بين اعتقال البوليس الاماراتي للسارقات واعتقال البوليس السوداني للطبيبات

للاسف لم استطيع متابعة بوست القبض على عصابة نسائية سودانية للسرقة
في الامارات كثيرا، ولا اعلم ما جادت به اقلام الزملاء في تشريح الظاهرة

ولكنني، احيانا، احاول ان انظر للصورة الواسعة علني اجد تفسيرا مقنع
لظاهرة مزعجة.

اذا نظرنابتحرد للخبرين الذي لا يفصل بينهما سوى ايام قليلة، فالظاهرة هي:

القبض على سودانيات وسودانيين بسبب نشاط ما في مكان ما بواسطة بوليس.

قطعا، لن اضع الطبيبات والاطباء والصحفيين الشرفاء اصحاب المهنة الشريفة في مصاف
ما يرد الينا من اخبار السارقات والعاهرات والسارقين والعربيدين من السودانيين.

لكن هو سؤال بيطرح نفسه:

لماذا بالخارج يتم القبض فقط على من يستحقون القبض عليهم

وداخل السودان يتم القبض فقط على من يستحقون الحرية وفي نفس الوقت
يفلت من العقاب من يستحقون القبض عليهم في السودان؟؟؟؟؟

هل نظام قوات الاحتلال الاسلاميةالحاكم في السودان مسئول عن تفشي ظاهرة انحراف
السودانيين بالخارج؟؟؟

دا ما سؤال، طبعا هو مسئول

simply

اذا تمكن الشرفاء في السودان من قيادة الامة لوجد كل ذي حق حقه، ولما احتاج
8 مليون الى الهجرة والسقوط في مستنقع الحاجة الماسة والرأسمالية العالمية
التي اصبحت لا ترحم، فيلجأ اصحاب الذمم الرخيصة الى سلوك الطرق الغير شريفة
لكسب العيش.

آلاف السودانيين بالسجون اللبنانية، مئات بالسجون الخليجية، لا اعلم عن وضع
السودانيين باوروبا وامريكا وقد يكون احسن حالا باعتبار ان لديهم نظام الرعاية
الاجتماعية التي توفر الحد الادني من الدخل (للمواطن) والذي يغيب في دول الخليج
والدول العربية لان حق المواطنة ما زال حلما لن يتحقق للسوداني.

مرة اخرى، اريد ان اؤكد بأنني لا ابرر لهؤلاء السقطاء افعالهم المشينة في حقهم
وحق شعب عرف طوال تاريخية بالهامات المرفوعة دوما.

آسف، ح اطلع من الموضوعية شوية

اقترح على السارقين والسارقات بالخارج ان يرجعوا للسودان، الجابرم شنو على
مطاردة بوليس الدول الاخرى، في السودان مهنتكم محمية ومافي زول بقول ليكم بغم،
بل بالعكس ممكن تبقو نواب في البرلمان عدييييييييل كده وعندكم حصانة اسمها
الحصانة الدبلوماسية، والبنوك مفتوحة و المطارات مفتوحة والبلاغات مقفولة ...

بعدين بوليسنا ما فاضي ليكم زاتو، مشغولين بشوية شرفاء مزعجين كده اسمهم
الصحفيين والاطباء وبكرة ما معروف منو، وفي ناس كده اسمهم قرفنا اسكتوا ساكت
ديل لا عندهم ميز ولا مبان جريدة، حايمين في الشوارع سااااكت

ثم انني اكاد اجزم ان البوليس الاماراتي حينما قبض على عصابة السودانيات
لا بكون ضربن لا بكون كفتن، ليس كحال الطبيبة السودانية "اصابات طفيفة في اماكن
متفرقة من الجسم"

وعشان شنو؟؟

دايره ليها 100 وللا 150 دولار زيادة في الراتب


ويتاع سوق المواسير الضرب الناس 100 مليون دولار يلقى المطار مفتوح بل
ولم يتم عزله من منصبه الى الآن.

حكومة السجم قوات الاحتلال الاسلامية في بلادي:

ارفعوا اياديكم القذرة عن شرفاء السودان

والى حين ذهابكم على الاقل اعملوا على ستر فضائحنا بالخارج
وآتوا بزملائكم من السارقين والسارقات الى السودان

موش معقول نكون ماشين مدنقرين جوه وبره كمان

Quote: اقترح على السارقين والسارقات بالخارج ان يرجعوا للسودان، الجابرم شنو على مطاردة بوليس الدول الاخرى، في السودان مهنتكم محمية ومافي زول بقول ليكم بغم، بل بالعكس ممكن تبقو نواب في البرلمان عدييييييييل كده وعندكم حصانة اسمها الحصانة الدبلوماسية، والبنوك مفتوحة و المطارات مفتوحة والبلاغات مقفولة ...

Quote: حكومة السجم قوات الاحتلال الاسلامية في بلادي: ارفعوا اياديكم القذرة عن شرفاء السودان والى حين ذهابكم على الاقل اعملوا على ستر فضائحنا بالخارج وآتوا بزملائكم من السارقين والسارقات الى السودان موش معقول نكون ماشين مدنقرين جوه وبره كمان

شكرا اخى احمد ،قلت الحقائق الموجعة! تبا لها من حكومة ما هى الا عصابة مجرمين

تحياتى