علي عثمان طه : اعمل حسابك من الطيارة وانت ماشي الجنوب

ليس غريب ان رئيسك عمر البشير يفقد نائبي رئيس (او بالاحرى غريبة)

بل الغريب ان يفقدهم في حوادث، طيب ومالو accidents do happen

لكن الاتنين في حوادث طيارات، بل ومستشارة الامني ايضا؟؟؟؟؟؟؟؟

وكل الحوادث كان لها ارتباط بقضية الجنوب


يعني افتكر بعد كده ما عندنا حاجة نقولها ليك تاني

كوننا نتمنى ان تذهب الى مذبلة التاريخ انت ورئيسك وعصابة المؤتمر الوطني

لا يمنع ان نقول ان وجودك بينهم يجعلهم اقل سؤا الى حد ما

ودورك في قضية الجنوب واتفاقية نيفاشا لا نستطيع ان ننكره، ولكن الفضل بعد الله
يعود الى شريكك الراحل جون قرنق، فلولاه ايضا لما راينا اطفال الجنوب في المدارس الآن


شييك على الطيارة كويس قبل ما تركب الهواء

لن نوجه اصابع الاتهام لجهة معينة

فمشاكلك كثيرة

قد يكون من ذهب الى القصر رئيسا او من هو قابع في السجن حبيسا


المصيبة ان كل تلك الحوادث جون، الزبير، شمس الدين

لا تحقيق واحد او سبب واحد مقنع، كلها غامضة، مريبة، سريه

قرأت مِنْ قبل بوستاً فيه نبوءة (كاذِبة) عن أنّك ستكون من الألمعيين في هذا المكان
لكن دُرّابك الفوق دة
فرقو من دُرّاب صديق مهدي علي شِنو؟
سواء من ناحية الرّكاكة و اللُغة الهشّة و الفِكْرة الفطيرة و عدم الموضوع و فجور الخصومة لدرجة تمنيك الموت لأحدهم

الاخ علاء

تحياتي

ما ح ارد على كلامك في شخصي

حارد فقط في حدود موضوع البوست

Quote: لدرجة تمنيك الموت لأحدهم

ارجع اقرأ كلامي تاني

فقد تمنيت ان لا يكون مصير على عثمان الموت رغم اختلافي معه ومع نظامه

دي الخصومة البنعرفها

فقط اعطينا الرجل حقه في دورة المقدر في اتفاقية نيفاشا،و نريد له ان يكمل
المشوار، المشوار الذي من الواضح ان احد اجنحة المؤتمر الوطني تريد ان لا يتم
وذلك يعرقلة الاستفتاء، ودي حقيقة الا لمن في عيونه رمد.

هون عن نفسك يا علاء

ياتو جناح دة البتتكلّم عنو؟
هو الرّئيس نفسو
رئيس الجُمْهورِيّة و رئيس المُؤْتمر إلْتزم بالكلام دة و أعلنه على الملأ في أكثر من مناسبة آخرها من داخل البرلمان

Quote: ثانياً: قيامُ الاستفتاءِ في الجنوبْ وإعظامُ فرصِ الوحدةِ الطوعية. وفي هذا ، أؤكدُ أننّا ملتزمون بما نص عليه اتفاقُ السلام الشامل من إجراء الاستفتاء – للجنوب – في الموعد المحدد ، وهو التزامٌ لن نحيدَ عنه ، فكما وعدنا وأعطينا العهد ، سنوفى به

راجِع خِطاب الرّئيس في البرلمان من هّنا
لو كان شيء لم يُعْلن عنه نقول إنت زول مُجْتهِد و لمّاح و تعلم ما خلف الأضابير
و عارِف إنُّو في ناس تحت تحت حينوِّموا الموضوع دة
لكن موضوع أُعلِن على الملأ الأعظم و سوداه
كيف تجي تقول لي في جناح؟
قول كلام منطقي عليك الله
و حاول إجْتهِد لينا في حاجات لم يُحْسم أمرها
موضوع الإستفتاء منتهي منتهي
لدرجة شايفك بتبحث عن كفيل جنوبي
يعني في بوستيك داك ماكان في جناح و هِنا في ولاّ كيف تحْكُم؟

Quote: لا تحقيق واحد او سبب واحد مقنع، كلها غامضة، مريبة، سريه

ابن عوف .. سلام،
أفلح لو استبان النصح ..

