عنكبة يا عمك فارغة فلسفة و ايديلوجيا و الكلام الكبار كبار دا ما معانا فارغتنا براها ياخ ! فلسفتنا بسيييييييطة ان وما ممكن ياخ الزول من قشة عينو يكون ديمقراطي . . يتسوك ديمقراطي يشرب شايهو بديمقراطية . . . كان فكر يفكر بديمقراطية . . كان ناقش يناقش بديمقراطية . . . الخ الخ . . . لحدي ما يجي يخت راسو تاني برضو ديمقراطي ؟! . . الشئ شنو ؟ ما بزهج كدا ؟!
ديمقراطيون بارتايمر بس يا عمك حسب النفسيات
Post: #7 Title: Re: ديمقراطيون وكت الفراغ . . حزب سوداني جديد Author: وليد محمد المبارك Date: 05-25-2010, 03:43 PM Parent: #5
Quote: ننوه البوست دا ما عندو أي علاقة باي حاجة دا فضاء للفارغة ساي زي ما هو واضح من العنوان
النبي ؟؟
Post: #9 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-25-2010, 04:04 PM Parent: #7
Quote: النبي ؟؟
و الله العظيم ثلاث
--------
يا ولي داقي نيتي فتاشة مالك ياخ ؟ ما دا الخلانا ذاتو نتفرغ للفارغة و مقدودة دي ؟!
Post: #8 Title: Re: ديمقراطيون وكت الفراغ . . حزب سوداني جديد Author: سيف النصر محي الدين محمد أحمد Date: 05-25-2010, 03:43 PM Parent: #3
مشكلة الحوار الديمقراطي يا قيقا انو في معظم الوكت -مش بس وكت الفراغ- بيدور بين اشخاص بينتمو لابعاد مختلفة زي ما في افلام الخيال العلمي لما يكون في مجموعة جايين من احد ابعاد الكون و مجموعة تانية جايين من بعد آخر تخيل انت شكل الحوار حيكون كيف..يا خي اعضاء الحس ذاتها بتكون مختلفة بيناتم ديل بيسمعوا باضنينهم و التانيين عبر قرون استشعار وللا حاجة زي كده.
المهم يا قول الأخ تبارك شيخ الظهر.
Post: #10 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-25-2010, 04:12 PM Parent: #8
د. سيف ازيك ( دي آخر مرة ح نستخدم القاب علمية فيها فما تتعود عليها . . سمح )
هنا كلو صابون . . ما ديمقراطيين ياخ . . شايف كيف
تعرف يا ابو السيوف ديمقراطيتي المقترحا ليكم دي انسب شي لشعب المليون ميل مربع ابو 40 مليون ميل و مزاج دا عاملة ماتشنغ مع سيماتو : الكسل . . عدم الالتزام بفكرة . . الثبات و الاتساق . . الشمولية بالميلاد و المتجذرة فيهو . . و نحن و نحن الشرف الباذخ . . الخ
لما لقيتي لي فرقة في زمن فارغ حاولت افكر ليكم فكرة احسن . . لكن قارئة فنجاني قالت لي : طريقك مسدودٌ . . مسدودٌ . . مسدودٌ اريتو " السد " كان جات علي شملة كنيزة الهي تلاتية و قدها رباعي . . لكن جلى و جا في طريقي انا دا
يا زول هذا او الطوفان عديل
Post: #11 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-25-2010, 10:10 PM Parent: #10
هذا لا يحدث الا في السودان الشغيغ !!!
Post: #12 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-25-2010, 11:16 PM Parent: #11
قيقا يا شفق المغارب الضارب في قلوب الكون كهارب ، السلام عليكم ! يا شيخنا نحن كمواطنين في السودان الشقيق ده ما عندنا كبير غرض بالديمقراطيه : لا في أوقات الفراغ ولا لمن نكون مشغولين !! الشغله بتاعت الراي و الراي الأخر دي بنسمع بيها سماع لكن ما عندنا بيها كبير غرض ، عشان كده أي خلاف في الراي بيؤدي إلي خلاف شخصي و العلاقات الشخصيه هي البتحكم أراء الناس إلا ما رحم ربي .
