم اللا محدود مع أعضائها في إنجاح كافة فعالياتها ..
وقد تم ذلك في جوء جميل وأسري أمه الكثير من البورداب وأسرهم تجدون التفاصيل في البوست هذا بورداب الرياض : ما أجملكم حين تلتقون

نفيدكم بأن اللجنة قد إجتمعت يوم الإثنين 7 يونيو 2010 بمنزل الأخ يوسف السماني بكافة أعضائها ما عدا عمر الفاروق وحميدة لظروف أسرية ..
وقد خرج الإجتماع بتصورات عديدة وبرامج كثيرة سوف تتم خلال الفترة القادمة ..
كذلك تم تكوين المكاتب وتوزيع المهام على أعضائها ..
وتتكون اللجنة من ..
* الأستاذ جلال داؤد أبوجهينة رئيساً ..
* الأستاذ عمر ودالباوقة نائب للرئيس ..
* السكرتارية كل من طارق نقد وإدريس علم الهدى ..
* المالية خالد سعيد الأرباب وأحمد العمار ..
* الاعلام علاء الدين تمبس ومعتصم دفع الله وحميدة ..
* الثقافية يوسف السماني وعبدالله داش وعمر الفاروق ..
* الإجتماعية إسماعيل عباس ودكتور محمد حسن ..

كما نرجو من البورداب الكرام مد اللجنة بأي مقترحات تراها لتفعيل العمل وكذلك أرقام الهواتف أو أي وسيلة إتصال أخرى كالإيميل ..
كما نرجو منهم الإتصال على أعضاء اللجنة الإجتماعية أو أي عضو في اللجنة ومده بالأخبار من أفراح وأتراح لتعميمها على البورداب ولمزيد من التواصل الإجتماعي ..

ومن البرامج المقترحة خلال الفترة القادمة ..
* لمة أسرية مقترح لها الخميس 17 يونيو 2010 ..
* برنامج متكامل عن الوحدة والسلام أول خميس بعد الإمتحانات ..
* الإحتفاء بإصدارة الأخ محمد زين الشفيع ..

والشكر لله من قبل ومن بعد ..
ولكم الشكر أجزله ..

اللجنة الاعلامـــية ..

شكرآ ..أخى معتصم دفع الله من اللجنة ألأعلامية..

شكرآ مرة اخرى لبورداب الرياض الذين جددوا ثقتهم باللجنة.كما نأمل ان نكون عند حسن ظنكم بنا إن شاء الله.

نأمل من الجميع العمل بروح الفريق الواحد...

لعكس الصورة الجميلة لبورداب الرياض..

لكم التحية والتقدير جميعآ..

إسماعيل الحبيب ..
أصلو عملنا لم ولن يخرج من الجماعية ..
وسنواصل بنفس الروح التي بدأنا بها ووثقف فيها الجميع ..
نسأل الله أن نكون عند حسن الظن بنا دائماً ..

لك الود ..

Quote: شكراً بورداب الرياض على إعادة الثقة في اللجنة السابقة التي تقود العمل وأنشطة البورداب

بل شكرا للجنة التي ظلت تبذل من وقتها ومالها وفكرها ليكون بورداب الرياض احد ألمع نجـــوم الورد
شكراً لكم لأنكم جعلتونا نفتخر بــانتماءنا لكم وللرياض.. بالرغم من قصر فترة انضمامنا لكم
شكراً لكم لأنكم جعلتم المستحيل ممكناً ... سيروا ونحن من خلفكم
حقاً روعتكم ليست صدفة ... والابـــداع من صنع أيديكم ... والجمال هو احد أهم صفاتكم
بورداب الرياض ويييييييييييييييييييييييييييي
____
تحاياي .. يا معتصم يا شفيف

يا شفيف


سلامات

ياخي ما غيروا الوشوش دي شوية

مالكم بقيتو زي حكومة الجماعة


بعدين .. خالد الأرباب دا مالو مكلت في المالية كدي

واسمعوا يا شباب نحن دايرين نصيبنا من السلطة والثروة


وبعدين يا ود الباوقة دايما نائب

اصلا مساعد الياي ما ببقي ياي

بقيت مساعد حلة زي مني مناوي


..

سلام للجميع ونشوفكم غدا ان شاء الله

حنين إزيك ..
مشتاقوون ياخ وين إنت في البلد ولا الرياض ..
أدينا خبرك ..

والله حاولنا وقلنا الروب عديل كده لكن تقول شنو ..
غايتو نحن باقين بإرادة الشعب يعني دكتاتورية كو
وأها زيادة كده نصيبك محفوظ في الثروة والسلطة عليك بودالباوقة نائب الرئيس ..

تحياتي ..

الحمد لله على إجماع أهل الرياض عليكم..
وياقريبنا معتصم يوم 17/6 ده بكون عز الامتحانات..
رغم انو ما عندنا عيال وما مرتبطين بالمدارس..
لكن خايفين من تأثير ذلك على الحضور..

شكرا معتصم دفع الله
و نتمنى للجنة بمكاتبها المعلنة أن توفق في إنجاز ما يصبو إليه البورداب
كما نأمل من الذين تباعدوا لظرف أو آخر أن ينضموا للركب مرة أخرى فنحن في النهاية أسرة واحدة نعيش في غربة.
نرجو من مكتب السكرتارية إكمال معلومات ال Database و يمكنني أن أمدهم بكل المعلومات التي بحوزتي من اللقاء الأسري السابق.

دمتم جميعا

Quote: كما نأمل من الذين تباعدوا لظرف أو آخر أن ينضموا للركب مرة أخرى فنحن في النهاية أسرة واحدة نعيش في غربة.

يا ريت يا ريس والله ..

Quote: نرجو من مكتب السكرتارية إكمال معلومات ال Database و يمكنني أن أمدهم بكل المعلومات التي بحوزتي من اللقاء الأسري السابق.

دا كلام مهم لمزيد من التواصل ..

تسلم يا ريس ..
مزيد من الجهد لعمل أكبر وتواصل أسري كبير ..

لك الود ..

أيمن إزيك..
وعمره مقبولة إن شاء الله ..
التاريخ دا مجرد إقتراح وتركناهو لرأي البورداب ..
نحن قلنا نقرب نشاطاتنا أكثر لمزيد من التواصل على الأقل الأسرية منها ..
وزي اللمات دي بتكون مفتوحة وإذا تعذر ممكن نأجلها لوقت أفضل ..

يديك العافية ..

يديك العافية أخي البشاري على كلامك الطيب ..
وثقتك فينا ودا بدينا دافع لبذل المزيد من الجهد لأجل المجموعة ..
إيد على إيد تجدع بعيد ونحن نحتاج لأياديكم ومقترحاتكم ..

تحياتي ..

Quote: الحمد لله على إجماع أهل الرياض عليكم.. وياقريبنا معتصم يوم 17/6 ده بكون عز الامتحانات.. رغم انو ما عندنا عيال وما مرتبطين بالمدارس.. لكن خايفين من تأثير ذلك على الحضور..

انت يا معتصم عمر فى جريد كم ؟؟؟؟؟

يا اخى 17/6/2010 م نذاكر والله نصابح ود الصائم وهو متفرج على حميدة مسيك

تقترح تغير الموعد اذا امكن ذلك .

اذا مافى تغير نحتفل مع اولاد المسلمى ووهبة بالخرطوم

لجنة السرور انشاء الله ،الله يوفقكم حملتم عنا الكثير من الوقت والجهد وليس لنا الا ان نقول جزاكم الله عنا خيرالجزاء و كل خير وياها المحرية فبكم .

الارباب وزير المالية - مافى قروض حســـــــــــــــنة انشاء مقدم برادو هههههههههههههههه

أبوسنينة إزيك ..
قريد ون شنو ياخ لو في طريقة عمر دا ندخلوالجامعة طوالي
القراية أم دق دي مشواره طويل ياخ ..

هو كان مجرد إقتراح للمة صغيرة قبل الإمتحانات لكن يظهر إنو التوقيت ما مناسب ..
يا زول نحن زاتو بلاكم ما بنبقى يديكم العافية ..
المره الجايه ما تقول لي زنقانكم وطلعتو من السيك ..
أنا غايتو لابد ليكم إنت وود الموج في الضلمة ..

