Post: #1
Title: قرار بإيقاف الأطباء المُضربين بالخرطوم ؛إعتباراً من صباح الغد...
Author: بشير أحمد
Date: 06-05-2010, 11:15 AM
Parent: #0
Quote: قَرّرت وزارة الصحة بولاية الخرطوم، إيقاف الأطباء المضربين عن الخدمة بالحوادث ابتداءً من يوم غد، لضمان توافر واستمرار الخدمة الصحية والعلاجية للحالات الطارئة بالحوادث، وقالت إنّها ستطبق الإيقاف عن الخدمة لكل من يَتَغَيّب في الحوادث، وستقوم الوزارة بإيجاد بدائل لتغطية العجز بالحوادث والمؤسسات الطبية والعلاجية.
وقال د. طلال الفاضل مدير عام وزارة الصحة بولاية الخرطوم، إنّ الوزارة استجابت فوراً لقرار رئيس الجمهورية بتطبيق الزيادة في الرواتب والعلاوات ابتداءً من أول يونيو الحالي، وأشار إلى أنّه تَمّ إنزال المبلغ المطلوب بالمستشفيات وصرف بعض الأطباء المبلغ، وطالب د. طلال، الاطباء بمواصلة عملهم بالحوادث، ونَوّه إلى أنها تستقبل حالات خطرة داخل وخارج الولاية التزاماً بأخلاقيات المهنة ووفقاً لقَسم الاطباء. وأشاد د. طلال بموقف الاختصاصيين والاطباء العموميين وبعض اطباء الامتياز الذين عملوا لسد الخدمة بالحوادث، وأشار إلى أنه توجد «30» مستشفىً بولاية الخرطوم و«160» مركزاً و«170» اختصاصياً و«340» نائب اختصاصي و«972» طبيب امتياز و«400» طبيب عمومي.
|
|
Post: #2
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: بشير أحمد
Date: 06-05-2010, 11:19 AM
Parent: #1
صحيفة الراي العام
الصادرة اليوم.
|
Post: #3
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: أحمد ابن عوف
Date: 06-05-2010, 11:31 AM
Parent: #2
الاخ بشير
دي آخر ورقة ضغط من الحكومة وللا لسه تاني في؟؟
على العموم، اي زول يترفد بقترح عليه يمشي الجنوب طوالي
ياسر عرمان وسلفا ما بقصرو معاهم
|
Post: #4
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: بشير أحمد
Date: 06-05-2010, 11:48 AM
Parent: #3
أحمد ابنعوف
تحياتي؛؛؛
لو علي أنا ؛اي دكتور ما عاجبوا الحال يمشي يقعد
في بيتم طوالي ؛
موش يمشي الجنوب بس ؛يمشي واغ الواغ ذاتها.
|
Post: #5
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: د.السيد قنات
Date: 06-05-2010, 11:52 AM
Parent: #3
سلام للجميع
لماذا الإيقاف من غد الاحد ؟
الدكاترة كتار جدا عندهم ومامحتاجين للمضربين؟؟؟؟
سنعود لاحقا بإذن الله
يديكم دوام الصحة والعافية
|
Post: #6
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: أحمد ابن عوف
Date: 06-05-2010, 12:00 PM
Parent: #5
| Quote: موش يمشي الجنوب بس ؛يمشي واغ الواغ ذاتها. |
موش بركة اللسع ما انفصل
|
Post: #7
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: معاذ الهادي
Date: 06-05-2010, 12:01 PM
Parent: #5
تحياتي
اخ بشير
ولماذا يوقفوننا من الغد
نحن مضربون اصلا
هما خياران لاثالث لهما
يا يعترفوا بمطالبنا ويدونا حقوقنا ويعتذروا لينا
او
يفصلونا
تحياتي
|
Post: #8
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: بشير أحمد
Date: 06-05-2010, 12:05 PM
Parent: #5
الاخ الدكتور/سيد
تحياتي؛؛؛
Quote: لماذا الإيقاف من غد الاحد ؟
الدكاترة كتار جدا عندهم ومامحتاجين للمضربين؟؟؟؟
|
عشان الدكاترة المضربين ديل عاملين زحمة في المستشفيات
شنو تكون لابس ديباجة (طبيب مضرب) وقاعد في المستشفي ؛
امشي بيتكم.
