و ما أتيتُ إذْ أتيت

إهداء إليها في ذكرى ذاك الحضور :

****

و ما أتيتُ إذْ أتيتُ .. و لكنَّ الشوقَ حَكَمْ
الشوقُ .. كلَّ الشوقِ ..
ولا شيءَ غير الشوقِ .. كان عهداً و قَسَمْ ..
فسعيتُ نحوَك هَرْوَلَةً .. يحدوني الندم
فَـقِفْ بقِِفَارِ الذكرى .. و دياجير الظُّلَمْ ..
و إحْفرْ بأظافر الصَّفْحِ الجميل ( نبْعاً ) ..
ثم اغْتَسِلْ بِطُهْرِ تَلَهُّفِي من كلِّ إثْمْ ..
ما جفوتُ .. لم أدِرْ للريحِ وجهي ..
أسْنَدْتُ ظَهْري المُنْهَك ( لجِذْعِ ) براءتي ..
و ( هَزَزْتُهُ ) .. فتَسَاقَطَ رُطَباً من شَجَنْ ..
فألْزَمْتُ قلبي مِحْرابَ صبْرٍ .. ما تَغَشَّاهُ الوَسَنْ
لَمْلَمْتُ جُرْحِي .. لم يَشُبْ حُبي وَهَنْ ..
و طَوَيْتُ روحي في رحابِ ليلٍ مُدْلَهِمْ..
و أنْزَوَيْت في رُكْنِ تَرَقُّبِي ..
كطائرٍ مجروحٍ .. بعد الشَّدْوِ الرَّخِيمِ .. وَجَمْ
ما سَلَيْتُ .. و ما نسيتُ ..
و لم يأتِ بُعادي من عَدَمْ ..
هذي حكاياتي ..
و سِفْرِي المكتوب دَوَاةً و قلم ..
أوْحَيْتُهُ قوافياً صادقاتٍ من سِحْرِ الكَلِمْ
أمْليْتُه لك سطراً تِلْوَ سطْرٍ ..
فكن وحدَكَ لي .. خـصْماً و حَكَم
فلا تقسو كما قسوتَ .. ( و كَمْ قسوتَ كمْ ) ...
أتذْكُر ...؟
إن نَسيت .. فأنْصتْ لِوَجِيبِ هذا القلبِ المُحْتَدِمْ ..
أتسْمعْ ؟
فذاك شلال ُصَبَابةٍ لا زال ينسابُ لحناً و نَغَمْ ..
تُعاتِبُني .. أعاتبُكْ ..
تخاصِمُني .. أخاصِمُكْ ..
فنعودُ سادِرَيْنِ .. نعود على مَتْنِ العَشَم
ثم ماذا ؟
ها قد أتيتُ ...
فالشوقُ حَكَم ..
و هو الآمر الناهي ..
همسْتُ له جهْراً : سمعاً و طاعة ..
صرختُ هامِسةً : لبيك يا لهفة .. كرّرْتُها ألْفَ نَعَمْ
ففي بلاط العشْقِ النبيل .. أنا و أنت .. رعايا و حَشَمْ ..
فأمْدُدْ كفَّكَ المَمْهور بالعُتْبى ..
و هاك عناقي الممزوج دمعاً و دمْ ...
أعْرِفُكَ يا توْأمَ الروحِ ..
( و كمْ أعْرِفُكَ أيَا أنت كمْ ) ..
فستأتيني طَّوْعَاً .. إذا ما الشوقُ نادَى و حَكَمْ ..
و قَسْراً سيأتي بك المدفونُ بين الحَنَايا ..
و المحفورُ في الوجدانِ رَسْمَاً و وَشْمْ ..
أتيتُ .. فتعالَ .. تعالَ .. فهو حتماً قد حَكَمْ ...
تعالَ .. فقد أتيتُ ..ألا تَرْضَى بِمَنْ حَكَم ؟

***

جلال الدين داود
( أبو جهينة )
الرياض

Quote: فكن وحدَكَ لي .. خـصْماً و حَكَم فلا تقسو كما قسوتَ .. (و كَمْ قسوتَ كمْ) ...

يا أبن داؤود عليك السلام حضور باهي كالعهد بك ، والغربة فعلت فعلها معاك فشايفك طلعت درر وتفجرت إبداع ودا بالمناسبة موضوع مطروح في المنتدي عن تكريم المبدعين والأجواء التي تساعد الموهوبين على الإبداع طبعاً موضوع زي ده لا يكتبه إلا مبدع مثل أخونا فضيلي جماع. المهم في حته الإقتباس أعلاه باقي ليك شوية وتدردق بالواااااطه يا أبو جهينه أركز يا أخوي والحكاية لا قسوة ولا حكم ولا خصام ولا ظلم الموضوع وما فيهو دلال يعني بتدلل عليك وإحتمال برضو تكون الحكاية معانده زي ما قال الفنان ، وإنتو دايرين الأمور تمشي كده ساهله زي شراب المويه ما قالو الصبر عاقبو الحلو دايرين تصبروا أصبروا دايرين تنططوا كمان شوفوا ليكم جكس تاني
غايتو الشعراء ديل فعلاً ناس مجانين يعني كدي إتأمل معاي صاحبك القال
مرات اقول اديهو كلمه تزعلو
حبة عذاب وكلام عتاب انا عارفو مابتحملو
علشان اشوف خده الحرير الدمعه جارية تبللو
لكنى قبال ابدا بلحظات اقيف اتاملو
الضحكة واللفته البتاخد من عيونى النوم شهور وتجفلو
وانسى العتاب الكنت ناوى اقوله وارجع منهزم
الدنيا ياناس تنقسم
الفرحه تملاها وتزغرد فيها والشوق يرتسم
يعني في النهاية الشعراء ديل ناس بتاعين مكنات ساكت.

صديقي الصدوق الملاعمر

تحية و تقدير

المهم في حته الإقتباس أعلاه باقي ليك شوية وتدردق بالواااااطه يا أبو جهينه أركز يا أخوي والحكاية لا قسوة ولا حكم ولا خصام ولا ظلم الموضوع وما فيهو دلال يعني بتدلل عليك وإحتمال برضو تكون الحكاية معانده زي ما قال الفنان ، وإنتو دايرين الأمور تمشي كده ساهله زي شراب المويه ما قالو الصبر عاقبو الحلو دايرين تصبروا أصبروا دايرين تنططوا كمان شوفوا ليكم جكس تاني
غايتو الشعراء ديل فعلاً ناس مجانين

بالطبع لولا الدلال لما قال الشعراء شعرا
و لولا الجفا لما نثر المحبون إعتلاجاتهم حروفا
و لكنها النفس البشرية الأمارة بالبوح عند كل سانحة تطرق القلب و الروح

مرورك أسعدني كالعادة

دمتم أخي

يعني في النهاية الشعراء ديل ناس بتاعين مكنات ساكت.

و بتشتغل بالطاقة البديلة