Post: #1 Title: كديسة جارتنا النيويوركية عندها الغدة Author: Osman Musa Date: 05-30-2010, 06:45 PM Parent: #0
جارتنا أتخرجت من جامعة كولومبيا وبتشتغل فيها . عمرها 41 سنة بنت زى الفاصوليا . تحب أفلام هارى بوتر وطوالى تضحك . جميلة . اليوم دأك كانت مدبرسة دبرسة السنين . سألتها مالك وشنو ؟ قعدت تبكى . وقالت : دى مفاجأة تقيلة . الكديسة يا عثمان . الكديسة . الزولة جابت ملف طويل عريض تاريخ الكديسة كلو . وتبكى . وتحكى . الغدة بتكون تحت الرقبة طوالى . الغدة بتساعد فى تنشيط القلب والجهاز الهضمى وبتساعد فى نمو الشعر . شوف شعر الكديسة دى هسع ممعوط كيف . على كل حال مشيت ال ANIMAL HOSPITAL ادوها حقن عن طريق الوريد وحبوب ال SYNTHROID وبرضو MULTIVITAMIN وأخصائى الغدة قال نسبة الهيموجلوبين مو كعب . حاولت أخفف عليها بكلمات زى ربنا يمتعها ليك بالعافية . ومشيت وأنا أضحك فى حال الكدايس والصبر فى جحور جروف بلدنا .. دنيا
Post: #2 Title: Re: كديسة جارتنا النيويوركية عندها الغدة Author: Osman Musa Date: 05-30-2010, 07:41 PM Parent: #1
الكلام جاب الكلام وأتفرع . وكان دأك أول يوم أعرف فيه انو فى مقابر للكدايس والكلاب . مقابر محاطة بالورود والزهور وفى زول خطاط بيكت عبارات على شاهد القبر حق الكديسة . واليوم دأك عرفت كمان فى جمعيات تهتم بعلاج الغدة الدرقية عند الكدايس . .. دنيا
Post: #4 Title: Re: كديسة جارتنا النيويوركية عندها الغدة Author: Osman Musa Date: 05-30-2010, 09:02 PM Parent: #3
عارف يا عماد أخوى ؟ الكديسة دى عندها فل أنشورنس . فحوصات كل شهر . وعندها تاريخ ميلاد . وجدها التالت معروف . يا عماد حكيت قصة الكديسة دى لى عمى . قال لى دى ما عندها شغل . البنت دى ما تجدع الكديسة هنوووك . هههههههه .
الماغسني جد يا عثمان اخوي الناس ديل الاكل البأكلو للكدايس بعض أطفال السودان ما لامين فيه
Post: #6 Title: Re: كديسة جارتنا النيويوركية عندها الغدة Author: Osman Musa Date: 05-30-2010, 09:41 PM Parent: #5
يا أخى جارتنا زولة جميلة وقت جينا أمريكا جداد والانجليزى انجليزى ترع . ما قامت اتفلهمت وكشحتنا من نوع الانجليزى الكبار كبار دأك . يا سلام . مثقفة وبنت ناس . تحيرك وقت تحكى من رواية ( أوليفر تويست ) حقت الكاتب تشارلزديكنز . عزمتنا يجى عشرين مسرحية فى مسرح البرودواى . لو ماهى ما كنت فاهم شىء فى شىء أسمو حمى الببغاء والتحصين وكيف تتجنب السل البقرى وكيف يتم علاج وجع المفاصل عند الحمير . .. حليل الحمير فى بلدنا
تعرف ياعثمان عندى زميلة لى فى الشغل اول ايامى فى البلد دى يوم جات فرحانة وقالت لى ـ بتى الليلة كسرت كباية وتجى تانى يوم تقول لى ماعارفة عملت شنو ، ويوم ماجات الشغل سالتها قالت انه "بتها " عيانة ومشت معاها الحكيم يوم قلت ليها انتى بتك دى ما عندها صورة ؟ اها لتعترنى قامت تانى يوم جابت الصورة قلت خلاس نشوف صورة بنية حلاتا بشعيراتا مربوطات بالفيونكات بلا القى الصورة صورة كديسة اجى يا السمحة ؟ والادهى والامر قلت لى ـ خطيبى قال لى اختارى ، يا انا يا الكديسة قالت اخترت الكديسة كدى يا يمة مقدرة
Post: #11 Title: Re: كديسة جارتنا النيويوركية عندها الغدة Author: Osman Musa Date: 05-31-2010, 03:36 PM Parent: #7
الفنانه سلمى الشيخ سلامات يا أخت سلمى . والله جد يوم سيرة جارتنا دى تجى الكلام يقيف تب . الزولة زولة معروف . حنت علينا نحنا المساكين المهاجرين البنتعالج من الكتكوت بى لبن الحمير لى هسع . حنت علينا . عزمتنا فيلم رواية مايكل أونداجى THE ENGLISH PATIENT تتذكرى الفيلم ده يا سلمى فيلم المريض الانجليزى . الزولة كانت دليلنا فى ديك الأيامات الكالحات . يوم صاحبى يا سلمى قالها كلمة وهى ما فهمت قامت قالتلو : أمشى :LEARN ENGLIH قام قاليها الانجليزى اليجننك درابى ده مكفينى تب .
