اين الفكى ود اسحق?

سلامتك.
شنو الغيبة يا اخوى?
اوع يكون كلام دينق عن الاستثمار فى المواسير طلع صح?

أخونا زكريا.


الله يكضب الشينة بس.

أظهر وبان يا فكي ود أسحق.

الاخ دينف,
الملا ود إسحق زول الله ساكت و مهمش و الله يعلم اللاميوه مع الجماعة إياها شنو!! نتمنى ان يكون خيرا.
و بعدين ابو رزقة ود الاخت اختفى كمان!!!!

والله فيكم الخير ...

على تفقدكم الكريــم ..

الفكى ود إسحاق ( قاعد يكتب فى محايــة كاربــه لموضوع الاستفتاء )

عمنا سلفاكير نخليهو يكرك يقوم وينوم بالوحدة الجاذبـة ..

























اخوكم ( مهمش وزول الله .. فكى ساكت ) ما تنسونا من الكفيــل ..

اهلا يا يا شيخ,
شنو الغيبة يا اخى!!!
انت فى الاستفتاء الامرو انتهى يا بدر الدين يا اخوى. انت ما شفت بوست بتاع كبر (كبرنا المعنا فى البورد و ليس بتاع الجنجويد المؤسر فى الفاشر)? و بعدين زكريا دى باقى له كم شهر كدى معاكم فى البورد دى يا شيخ.

نحن يا اخوى ماشين الجنوب ( لشهور طوال ) نعمل الربنا بيقدرنا عليهو

وانت خليك هنــا متفرج والحشاش يملآ شبكتو ..

Quote: انت فى الاستفتاء الامرو انتهى يا بدر الدين يا اخوى

ترمة ..

عندى ارض ملك حــر فى بانتيو الخضراء لو انفصل برضو عندى عود راكــب

Quote: و بعدين زكريا دى باقى له كم شهر كدى معاكم فى البورد دى يا شيخ.

ياخى حرام عليك
الناس اللى بتحمل لواء التغيير مابرموا المنديل بالسهولة دى.
انت زول قارى التاريخ كويس ,, يعنى هسه لو نلسون مانديلا عمل زيك كده كان حرر جنوب افريقيا,, اذا كان صبر على ناس ماهم اهله ,, انتوا مادايرين تصبروا على اهلكم.
انت مش بتقول انا ود اختك ,, وقاعد تخاطب ناس كتير هنا بود اختى وود اخوى? فى زول بفارق اهله.

Quote: الملا ود إسحق زول الله ساكت و مهمش و الله يعلم اللاميوه مع الجماعة إياها شنو!! نتمنى ان يكون خيرا. و بعدين ابو رزقة ود الاخت اختفى كمان!!!!

يا أبو الزيك.


لا لا يا زول. الفكي ود أسحق ده زول واصال. أنا شفته في تلفزيون الحكومة بالبدلة وبالكرفتة كمان ، وعندو وظيفة كبيرة كده ما بتزكر أسمها شنوا.
بعدين أخونا أبو رزقة برضوا ما معروف وين. الراجل بكون لسه عندو Hang over بتاعت سوق المواسير. بيني وبينك أبو رزقة أنضرب ضربة تقيلة في السوق داك، الله يعوضوا . لكن الزول التعبان الجد جد هو محمد حامد جمعةز من ما جابوا أولاد شندي في الجهاز ، أخونا ود جمعة بقى مهمش ساكت وحالتوا تحنن العدو.
زي ما عارف يا أبو الزيك الجماعة ديل في النهاية هم مننا وفينا وما بنقبل فيهم الشينة. الله يساعدم ويشد بأزرهم.

Quote: ياخى حرام عليك الناس اللى بتحمل لواء التغيير مابرموا المنديل بالسهولة دى. انت زول قارى التاريخ كويس ,, يعنى هسه لو نلسون مانديلا عمل زيك كده كان حرر جنوب افريقيا,, اذا كان صبر على ناس ماهم اهله ,, انتوا مادايرين تصبروا على اهلكم. انت مش بتقول انا ود اختك ,, وقاعد تخاطب ناس كتير هنا بود اختى وود اخوى? فى زول بفارق اهله.