|
Post: #9
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: معاذ الهادي
Date: 06-05-2010, 12:12 PM
Parent: #8
Quote: عشان الدكاترة المضربين ديل عاملين زحمة في المستشفيات
شنو تكون لابس ديباجة (طبيب مضرب) وقاعد في المستشفي ؛
امشي بيتكم. |
تحياتي اخ بشير
توضيح بسيط
الطبيب المعلق الديباجة
مابكون قاعد في كرسي وخالف كراعو
بكون شغال وبمارس عمله كالمعتاد
والديباجة
مظهر من مظاهر الاحتجاج فقط لاغير
|
Post: #10
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: بشير أحمد
Date: 06-05-2010, 12:17 PM
Parent: #9
الاخ/معاذ
تحياتي؛؛؛
Quote: الطبيب المعلق الديباجة
مابكون قاعد في كرسي وخالف كراعو
بكون شغال وبمارس عمله كالمعتاد
والديباجة
مظهر من مظاهر الاحتجاج فقط لاغير |
هل يعني ذلكـ إنو إذا جاك مريض
ح تعالجو؟
|
Post: #11
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: بشير أحمد
Date: 06-05-2010, 12:34 PM
Parent: #10
من قتل ذو النون بشري ؟
________
اللهم ارحمه واغفر له .
|
Post: #12
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: معاذ الهادي
Date: 06-05-2010, 12:45 PM
Parent: #10
Quote: هل يعني ذلكـ إنو إذا جاك مريض
ح تعالجو؟ |
اكيد طبعا حا اعالجوا
وهذا ماكان يحدث
ولكن مالذي حدث بعد هذا
احضر مدراء المستشفيات
قوة من الشرطة
واخبروهم بطرد كل طبيب يعلق الديباجة
رغم انهم كانوا يمارسون عملهم في علاج المرضى
ولهذا التصعيد من قبل المدراء اعلن الاطباء مغادرتهم للمستشفيات
هذا ماكان في الاضراب السابق(قبل شهر تقريبا)
اما هذا الاضراب
فكان من الساعة الثامنة صباحا وحتى الثانية ظهرا ولم يكن يشمل الطوارئ
ولكن
بعد اعتداء الشرطة على الاطباء والطبيبات في مدخل حوادث الخرطوم
واعتقال رئيس لجنة الاطباء وزملائه
اضطرت الجمعية العمومية لاعلان الاضراب الشامل
تحياتي
|
Post: #13
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: بشير أحمد
Date: 06-05-2010, 01:18 PM
Parent: #12
الاخ الدكتور/معاذ
تحياتي؛؛؛
Quote: ولكن
بعد اعتداء الشرطة على الاطباء والطبيبات في مدخل حوادث الخرطوم
واعتقال رئيس لجنة الاطباء وزملائه
اضطرت الجمعية العمومية لاعلان الاضراب الشامل
|
يعني يادكتور مشيت وجيت لي كلامي الفوق داك ؛
خالف رِجل علي رِجل في التربيزة وما بتعالج العيانين
وعاملين زحمة في الفاضي في المستشفيات.
امشوا بيوتكم يرحمكم الله
والعيانين ليهم الله وعيشة السوق.
|
Post: #14
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: فايزودالقاضي
Date: 06-05-2010, 01:41 PM
Parent: #13
بشير ..سلام ...
الدكاترة ديل طلبوا لبن الطير ولا قالوا ليكم سيبوا البلد .. ماياها مطالب عادية والحكومة قادرة على تنفيذها ...ليه العناد ..وريني يابشير حاجة ماتبقدر تسويها الحكومة عشان نعذرها ..
|
Post: #16
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: Amira Elsheikh
Date: 06-05-2010, 01:49 PM
Parent: #14
بشيراحمد...سلااااااام,,,
سؤال....
انت فرحان بقرار الايقاف الصادر بحق الاطباء ولا كيف?
|
Post: #19
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: بشير أحمد
Date: 06-05-2010, 02:41 PM
Parent: #16
الاخت/اميرة
تحياتي؛؛؛
| Quote: انت فرحان بقرار الايقاف الصادر بحق الاطباء ولا كيف? |
بالطبع لا .
