الى بورداب كندا

تحيتي ومحبتي
ارجو المساعدة والنصح في ايجار سكن لي ولاسرتي مناسب في منطقة تورونتو من يوم 1/7/2010.
احمد
علوية
مازن
مروان
محمود

اهلا بيك فى تورنتو
انت تعالى مسالة الايجار هينة وما تشيل ليها هم

شكرا يا استاذ هاشم على هذه الشهامة بس انا احب
تكون اموري واضحة قبل اصل .......مع خالص
شكري وتقديري

طيب ماعندك مشكلة ورينا مواصفات السكن المطلوب وهى كلها متوفر هل تريد شقة كم غرفة وهل تريد Town houseبرضو كم غرفة فتورنتو كلها مربوطة بشبكة مواصلات فلا مشكلة ان تسكن فى اى من احيائها وهى عموما تنقسم الى وسط المدينة شمالها وغربها وشرقها وبنظرة لخريطة المدينة المتاحة على موقع قوقول ستعرف ان التنقل فيها سهل جدا وعلى العموم ادينى مواصفات السكن المطلوب وسوف اربطك بصاحب الموقع المختار عبر الايميل وبناء على اختيارك سوف اوافيك بالايجار المطلوب

ولاضفاء السرية على هذا الامر يمكنك مراسلتى على الخاص
[email protected]
هذا بالطبع ان اتفقت معى بان السرية افضل

وليك على ان شاء الله كان ربنا مد فى الاعمار اجيك فى المطار واوصلك لعنوانك

د.احمد سلام
وتحياتي

ومرحبك بكم في كندا

الا ما قلت لي انتو الموديكم تورنتو شنو
ما ممكن مدينه جنبها؟؟؟


اعرف ان هنالك كوم بتاع اخوتك الجمهورين يقيمون في مدينه اسمها ميسيساقا

وهي قريبه من تورنتو واكيد افضل لك القرب منهم.

كلاهما اغلى من مدينتنا هاملتون.

يمكنك الوصول من ميسيساقا لتورنتو بالقطار وياخذ قرابة ال 20 دقيقه

يعني اقرب من احياء آخرى بتورنتو نفسها.

بجيك حسه شمس الدين السنوسي رجل فاضل بوضح لك بالضبط المطلوب.

الا هنا يادكتور صعب زول يأجر لك قبال حضورك

الا اذا منزل سوداني مثلا.

هاشم نوريت و الله ما قصرته
الله يديك العافيه

Quote: وليك على ان شاء الله كان ربنا مد فى الاعمار اجيك فى المطار واوصلك لعنوانك

ما بتقصر و الله.

الا باقي لك مسيساقا ما افضل ليه؟؟؟
ماهي كأنها احد احياء تورنتو؟؟؟

تراجى الاختيار متروك ليه هو ومااعتقد فى فرق كبير فى الايجار وبعدين هو قد يكون راقد ليهو على راى وبرضو ميسياقوا ما بعيدة المهم الامر فى النهاية قراره

هاشم سوف أواصلك على الإيميل وأنا فعلا أرغب في السكن في مسيساقا لأني نزلت فيها أخر مرة قبل سنتين
تصوري يا استاذة تراجي لمن أنا قلت تورنتو كنت أقصد منطقة ميسيساقا هذه. انا جاي طبعا
لانو عندي إقامة.
الأستاذة تراجي كل الشكر على هذه الهمة
أحمد

منورنا.....يا د.احمد الحسين
نتشرف بالتعرف عليك باذن الله

Quote: هاشم سوف أواصلك على الإيميل وأنا فعلا أرغب في السكن في مسيساقا لأني نزلت فيها أخر مرة قبل سنتين تصوري يا استاذة تراجي لمن أنا قلت تورنتو كنت أقصد منطقة ميسيساقا هذه. انا جاي طبعا لانو عندي إقامة. الأستاذة تراجي كل الشكر على هذه الهمة أحمد

وكل بيوتنا بيوتا لك.

مرحب بك.

شكرا يا استاذة تراجي على الاهتمام والهمة والتي لم اسنغربهاوذلك لأنني الاحظها دائما في كتابتك "الضكرانة"
انا في انتظار همتكم معي لأنني رجل عجوز ما بقدر على التلتلة اذا كان الموضوع لا يكلفكم عنتا
احتراماتي
احمد

أكيد كندا منورة بيكم وباهليها ويا ريت يا دكتور تعلموا من هناك فيزا لزيارة امريكا ولو علمتوها ليك علي بجي من كندا آخدك لأمريكا وأرجعك كندا تاني
أنا أساسا عندي نية لزيارة العريس قصي همرور لكن يا ريت لو تعملوا على زيارة أمريكا
بس- وكالعادة - عليك حق البنزين

ارسلت لك رسالة هنا في الماسنجر فأرجو مراجعتها
سلام للجميع

يا تراجي وهاشم نوريت... عليكم الله اتوصوا بآل الحسين خيراً... مروان اصلا مقيم في هاملتون يا تراجي من سنة تقريبا وبدرس في جامعة ماك ماستر... لكن بفضّل ميسيساقا، قال انها اكثر حياة :D...

