الجمعه 04 يونيو 2010 ..... ابوبكر كاكى ينافس بالنرويج

رافعاً علم السودان فى المحافل الدوليه






البطل الاولمبى العداء السودانى الى اوسلو مره اخرى


http://www.diamondleague-oslo.com/ExxonMobil-Bislett-Games
وصل العداء السوداني البطل ابوبكر كاكي الي مدينه اوسلو ليشارك في منافسات العاب بيسليت النرويجيه العالميه لابطال العالم في العاب القوي بطل الاولمبي في الجري لمسافه ال800 متر رجال

رابطه الجاليه السودانيه بالنرويج قد قامت باتصالات عديده لابراز دورها واهتمامها بالحدث
واليكم بعض المعلومات
سيشارك بطلنا السوداني مساء الجمعه الموافق 04.06.2010 في تمام الساعه السادسه مساءاً
وليعش اسم السودان علماً بين الامم
قامت الرابطه بالاتصال بالجهات المنظمه للالعاب بغرض تسهيل اللقاء والمشاركه بالدخول للتشجيع
لقد اعتذر المنظم في استطاعتهم لتنظيم لقاء مع البطل ولكنهم وعدونا بالمحاوله للقائه بعد المنافسات بمحل اقامته
نسبه لغلاء سعر تذاكر الدخول(500 و350) فقد ساهمو بتخفيض يصل الي نصف السعر او اقل اذا
كان عدد حضور السودانين يفوق العشرون شخصاُ
عليه يرجي ممن لديه الرغبه في الحضور الاتصال بي شخصياً95765053 او الحضور الي مكان الاستاد في تمام الساعه الخامسه يوم الجمعه 4يونيو
كما نسعى الي توفير كميات من علم السودان فيرجي ممن لديه علم السودان ان يدعمنا بذلك والي اللقاء الوصول الي مكان استاد بيسليت
بالبص رقم 21 او التريك رقم 17 و18
عاش بطل العالم السوداني ابوبكر كاكي وليعش اسم السودان علماً يرفرف عالياً بين الامم

البطل كاكى متسابقاً حول العالم

===




صوره من منافسته السابقه فى اوسلو

وكان الفينيشنك.............. انتصاراً للسودان..........البطل القومى ابوبكر كاكى

بالتوفيق للبطل / أبوبكر كاكي ..

و علم السودان سيرفرف عالياً

و المركز الاول سيكون سودانياً للبطل أبوبكر كاكي ..

وستظهر هذة الإحصائية التي في صدارتها السودان من جديد علي شاشات التلفزه

يا ابوحميد سلامات
اها الصيف طلع وكده ...........دى مناسبه تاخد رجلك لحدى اوسلو ونشجع البطل مع بعض
ً شكراً على الاضافات والصور الرائعه

فوق لحدى يوم الجمعه على الاقل


====
يا بورداب النرويج.........التلاته.........ساعدونى ياخ

صدقت يا أبو الزيك دايرين بكري يذيد لينا البورداب شوية يااااااخ...
ونحتاج لعودة أخونا عاطف ... بكري حابسوا ودي مناشدة عشان يرجعو إلي المنبر
بالأمس إلتقيت ولأول مره بالاخ عاطف عبدون في مدينة مورانا
وكنا داخلين لي إمتحان بروف 3 مع بعض , ووجده نِعم الاخ .

يالا يا بكري رجع لينا عاطف ده , وبراك شايف حال بوستاتنا يا بكري!!

يوم الجمعة مناسب لانو بداية الويكند يا أبو الزيك , وأتوقع حضور كبير...
وعليكم بالدور الإعلام لكل السودانيين بطرفكم
أنا مربوط ببرنامج الإنتردكشون بروقرام , والاجازه لسع شوية ...
لكن حكون معاكم عبر الانركو و المنبر...

