Post: #1 Title: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: Kamel mohamad Date: 05-29-2010, 11:09 AM Parent: #0
قرأت إعلان في جريدة الخرطوم السودانية قبل أسبوع تقريباً عن عرض خاص لتملك مسكن بالخرطوم للمغتربين بدفع 3000 ريال سعودي كدفعة أولي و 1055 ريال سعودي كقسط شهري لمدة 30 شهرا و ذلك في إمتداد مدينة النخيل السكنية بشرق النيل بعد النجاح الكبير لمدينة النخيل بالقرب من كبري سوبا.
سؤالي هو هل هذه الشركة معروف عنها الأمانة و المصداقية في السودان لأنني كمقيم بالمملكة العربية السعودية أرغب بالشراء لأن العرض ممتاز و لكن متخوف من التعرض للنصب و الإحتيال و لآ أعرف إذا كانت هذه الشركة موثوقة و تتمتع بالأمانة و المصداقية و الجدية.
أرجو من الإخوة من أعضاء و زوار المنتدي من الذين لهم تجربة مع هذه الشركة أو من يملكون معلومات مؤكدة تزويدي بها و لهم جزيل الشكر و التقدير .
ملحوظة هامة :
ذكر الإعلان بجريدة الخرطوم بأنه تبقي أيام قليلة علي العرض بنهاية شهر مايو
إسم الشركة بالسعودية ( شركة درة الإزدهار) و موقعها الإلكتروني هو :
Post: #2 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: Mohamed E. Seliaman Date: 05-29-2010, 12:13 PM Parent: #1
>
Post: #3 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: الفاتح خليل الفكي Date: 05-29-2010, 12:16 PM Parent: #1
الأخ / كامل سلام ،،
شركة سوقطرة للإنشاءات شركة حقيقية ومعروف عنها الامانة والصدق وانا والحمد لله مشتري منهم ارض في مخطط النسيم السكني وبدفع في اقساط شهرية الان في نهايتها وهي تعرض اراضي مخططه وبها الخدمات والشوارع ولديها مخطط النخيل ( 1 ) ولدي احد الاصدقاء مشتري منهم في النخيل ( 1 ) ومستلم شهادة البحث . يعني الشركة تمام التمام ومكاتبهم في السودان بالعمارات شارع ( 61 ) مقابل الخدمة الالزامية ، ومكاتبهم بالسعودية في مخرج ( 10 ) . يعني توكل على الله واشتري طوالي وربنا يوفق .
مع تمنياتي لك بالتوفيق ،،،،
أبو كريم
Post: #4 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: معاذ الهادي Date: 05-29-2010, 12:27 PM Parent: #1
Quote: قرأت إعلان في جريدة الخرطوم السودانية قبل أسبوع تقريباً عن عرض خاص لتملك مسكن بالخرطوم للمغتربين بدفع 3000 ريال سعودي كدفعة أولي و 1055 ريال سعودي كقسط شهري لمدة 30 شهرا و ذلك في إمتداد مدينة النخيل السكنية بشرق النيل بعد النجاح الكبير لمدينة النخيل بالقرب من كبري سوبا.
سؤالي هو هل هذه الشركة معروف عنها الأمانة و المصداقية في السودان لأنني كمقيم بالمملكة العربية السعودية أرغب بالشراء لأن العرض ممتاز و لكن متخوف من التعرض للنصب و الإحتيال و لآ أعرف إذا كانت هذه الشركة موثوقة و تتمتع بالأمانة و المصداقية و الجدية.
أرجو من الإخوة من أعضاء و زوار المنتدي من الذين لهم تجربة مع هذه الشركة أو من يملكون معلومات مؤكدة تزويدي بها و لهم جزيل الشكر و التقدير .
تحياتي كامل
من ناحية الامانة والمصداقية
مافي افضل منها
عروضها معقولة جدا بالنسبة للموظفين ومتوسطي الدخل
انا شخصيا اتعامل معهم منذ عام تقريبا(مخطط النسيم)
لكن حسب معلوماتي ان عروضهم خاصة بالقطع السكنية وليس بالمنازل(الا تكون حاجة جديدة)
ارجو التاكد من العرض هل هو خاص بالمنازل ام بالقطع السكنية
بخصوص النخيل فهي في الامتداد المفروض يكون لكبري سوباشرق(الذي لم يشيد بعد) تقريبا على بعد 10 كلم من الكبري المقترح
Post: #5 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: Kamel mohamad Date: 05-29-2010, 12:46 PM Parent: #4
الإخوة الكرام :
لكم الشكر الجزيل علي المعلومات القيمة أود معرفة معلومة مهمة جدا و هي :
هل هذا العرض هو لتملك مسكن ( بيت أو شقة ) بالخرطوم أم لتملك قطعة أرض فقط ؟؟
لاني فهمت محتوي الإعلان علي أنه تملك شقة ,
و لكم الشكر علي التوضيح مقدما.