الغرض من الإيجار طبعا، هو ايجار مؤقت... فترة الاجازة فقط...

شكرا مريومة

دكتور أحمد

تحياتي لك والأسرة الكريمة

ونحن في طرفك .. فكرة الهجرة عشعشت في راسي

لتحسين الجواز والأزم منه .. مشينا السودان

قلنا نستقر هناك .. ولم نجد طعم الراحة

فعدنا للأمارات المضيافة .. وانا قريب من "العين"

اتمنى ان نتمكن من زيارتكم قبل ذهابكم لكندا

تحياتي

مرحب د. احمد امين بيك في العين
ان شاء الله البلد رحبت بيكم وان شاء الله نشوفكم قبل ما نسافر

د. أحمد حسين و د.أحمد أمين , لكم التحايا و لمرور البوست و بورداب كندا ..
كل التمنيات لكم بالتوفيق ..

بس الحكاية شنو ... الاسر كلها تهاجر من الامارات!!

قبل أُسبوعين إتصل بي أحد الاخوة من الامارات و قرر الأقامة معنا هنا ..
وهو رب لاسرة , كان في رحلة للعلاج في ألمانيا ومنها توجه إلينا ..

الدكتور احمد راجع ايميلك الشخصى شكرا

الفاضل د.احمد الحسين
منورنا و الله.....وناس مسيساقا ما لهم حق ينوم بقامة مثلك دون احتفاء
حانزرهم على عدم اخبارنا بقدومك قديما.

Quote: شكرا يا استاذة تراجي على الاهتمام والهمة والتي لم اسنغربهاوذلك لأنني الاحظها دائما في كتابتك "الضكرانة" انا في انتظار همتكم معي لأنني رجل عجوز ما بقدر على التلتلة اذا كان الموضوع لا يكلفكم عنتااحتراماتي احمد

ويا اخي عجوز شنو؟؟دي افكار العالم الثالث انت في العالم الاول
وعمرك ده ياهو عمرك ده ياهو منتصف العمر هنا(هههههه)ربنا يهبك خيره و المدام ما تسمعنا(هههه)

Quote: يا تراجي وهاشم نوريت... عليكم الله اتوصوا بآل الحسين خيراً... مروان اصلا مقيم في هاملتون يا تراجي من سنة تقريبا وبدرس في جامعة ماك ماستر... لكن بفضّل ميسيساقا، قال انها اكثر حياة :D... الغرض من الإيجار طبعا، هو ايجار مؤقت... فترة الاجازة فقط...

آل الحسين في عوينا يا مريوم
باذن الله....وبالله اخوك مروان هنا حرام عليك ما بلغتينا...طبعا يا مريم انا عشان ولدياتي صغار ولسه ما عمر
الجامعه ما بعرف اولاد السودانين الفي عمر الجامعه...لكن بلقى خبره لو سألت عنه.

وعلى فكره في اجازتي الماضيه لبلجيا التقيت اخو نادر زوجك وهو ردل رائع وزودته اروع وطفلهم ماشاء الله تبارك الله....قضينا يوم اجمل ما يكون....عنينا وشوين اللحوم وعملنا شبه ندوة سغيره عن تحديات الغربه
وتحديات الزواج...وكان نقاش ما اجمله.....وطبعا غلبنا الرجل بالحكي....والزمناهم بشروط الجزيه و الطاعه
اختك كانت جندريه قويه ومنطق وحجه وطبعا اكلت الجماعه حكي باسم الخبره و العمر نظرت لهم تنظير حبيبك
والزوجات الشابات فرحوا بي(ههههه)...قولي لمحمود ولدك عندك ود عم مشاءا الله تبارك الله عسل بس
وباذن الل يطلع موسيقار ممتاز...عندي لهم صور لو لقيتها بنزلها لك.


تحياتي لكم جميعا وربنا يحفظكم....انتم اسره طيبه ورائعه بحق.

شكرا الاخت مريم وطلبك فوق راسنا وربنا يوفقنا جميعا

هاشم شكرا........سانظر في المواقع واتصل بك عن طريق الايميل
احمد

شكرا يا تراجي على رفع المعنويات

تراجي... ما بتقصّروا والله... وربنا يخلي ليك اطفالك، وتشوفيهم في الجامعات ان شاء الله... منتظره الصور... طبعا ضحكته على الmini ندوة العملتيها... انت انسانه very focused... نادر بقول لي، تراجي عندها القدرة لو البوست عن كيف تعمل مويه نار، انها تحوّل البوست عشان يخدم الحاجات الهي بتكتب عشانها... عميق احترامي ومحبتي

الاستاذ هاشم نوريت... ما بتقصّروا والله... وربنا يقدّرنا نخدمكم...