Post: #8 Title: Re: كديسة جارتنا النيويوركية عندها الغدة Author: Osman Musa Date: 05-31-2010, 02:52 AM Parent: #5
يا اشرف أخوى هو الأكل بس ؟ يا أخى عند الطبيب الكدايس عندها خصم خاص . والكدايس المسنات كمان عندها خصم اكتر . غايتو حظ عجيب .
وكلهم اذا فاتهم قطر الزواج بيآنسوا شيخوختهم بالكدايس او الكلاب
Post: #10 Title: Re: كديسة جارتنا النيويوركية عندها الغدة Author: Osman Musa Date: 05-31-2010, 04:31 AM Parent: #9
Highly recommended! The staff is friendly and helpful, and the vets take their time with me and my cat. They are open for a good variety of hours, including Sunday, which is really helpful.
I ended up coming here after first going to the Animal Clinic of Bay Ridge over on 86th St. One main difference between the two is the Bay Ridge Animal Hospital is a noticeably cleaner facility, but another is their ability for accommodation. One sad night a few years ago, I came home from work to find my cat had passed away, and though someone answered the phone at the Animal Clinic, they were not willing to see me right away, even though I clearly needed their help (and was probably freaking out a little bit). I called Bay Ridge Animal Hospital, and though they were about to close and though I had never been there before, but they told me to come in, and were really kind and understanding. They have remained that way ever since.
Quote: سألتها مالك وشنو ؟ قعدت تبكى . وقالت : دى مفاجأة تقيلة . الكديسة يا عثمان . الكديسة . الزولة جابت ملف طويل عريض تاريخ الكديسة كلو . وتبكى . وتحكى . الغدة بتكون تحت الرقبة طوالى .
