Post: #1
Title: بصراحة د. كرار التهامي ده راجل تحفة
Author: د.محمد حسن
Date: 06-08-2010, 10:14 PM
بصراحة زي ما قال كابلي
حيرني وسحر
مريت اليوم بجريدة الخرطوم فرع المؤتمر الوطني ولقيت في نص الصفحة عنوان كبييييييييييييييييير
د. كرار التهامي ينادي بعدم الاتجار بالبشر
خفت على روحي كمغترب
قلت بعد ما عصرونا ونشفونا
عايزين يبيعونا
ورجعت بي الذاكرة للقاء الذي نظمه سعادة الدكتور الامين العام لجهاز المغتربين بالرياض والكان عايز يبيع لينا فيه الترماي ويعمل وزارة للهجرة يبقى هو وزيرها ونروح نحن في الباي باي الاصلنا رايحين فيه
يا عزيزي كرار التهامي
عليك الله انت عايز تعمل شنو
قال اتجار بالبشر قال
|
Post: #2
Title: Re: بصراحة د. كرار التهامي ده راجل تحفة
Author: د.محمد حسن
Date: 06-08-2010, 11:04 PM
Parent: #1
الغريبة الراجل ده يوم واحد ما اتكلم عن مشاكل الجهاز مع المغتربين
ساكي حاجات ما ليها اي علاقة بالجهاز
|
Post: #3
Title: Re: بصراحة د. كرار التهامي ده راجل تحفة
Author: د.محمد حسن
Date: 06-09-2010, 08:19 AM
Parent: #2
يجيئني احساس ان بعض الوظائف تكون صوية
اي ان من يعين فيها
ليس مسئولاالبحث في مشاكلها او معني بتطويرها
مسالة وجاهة وتصريحات
|
Post: #4
Title: Re: بصراحة د. كرار التهامي ده راجل تحفة
Author: طارق ميرغني
Date: 06-09-2010, 08:23 AM
Parent: #3
يا دكتور... لغاية هسه ما وريتنا "تحفه" كيف ؟
|
Post: #5
Title: Re: بصراحة د. كرار التهامي ده راجل تحفة
Author: المسافر
Date: 06-09-2010, 08:27 AM
Parent: #4
Quote:
ساكي حاجات ما ليها اي علاقة بالجهاز |
إنشاء الله يكون ساكي القطر
انقر !!
تلقاه فايت القطار والقدرو
|
Post: #16
Title: Re: بصراحة د. كرار التهامي ده راجل تحفة
Author: د.محمد حسن
Date: 06-09-2010, 04:29 PM
Parent: #5
Quote: إنشاء الله يكون ساكي القطر
انقر !!
تلقاه فايت القطار والقدرو ] |
تعرف يا المسافر
قدر ما اقول اوقف الكتابة
وابقى في الشعر والفارغة
اها يجو ناس الطر ده يرجعوني لمحطى وقف
لك شكري واحترامي على المداخلة
|
Post: #6
Title: Re: بصراحة د. كرار التهامي ده راجل تحفة
Author: د.محمد حسن
Date: 06-09-2010, 09:14 AM
Parent: #4
اخي الكريم طارق
تحفة في طريقة تعاملوا مع وظيفة الامين العام للمغتبين اللي هم نحن
يعني اهتمامو بالبشر البتاجروا فيهم محمود
نحن مش بشر
وبتاجروا فينا وتحت مسئوليتو مباشرة
عمل لينا شنو؟
اديني ايجابية واحدة لهذا الرجل تخصنا كشريحة مباشرة
علما بانه الان قد قارب على العامين في هذا المنصب
تخريمة
في شخصو كدكتور كرار لا احمل له اي ضغينة
ويبقى بيننا الاحترام
|
Post: #7
Title: Re: بصراحة د. كرار التهامي ده راجل تحفة
Author: ادريس خليفة علم الهدي
Date: 06-09-2010, 09:41 AM
Parent: #6
Quote: اديني ايجابية واحدة لهذا الرجل تخصنا كشريحة مباشرة
علما بانه الان قد قارب على العامين في هذا المنصب |
اكبر ايجابية عملها الرجل تخفيض سن التجنيد الاجباري الي سنة 1965م
اليس هذا انجازا لكم وباسمكم .. يرحمك الله
خارج النص :
الم يأتك حديث الانتهازية الايجابية ؟؟
|
Post: #8
Title: Re: بصراحة د. كرار التهامي ده راجل تحفة
Author: الرفاعي عبدالعاطي حجر
Date: 06-09-2010, 11:54 AM
Parent: #7
بصراحة يا دكتور نعشم في عدم السمسرة عند البيع .