يا الفاضلابى يا ود اختى,
التاريخ قرايتو ما نافع لو واحد اغفل على قراء الحاضر و المستقبل. حاضرنا و مستقبلنا نحن فى الجنوب يجب تحديده من واقع تاريخ السودان المعاصر بالعقل و موش بالقلب. انا يا الفاضلابى جيينق "دينكاوى" الثقافة و نحن الدينكا ممكن واحد يفارق ابوه او عمه او عشيرتو الى الابد و لكن الام و ابن الاخت خطوط حمراء و مجرد التفكير فيه يعتبر كارثة اخلاقية. هذه العادة لا تثنى سمعة و اخلاق الام و ابن الاخت, it is what it is, بقولوه هناك لتبرير هذا الحب اللا مشترط.
الحرب انهك الجنوب يا الفاضلابى و قد غيرت كثيرا من القيم الاجتماعية لمجتمعات الجنوب, و للاسف الشديد, العادة الحكيتها لك دى هى احدى ضحايا الحروب يا ود اختى.
كم مرة كدى اشهروا عليناهنا البعض كروت صفراء فى كم بوست متسائلين ماذا سنفعل بعد الاستفتاء وكان شغلناالشاغل ياهو المنبر دى !!!! انا بعتبر نفسى ضيف هنا, بالضبط كما حالة اهلى الجنوبين فى الشمال. تلقى واحد جدو و ابوه ملودين هناك و لسه بقولو عليه الجنوبي .
نتمنى الخير للجميع

Quote: لا لا يا زول. الفكي ود أسحق ده زول واصال. أنا شفته في تلفزيون الحكومة بالبدلة وبالكرفتة كمان ، وعندو وظيفة كبيرة كده ما بتزكر أسمها شنوا. بعدين أخونا أبو رزقة برضوا ما معروف وين. الراجل بكون لسه عندو Hang over بتاعت سوق المواسير. بيني وبينك أبو رزقة أنضرب ضربة تقيلة في السوق داك، الله يعوضوا . لكن الزول التعبان الجد جد هو محمد حامد جمعةز من ما جابوا أولاد شندي في الجهاز ، أخونا ود جمعة بقى مهمش ساكت وحالتوا تحنن العدو. زي ما عارف يا أبو الزيك الجماعة ديل في النهاية هم مننا وفينا وما بنقبل فيهم الشينة. الله يساعدم ويشد بأزرهم.

يا دينق, انا بقصد انو الزول دى كوز الله و مقتنع بالكلام بتاع الجماعة لمن كانوا كيزان. الفكى ود إسحق كادر خطير و عندى شعور انو شوية كدى"غتيت" و كاتل لك جدادة و خامى بيضتها. و مجهوداتو منذ التسعينات بين المجموعات التى انشقت عن الحركة توهله ان يكون مكتبو جنب مكتب الشيخ على و الدس السم فى الدسم دى بجيده زائد انو الزول دى مقتنع بافكار المؤسسة للجماعة الحاكمة, دى بخليوه خطير جدا على بتاعين دعونى آكل. الزول زولناو لكن البسوى فيه فى الجنوب دى حاجة ما كويسة تب.

Quote: ما بتزكر أسمها شنوا.

المدير العام لمعهد تدريب القادة والاركان
الاركان دي من عندي

Quote: المدير العام لمعهد تدريب القادة

دى يا خالد اسمو Job Creation Programmes للجماعة و المركز معنى بتدريب ناس السم فى الدسم. فى واحدة اسمها فدوى, جنوبية و كوزة و محجبة و ما بعرف غاطى راسها ليه, عندها مركز ذى دى كمان و بتطلع فى التلفزيون متحدثة عن الوحدة و عمل مركزها. يجتمع مجلس الشورى بتاع الجماعة, اشوفها قاعدة فى الصفوف الامامية و على بعد متر من البشير. كانت كمان بتدرب الناخبين فى الايام التى سبقت الخج.
مسكين الغبش البيدفعوا الضرائب.

ابو الزيق
تحياتي
حرام عليك ياخ
اديت الفكي فرصة .. هسه يجي يردم البوست ده بي مقررات ومفردات المعهد
تاني لا بفكك الفكي ابـ نافورة لا الفكي ابـ قنبور !

علييييك الله يا بدرالدين ما تسمع لينا المقررات هنا

والله يستر

Quote: عندى ارض ملك حــر فى بانتيو الخضراء لو انفصل برضو عندى عود راكــب

ابختك يا شيخنا, بانتيو دى ما بجيك فيها عوجة الا لو قنبت تكابس و تعفص ليك كرع واحد ذى تعبان دينق قاى او العم باولينو متيب, شوفت كيف يا ود اسحق. و بعدين احسن لك تفتش قطعة ارض فى الجنوب لانو تماسيح اراضى نهر النيل الفكى خميس ابو مريومة ما قدر عليهمم و قعد حياتو كله فى العشش.