تسلم يا حبيب ..

شكرا الشفيف سابقا
معتصم دفع الله

ومن البرامج المقترحة خلال الفترة القادمة .. * لمة أسرية مقترح لها الخميس 17 يونيو 2010 .. * برنامج متكامل عن الوحدة والسلام أول خميس بعد الإمتحانات .. * الإحتفاء بإصدارة الأخ محمد زين الشفيع ..

نرجو تفاعل الاعضاء
ومد اللجنه باي مقترحات
وسوف نكثف اللقاءات
في الايام القادمة
لمد جسور التواصل بين الجميع

Quote: وبعدين يا ود الباوقة دايما نائب اصلا مساعد الياي ما ببقي ياي بقيت مساعد حلة زي مني مناوي

ود عمي السياسة ممنوعة

اخبارك شنو

التحية لكل بورداب الرياض

من الدرعية شمالا الى الخرج جنوبا

ومن حي الفواز غربا الى النظيم شرقا

اخي معتصم

والله انتو قدها وقدود

التحية لبورداب الرياض
وربنا يقويكم يا لجنة لهذا العبء الثقيل

اقتراح:
فتح باب العضوية لاصدقاء سودانيز (القراء)
تشكيل كيان صغير لربط ابناء/بنات البورداب

برغـــــم حداثة الانضمام

ولأن الأثر يدل علي المسير

بقول بالتاكيدانتو قــدر المسؤليه واللي تحملتوها بكل طيب خاطر علي مدى طويل

الله يعينكم

Quote: فتح باب العضوية لاصدقاء سودانيز (القراء)

يا حبذا لو استبدلنا كلمة اضدقاء

بنسايم سودانيزاونلاين ...

شكرا وراق 000000

ثقة في محلها، واختيار صادف أهله (أكيد من غير خج يا شفيف) ...أعانكم الله على تحمل مسئولياتكم، ومزيد من الرقي والتقدم لهذا الكيان الجميل ...

مع خالص تحياتي وتقديري للجميع ؛؛؛

هم أهل للثقة والتواصل دليل عافية

شكرا معتصم الإعلامي

مكتب يقود بورداب الرياض وما جاورها

،،،،أبوقصي،،،،

Quote: عمر الفاروق ..

معليش يا معتصم سؤال ضفَاري " رغم اني ما متعود على الضفاري "
عمر ده موافق على الإختيار ده ولا دي مجاملة ؟؟
لأنو أنا الشي البعرفو أنو عمر لماتنا دي زاته " بي طريقته الحالية " عندو فيها راي " أحترمه لأنه برضو راي "
مع التحية لصديقي ود الفاروق

معتصم
بالتوفيق إن شاء الله
و معليش شغلتني ظروف عن عدم حضور اللقاء السابق لكن إن شاء الله أكون متواجد في اللقاء القادم

كيفك يا خالد ..
ولا يهمك نحن نقدر ظروفك وحمدالله على سلامة العودة ..
أكيد ح نتلاقى في لمات قادمات ..

يديك العافية ..

عمران أبومحمد إزيك يا حبيب ..
مرحب برأيك ورأي عمر الفاروق ..
على فكرة عمر عضوء في اللجنة منذ وقت طويل ومشارك في إجتماعاتها ومساهماتها ..
وهو على علم بكل التفاصيل ونقدر له ظروفه الحالية ولولاها لكان مشارك الآن ..
المهم في الموضوع يا عمران نحن نعمل وفق منظومة جماعية كتيم ويرك وجاء توزيع هذه المكاتب لتقنين العمل وتنظيمه ليس إلا وقد تلاحظ أنت ذلك في تجمعاتنا وبرامجنا التي نقدمها ..
نحتاج لآرائكم ومقترحاتكم وهذا البوست للناحية الاعلامية ولمعرفة البورداب بطريقة عمل اللجنة وهذا كتاب مفتوح بكل شفافية ومرحب بمساعدة الجميع للجنة ..

تحياتي وودي ..

أبوقصي الحبيب ..
وين الحي بيك مشتاقين ياخ ..
شكراً على كلامك الطيب وجميل ..

يديك العافية ..

أكيد من غير خج يا إدريس ..
شكراُ على ثقتكم وربنا يقدرنا في مواصلة المشوار ..

يديك العافية ..

شكراً محمد علي شقدي على الثقة والكلام الطيب ..
نتمنى دائماً أن نكون عند حسن الظنا بنا ..
خليك قريب ..

كل الود والتحايا ..

تحياتي أخي الشفيع ..

نرحب بمقترحاتكم وآرائكم فهي زاد لنا ..
ومرحب بأصدقاء البورداب وأسرهم ..


يديك العافية ..

تحياتي طارق ميرغني ..
دا كله بتم بفضل وقفتكم معنا ..
ربنا يوفقنا في ما يرضيكم إن شاء الله ..

مودتي ..

Quote: من الدرعية شمالا الى الخرج جنوبا ومن حي الفواز غربا الى النظيم شرقا

يا ريس إنت إشتغلت في البلدية ولا شنو
ربنا يوفقنا في تقديم ما يرضي الجميع ..
ودا بتم بتوحد الجميع ووقفتهم مع بعض ..

تحياتي ودالباوقة ..

خلاس يا طارق نقد بقينا الشفيف سابقاً ..
ليكم يوم يا ....

نؤكد على هذه البرامج يا طارق ..
وخصوصاً أن برنامج الوحدة والسلام يحتاج منا لعمل كبير ..
ولازم نركز عليهو لأنه الأهم وهي دعوة لمد الأيادي من أجل سودان موحد ..
سودان يعيش في سلام وأمن ورخاء ..
لا للتفرقة لا لتمزيق الوطن ..
كلنا سودان ..
لا شمال بدون جنوب ..
ولا شرق بدون غرب ..
منقو قل لا عاش من يفصلنا ..

Quote: * برنامج متكامل عن الوحدة والسلام أول خميس بعد الإمتحانات ..

ركزوا لينا في دي

الخال حمزاوي تحياتي ..
كل تركيزنا ح يكون على هذا البرنامج وهو الوحدة والسلام ..
وهمنا أن يظل الوطن موحد بكل قبائله وأعراقه وإختلافاته وثقافاته ..
وهي دعوة للجميع لوضع تصور كيف يكون العمل ..

لك الود والمحبة ..

بالتوفيق

نحن جماعة على أرض الوطن ألأفتراضى إلتقينا..

تبلورت أفكارنا وتوحدت اهدافنا وفى أرض الواقع أرتقينا..

همنا الوطن..وحبنا لبعضنا..به سنحقق غايتنا..

وطننا بدون إنفصال هو الذى يجمعنا..شرقنا وغربنا وشمالنا وجنوبنا..

فلنسعى جميعآ لوحدة جاذبة ولآرض يعمها السلام والرفاهية تجمعنا..

أخي المعتصم..تحيات

جهودكم وجميع الإخوان السابقة واللاحقة بإذن الله مقدرة وسعيكم لكل ما هو في سبيل

تقوية ودعم أواصر المعرفة بين البورداب..

معكم عاملون وجاهزون..

تسلم أخي ناصر النعمان ..
إن شاء الله تكون بلغت تمام الصحة والعافية ..
وشكراً على هذه الثقة وربنا يقدرنا ونكون عند حسن الظن ..


لسه الجيه ما ناسنها ..
تحياتي ..

سؤال للجنة بورداب الرياض ممثلة في رئيسها وكبيرها الشيخ أبوجهينة واعضاء اللجنة الكرام...

اللجنة دي خالية من العنصر النسائي ليه، علما انو في بوردابيات في الرياض يسدو عين الشمس برجاحة عقلهم وزينة فهمهم ومشاركاتهم الفعالة اذا كان في البورد او الشغل العام...





ست البنيـــــــــــــات

يا معتصم

الدكتور معترض علي ترشيحنا للسكرتارية .. وبقول ليك (مستكثر علي الجماعة الري يالتنقيط؟؟)

وزير الري سابقا

Quote: الدكتور معترض علي ترشيحنا للسكرتارية .. وبقول ليك (مستكثر علي الجماعة الري يالتنقيط؟؟) وزير الري سابقا

سابقاً وين تلقاها عند الغافل
ياخي تنقيط تنقيط مرحباً برمز الجركانة ..

