Post: #1
Title: يا اخواني/اخواتي، ادوني عقلي!
Author: مريم بنت الحسين
Date: 06-07-2010, 01:46 PM
انا زول شغّال معاك...
انت بتديني قروش، ومخصصات....
انا ما عجبتني، وما مكفّياني...
انا قررت اني اقول ليك الكلام ده واتوقف عن العمل لحدي ما تديني حقّي، او تفصلني...
تمسكني، تسجنّي، وتضربني ليه؟؟؟؟؟!
|
Post: #2
Title: Re: يا اخواني/اخواتي، ادوني عقلي!
Author: ادريس خليفة علم الهدي
Date: 06-07-2010, 01:49 PM
Parent: #1
| Quote: تمسكني، تسجنّي، وتضربني ليه؟؟؟؟؟! |
شريعة الغاب
|
Post: #4
Title: Re: يا اخواني/اخواتي، ادوني عقلي!
Author: رشا سالم
Date: 06-07-2010, 02:23 PM
Parent: #2
لانو انتي مفروض يكون عندك سنام جمل..تاكلي منه لما تجوعي..
وتركبي لاولادك كل واحد(سنيم صغيروني)لزوم التصبيرة..
ومافي داعي تشتري ليهم دوا..الملح والقرض راقدااات..
عشان ما تطالبي بحقوقك من المدير المؤقر..الراجل مهم ومافاضي لامثالك..
يفضي ليك ولا يفضي للاجندات المهمة العندو؟
|
Post: #3
Title: Re: يا اخواني/اخواتي، ادوني عقلي!
Author: abuguta
Date: 06-07-2010, 01:54 PM
Parent: #1
| Quote: تمسكني، تسجنّي، وتضربني ليه؟؟؟؟؟ |
بسم الله ,,,بابت الحسين
تراهو عقلك معاك,,,,
ما عاوز شغل ,,,يعنى عصيان مدنى
يعنى الانقاذ مى عاجباك,,,
انت معارض,,,ضد منفعة نافع
ضد بشريات البشير,,ضد طاهيات على طه
يعنى انت شيوعى,,,ولا اقول ليك كافر راسك عديل
اذن انت فيك نص قرانى لازم تسجن الى حين
واذا دعى الداعى ممكن وممكن كمان
والا اتخارج من بلدنا
تحياتى
|
Post: #5
Title: Re: يا اخواني/اخواتي، ادوني عقلي!
Author: مريم بنت الحسين
Date: 06-07-2010, 08:47 PM
Parent: #3
حكمته بالغه والله!
يعني كله فهمناه... ما عايز تزيد مخصصاتي
ولا عايز تدرّبني..
ولا عايز تحميني من اخطار المهنة...
وما عاجبك انا...
وفيني شبهة حزبية...!
طيب، ماسكني بالقوة ضد إرداتي ليه؟!
أرفدني... أو فكّني امشي .. ان شاء الله ابيع مويه!
*قالوا البغسّل السيارات في جامعة الخرطوم، يغسل ليه عشرة سيارات في اليوم، يمرق بي ماهية اكبر من الدكتور... لما الدكاتره سألوه، قال ليهم، القال ليكم ضيّعوا وقتكم في القراية منو!
|
|