---------- بجيك تاني كان الله للزمن ادانا و من الموت خلانا عشان احلل ليك جدليه العلاقه بين الديمقراطيه و الشعب السوداني الشقيق حيث لا علاقه هناك !!!
Post: #14 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-26-2010, 00:11 AM Parent: #12
Quote: قيقا يا شفق المغارب الضارب في قلوب الكون كهارب ، السلام عليكم !
و عليكم السلااام و رحمتو الله تعالى و بركاتهو حبيبنا و الله مشتاغون رسمي
Quote: يا شيخنا نحن كمواطنين في السودان الشقيق ده ما عندنا كبير غرض بالديمقراطيه : لا في أوقات الفراغ ولا لمن نكون مشغولين !! الشغله بتاعت الراي و الراي الأخر دي بنسمع بيها سماع لكن ما عندنا بيها كبير غرض ، عشان كده أي خلاف في الراي بيؤدي إلي خلاف شخصي و العلاقات الشخصيه هي البتحكم أراء الناس إلا ما رحم ربي .
---------- بجيك تاني كان الله للزمن ادانا و من الموت خلانا عشان احلل ليك جدليه العلاقه بين الديمقراطيه و الشعب السوداني الشقيق حيث لا علاقه هناك !!!
تعرف كدا كتلت لي البوست دا ؟ بالضبط دى زبدة البوست . . سامعني يا وليد يا شفت ؟ ياخ دايرين حاجات بسيطة زي دي بس ديمقراطية شنو ؟ و الناس جعانة وبتموت بالجهل و الفقر و الجوع و المرض ؟ الافضل ما نرهق البسطاء باحلام اكبر كاهل احتمالم
كدي عاين هنا :
عادي ياخ . . سلحفاة سلحفاة . . فارقة كتير ؟! يلموا فيها المسغفين اسي تبقى بشتنة و رقاد واطة ! و هاك يا غلاط : لولههم بالاسامي الاجنبية يجي واحد يقول ليك استيف اوستن قال : " البباري الجداد بوديهو الكوشة " اسي كدا المفهوم بكون ما فيهو اتساق لانو بعد السياق الجات فيهو جدادة في نسق قفص السلحفاة دي ببقى البباري الجداد ما بوديهو أي محل ! . . و دا مفهوم متناقض مع ذاتو " ياخ ما تقوموا تلفوا بالله
-----------
ياخ مبسوط منك بالجد و من معاييرك ان شاء الله ربنا يسهلا عليك بفضاوة زمن نملأ بيهاالفراغ دا
Post: #13 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-25-2010, 11:41 PM Parent: #11
Quote: للحلم الأمريكي أكثر من صورة لكنَّ أجلّها تلك التي كانت محور خطبة مارتن لوثر كنج بأطلانطا في الرابع من يوليو عام 1965 وهي الصورة الواردة بـ"إعلان الاستقلال الأمريكي" والتي أعملتُ جهدي في ترجمتها إلى: "إنّنا نعتبر هذه الحقائق بديهية، أنّ كلَّ الناس قد خُلقوا سواسية وأنّ الخالق قد وهبهم حقوقاً أصيلة لا جدال فيها وأنّ من ضمن هذه الحقوق الحق في الحياة والحق في الحريّة والحق في السعي إلى تحقيق السعادة"
Quote: إذا حضرت "الآيدولوجيا" بطلت الأحلام.
Quote: إن الحلم الأمريكي المذكور في أعلاه ظل مكتوباً على جناح جبريل "الآيديولوجيا"، تلك النسخة من الآيديولوجيا التي تعني تصوراً للنظام الاجتماعي المرغوب فيه، فهو إذن لا يعدو كونه حلماً طوباوياً.
Quote: ...حلم الجعان السوداني...
...حلمٌ مكتوبٌ على جناح جبريل آيديولوجيا أخرى هي وثيقة الحقوق التي تشكِّل الباب الثاني من دستور السودان الانتقالي للعام 2005 وهو، للأسف، ليس أفضل حالاً من أخيه الأمريكي!