Quote: اللجنة دي خالية من العنصر النسائي ليه، علما انو في بوردابيات في الرياض يسدو عين الشمس برجاحة عقلهم وزينة فهمهم ومشاركاتهم الفعالة اذا كان في البورد او الشغل العام...

ست البنيات إزيك ..
ومشتاقوووووووون ..

الموضوع دا في بالنا وبالعكس نحن محتاجين للعنصر النسائي دا لأنه مهم جداً ..
لكن للاسف حضور البوردابيات قليل في الفترة الماضية ..
ونحن بصدد إضافة عنصر نسائي للجنة على الأقل يساعدنا في الناحية الأسرية وكنت قد تشاورت مع الأخت عفاف أبوحريرة وهي مرحبة بالفكرة بل على إتم إستعداد للعمل فيها وحتى ذكرت لها أن تنسق مع الأخت حليمة ولظرف أختنا حليمة لم تحضر اللمة التي تم فيها إعادة الثقة في اللجنة ومن هنا نرسل تحياتنا لأختنا خالدة البدوي لأنها كانت جزء من اللجنة سابقاً ..
يدكن معانا بس يا ست البينات ..

تسلمي ..

Quote: الثقافية يوسف السماني وعبدالله داش وعمر الفاروق ..

اضان الثقافة طرشة يا يمة !!












ــــــــــــــــــ
موعتصم هى الرياض دى مالها بتشبه مثلث حمدى ؟
وسودان الطيب المضطفى ؟ ياكافى البلا لا جنوبى لا دارفورى
لا قبطى ولا اثراء للتنوع ،، لاااااااااا انتو استحقيتو
الصياغه على اسس جديدة .. معقوله كلها القصة من ابو حمد وماجاورها ؟؟
بالكتير تصلو المركز ؟ تبالغوا عديل كدا ....
لوووووووووووووووب خلى البوست دا يسخن يا حنين !

Quote: موعتصم هى الرياض دى مالها بتشبه مثلث حمدى ؟ وسودان الطيب المضطفى ؟ ياكافى البلا لا جنوبى لا دارفورى لا قبطى ولا اثراء للتنوع ،، لاااااااااا انتو استحقيتو الصياغه على اسس جديدة .. معقوله كلها القصة من ابو حمد وماجاورها ؟؟ بالكتير تصلو المركز ؟ تبالغوا عديل كدا .... لوووووووووووووووب خلى البوست دا يسخن يا حنين !

معقول يا دينا ..
مالك علينا مشبهانا بالطيب مصطفى ..
والله نحن حلاة ما بنحب السودان دا لمن الواحد أمنيته يعمل ليهو قطية في كل ركن فيه ..
بعدين دي لجنة مواصلة العمل منذ فترة طويلة وقدرت تعمل في تجانس وتناسق تام ..
لذلك أمن عليها كل البورداب وأعادوا فيها الثقة ..
تاني نحن رياضيين خاتين الكورة واطــة والسخانة بتخلينا نرتب حالنا ..
لأننا نحن بنقبل الآخر وبنقبل رأيه وإختلافه ..
مرحب بكِ وبأرائك ..

تحياتي وودي ..

Quote: اضان الثقافة طرشة يا يمة !!

هسي عليك الله عمر الفاروق دا مالك عليهو هابشاهو

ربنا يوفق الجميع أخي صالح عبده ..
يدكم معنا لإنجاح برامجنا ولقاءاتنا الأسرية ..

تحياتي وسلامي ..

أبو محمد العمران سلام

عمر ده موافق على الإختيار ده ولا دي مجاملة ؟؟

إجابة ضفارية : السؤال دة حقو يسألو عمر و لا مو كدي ؟؟؟ ثم أن عمر عضو قديم و فاعل في اللجنة ، و لو ما عاوز المكتب دة ممكن ببساطة يقول ما عاوزو بصراحته المعهودة و ممكن يختار المكتب العاوزو.
العمل العام مافيهو مجاملات ولا ترضيات يا عمران

لأنو أنا الشي البعرفو أنو عمر لماتنا دي زاته " بي طريقته الحالية " عندو فيها راي " أحترمه لأنه برضو راي

كما قلت لك هو في اللجنة و قد شارك بآرائه في معظم اللمات و يطرح رأيو بكل شفافية و تتم مناقشة كل الآراء و في النهاية بنصل لنقطة إلتقاء.

ست البنيات :

لماتنا الأخيرة دي كنت أتمنى أن نرى واحدة من ال ذكرتيهن ، لكن عليك أمان الله مافي غير عفاف أبوحريرة و إنت بتهببوا لينا. و إنتو الإتنين ظروفكن معروفة.

حباب ال عاوزة تخش اللجنة و تساهم معانا .. بس غيابيا طبعا لا يمكن يتم تكليف أو تعيين فنحن لا نعلم ظروف غياب الآخرين. و ربما زي ما قال عمران ( عندهن رأي )

اقتراح:
فتح باب العضوية لاصدقاء سودانيز (القراء)
تشكيل كيان صغير لربط ابناء/بنات البورداب

أثني يا الشفيع و بقوة

سنطرح الإقتراح في الإجتماع القادم

تسلم

في إتصال هاتفي أفادني البروف عزالدين عمر من خارج السعودية بأنه قد تم تكوين لجنة قومية لدعم الوحدة السودانية. و بأنه سيت إشراك بورداب الرياض في أعمال هذه اللجنة القومية.

و قد أوضحتُ لسعادته بأن بورداب الرياض أيضا قد بادروا بالإتفاق على عمل معرض و ندوات و إحتفالية لدعم الوحدة.

كما أن السفير أحمد يوسف قد أمّن على هذه الفعاليات و إشراك البورداب في أعمال اللجنة القومية لما للبورداب من باعٍ طويل و عريق في مجال العمل الوطني ( التسامح الكبرى + قرار الجنائية + حملات دارفور )

إلى الأمام

Quote: الارباب وزير المالية

الزول دا خلاس كفاهو عدم القرش
شوفوا لينا زول مريش شوية عشان اغطي الفروقات كويس
.
.
نحن الذين نشكر لكم نجهودكم الجبارة
انتم الذين تصنعون الفرح بيننا وسط ركام الاحزان وهجير الغربة
شكرا لقائد الركب وكل اعضاءه الميامين
وكلكم والله مافيكم فزرة تببببببببببببببببببببب
.
.
يا بورداب العالم شفتوا ليكم جمعية عمومية تجيز خطاب ميزانية وموازنة في دقيقة واحدة ؟
ديل بورداب الرياض
وبكم نفتخر ونفاخر

ميلاد هيئة قوميّة لدعم خيار الوحدة بمدينة الرياض
الرياض : هويدا عبادي


شهدت العاصمة السعوديّة الرياض أمس الأول حالة نادرة بتشكيل أوّل تراضي سياسي بين مكونات الجالية السودانيّة منذ 20 عاماً على إثر ميلاد "الهيئة القوميّة لدعم خيار الوحدة" بمباني المستشارية الاقتصاديّة التي تتبع لسفارة السودان بالرياض. وقد ترأس السفير أحمد يوسف محمّد نائب رئيس البعثة السودانيّة بالمملكة الاجتماع الأوّل للهيئة التي تضم 40 عضواً من الناشطين في العمل الإعلامي والاجتماعي والسياسي والرياضي بمدينة الرياض، وقال السفير أحمد في كلمته إنّ الهدف من تكوين الهيئة يتلخّص في فعل ما يمكن فعله بما يجعل أبناء جنوب السودان يفضّلون خيار الوحدة عبر عمليّة الاستفتاء المزمع إجراؤها مطلع يناير المقبل، واختار الاجتماع بالإجماع البروفيسور عز الدين عمر موسى رئيساً للهيئة، والسفير أحمد يوسف رئيساً مناوباً والدكتور علي السماني مقرراً، وقال بروفيسور عز الدين إنّ ما سنقوم به من عمل سيرضي ضمائرنا بمشيئة الله ــ على الأقل ــ سيخفف من عقدة الذنب إن وقع الانفصال لاقدر الله، وإنّ ما نقوم به اليوم هو عمل تاريخي بكل المقاييس، وشكر السفارة على إطلاق هذه المبادرة، وقدّم رؤيته في ستة نقاط تبيّن توصيف الهيئة بأنها "رسميّة وشعبيّة" تأتلف من رموز في السفارة ونشطاء في الجالية، وقال المستشار العام بالسفارة إبراهيم منصور سوركتي إنّ العمل في هيئة دعم خيار الوحدة يتطلّب من الجميع أن يخلعوا "قمصانهم السياسية" داخل الهيئة لتكون قوميّة وتخدم أهدافها وغاياتها التاريخيّة، مشدداً على ضرورة بناء جسور الثقة بين مكونات الهيئة بأعضائها ولجانها المختلفة.