...............................حجر.
|
Post: #9
Title: Re: بصراحة د. كرار التهامي ده راجل تحفة
Author: محمد الكامل عبد الحليم
Date: 06-09-2010, 12:31 PM
Parent: #8
تحية--محاولات تحويل الجهاز الي وزارة ليست وليدة اليوم انما بدأت منذ ايام الامين العام السابق ولعلها لم تجد التسويق الكافي كفكرة لخدمة اغراض الاستوزار في ظني
اذا ساقنا حسن الظن في الامين العام الجديد في بداية مشواره انه يبداء نحو تطبيق سياسته بعد البحث والتحليل و التقييم المطلوب لقضايا العاملين بالخارج الا ان صورية المؤتمرات التي انعقدت في سياق استقطاب او حشد سياسي لاهداف ذات صلة بالنظام القائم يجعل من الامل نحو تاثير مطلوب من الامين العام املا حلما او حلما خلبا اذا صح التعبير
اعترف انني لم اقرا ما كتبه الامين العام او صرح به لكنني من موقعي خارج الوطن لا اري ضوءا في نهاية النفق لصالح العاملين في الخارج (نهاية النفق) لا اعني بها نهاية البعد عن وطن تعصف به الانواء
مع وافر الاحترام للمشاركين عسي ان نشهد حوارا هادفا نحو قضايا العاملين في الخارج (ان لم يكن الامر يخضع او خضع بالفعل الي عسي او لعل )
|
Post: #10
Title: Re: بصراحة د. كرار التهامي ده راجل تحفة
Author: علي الكرار هاشم
Date: 06-09-2010, 01:14 PM
Parent: #9
محمد حسن
مساك الله بالخير
اختلافك مع دكتور كرار لا دخلنا لنا به
لكن موضوع الاتجار بالبشر
موضوع كبير جدا يشغل العالم وقد انتظمت له العديد من الحركات والتظاهرات لمعالجة هذه الظاهرة الخطيرة
أري أن تناولك للموضع بهذه الصورة يقلل من شأنها
في الوقت الذي ينبغي أن نتفاعل معها بصورة قوية حماية للناس
وفي الذاكرة صورة أبناء دارفور الذين تم اختطافهم من قبل الغرب في مظهر مهين جدا
ومرة أخري تحياتي
|
Post: #11
Title: Re: بصراحة د. كرار التهامي ده راجل تحفة
Author: علاء الدين صلاح محمد
Date: 06-09-2010, 01:36 PM
Parent: #10
Quote: وفي الذاكرة صورة أبناء دارفور الذين تم اختطافهم من قبل الغرب في مظهر مهين جدا
|
بالله عليكم شوف جنس الكلام ده ابناء درافور يا اخوي هجرتهم حكومتك في المعسكرات و علينا تسليط الضوء على هذا الجانب من القضية
و الصورة المهينة يحق و حقيقة ان تهجر حكومة تدعي انها اتت لانزال قيم السماء ان تقوم مثل هذه الحكومة بضرب مواطنيها و تهجيرهم
الصور المقلوبة و المهينة يحقنا حميعا بحق و حقيقة ان تكون منظمات الكفار و اليهود ارحم باخواننا في دارفور من حكومتنا اسلاموية و المتخبة !!!
انا شخصيا لم اندهش لكلام الدكتور فهم منهم و فيهم و وزير في زمن المتجارة بالمبادي و الاخلاق
|
Post: #12
Title: Re: بصراحة د. كرار التهامي ده راجل تحفة
Author: celecon
Date: 06-09-2010, 01:51 PM
Parent: #11
Quote: تحفة في طريقة تعاملوا مع وظيفة الامين العام للمغتبين اللي هم نحن
يعني اهتمامو بالبشر البتاجروا فيهم محمود
نحن مش بشر
وبتاجروا فينا وتحت مسئوليتو مباشرة
عمل لينا شنو؟
اديني ايجابية واحدة لهذا الرجل تخصنا كشريحة مباشرة
علما بانه الان قد قارب على العامين في هذا المنصب
|
Quote: أري أن تناولك للموضع بهذه الصورة يقلل من شأنها
في الوقت الذي ينبغي أن نتفاعل معها بصورة قوية حماية للناس
وفي الذاكرة صورة أبناء دارفور الذين تم اختطافهم من قبل الغرب في مظهر مهين جدا |
______
التعديل لاضافة الاقتباس يا ناس الاختساس
|
Post: #26
Title: Re: بصراحة د. كرار التهامي ده راجل تحفة
Author: د.محمد حسن
Date: 06-14-2010, 07:16 AM
Parent: #10
اخي الكريم علي الكرار
سلام من الله عليك
اولا : انا ما عندي خلاف مع د. كرار
تانيا : انا عندي راي في ادارته لجهاز شئون المغتربين اللي هم انت وانا وغيرنا
وبس
ولك شكري لمرورك
واقدر لك دفاعك عن د. كرار
|
Post: #17
Title: Re: بصراحة د. كرار التهامي ده راجل تحفة
Author: د.محمد حسن
Date: 06-09-2010, 06:48 PM
Parent: #8
Quote: بصراحة يا دكتور نعشم في عدم السمسرة عند البيع .
