Post: #1
Title: في سبب موضوعي او هي نمطيتنا المعهودة؟
Author: نصار
Date: 06-01-2010, 08:03 PM
اي زول في السودان يقول ليك عاوز لابتوب شرط يكون توشيبا او اتش بي
شدة الحرص علي الماركتين ديل تخليك تعتقد انك لا سامح الله لو اديت
زول Dell او سوني ح يجدعه بالشباك.. في اي حاجة الناس عندنا يتسكوا
بخيارات محدودة اعتقد بس لانهم ما عاوزين يجربوا الما مجرب حسب
ظنهم.. واحد اخونا قال لي اخوهو طلب منه تركتر ماسي فيرجسون
برقم موديل معين و لازم يكون تم استعماله بانجلترا و تنكيه باليسار
عجلاته القدام فيها خطين و المحرات بتاعه فيه لستكين
ما فضل الا يحدد ليه اسم المزارع الاشتراه
في موضوع اللابتوب واحد قال لي سبب موضوعي لاستثناء اجهزة السيمنس
قال انها بتسخن،، طيب عيب بقية الموديلات شنو؟
مع العلم انه في قاعدة يوضع عليها اللابتوب تبرده بفاعلية قصوى
افتونا يا ناس الداخل لاننا ناوين الجية بعد عقود من الزمان
لمان طلعنا الحاجات دي ما كان معروفة في عضمها
|
Post: #2
Title: Re: في سبب موضوعي او هي نمطيتنا المعهودة؟
Author: احمد معتصم الطيب
Date: 06-01-2010, 08:13 PM
Parent: #1
نصار سلامات
ياأخى ما عندكم فى بلجيكا بوكسي موديل 83 سيوبر يا ده يا ما عايز ,,هههه
|
Post: #3
Title: Re: في سبب موضوعي او هي نمطيتنا المعهودة؟
Author: نصار
Date: 06-01-2010, 10:07 PM
Parent: #2
ود المعتصم في 78 تبادل بلاندروفر ابو منفلة داك؟
او كم عجلة رالي او شحنة امواس ناست او...
عيييييك زي ما بقول (عمنا) بشاشة الله يطراهو بالخير
(بسبب عم دي ح يحرمني من الميراث) لووووول
|
Post: #4
Title: Re: في سبب موضوعي او هي نمطيتنا المعهودة؟
Author: النصرى أمين
Date: 06-01-2010, 10:25 PM
Parent: #3
يا نصار
ده شعب انطباعى ..
لا يحب التغيير ...
يخاف من الجديد ...
ويفضل المجرب (بتشديد وفتح الراء)
مشى زى الحيطة kinda
|
Post: #5
Title: Re: في سبب موضوعي او هي نمطيتنا المعهودة؟
Author: نصار
Date: 06-02-2010, 00:23 AM
Parent: #4
النصري كيفك؟
نحنا ما برانا انطباعيين
كل الشعوب المفروض عليها اقتصاد الندرة بتشبهنا في الحاجات دي
الاثيوبيين اظرط مننا لدرجة انهم ما بسموا الحاجات باسماءه
بسموها باسم اول ماركة وصلتهم
كل المعجون سيقنال
كل اللبن كاني
و قس على >لك
لكن حكاية اللابتوبات دي عاوزاعرف مشهادها
الليلة واحد مورتاني طلب مني توشيبا قلت اهو ناس يشبهونا و حالتهم
تشبه حالتنا و انتخاباتهمزاتها تشبه اللتنا بس فضل يضيف الاتش بي
و اغني ليهو
انت سوداني ولا مورتاني
انت واحد بس ما له تاني
مع الاعتا> للفنانة الصومالية
لكن فاجأني بانه خياره التاني Dell
|
Post: #6
Title: Re: في سبب موضوعي او هي نمطيتنا المعهودة؟
Author: عاطف عمر
Date: 06-02-2010, 04:45 AM
Parent: #1
سلام يا نصار
الحال من بعضو
والله بقينا نمارس الغباء
نرسل لهم ما أرادوا غض النظر عن قناعاتنا
ألطف حاجة واحد من أقربائنا طلب ذات مرة أن نرسل له جهازاً بمواصفات معينة ، زى مواصفات الـ ( تركتر ماسي فيرجسون برقم موديل معين ) بتاعك دا
يا مؤمن يا مصدق قمنا اتخمخمنا ودورنا في السوق وعافرنا وأرسلناه له
بعد فترة من الزمن أتى ذلك الشخص دبى وتكرم بزيارتنا ورأى أننا نستعمل جهازاً غير الذي طلبه وأرسلناه له فسأل بثقة
" الجابرك على الخرابة دا شنو ؟؟ "
أجبته بثقة عن مميزاته وعن الفترة التي استعملناه فيها دون أن يحيجنا لأى فني تصليح
فأجاب بما عقد لساني من الدهشة
" طيب وكت الجهاز دا سمح كدا ، مرسل لى أنا الخرابة داك ليه ؟؟؟ "
|
Post: #7
Title: Re: في سبب موضوعي او هي نمطيتنا المعهودة؟
Author: نصار
Date: 06-02-2010, 08:44 AM
Parent: #6
حبيبنا عاطف
ههههههههههه تاني لو طلبوا منك (اي خرابة) قول ليهم قوليهم حالف طلاق
من المراسيل او انك ماخد موقف من الشركات المصنعة لانها بتدعم اسرائيل
لانه في كل الاحوالبترسله بكون خربان و بناهو قش
لاحظانه الموديل المعين اب لساتك مشلخة و الاشولنجي دا شركته وقفت
انتاجه من سنة دو و تفتش ليهو زي دم الحجامة ما تلقاهو
واحد اخونا قال لي سأل واحد من اهل الحظوة ملاك الهايلوكس 83
عن سر الموديل دا قال ليهو بياكل اللفة!!
