Post: #1
Title: ناس الفيس بوك ديل جنو يا جماعة ؟؟؟
Author: قرشـــو
Date: 06-07-2010, 10:00 PM
Parent: #0
فى الحقيقة طولت شوية من الفيس بوك
دخلت اليوم لقيت حاجة غريبة جدا فى الواجهة
اسئلة غريبة وعجيبة من قبيل
هل أنت سافل ؟؟؟
وحاجات ألعن من كده ؟؟؟
يا ربى تم اختراق الموقع ده ولا حصل شنو ؟؟؟
حاجة عجيبة جدا !!!!
|
Post: #2
Title: Re: ناس الفيس بوك ديل جنو يا جماعة ؟؟؟
Author: Mohamed E. Seliaman
Date: 06-08-2010, 10:53 AM
Parent: #1
حبيبنا العمدة قرشو
السلام عليكم ورحمة الله
مشتاقين يا راجل
آخر مرة اتلاقينا في ضيافة الأخ الكريم ود شاموق بشبكة المعرفة-منبر سودانات .
----
دا بس إلى حين عودة .
|
Post: #3
Title: Re: ناس الفيس بوك ديل جنو يا جماعة ؟؟؟
Author: الملك
Date: 06-08-2010, 11:24 AM
Parent: #1
Quote:
هل أنت سافل ؟؟؟
وحاجات ألعن من كده ؟؟؟
يا ربى تم اختراق الموقع ده ولا حصل شنو ؟؟؟
حاجة عجيبة جدا !!!! |
قرشو ...سلامات وعوافى
الفيسبوكــ الظهر ليك دا لو ما أكدب فهو واحد من إثنين
أما إعلانات ...وهذه تظهر وفق للبلد الذى سجلت به....
او ابلكيشنات
والظاهر فعلاً انها إبلكشينات
يعنى عادة ما ياتى سؤال من صاحب أو صاحبة
والسؤال ببدأ دائماً ...بهل "دا معناه ابلكشن" أسئلة
مثال :-
هل أنت ...غبى ...سافل....الخ
وآخرى هل أنت ...وسيم ...ذكي....الخ
فى حالة عدم محبتك للأمر توجد دائماً على يمين الأبلكشن...فى الهوم
علامة hide لا تظهر إلا فى حالة تمرير الماوس على الأبلكشن ...
تقدر تعمل "هايد" حتى للناس المزعجين أو الابلكشنات المزعجة او ما تراه مزعج
...
...
والله أعلم
|
Post: #4
Title: Re: ناس الفيس بوك ديل جنو يا جماعة ؟؟؟
Author: حافظ كنجال
Date: 06-08-2010, 01:14 PM
Parent: #3
عمك قرشو
مليارات التحايا..
زمن ياحبيب..
عموما وش الكتاب ده زي وش الملاح..
بعتمد على التبيلة..
والداخل فيهو مفضوح ..والباعد عنه مبحوح...
غايتو يا شيلك وش القباحة
يا عرفك بالموساد...
احسن ليك التويتر...
|
|