ركـوب الـرأس...!

العبارة تقال فى السودان.. لمن يصمم على رأيه..ويظن انه على صواب دائما
يقول ليك الزول دا راكب راسو..وسر اختيار الرأس للركوب من دون اعضاء الجسد الاخرى
واضح جدا..لانو فيهو اهم حاجة (الدماغ).وبصراحة..ما ممكن نقول طبعا الزول ده راكب قلبو..
أو راكب كراعو..
.

حالات ركوب الرؤؤس..لا تعد ولا تحصى ..من فئات كثيرة..سياسيه اجتماعية
ثقافية..الى اخر البلاوى التى تظهر فى كل يوم..فى السودان..
تعنت ومكابرة لابعد الحدود.. فى أبسط قضايا يمكن حلها
فى ساعة او اقل..والسبب المكاجرة..وانا الذى
لا ياتى الباطل من خلفى أو امامى..

حاليا كل زول..ركب رأسو..فى شأن الاطباء..وحقوقهم..المستحقة
مشكلة حساسة..لا تحتمل شد وجذب..اكثر من اللازم لانها ترتبط
بالمواطن البسيط..الذى لا يستطيع ان يغادر الى العلاج فى الاردن أو مصر
.وزارة الصحة تغالط فى قرارات الرئاسة..و وزارة المالية
يبدو انها اصلا بلا رأس..عشان تركبوا..
ببساطة ادو العالمين دى حقها..عشان تعرف تقوم بشغلها كويس
ما عاوزين عربات خاصة..ولا اجازات سنوية فى أوروبا
ولا مراكز ابحاث ضخمة ..ولا..ولا..
بالمتاح بس..عاوزين يمشو الحال..المايل ..

آها
ان شاء الله الرهيفى تنقد