Post: #1
Title: بورداب جدة : طلب مساعدة عاجلة
Author: محمد عمر الفكي
Date: 05-31-2010, 10:28 AM
Parent: #0
اعزائي،
اخوكم تلقى عرض وظيفي جيد في جدة، وارغب في كريم مساعدتكم في إيجاد سكن (3 غرف) ومدرسة للاولاد وخلونا واضحين،
بفتش في مدرسة تكون مصاريفها خفيفة على المعدة، السكن يكون سهل البلع كبوستات اخوانا محمد عادل ومحمد الحبر.
العمل في سوق الكورنيش بجدة وانا جدة ما بعرفها كويس وفي المرحلة دي عربية ما عندي، ربنا يجعل فيكم البركة يكون الحي اما قريب من الشغل او على خط مواصلات واهم حاجة عليكم الله مويته تكون كويسة لانه الموية في جدة دي مشكلة.
ثم عاد واوصي الا تكون الاسعار من النوع البخليك تشوف لك نجوم تزازي قدام عيونك نص النهار.
|
Post: #2
Title: Re: بورداب جدة : طلب مساعدة عاجلة
Author: اساسي
Date: 05-31-2010, 10:35 AM
Parent: #1
انسب حاجة يا عمك بالنسبة لمقر عملك انك تسكن في البغدادية الغربية وبالذات شارع المدارس
السكن ثلاثة غرف من 15 الف ريال وانت طالع للسنة والمدارس داك شارعها وبالنسبة للشغل حاجة بتاعة 10 دقايق برجولك و الحافلات بتمر بالطريق داك
الاخوة الذين يمكنهم مساعدتك من عضوية البورد بي جدة الاخ الشفيع رمزي او الاخ الكنزي او الاخ الرفاعي او الاخ مجدي ابو قصي لانه دي منطقة البلد او وسط المدينة
والشباب الفوق ديل عمد المنطقة دي , اخوك ساكن بعيد من وسط البلد واقرب للمطار عشان كدا مساعدتنا ليك ضررها اكبر من نفعها
|
Post: #3
Title: Re: بورداب جدة : طلب مساعدة عاجلة
Author: Asim Fageary
Date: 05-31-2010, 10:38 AM
Parent: #1
سلام يا محمد عمر
يا محمد طلباتك سهلة وصعبة في نفس الوقت
أولاً: بالنسبة للسكن عندك البغدادية الغربية جهة فندق قصر المدينة (لكن الإيجارات عموماً في جدة مولعة)
لكن إذا قدمت بعض التنازلات وسكنت في حتات شعبية شوية وهي متوفرة حوالي الكورنيش يمكن تلقى أسعار خفيفة
بالنسبة للمدارس هل الأولاد في مدارس سعودية أم أجنبية ؟
وكله موجود والمدارس عموماً أسعارها مناسبة وكل الخيارات موجودة
بعد دا المسألة تبقى وفقاً للميزانية والمفاضلات
ونحنا تحت الخدمة
وهذا رقم جوالي إذا رغبت في مزيد من التفاصيل 0504986935
ومرحباً بكم في جدة
مع تحياتي وأمنياتي بالتوفيق
عاصم فقيري
|
Post: #5
Title: Re: بورداب جدة : طلب مساعدة عاجلة
Author: Asim Fageary
Date: 05-31-2010, 10:41 AM
Parent: #3
سلام يا أساسي
يا أخوي ما تلحقني أنا ذاتي زول جدة إذا كانت البغدادية الغربية فيها سكن في حدود 15 ألف دي نعمة أخوك ساكن في حي النسيم 24 ألف
ألحقني بالله يا أساسي وأديني سلك لو تكرمت 0504986935
مع تحياتي
عاصم فقيري
|
Post: #7
Title: Re: بورداب جدة : طلب مساعدة عاجلة
Author: عصام دهب
Date: 05-31-2010, 10:53 AM
Parent: #3
مرحبابك يا محمد عمر في جدة غير ..