Post: #6 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: Amin Mahmoud Zorba Date: 05-29-2010, 04:43 PM Parent: #5
الاستاذ كمال سلام واحترام هذا هو موقع الشركة على الانترنيت وقد دخلت الى الموقع ووجد كمية كبيرة جداً من الهواتف المحمولة ومنذ حوالي أكثر من نصف ساعة وانا بحاول أن يرد على هاتفي احدهم ولكنه لايرد عموماًكدي حاول انت ولو لقيت معلومات جيدة اضيف هنا في هذا البوست
Post: #8 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: معاذ الهادي Date: 05-29-2010, 05:35 PM Parent: #7
تحياتي للاخوان
انا بكرة بقطع ليكم الشك بالنسبة لموضوع المخطط هل هو منازل ام قطع سكنية كباقي مخططاتهم
وزي ماقلت في مداخلة سابقة
الناس ديل ناس نضيفين جد وماعندهم شغل اللف والدوران
امسك لي واقطع ليك
لو في حاجة عاوزيين تستفسروا منها
نزلوها هنا في البوست
بكرة حا اقابل ليكم المدير بتاعها عديييييييل
Post: #9 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: على محمد على بشير Date: 05-30-2010, 05:43 AM Parent: #8
فووووووووووووق
Post: #10 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: صالح عبده Date: 05-30-2010, 08:48 AM Parent: #9
فووووووووووووق
Post: #11 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: بشير أحمد Date: 05-30-2010, 08:55 AM Parent: #10
ups
Post: #13 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: امير مصطفى احمد Date: 05-30-2010, 08:58 AM Parent: #11
لدي تجربة فعلية معهم حيث قمت بشراء ارض في مخطط النخيل السكني بمربع 26 مدينة الفاتح في شرق النيل بمدينة بحري .
وهي شركة لديها مصداقية كبيرة في الإلتزام بتسليم الارض عند انتهاء التقسيط .
بالنسبة للمباني ليس دي فكره عنها .
Post: #12 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: الامين موسى البشاري Date: 05-30-2010, 08:57 AM Parent: #10
الأخ كامل محمد
ســــــلامي وتحياتي، هاك النجيضة يا زول ... دا تلفون المهندس السوداني الماسك المكتب هنا في الريــاض وقد سبق وأن اتصلت عليه قبل فترة وهو شخص ممتاز
الموبايل: 0555225661 تلفون: 014887979 - 012482793
تمنياتي لك بالتوفيق
Post: #14 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: mekki Date: 05-30-2010, 09:21 AM Parent: #12
للمغتربين بس؟؟؟
Post: #15 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: معتصم محمد صالح Date: 05-30-2010, 09:29 AM Parent: #14
Quote: للمغتربين بس؟؟؟
انشاء الله يلحقوكم سندس
Post: #16 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: Kamel mohamad Date: 05-30-2010, 10:52 AM Parent: #15
الإخوة المتداخلون الكرام:
لكم الشكر الجزيل علي المعلومات القيمة, بالفعل المشروع مغري جدا إذا كان تملك مساكن و لكن أراضي ليس بنفس القدر.
سأسعي للتأكد من هل هي تملك أراضي أم مساكن ( منازل أم شقق)
و إذا توفرت أي معلومة لديكم عن ماهية هذا العرض فالرجاء نشرها فورا هنا و لكم الشكر الجزيل
Post: #17 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: عفاف الصادق بابكر Date: 05-30-2010, 11:00 AM Parent: #15
Quote: انشاء الله يلحقوكم سندس
ده شنو يا معتصم يا اخوي .. !!
مالك قطعته العشم ..
Post: #18 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: عبدالرحيم أبراهيم العبيد Date: 05-30-2010, 11:19 AM Parent: #17
أخواني/تي تحياتي يا جماعه دايرين نعرف
موقع النسيم والنخيل تحديدا أين وما هي الاسعار ودمتم بالف خير وعافيه
Post: #19 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: صلاح شكوكو Date: 05-30-2010, 02:48 PM Parent: #18
Quote: أخواني/تي تحياتي يا جماعه دايرين نعرف
موقع النسيم والنخيل تحديدا أين وما هي الاسعار ودمتم بالف خير وعافيه
أولا هذه الشركة اصحابها يمينين متسعودين .. يعني الإدارة العلياسعودية لكن المديرين المباشرين يمنيين .. ومعهم سودانيون هم لايبنون مساكن بل يبيعون لك أضا (( مخططة )) فيما يلي المواقع التي يعملون بها في الخرطوم وأم درما وإنت بواسطة gooogle تم الباقي. وأدناه تفاصيل أوفى مع الود ..