بعدين البوست فيهو ايقونة
وليس ايقونة 
|
Post: #24
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: بشير أحمد
Date: 06-05-2010, 05:05 PM
Parent: #14
الاخ/فايز ودالقاضي
تحياتي؛؛
| Quote: الدكاترة ديل طلبوا لبن الطير ولا قالوا ليكم سيبوا البلد .. ماياها مطالب عادية والحكومة قادرة على تنفيذها ...ليه العناد ..وريني يابشير حاجة ماتبقدر تسويها الحكومة عشان نعذرها .. |
علي الاقل يافايز ياخوي كان الطوارئ ما يشملها الاضراب
ويستمروا في مطالبهم ؛
لكن يموتوا الناس في الحوادث عشان نفرين ضربوهم ناس الشرطة؟
|
Post: #15
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: معاذ الهادي
Date: 06-05-2010, 01:44 PM
Parent: #13
Quote: خالف رِجل علي رِجل في التربيزة وما بتعالج العيانين
وعاملين زحمة في الفاضي في المستشفيات.
امشوا بيوتكم يرحمكم الله
.
|
ارجو مراجعة ردودي اعلى البوست مرة اخرى
اخ بشير
هي محاولة مني
لوضعك في الصورة
الاطباء المضربين
حاليا
يقومون بواجبهم في علاج الحالات الطارئة والباردة
مجانا
في المراكز والعيادات التي حددتها لجنة الاطباء
وهي مذكورة في بوست اخر
تحياتي
|
Post: #17
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: Deng
Date: 06-05-2010, 01:58 PM
Parent: #15
بشير أحمد.
لا يعقل أن يتم بالتلاعب بأموال الشعب بواسطة القيادات الكيزانية في السودان وفي نفس الوقت يعاني الموظفين والمهنين كل هذه المعاناة.
مطالب الاطباء هي أقل من مطالب عادلة وعادية . يا أبنعوف. الجنوب سوف يكون بابه مفتوحا الى كل شخص يلجاء اليه من ظلم الكيزان.
والأطباء سوف يتم الترحيب بهم في أي لحظة . ومرتباتهم سوف تكون بالدولار كمان.
|
Post: #18
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: مهيرة
Date: 06-05-2010, 02:33 PM
Parent: #17
فصل الأطباء لن يحل المشكلة يا وزارة الصحة !
فمشكلة الصحة والعلاج فى السودان أكبر بكثير من مثل هذه الحلول العاجزة
لبوا للأطباء مطالبهم واحترموا انسانيتهم وكفوا عن تعذيبهم واعتقالهم ، هكذا يبدأ حل المشاكل ،
وليس بالتهديد وزرع الفتنة بين الأطباء ،
، واتخاذ المرضى فى المستشفيات دروع بشرية فى حربكم غير الشريفة ولا المشرفة ضد الأطباء المضربين!
تحياتى
|
Post: #20
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: خالد العبيد
Date: 06-05-2010, 02:43 PM
Parent: #17
نحن مضربون اصلا
هما خياران لاثالث لهما
يا يعترفوا بمطالبنا ويدونا حقوقنا ويعتذروا لينا
او
يفصلونا
|
Post: #21
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: بشير أحمد
Date: 06-05-2010, 03:59 PM
Parent: #20
بيان وزارة الصحة الاتحادية :
الحقوق محفوظة لاخونا عمر عثمان.
|
Post: #22
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: مامون المعتصم أحمد
Date: 06-05-2010, 04:12 PM
Parent: #17
مـا هــو إنـت يـا مـســتر قــرضـمـة جـيت
مـن غـيـاهـب إفـريـقـيـا و إتـســنـترت هــنـا فى
أمـريـكا و شــغـلـوك عـميل عـنـدهـم و بـيـصـرفـوا
لـيـك آلاف الـدولارات ... و الأمـريـكان أهـل الـبـلـد
فى مـنـهـم أكـتر مـن ســــكان الـســودان كـاتلـهـم
الـجـوع و الـتـلـج .... و مـا فـى واحـد مـنهـم قـال
لـيـك حـاجـة ... ألـغـف لـغـفـك و ســـيب الـســودان
فى حـالـو ... و لا عـامـل فـيهـا مـارتـن لـوثــر؟؟؟
|
Post: #23
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: على تاج الدين على
Date: 06-05-2010, 04:16 PM
Parent: #17
Quote: مطالب الاطباء هي أقل من مطالب عادلة وعادية . يا أبنعوف. الجنوب سوف يكون بابه مفتوحا الى كل شخص يلجاء اليه من ظلم الكيزان.