و أقول ليك بكل صراحة بدون عربية حتتعب كتير كتير في جدة خاصة و معك عائلة ..
فأول حاجة و قبل ما تفكر تسكن وين و العيال يدرسوا لازم تعمل ليك عربية عشان يكون عندك ( خيارات ) لعدة أمكنة للسكن و المدارس ..
و إذا لم توفر لك جهة العمل عربية للتنقل فبإمكانك الإستعانة ببعض البورداب من العاملين في شركات و معارض العربيات و ممكن تلاقي عربية كرت بقسط شهري لا يتجاوز الألف ريال ..
إمنياتي لك بالتوفيق و بإقامة طيبة في جدة ..
ـ
رغم إنو كلمة ( عربية ) دي تعبتني شديد خلاص .. لكني مصر أكتبها .. عشان ما أدي أي زول فرصة يقول ليك دي حركات مغتربين .. و الما عارف يقول عدس ..
|
Post: #4
Title: Re: بورداب جدة : طلب مساعدة عاجلة
Author: فايزودالقاضي
Date: 05-31-2010, 10:40 AM
Parent: #1
محمد عمر ..ٍسلام ..
ياخي تجي بالسلامة اولاً وربنا يوفقك في عملك وفي حياتك الجديدة بعروس البحر جدة ..
ماوريتنا امكانياتك يامحمد عشان نحدد ليك تسكن وين ...فالكورنيش حوله اوقريبة منه احياء مختلفة فهناك العادية جداً وهناك المتوسطة وهناك المريحة وكل واحدة لها سعر والمدارس يحددها السكن ..فياريت تورينا امكانياتك في الايجار ولو في الخاص وبعد داك ربنا يسهل ونوريك تعمل شنو ..
حجر ومجدي استلموا بوردابي جديد ..
اهلاً بيك بينا يامحمد ..
ودالقاضي .
|
Post: #6
Title: Re: بورداب جدة : طلب مساعدة عاجلة
Author: جعفر محي الدين
Date: 05-31-2010, 10:53 AM
Parent: #4
أولا مرحب بيك محمد عمر الفكي في جدة
وسعيدين بوجودك في جدة
كلام أساسي هو الأساسي
وللأسف أنا برضو ساكن في الشمال وجديد على جدة
الرفاعي وأبو قصي إن شاء الله ما بيقصروا
وحبابك تاني وتالت في جدة
|
Post: #8
Title: Re: بورداب جدة : طلب مساعدة عاجلة
Author: عصام دهب
Date: 05-31-2010, 10:58 AM
Parent: #6
| Quote: أخوي ما تلحقني أنا ذاتي زول جدة إذا كانت البغدادية الغربية فيها سكن في حدود 15 ألف دي نعمة أخوك ساكن في حي النسيم |
عاصم .. معقولة بس ..
مفارق كيف تخلينا ؟؟
و اللا .. العُشرة و الأيام عليك هانوا ؟؟
ـ
ياخي الواحد ما صدق لقى ليهو زول يكورك ليهو تقول لي مشتت ؟؟
|
Post: #9
Title: Re: بورداب جدة : طلب مساعدة عاجلة
Author: عبد اللطيف السيدح
Date: 05-31-2010, 11:11 AM
Parent: #8
| Quote: و الما عارف يقول عدس .. |
الما عارف يقول سيارة يا دهب
ياود الفكي خد هذا الرقم واتصل علي عماد البحر من اولاد بورتسودان النجاض
وساكن في البغدادية وعارف كل الدريبات 0556428492
نسأل الله لك مقاماً طيباً بين احضان العروس
|
Post: #10
Title: Re: بورداب جدة : طلب مساعدة عاجلة
Author: Asim Fageary
Date: 05-31-2010, 11:48 AM
Parent: #9
سلام يا عصام دهب
يا أخوي إنت ما سامع 15 ألف للشقة 3 غرف دي ولا شنو
إنت ذاتك لو لقيت أبو 15 ألف ما تشتت معانا من النسيم الغالية دي
ويا ريت بس نلاقي أبو 15 ألف
الفرق كبير يا استاذ ومغري جداً
تسلم وجدة مهما كبرت برضها ضيقة
مع تحياتي
عاصم فقيري
|
Post: #11
Title: بورداب جدة : طلب مساعدة عاجلة
Author: محمد عمر الفكي
Date: 05-31-2010, 11:52 AM
Parent: #9
الاخ اساسي
مشكور وماقصرت
الاخ عاصم
اولاً مشكور وثانياً المدارس اجنبية ومؤكد بينا تلفون (بالمناسبة شعبي ما فينا وناس عشرينات ما فينا).