فوق فوق .........سودانا فوق
يا ابوحميد بالله سلم لى على الصحفى الجسور عاطف عبدون
لحدى ما الباشمهندس يسجل لينا بةرداب جدد من النرويج.......او يجيب لينا البوردابى هيلنا التالت ده .........فى واحدين كده لا بطقعو ولا برفعو بنقطه
غايتو....الله فى
ولا اقول ليك حاجه......... تعال نتباصى البوست ده بيناتنا لحدى يوم الجمعه.....بعد داك الله كريم
ده اذا ما جونا اصدقاء لعبه العدو {.الجرى}.....ودعمونا باللعبه الحلوه....عشان خاطر البطل كاكى
نرفع البوست.........للبرفع علم السودان بشرف وفخر فى المحافل الدوليه


=====
ولا كمان ما تخلونا نقول الشغله فيها عنصريه..........عشان البطل السودانى كاكى من الهامش وكده

وش اختاروه براكم

ابوزيك معاكم انشاءالله
Rapسوداني قادم من السويد

شكرا زكريا

حضور بإذن الله من أجل السودان

نتمني لكاكي كل التوفيق من أجل رفع أسم السودان عاليا بين الأمم

أرجو ألا يخذلنا هذه المرة

وإلي اللقاء يوم الجمعه

إن شـــاء الله يــجـى الأول و يـلـقـط الـدهـب


كــلــو ... يـا الله تــحـفــظـو مـن عـيـون


الـحـســاد و تـديـهــو الـصـحـة و اللـيـاقـة


الـتـامـة دايــمـاً.... عـشــان يـرفـع عـلـم


الـســـودان فـوق و نـســمع الـنـشــيـد الـوطـنى


فى كـل الـمـحـافـل الـدولـيـة ....


مـشــكـور عـلى الـمـعـلـومـة يـا مـحـمـد زكــريـا


والـعـلـم مـمـكـن تـشـــتروا قـمـاش و تـفـصـلـوه


بـراكـم .. الله يـوفـقـكـم لـرفعـة الـســـودان ..

أمنياتنا للبطل كاكي بالتفوق والنجاح.

شكرا محمد

محبتي

اخر خبر
الجهه المنظمه تبرعت لنا بعشرين تذكره مجانيه تسلم لأول فوج حضور من السودانيين فى تمام الساعه الخامسه بالظبط
لذا اتمنى حضور كبير.........

Quote: ابوزيك معاكم انشاءالله Rapسوداني قادم من السويد

طارق ابشنب يا راجل يا فنان.....ياخ البيز وين؟جاينا بالجد ولا مؤازره
مرحب بيك.........ضمن بورداب النرويج
الراب مان ده منو......اخر اكتشافاتك ولا شنو

Quote: شكرا زكريا حضور بإذن الله من أجل السودان نتمني لكاكي كل التوفيق من أجل رفع أسم السودان عاليا بين الأمم أرجو ألا يخذلنا هذه المرة وإلي اللقاء يوم الجمعه

يا باشمهندس اسامه استافنقر...........انت البوردابى رقم خمسه........لكن بتغيب كتير عن القضايا البورابيه..... بتشارك بس فى حاجات الملوك
اها التذاكر بقت مجان لو بتجى بدرى........ومعاك آخرون

Quote: إن شـــاء الله يــجـى الأول و يـلـقـط الـدهـب كــلــو ... يـا الله تــحـفــظـو مـن عـيـون الـحـســاد و تـديـهــو الـصـحـة و اللـيـاقـة الـتـامـة دايــمـاً.... عـشــان يـرفـع عـلـم الـســـودان فـوق و نـســمع الـنـشــيـد الـوطـنى فى كـل الـمـحـافـل الـدولـيـة .... مـشــكـور عـلى الـمـعـلـومـة يـا مـحـمـد زكــريـا والـعـلـم مـمـكـن تـشـــتروا قـمـاش و تـفـصـلـوه بـراكـم .. الله يـوفـقـكـم لـرفعـة الـســـودان ..

مامون المعتصم أحمد
مرحب بيك مشجعاً واضافه لبورداب النرويج
والله العلم مشكله بتواجهنا............السنه الفاتت حصلت ملابسات حول مشاركه كاكى وحول العلم عندما سألنا السفاره
ما داير اكرر السؤال.........المهم انو الموضوع هنا بيقروه ناس كتار ولو دايرين يساعدونا باعلام بنرحب بذلك


