Post: #1
Title: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: طارق الكوتش
Date: 06-01-2010, 06:13 PM
Parent: #0
رغم اختلافى معك فى الكيفيه التى تدير بها الهلال
ولكن اشكرك على المحاولات الجاده لاسعاد شعب الهلال سيد البلد
والذى لم يأتى من فراغ انما من حبك للهلال والذى تمثل
فى السعى لضم افضل العناصر ، والذى قاد الهلال بدوره على السيطره
محليا على اغلب الكاسات وخارجيا بالوصول لدور الاربعة
مرتين ودور التمانيه افريقيا ونهائى العرب كافضل انجاز
مقارنة باقرب المنافسين اثناء فترة ادارتك
ونشكر لك ايضا عدم اقحام الهلال الكيان فى اى صراع سياسى
كما فعل الآخرون عندما بايعوا من يوالون باسم انديتهم
فى مشهد مؤسف وينم عن عدم احترامهم لبقية جمهورهم الذى
لا يوالى ( يعارض )....
ولكن هى كرة القدم والتى قادت من قبل زعيم امة الهلال
المرحوم الطيب عبد الله من الابتعاد ومن قبلهم المرحوم
الضوء حجوج و المرحوم ابو العائلة و ود الياس
وطه على البشير و عبد المجيد و رئيس نادى الزمالك
ورئيس الريال وووووو والقائمة تطول ، حيث تلعب
النتائج و الماديات الدور الاكبر فى استمرار
مجالس الادارات والاجهزه الفنية و اللاعبين
نشكرك مرة و مرتين وآلاف المرات ونطلب منك فقط
وباسم الهلال الكيان و الحب الكبير الابتعاد
وترك الفرصه لغيرك بعد دعوة الجمعية العمومية
للانعقاد لاختيار مجلس جديد يكون قادر ان يعطى
اكثر من اجل اسعاد شعب الهلال
فقط كطلب اخير لو امكن عزيزى صلاح ادريس
ومن خلال موقع سودانيز اونلاين الالتفاف
فى الفترة القادمه حول الفريق بالتضامن
مع مجلسك و جهازك الفنى من اجل تقديم
ختام للدوره الاولى للممتاز تليق بفريق
الهلال و سمعته و تاريخه
ولكم الشكر و الامتنان
الهلالابى من المولد و حتى الموت
طارق احمد عبد الحفيظ
|
Post: #2
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: على محمد على بشير
Date: 06-01-2010, 06:25 PM
Parent: #1
انتا اللف والدوران لزومو شنو يا كوتش
ما تتكلم عديل كدا وبالمختصر المفيد
شنو يعنى التلتفاف حول الفريق فى الفتره
القادمه وختام جيد للدوره الاولى
انتا ما تقول ليهو عديل كدا اغلب لينا المريخ
قرقرقرقرقرقر
بالجمبه كدا ,,, مشتاقوووووون
|
Post: #3
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: طارق الكوتش
Date: 06-01-2010, 06:36 PM
Parent: #2
اوه صديقى و اخى العزيز على محمد على البشير
يعلم الله مشتاقيييين > واخبارك انشاء الله بخير
| Quote: انتا ما تقول ليهو عديل كدا اغلب لينا المريخ |
الراجل ما قصر وغلب لينا ومن معه المريخ كتيييير
وعلى فكره آخر مباراة دولية بين هلال مريخ > الهلال غالب
وبرضو آخر مباراة محلية بين هلال مريخ > الهلال غالب
وآخر بطولة محلية جمعت الهلال و المريخ سويا > الهلال فيها متصدر
اها فى شنو تانى > بس نحن بنبحث عن الاداء و العرض الذى يشبه الهلال فبل النتيجة
|
Post: #4
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: عثمان جلال الدين
Date: 06-01-2010, 10:11 PM
Parent: #3
التحية للارباب على ماقدم فقد أعطى وما استبقى شيئا..
لكن تظل المشكلة يا كوتش في كل الاندية هي الاعتماد على دعم الأفراد وهذا اس البلاء الذي سيطل براسه من فترة لأخرى..الفرق الكبيرة يمكن لها بقليل من الجهد تفعيل عضويتها وجماهيريتها.. فقط المطلوب وسائل غير تقليدية لاستقطاب دعم ملايين المحبين..