مولانا
انا عندي رخصة سودانية منتهية ليها سنتين، عندك فكرة وضعها شنوبالنسبة لاستخراج رخصة سعودية؟ اما التقسيط فما بعرفه ، بشوف لي عربية رخيصة تمشي الحال.
ود القاضي
مشكور على الترحيب وياها المحرية في ناس جدة، اما بخصوص السعر فانا لو لقيت حاجة بين العشرة والخمستاشر بتكون مناسبة معاي اما مازاد عن ذلك حتى 18 فالا يكون معاها مسهل بلع اما المدارس فالمناسب معاي (شامل الترحيل) بين 300الى 500.
الاخ جعفر
مشكور واكيد حنتزاور
ود السيدح
اكيد سوف اتصل ابه ومشكور لمساعدتك القيمة
يا اخوان شايف اغلب الناس بينصحوني بالبغدادية وبقينا عليها اها همتكم معانايا الناس الجنبها.
|
Post: #12
Title: Re: بورداب جدة : طلب مساعدة عاجلة
Author: بشير أحمد
Date: 05-31-2010, 12:00 PM
Parent: #11
الاخ/محمد عمر الفكي
تحياتي ؛؛؛
مرحب بيك في جدة ام جداد ؛
انا ساكن شمال جدة /الرحيلي طريق المدينة ؛
ما اظن ينفع معاك
المهم ...
تلفوني 0509774336
_______
اخونا جعفر محي الدين
وين ساكن في شمال جدة ؟
تحياتي؛؛؛
|
Post: #13
Title: Re: بورداب جدة : طلب مساعدة عاجلة
Author: Asim Fageary
Date: 05-31-2010, 12:02 PM
Parent: #11
| Quote: اما المدارس فالمناسب معاي (شامل الترحيل) بين 300الى 500. |
سلام
يا محمد المدارس 500 شاملة الترحيل حليناها ليك ومدارس أجنبية ومنهجها بريطاني
لكن السكن في حدود 10 إلى 15 أنا ذاتي قانص ليهو معاك لو لقيتو خليهم شقتين
تحياتي
عاصم فقيري
|
Post: #14
Title: Re: بورداب جدة : طلب مساعدة عاجلة
Author: نصر الدين عثمان
Date: 05-31-2010, 12:15 PM
محمد .. ألف مرحب بك في جدة
بالنسبة للمدارس في مدرسة كويسة اسمها (مدرسة الموارد العالمية) وتقع جوار مركز الشعلة التجاري بقرب السفارة الباكستانية .. وهي أيضاً تدرس المنهج البريطاني إضافة إلى اللغة العربية ورسومها (275) ريال شهرياً شاملة للترحيل..
تلفوني: 0569291330
|
Post: #15
Title: Re: بورداب جدة : طلب مساعدة عاجلة
Author: محمد عمر الفكي
Date: 05-31-2010, 12:43 PM
Parent: #14
دكتور بشير،
مشكور يا حبيب على الترحيب
نصر الدين
جزاك الله خير، اها لمينا في المدرسة الله يسهل امر السكن.
