سماح ، بموووووووت فييييييييييييكـ مووووووووووت أحَحَمر !!

سماحة الريده في صعوبته
صعوبة توصيل كل تردداته " للريدة الحقيقة تردد Frequency ، زيها وزي أيِ موجات إرسال :)
يعني الريدة البتجي ساهلة دي حدها أول " قزازتين " غاز في أقرب حديقة مجانية إضاءته ضعيفة :)
أو " مطار " لا تقصده الطائرات أبداً ، بل مهبطاً لمعاني أخرى أبعد ما تكون عن براءة الرومانسية .
كان الشِِعِِر في بنات الحلة يبدأ بي لمحة خاطفة في زقاق ما ،
تتطاقش العيون في لمحة من وراء باب خشب قديم يستر ما ورائه قناعة وطريقة حياة وحياء
وتستقر النظرة " الخاتفة " دي جوة الزول ويبدأ يهاتي
ويبدأ يتاوق في اليوم مرات ومرات
منتظر باب الخشب القديم ينفتح وتطل العيون الشافه " قبال " شهر
ويستمر يهاتي
ويهاتي
نهارو " مساسكة "
وليلو يهاتي
وتقوم " مهاتاتو " دي تبقى شِعِر يحكى عن حاجاتو الحقيقة الشايلة لى ست النظرة من وراء باب الخشب القديم
وتتواصل مع " مهاتاتو " حمى وسهر
ويربط دعاش الليل بين الخيطين رابط فيهو مناجاة وحنين
واحتياج حقيقي حلو الحقيقي " الزواج "
ست النظرة الخاطفة من وراء باب الخشب القديم ما عندها خيار آخر
قناعة مترسخة وماشية مع الدم
والحلة في الاتجاه التاني فيها بنات ( فلان )
مشهورات بالجمال والدلال والأدب
شوية بس الناس الشافوهوم
ووصفوفوهم للباقين
ويجي الليل والقمرة يتلموا وسط الحلة المليان رملة
ويبدأ واحد منهم " يدودي "
داك يهاتي وده يدودي
نغم طالع من حناجر ما بتعرف تفرق ما بين ريحة السجاير والصندل
كلو عندهم صابون :)
وكلو زول فيهم يسرح في دنيتو ، دنيا من خيال
في بنات (فلان ) السمحات ، السمع بيهم سمع وما شاف !!
وتزداد الريدة صعوبة ويتلمه " البهاتي " مع " اليدودي " ويهدوا لى بعض سهر لياليهم
نضم وصوت
ويرددوا في كلام " البهاتي " البقى غنا :
حاول يخفي نفسو وهل يخفى القمر في سماهو
أبداً وطبعاً لا شفناهو شفناهو
ويتناقل الناس الكلام في الحلة
في ود فلان " البهاتي "
القعد شهر لا من قدر وصَل كلام حبو للزولة الشافة وراء باب الخشب القديم .
مكتوب في ورقة كراس حساب قديم ، وخاتيهو في ظرف إطارو احمر وابيض ، اشتراهو بالدس من دكان ود اللمين
كلام حبو الكتبوا بي دم قلبوا
جلس يقراهو ويزيد فيهو لامن روحو شهقت
ووصل الكلام بي شهقتو لي ست العيون الكانت بتعاين ليهو قبال سنة من وراء باب خشب قديم .
بلاهي عليكم الله قولو لي كيف رسالة مكتوبة تصل بي شهقتة لو ما كانت صادقة
أخذت شهور في الكتابة
وبعدها كيفية الحصول على ورقة كراس الحساب القديم
وظرف حوافو احمر وابيض معركتو كانت قاسية
وجهاد لكي تصل الرسالة لى ستها بدون ما يشوفوها الناس " مخافة الفضيحة "
وشيل حال للبت بتخاف منو أكتر من الولد
هل تفعل رسائل الـ SMS أو رسائل شرايط تلفزونات الدنيا الوهم دي ذات الأثر ؟؟
تمشي الرسالة بى شهقته لي ستها ؟؟







_________________________________________________________________________
العنوان عبارة عن رسالة على شريط قناة النيل الأزرق أثناء بث برنامج مساء جديد
الشاشة كانت تعرض عند مرور الرسالة إعلان عن تونة الوابل وناس قاعدين يقولو جوعتونا

الاخ عمران
الحمد لله نحن بدينا من ال sms .. facebook و انت جاي
لكن شوف اعمامك ناس ابو حسين وعمك وهبه وامين نوته ورهطهم ومن
لف لفهم .. باقي لي ديل من زمن ...
الا هبي بصحنك فاصبحينا وووو

جكسيهم وجكسينا
قريبي كيفنك
ياخي البطان ديل يطمموا البطن من النخجي

Quote: جكسيهم وجكسينا

طارق يا قريبي
انت بي هناكـ مليت وردمت من طرف
أنا هردت حشاي رسالة الجنى العوقة ده

Quote: الحمد لله نحن بدينا من ال sms .. facebook و انت جاي

يا وليد
عشان كدي الشهقة تشموها قدحة
نحن غايتو ( أقصد أنا وتمبس ) لحقنا زمن الورق رااقد وملون كمان والظروف متوفرة وكتبناهو صااااادق
وبي شهقاتو .
أسأل التاريخ

.