Quote: "...لكل إنسان حق أصيل في الحياة والكرامة والسلامة الشخصية...لكل شخص الحق في الحرية والأمان، . . .
Quote: والمسألة ما محتاجة إلى الكثير من البحث. لا، ولا إلى انتظار البعث بحيث يخرج إلينا مارتن لوثر كنج ليخبرنا أنّ أغلب عناصر هذا الحلم السوداني تبدّدت قبل أن يجف الحبر الذي كُتِبت به. حسبُك أن تنظر حولك في مواضيع هذا المنبر والمنابر (الاسفيرية وغير الاسفيرية) الأخرى لتعلم أن حلم الجعان السوداني وثيقة حقوق كهذه يموصها ويشرب مويتها لعلّها تسدُّ رمقه وهيهات!
و اضاف القطب الغوث سيدي البدوي نفعنا الله بعلمه ومدنابمدٍمنه متصل . . . في سفره العظيم سـودنةُ الحـلمُ الأمـريكي ... ونواصل في هذا الإنشاء، إن شاء الله وموضوعنا التالي: مارتن لوثر كنج قال ليكم "يس" ساعدوها بي "جكّة" يلا ورونا جكتكم : همبيرغر ام هم المبيت ؟
Post: #15 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-26-2010, 00:40 AM Parent: #13
في السودان الشغيغ حتى الركشات عندها حلم يا سيدي البدوي
ربنا يحقق الاماني يا اخت ركشة ياخ . . بس ابعدي من الايدولوجيا او كما وردت برواية قيقا عن سيدي البدوي : هواء الدباغة اذا دخلت الايديولوجيا من الشباك خرجت الاحلام من الباب . . او كما قال
خذوا الحكمة من نسافات العربات و خصوصاً الكبيرة - اللواري و انت طالع - و الما عندو كبير يشتري ليهو كبير
قال لا عجب قال
وين ياااااااااااا . . و دا شنو ؟
لعناية المفتش وليد اسي دي ما صورة مقلوبة اخير منها حقتك ديك ؟
Post: #16 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-26-2010, 07:32 AM Parent: #15
يا قيقا ياخي الحاصل شنو البوست اتملا سلاحف و ركشات و كيسه ؟!! القصه دي بتصعب لي مهمتي كمفكر لانو ما بقدر اشتغل في البيئه دي !!!
Post: #17 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-26-2010, 06:56 PM Parent: #16
Quote: يا قيقا ياخي الحاصل شنو البوست اتملا سلاحف و ركشات و كيسه ؟!! القصه دي بتصعب لي مهمتي كمفكر لانو ما بقدر اشتغل في البيئه دي !!!
يا زول ركز معانا ما دي عدة الشغل ذاتو ياخ !! لازم نحدث فرق و ( تفكيرنا ) ما يتجاوز بيئة الركشات و السلاحف و الكيسة و المفتش الشفت دا ذاتو
انت قايل ( المفكرين ) التانين ديلاك قاعدين يفكروا جد جد و لا شنو ؟ لا ياخ !!؟ ديلاك بس بنقلوا كلام المفكرين ( الاجانب ) و بجوا يتغالطوا بيهو هنا و صلى الله و بارك و دا فهم استعماري كرسوا ليهو الانقليز رحم الله المفكر الجد جد استاذ/ الخاتم عدلان ، إذ دفع تهمة ( مفكر ) عن نفسه تواضعاً، بأنها ما مفروض تكون حكر على زول . . الكل قاعد يفكر . . او كيفما كانت عبارته
---------- نخليك مع مريد البرغوثي طيب إمكن يشحذ خلايا التفكير فيك او ينسيك صور الباهت الفوق . . او امكن تنسى الحلم و تقلع عن الافكار و التفكير كلو كلو