وتبارى المتحدثون في امتداح المبادرة التي تنطلق من مدينة الرياض كأول هيئة في مجالها خارج الوطن، وأكدوا على أنّها لا تتبع لحزب أو أي جسم داخل أو خارج السودان، لكنها تعمل لتحقيق أهدافها التي تمّ تداولها من خلال ورقة أعدتها السفارة. وقال المستشار البشرى عبد الحميد (حزب الأمّة القومي) إنّ نجاح العمل في الهيئة مرهون بمدى الثقة بيننا والنأي بالهيئة عن أي انتماء، مشيداً بالفكرة وبالدور الذي يمكن أن تحققه الهيئة. ونادى الأستاذ هاشم محمّد سعيد "رئيس الرابطة الرياضيّة" بتكثيف التواصل مع القبائل والرموز في الجنوب لترويج خيار الوحدة وشرح مهددات الانفصال ومخاطره.من جانبه طالب البروفيسور عثمان الحسن (الحزب الاتحادي الأصل) السفير أحمد يوسف بإعادة صياغة ماورد في الورقة المقدّمة ليتم الفصل بين الغايات والأهداف والوسائل والآليات، مشدداً على ضرورة تبني خطاب معتدل مع الحركة الشعبيّة ومكونات العمل السياسي في الجنوب. من جانبه نبّه الأستاذ هاشم الطيّار "مناطق التماس" من خطورة انفصال الجنوب، وماسيتبعه من ولادة جنوب جديد، لأنّ مناطق التماس ستحل جغرافياً محل الجنوب القديم، وقال إنّ السودان بهذه المتوالية الانشطاريّة سيعيش حالة سياسية عالية الحساسيّة تعزز حالة عدم الاستقرار التي لازمته منذ فجر الاستقلال. وأيّد الأمين العام لرابطة الإعلاميين الأستاذ محمّد خير عوض الله الفكرة التي قال إنّها توفّر فرصةً تاريخيّة لكل وطني كي يسهم في الحيلولة دون انقسام السودان لدولتين، وقال إنّ الهيئة بالتفاف الطيف السياسي في مدينة الرياض حولها، ستوفّر فرصة نادرة تعوّض الرأي العام ما عانى منه بسبب الصراع الطويل بين مكونات الجالية بمدينة الرياض طوال العقدين الماضيين، وعبّر عن سعادته بهذه الحالة النادرة التي تأسست على قضيّة وطنيّة لا تقبل القسمة على اثنين، مشدداً على أهميّة العمل الإعلامي ضمن عمل الهيئة، بسبب سرعة تأثير الرسالة الإعلاميّة في أي مجتمع. وفي كلمة موجزة عبّر القنصل العام لسفارة السودان المستشار محمّد إبراهيم الباهي عن أمله في أن تنجز الهيئة نجاحاً كبيراً في الترويج لخيار الوحدة عبر العديد من الأنشطة وطالب المكتب التنفيذي للهيئة بالإسراع في تحويل الخطط إلى واقع. وطالب محمّد زيدان كوّة (رئيس الحزب القومي) بأن يتخلى الجميع عن أي نظرة حزبية ضيّقة ترجع الناس لأجواء سابقة في الخلاف .وفي ختام التداول نادى البروفيسور عمر الشيخ الأصم (رئيس المؤتمر الوطني) بتفعيل خطط العمل التي تمّت اجازتها في محاور عمل الهيئة "لأنّ الوقت لاينتظر" بحساب الأسابيع القليلة المتبقيّة لأصعب امتحان يمر به السودان طوال تاريخه. واقترح البروفيسور عوض أبوزيد أن يفوّض الاجتماع الرئيس والرئيس المناوب والمقرر في اختيار الأعضاء المتبقين وتسكينهم في أمانات المكتب التنفيذي.

دينا سلام

موعتصم هى الرياض دى مالها بتشبه مثلث حمدى ؟
وسودان الطيب المضطفى ؟ ياكافى البلا لا جنوبى لا دارفورى
لا قبطى ولا اثراء للتنوع ،، لاااااااااا انتو استحقيتو
الصياغه على اسس جديدة .. معقوله كلها القصة من ابو حمد وماجاورها ؟؟
بالكتير تصلو المركز ؟ تبالغوا عديل كدا ....
لوووووووووووووووب خلى البوست دا يسخن يا حنين

مثلث حمدي و سودان الطيب لو تبحروا في طريقة تعامل البورداب في كيفية إختيار اللجنة لطلبوا منا المشورة و النصح
آدي الله و آدي حكمتو ، فليس بيننا قبطي و لا جنوبي ( كنا نتمنى لو موجودين ضمن البورداب )
الدارفوري الوحيد الذي كان معنا و لظروفه لم يعد حتى يأتي لمناسباتنا
أحمد العمار في اللجنة و من المسيرية
إدريس من النيل الأبيض
الباقين من الشمال و الوسط
فمن أين نأتي بتكملة لحم الرأس ؟؟؟؟ لو كان في طريقة كنا عملنا مكتب موارد بشرية و طلعنا فيز لتكملة الرصة.
هناك إقتراح بأن نضم من خارج البورداب و ثنينا الإقتراح و قلنا سنناقشه في أول إجتماع

سيبك بالله من أحمد حنين ، إرتحنا منو مما سافر و أهو قال جاي ، ربنا يعينا عليهو

دمتم

والله بالغتوا يا شفيف
تشكرونا نحن المعذبنكم ديل؟؟
ياخ القاعدين تعملوهو شوية ولّ شوية يعني؟
ربنا يوفقكم يا عمكـ





اللمة دي كان فيها معايير ######انة ما داير!

ابو جهينة ( بشير الرياض_ الريس الدايم)

Quote: سيبك بالله من أحمد حنين ، إرتحنا منو مما سافر و أهو قال جاي ، ربنا يعينا عليهو

امسكو الخشب

النقر جا



يا دينا خالد .. احلامك اوامر


و

يا حنين ويلكم باك ..
الرياض منورة يا حبيب ..

أها الخشب مسكناهو كدي النشوف أحلام دينا دي ..
يلا رتب أمورك سريع عشان نلقاك فاضي ..

سلام وشوق ..

Quote: والله بالغتوا يا شفيف تشكرونا نحن المعذبنكم ديل؟؟ ياخ القاعدين تعملوهو شوية ولّ شوية يعني؟ ربنا يوفقكم يا عمكـ

شرحه يا معتصم وبقية العقد النضيد

سلامي وإحترامي الكبير للجنة وجميع البورداب وأصدقائهم

أتمنى من الله أن نكون دايما مجتمعين على الخير والمودة

بالتوفيق

تحياتي للجميع

والله يا سيف فقدناك ..
ياخي المره الجاية قول ليهم أبيت عديل كده
السفر ملحوق ولازم أحضر لمة البورداب ..

يديك العافية يا حبيب ..

يا عمك ..
بس غير معسلك دا ياخ ..

كل سعينا دا وجهودنا دي من أجل لمة الأخوان ..
وهدفنا أن نطرد هم الغربة بوحدتنا ووجودنا مع بعض في إلفة ومحبة ..
ربنا يحقق المقاصد وأن نكون دائماً متلمين متحابين ..

يديك العافية ..