..
حاول تكبر الصورة أو رسل لي في الخاص مع إيميلك
..
Post: #20 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: على محمد على بشير Date: 05-30-2010, 02:58 PM Parent: #19
يا اخوانا
الموضوع دا مافيهو نجيضه للان
Post: #21 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: صالح عبده Date: 05-30-2010, 03:03 PM Parent: #20
الراجل دا الف مرة كرر قال عايز سكن مش قطعة ارض
Post: #22 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: الامين موسى البشاري Date: 05-30-2010, 04:55 PM Parent: #21
Quote: هاك النجيضة يا زول ... دا تلفون المهندس السوداني الماسك المكتب هنا في الريــاض وقد سبق وأن اتصلت عليه قبل فترة وهو شخص ممتاز
الموبايل: 0555225661 تلفون: 014887979 - 012482793
Post: #23 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: معاذ حسن Date: 05-30-2010, 05:17 PM Parent: #22
معاذ الهادي نحن في انتظار النجيضة
Post: #24 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: على محمد على بشير Date: 05-30-2010, 05:21 PM Parent: #23
فوووووووووووق
Post: #25 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: د.محمد بابكر Date: 05-30-2010, 05:26 PM Parent: #22
Quote: االله اعلم بس الواحد يعمل حسابه يا شباب لانه البلد كلها بقت تربيزة قمار كبيره اسألوا مره واتنين وتلاته وحبل المهله يربط ويفضل
Post: #26 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: معاذ حسن Date: 05-30-2010, 05:39 PM Parent: #25
بحسب ما فهمت من موقع الشركة فان جميع قطع مخطط النخيل مباعة ولا توجد قطع معروضة.
Post: #27 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: صلاح شكوكو Date: 05-30-2010, 06:08 PM Parent: #26
......
يازول نجيضة ساي
بس المعروف أنهم لايبيعون إلا أضا فضاء يعني المشروع إسمه مخطط فقط الخدمات موجودة في المشروع ممكن تتم الباقي بجوجل
وهاك النجيضة تب لو في أي إستفسار عنواني هو [email protected] مع الود >>
Post: #28 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: الصادق صديق سلمان Date: 05-30-2010, 06:22 PM Parent: #1
Post: #29 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: محمد حسن العمدة Date: 05-30-2010, 06:56 PM
الصادق صديق العرض خلاك تترجم ولا شنو ؟ مافهمت حاجة من كتابتك حروف عجيبة
Quote: أولا هذه الشركة اصحابها يمينين متسعودين .. يعني الإدارة العلياسعودية لكن المديرين المباشرين يمنيين .. ومعهم سودانيون هم لايبنون مساكن بل يبيعون لك أضا (( مخططة )) فيما يلي المواقع التي يعملون بها في الخرطوم وأم درما وإنت بواسطة gooogle تم الباقي.
حسب الكلام دا الموضوع دا فيهو فساد كبير
اولا لماذا يشتري المواطن شركات اجنبية في بلده ؟ مشروع استثماري ؟ هل دا مفهوم الاستثمار الاجنبي المالي البلد ؟
وماذا تستفيد الدولة من مثل هذه الاستثمارات ؟؟
توفير سيولة نقدية بالعملة الصعبة ؟ دا اسمو شحده عدييييييل وبيع لتراب الوطن
هذه الشركة وحسب المعلومات الموجودة هنا تبيع الارض بـ 34.650 ريال يعني بالتقسيط سعر القطعة بـ 22 مليون و 522 الف و500 جنيه بسعر الريال 650 جنيه بالقديم
الشركة تبيع الارض بالتقسيط يعني فيها ارباح بالزيادة يعني ببساطة بالكاش بتكون اقل من كدا
ممكن اي مواطن يتوزع ليهو ودا من حقو بسعر اقل من كدا وممكن الحكومة نفسها تعمل بيع استثماري للقطع والمخططات لكن في ظل دولة الفساد ووزراء النسبة كل شي يباع ولا عزاء للمواطن
اضف الى ذلك ان هذه المخططات في مناطق الاسعار فيها اقل من ذلك بكثير جدا
سبق ان قرات اعلان عن توزيع اراضي زراعية بغرب ام درمان وكان المسوق للقطع الزراعية حسب ارقام التلفونات سوري الجنيسة يسوق لارض سودانية لسودانين !!!