سلام وتحيات..
|
Post: #5
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: طارق الكوتش
Date: 06-02-2010, 12:11 PM
Parent: #4
| Quote: الفرق الكبيرة يمكن لها بقليل من الجهد تفعيل عضويتها وجماهيريتها.. |
وده مربط الفرس ومن هنا اضم صوتى لصوتك وكاول خطوه وبعيدا عن التنظير و التباكى
والذى لايفيد بان يتوجه كل هلالى مخلص ( او من ينوب عنه للذين فى ارض المهجر )
لنادى الهلال لاستخراج العضويه > وفقط مطلوب 60 الف + صورتين فتوغرافيتين
شخصيا بدأت فى عملية استخراج العضوية من خلال
الهلالابى الكبير وعضو البورد > عمر الحبر
كن بخير وتحايا لك اينما كنت
ايها الهلالى المخلص عثمان جلال الدين
|
Post: #6
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: الصادق صديق سلمان
Date: 06-02-2010, 12:27 PM
Parent: #5
التحية للأرباب مرة ومرات على ماقدم
شكراً لك يا كوتش على رسالتك الرزينة الجميلة
الهلال دولة وبلد وكيان
Quote: التحية للارباب على ماقدم فقد أعطى وما استبقى شيئا..
لكن تظل المشكلة يا كوتش في كل الاندية هي الاعتماد على دعم الأفراد وهذا اس البلاء الذي سيطل براسه من فترة لأخرى..الفرق الكبيرة يمكن لها بقليل من الجهد تفعيل عضويتها وجماهيريتها.. فقط المطلوب وسائل غير تقليدية لاستقطاب دعم ملايين المحبين.. سلام وتحيات.. |
افترحت في مرة من المرات ان تقوم إدارة الهلال بتفعيل عضوية شعب الهلال من جميع مدن وقرى وولايات السودان المختلفة من شمالها إلى جنوبها ومن شرقها إلى غربها وعلى كل عضو دفع ما عليه من مستحقات ثم تفعيل عضوية المغتربين وخلق آلية تكون فيها انتخابات نادي الهلال مثل انتخابات السودان في جميع الولايات كل في مكانه.
الصادق
|
Post: #7
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: طارق الكوتش
Date: 06-02-2010, 01:05 PM
Parent: #6
| Quote: افترحت في مرة من المرات ان تقوم إدارة الهلال بتفعيل عضوية شعب الهلال من جميع مدن وقرى وولايات السودان المختلفة من شمالها إلى جنوبها ومن شرقها إلى غربها |
مجالس الادارات دائما تقوم بتفعيل من يوالون لهم فقط
يجب ان تتحرك جماهير الهلال فى شكل مجموعات الى نادى الهلال من اجل العضوية
واختيار من يناسب لقيادة الهلال > فالجماهير التى تقف فى الصفوف ساعات
وتجلس تحت شمس السودان الحارقة وتدفع اربعة مرات فى الشهر ( على الاقل )
لهى قادره لدفع 60 الف مره واحده فى السنه من اجل تفعيل عضويتها بنفسها
من اجل ان يكون الهلال سيد نفسه وغير مرهون لجهة واحده تتحكم فيه كما تشاء
الصادق سلام ونتمنى ان تستمر مسيرتك وقلمك من اجل الهلال الدولة ... الهلال الوطن
|
Post: #8
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: طارق جبريل
Date: 06-02-2010, 01:32 PM
Parent: #7
ياخي بيعوهو في الدلالة وارتاحوا
طارق كيفنك ياخي
الهلال عايز وقفة كبيرة من محبيه
ونحن غايتو زولنا داك باعنا للمؤتمر الوطني عدييييييييييل
يا زول والله ما جايبة همها
|
Post: #9
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: طارق الكوتش
Date: 06-02-2010, 03:11 PM
Parent: #8
طارق جبرين ازيك يا رجل انشاء الله كلو تمام
| Quote: الهلال عايز وقفة كبيرة من محبيه |
نعم يحتاج لكل ابنائه حتى ينصلح و يتعافى ويرجع ينشر الفرح فى دواخلنا
ولكن هذا لا يحدث بالتمنى بل بالعمل و الخطوات الجاده حتى لا تاتينا لحظة
وتبقى علينا | Quote: ونحن غايتو زولنا داك باعنا للمؤتمر الوطني عدييييييييييل |
خصوصا حال الهلال اليوم شبيه بحال المريخ قبل الوالى ...