ياخىىىىىىىىىىىىىىىىىىىى
زميلتك دى بتعمل للكديسه كده وقدر ده دى معنات بتعمل للبشر حاجات فوق طاقتنا
يبدو عليهاوايد رومانسيه
تحياتى
Post: #13 Title: Re: كديسة جارتنا النيويوركية عندها الغدة Author: Osman Musa Date: 05-31-2010, 04:42 PM Parent: #12
عاين يا اشرف أخوى الامريكان ديل كلهم عاملين كورسات ودورات متقدمة فى الأسعافات الأولية للبشر وللكدأيس وكلو . سألتها الهدف شنو من الاسعافات حقت الكدايس دى . قالت : الهدف هو الابقاء على سلامة التنفس ودورات الدم ونقل الكدايس بسرعة الى أقرب مستشفى . شايف يا اشرف ؟ وأحد من جماعتى قال لى الناس ديل مجانين . عليك الله يا اشرف هسع مجانين ديل ولا مجنون الزول البيبيع مشروع الجزيرة ؟؟؟؟؟؟؟؟؟؟؟؟؟؟؟؟؟؟؟؟؟؟
Quote: عليك الله يا اشرف هسع مجانين ديل ولا مجنون الزول البيبيع مشروع الجزيرة ؟
غايتو انا فقدت المنطق... بس حسب منطق زولتك دي.. ناس مشروع الجزيرة صعبين ياخي تتخيل بعضهم بياكل الكدايس دي؟؟؟؟
بعدين ياخي شوف طريقة لأخوك اجي بلدكم دي اشتغل محامي كلاب وكدايس قلت لي خففوا حكم الاعدام!! والمحامي ادوهو كم؟؟؟؟ ههههههههه هم ما عارفين كم كديسة اتعدمت في حملة مستشفى الخرطوم ضد الكدايس المدغلبة (بمقاييسنا) طبعا؟؟ نعرف إذا عرفوا الكلام دا ما بعيد بجوا يفكوا فينا كيماوي يعدمونا نفاخ النار
زميلتك دى بتعمل للكديسه كده وقدر ده دى معنات بتعمل للبشر حاجات فوق طاقتنا
ابد والله يااخوى ولاحاجه غير تمشى الكنيسه كل احد وتدفع تلاته دولار ،قال ايه ؟دعم الجنود !! الجنود البيكتلو الناس فى كل انحاء العالم ،معليش يااخى عثمان ماداير اكون ساذج اكتر من كده مودتى
Quote: ابد والله يااخوى ولاحاجه غير تمشى الكنيسه كل احد وتدفع تلاته دولار ،قال ايه ؟دعم الجنود !! الجنود البيكتلو الناس فى كل انحاء العالم ،معليش يااخى عثمان ماداير اكون ساذج اكتر من كده مودتى
Post: #18 Title: Re: كديسة جارتنا النيويوركية عندها الغدة Author: Osman Musa Date: 05-31-2010, 05:32 PM Parent: #17
يا سلام عجبتنى عجب عندها قصة أوليفر تويست . ادتنا ليها حسب فهمنا المكعوج للغة الأمريكية . أوليفر طفل ولد فى ملجأ فى انجلترا سنة 1834 يعنى الرواية تبدأ فى اصلاحية للأحداث وبعد شويتين توفيت أم الطفل . وبعدين الزولة دى عندها لوحة للطيب صالح وكلام كتير عنو .
Post: #29 Title: Re: كديسة جارتنا النيويوركية عندها الغدة Author: Osman Musa Date: 06-01-2010, 05:10 AM Parent: #16
عزيزنا طارق جبريل سلامات عليك الله سلم كتير على الأستاذ طلحة . وخليك معاى متابع الحكايات المدهشة لتعليم الطيور فى جامعة كولومبيا وموضوع جارتنا الأمريكية التى ماتت فى ملاح التقلية .
Post: #27 Title: Re: كديسة جارتنا النيويوركية عندها الغدة Author: Osman Musa Date: 06-01-2010, 04:53 AM Parent: #14
مرحب أخى خيرى تحياتى
Post: #19 Title: Re: كديسة جارتنا النيويوركية عندها الغدة Author: Osman Musa Date: 05-31-2010, 06:19 PM Parent: #12
محمد مختار كيف يازول . سبحان الله . كدأيس كدأيس تموت فى الكوشة . وكدأيس كدأيس تموت فى فنادق 5 نجوم .