فقيري،
| Quote: لكن السكن في حدود 10 إلى 15 أنا ذاتي قانص ليهو معاك لو لقيتو خليهم شقتين |
بتذكر مرة ود الصائم فتح موضوع مساعدة عن مشكلة في الكمبيوتر، جات خالتنا دومة (على ما اعتقد) في بوست ود الصائم وطرحت مشكلة بتخص الجهاز حقها برضو، فود الصائم قال لها عليك الله يا خالة خليني اقضي انا الاول وتاني بنشوف امرك.
انا ما بقول لك قول اللئيم داك وبقول لك ايد على ايد تجدع بعيد، انت فتش وانا بفتش وتلفونك معاي ومتمنين جيرتك.
بالمناسبة انت اسرة حسن فقيري في الختمية بحري بيقربوا ليك؟
|
Post: #16
Title: Re: بورداب جدة : طلب مساعدة عاجلة
Author: عصام دهب
Date: 05-31-2010, 12:45 PM
Parent: #14
| Quote: انا عندي رخصة سودانية منتهية ليها سنتين، عندك فكرة وضعها شنوبالنسبة لاستخراج رخصة سعودية؟ اما التقسيط فما بعرفه ، بشوف لي عربية رخيصة تمشي الحال. |
أعتقد ـ يعني ما متأكد خالص ـ يامحمد إنو الرخصة السودانية حتساعدك في عدم دخول مدرسة تعليم القيادة يعني لو عندك رخصة غير سعودية و بتسوق كويس و نجحت في إختبار تحديد المستوى .. حيقرروا ليك يوم دراسي واحد في المدرسة لزوم تعرف الأشاير ( الإشارات ) و اللوحات الإرشادية و أسماء قطع غيار ميكانيكا و كهربة السيارات .. ومنو على الإختبار على طول ..
نصيحة تاني خلص موضوع الرخصة و العربية و أسكن محل ما عايز ..
|
Post: #17
Title: Re: بورداب جدة : طلب مساعدة عاجلة
Author: Asim Fageary
Date: 05-31-2010, 12:52 PM
Parent: #16
سلام محمد الفكي
لا أعتقد أن لنا علاقة بأسرة حسن فقيري من الختمية
مع تحياتي
|
Post: #18
Title: Re: بورداب جدة : طلب مساعدة عاجلة
Author: ابو عثمان
Date: 05-31-2010, 01:00 PM
Parent: #16
| Quote: نصيحة تاني خلص موضوع الرخصة و العربية و أسكن محل ما عايز .. |
ده الكلام النجيض
والله يعينك علي اسعار الايجار في جده هذه الأيام !!
انا ساكن مشرفه وبعيد من المطلوب !!
لكن بوصيك فتش الشقه الصالونها كــــــــــــــــــــــــبير و منافعها لبره !! للعمره والحج !!