أتلمس أحوالي...لا مشكلة لدي شكلي مقبول، ولبعض الفتيات أبدو بالشعر الأبيض جذابا نظاراتي متقنة حرارة جسمي سبع وثلاثون تماما قميصي مكوي وحذائي لايؤلمني لا مشكلة لديّ ********* كفاي بلا قيد ولساني لم يسكت بعد لم يصدر ضدي حكم حتى الآن ولم أطرد من عملي مسموح لي بزيارة من سجنوهم من أهلي وزيارة بعض مقابرهم في بعض البلدان لا مشكلة لديّ ********* لا يدهشني أن صديقي أنبت قرنا في رأسه وأحب براعته في إخفاء الذيل الواضح تحت ملابسه وهدوء مخلبه يعجبني قد يفتك بي، لكني سوف أسامحه فهو صديقي وله أن يؤذيني أحيانا لا مشكلة لديّ ********* ما عادت بسمات مذيع التليفزيون تسبب لي أمراضا وتعودت على توقيف الكاكيين لألواني ليلا ونهارا ولهذا أحمل أوراقي الشخصية في المسبح لا مشكلة لديّ ********* أحلامي ركبت أمس قطار الليل ولم أعرف كيف أودعها وأتتني أنباء تدهوره في واد ليس بذي زرع ونجا سائقه من بين الركاب جميعا فحمدت الله، ولم أبك كثيرا فلدي كوابيس صغرى سأطورها إن شاء الله إلى أحلام كبرى لا مشكلة لديّ
* عندي ( فكرة ) ح تحل معضلة " وحدة الشعب السوداني " الجننتكم دي . . نعمل شنو ؟ . . بعد القى لي وكت فراغ ح اقوم افكها ليكم هنا ببلاش و يعوضنا الله . . بس ماتتعودا على الملح دا كتير . . . سمح ؟ بالمناسبة الفكرة دي حقوقها الفكرية محفوظة و محمية القانون . . . لكن انت صاحبي ممكن تستخدما عادي كان قسمت معاك عادي ياخ . . الصحبة دي هي كيف ؟
Post: #18 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-27-2010, 06:41 PM Parent: #17
Post: #19 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-27-2010, 06:51 PM Parent: #18
Post: #20 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-27-2010, 06:52 PM Parent: #18
Quote: يا زول ركز معانا ما دي عدة الشغل ذاتو ياخ !! لازم نحدث فرق و ( تفكيرنا ) ما يتجاوز بيئة الركشات و السلاحف و الكيسة و المفتش الشفت دا ذاتو
عشان كده إنت ما مفكر و كان ما غيرت طريقة تفكيرك دي عمرك ما حا تبقي مفكر !!! المفكر يا قيقا لازم ينفصل عن الناس و قضاياهم عشان يقدر يحللها ، لازم يكون ساكن في برج عاجي يعاين للناس دي من فوق و أهم حاجه إنو يستوسخ الناس دي عشان ما كمان أي زول يفتكر إنو مفكر زيو و القضيه تجوط !! التعالي يا قيقا واحده من أهم أدوات التفكير في سوداننا الشقيق !! لو ما رفعت القزاز بفتكروك سايق رقشه !!
----------- في بلاد يموت من الجوع إنسانها ، هل الحديث عن الديمقراطيه ترف ؟!! سؤال لوجه الله !!
Post: #21 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-27-2010, 07:05 PM Parent: #20
Quote: في بلاد يموت من الجوع إنسانها ، هل الحديث عن الديمقراطيه ترف ؟!! سؤال لوجه الله !!
النبي ؟!
فكونا من قراية الاضنين . . اسي جاتنا القراية بالنيات
ايو كدا أي مداخلة الزول لازم ينهيها بقسم غليظ ، لحدي بكري ما يعمل لينا أيقونة نعمل بيها " اب لود" لنياتنا اتاتشمنت مع كل مداخلة . . هذا او الطوفان دا ما ح يقيف قريب كلو كلو
شفت البرين استرومينغ دا مفيد كيف ؟ اهو اسي طلعنا لينا بـ " فكرة " تحل مشكلة النوايا دي
------------
الليلة شكلك فاضي و ما رسلوك !؟
Post: #22 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-27-2010, 07:17 PM Parent: #21
Quote: الليلة شكلك فاضي و ما رسلوك !؟
ما رسلوني لاني شغال الساعه يا دوبا واحده ضهر ! عندي كلام كتير جدا حول الديمقراطيه ، المعيار ، قراية الأضنين ، كيف تصبح مفكرا في سودانيزاونلاين و أشياء أخري لكن ما عندي أي رغبه في الكتابه ما عارف ليه !!!