والأطباء سوف يتم الترحيب بهم في أي لحظة . ومرتباتهم سوف تكون بالدولار كمان. |
سيكون حال الاطباء اذا يمموا وجوههم شطر الجنوب..(.كالمستجير من الرمضاء بالنار)
الاولى بحكومة الجنوب اطعام جوعى الجنوب اولا ومن ثم توظيف الاطباء المفصولين
غايتو الحركة الشعبية ينطبق المثل ....(عريان فى ......وداير ليهو سديرى (صدرية))
|
Post: #25
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: محمد حسن العمدة
Date: 06-05-2010, 06:18 PM
Parent: #23
| Quote: لكن يموتوا الناس في الحوادث عشان نفرين ضربوهم ناس الشرطة؟ |
لغة اهل الشمولية والظلام واحده وان اختلفت العصور
هذا هو لسان معاوية بن سفيان عندما استشهد عمار بن ياسر وقال بن العاص ان الناس قد اضطربت لان رسول الله صلى الله عليه وسلم قال - عمار تقتله الفئة الباغية - وكان عمار يقاتل الى جانب علي كرم الله وجهه
كان رد معاوية بل هم الفئة الباغية لانهم من خرجو به الى القتال !!!!
المرضى يموتون بسبب اضراب الاطباء !!
ولكن ليس بسبب الوزارة التي يتبرع رئيسها بمبلغ 150 مليون دولار لدولة اجنبية لانقاذ ارواح مواطنيها بينما تموت النساء بالتتنس في بلادي !!! ويموت الاطفال بالبلهارسيا وسوء التغذية !!
ليس بسبب الوزارة التي يتبرع رئيسها بعدد 300 مليون عربة جياد علي الزيرو للمنتخب المصري ثم يسي نفس المنتخب واعلاميه ودولته للشعب السوداني !!
ليس بسبب الوزارة التي تتبرع بسيارات الاسعاف لغزة بينما مرضى بلدها ينقلون بالكواري والحمير ثم لا يجدون علاجا بسبب شح الامكانيات
وعندما يطالب الاطباء بتحسين البيئة الصحية بكامل عواملها يتم ضربهم ثم تتحدث الوزارة عن حقوقهم المحفوظة وتنشر الكذب والخداع بان المعتقلين يلاقون احسن المعاملة في ابشع جهاز امني على الاطلاق في العالم اجمع !!
ويكذبون ان الاطباء المعتقلون يرحلون الى المستشفيات لتلقي العلاج من قسوة التعذيب ثم يعادون قبل اكمال علاجهم!!
بشير احمد لامن نقول ليك انت ما طبيب لكن بتاع غنم بتزعل
ولعلمك الاطباء قاعدين في بيوتهم منذ اعلان الاضراب الشامل يعني وفر حقدك لنفسك ..
|
Post: #27
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: بدر الدين اسحاق احمد
Date: 06-05-2010, 09:21 PM
Parent: #26
محمد حسن العمدة
انت ما بتقدر تعيش فى جوء صحى معافــى دون الاساءة للاخرين ...
حسـى جايب الرابط بتاع بوســتى مالك / علاقتو شنو بالبوســت دهـ ؟
الله يهديـك شوف ليك شئ نافع مفيد ليك وليه غيرك ..
|
Post: #28
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: محمد حسن العمدة
Date: 06-05-2010, 09:34 PM
Parent: #27
Quote: انت ما بتقدر تعيش فى جوء صحى معافــى دون الاساءة للاخرين ...حسـى جايب الرابط بتاع بوســتى مالك / علاقتو شنو بالبوســت دهـ ؟
|
بالله ؟!!!
طيب اسف ياخ
ما كنت مفتكر انو الرابط في بوست بشير ح يكون اساءة ليك !!!
معليش ياخ
|
Post: #31
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: بشير أحمد
Date: 06-06-2010, 09:18 AM
Parent: #25
الاخ/محمد حسن
تحياتي؛؛؛
اخبارك واخبارك الطائف .
Quote: بشير احمد لامن نقول ليك انت ما طبيب لكن بتاع غنم بتزعل
|
القال ليك منو ؟ده شغلي ياخوي ؛قول ساي .
| Quote: ولعلمك الاطباء قاعدين في بيوتهم منذ اعلان الاضراب الشامل يعني وفر حقدك لنفسك .. |
كدي صلّح معلوماتك وتعال واقراء ياخي.