طيب ياخي على الاقل المسوقين السودانين مالين البلد !!!
Post: #30 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: معاذ الهادي Date: 05-31-2010, 06:58 AM Parent: #29
سلام للجميع هاكم النجيضة
من مدير التسويق بشركة سوقطرة
جميع العروض خاصة بقطع سكنية في مخططات تتوفر بها الخدمات الكهرباء المياه والزلط اضافة للدارس والمراكز الصحية
لاتوجد عروض للمنازل اطلاقا...قطع سكنية فقط
المتبقي من العروض حتى تاريخ 30/5/2010
مخطط النسيم لاتوجد قطع سكنية المتبقي فقط قطع استثمارية
النخيل 1 توجد 3 قطع 500 م زلط ب 47 مليون والبيع كاش توجد قطعة داخلية 435م 30 مليون كاش
النخيل2 توجد اربع قطع فقط
الريحان توجد 20 قطعة 500م ناصية زلط ب 47 مليون الداخلية مقدم 10 مليون والباقي على 20 شهر
مخطط طيبة الباقي اربعة قطع سعر القطعة 25 مليون 10 مليون مقدم والباقي على 20 شهر
ودمتم
Post: #31 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: الصادق صديق سلمان Date: 05-31-2010, 07:09 AM Parent: #30
والله يا محمد حسن العمدة اقول ليك شنو
Quote: الصادق صديق العرض خلاك تترجم ولا شنو ؟ مافهمت حاجة من كتابتك حروف عجيبة
بنتي فتحية (5سنوات) بتقعد جمبي لمن اكتب في المنبر وحافظة انا بعمل شنو بعد ما اقوم امشي اي مكان واخلي الكمبيوتر مفتوح بتقوم هي تعمل زيي بالضبط تكتب عي حاجة وتضغط زي ما انا بضغط وبعداك الكلام بجيكم
فأرجو المعذرة
الصادق
Post: #32 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: عبدالرحيم أبراهيم العبيد Date: 05-31-2010, 07:32 AM Parent: #31
علم وجزيتم خيرا
Post: #33 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: Elhadi Date: 05-31-2010, 07:33 AM Parent: #31
سعوديين شنو الشغلانة دي شكلها كلها "أبو يمن" زي ما قال أخونا الفوق ده ..
ديل بكرة لو شالوا قروش الناس وفرتقوا مشوا احتموا بالقبائل اليمنية تاني تلموا فيهم وين ؟؟
غايتو إلا تمسكوا في السودانيين الظاهرين في الصور ديل
هوية صاحب الشركة أو "المشروع" وشركاءه السودانيين اتخيل لي برضو مهمة في الموضوع ده
منو هم أصلاً الناس ديل ؟؟
عشان الناس تعرف عاوز تدفع قروشا لي منو .. ما يركبوكم ماسورة ساي زي بتاع الفاشر داك !
Post: #34 Title: Re: أرغب في معلومات عن شركة سوقطرة للإنشاءات التي عرضت مساكن رخيصة بالخرطوم Author: معاذ الهادي Date: 05-31-2010, 08:29 AM Parent: #33
Quote: هوية صاحب الشركة أو "المشروع" وشركاءه السودانيين اتخيل لي برضو مهمة في الموضوع ده
منو هم أصلاً الناس ديل ؟؟
عشان الناس تعرف عاوز تدفع قروشا لي منو .. ما يركبوكم ماسورة ساي زي بتاع الفاشر داك !
تحياتي يا هادي
المواسير دي غير ناسنا مافي زول بركبنا ليها
الناس ديل يستاهلوا ان نقف لهم احتراما لما قدموه نعم هم جهة استثمارية لكن لاتوجد مقارنة اطلاقا بين اسعارهم وبين اسعار صناديق الاسكان والاستثمار السودانية
واقرب مثال المقارنة بين مخطط النسيم ومخطط نبته
النسيم اقرب الى سنتر الخرطوم ومنطقته ماهولة بالسكان وتم توفير جميع الخدمات بها من مدارس وكهرباء ومياه خلال ستة اشهر فقط وحاليا هناك اسر وملاك شيدوا منازلهم بها ويسكنونها حاليا
وسعرها عندما اشتريتها 27 مليون فقط 3 مليون مقدم والباقي تم تقسيطه على سنتين ونصف
اما نبتة فحدث ولاحرج في اخر الدنيا والصرف الصحي ما يديك الدرب