تحياتى

Quote: أمنياتنا للبطل كاكي بالتفوق والنجاح. شكرا محمد محبتي

الفاتح مرغنى...........الرجل الذى يطل علينا بالفرح
شكراً على التشجيع

صوره من السنه الفاتت لمن زولنا وقع
وكان المقال ده فى صفحتنا
http://sudanese.no






تحيه اخري

جاء الي مدينه اوسلو العداء البطل السوداني ابوبكر كاكي للمشاركه في العاب بيسليت الاولمبيه وقمت بالاتصالات اللازمه كما ذكرت في خبر سابق
كنت ابحث عن علم السودان لكي نرفعه حين نذهب الي تشجيع بطلنا الذي احرز العديد من الميداليات في المحافل الدوليه,لم اتحصل علي علم السودان واعلنت الي الجميع ان يجودو به اذا كان متوفراً لديهم.
قام بعض السودانين الذين كانو يحترقون الي تشجيع البطل والحقيقه انهم كانوا علي اتصال دؤوب معي حتي يتم التنسيق في عمليه المشاركه و التشجيع وقد اثار اعجابي وفخري ذلكم النفر من السودانيون اذ قام احدهم بطبع العلم في ورق كبير من المطبعه ودفع ما دفع من ماله, اما الاخر فقد قاد سيارته الي مصنع الاعلام الذي يبعد في المسافه حوالي الساعه والنصف عن مدينه اوسلوا وايضاً دفع مبلغ وقدره ليصنع له العلم وهو ينتظر ليستلمه في حينه ويعود
تحيه الي هؤلاء النفر وليعذروني لاذكر اسمائهم الاول هو الاخ عبدالرحمن بحر والاخر هوالاخ متوكل الكدرو كما احب ان اسميه
…….
اجتمع حوالي الثلاثون شخصاً من السودانيون باستاد الالعاب الاولمبيه وكانت مجموعه من اعضاء السفاره السودانيه ممثله ما بين الحضور, بحكم مهمتي في ترتيب امر تذاكر الدخول كنت مبكراً في الحضور وحين بدأت وفود السودانيون في الوصول هممت بايجاد موقف لسيارتي التي كانت في مكان غير مسموح للوقوف به بحثت عن موقف في الاماكن القريبه لمكان الالعاب عدت بعد حين ولهول المفاجاءه اذ اري مجموعه السودانيون وعدد من الاعلم السودانيه يحملونها كانت قد احضرت من قبل السفاره السودانيه بأوسلو, تهللت اسارير وجهي فرحاً فقد لم يكن ذلك متوفراً ًًكما علمت مبكراً لكن يبدو ان المعضله قد حلت بجهد مقدر
كانت لدينا اله طبل وسرنا نقرعها متوجهين الي بوابه دخول الاستاد, كنا كموكب في مسيره تتوشحنا الاعلم السودانيه يتناوبنا احساس بعزه وفخر رغم تجادلنا من قبل بأن علمنا متشابه والعلم الفلسطيني كما تصور البعض الا اننا ضحكنا من ذلك الكلام.

اغرب ما حدث بأنه فقط بمجرد عن عبرنا البوابه فأذا بالسماء تنشق عن مطر ورعد وبرق كما ولو اننا احضرنا معنا مناخ خط الاستواء فانهمر المطر بقذاره لم تعرفها عزصيف النرويج قط
هرع الجمهور من المدرجات التي لم نكن نصلها بعد عائدون الي صاله ما تحت المدرجات ولكن من لا يابه ومن لا يطرب بهطول مطر استوائي غيرنا.
ازددنا فخراً والرزاز مدخل
نحن الغابه والصحراء
نحن البرق والمطر
زادتنا ضربات المطر طرباً
ورحنا نضرب الطبل ضرباً
ايقاعات افريقيه سودانيه
غنينا,نعم رقصناه وعرضناه
خفضنا صوت الرعد بالضجيجا
والتف الجمهور مندهشاً ومعجبا
…………
وقام الطاهرعرض و بشر
وعبدالله اتشبر
وما خلي غناي الا اداه
وفخري شاله شبال واتشبي
زغروده من عوضيه والنور فرح سنونه للبرق خبي
فكيناها ليييييييي آخرها والحت اتحت
والبرق قال للنور استسلمت
حتي المطر فتر واتجف
والرعد همس واتخف
طلعنا علي المدرجات وهتفنا سودانا فوق
قعدنا في المدرج لافوق
وكل ما نشوف زولاً لونه اسمر نهتف
ونرفع علمنا نخله يرفرف
اصل زولنا شكله كيف؟
ما عارفينه
زحمه في وسط السوق
زولنا وقع
وقعت الصاقعه فوق رؤسنا
صمتنا والمطر انصب
السكون ارخي اوتار العصب
البرق برد انجم
لكن زي ما قال ود العم
حرم..و حرم
الزول زولنا والبقول فيه نضم
بنرشه بالدم
مرقنا…فرحتنا ما ماتت
ولا الفم انصم
لكن يعني شنو الاهم