ودالبوش يا حبيب ..
أهلنا بقولو إيد على إيد تجدع بعيد ..
بتعاونا جميعاً كل شي بتم وزيادة ..
ربنا يقدرنا ونكون عند حسن ظن الجميع ..
الفترة القادمة تحتاج لتضافر الجهود من أجل إنجاح برامجنا ..
والتي من أهمها برنامج الوحدة والسلام ..

تسلم وتحياتي ..

قادر الله!
البورض بقى يشلّخ الســخـانة كمان!

التحية يا أيمن

Quote: الحمد لله على إجماع أهل الرياض عليكم.. وياقريبنا معتصم يوم 17/6 ده بكون عز الامتحانات.. رغم انو ما عندنا عيال وما مرتبطين بالمدارس.. لكن خايفين من تأثير ذلك على الحضور..

طيب .. وأول ما تنتهي الامتحانات غالبية الناس حا تتخارج البلد


شن قولكم

معكم ياشباب قلبا وقالبا

Sorry Mo, I've got a very poor Arabic keyboard

We are ready any time

Quote: Sorry Mo, I've got a very poor Arabic keyboard

بس ابعد لينا من السواحلي

مودتي

يا ود الباوقة
الزول دا قال للشفيف كلامكم دا كلو موافق
عليهو .. إلا منصب نائب الرئيس

بورداب الرياض الرائعين

لكم التحية وانتم تسعون لصناعة الاجمل

* نبارك للرئيس السابق منصب نائب الرئيس
* المكاتل مرحبا بك الرياض نورت
* اطالب د. محمد الحسن باحضار الباقة اياها
* وطارق مرغني احضار العود
* ود الصايم كل لمة بورداب سؤال الحكومة قائم(غتاية الحلة)

Quote: بل شكرا للجنة التي ظلت تبذل من وقتها ومالها وفكرها ليكون بورداب الرياض احد ألمع نجـــوم الورد شكراً لكم لأنكم جعلتونا نفتخر بــانتماءنا لكم وللرياض[/QUOT عمل جبار وهمة عالية أخي معتصم وجميع أعضاء اللجنة وإن كنت أخجل من تقصيري الشخصي في عدم الحضور ذلك اليوم بالرغم من حرصي الزائد .. نسأل الله لكم التوفيق والسداد ونكرر شكرنا على ما قمتم وظللتم تقومون به من جهود

---

Post: #65 Title: Re: شكراً بورداب الرياض على ثقتكم بنا .. Author: humida Date: 06-13-2010, 10:37 AM Parent: #64 شكرا معتصم علي فتح البوست .. في البدء اعتذر عن عدم تمكني من حضور و لقاء الاخوان .. و ذلك نسبة لتعارض مواعيد الاجتماع مع مشاوير الامم المتحدة و كدا .. تاني حاجة اعترض علي ترشيح الاخ ادريس الخليفة لشئون السكرتارية العامة ألا اذا كان ذلك لا يتعارض مع مهامه كوزير للري و مسئوليته المباشرة عن الدكتور نجيب .. اتمنى ( اقتراح) انضمام ود الصائم ( و شيشته ) الي اللجنة .. بالنسبة للرابطة الثقافية .. اتمنى استبعاد الاخ عبد الله داش .. ما ممكن لجنة يكون هو فيها المثقف الوحيد .. كدا بحصل انتربشن ريكويست .. علي ان يتولى الاخوان يوسف و عمر العواسة .. .. .. دمتم زخرا لهذا الوطن ..

---

Post: #67 Title: Re: شكراً بورداب الرياض على ثقتكم بنا .. Author: ود الباوقة Date: 06-13-2010, 11:00 AM Parent: #65 Quote: مع مشاوير الامم المتحدة و كدا .. عقبال وصول قوات الهجين يا حميدة بالله الامم المتحدة في البلد ... حمدا لله على سلامتها

---

Post: #72 Title: Re: شكراً بورداب الرياض على ثقتكم بنا .. Author: معتصم دفع الله Date: 06-13-2010, 04:46 PM Parent: #65 عاشت الأمم المتحدة زاتو يا حميدة .. فقدناك رغم تأكيدك بالجية ولا يهمك الجايات أكتر إن شاء الله .. ياخي مالك على الثقافية ديل والله يلمو فيك يخلو ريحتك ثقافة ثقافة بعدين العمل اللجاني دا الواحد بكون في المحل البقدر يقدم فيه حاجة .. الفترة الجاية دي عندنا عمل كبير وعايز ليهو جهود كبيرة عشان يخرج حسب تصورنا ليهو .. سلام ..

---

Post: #73 Title: Re: شكراً بورداب الرياض على ثقتكم بنا .. Author: معتصم دفع الله Date: 06-13-2010, 05:16 PM Parent: #64 مافي تقصير يا عادل جبارة الناس ظروفه مقدره .. دائماً بنكون حريصين على حضور الجميع وعدم تخلف أحد .. إن شاء الله اللمات جاية والبرامج موجودة نتمنى وجودكم معنا .. لك الود والسلام ..

---

Post: #71 Title: Re: شكراً بورداب الرياض على ثقتكم بنا .. Author: معتصم دفع الله Date: 06-13-2010, 04:34 PM Parent: #63 أستاذنا محمود بكر تحياتي .. غايتو دكتور محمد حسن دا كان باقته دي ما مرت بفحص شامل ما تدخل علينا .. قدر ما الناس تشرب منا أبت تكمل .. تسلم ..

---

Post: #70 Title: Re: شكراً بورداب الرياض على ثقتكم بنا .. Author: معتصم دفع الله Date: 06-13-2010, 04:20 PM Parent: #59 والله يا عبداللطيف بكري ضحكت على رد ودالباوقة لمن قربت أقع .. ياخي ترجع بالسلامة إن شاء الله وتاني شيل معاك كيبورد عربي للبلاد الما فيها عربي دي .. Quote: معكم ياشباب قلبا وقالبا يديك العافية دائماً حاضر .. تحياتي وسلامي ..

---

Post: #68 Title: Re: شكراً بورداب الرياض على ثقتكم بنا .. Author: معتصم دفع الله Date: 06-13-2010, 04:08 PM Parent: #57 في الوقت داك يواصل الموجودين يا نادر هكذا نعمل .. عارف دي طبيعة البلد دي يا إمتحانات يا إجازات ونحن قاعدين نوفق بينهم .. بس إنت خليك قريب ويدك معانا كل الأيام واللمات ح تكون حلوة بيكم .. تحياتي يا صديق ..

---

Post: #69 Title: Re: شكراً بورداب الرياض على ثقتكم بنا .. Author: أيمن دياب Date: 06-13-2010, 04:16 PM Parent: #68 Quote: طيب .. وأول ما تنتهي الامتحانات غالبية الناس حا تتخارج البلد مرحبتين نادر.. الحل أول خميس بعد الاجازة.. وفرصة طيبة نشوفك فيها..

---

Post: #74 Title: Re: شكراً بورداب الرياض على ثقتكم بنا .. Author: ود الباوقة Date: 06-13-2010, 05:41 PM Parent: #69 Quote: يا ود الباوقة الزول دا قال للشفيف كلامكم دا كلو موافق عليهو .. إلا منصب نائب الرئيس ياعمك بالله هو قال كدا دا فاكروا لقى غتاية الحلة حقتك

---

Post: #75 Title: Re: شكراً بورداب الرياض على ثقتكم بنا .. Author: ابو جهينة Date: 06-13-2010, 07:54 PM Parent: #74 أحمد حنين عمر البشير الرياض الريس الدائم تعال بتنازل ليك عنها بدون إنتخابات و لا خج ، و الإستراحة و العشا علي أنا.