وينو حقدي ؟
|
Post: #29
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: بشير أحمد
Date: 06-06-2010, 08:53 AM
Parent: #17
الاخ/دينق
تحياتي؛؛؛
Quote: يا أبنعوف. الجنوب سوف يكون بابه مفتوحا الى كل شخص يلجاء اليه من ظلم الكيزان.
|
يادينق ياخوي قالوا فاقد الشئ لا يُعطيه.
|
Post: #30
Title: Re: قرار بإيقاف الأطباء المُضربين بالخرطوم ؛إعتباراً من صباح الغد...
Author: بشير أحمد
Date: 06-06-2010, 09:03 AM
Parent: #29
Quote: أعْلن مصدرٌ أمنيٌّ مطلعٌ، أن الطبيبين المعتقلين د. أحمد الأبوابي رئيس لجنة إضراب الأطباء ونائبه د. الهادي بخيت، اجتمعا أمس بقيادات نقابة الأطباء، والتقيا أُسرتيهما. وذكر المصدر لـ «الرأي العام»، أنّ الطبيبين يَتَمَتّعان بصحة جيدة.
وفي الاثناء كَشَفت مصادر مطلعة، عن اجتماع حَاسم عقدته قيادات الدولة والمؤتمر الوطني أمس بقاعة الشهيد الزبير مع (500) طبيب (نواب إختصاصيين، أطباء عموميين وأطباء امتياز).وخاطب الاجتماع د. نافع علي نافع نائب رئيس المؤتمر الوطني لشؤون الحزب، بحضور الفريق صلاح عبد الله «قوش» القيادي بالحزب، د. عوض أحمد الجاز وزير المالية السابق، بروفيسور إبراهيم أحمد عمر، د. حسن أبو عائشة وزير الدولة بالصحة السابق وعدد من قيادات وزارة الصحة والقطاع الصحي بالمؤتمر الوطني. وكَشَفت المصادر الحكومية أمس، أن الاجتماع نَاقَش قضايا الصحة، وأكّد اهتمامه بالقضايا الصحية في الفترة المقبلة، ووصفها بأنها من أهم الأولويات، إلى جانب مُناقشة إضراب نواب الإختصاصيين، وخرج الاجتماع برؤية مُوحّدة، وهي أن الإضراب الحالي إضرابٌ سياسيٌّ تجاوز الحدود المطلبية، ويتم التعامل معه كإضراب سياسي، وأكّد أنّ الدولة ستحشد إمكاناتها لكسر الإضراب مهما كانت النتائج، خاصةً وإن الدولة التزمت بالاتفاقيات، وتم منح الأطباء والعلاوات والمنح. وفي السياق، تَوَقّعت وزارة الصحة ولاية الخرطوم، إيقاف الأطباء المضربين عن العمل في الحوادث والطوارئ، وفق القرار الذي أصْدرته أمس.من جانبها أكّدَت وزارة الصحة الاتحادية، التزامها التام بتوجيهات الرئيس عمر البشير القاضية بصرف وزيادة استحقاقات الأطباء بأسرع ما تَيَسّر، ودعت الأطباء المتوقفين عن العمل بالعودة إلى مواقعهم.وقال بيان صادر عن الوزارة حَسب (أس. أم. سي) أمس، إنّ الصحة تؤكد حرصها ومسؤوليتها التّامة عن استقرار الأوضاع الصحية، وإنّها ضد العنف، وأبْدت أَسَفَهَا لما حَدَثَ من الأطباء واعتبرته لا يتماشى مع رسالة الطب، وكشفت عن إتصالات أجرتها مع الجهات المختصة التي أكدت سلامة الموقوفين كافة على خلفية التظاهرة الأخيرة، وأشارت إلى أنها كلفت مستشارها القانوني للتواصل مع الجهات المختصة في مسعى منها لإطلاق سراحهم، وأكّد البيان أنّ الوزارة ستقوم بصرف استحقاقات الأطباء كافة حسب قرارات الرئيس البشير في أسرع وقت، وأدانت الوزارة محاولات البعض تصوير الوزارة وكأنها خصم على منسوبيها، وقالت إن هذا الحديث لا يسنده منطق ولا عقل.
|
|
|