Post: #1
Title: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: Tragie Mustafa
Date: 05-29-2010, 06:44 AM
Re: الوالى كبر امبارح كان ابداع عديل ...
كتب عضو المنبر ابوقوتا الآتي:
Quote:
قبل شهر السيدة الثانية اشترت بيت الشيخ مصطفى الامين
ب سبعة مليار,,دى بتكون من راتب البشير ولا مخصصات المرحوم زوجها
|
اولا:
انا اعتقد بصحة ما اورده اخونا عضو المنبر ابوقوتا.
لكن السؤال:
الشيخ مصطفى الامين من كبار اسماء الرسماليه السودانيه العصاميه
لم يعرفوا غسيل الاموال ولا غيره.
بنو نفسهم بعصاميه واجتهاد وتواضع ورحمة وبر بالارحام و الفقراء!
ما الذي اجبرهم يا ترى على بيع منزلهم من اساسه؟؟!!
ام هم اخطبوات السوق وسياسة التركيع التي تتباها الانقاذ لازلال الراسماليه السودانيه الاصليه
مقابل التمدد للطفيليه الانقاذيه وابطال غسيل الاموال القذره المنتشر حاليا في السودان؟؟!!
اما حكاية من اين ل(وداد بابكر) ال 7 مليار؟؟!!
فهذه لا تحتاج لسؤال....وانما هي اثبات حاله لمدى فسوق وتبجح وفساد هذه الطغمه.
البركه في منظمة سند الخيريه وغيرها من قنوات البلع لسيادة زوجة الرئيس الثانيه!
حبيبة القلب ستي وداد!!
ومرة آخرى.....لك الله يا فاطمه خالد!
ونردد معك ما قاله اخوتنا المصرين:
(الغير مخدته غير محبته يا اختي)!!
عشنا وشفنا فعلا....كيف طفيلة الانقاذ...هي التي تقزم وتشتري املاك راسمالية السودان الوطنيه
وياها القصه....(جدادة الخلا الطردت جدادة البيت)!
|
Post: #2
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: Tragie Mustafa
Date: 05-29-2010, 03:34 PM
Parent: #1
وصمت صبية المؤتمر الوطني
|
Post: #3
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: Tragie Mustafa
Date: 05-30-2010, 06:34 AM
Parent: #2
تخافوا يا مستهبلين؟؟!!
|
Post: #5
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: Tragie Mustafa
Date: 05-30-2010, 08:03 AM
Parent: #4
شكرا ابو جنزير على رفع البوست.
|
Post: #7
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: Tragie Mustafa
Date: 05-30-2010, 05:08 PM
Parent: #6
محمد عادل
تحياتي
والله اتاريك ماك هين وكتبت عن هذا الموضع من قبل
ما لاحظت ناسك القلوا ادبهم عليك بهناك لبدوا هنا كيف مني؟؟؟
Quote: قبل اعلان نتيجة الانتخابات قام المرشح المواطن عمر حسن احمد البشير بشراء
منزل الامين الشيخ رجل الاعمال المعروف بمبلغ 6 مليون و500 الف دولار وتسجيله باسم
حرمه وداد بابكر |
كلام يا عود دكام!!ودي يا ربي تثمينا لجهودها من خلال منظمة سند الخيريه
الاشتغلت ليه تزوير في الجنوب؟؟؟؟
|
Post: #8
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: هجو الأقرع
Date: 05-30-2010, 05:43 PM
Parent: #7
غايتو الشىء البعرفو ، انو قصر و اللا غيرو وداد تستاهل ، فهى زوجة الشهيد ، و سيدة السودان الاولى ، وزوجها اختاروا الشعب السودانى ، انتى خليك فى الصقيع بتاعك داك ، المال مال ابونا ويجى ناس تراجى يحاسبونا ، ست مليار ست مليار ست مليار ست مليار طبعا بدون (الهاء) . الكنرابل ، الناس ماله زعلانه ، بس تموتوا وجع يا ال.............، اها لما خليل يدخل الخرطوم سيف مساعد قال بياخدوا ليك قبه المهدى .