Post: #23 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-27-2010, 07:28 PM Parent: #22
Quote: عندي كلام كتير جدا حول الديمقراطيه ، المعيار ، قراية الأضنين ، كيف تصبح مفكرا في سودانيزاونلاين و أشياء أخري لكن ما عندي أي رغبه في الكتابه ما عارف ليه !!!
كان فارغة كبها ساي الفارغة يملاها الله
----------
نحن ح نقسم البوست دا لسكشنين كالتالي :
- قسم الكلام ( الفارغ ) - قسم الكلام ( المليان ) كلام فارغ
اي حاجة عاملة ماتشنغ مع الاتنين كب كلامك ساي . . و زي ما يكون
Quote: عندي كلام كتير جدا حول الديمقراطيه ، المعيار ، قراية الأضنين ، كيف تصبح مفكرا في سودانيزاونلاين و أشياء أخري لكن ما عندي أي رغبه في الكتابه ما عارف ليه !!!
أحسن ..
Post: #25 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-27-2010, 07:52 PM Parent: #24
Quote: أحسن ..
يا تيسير يا بتي* جاء في الأثر أنه ليس بالكركبات الاسفيريه وحدها يحيا الانسان !!!
--------- * قبل كم يوم واحد من الأعضاء المحترمين جدا و اللي ما حصل تداخلنا مع بعض رسل لي ماسنجر و تحت كاتب لي ابنك /فلان الفلاني : إغتال شبابي بنقرة كيبورد ، غفر الله لنا و له !!!
Post: #26 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-27-2010, 07:58 PM Parent: #25
Quote: * قبل كم يوم واحد من الأعضاء المحترمين جدا و اللي ما حصل تداخلنا مع بعض رسل لي ماسنجر و تحت كاتب لي ابنك /فلان الفلاني : إغتال شبابي بنقرة كيبورد ، غفر الله لنا و له !!!
Post: #27 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-27-2010, 08:00 PM Parent: #25
Quote: اي حاجة عاملة ماتشنغ مع الاتنين كب كلامك ساي . . و زي ما يكون
إن شاء الله ما في عوجه يا قيقا ، اصلو نحن جينا هنا لتثقيف ناس تيسير ديل ، و أهو بندفع من دمنا و عافيتنا لكنها رساله لا بد من ادائها مهما غلا التمن !!!
----------- يا قيقا مافي طريقه للقضاء علي المراه ؟!
Post: #28 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-27-2010, 08:16 PM Parent: #27
Quote: يا قيقا مافي طريقه للقضاء علي المراه ؟!
سؤالك التبس علي يا صديقي خصوصاً حالة كونه المشهد الجندري يعاني حالة التواث اليومين ديل لكن انقر شنو ؟
نحن اصلاً جينا هنا عشان الاسئلة الشايكة دي . . و ان شاء الله البوست دا ح يكون فتح رحماني للشعب السوداني دا
ح اتناول السؤال على كم مستوى ( لغوي / مفاهيمي / ديني ) ، و انت عارف انو اللغة مخاتلة جداً
لو فهمنا مفردة ( قضاء ) كسلطة - و خلينا ( العين و الالف المقصورة في " على " ) سايلنت - فمن الناحية الدينية ما في فرقة كلو كلو . . حرام سخت ، إلا عند القبيح الرملي فإنه جوز إمامة المرأة راسا عديل . . دا من جهة سيادة حكم القانون
اما اذا جينا للقضاء و القدر . . تواتر في الاثر : " الحكومة( في حالتنا السودانية المأزومة الانحنا فيها دي ) و المرأة ما ممكن تغيرم بطريقة سلمية مهما ارتكبوا من كوارث " العنف هو الحل . . لكن لازم الناس تستخدم تكيكات بديلة . . ح اديك هنت و اللبيبو . . . الخ ورد في سيرة احدهم ، انه ذهب لعزاء صديق في السيدة حرمه ، حيث يحكى ، ان ثوراً - مش ثورة - قد نطحها و قضى عليها ، و اندهش صاحبنا من كثرة المعزيين ! . . لما استفسر عن الامر و استجلى كنهه ، اكتشف ألا معزيين هناك . . و انهم لم يأتوا لعزاء . . لكنهم جاؤوا شارين لصديقنا ( الثور ) . .