Post: #20 Title: Re: كديسة جارتنا النيويوركية عندها الغدة Author: Osman Musa Date: 05-31-2010, 07:21 PM Parent: #19
نشاط ما عادى . الزولة بتطلع للشغل فى الجامعة الساعة 6 صباح . خمسة أيام فى الاسبوع بالمترو . حدثتنا عن تأسيس الجامعة فى سنة 1784 بعد الثورة الأمريكية . والجامعة بتقع فى منطقة مورنينج سايد فى نيويورك . الزولة أرشيف لكل شىء .. وعندها صور ما تتخيل . بتحب العمل والرياضة . قالت : الجامعة دى خرجت كتير من الساسة وكتير من المشاهير الحائزين على جائزة نوبل . وقالت هى الجامع نفسها عندها جائزة . أسمها جائزة بوليتزر . بتمنح للمتميزين فى مجال الأدب والصحافة والفنون . والجامعة عندها يوم كل سنة للمنافسة على تاج ملكة جمال الكدايس . .. دنيا
Post: #21 Title: Re: كديسة جارتنا النيويوركية عندها الغدة Author: Osman Musa Date: 05-31-2010, 08:27 PM Parent: #20
جامعة كولومبيا دى عالم تانى عالم مدهش عالم جميل جمال فوق الوصف . فرجتنا فى صور الخريج . وصور الرحلات وصور الناس الماتو وصور المشاهير وحقيقة الجامعة كلها مشاهير وكلها نجوم . وفرجتنا فى صور مكتب د / ادوارد سعيد. وعندها صورة ادوارد سعيد مع الروائى جمال الغيطانى وصور ادوارد سعيد فى القاهرة . الزولة عندها شغلات تخليك تفكر جد جارتنا دى منو ؟؟؟؟؟؟؟؟؟؟
Post: #22 Title: Re: كديسة جارتنا النيويوركية عندها الغدة Author: Osman Musa Date: 05-31-2010, 08:59 PM Parent: #21
قالت التمثال ده حق الباحث تنبرغن نيكولاس المولود سنة 1907 عندو ابحاث جليلة فى سلوك الحيوانات . وهو السبب فى نهضة الجامعة دى فى الدراسات الميدانية الكبيرة فى السلوك الحيوانى . هنا نشرت المئات من الكتب والأبحاث فى الشغلات دى .
... يا حليلنا ويا حليل جامعة شندى دنيا
Post: #23 Title: Re: كديسة جارتنا النيويوركية عندها الغدة Author: محمد الطيب يوسف Date: 05-31-2010, 09:41 PM Parent: #22
كديسة لندن
Post: #24 Title: Re: كديسة جارتنا النيويوركية عندها الغدة Author: Osman Musa Date: 05-31-2010, 11:01 PM Parent: #23
يا أخى الناس ديل شغالين جنس شغل . كل يوم كل يوم مئات التجارب قالوا الحيوانات ممكن يكون عندها قدرة على التعلم . نعم . التكرار يعلم الحمار . شوف . الدراسات والتجارب أسفرت عن أن الطائر الغريد لا يعرف نوع تغريده بالفطرة بل عليه أن يتعلمه .
Post: #32 Title: Re: كديسة جارتنا النيويوركية عندها الغدة Author: Osman Musa Date: 06-03-2010, 01:06 AM Parent: #23
عزيزنا محمد الطيب كيفك وألف شكر على جلبك كديسة من كدايس دول الشنقين . تحياتى
Post: #25 Title: Re: كديسة جارتنا النيويوركية عندها الغدة Author: Osman Musa Date: 06-01-2010, 04:15 AM Parent: #12
Post: #26 Title: Re: كديسة جارتنا النيويوركية عندها الغدة Author: Osman Musa Date: 06-01-2010, 04:43 AM Parent: #25
نيويورك عالم عجيب . يوم لقيت القصة دى فى صحيفة نيويرك تايمز .
( حكم قضائى على جرو بالاعدام تخففه حاكمة الولاية ) أحيل جرو فى نيوجرسى الى المحاكمة بعد أن عض ابنة أخت صاحبته . وبعد أن أمضى الجرو ألف يوم فى السجن تحت الرقم 914095 حكم عليه بالاعدام لكن حاكمة الولاية خففت الحكم بعد استرحام من اصحاب الجرو . أجر الطبيب النفسى الذى تابع الحالة النفسية للجرو بلغ مئة ألف دولار .
Post: #30 Title: Re: كديسة جارتنا النيويوركية عندها الغدة Author: Osman Musa Date: 06-01-2010, 02:48 PM Parent: #26
فى جامعة كولومبيا عندهم تجارب ودراسات كثيرة منها دراسات عن أصوات القرود والحيوانات البرية والطيور . ومن التجارب ظهر أن لكل صنف منها عدة أصوات ولكل صوت خصائصه ومعناه .