Post: #1
Title: ( علقة ) في وسط الخرطوم لشاب تخصص في سرقة ادوات المكياج من حقائب البنات .. !!
Author: awad okasha
Date: 06-08-2010, 10:59 AM
أمسكت ثلاث فتيات امس بموقف المواصلات الجديد - الخرطوم بخناق شاب عشريني ، ولولا تدخل الاجاويد لحدث ما لايحمد عقباه ، حيث أصرت إحداهن بعد ان خلعت حذائها ذا الكعب الحاد على ضرب شاب في أم راسه مالم يتب ويستغفر من عمليته ال########ة هذي –على حد تعليقها- وأضافت (هدى الضو) ذات الحذاء ان الشاب درج على سرقة ادوات المكياج من حقائب ممتطيات مواصلات الصحافة زلط (السوق المحلي) ، وعلقت : الغريبة انو يخلي الموبايل والقروش ويخم في البودرة والروج والكريمات . من ناحيتها قالت (نوال السيد)- احدى اللاتي تهجمن على الشاب واحكمن عليه الخناق – انها شعرت الخميس الماضي بشئ مايعبث داخل حقبيتها التي خلت من اي شي سوى ادوات المكياج ، لكنها استبعدت ان يكون الشاب اللطيف الذي في مقعد النص المجاور (حرامي) ، وعلقت: وحرامي شنو؟ (صباع روج)!! وأضافت لما عدت للمنزل وراجعت محتويات حقيبتي وجدتها ناقصة صباع روج . وفي السياق قالت ثالثتهن التي فضلت حجب اسمها ان بنات كثيرات فقدن ادوات مكياجهن في مواصلات الصحافة ، وبدأت هذه الظاهرة منذ ثلاثة أشهر تقريباً لكنا قررنا ثلاثتنا مراقبة الشاب الذي ينتظر في اخر محطة ويراقب البنات تم يتبعهن الي داخل الحافلة او الهايس التي يفضلها لضيقها – ثم يشرع بحرفية عالية وباصابع ماهرة ومدربة في فرز محتويات الحقيبة وأخذ البدرة او الروج او صباعات الكريمات وترك الموبايلات والنقود . الي ذلك قالت الشابات الثلاث انهن لسن بصدد فتح بلاغ ضد الشاب ، لأنو عيب في حقهن ان يجررن في المحاكم بسبب بلاغ سرقة مكياج لكنهن بصدد ايقافه عند حده بما يرينه مناسباً من اساليب .
|
Post: #3
Title: Re: ( علقة ) في وسط الخرطوم لشاب تخصص في سرقة ادوات المكياج من حقائب البنات .. !!
Author: عبد الدائم سيد أحمد
Date: 06-08-2010, 11:22 AM
Parent: #2
مصدرك ده كضاب يا عوض
لانو بنات الصحافة ديل جمالهم طبيعى لا بتاعت بودر ولا روجات
الا يكونن البنات ديل راكبات حافلات الصحافة و نازلات فى الديم ولا الامتداد
المصدر ما ذكر البودرة سايلة ولا مضغوطة
|
Post: #4
Title: Re: ( علقة ) في وسط الخرطوم لشاب تخصص في سرقة ادوات المكياج من حقائب البنات .. !!
Author: طارق جبريل
Date: 06-08-2010, 11:52 AM
Parent: #3
| Quote: الا يكونن البنات ديل راكبات حافلات الصحافة و نازلات فى الديم ولا الامتداد |
شوف كمان ناس الحزام الاخضر الشينين ديل
|
Post: #5
Title: Re: ( علقة ) في وسط الخرطوم لشاب تخصص في سرقة ادوات المكياج من حقائب البنات .. !!
Author: محمد عبد الماجد الصايم
Date: 06-08-2010, 12:02 PM
Parent: #4
خليتو الحرامي ومسكتو في البنات!
|
Post: #6
Title: Re: ( علقة ) في وسط الخرطوم لشاب تخصص في سرقة ادوات المكياج من حقائب البنات .. !!
Author: عبد الدائم سيد أحمد
Date: 06-08-2010, 12:12 PM
Parent: #5
يا ود الصايم قال ليك ضربتو بكعب عالى حــاد شفت كيف
مرة واحد من اولاد الامتداد ديل ركب حافلة الصحافة وقعد ليهو جمب بت شديدة
من بناتنا ، دفع ليها قالت ليهو شكرا" ، نزلت فى المحطة نزل وراها
عزمها بيبسى فى الكشك اللفى المحطة ودخل فى الونسة ، قال ليها جاية من وين ..
قالت ليهو من مركز شباب السجانة ..
قال ليها تمثيل ولا غــنا ...
قالت ليهو .. لا والله بلعب كاراتيــه ....