تحذير رسمي : لا تجربوا هذا في المنازل . . دا تنصل رسميييييي من المسئولية و نطة برا زانة ذاتو
Post: #29 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-28-2010, 10:38 AM Parent: #28
Quote: أحسن ..
أحسن الله الينا و اليكم أخانا/ اختنا* تيسير الله كريم
------------
* ال"ـ " فيفا " ح يطلع قرارو متين ياخ عشان نفرز ؟ . . عذبتونا عديل اسمع/ي ما تعملي لينا اسم الحزب دا زي الـ " فيفا " ؤ كدا .. هي الشغلة دي اسمهاشنو ؟
Post: #30 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-28-2010, 12:59 PM Parent: #29
Quote: عشان كده إنت ما مفكر و كان ما غيرت طريقة تفكيرك دي عمرك ما حا تبقي مفكر !!!
كيف ما مفكر ياخ ؟ و الله لي زمن انا " مفكر " اعمل نايم . . لكن تقول شنو ؟
Quote: قبل كم يوم واحد من الأعضاء المحترمين جدا و اللي ما حصل تداخلنا مع بعض رسل لي ماسنجر و تحت كاتب لي ابنك /فلان الفلاني : إغتال شبابي بنقرة كيبورد ، غفر الله لنا و له !!!
الا قاتل الله العجلة ياخ ! . . ما لحقت استمتع بالشماتة في نواحك على ( شبابك ) الراح شمار في مرقة طقة كيبورد ( صريح ) بالمناسبة . . بي صلعتك دي اس ما كويس انو ما قال ليك يا جدو
و منبع غبطتي و سروري يا سيدي العزيز انو روّّح عليك آخر أمل في لقب ( المفكر الشاب ) الرفيع دا اكتر حاجة غايظاني الاضافات البرا لازمة ، و الما عندها نكهة و لا طعم دي !! . . لا تضيف الى النشيد سوى النشاز . . النشااااااااااز !! زي شغلة " الملحدين العرب " و اشباهها !؟ هم عرب و ملحدين ، و ألا ملحدين و عرب ساااي !؟ . . او كما تسآل شيخنا حسن موسى قدس الله سره
------------
Quote: عندي كلام كتير جدا حول الديمقراطيه ، المعيار ، قراية الأضنين ، كيف تصبح مفكرا في سودانيزاونلاين و أشياء أخري لكن ما عندي أي رغبه في الكتابه ما عارف ليه !!!
النبي !؟!
