Post: #1
Title: لا لا ياعقد الجلاد ....؟؟؟؟
Author: خالد سمارة
Date: 06-09-2010, 03:51 PM
ماتبقى من فرح ماعاوزنو يروح
نستحلفكم بالله ماتذيدوا هم فوق همنا...
وتشيلوا حلمنا
استهدوا بالله واقعدوا تحت
خليكم مع بعض عقد منضوم بالنور ...
لنوقع جميعا لاستمرار عقد الجلاد من غير جدل ..من غير انفصال وتقرير مصير
|
Post: #2
Title: Re: لا لا ياعقد الجلاد ....؟؟؟؟
Author: محمد سنى دفع الله
Date: 06-09-2010, 04:15 PM
Parent: #1
اثعي بدون ما اعرف منو كمان العايز انفصل
عقد الجمال جميل في وحدتو
نرجوكم كونوا مع بعض
اخوة واحبة
وعقد الجمال الذي نعرف
|
Post: #3
Title: Re: لا لا ياعقد الجلاد ....؟؟؟؟
Author: اشرف السر
Date: 06-10-2010, 02:33 AM
Parent: #2
عقد الجلاد
عقد الجمال
ولا بديل لها
|
Post: #4
Title: Re: لا لا ياعقد الجلاد ....؟؟؟؟
Author: خالد العبيد
Date: 06-10-2010, 03:30 AM
Parent: #3
سلام ومحبة تغشاكم خليكم حبايب
|
Post: #5
Title: Re: لا لا ياعقد الجلاد ....؟؟؟؟
Author: خالد سمارة
Date: 06-10-2010, 07:05 AM
Parent: #4
شِنْ فايدة مديدة الحلبة والويقود بشيلو اليانكي ؟؟
يا ابو السُّرة
قامت من دخاخين العمى تلمِّع وشِيها
اليانكي مِسْتَنِّيهَا
كان اليانكي مستنيها في مراية السَجَم في اللّيل
لقيتها مِتِلْ فريخ الطّير
مَرَقْ ود عينها من ود عينها
رجّافة المزمّلْ حُمّى
جَفَلَتْ مِنّو
وَقَعَتْ عندي
صدرها بغلي
يا ابوالسُّرة
شُفْتَ اليانكي في ود عينها
سُقْتَها للبحر
يمكن يغسِّل عينها من اليانكي
فُتْنَا الحَجْرة بالكَتّة وغطسنا مسافة
تبقى قَدُر مسالك الرّيدة
ما لاقانا من يغبانا في البحر الفَدَرْ تحتاني
ناس عارفاها
ناس عارفاكا
ناس عارفاني
ناديت القعوي والبُلْطي
قرقور السّمَك ودّاني لي دابي الخُشَشْ
نادينا عُمّال الطّمِي
عُمّال الطّمِي الصّارقيلا
والقَرْمُوط
وود الموية
فُتْنَا عليها
كانت نايمة
عَجّال البحر حارساها كانت نايمة
بين حجرين وضُل ساسوية كانت نايمة
وعُمّال الطّمِي الصّحونا لّمُو حصى البحر
قسموهو ياتْ من كان سبع جمراتْ
دابي الخُشّة قال :
أدُّوها في الجمرات تلات سبعاتْ
قُلْنا :
أدُّوها في الجمرات تلات سبعاتْ
مَسَكْنَا دَرِبْنَا
عُمّال الطّمِي الصّحوها
خابرين الدّروبْ
مَرَقوبنا فوق مُشْرَعْ مسارب الضّيْ
لقينا الدُّنيا تترجّانَا
قُوقَا القِمْري
خَوّى صِقيرْ
وعَوّى حِديْ
وعُمّال الطّمِي الصّحونَا
لَمُّو على البعرفو الصّيْ
حَصَى القيزان
دوابي الدّارْقَة
والسِّحْليّة
والنّاسْ التِّحِتْ
النّاسْ التِّحِتْ خابرين عَمايْل اليَانْكي
مَرّة معونة لي اللّغّاف
ومَرّة دَوانْكِي
شِنْ معناهو جيبها إن كان ملوهو بوانكي
صوتها مكتِّمو القَرَبين سيوف وسَوانْكِي
|
Post: #6
Title: Re: لا لا ياعقد الجلاد ....؟؟؟؟
Author: خالد سمارة
Date: 06-10-2010, 07:25 AM
Parent: #5
ربع قرن من العطاء ...
حتى اصبحتم من مكونات الثقافة والارث والتاريخ ...
لهذا الوطن العظيم
واغانيكم اصبحت ملك لجمهور يحبكم جدا
لتبقى عقد الجلاد
وحبنا لكم باقى
|
Post: #7
Title: Re: لا لا ياعقد الجلاد ....؟؟؟؟
Author: محمد كابيلا
Date: 06-10-2010, 09:32 AM
Parent: #1
خالد سمارة ...سلااااام
| Quote: لنوقع جميعا لاستمرار عقد الجلاد من غير جدل ..من غير انفصال وتقرير مصير |
نبصم ...
|
Post: #8
Title: Re: لا لا ياعقد الجلاد ....؟؟؟؟
Author: خالد سمارة
Date: 06-10-2010, 01:17 PM
Parent: #7
كابيلا ...
يامشاوير ضيعينى اصلى ليك انا مانى هين...
تتدفق الموسيقى منك عثمان النو شلالات ضياء تجعل للكون حس العبق ولون السحر
الخير ...وانت كل الخير ماضهبنا نقول لقيناك وين ماشى؟؟؟
شمت ...فارس للحوبه ...
شريف لى وين كيف ومتين يا ضحكة ضاعت وين ؟؟؟
انور ...نعمة اخيتى اخت الغلابة تدى للجيعان لقيمة
مافى طريقة الباقى لينا غناكم
|
Post: #9
Title: Re: لا لا ياعقد الجلاد ....؟؟؟؟
Author: محمد فرح
Date: 06-10-2010, 01:36 PM
Parent: #8
فعلاً من قبل فترة سمعت حديثاً عن إنفصال جزء من الفرقه وهو أمر أحزنني بشده
أرجو أن يتجاوز اعضاء الفرقه هذه الخلافات
بالجد نحتاجكم بشده لدعم الوحده
وأناشد أيضاً الفنانين الآتيه أسماؤهم لأن يغنوا للوحده
النور الجيلاني
محمود عبدالعزيز
وهو إقتراح أرجو أن يرى النور أن تكون هنالك مهرجانات للوحده يشارك بها هؤلاء الفنانين بكل أرجاء السودان ومعهم ذلك الشاب الأبنوسي الجميل الذي ظهر بنجوم الغد
|
Post: #10
Title: Re: لا لا ياعقد الجلاد ....؟؟؟؟
Author: محمد النيل
Date: 06-10-2010, 01:43 PM
Parent: #9
أوقع
من اجل الوحدتين
|
|