تحيه للبطل كاكي
ليك و بيك كان التلاقي
وكل السودانين وراك ركوز
هتفوا ماهماهم نصر وفوز
بس هماهم للسودان يرفعوا علم
كنٌا لما الكلام بنتكلم
كنٌا شعب ليهو هم
كنا امه… كنٌا علم
للجد بالجد بنتلم

………………
شوق الغربه .. كلمات اغنيه تذكرتها
لو تعرف معني الاشواق قلبي كم ليك مشتاق
شوق الغربه يا حبيب قاسي علي العشاق
حراق
ـخالص التحيات للاحبه في الوطن
زكريا




وشكراً

السنه دى ح يكون رد الشرف......والعتره بتصلح الجريه

وبالصورة
ابوبكر كاكي بيقول للرياضيين سجلو حضوركم في الملعب....

صورة من داخل الملعب الذي ستقام فيه المنافسة اليوم.

الاماني الطيبة له بالتوفيق

ورفع اسم السودان عاليا

شكرا محمد زكريا

وفوق يابلد

Quote: وفوق يابلد

شكراً شاعرة المنبر المرهفة ..... هند محمّد

شكرا أحمد م بشير علي دعم البوست بالصور والمقالات

زكريا:
الحمد لله أعلنا حضورنا قبل ظهور الملح :) أحجز لينا تذكرتنا إن شاء الله حضور في بيسيت الساعة 5

محمد زكريا
واحمد محمد بشير
لكم الشكر
انكم تحتفلون مع كل السودانيون في الداخل والخارج
انكم حضور الدولة الدولة السودانية
فلنا الشرف
ان نضم الى قائمة الشرفاء
وانشاء الله بالتوفيق
وابوبكر كاكي بطلا للعالم

الاخوة / أسامة بلال و ذو اليد لكم التحايا ..

وفوووق حتي ينتصر أبو بكر كاكي
عند الخامسة مساء

علم الدولة جمبك هيبة يا كاكي



..

البطل ابوبكر كاكي ..... سيتوج اليوم عند الخامسة مساء ..و يفوز بالمركز الاول
***وسيزين صدر السـودان بالذهب***

بعد قليل ستبداء المنافسات.


----------
في مجموعة إتصلت بي يا أبو الزيك بعد قراية الإعـلان
وبيسألو من الملعب وين كانو جاين من مدن مختلفة ....
حيضربو ليك تلفون خليكمعاهم للوصف وكده .

نسأل الله التوفيق

أمين يا اخ ذو اليدوربنا ينصر الرياضي أبوبكر اليوم بإذن الله.

الأخ محمد زكريا صاحب البوست يظهر الان علي شاشة التلفزيون النرويجي ومعه مجموعة من السودانيين
ويجرون لقاءات مباشرة معهم و إنطباعاتهم حول اللقاء المرتقب..

والطريف في الامر , أن النجم أبوبكر كاكي قد قام بأعــداد كعكه بنفسه وتم تصويره من داخل
الكواليس عندما كان يقوم بإعداد الكعكة في مكان مخصص لذلك..
شاهدوا إعداد الكعكة علي الرابط http://www.nrksport.no/friidrett/1.7153688

وتم إهداء الكعكعة التي أعدها النجم أبوبكر كاكي , إلي الجماهير السودانية التي إحتشدت في الملعب .







تعديل لوضع الرابط

الاعزاء محمد زكريا واحمد محمد بشير
سلام وتحايا وتقدير كبير لجهودكم المثمرة بتصوير الحدث العظيم حطوة حطوة
امنياتنا القلبية لبطلنا المقدام ابو بكر كاكى بالتفوق ورفع راية السودان عاليا
ربنا يحفظه ويسدد حطاه ان شاء الله
فى انتظار الاخبار السارة يا شباب

الغالية أسماء الجنيد / إنشاء الله دائماً سعيدة وستسمعين الاخبار السارة من أوسلو
فالاخ كاكي سينزل للتحدي بعد دقائق وسنوافيكم بالجديد اول بأول ..

الان إنتهت جولة المية متر وفازت بها الأمريكية ( مكيل باربل) ..
ويمكنكم متابعت التسجيل في الرابط ادناه ...
http://www.nrksport.no/friidrett/1.7154214




ء

الان فاز الجامايكي (اسفا باويل) بسباق ال 100 متر في زمن قدره 9,72 ثواني

تابعونا ....
البطل أبوبكر كاكي سيحل بعد قليل علي أرض الملعب...