أخير زمن ناس " يا تتي "
وزمن ناس " أموت ركن "
على الأقل كان بين اتنين
حسي العبارات " رخيصة أكتر " وكمان متلفزة

بعد كلام الهكر الحايم ده
انا عزرت بتاع يا سماح بموت فيك ده ..

والله ياصديقى كل شىء فقد حد ألأندهاش.. sms شنو البساوى لقاء صدفة وأجمل صدفة انا يوم لاقيتو....

لا جوالات لا مواعيد..بالصدفة تلاقى زولتك لحدى ماتشهق ويروح منك الكلام..

حكم يا عمران..فضفض يا اخى إنعل أبو.................

Quote: حكم يا عمران..فضفض يا اخى إنعل أبو.................

حبيبنا الراقي سمعه
إنت بس تمها وأنا بردده وراكـ لامن تآمن

يا عمران SMS شنو عليك الله ..
والله زمان لما تجي تكتب ليك رسالة قلبك يدق مع كل حرف تكتبه ..
دا غير إنك ح تجد صعوبة كبيرة في ساعي البريد ..
طبعاً مع تحانيس وإغراءات وفيها ممكن تدفع زاتو ..
بالله شوف دي ..
أرسل إليك بتحية إذا مرت بالجبال هدته ..
وإذا ما عارف شنو يحصل شنو ..
هسي تقرأ الرسائل في شريط القنوات دي يصيبك الغثيان ..
عارف ما حصل جاتني رسالة حرقتها لا زلت محتفظ برسائل كثيرة ..
لأن واقع الحال لا يغير ما كان فداك بصبح ذكرى حلوة لا يمكن نسيانه ..
مره كتبت عن المنديل المنقوش والله الجماعة طلعوني ليك جلكين كبير
دي واحدة من هدايا الزمن الجميل داك مع رسالة رقيقة في أجمل الكلام وأعذبه ..
زمان الحاجات كانت حلوة على بساطته وطيبتنا نحن ..
هسي رغم التطور في كل شي لكن تصلك الحاجة ( مسيخة ) لا طعم لها تظهر صاحبه كالعبيط ..

واصل يا حبيب ..
الكلام (المدكن) حلو ..

نشكر لكم تضامنكم يا داليا ، انتو طبعاً ناس ال SMS

الصدق الآن يا صديقي معتصم يحتاج إلى مصحف تحلف عليه ..
لا تكفي المشاعر فقط والعبارات أن تكون صادقاً

Quote: زمان الحاجات كانت حلوة على بساطته

ولهذا لم تكن البساطة هي المقياس بل الصدق العفوي الذي لا يحتاج إلى إثباتات يومية .
هي صومعة حب تبدأ بصدق ثم تكبر على ذات الأساس القوي .

ست النظرة الخاطفة من وراء باب الخشب القديم ما عندها خيار آخر
قناعة مترسخة وماشية مع الدم
والحلة في الاتجاه التاني فيها بنات ( فلان )
مشهورات بالجمال والدلال والأدب
شوية بس الناس الشافوهوم
ووصفوفوهم للباقين
ويجي الليل والقمرة يتلموا وسط الحلة المليان رملة
ويبدأ واحد منهم " يدودي "
داك يهاتي وده يدودي
نغم طالع من حناجر ما بتعرف تفرق ما بين ريحة السجاير والصندل
كلو عندهم صابون :)
وكلو زول فيهم يسرح في دنيتو ، دنيا من خيال
في بنات (فلان ) السمحات ، السمع بيهم سمع وما شاف !!

تخيل يا أبو محمد العمران
واحد يوصفو ليهو عيون بت و شعرها و قوامها و ضحكتها و فلجتا و نوناتا و ضحكتا و مشيتا : يقوم واحد يكتب فيها شعر تحلف تقول ساكن معاها بطن الحوش.
أعتقد خيال ناس زمان كان خيال صافي لا يشغله أي شاغل لأنهم كانوا بنية صافية و مزاج غير عكران.

موضوع سمح

Quote: أعتقد خيال ناس زمان كان خيال صافي لا يشغله أي شاغل لأنهم كانوا بنية صافية و مزاج غير عكران.

وآآآه يا دنيا
تسلم يا ريس

Quote: تتطاقش العيون في لمحة من وراء باب خشب قديم يستر ما ورائه قناعة وطريقة حياة وحياء

عمران تحياتي وبس

يا كونت
يبدو أن باب الخشب عندو معاكـ سيَر وأحاديث
أنا غايتو قاصد باب ( الكُشر )

أبو محمد .. حضرت سهران يا نيل أمس؟
كان ما حضرتها من هسي رتّب نفسكـ على الإعادة!