ساعتها فقط ممكن اردد معاك | Quote: يا زول والله ما جايبة همها |
|
Post: #10
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: أحمد ابراهيم عثمان
Date: 06-02-2010, 03:33 PM
Parent: #9
اركز يا عمك
دي كلها خوفه من يوم 10
(:
|
Post: #11
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: طارق الكوتش
Date: 06-02-2010, 04:12 PM
Parent: #10
ابو حميد ازيك
| Quote: دي كلها خوفه من يوم 10 |
الخوفه من بعد يوم 10
|
Post: #12
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: طارق الكوتش
Date: 06-02-2010, 07:41 PM
Parent: #11
...
|
Post: #13
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: khaleel
Date: 06-02-2010, 07:45 PM
Parent: #12
طه علي البشير
البرير والبقية
شاركو صلاح ادريس فانه لا يقدر علي حمل الهوي وحده
هلالي الخارج عددهم مليون هلالي
كل واحد مائة دولار لو سمحتو
|
Post: #14
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: طارق الكوتش
Date: 06-02-2010, 08:02 PM
Parent: #13
نعم يا خليل ... قبل ده كلو نتمنى
ان تهتم جماهير الهلال بالعضويه...
لتقرر بعد ذلك وحدها كيف يدار الهلال
|
Post: #15
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: عبدالعزيز الفاضلابى
Date: 06-02-2010, 09:40 PM
Parent: #14
كيفك ياكوتش
يعنى هى بقت على صلاح إدريس
الكورة فى السودان ماعندها وجيع
وكان عندها وجيع بكون الجمهور المغلوب على امره.
|
Post: #16
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: عثمان جلال الدين
Date: 06-03-2010, 09:26 AM
Parent: #7
| Quote: يجب ان تتحرك جماهير الهلال فى شكل مجموعات الى نادى الهلال من اجل العضوية |
تمام يا هلالاب يا حلوين.. ونعم مطلوب توسائل تقليدية وغير تقليدية لاستقطاب دعم الأحباب والمريدين..
بالأمس تحدث الرشيد المهدية والطاهر هواري عن عدد من المحاور في برنامج الرشيد والكرة وطرح هواري:
- استقطاب الدعم بتقسيم العضوية إلى بلاتينية وذهبية وفضية وهكذا.. مع وجود امتيازات وحقوق لكل فئة..
- بجانب أهمية تشكيل مجلس أقطاب (500) عضو مثلاً (تماثل مجالس الشرف في بعض الأندية الخليجية كما أعتقد)..
- طرح مشاريع استثمارية بالمشاركة واستقطاب مراكات شركات عالمية معروفة (أحذية وملابس رياضية) تطرح في شكل أسهم للمشجعين كمدخل لزيادة واستقطاب العضوية العاملة بالأندية وهكذا..
المطلوب مزيد من المقترحات والوسائل الغير تقليدية عسى أن يطلع عليها القائمين على الأمر أو من يليهم.
والتيحة من قبل ومن بعد للقابضين على جمر المتعة بالأندية السودانية وعلى رأسهم الارباب.