صاحبك بالله جـقمـة البيبسى لسه فى خشمو تلب فى اول حافلة راجعة الخرطوم ...
|
Post: #7
Title: Re: ( علقة ) في وسط الخرطوم لشاب تخصص في سرقة ادوات المكياج من حقائب البنات .. !!
Author: طارق جبريل
Date: 06-08-2010, 12:16 PM
Parent: #6
هسي يا النضيف البصدقك منو
لو ما القصة دي وقعت ليك مع واحدة من بنات الامتداد قولها ياخي عادي
|
Post: #9
Title: Re: ( علقة ) في وسط الخرطوم لشاب تخصص في سرقة ادوات المكياج من حقائب البنات .. !!
Author: omar arbab
Date: 06-08-2010, 12:23 PM
Parent: #7
| Quote: الا يكونن البنات ديل راكبات حافلات الصحافة و نازلات فى الديم ولا الامتداد |
ود جبريل اسالني انا قريت في الصحافه غرب احلا زول في الصحافه حامد بريمه صحبي
كااااااك
|
Post: #8
Title: Re: ( علقة ) في وسط الخرطوم لشاب تخصص في سرقة ادوات المكياج من حقائب البنات .. !!
Author: محمد عبد الماجد الصايم
Date: 06-08-2010, 12:20 PM
Parent: #6
| Quote: يا ود الصايم قال ليك ضربتو بكعب عالى حــاد شفت |
لكن النجيضة يا عمكـ
الزولة دي ما قصّرت معاو .. بالكعب الحاد دا ضربتو في راسو .. ما فكرّت في حاجة تانية!
|
Post: #10
Title: Re: ( علقة ) في وسط الخرطوم لشاب تخصص في سرقة ادوات المكياج من حقائب البنات .. !!
Author: عبد الدائم سيد أحمد
Date: 06-08-2010, 12:28 PM
Parent: #8
الاجابة هنا
| Quote: ولولا تدخل الاجاويد لحدث ما لايحمد عقباه |
|
Post: #11
Title: Re: ( علقة ) في وسط الخرطوم لشاب تخصص في سرقة ادوات المكياج من حقائب البنات .. !!
Author: عبد الدائم سيد أحمد
Date: 06-08-2010, 12:33 PM
Parent: #10
والله يا عمر ارباب
حامد بريمة احلى من كمال ستونة وعبدو ود السهوة ...
|
Post: #12
Title: Re: ( علقة ) في وسط الخرطوم لشاب تخصص في سرقة ادوات المكياج من حقائب البنات .. !!
Author: طارق جبريل
Date: 06-08-2010, 12:39 PM
Parent: #11
كفاية يا عبد الدايم كان وجيهنا فتح الرحن الله يرحمه
ياخي انا لو مشيت الصحافة حا يفتكروني وائل كفوري
|
Post: #14
Title: Re: ( علقة ) في وسط الخرطوم لشاب تخصص في سرقة ادوات المكياج من حقائب البنات .. !!
Author: Hisham Ibrahim
Date: 06-08-2010, 12:46 PM
Parent: #12
| Quote: لشاب تخصص في سرقة ادوات المكياج من حقائب البنات .. !! |
برضو احسن من الفي اليوتيوب ديلك !!
ياربي بسوي بيها شنو البورده والروج ؟؟
كورة عدم - سياسة بيض - كمان سرقة ما بتعرفوا زي الناس !
هشام
|
Post: #15
Title: Re: ( علقة ) في وسط الخرطوم لشاب تخصص في سرقة ادوات المكياج من حقائب البنات .. !!
Author: مزمل خيرى
Date: 06-08-2010, 01:21 PM
Parent: #12
| Quote: ياخي انا لو مشيت الصحافة حا يفتكروني وائل كفوري |
وائل كافورى عدييييل .!!
بذمتك وائل كافورى عندو صلعة ..!!
قال وائل قال ..!
سلام ياسيد البوست ..
|
Post: #13
Title: Re: ( علقة ) في وسط الخرطوم لشاب تخصص في سرقة ادوات المكياج من حقائب البنات .. !!
Author: omar arbab
Date: 06-08-2010, 12:46 PM
Parent: #11
| Quote: حامد بريمة احلى من كمال ستونة وعبدو ود السهوة |
كاااااك
عبد الدائم
كمال ستونا ساكن في 27 وعبدو ودالسهوة متزوج من25 وساكن معاكم يعني ديل تبع استاذ جمال وكدا
هههههه
|
Post: #16
Title: Re: ( علقة ) في وسط الخرطوم لشاب تخصص في سرقة ادوات المكياج من حقائب البنات .. !!
Author: طارق جبريل
Date: 06-08-2010, 01:39 PM
Parent: #13
Quote: وائل كافورى عدييييل .!!
بذمتك وائل كافورى عندو صلعة ..!! |
يا حبيبنا الصلعة دي بقت اسطايل
ياخي ما تبقى موضة قديمة
تقول انت عندك مساير
|
|