---

Post: #76 Title: Re: شكراً بورداب الرياض على ثقتكم بنا .. Author: ABUHUSSEIN Date: 06-14-2010, 05:57 AM Parent: #75 بالتوفيق إن شاء الله للجميع أتمنى إشراك العنصر النسائي في تنظيم اللقاءات الأسرية و تجهيز كل ما يخص اللقاءات يعني الأكل و الشراب و كدا علشان ما نجي نلقى حميدة شايل طاسة عمود و قاعد ياكل و تمبس شايل ليهو سندوتش و متكي بالكرسي و بكلم في داليا بالموبايل و ود الصائم شايل التلج و إُكب فيه زي النبق في الكبابي و طارق ميرغني بشتري من تمبس الشي الفي الجركانة داك. تحياتي للجميع

---

Post: #77 Title: Re: شكراً بورداب الرياض على ثقتكم بنا .. Author: abdulhalim altilib Date: 06-14-2010, 07:57 AM Parent: #76 شكراً يا مو والمجموعة الذهبية معكم ، دايماً رائعين .. وفريق أبو جهينة في أدائه وإنجازاته أروع من فريق ألمانيا أمبارح أمام أستراليا ؟! عشان كده استحقيتو الاستمرارية والديمومة في اللجنة التنفيذية عشان تواصلوا مسيرة العطاء المغموس في التفرد والابداع والبساطة. فشكراً .. شكراً .. شكراً .. وعساو يوم شكركم ما يجي . و .. في انتظار المزيد .. بس بعد الامتحانات .. وبلاش 17 يونيو ؟! تخريمة : العزيز / ابو الحسين : Quote: علشان ما نجي نلقى حميدة شايل طاسة عمود و قاعد ياكل و تمبس شايل ليهو سندوتش و متكي بالكرسي و بكلم في داليا بالموبايل و ود الصائم شايل التلج و إُكب فيه زي النبق في الكبابي و طارق ميرغني بشتري من تمبس الشي الفي الجركانة داك. لكن الكاميرا ما عندك ؟! تصوير رااااااائع و خطيييييييييييييييير ؟!!؟؟ مودتي ، ( ليمو )

---

Post: #78 Title: Re: شكراً بورداب الرياض على ثقتكم بنا .. Author: عفاف أبو حريرة Date: 06-14-2010, 10:04 AM Parent: #77 يا ابو عمر شكرا فلقد أهديتمونا يوم جميل والواحد بيشوف في لمة البورداب لمة أهله واقرب الأقربين ليه كان يوم جميل سعدت بلقاء عدد كبير من الأخوات وده العشم إنه البورداب كلهم بطن بيت واحد طبعا أحلى حاجه لاقيت الأمورتين صاحبات الوجه الملائكي نجلات أبوجهينة كان الحضور زوجة طارق مرغني العزيزة فوزية خالة البورداب إنعام الموج أسرة يوسف السماني, سارة أسرة طارق نقد ,راما أسرة ود البوش, نايلة أسرة إسماعيل عباس الدينمو الكان محرك اليوم كله حياة وبناتها عبير ويا سمين أضفوا ألق رائع على اليوم أسرة أبو الحسين بتاع المشاكل البيكتب شهر ويوقفوه شهرين (هكذا عرفت زوجته عن نفسها ) أسرة صالح عبده أسرة طلال أوووووو وكان لعموري معتصم دفع الله ووالدته الجميلة مودة حضور ملكي أسرة دكتور محمد الحسن ,نهى أسرة الأرباب خالد سعيد ,إيمان أسرة الإعلامي المتألق صاحب الحضور الكامل معاوية التوم أسرة مصدق حسين وأعتذر إذا غاب عن ذاكرتي بعض الأسماء لأنه حضرنا متأخرين كما أبدي إستعدادي التام في أي وقت لأي مساعده لأنه أي لمة لبورداب الرياض والله أنا بحسها كأنها في بيتي وكأنكم إنتو كلكم أخواني وأخواتي وضيوفكم بعتبرهم كأنهم ضيوفي والشكر موصول للريس أبو جهينة واللجنه الموقرة وأرمو لقدام بس اللمة خلوها لينا أول خميس بعد الإمتحانات الله يرضى عليكم

---

Post: #79 Title: Re: شكراً بورداب الرياض على ثقتكم بنا .. Author: فتحي الصديق Date: 06-14-2010, 11:05 AM Parent: #78 معتصم الغالي ورفاقه الكرام ... ياخي شكرا بتاع شنو؟ نحن المفروض نشكركم والله على ما قمتم به وعلى قبولكم التكليف بالاستمرار .. بس أوعا الامور الصغير دا وأمو يعطلو نشاطك .. واللمة بعد الامتحانات ..كويس يا معتصم؟؟؟ عارف الامتحانات بتنتهي متين ؟؟؟؟؟هههههه

---

Post: #80 Title: Re: شكراً بورداب الرياض على ثقتكم بنا .. Author: انعام حيمورة Date: 06-14-2010, 11:19 AM Parent: #79 ابو عمر تستاهل (:

---

Post: #81 Title: Re: شكراً بورداب الرياض على ثقتكم بنا .. Author: tmbis Date: 06-14-2010, 02:02 PM Parent: #80 سلامات يا شباب .. أن تاتي متأخر .. خير من أن تأتي متأخر .. أو أن تاتي متأخر كما قال احد الشعراء .. تحية خاصة للجنة في شكلها الجديد القديم .. وباب النجار مخلع لانو في اللجنة الاعلامية وما ظاهر في البوست دا شديد .. وذلك لظروف عملية واجتماعات .. لكن البركة في معتصم يسدها ويقدها .. التحية لكل المتداخلين في البوست من بورداب الرياض وضيوفهم .. والتحية لترابط بورداب الرياض فهم الاصل في المبادرات الطيبة والاعمال الجميلة .. لنبدأ ضربة البداية بقوة كما اتفقنا في اقرب برنامج تم التخطيط ليهو فور الانتهاء من تجديد الثقة في اللجنة ..

---

Post: #82 Title: Re: شكراً بورداب الرياض على ثقتكم بنا .. Author: نادر النور آدم Date: 06-14-2010, 02:39 PM Parent: #81 Quote: يا ابو عمر شكرا فلقد أهديتمونا يوم جميل والواحد بيشوف في لمة البورداب لمة أهله واقرب الأقربين ليه كان يوم جميل سعدت بلقاء عدد كبير من الأخوات وده العشم إنه البورداب كلهم بطن بيت واحد طبعا أحلى حاجه لاقيت الأمورتين صاحبات الوجه الملائكي نجلات أبوجهينة كان الحضور زوجة طارق مرغني العزيزة فوزية خالة البورداب إنعام الموج أسرة يوسف السماني, سارة أسرة طارق نقد ,راما أسرة ود البوش, نايلة أسرة إسماعيل عباس الدينمو الكان محرك اليوم كله حياة وبناتها عبير ويا سمين أضفوا ألق رائع على اليوم أسرة أبو الحسين بتاع المشاكل البيكتب شهر ويوقفوه شهرين (هكذا عرفت زوجته عن نفسها ) أسرة صالح عبده أسرة طلال أوووووو وكان لعموري معتصم دفع الله ووالدته الجميلة مودة حضور ملكي أسرة دكتور محمد الحسن ,نهى أسرة الأرباب خالد سعيد ,إيمان أسرة الإعلامي المتألق صاحب الحضور الكامل معاوية التوم أسرة مصدق حسين وأعتذر إذا غاب عن ذاكرتي بعض الأسماء لأنه حضرنا متأخرين كما أبدي إستعدادي التام في أي وقت لأي مساعده لأنه أي لمة لبورداب الرياض والله أنا بحسها كأنها في بيتي وكأنكم إنتو كلكم أخواني وأخواتي وضيوفكم بعتبرهم كأنهم ضيوفي والشكر موصول للريس أبو جهينة واللجنه الموقرة وأرمو لقدام بس اللمة خلوها لينا أول خميس بعد الإمتحانات الله يرضى عليكم تحياتي يا أستاذة أضيفي المرة الجاية بإذن الله أسرتنا (المدام والست همسة) دا انتو حا تشوفو إزعاج ما حصل لي قدام

---

Post: #83 Title: Re: شكراً بورداب الرياض على ثقتكم بنا .. Author: محمد عبدالرحمن Date: 06-14-2010, 02:58 PM Parent: #82 عمر الفاروق مسؤول من الثقافة دى يامعتصم زى تجيب منير امبده تلعبو راس حربه ..لكن بتكون مقبوله فى اطار (شراء الدماغ ) ...احسن يازول ..ترتاحوا من الشناف والتبخيس ... *** امنياتى لكم بالتوفيق ...