|
Post: #19
Title: Re: بورداب جدة : طلب مساعدة عاجلة
Author: عبدالرحيم أبراهيم العبيد
Date: 05-31-2010, 01:08 PM
Parent: #16
الاخ/ محمدعمر
التحايا
الف مرحب بيكم في جده
بخصوص السكن
خليك مع أقتراح الاخ /أساسي
بالنسبه لمدارس الابناء العام الدراسي
الجديد غلي ما أظن سيبدأ في منتصف رمضان
وهذه فترة كافيه لاختيار المدارس
ولكن نصيحة الاخ/ نصر الدين أبقي عليها عشره
(مدرسة الموارد العالمية)
|
Post: #20
Title: Re: بورداب جدة : طلب مساعدة عاجلة
Author: الشفيع رمزي
Date: 05-31-2010, 01:24 PM
Parent: #19
ياسيدي مرحب بيك في جدة كتير ونرجوا ان يطيب لك المقام فيها
المنطقة التي تفضل بذكرها الاخوه هي الاقرب لاسواق الكرنيش كما انها منطقة نسبياً نظيفة وآمنة ولاتوجد بها مشاكل موية
على العموم سوف نسعى لايجاد المطلوب لكن ياسيدي نرجوا ان يكون هناك متسع من الوقت لان ايجاد سكن في جدة من الامور الصعبة وخصوصاً لو كانت دائرة البحث ضمن نطاق وسط البلد
تحياتي
|
Post: #21
Title: Re: بورداب جدة : طلب مساعدة عاجلة
Author: البشير دفع الله
Date: 05-31-2010, 01:36 PM
Parent: #20
الأخ محمد عمر الفكي
تحية وتقدير
الامور في البداية بتكون غامضة , ولكن بمجرد وصولك لجده كل الامور بتتحلحل وبتكون عادية جدا
أنا كنت شايل هموم الدنيا كلها لما جيت منقول لجده قبل عام ونصف , ولكن بقدرة قادر بقيت
من ناس جده والامور مشت تمام .
أنا ساكن السليمانية جوار كارفور حاضر لأي خدمة جوالي 0596218431
حبابك في جده
|
Post: #22
Title: Re: بورداب جدة : طلب مساعدة عاجلة
Author: طارق بخيت
Date: 05-31-2010, 02:40 PM
Parent: #21
الأخ محمد عمر الفكى
الف مرحب بيك فى جدة
وان شاء الله يطيب لك المقام
بهابخصوص السكن الاخوان ماقصروا
أدوك المفيد الأنسب هو فعلا السكن
فى مناطق البغدادية والى حد ما الشرفية
والنسيم كويس لكن الايجارات مرتفعة وانامن سكانه
بخصوص المدارس فى مدرسة الورود العالمية جيدة ومنهجها
هندى -بريطانى ومستعدين لاى خدمة والف مرحب بيك فى جدة
جوالى 0500052856.
|
Post: #23
Title: Re: بورداب جدة : طلب مساعدة عاجلة
Author: محمد عمر الفكي
Date: 06-01-2010, 03:08 PM
Parent: #22
شباب
مشكورين وكتر خيركم وياها المحرية فيكم.
لعجالة في الزمن اكتفي بشكركم الان وسوف ارد عليكم فرداً فرداً.
تاني شكراً.
|
Post: #24
Title: Re: بورداب جدة : طلب مساعدة عاجلة
Author: الرفاعي عبدالعاطي حجر
Date: 06-01-2010, 04:57 PM
Parent: #23
ود الفكي تحياتي
سكن على مستوى بوستاتي يا جميل
انت قول جاي متين وماعندك مشكلة
المدارس هنا يعني لكن السكن الان ممكن
البغدادية وزي ما قال ليك اساسي 10 دقائق
كداري رايح جاي والعربية زاتا بنسلف هكرة لحدي
ما تتيسر امورك اها قصرنا معاك لم هزالك وتعال
بس فكنا بلا رياض بلا صحاري هنا الكورنيش والبيك .
..............................................حجر.
|
Post: #25
Title: Re: بورداب جدة : طلب مساعدة عاجلة
Author: سيف النصر محي الدين محمد أحمد
Date: 06-01-2010, 05:28 PM
Parent: #24
يظهر عليكم متوترين شوية اليومين ديل و ما فارزين الهزار من الحاجات التانية.
على العموم جزاكم الله خير.
|
Post: #26
Title: Re: بورداب جدة : طلب مساعدة عاجلة
Author: Asim Fageary
Date: 06-02-2010, 06:20 AM
Parent: #25
دكتور سيف سلام وشوق
يا دكتور أنت رجل نوبي صريح ودغري جبت صفة التلميح الما بعرفوا شن دي من وين يا أخوي !!؟؟
مع مودتي وتحياتي
عاصم فقيري
|
Post: #27
Title: Re: بورداب جدة : طلب مساعدة عاجلة
Author: محمد عمر الفكي
Date: 06-02-2010, 06:56 AM
Parent: #26
مولانا
ربنا يسهل، انا اموري متلخبطة شوية، هسي شغال مشوار كل يوم مكة جدة لانه الاولاد باقي شهر وشوية بيمتحنواومنها على السودان وانا حا اسكن عزابي في جدة عشان اشوف موضوع السكن دا براحتي.