|
Post: #8
Title: Re: في سبب موضوعي او هي نمطيتنا المعهودة؟
Author: نصار
Date: 06-02-2010, 03:20 PM
Parent: #7
فيكم الخير يا ناس جوة
|
Post: #9
Title: Re: في سبب موضوعي او هي نمطيتنا المعهودة؟
Author: Elawad Eltayeb
Date: 06-02-2010, 03:43 PM
Parent: #7
غايتو لو وصوك وصية أوعك تلف كده ولا كده... تجيبا بي ضبانتا، ولا بعدين تستحمل البجيك.
خليك من ناس السودان، المغتربين ذاتهم متأثرين بالمواصفات (السودانية) زمان كان لما تشتري عربية لازم تكون كل أنظمتها (يدوية) حسي الأمور اتحسنت شوية بفضل العولمة.
والأجهزة الكهربائية لازم تكون ستين سيكل و220 فولت. حتى البياعين بيعرفوا المواصفات دي لما يتعاملوا مع السودانيين.
تفضيل التوشيبا ممكن يكون لأنو بيستحمل السخانة (فتحات التهوية بالجنبة، والجنبة دي أهم شيء!) والصيانة وقطع الغيار متوفرة وأهم حاجة سعرو مهاود وreliable وبيتحمل الطقيش والغبار
غايتو أوعك تقع ساكت.
|
Post: #10
Title: Re: في سبب موضوعي او هي نمطيتنا المعهودة؟
Author: نصار
Date: 06-02-2010, 08:45 PM
Parent: #9
الغريبة يا العوض انهم ما بيطلبوا مواصفات
و حكاية السخانة ما مقنعة بدليل انه
نواكشوت المدينة الوحيدة البتنافس الخرطوم
في السخانة لكن اهلها بفضلوا Dell علي
الـ HP
قصة عاطف بتوريك لا كدا نافع لا كدا نافع
|
Post: #11
Title: Re: في سبب موضوعي او هي نمطيتنا المعهودة؟
Author: نصار
Date: 06-03-2010, 05:24 PM
Parent: #10
|
Post: #12
Title: Re: في سبب موضوعي او هي نمطيتنا المعهودة؟
Author: أمين محمد سليمان
Date: 06-03-2010, 10:03 PM
Parent: #11
Quote: ما فضل الا يحدد ليه اسم المزارع الاشتراه
|
يا نصار الSpecifications دي بحددوها الناس البتشتري و بالتالي أصحاب الشي ده ملزمين بيها و إلا ما حا تجيب ليهم سعر لمن يجو يبيبعو ...
بتذكر في السودان البوكس موديل 83 أغلي من موديل 91 و92 ، و دي حاجات بحددوها ناس الكرين ، كونو فيها منطق ولا لا ما مهم ، المهم إنك تجيب الحاجه السعرها فيها لمن تجي تبيع !!!
|
Post: #13
Title: Re: في سبب موضوعي او هي نمطيتنا المعهودة؟
Author: نصار
Date: 06-04-2010, 09:58 PM
Parent: #12
هلا امين
الهايلوكس عرفناه في مكنيكي دخل في راس
الناس انه 83 ياهو اكسير الحياة
لكن اعتقد انه البشتري لابتوب ما بفكر
في بيعه
ولا انا غلطان؟
|
Post: #14
Title: Re: في سبب موضوعي او هي نمطيتنا المعهودة؟
Author: أمين محمد سليمان
Date: 06-08-2010, 02:30 AM
Parent: #13
Quote: الهايلوكس عرفناه في مكنيكي دخل في راس
الناس انه 83 ياهو اكسير الحياة
لكن اعتقد انه البشتري لابتوب ما بفكر
في بيعه
ولا انا غلطان؟ |
غلطان يا نصار 
في السودان الشقيق أي حاجه قبل ما تشتريها لازم تفكر انك حا تبيعها كيف إذا احتجت ، عشان كده أي حاجه لازم تشتريها بمنطق السوق و معايرو ما بمنطق حوجتك .
|
Post: #15
Title: Re: في سبب موضوعي او هي نمطيتنا المعهودة؟
Author: نصار
Date: 06-14-2010, 01:11 AM
Parent: #14
الظاهر ح نكون غرباء عند عودتنا لهذه الدولة الشقيقة يا امين
15 سنة في زمن اعادة صياغة الانسان ما حاجة هينة
|
Post: #16
Title: Re: في سبب موضوعي او هي نمطيتنا المعهودة؟
Author: نصار
Date: 06-18-2010, 12:49 PM
Parent: #15
طيب يا شباب اسعار التوشيبا و الاتش بي الصينية و الاصلية كيف في الخرطوم
و مواصفاتها المتوفرة شنو؟
|
Post: #17
Title: Re: في سبب موضوعي او هي نمطيتنا المعهودة؟
Author: نصار
Date: 06-18-2010, 09:27 PM
Parent: #16
نسأل العنبة الراميةفوق بيتنا؟
|
|