ما للجمال مشيها وئيدا..؟
أجندلاً يحملن أم حديدا..؟
(أمل دنقل)

الاخ علاء

Quote: هو الرّئيس نفسو رئيس الجُمْهورِيّة و رئيس المُؤْتمر إلْتزم بالكلام دة

مع احترامي لاحترامك للرئيس، لكن بالنسبة لي هو آخر من اصدقه، هذا شاني وانا حر فيه

سألتني عن اي جناح

Quote: ياتو جناح دة البتتكلّم عنو؟

عن اي جناح تريد ان احدثك؟؟

جناح من هو موجود بالسجن؟؟

ام جناح من هو مطارد بالعواصم؟

ام جناح صاحب الانتباهة؟

ام جناح المال والاعمال اصحاب شركات تسويق المنتجات البترولية؟

Quote: لو كان شيء لم يُعْلن عنه نقول إنت زول مُجْتهِد و لمّاح و تعلم ما خلف الأضابير و عارِف إنُّو في ناس تحت تحت حينوِّموا الموضوع دة

ولا فخر

احيانا اصيب واحايين كتيرة اخطىء وليس في ذلك عيب

نديك مثال عن واحدة من الاشياء التي اصبنا فيها

كتبنا بوست بعنوان "ما هي اول جريدة سيتم ايقافها" (اعفيني من الرابط فانا جديد في المنبر)

وتوقعنا ان يتم الامر في غضون اسبوع او اسبوعين

وقد كان

وتنبأنا فيه بعودة الرقابة القبلية وقد كان

بل وذهبنا الى ان النظام هذه المرة سيعمد ليس فقط بمصادرة ومنع الطباعة
بل سيتعدى الامر "بضرب الصحفيين انفسهم"

وقد كان

القصة موش في انو الزول اسلوبه ركيك وللا بجيد اللغة العربية، المهم احنا عارفين
كيف يفكر النظام.

نديك ضربة اخرى

توقعت ان تتعرض مريم الصادق الى مضايقة، لكلمة قالها حاجد ماجد سوار في راديو البي بي سي

وقد كان

انا ما داير اتقندف ليك هنا، بقدر ما داير اقول ان النظام اوراقه كشفت
وحينما نصبح نعرف كيف يفكر فعليه ان يتحسس موطء قدمه في كل خطوة

Quote: يعني في بوستيك داك ماكان في جناح و هِنا في ولاّ كيف تحْكُم؟

داك بوست بتحدث فيه بعيون زول جنوبي، ما زلنا في الشمال لدينا مشاكل سياسية

فعلى الجنوبي ان يبتعد منها، ودا راي شخصي، ولا لاحد الحق في انتقاده لانه لا يعتدي
على حريتك الشخصية.

اما قصة كفيل دي فقصدت بها استفزاز اصحاب الدماء الزرقاء في السودان (ان وجدوا)


شكرا لانك غيرت لغتك معي

ابن عوف ..سلام ...


عندما اتذكر من قُتل من عسكر الانقاذ في الحوادث المختلفة يزداد إيماني بأنه مهما تجبروا وتكبروا على الله والخلق فإن فوق كل متجبر اله وصف نفسه بأنه المنتقم الجبار ...

رحم الله ابننا العميد محمدعثمان كرار وصحبه الشهداء الكرام فدماءهم مازالت نار مقدسة تحرق ...

الاخ نصر الدين عثمان

شكرا لمرورك

تحياتي

ود القاضي يا صديقي

Quote: ابن عوف ..سلام ... عندما اتذكر من قُتل من عسكر الانقاذ في الحوادث المختلفة يزداد إيماني بأنه مهما تجبروا وتكبروا على الله والخلق فإن فوق كل متجبر اله وصف نفسه بأنه المنتقم الجبار ... رحم الله ابننا العميد محمدعثمان كرار وصحبه الشهداء الكرام فدماءهم مازالت نار مقدسة تحرق ...

لا ادري كيف ينام هؤلاء البشر وهناك فوق المائة طفل وارملة ليهم 20 سنة وما عارفين
ابهاتم مدفونين وين؟؟

عارف وجه الشبه بين الكيزان والملحدين شنو؟

كلاهما " انهم كانوا لا يرجون حسابا"

لكن ربك المنتقم الجبار ما طمأنهم كلو كلو

كيف؟

قال لهم

"وكل شيء احصيناه كتابا"

اها، خلونا على عمانا دا، لا عارفين الزبير مات كيف لا ابراهيم شمس الدين

خليناكم لي الله

Quote: اعمل حسابك من الطيارة وانت ماشي الجنوب

دا لو لحق ركب الطيارة!!!!


تحياتي

الاخ الدرديري ساتي

Quote: دا لو لحق ركب الطيارة!!!!

يعني الزول دا اوراقه حرقت للدرجة دي وللا كيف؟؟