Post: #1
Title: البؤس الاعلاني السوداني
Author: abubakr
Date: 06-02-2010, 07:16 PM
الاعلان في هذا الزمان علم ومهنة فيه كثير من الخلق والابداع ليواكب التحديث المطرد في المنتوجات كلها ورغم ان الاعلان المرئي في السودان قديم منذ اعلانات الكارو الي اعلانات السينما ثم التلفزيون ابيض واسود وملون وثري دي الا ان العقل المنتج وراء الاعلان المرئي في السودان بائس ... وسنحاول بمساهمة من يريد ادراج اسماء الاعلانات البائسة والتي هي تهميش لمقدرة الانسان السوداني في الخلق والابداع واستغفال للمشاهد وضحك علي الذقون :
اعلان MTN "لو اقدر "
اعلان "زيت صباح"
اعلان "شامبيون وفرفور"
اعلان "خديجة وقعت من البلكونة"
......ونواصل بمساهماتكم .......
|
Post: #2
Title: Re: البؤس الاعلاني السوداني
Author: abubakr
Date: 06-03-2010, 04:21 PM
Parent: #1
برنامج "افراح افراح "
|
Post: #3
Title: Re: البؤس الاعلاني السوداني
Author: abubakr
Date: 06-03-2010, 04:44 PM
Parent: #2
"تونا الوابل "
|
Post: #4
Title: Re: البؤس الاعلاني السوداني
Author: Osman Musa
Date: 06-03-2010, 04:58 PM
Parent: #3
عزيزنا المهندس ابوبكر
سلامات
يا أخى السودان بلد متخلف ألف سنة
فى الدعاية والأعلان وطرق التسويق الجديدة .
يا أخى لا حدى الليلة دى البصل بالشوال .
.. الدعاية والعرض والأعلان شىء ضرورى .
الليلة يا ابوبكر الأعلان سلاح قوى . الأعلان عندو تأثير حتى فى سلوك
الشعوب .
أنشاء الله يا أخى الناس تحاول تتعلم الشغلات دى عشان البلد تنكحش لى
قدام .
يا أخى الامريكان ديل عندهم دعاية تجيب الزبون من وأدى الحمار زاتو .
.. تحياتى
|
Post: #5
Title: Re: البؤس الاعلاني السوداني
Author: abubakr
Date: 06-03-2010, 05:17 PM
Parent: #4
سلام يا عثمان
| Quote: يا أخى الامريكان ديل عندهم دعاية تجيب الزبون من وأدى الحمار زاتو |
هذه قدرة علي معرفة توجهات ورغبات المستهلك ومؤشر علي فكر صناعي متطور ... اسيا كذلك لديها ثقافة اعلانية مذهلة ....عندما اسافر شرقا استمتع بالاعلانات حتي ولو لم اعرف اللغة ....
|
Post: #7
Title: Re: البؤس الاعلاني السوداني
Author: abubakr
Date: 06-03-2010, 06:54 PM
Parent: #6
شكرا محمد لللاضافة القيمة ... الاعلان مرتبط بخبرة في الانتاج اولا وتنافس فيه .. في بلادنا صناعتنا الكلام وحتي هذه الصناعة تفتقر الي تسويق ...
بخصوص اعلان "الماء" ادهشني اعلان لممثل او مسرحي رايت وجهه من قبل ولا اذكر اسمه ينزل من الطائرة ويقابله شخصان امام الطائرة في الممر ويبادرهم بانه "عطشان " فيخرج له الاثنان زجاجات ماء .....الخ .... حتي الطيران الاقتصادي فيهو ماء ..يعني الا يسوو للطيارة سنام عشان الركاب ما يموتو من العطش ؟؟؟
|
Post: #8
Title: Re: البؤس الاعلاني السوداني
Author: جلال جبريل
Date: 06-03-2010, 08:07 PM
Parent: #7
أبوبكر تحياتي
الإعلان عندنا فيهو مشكلة إرتباط مباشر بالغناء ودي أكبر وسيلة تصرف المشاهد عن المحتوى ليه؟
أحيانا الأغنية تكون منفرة ولا علاقة لها بالمحتوى الإعلاني .. بسبب الإرتجال شعرا ولحنا وفي أحيان كثيرة
تكون معروفة أما مدحة وإما أغنية مسجلة في شريط حايم في السوق .
ليكون الإعلان جازب لابد من وضع الإعلان في فكرة أو يمكنك أن تسميه (قالب) درامي أقصر من الإسكتش..
أمثلة:
أعلان شوكلاتة الإسنوكر بشعارها (لاتوقف) ،،جاء الإعلان على قالب درامي شخصياته العلامات الموجودة في إشارات المرور
العلامات في شكل إنسان أخضر وأحمر تصارع فريق الخضر ويدل على المرور والآخر يدل على الوقوف...والباقي واضح..
قلت الباقي واضح شان آآكد ليكم إنو الفكرة تتقبل أن يحول المشاهد القناة فقد وصلت فكرة لاتوقف...
أها (الفكرة) دي هي الغائبة عن الإعلان السوداني ......
|
|