ما هو عشان كدي انا " مفكر " اعمل ييييييع نهائي و لنفس السبب الانت عارفو و انا عارفو و الله عارفو اهو اثبت ليك ( مرتين ) اني ( مفكر ) . . تاني اوع تقول لي جنس كلامك ادناه . . بخسرك يا زول تاني كان قلت لي :
عارف المراه في البيت ماسكاني من دموقراطيتي البتوجعني قولي كيف؟
أنا بحب أفلام ( mbc 2) وهي طبعاً كعادة سودانيات الزمن دا دايرة تحضر (مهند ونور) فتشبكني ليك باسم الدموقراطية وشنو ما عارف جيب الرموت دا هنا
ياخ ما تشوفو لينا طريقة نلجمن بيها؟ وبرضو باسم الدموقراطية
Post: #32 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-28-2010, 01:54 PM Parent: #31
Quote: عارف المراه في البيت ماسكاني من دموقراطيتي البتوجعني قولي كيف؟
أنا بحب أفلام ( mbc 2) وهي طبعاً كعادة سودانيات الزمن دا دايرة تحضر (مهند ونور) فتشبكني ليك باسم الدموقراطية وشنو ما عارف جيب الرموت دا هنا
ياخ ما تشوفو لينا طريقة نلجمن بيها؟ وبرضو باسم الدموقراطية
ممدوح كيفنك ياخ سنكون بطرفك كان ربنا سهل القواسي خواتيم الشهر الجاي . . خلينا نتلاقى بالدرب إن ربنا طلق
اما بعد
فإن مسألتكم عويصة و ما وردت في كتاب الديمقراطية دا كلو كلو إلا يجينا المفكر ( الما شاب ) أمين ياسمين دا يشوف لينا " نوتة " ليها
حتى ذالك الوقت نترككم مع فاصل إعلاني ديمقراطي قصير مع تحذير واضح و صريح ( لا تجربوا هذا في المنازل ) * :
----------
الحزب يخلي مسئوليته عن أدنى رد فعل كان بي مفراك او طرد من البيت او خلافه و هذا للمعلومية
Post: #33 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-28-2010, 05:59 PM Parent: #32
بالله يا قيقا و ممدوح ما تحرفو موضوع المراه ده و تعملو لينا كركبات من مافي ، أنا سالت سؤال عن إمكانية وقوع مسالة ما ، الاجابه تكون ممكن أو غير ممكن : تعكير المياه - الأصلها معكره - بغرض الصيد لا تخدم قضيه : فبالله خليكم جادين !!
Post: #34 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-28-2010, 06:12 PM Parent: #33
عن بوست المعيار ، أقول و بالله التوفيق : البوست بدا بدايه ممتازه و كان في نقاش حقيقي في الأول و الناس بعد صفحتين تلاته قلبت القصه لشخصنه و تصفية حسابات و كلام كتير لم يصب في مصلحة أي زول ... مافي ولا ممكن يكون في معيار واحد لامي الناس دي كلها و ده لانو الناس دي ال backgrounds حقتها مختلفه ، و فهمها للحياه و الحياء و الأخلاق و كل قيم الخير و الشر فهم مختلف ، يعني الممكن أشوفو أنا عادي زول تاني ممكن يشوفو كفر مخرج من المله . في نفس الوقت كل زول عندو الحق يكتب الدايرو بمعيارو و الباقيين عندهم حق نقد الكتابه دي بمعيارهم لكن ما في طرف عندو حق اقصاء الطرف الاخر . تبقت نقطتين علي علاقه بالموضوع يا قيقا : - وحده من أكبر مشاكل النقاش في البوست ده عموما و في كل نقاشاتنا تقريبا إنو نحن ما بننتقد الراي ، بنتقد سيدو و قد يكون ده واحد من أهم أسباب شخصنة الحوار : كونو الزول عندو راي غير محترم مثلا في موضوع ما ، لا يعني إنو الزول في عضمو غير محترم . - معظمنا - إلا ما رحم ربي - بنقول راينا و في بالنا شخص الزول ما المبدا ، و ده بخلينا نبدو متناقضين و ما منطقيين و نقدنا شخصي أكتر مما هو مبدئي .
--------------- لا استثني نفسي من أي اشارة سالبه ذكرت أعلاه .