تابعو المنافسات من أوسلو مباشر علي الرابط أدناه . .. وبعد قليل سيتنافس بطلنا السوداني كاكا
مباشر من الملعب
http://www.nrk.no/nett-tv/direkte/nrk1/
http://www.nrk.no/nett-tv/direkte/nrk1/
http://www.nrk.no/nett-tv/direkte/nrk1/

البطل ابو بكر كاكي يحل في المركز الثاني
بعد منافسة شرسة مع أحد المتسابقين ولو امتد السابق لعشرة امتار أخرى لحقق كاكي الفوز
لقد ترك كاكي المتسابق الذي أمامه يتقدم عليه بمسافة كبيرة في اللفات الأولى من السباق مما صعب عليه مهمة اللحاق به في اللفة الأخيرة
وكما قلت لو أمتد السباق لعشرة امتار اضافية لفاز كاكي
مبرووووك لكاكي وهذا الولد صغير ويجب عليه التعلم من الأخطاء للاستفادة منها مستقبلاً فنحن نطمع في ميدالية ذهبية في الأولمبياد القادم

لا عليك يا كاكي خيرها في غيرها

فعـلاً يا أخ الامين / أبوبكر كاكي أحرز المركز الثاني وبفارق خطوة واحدة فقط
أمر محزن و حظاً أوفر في المرات القادمة ...

تابعوا اللقطات الجميلة و الكعكه التي أعدها كاكي للجمهور السوداني الذي حضر إلي أرض الملعب
كعكة كاكى علي الرابط http://www.nrksport.no/friidrett/1.7153688

كاكى تعني باللغة النرويجية ( الكعكة ), ولذلك طلب النراوجة من كاكي صناعة الكعكة اللذيذة
أما طعم الكعكة سيحدثكم عنها / محمد زكريا الذي تذوق من كعكة كاكي.

(ديفيد روشي) الكيني , الذي يظهر علي يمين الصورة هو الذي فاز علي النجم (أبوبكر كاكي)
وبفارق خطوة واحدة فقط ...!!

أعتقــــد أن الخطأ الذي وقع فيه بطلنا أبو بكر كاكي هو ترك المتسابق الذي أمامه يتقدم عليه مسافة كبيرة
ويبـــدو أن كاكي كان يراهن على الأعياء الذي سيصاب به ذلك المتسابق وكذلك على سرعته في اللحظات الأخيرة
ولكن حســـــــابات كاكي كانت خاطئة هذه المرة ، فقد كان عليه المحافظة على فارق ضئيل بينه وبين ذلك المتسابق
حتى يتسنى له تقليصه في المرحلة الأخيرة...
بالتوفيق في المرات القادمة والسودان ينتظر منك الكثير...


___
شكلو كتر من مــلاح الرجلة بالكسرة

سلام يا شباب
رجعت البيت دلوقت من الاستاد
اعصابى متوتره....صوتى انقرش ..........حلقى جف
الننجم بس...............وننزل ليكم الاخبار والصور الف

سلامات يا محمد .... بالله الهزيمة زاتها كانت سخة , يااااخ الكيني ده فاز بي خطوة واحدة بس !!
قبيل لمن كنت معاك في التلفون ما تتخيل زعلنا كيف.
اهو لمن الشباب كانو بيهتفوا معاكم فوق فوق سودان فوق في التلفزيون الواحد إنبسط شوية.

نشوف الإنتصار السنة الجاية كان ربنا حيانا ... و إنشاء الله الكيني ده تاني ما يجي نهائي مع كاكي

سلام أحمد

لقد كنا نتمني لكاكي الفوز بالذهب وكان يستاهل ذلك. لقد تهاون في بداية الأنطلاق ووقع في فخ الشرك الكيني فقفلوا عليه وأنسحب أحدهما للاخر ولو إمتد السباق 5 أمتار فقط لفاز أبوبكر نتمني أن يجد المدرب الكفء فهو موهوب جدا


لقد إستمتعنا بكيكة الشوكلاتة اللذيذةالعملا كاكي فقد أحضرها لنا مراسل قناة ال NRK وتغنينا (فوق فوق ... سوداننا فوق) وما كنا نظن أن الموضوع منقول علي الهواء حتي إتصلت علي المدام

وقفة الشباب كانت مشرفة ونتمني لكاكي التوفيق في باقي السباقات

ياريت يا أحمد تكون سجلت لحظة أتهام الكيكة

مبروووووووووووووووك لكاكى المرتبة الثانية وعقبال الذهبية ان شاء الله
تسلموا يا شباب وكتر الف خيركم