|
وفقا لمصطلح الانتهازية الايجابية
ما تستبعد
|
Post: #13
Title: Re: بصراحة د. كرار التهامي ده راجل تحفة
Author: د.محمد حسن
Date: 06-09-2010, 03:23 PM
Parent: #7
Quote: اكبر ايجابية عملها الرجل تخفيض سن التجنيد الاجباري الي سنة 1965م
¿¿ |
مبروك
قول انجاز
وتاني ؟
| Quote: الم يأتك حديث الانتهازية الايجابية ؟؟ ¿¿ |
ايجابية لي منو
ليهو ؟
الا لينا؟
|
Post: #14
Title: Re: بصراحة د. كرار التهامي ده راجل تحفة
Author: احمد محمد احمد عتيق
Date: 06-09-2010, 03:59 PM
Parent: #13
كيف يا زول ...اليوم جلس مع ناس الجمارك وعمل اعفاء لعفش الراجعين نهائي ....
دة ما انجاز ..من 2005 مطبق وفتحو الموضوع اليوم للانجاز ..؟؟!!!
ويا شيخنا نحن بنقول شئون المغتربين دي يستفيدو منها ..في حاجة مفيدة ..جامعة..... مستشفى .. ملجا
ايتام ... اي حاجة ...انت داير تعملها لينا وزارة ...؟؟
بعدين لو لقيتو زول راجع من الخليج نهائي بي عفشو ...اسالوني ..
ديل كلهم بيجو مع العفش....
|
Post: #18
Title: Re: بصراحة د. كرار التهامي ده راجل تحفة
Author: ahmed haneen
Date: 06-09-2010, 08:12 PM
Parent: #15
يا دكتور سلامات
ياخي انت مالك حاسد كدا .. وتنكر اجازات الأمين العام / د كرار
ياخي دا عمل ليكم
مركز دراسات الهجرة..
وعمل ليكم الجواز الالكتروني ب 400 الف
وعمل ليكم اورنيك التأشيرة ب 17 الف
ورسوم التاشيرة ب 46 الف
ورسوم المغادرة بي كم ما عارف
ورسوم التربتك
ورسوم البلع تك
وحاجات وحاجات وانجازات لا تخطئها الأ عين الحسود
زيك كدا
|
Post: #19
Title: Re: بصراحة د. كرار التهامي ده راجل تحفة
Author: عثمان جلال الدين
Date: 06-09-2010, 10:01 PM
Parent: #18
يكون وجاهة ساي لو ما عمل الآتي:
1. السفر للعاملين بالخارج يكون من المطار مباشرة عبر مكتب خاص بدون المرور على الجهاز مقابل مبلغ محدد ومقطوع وبسيط يشمل التاشيرة والخدمات.
2. تحويل الجهاز لمؤسسة تطرح مشاريع استثمارية طويلة وقصيرة المدى - شركات وشراكات - مشاريع صغيرة فردية للعودة النهائية - مشاريع اسكان..
