Post: #1
Title: اشك ان هذا الكلام قيل فينا
Author: اساسي
Date: 06-07-2010, 08:04 PM
بلادى أهلا يابلادى
الف تحيه ليك من الفؤاد
بلادى اهلا يابلادى
صدورنا حمايه ليكى من الاعادى
بلادى أنا بلاد ناسا فى أول شى مواريثم كتاب الله
وخيل مشدود وسيف مسلول حداهو درع
تقاقيبن تسد الليل مع الحيران وشيخا فى الخلاوى ورع
والله كم نخلاتا تهبهب فوق جروف الساقيه
وبقره حلوبه تتضرع وليها ضرع
وساقية تصحى الليل مع الفجراوى
يبكى الليل ويدلق فى جداوله دمع
يخدر فى بلادى سلام
خدره شاربه موية النيل
تزغرد فى البوادى زرع
بلادى سهول بلادى حقول
بلادى الجنه للشافوها او للبره بيها سمع
بلاد ناسا تكرم الضيف
وحتى الطير يجيها جيعان ومن أطراف تقيها شبع
تشيل الناس وكل الناس وسع بخيروا لينا يسع
وتدفق مياه النيل على الخيران
بياض الفضه فى وهج الهجير بيشع
بلادى الصفقه والطمبور
دارتا تنح بالليل
بنوتا تحاكى الخيل
تشابن زى جدى الريل
وشبالا مكنكل فى الطريفو ودع
بلادى بلاد من التاريخ
من تيهراقا لا عن ميسنا
حتى ان جاى خيرو تروع
بلادى أمان بلادى حنان وناسا حنان
يكفكفوا دمعة المفجوع
يحبوالدار
يموتوا عشان حقوق الجار
يخوضوا النار في حال فد دمعه
كيف الحال لو شافوها سايله دموع
ديل أهلى ديل أهلى
يبدوا الغير على ذاتم
يقسموا اللقمه بيناتم
يدوا الزاد حتى ان كان مصيرم جوع
ديل أهلى البقيف فى الداره وسط الداره واتنبر وأقول للدنيا ديل اهلى
عرب ممزوجه بدم الزنوج الحاره ديل اهلي
ديل قبيلتى لم أدور أفصل للبدور فصلى
أصحاب روحى والاحساس وسافر فى بحار شوقم زمان عقلى
أقول بعضى ألاقيهم تسربوا فى مسارب الروح
بقوا كلى
محل قبلت ألقاهم معاى معاى زى ضلى
أكان ماجيت من زى ديل وآ سفاى وآ ماساتى وآ ذلى
تصور كيف يكون الحال لو ماكنت سودانى
وأهل الحاره ما اهلى
ــــــــــــــ
سيكون بالتأكيد نعم الحال
فلا اهل الحارة اضحوا اهلنا ولا يفعلوا سوى ان يزيدوا دمعة الموجوع ولا عادت بلادي امان ولا ناسا حنان واصبح الطير يتجنب ريحة تقيها
ولا يسلم لهم جار ولا يخوضوا سوى في حقوق بعضهم بعضا , وخدود نسائها جارية دموع
غلطان يا اسماعين فقد وصفت بلادا غير التي نعرفها
|
Post: #2
Title: Re: اشك ان هذا الكلام قيل فينا
Author: محمد أبوالعزائم أبوالريش
Date: 06-07-2010, 08:11 PM
Parent: #1
| Quote: غلطان يا اسماعين فقد وصفت بلادا غير التي نعرفها |
وغلطان معاو سيد احمد الحاردلّو .....
شبكنا .. نحن الساس ونحن الراس ........ ونحن .. ونحن
نحن شعب أدمن تضخيم الذات وانشغل بذلك ... ففاتته الشعوب الأخرى
|
Post: #3
Title: Re: اشك ان هذا الكلام قيل فينا
Author: الامين موسى البشاري
Date: 06-07-2010, 08:22 PM
Parent: #2
| Quote: نحن شعب أدمن تضخيم الذات وانشغل بذلك ... ففاتته الشعوب الأخرى |
|
Post: #4
Title: Re: اشك ان هذا الكلام قيل فينا
Author: وليد محمد المبارك
Date: 06-07-2010, 08:52 PM
Parent: #3
ده كله كوم
شتتوا كتل الغزاة الباغية دي كوم
|
Post: #5
Title: Re: اشك ان هذا الكلام قيل فينا
Author: مرتضى احمد عبد القادر
Date: 06-07-2010, 09:10 PM
Parent: #4
Quote: يكفكفوا دمعة المفجوع
يحبوالدار
يموتوا عشان حقوق الجار
يخوضوا النار في حال فد دمعه
كيف الحال لو شافوها سايله دموع
ديل أهلى ديل أهلى
يبدوا الغير على ذاتم
يقسموا اللقمه بيناتم
يدوا الزاد حتى ان كان مصيرم جوع
ديل أهلى البقيف فى الداره وسط الداره واتنبر وأقول للدنيا ديل اهلى
عرب ممزوجه بدم الزنوج الحاره ديل اهلي
ديل قبيلتى لم أدور أفصل للبدور فصلى
أصحاب روحى والاحساس وسافر فى بحار شوقم زمان عقلى
أقول بعضى ألاقيهم تسربوا فى مسارب الروح
بقوا كلى
محل قبلت ألقاهم معاى معاى زى ضلى
أكان ماجيت من زى ديل وآ سفاى وآ ماساتى وآ ذلى
تصور كيف يكون الحال لو ماكنت سودانى
وأهل الحاره ما اهلى
|
تيقى منهم القليل ولم ينقرضو
|
|