|
Post: #9
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: Tragie Mustafa
Date: 06-08-2010, 04:48 PM
Parent: #8
يبدو يا هجو الاقرع ان الامر صححيا لذا لم تغالط؟؟؟
Quote: غايتو الشىء البعرفو ، انو قصر و اللا غيرو وداد تستاهل ، فهى زوجة الشهيد ،
و سيدة السودان الاولى ، وزوجها اختاروا الشعب السودانى ، انتى خليك فى الصقيع بتاعك
داك ، المال مال ابونا ويجى ناس تراجى يحاسبونا ، ست مليار ست مليار ست مليار ست
مليار طبعا بدون (الهاء) . الكنرابل ، الناس ماله زعلانه ، بس تموتوا وجع يا ال
.............، اها لما خليل يدخل الخرطوم سيف مساعد قال بياخدوا ليك قبه المهدى . |
يا حبيب اولا هي ارملة الشهيد ولم تعد زوجته.
ثاني النجيء نشوف تستاهله ليه؟؟؟؟
يستاهلوا امه وابوهو...وهم لو فتشناهم ما نلقى ربع مليار طاير وصولهم!!
ثالثا يا غالي تستاهله ليه؟؟عشان منظمة سند بتاعتها
شاركت في التزوير؟؟!!ولا شنو؟؟؟يعني؟؟
ولا صفقة ثياب الشجره الهربت بسببها ملايين الثياب بتاجر فيهم لسه؟؟؟
قال صياب نسائيه للحمله الانتخابيه!!وجع انا واموت في الفساد الريحته ضاربه!!
قال تستاهل قال!!
طيب فاطمه خالد المسكينه دي ما كان يوروها الدرب ان شاء الله تشراك باستيارد طرح للبنات
فيها رمز الشجره وتلقى لها مليار مليارين ان شا ءالله!!
تتجازي يا بت البطاحين الطعلتي انجض من بت الجعلين فاطمه خالد!
|
Post: #10
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: طارق ميرغني
Date: 06-08-2010, 05:49 PM
Parent: #9
اختنا تراجي
ما اظن البشير يغلط غلطه زي دي او ناس المؤتمر يخلوهو يعملها
لانو بحساب بسيط لا وارث ولا وارث
ومرتب عشرين سنه ما بجيب بيت شيخ سيرو
خليك من بيت الشيخ مصطفي الامين ؟؟
|
Post: #12
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: Tragie Mustafa
Date: 06-10-2010, 06:10 AM
Parent: #10
Quote: اختنا تراجي
ما اظن البشير يغلط غلطه زي دي او ناس المؤتمر يخلوهو يعملها
لانو بحساب بسيط لا وارث ولا وارث
ومرتب عشرين سنه ما بجيب بيت شيخ سيرو
خليك من بيت الشيخ مصطفي الامين ؟؟ |
وحياتك يا طارق ميرغني عملها
انت ما شايف براك انه اكثر من بوست مفتوح بالامر؟؟
واتضح انه محمد عادل منذ الارشفه الماضيه فاتح بيه بوست؟؟؟
|
Post: #13
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: وجدان جمال
Date: 06-12-2010, 12:40 PM
Parent: #4
استاذة تراجى ..
سلامات
معليش اول مرة اتداخل معاك فى بوست
والله انا وداد دى الا بشوفة فى التلفزيزن ماعندى بيها اى معرفة
اى زول ممكن يكتب الدايرو بس خاصة الحاجات الذى دى لمن تكون مدعمة
بى مستندات بكون اكثر مصداقية !!
هسع انا ممكن ارفع بوست واقول تراجى مصطفى اشترت عمارة فى كافورى بـ 4 مليار
و 3 فلل فى مخطط النسيم و .. و.. و ..
فى النهاية حيكون كلام والسلام .. بس لمن ارفع المستندات هنا بيكون اكثر مصداقية ..
تحياتى واحترامى ..