تحياتي
|
Post: #20
Title: Re: بصراحة د. كرار التهامي ده راجل تحفة
Author: خالد العبيد
Date: 06-10-2010, 00:46 AM
Parent: #19
الدكتور كرار التهامي عضو في هذا المنبر
ومقل في كتاباته
اتمنى ان يمر من هنا
لكم احترامي
|
Post: #21
Title: Re: بصراحة د. كرار التهامي ده راجل تحفة
Author: Adil A. Salih
Date: 06-10-2010, 01:42 AM
Parent: #20
| Quote: د. كرار التهامي ينادي بعدم الاتجار بالبشر |
... ديــل تـجــــــار ديــــــــن ؟؟؟
|
Post: #22
Title: Re: بصراحة د. كرار التهامي ده راجل تحفة
Author: Osama Siddig
Date: 06-10-2010, 07:56 AM
Parent: #21
الاخوة المغتتربين,
لماذا تقللون من قدر الرجل(يرحمكم الله) , فالرجل ليس "تحفة" بل هو "انتيكة"
ان كنتم ترجون من "سادن كبير" كأمينكم العام, فقد "صبحت وطاتكم" على قول حبوبتى (حبوبتى أنا ما حبوبة صلاح غريبة)
|
Post: #23
Title: Re: بصراحة د. كرار التهامي ده راجل تحفة
Author: ادريس خليفة علم الهدي
Date: 06-12-2010, 09:02 PM
Parent: #22
(*)
|
Post: #25
Title: Re: بصراحة د. كرار التهامي ده راجل تحفة
Author: ادريس خليفة علم الهدي
Date: 06-12-2010, 09:46 PM
Parent: #24
(*)
| Quote: دكتور اعتقد انك اطلعت على ما ورد هنا . |
لحين عودة الدكتور
|
Post: #27
Title: Re: بصراحة د. كرار التهامي ده راجل تحفة
Author: عزام حسن فرح
Date: 06-14-2010, 07:37 AM
Parent: #25
كُنت مُرشح في إنْتِخابات الجالِية السودانِية في قطر وفي آخِر لحظة الأخوان شافو إني أتنازِل لآخر ... وافقت لأني في النِهاية ما شايِف فوقا وجاهة ولا تشريف ... إجْتمعت مع الذي أرادوا أن أتنازل لهُ ... قُلت ليهو ... شوف يا خوي الإنِتِخابات ياها كَدي ... بس أنا بديها ليك مقشره لو وعدتني بِإنك تسعى لِتحقيق 3 حاجات ...
(1) المُغترب في الأغلب لامِن يِرجع السودان بِكون مُجرد صِفِر كبير ... علشان كِده الحكومة تديهو مِساحة في أقرب منطِقة صِناعِية لِمكان سكنو ... مِساحة ولو 3 متر × 3 مِتر ... يِخُت فوقا مكنه لِحام ويِعيش بيها عِيالو.
(2) العِندو أرِض خِطة سكنِية ولا إشْتراها براهو ... تبني ليهو الحكومة فوقا غرفة واحدة ومطبخ وتعمِل ليهو سايفون وسور.
(3) ود المُغْترِب لامِن يِنجح لِلجامعة يِعاملوهو مِتْلو مِتِل ود عمو القاعِد في السودان ... ما يِخْصِمو مِنو درجة واحدة.
أها يا خوي بِتسعى لِتحقيق الحاجات التلاته دي أنا بتنازل ليك ظاهِر وباطِن ... قِبِلْ ... وإتْنازلت ليهو تب ... بقيت واقِف في السِفارة مِتِل عسكري المُرور البِسلِم علي كلو مِن ناسي أأشِر ليهو أدو فُلان ده ... ده إسمو ... ده رمزو ... ده زولي ... ومِن المُرشحين الكِسبتُم الجالِية أكان الإتْنازلت ليهو ... وأغلبِية المكتب التنفيذي ، أكان تعيين مِن السفير مُش كِده بس رئيس الجالِية في رقبتو عينو السفير كسِر رقبه كِده ... وزولي الإتْنازلت ليهو وفاز ، لِقيتو في عُمره رمضان الفات ، قال لي ، الناس ديل بجْتمِعو براهُم وما بِدونا خبر ... نسمع بِإجْتِماعاتُم سَمَع ساي ... ولامِن إجْتمعت معاهُم مرتين بس ناس المؤتمر الوطني لأنهُم أغلبِية بعد ما السفير عَين العينو بِقت طلباتنا نضمي ساي ...
أها د. كرار التُهامي ولا غيرو ... لو بِقى قِبله ما بصلي عليهو لو ما حقق لِلمُغْترِب التلاته حاجات الفوق دي ...
خليهو تِجارة البشر ... ديل تاجرو في دين الله زاتو ياخ تقول خالُمْ
|
Post: #28
Title: Re: بصراحة د. كرار التهامي ده راجل تحفة
Author: د.محمد حسن
Date: 06-17-2010, 11:41 PM
Parent: #27
Quote: أها د. كرار التُهامي ولا غيرو ... لو بِقى قِبله ما بصلي عليهو لو ما حقق لِلمُغْترِب التلاته حاجات الفوق دي ...
> |
|
|