---

Post: #101 Title: Re: شكراً بورداب الرياض على ثقتكم بنا .. Author: معتصم دفع الله Date: 06-17-2010, 10:28 AM Parent: #83 محمد عبدالرحمن يا صاحب .. كيفك يا حبيب ووين الحي بيك .. ياخي مالكم على عمر الفاروق دا شانين عليه هجوم دينا خالد برضو ما قصرت معاه .. الزول دا أدوهو فرصة يوريكم إبداعه بالجد الزول دا فنان .. تسلم يا حبيب ..

---

Post: #100 Title: Re: شكراً بورداب الرياض على ثقتكم بنا .. Author: معتصم دفع الله Date: 06-17-2010, 10:12 AM Parent: #81 حاضر يا تامبا دائماً .. زي ما قلت لازم نجتهد أكثر عشان نقدر نخرج ما خططنا له من برامج بصورة ترضي الجميع .. وبتفاعلنا لجنة مع أعضاء قادرين لعمل كل ما هو جميل .. يديك العافية يا حبيب ..

---

Post: #99 Title: Re: شكراً بورداب الرياض على ثقتكم بنا .. Author: معتصم دفع الله Date: 06-17-2010, 09:30 AM Parent: #80 عروستنا الجميلة انعام .. والله مشتاقييين .. كيفك وأزهري وناس البيت كلهم .. تحياتي لهم جميعاً ..

---

Post: #98 Title: Re: شكراً بورداب الرياض على ثقتكم بنا .. Author: معتصم دفع الله Date: 06-17-2010, 09:18 AM Parent: #79 الحبيب فتحي الصديق تحياتي .. ما ح يكون في تعطيل إن شاء الله والبركة في الشباب .. والشكر ليكم إنتو برضو ما قاعدين تقصروا مع اللجنة قائمين بالواجب وأكتر .. اها اللمة دي مديناها ليكم أصلو ما ح نقول حاجة .. إن شاء الله دائماً ملمومين في الخير .. محبتي ..

---

Post: #84 Title: Re: شكراً بورداب الرياض على ثقتكم بنا .. Author: abdulhalim altilib Date: 06-14-2010, 03:35 PM Parent: #78 أختي العزيزة / عفاف أبو حريرة تحياتي ، فعلاً كانت لمة جميلة وسعدنا فيها برؤية الأحباب ، خاصةً أولئك الذين انقطعنا عنهم فترة من الزمن (قد تحسب بالشهور) ، رغم أننا كلنا في الرياض (ولكلٍ ظروفه) . Quote: وأعتذر إذا غاب عن ذاكرتي بعض الأسماء لأنه حضرنا متأخرين وبالطبع ما لاقيتي أسرتي :(سهام الجيلي وبناتها) ، لأنهن كن وقتها قد خرجن للمشاركة في فعالية أخرى ومجاورة ، خاصة بأهلنا في رابطة أبناء الجيلي . و .. مع لمة الاخوان والأحباب .. مؤكد الجايات أكثر من الرايحات . مودتي ، ( ليمو )

---

Post: #97 Title: Re: شكراً بورداب الرياض على ثقتكم بنا .. Author: معتصم دفع الله Date: 06-17-2010, 08:46 AM Parent: #78 يديك العافية يا أم أحمد .. دوركن ملحوظ وما تقومن به يجد منا كل تقدير .. وزي ما شايفه المداخلات فوق كلها عايزه تفعيل الدور النسائي في أنشطة البورداب .. يلا همتكن معانا وأعملوا إتصالاتكن مع بعض وأدونا إختراحاتكن .. ما شاء الله اللستة بتاعتك تمام التمام والمره الجايه عايزين العدد يرتفع كمان وكمان .. تسلمي كتير .. مع كل الحب والإحترام ..

---

Post: #93 Title: Re: شكراً بورداب الرياض على ثقتكم بنا .. Author: معتصم دفع الله Date: 06-15-2010, 09:38 AM Parent: #77 كل مانقوم به بفضل وجودكم ووقفتكم معنا يا ليمو .. أنت والأسرة تشكلون حضوراً أنيقاً في كل اللمات .. ربنا يديم المحبة والوئام بين الجميع وأن نجتمع على الخير دائماً .. لك الشكر .. وعاطر التحايا ..

---

Post: #88 Title: Re: شكراً بورداب الرياض على ثقتكم بنا .. Author: معتصم دفع الله Date: 06-15-2010, 08:21 AM Parent: #76 Quote: أتمنى إشراك العنصر النسائي في تنظيم اللقاءات الأسرية وتجهيز كل ما يخص اللقاءات يعني الأكل و الشراب كثيراً ما نفعل ذلك يا أبوحسين .. أخواتنا ما قاعدات يقصرن وياها دي المحرية فيهن .. وزي ما شفت في ردودنا فوق نحن مأمنين على إضافة العنصر النسائي في اللجنة لترتيب المناسبات وتفعيل الجانب الأسري ولآرائهم في الكثير من البرامج التي تخص المجموعة .. يديك العافية يا حبيب ..

---

Post: #85 Title: Re: شكراً بورداب الرياض على ثقتكم بنا .. Author: احمد العمار Date: 06-14-2010, 04:45 PM Parent: #1 الشفيف أبوعمر تحياتى و شكرى الاكيد على فتح هذا البوست نشكر للبورداب الثقة الغالية و نتمنى ان نكون عند حسن ظن الجميع كما اتمنى من اللجنة ان تجتهد فى انجاز البرامج المقترحة مستقبلا أحمد العمار

---

Post: #86 Title: Re: شكراً بورداب الرياض على ثقتكم بنا .. Author: ABUHUSSEIN Date: 06-15-2010, 05:36 AM Parent: #85 Quote: أسرة أبو الحسين بتاع المشاكل البيكتب شهر ويوقفوه شهرين (هكذا عرفت زوجته عن نفسها ) يا عفاف الما بخليني أكون بتاع مشاكل شنو ؟؟؟ زي كلامك دا بفوتوهو ساكت ؟؟؟ دا غير الكلام اللي أنا سكت عليهو و قلت يا ود خليك مسامح لكن شكلك ما عايزه تخليها تعدي على خير عليك الله الود الحلو دا بشبه ود الباوقة ؟؟؟؟ و الله ود الباوقة كان بشبه أحمد الصورتو في البروفايل دي كان الآن إكون في هوليود مش الرياض

---

Post: #87 Title: Re: شكراً بورداب الرياض على ثقتكم بنا .. Author: داليا الكباشى Date: 06-15-2010, 05:50 AM Parent: #86 أقترح توفير معينات للعمل , يعني تدو كل واحد لابتوب وكونكت (فيراري) , واشتراك لمده (مدى الحياه) .. خاصـه بتاعين اللجنه الاعلاميه ديل (حميده ما تدوهو مزااج ساي كدا).. ------------- ماشالله ربنا يوفقكم يارب, ياريت تكون من اول المشاريع المقترحه (مشروع حقيبه المدارس) .. ابقوا طيبيبن ..

---

Post: #89 Title: Re: شكراً بورداب الرياض على ثقتكم بنا .. Author: ود الباوقة Date: 06-15-2010, 08:29 AM Parent: #87 Quote: عليك الله الود الحلو دا بشبه ود الباوقة ؟؟؟؟ و الله ود الباوقة كان بشبه أحمد الصورتو في البروفايل دي كان الآن إكون في هوليود مش الرياض ربنا يخليه ويحفظه عسل بث طالع لي ابوه

---

Post: #90 Title: Re: شكراً بورداب الرياض على ثقتكم بنا .. Author: طارق ميرغني Date: 06-15-2010, 08:54 AM Parent: #89 بورداب الرياض الرائعين لكم التحية وانتم تسعون لصناعة الاجمل * نبارك للرئيس السابق منصب نائب الرئيس * المكاتل مرحبا بك الرياض نورت * اطالب د. محمد الحسن باحضار الباقة اياها * وطارق مرغني احضار العود * ود الصايم كل لمة بورداب سؤال الحكومة قائم(غتاية الحلة) اخي محمود ما شايفك جبت سيرة وزير الري ابو حسين ... المره الجايه قالوا مجانا لانو د. محمد حسن عندو خلطه جديده عايز يجربا فينا مشكوره اختنا عفاف ابو حريره وبوجودك وصديقي المحرب يزدان المكان

---

Post: #91 Title: Re: شكراً بورداب الرياض على ثقتكم بنا .. Author: محمد عبد الماجد الصايم Date: 06-15-2010, 09:01 AM Parent: #90 Quote: ود الصايم كل لمة بورداب سؤال الحكومة قائم(غتاية الحلة) تعرف يا بكر يا عمكـ قصة غتاية الحلة مشت قريب تلاتة شهور بعد رمضان داكـ! أها كل ما يجي رمضان وأقول ليها فطور البورداب الهلاّ هلاّ تقوم! غتاية الهوط بوط (ساخن بارد)، ونرجع للنقة تاني! أقول ليها ما جبت ليكـ تلاتة بدلا، تقول لا لا ديكـ أصلوا ماف زيّها! تقول صنعوها واحدة بس! غايتو لو ربّنا حيانا لرمضان الجاي إن شاء الله حأضطر أجيب أكل سفري وخلاس عشان ما أفتح الموضوع دا تاني!