وجدان
|
Post: #11
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: مامون المعتصم أحمد
Date: 06-08-2010, 07:17 PM
Parent: #1
الأخــت الـمـحـترمـة
أوعـى يــكـون أبـوقـوتـا دا زى سـيـف مـسـعـد على
بــتـاع جـاكـات يـعـنى ... لـو كـان صـادق خـلى
يـصـور لـيـنا شـــهـادة الـبـحـث ...
أمـا جــداد الـخـلا الـطـرد جــداد الـبـيـت فـهـو
بالـتـأكـيـد زى الأفـاكـين الـمـشــو الـدول الـغـربـية
و كـذبـو كـذب شــديييييييد و كـبار كـبار و أدوهـم
حـق اللـجـوء و بـقـو يـقـبـضـو الـمصـاريف مـن هـناك
و ناس البلـد المـسـاكين فـيهم واحـدين نايمين فى
الـشــوارع و جـيـعـانين و ناس اللجـوء بـقـوا ســـمان
و مـكان ...
أما الـســودانيين الـقـاعـدين فى الـســودان ديــل
يـا مـحـترمـة كـلهـم جــداد بـيت ... و رب الـعـزة
قـال (( و تـلك الأيـام نـداولـهـا بين الـناس) وهــو
مـن يـغـنى و يـفـقـر و يـعـز و يــذل مـن يـشـاء مـن
عـبـاده ولاّّ شـــنـو رايـك ؟؟؟
|
Post: #14
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: ABUHUSSEIN
Date: 06-12-2010, 01:24 PM
Parent: #11
و نسة شُفع في بيت طهور
فلانة عملت و فلانة ماشة مع فلان
إنتي وداد بابكر دي واقفة ليك في حلقك مالها علشان سمحة و لا في شي تاني ؟؟؟
|
Post: #15
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: السيد المسلمي
Date: 06-12-2010, 01:38 PM
Parent: #14
Quote: و نسة شُفع في بيت طهور
|
أبوحسين مشتاقين ياخوي ..
ليك يومين مسجل غياب ؟
ـــ
أصبحت كيف من العسم !
|
Post: #16
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: إسماعيل وراق
Date: 06-12-2010, 02:00 PM
Parent: #15
| Quote: تتجازي يا بت البطاحين الطعلتي انجض من بت الجعلين فاطمه خالد! |
بما أن اخوك يا تراجي مهتم بالإنساب دون عصبية قبلية وعلى حسب علمي فإن وداد من أهلك الحسنات (فرع من الكواهلة).
..
..
|
Post: #18
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: Tragie Mustafa
Date: 06-12-2010, 02:10 PM
Parent: #16
اسماعيل وراق
سلام
Quote:
بما أن اخوك يا تراجي مهتم بالإنساب دون عصبية قبلية وعلى حسب علمي
فإن وداد من أهلك الحسنات (فرع من الكواهلة).
..
.. |
كواهله بطاحين يا حبيب كله عند العرب صابون.
الكاهليه دي طلعت انجض من فاطمه خالد الجعليه!!
|
Post: #17
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: Tragie Mustafa
Date: 06-12-2010, 02:08 PM
Parent: #14
اسمح من منو يا عبيط انت؟؟؟
Quote:
و نسة شُفع في بيت طهور
فلانة عملت و فلانة ماشة مع فلان
إنتي وداد بابكر دي واقفة ليك في حلقك مالها علشان سمحة و لا في شي تاني ؟؟؟ |
امثالك من الرجال المتخلفين الذين لا يرون في النساء الا قوارير....امثالكم فقط من يرد مثل ردك الاهبل
وداد بابكر يمكن اسمح في معايير بيئتك المتخلفه
ولكن بيئتي المستنيره لا يرونها تساوي ظفري وقع لك؟؟!!
|
Post: #19
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: قلقو
Date: 06-12-2010, 02:24 PM
Parent: #17
ياتراجى واضح انو المدام لحلوحة وكسيبة.
