Post: #1
Title: عشان نملك مياه النيل دسوا لينا فيها المرض
Author: maawia dawood
Date: 05-26-2010, 03:56 PM
Parent: #0
الاسهالات في جميع مدن السودان
الحاصل شنو يا ناس الصحة
والله حكاية عجيبة مافي بيت بالسودان الا فيه اسهال واستفراغ
كوستي
ربك
الدامر
عطبرة
القطينة
حتي العاصمة
حدث ولا حرج
دي غضب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
دي شنو حاجة عجيبة عايزة دراسة
|
Post: #2
Title: Re: عشان نملك مياه النيل دسوا لينا فيها المرض
Author: عبدالكريم الامين احمد
Date: 05-26-2010, 05:06 PM
| Quote: دي شنو حاجة عجيبة عايزة دراسة |
يا ديفيد يا صديق الزمن الجميل
والله مشتاقين ..
هو شنو البقا ما عجيب يا معاوية في هذا السودان..
كلو اصبح عجيب وغريب وقصتو بايظة ياخي
وتحياتي واشواقي لكل الربع وتحية خاصة لفوكس اينما حلا في هذه المعمورة
|
Post: #3
Title: Re: عشان نملك مياه النيل دسوا لينا فيها المرض
Author: محمد إبراهيم علي
Date: 05-26-2010, 07:24 PM
Parent: #2
اخونا حنكل
اخبارك وعل الوليدان طيبين ومعافين اغلو الموية كويس ولو شربتوها وهي تغلي اكون احسن
انت طبعا ما في خوف عليك شربتها بابوضبضوبها زمان لوووووووووول
امنياتنا لكم بالسلامة وتحياتي للجميع
|
Post: #4
Title: Re: عشان نملك مياه النيل دسوا لينا فيها المرض
Author: عبدالكريم الامين احمد
Date: 05-26-2010, 08:26 PM
Parent: #3
هلا يا ود ابراهيم
وحنكل ده ياخي زول ما منضبط اسفيريا
واحنا عاوزين نبل شوقنا فيهو سسسسساكت ولكنو عامل فيها الود حنكل لوووول
_________________
صحة البيئة يا معاوية ومحمد من اكثر الاشياء في السودان
والاهتمام بنظافة مصادر المياه برضها مشكلة كبيرة وبني كوز ديل ما فاضين لحاجات زي دي
|
Post: #5
Title: Re: عشان نملك مياه النيل دسوا لينا فيها المرض
Author: محمد إبراهيم علي
Date: 05-26-2010, 08:55 PM
Parent: #4
طبعا الاسم حنكل ده اسم اثير لدي لصديقي معاوية لا اناديه الا به اذكره به ايام الضهب والوجه الحسن والماء والخضرة تحيط بنا في جلسات نهارية طويلة هربا من كهربة الخرطوم المافي على شاطي الوادي الايسر بالجريف غرب وحلل مدورة دخاخينا في السماء ولحمتها تجقجق
وجلسات اخوانية ليلا نشتكي الزمن العنيد
اخينا بالله ده بينو وبين الانضباط الاسفيري مسافة كبيرة اهو كلما يتزنق شوية لوووول يجي يفكها هنا
هسي ما شايفو يكورك كوستي ربك الدامر التقول بقى كمسنجي لووووووووول
|
Post: #6
Title: Re: عشان نملك مياه النيل دسوا لينا فيها المرض
Author: عبدالكريم الامين احمد
Date: 05-26-2010, 09:03 PM
Parent: #5
Quote: طبعا الاسم حنكل ده اسم اثير لدي لصديقي معاوية لا اناديه الا به اذكره به ايام الضهب والوجه الحسن والماء والخضرة تحيط بنا في جلسات نهارية طويلة هربا من كهربة الخرطوم المافي على شاطي الوادي الايسر بالجريف غرب وحلل مدورة دخاخينا في السماء ولحمتها تجقجق
وجلسات اخوانية ليلا نشتكي الزمن العنيد
|
انا ماعارف ليه ما جيتكم في سكنكم ده..؟؟
لانو هذا الحنكل وعقب تخرجه كنت بمشي ليهو في بيت هناك في المعمورة
فالرجل ياخي دفعة (لزم) صديق مسافات وايامات بركسية وذكريات ياخي بطعم الباباي ...!!