|
Post: #17
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: حمزاوي
Date: 06-03-2010, 09:49 AM
Parent: #16
Quote: ونشكر لك ايضا عدم اقحام الهلال الكيان فى اى صراع سياسى
كما فعل الآخرون عندما بايعوا من يوالون باسم انديتهم
فى مشهد مؤسف وينم عن عدم احترامهم لبقية جمهورهم الذى
لا يوالى ( يعارض ).... |
الحبيب الكوتش
مسكاقمي
في أي استاد تم تدشين حملة المشير
انا غايتو عارف الاجابة
بس كدي قول انت
|
Post: #18
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: طارق الكوتش
Date: 06-03-2010, 03:55 PM
Parent: #17
حمزاوى سلامات
Quote: في أي استاد تم تدشين حملة المشير
انا غايتو عارف الاجابة
بس كدي قول انت |
لا علاقة بين مرشح يدشن حملته او برنامجه فى مكان عام
مدينه او مسرح او جامعة او نادى ( الهلال نادى عام
واحيانا يشهد هو وغيره احتفالات ثورة الانقاذ وغيرها
من البرامج التى تنتمى لمجموعة معينه ) ، وبين رئيس نادى
يبايع مرشح ليس باسمه ( وهو اكيد حر اذا فعل ذلك
باسمه ) انما يبايع باسم جميع جماهير النادى
دون احترامهم و ميولهم الاخرى ... لذلك اشرنا هنا
بان صلاح ادريس برغم ميوله الاتحاديه الديمقراطيه
ولكنه لم يقحم السياسة داخل اروقة النادى لانه
لم يبايع مرشح الاتحادى باسم جميع جماهير النادى
كما فعل الآخرون ..........
|
Post: #19
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: طارق الكوتش
Date: 06-03-2010, 05:32 PM
Parent: #18
| Quote: أكد الوزير طارق احمد ادم المدرب العام الجديد للهلال أن تدريبات الفريق تمضي بصورة جيدة ضمن البرنامج الفني الموضوع للقاء القمة مشيدا بروح اللاعبين واقبالهم علي التدريبات بهمة وروح معنوية عالية مؤكدا حاجة الفريق الماسة لمباراة ودية تحافظ علي فورمة المباريات عند اللاعبين خاصة وأن الفترة تعتبر جيدة وكافية لأداء بروفة جادة وقوية للمريخ قبل مباراة القمة المهمة في الدورة الأولي مشيرا أنه سينتظر وصول البرازيلي كامبوس المدير الفني للفريق للمناقشة معه في ذلك لاختيار الفريق المناسب الذي سيفيد الهلال فنيا وبدنيا ..... |
| Quote: كامبوس يرتب لمعسكر الهلال الخارجي في تركيا والبرازيل ويعود امس ويرفض التجارب للقمة ويحسم ملف التسجيلات مع الارباب |
؟؟؟؟؟
|
Post: #20
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: طارق الكوتش
Date: 06-03-2010, 06:46 PM
Parent: #19
Quote: الكورة فى السودان ماعندها وجيع
وكان عندها وجيع بكون الجمهور المغلوب على امره. |
عشان كده يا فاضلابى بعد التحيه و السلام > واحد من اتنين
يا الجمهور ده يتمسك بحقه كاملا فى اختيار مجلسه والكفيه التى يدار بها ناديه
او
يقوموا يشوفوا ليهم شغلانيه تانيه ويرتاحوا من وجع الراس
|
Post: #21
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: طارق الكوتش
Date: 06-04-2010, 08:52 PM
Parent: #20
Quote: - استقطاب الدعم بتقسيم العضوية إلى بلاتينية وذهبية وفضية وهكذا.. مع وجود امتيازات وحقوق لكل فئة..
- بجانب أهمية تشكيل مجلس أقطاب (500) عضو مثلاً (تماثل مجالس الشرف في بعض الأندية الخليجية كما أعتقد)..
- طرح مشاريع استثمارية بالمشاركة واستقطاب ماركات و شركات عالمية معروفة (أحذية وملابس رياضية) تطرح في شكل أسهم للمشجعين كمدخل لزيادة واستقطاب العضوية العاملة بالأندية وهكذا..
المطلوب مزيد من المقترحات والوسائل الغير تقليدية عسى أن يطلع عليها القائمين على الأمر أو من يليهم |
|
Post: #22
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: طارق الكوتش
Date: 06-05-2010, 00:10 AM
Parent: #21
....
|
Post: #23
Title: Re: رسالة شكرا وطلب لصلاح ادريس رئيس الهلال من مشجع هلالابى حتى النخاع
Author: طارق الكوتش
Date: 06-05-2010, 11:43 AM
...
|
|