مش يمكن كسبت القروش دى فى كرتلة؟ ولايمكن ضرب معاها اليانصيب ؟ ولكن وبما انو نحن بلد ذو توجه حضارى ورابطين قيم السماء بأرض السودان اوارض كافورى على وجه التحديد, فالحاجات دى عندنا حرام وعشان كدة أكيد اكيد دخلت فى صندوق وهى صرفت الصرفة الأولى بوصفها زوجة شهيد والآن زوجة رئيس تطارده العدالة الدولية. وسبحان المعطى الوهاب .
|
Post: #20
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: إسماعيل وراق
Date: 06-12-2010, 07:36 PM
Parent: #19
| Quote: الكاهليه دي طلعت انجض من فاطمه خالد الجعليه!! |
تراجي.. كيف حالك.،
فاطمة خالد.. بديرية.،
قبل الخروج:
أفضل لنا ان نعيش في اطار السودان العريض
جبدة:
اذا تأكد هذا الخبر فإنه سيضاف الى اخبار المفارقات العجيبة في عهد الإنقاذ إذ إننا لم نسمع بزوجة أي رئيس سوداني سابق اشترت منزلاً وبهكذا مبلغ.،
|
Post: #21
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: Tragie Mustafa
Date: 06-12-2010, 11:05 PM
Parent: #20
يا اسماعيل وراق
تحياتي
يا اخي طلعتني كيت من عالم الانساب السودانيه(هههههههههه)
Quote: تراجي.. كيف حالك.،
فاطمة خالد.. بديرية.، |
يا حبيب بديريه....دنقلاويه....
المهم هي مسكينه ومهمشه.
وفلانه ديك ملحلحه وكسيبيه....كما قال.... اخونا .....قلقو....!!
|
Post: #22
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: ABUHUSSEIN
Date: 06-16-2010, 05:17 AM
Parent: #17
كلمة سمحة بتخليك ت######ي الوساخة دي كلها ؟؟؟
| Quote: ولكن بيئتي المستنيره |
بيئتك مستنيرة لكن إنتي لسه في ظلام دامس
وقع لي و زيادة كمان
|
Post: #23
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: المسافر
Date: 06-16-2010, 05:46 AM
Parent: #22
يا جماعة الخير روقوا شوية ... أنا عندي دلو عايز ينزل في بيركوم دي
الموضوع وما فيه إنه الولد أمين ولد الشيخ زاد مصنع الصابون في الباقير سواه مصنعين قدر الدنيا
واحتاج لشوية قروش كده
وانتو عارفين السوق ونشافة الريق
والمواسير الشغالة اليومين دول
وبكون واسطة الخير من جمعيات الخير
والناس من بعضها
فكك حيرة يعني
تمت بيعة البيت ده ..وبس
وبعدين هو صغير
وجنب المحطة
وممكن يجيه الهدم
وانتو عارفين بيوت المحطة خلاص على وشك الهدم
ولو قامت أية نحنحة المحل ده ممكن يحولوه لميدان الشهداء
وأولى أن يكون هذا المكان في أيدي أسرة شهيد
وقع ليكم ولا لا يا ناسات البيت العاجي
|
Post: #24
Title: Re: هل اشترت(وداد بابكر)قصر(الشيخ مصطفى الامين)صحيح جدادة الخلا الطردت جدادة البيت!
Author: walid taha
Date: 06-16-2010, 09:19 AM
Parent: #1
الأستاذة تراجي السلام عليكم
Quote: ومرة آخرى.....لك الله يا فاطمه خالد!
ونردد معك ما قاله اخوتنا المصرين:
(الغير مخدته غير محبته يا اختي)!! |
(مع تقديري) لا أجد ثمة علاقة بين ما ورد فى (الكوت) بالموضوع الرئيسي!!!!
تخريمة:
بالله فى قصر فى السودان بـ 7 مليار ؟! والله السودان نار عديل كده ! 7 مليار دى تجيب كمباوند فلل فى السعودية وفى الرياض كمان !!
|
|