ابو عثمان
مشكور يا سيدي على النصيحة وربنا يهون القواسي
الاخ عبد الرحيم
والله نصيحتك ما وقعتها الواطة، اتصلت على الاخ نصر الدين ونسقت معاه وموارد موارد.
الاخ الشفيع
مشكور وسوف اركز عليها ولسه عندي مهلة من الزمن.
ود العم ود الكبابيش
والله يا البشير انا كان فارقة معاي مكة بس، البيسكن فيها بتكون مشكلته مشكلة لما يفوتها، لكن نقول شنو، المعايش جبارة.
اكيد بينا تلفون يا مك.
الاخ طارق
شكراً جزيلا ليك وغالباً حا اركز على البغدادية.
استاذنا الرفاعي،
يا اخي يقصر الملح، انت شبه التقصير؟ وكتر خيرك على العربية بس اخوك اول حاجة عاوز يشوف موضوع الرخصة دا.
كدي بس خليني اسفر الاولاد ديل بعد يمتحنوا واجي جدة وارتاح من مشوار مكة جدة كل يوم.
Quote: يا محمد عمر في بيت لصق القنصلية الايرانية و بالمرة تودي الاولاد المدرسة الايرانية العالمية لأنها قريبة و فيها خصم خاص للجيران و المسافة ما بعيدة من مركز الكورنيش.
كيف معاك |
انتوا يا جماعة هسي دكتورنا دا فرقو من الكيزان شنو؟ يا دكتور ما عندي مانع بس بشرط واحد انه مدير المدرسة ما يكون اسمه حسن!!!!
|
Post: #28
Title: Re: بورداب جدة : طلب مساعدة عاجلة
Author: جعفر محي الدين
Date: 06-02-2010, 07:20 AM
Parent: #27
والله كتر خيرك يا محمد عمر الفكي
لميت ناس جدة بربطة معلم
وبعد إذن كل المتداخلين حنلقط التلفونات يمكن نحتاجها فيما بعد
الأخ د. بشير أحمد
Quote: اخونا جعفر محي الدين
وين ساكن في شمال جدة ؟
|
أنا ساكن الصفا شارع الأربعين خلف الطازج مباشرة
|
Post: #29
Title: Re: بورداب جدة : طلب مساعدة عاجلة
Author: محمد عمر الفكي
Date: 06-02-2010, 07:44 AM
Parent: #28
اها يا شيخ جعفر
ربنا يلمنا في البيت اب صالوناواسع، عشان المهم ليك كلهم في كرامة ماكنة، وان البيت ما اتلقي كدي خليني اركز اقدامي واستقر وبشوف ليك ليهم حديقة ان شاء الله نتلم فيها.
|
Post: #30
Title: Re: بورداب جدة : طلب مساعدة عاجلة
Author: عاطف رميتي
Date: 06-02-2010, 10:20 PM
Parent: #29
محمد عمر الفكي
ياخوي مرحب بيك وتنور جدة
شمال جدة تنفع معاك جهة شارع فلسطين والمكرونة
جاهزين لاي تكليف
تحياتي
عاطف
|
Post: #31
Title: Re: بورداب جدة : طلب مساعدة عاجلة
Author: willeim andrea
Date: 06-02-2010, 10:34 PM
Parent: #30
| Quote: لكن بوصيك فتش الشقه الصالونها كــــــــــــــــــــــــبير و منافعها لبره !! للعمره والحج !! |
|
|