---

Post: #92 Title: Re: شكراً بورداب الرياض على ثقتكم بنا .. Author: tmbis Date: 06-15-2010, 09:18 AM Parent: #91 Quote: لانو د. محمد حسن عندو خلطه جديده عايز يجربا فينا .. اضف لي ذلك يا باشمهندس .. إنو المرة الجاية .. (باقة) العسل اياها تعمل ليها فحص جودة بعيد عني .. بي صورة أوضح: تملى كبايتك بي طريقتك الخاصة .. عشان كان حصلت اي ردود فعل سلبية انا اكون في السيف صايد ..

---

Post: #95 Title: Re: شكراً بورداب الرياض على ثقتكم بنا .. Author: عفاف أبو حريرة Date: 06-15-2010, 10:30 AM Parent: #90 Quote: مشكوره اختنا عفاف ابو حريره وبوجودك وصديقي المحرب يزدان المكان الأخ العزيز جدا طارق صدقني بمعرفة أمثالك إنت والرائعة فوزية الواحد تزدان حياته ودي من الحاجات اللي بتخلي الواحد يحس بالإنتماء قلبا وقالبا لهذا الموقع الجميل دم بخير

---

Post: #104 Title: Re: شكراً بورداب الرياض على ثقتكم بنا .. Author: معتصم دفع الله Date: 06-22-2010, 06:26 PM Parent: #87 داليا إزيك .. وسلام كتييير .. بخصوص الكونيكت غايتو لسه ما ناقشنا الميزانية لكن بنختها في حسبانا بالنسبة لمشروع زي عودة المدارس مفترض يبدأ من وقت بدري في وجهة نظري عشان لو في مساهمات تصل لأصحابها قبل وقت كافي من بداية المدارس .. ربنا يقويكم ويوفقكم في مشاريع الخير ..

---

Post: #107 Title: Re: شكراً بورداب الرياض على ثقتكم بنا .. Author: مهدى الصادق السيد Date: 06-23-2010, 06:34 AM Parent: #104 مبروك يا موووووووووووووووو بالتوفيق ..

---

Post: #94 Title: Re: شكراً بورداب الرياض على ثقتكم بنا .. Author: عفاف أبو حريرة Date: 06-15-2010, 10:24 AM Parent: #86 Quote: يا عفاف الما بخليني أكون بتاع مشاكل شنو ؟؟؟ زي كلامك دا بفوتوهو ساكت ؟؟؟ دا غير الكلام اللي أنا سكت عليهو و قلت يا ود خليك مسامح لكن شكلك ما عايزه تخليها تعدي على خير عليك الله الود الحلو دا بشبه ود الباوقة ؟؟؟؟ و الله ود الباوقة كان بشبه أحمد الصورتو في البروفايل دي كان الآن إكون في هوليود مش الرياض ` الليــــــــــــــــــــــــــــــــلـه اللهم حوالينا ولا علينا هههههههههههههههههههههههههه أخي العزيز أبو الحسين عارف من أروع الناس الأنا سعدت بلقائهم زوجتك المصونه طبعا عندي مشكله مع لخبطة الأسامي أكيد هي ح تكون حكت ليك أما شبيه السيد ود الباوقه النجم الهوليوودي ربنا يحفظه ويخليه كان محور تركيزي القعده كلها وخلب لبّي بالمناسبه بعيدا عن السياسه الرياض دي كلها بركتها الأخ الفاضل ود الباوقه :)

---

Post: #96 Title: Re: شكراً بورداب الرياض على ثقتكم بنا .. Author: طارق ميرغني Date: 06-15-2010, 10:40 AM Parent: #94 صديقي تمبس يعني خوه فرتق ؟؟ خلاص ما تزعل العسل تضوقو جهه محايده وترفع ليك تقرير دون تدخل من وزير الري او من الدكتوره ....!!! وعلي ضوء ذلك نقرر المعاقرة من عدمه حلوه المعاقرة دي.. ربنا يديك العافيه اختي عفاف ابو حريره... رحلتوا ولا لسه ...؟

---

Post: #103 Title: Re: شكراً بورداب الرياض على ثقتكم بنا .. Author: ود الباوقة Date: 06-17-2010, 11:59 AM Parent: #94 Quote: بالمناسبه بعيدا عن السياسه الرياض دي كلها بركتها الأخ الفاضل ود الباوقه :) اختنا عفاف والله انتو كل البركة والخير والفال الحسن دائما ما تضيفون روعة على روعة البورداب التحية لك ولشيخ العرب ابو احمد ولكل ال ابو حريرة في كل مكان مودتي

---

Post: #102 Title: Re: شكراً بورداب الرياض على ثقتكم بنا .. Author: معتصم دفع الله Date: 06-17-2010, 10:54 AM Parent: #85 أبوحميد العمار سلام يا زول يا زين .. أكيد البورداب هم سند اللجنة والمعاون الأصيل لهم .. نحتاج لمزيد من الجهد حتى تخرج برامجنا كما خططنا لها .. تحياتي وودي ..

---

Post: #105 Title: Re: شكراً بورداب الرياض على ثقتكم بنا .. Author: معتصم دفع الله Date: 06-22-2010, 06:33 PM Parent: #102 * تنبيه .. سوف يكون هنالك إجتماع لجنة في منزل الأخ إدريس علم الهدى الساعة الثامنة والنصف من مساء غدٍ الأربعاء 23/6/2010 .. نرجو من جميع أعضاء اللجنة الحضور في الزمان والمكان المحددين ..

---

Post: #106 Title: Re: شكراً بورداب الرياض على ثقتكم بنا .. Author: التيجاني عبد الباقي Date: 06-22-2010, 06:55 PM Parent: #105 اخوى معتصم يا روعة حفظ الله الصغيرة وجعلها الله من الصالحات ونعمل اجتماع ونصوت ليكم بالاجماع وجهودكم مقدرة ما اعجبني فيكم وقت الخدمات ظاهرين وفي الصقرية مختفين الا المحرب سيخ العرب غطي عليكم لله دركم ولكم المودة جميعا بس حكاية الجركانات دي وراها كلام...

---

Post: #108 Title: Re: شكراً بورداب الرياض على ثقتكم بنا .. Author: adam alamar Date: 06-25-2010, 10:31 PM Parent: #106 بسم الله الرحمن الرحيم الاخ معتصم .. و الله تستاهلوا هذه الثقة و ربنا يقدركم على المضي بنفس الثبات و ميزانيتكم .... اشفف ( على وزن افعل ) ميزانية شفتها ادعموها شوية ..... الارتباطات الاخري قسمت معاكم اليوم ..... عشان كدة جيناكم نص اسرة .... و نص يوم ( الانصاص دي ما معانا انصاص الفي الجركانات ) مع مودتي ادم العمار

---

Post: #109 Title: Re: شكراً بورداب الرياض على ثقتكم بنا .. Author: التيجاني عبد الباقي Date: 06-25-2010, 11:04 PM Parent: #108 اخونا ادم العمار تحياتي انت شفت كماااان ..........الجركانة !!!!!!!!!