وكدي ياخي اليجي لاني والله كايس ليهو بالانتربول هو واخريين..
انور تاج السر
ابراهيم ابوسمرة
محمد بدوي بانقا
عمر الحبر
شيخ الدين اسماعيل
وعيييييييك
ديل كلهم بورداب ولكنهم ضنينين بالوعد رغم مقدراتهم العالية في اشياء شتي ولكن يبدو انها المشاغل والارتباطات حرمتنا منهم
|
Post: #7
Title: Re: عشان نملك مياه النيل دسوا لينا فيها المرض
Author: محمد إبراهيم علي
Date: 05-27-2010, 05:52 AM
Parent: #6
| Quote: لانو هذا الحنكل وعقب تخرجه كنت بمشي ليهو في بيت هناك في المعمورة |
لو جيت بيت المعمورة ده قطع شك اتلاقينا لاننا كنا ساكنين فيهو سوا ايام شغلي في شركة ستراك وطبعا حنكل كان مملح معانا لانو ترك ستراك الزمن داك وتقلب بين شركة اجب وشريان الشمال
من ناسك ديل بعرف ابراهيم ابوسمرة كنا سوا في ستراك وجينا السعودية تقريبا في نفس العام وهو رجع السودان نهائي قبل اكتر من سنتين دلوقت على ما اعتقد مع احدى شركات البترول
تلفون معاوية معاي برسلو ليك في الخاص
|
Post: #8
Title: Re: عشان نملك مياه النيل دسوا لينا فيها المرض
Author: Nasruddin Al Basheer
Date: 05-27-2010, 08:40 AM
Parent: #7
Quote: وحنكل ده ياخي زول ما منضبط اسفيريا
واحنا عاوزين نبل شوقنا فيهو سسسسساكت ولكنو عامل فيها الود حنكل لوووول
|
تحياتي كيكي ومحمد إبراهيم
أخونا وصديقنا معاوية فعلاً غير منضبط اسفيريا وقاعد يتعزز علينا..
بيشارك ببوست واحد مرة في السنة وبنجي عشان نبل شوقنا معاهو بنلقاهو شتت..
بوست السنة الفاتت كان عن ناس شرطة المرور وكالعادة دلق البوست وشتت
وما رد علينا حتى اليوم..
معاوية يا صديق.. عليك رد علينا نحن بس عاوزين نقول ليك مشتاقين كتير..
رد علينا يا اخ.. إن شاء الله تقول لينا ولا مشتاق ليكم ولا حاجة..
|
Post: #9
Title: Re: عشان نملك مياه النيل دسوا لينا فيها المرض
Author: احمد التجانى احمد
Date: 05-27-2010, 09:50 AM
Parent: #8
Quote: والله حكاية عجيبة مافي بيت بالسودان الا فيه اسهال واستفراغ
كوستي
|
Quote: معاوية يا صديق.. عليك رد علينا نحن بس عاوزين نقول ليك مشتاقين كتير..
رد علينا يا اخ.. إن شاء الله تقول لينا ولا مشتاق ليكم ولا حاجة.. |
ياجماعة ماتبالغوا كمان ديفيد دة يجرى ولا يعكس
الزول دة هسة مشغول بيراقب فى الاسهالوميتر ما بقدر يرد عليكم
فقال لى خلى الجماعة ياخدو راحتهم فى البوست وخصوصا كيكى (ابو اللقافة)
فقلت ليه ابواللقافة ماعنده قشة مرة بيركب اى بوست , حق اسهال حق مديدة
حق اى حاجة , بس قال لى خليه يعمل حسابه مايجينا البوست دة شبعان 
الاخ محمد ابراهيم
ياخ انت ود ابراهيم الواحد الاشتغلنا سوا
فى ستراك مدنى ولا انا خرفت ساى
|
|