عسل انت يا خال العريس

Quote: و بعدين احسن لك تفتش قطعة ارض فى الجنوب لانو تماسيح اراضى نهر النيل الفكى خميس ابو مريومة ما قدر عليهمم و قعد حياتو كله فى العشش.

(هههههههه)
عارف يا ابو الزيك
الله يرحمه ابو مريومه ما حضر زمن الانقاذ
كان وحياتك سكن كافوري
ايام الفقر ديل بقوا اهم ناس.



يا بدر الدين
بالله ماشي الجنوب؟؟لكن بتبالغوا...اجنوبين قعدوا معاكم 4 سنين
طفحتوهم الدم و الحنظل...ووصلتهم لمرحلة القبول بالانفصال
حسه ساكينهم لي؟؟؟


نحن كان سكيناهم لينا حق
لاننا لم يتاح لينا احتكاك مباشر معهم
طوال الاربعه سنوات الانتو في السطله
اها نحن قلنا نعمل اعلينا وبنلغهم بمحبتنا
وقلة حيلتنا لو رضوا يقعدوا معانا يقعالوا حقم معانا مرحبا
الا انتو مشاين ليه؟؟؟!!


غايتو جنس حاله؟؟!!

دينق انت

Quote: زي ما عارف يا أبو الزيك الجماعة ديل في النهاية هم مننا وفينا وما بنقبل فيهم الشينة. الله يساعدم ويشد بأزرهم.

اهــا يا زكريا جوزيف ...

دى كان ممكن تكون رسالتـك التثقيفيــة التوعويــة لمتصفحــى هذا الفضاء

تعريفــا بخصال وخصائص هولاء الاهــل ...

جزء كبيـر لا يعرفون المكونات الاثنية للجنوب ويطلقون على اى واحد من الجنوب

ديل ( جنوبيين ) وديل ( غرابة ) وديل ( ادروبات ) وديل ( شماليين )

التنوع الاثنى ( اهل دينق الامريكان ) بيتعاملو معاهو على انه مصدر قوة مجتمعية

وليس عنصر تفكك وإضعاف للمجتمع ..

المراة شئ عظيم مقدر ومصدر فخر فى ثقافتكم ..

تدريب الشباب على الخطابة والكلام سلوك ومدرســة تعليمية نادرة كنت شاهد عليها

لم اجدها فى كثير من المجتمعات ..

تفرد الراعـــى بتواصله مع البئية ( اشجار / حيوان / مياه ..)

Quote: "دينكاوى" الثقافة

خليت الجمال دهـ كلو وباريــت دينق ود نمرة ( 2 )

Quote: وكان شغلناالشاغل ياهو المنبر دى !!!! انا بعتبر نفسى ضيف هنا, بالضبط كما حالة اهلى الجنوبين فى الشمال

لا يهمك ياخال who says what المهم انك انسان موجود فى هذا الكون وعضويتك فى هذا المنبر حق مكتسب لاتسقط بإنفصال جنوب الوطن عن شماله. وقبيل بكرى لما اداك العضوية ما اشترط عليك ان تظل فى حالة اتحاد مع الشمال والارض ارض الله خلقنا لنعيش فيها جميعا فلاتدع السياسة تنتزعك ممن تحبهم ويحبونك. وماتسمع كلام الناس اللى بقولوا الشماليين طمعانين فى الجنوب اهو عندك انا مثلا وهنالك الاف مثلى بل ملايين يعيشون فى المنافى والمهاجر ماالذى يعود علينا من الجنوب? انها ياصديقى العلاقات الإنسانية
هى التى يجب ان نراعيها اما السياسة والسياسيين فبهم لانبالى. إن حديث القلب للقلب هو الذى يبقى يازاك اما حديث العقل فهو محفوف بالأطماع والأنانية . وربنا يازكريا قال فى القرآن:
"والأرض وضعها للأنام" والأنام دى تشمل كل البشر فلماذا نضع لها الحدود والقيود لنفرق بين الناس ونمنع التواصل . مازال التعايش ممكنا ياخال ,, لاتضعونا جميعا فى حذاء السياسي.

حســى والله اشر ليكم السيرة الذاتيــة

+

المعهد ده قاعد يسوى فى شنو

+


والله يا ود البيد امحــن ليك الشباب ديل جنس محنة

Quote: المدير العام لمعهد تدريب القادة والاركان الاركان دي من عندي