Post: #35 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-28-2010, 06:23 PM Parent: #34
بالنسبه لموضوع الديمقراطيه و علاقتنا بيها ، الكلام ده أنا كتبتو أول ما جيت المحله دي : نحن شعب غير ديمقراطي بكل ما تحمله الكلمه من معني ، يتم تربيتنا علي نبذ كل قيم الديمقراطيه و اولها حقك في الاختيار ! نمط التربيه العاديه في البيت السوداني عموما يقوم علي الطاعه ما علي المفاكره و علي راي الأب في زمنا ، وراي الأم في الزمن ده : فاولاد ناس هناي ديك صعاليك ما تمشي معاهم و الكليه الفلانيه أحسن من العلانيه و في معظم الأحيان ما يعفو ليك كان ما عرست بت عمك ! و إحتمال تكون اول مره شاوروك في أمر ذي قيمه لمن إتخرجت من الجامعه ! فاهلك هم من يختارو أصحابك و الجامعه و ياتو كليه ومرتك الحا تعرسا !!! و يتم تسويق كل هذه الأمور تحت شعار إنت ما عارف مصلحتك !!! فتنشأ حقيقه ما عارف مصلحتك و دي ما المشكله الأكبر ، المشكله الأكبر إنك بتنشأ بنظره ما فيها إحترام و لا حتي إعتراف بالاخر المختلف في نفس بيئتك و محيطك الاجتماعي :فالحايم مع اولاد ناس هناي ديك صعلوق و الجامعات التانيه ما كويسه و الما عرس بت عمو ما راجل !! أما الناس الخارج بيئتك و محيطك الاجتماعي فديل أصلا ما بشر . نحن كشعب ما مربين علي الاعتراف بالاخر المختلف ، أيا كان نوع الاختلاف ! ما مربين علي التسامح مع المختلف معانا في رايو ولا علي أن يعذر بعضنا بعضاً فيما اختلفنا عليه ، و ده - في تقديري -أكبر سبب من أسباب فشل الديمقراطيه في السودان : إنو نحن في عضمتنا ما ديمقراطيين !!
Post: #36 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-28-2010, 06:24 PM Parent: #35
أكتر من تسعين في الميه من مشاكل البورد ده و اللي بيمثل سودانا الشقيق في أبهي صورو - باعتبار إنو كل أعضاءو علي الأقل بيعرفو يقرو و يكتبو - جل إن لم يكن كل مشاكل البورد ده نابعه أصلا من عدم الاعتراف بالاخر ! يكفي أن تكتب راي مغاير لغير ما إعتاده الناس حتي يتم تصنيفك تصنيف يحيرك و يحير أي زول بعرفك ! الغريب في الأمر إنو أكتر الناس البتنادي بالديمقراطيه هم أقلهم تقبلا للرأي الاخر ، أقلهم تسامحا مع من يختلف معهم في راي ، أسرعهم لتصنيفك و إغتيال شخصيتك !!
Post: #37 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-28-2010, 06:25 PM Parent: #36
لو نحن جادين كشعب في إنو يوما ما يكون عندنا وطن خير ديمقراطي ، لابد من إشراك أولادنا و بناتنا في كل القرارات اللي بتخص حاضرهم و مستقبلهم لابد من تعليمهم قيم الديمقراطيه و معاني الشوري و التسامح و تقبل الرأي ألاخر . الوطن الخير الديمقراطي بيتبني من البيت و ليس العكس !!!
Post: #38 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-28-2010, 06:29 PM Parent: #37
السؤال يا قيقا : نحن ليه مصريين علي موضوع الديمقراطيه ده إذا كان نحنا كثقافه و ك culture ما ديمقراطيين أبدا ! هل في إحتمال إنو موضوع الديمقراطيه ده نحن بنردد فيهو ساي محاكاه لشعوب و دول تانيه الديمقراطيه جزء أصيل من ثقافتها ؟!!!
Post: #39 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-28-2010, 06:38 PM Parent: #36
Quote: الغريب في الأمر إنو أكتر الناس البتنادي بالديمقراطيه هم أقلهم تقبلا للرأي الاخر ، أقلهم تسامحا مع من يختلف معهم في راي ، أسرعهم لتصنيفك و إغتيال شخصيتك !!
ما دا المجنن بوبي ذاتو !!؟؟
---------------
اميننا يا عمك شنو داير تحرف البوست
ما هو عشان دا ذاتو ، ما اتينا لحوار هنا
و عليه مصير مداخلاتك الفوق ديل
التجاهل التجاهل التجاهل
نرجع لموضوع المراة مالا ؟ و قضاء كيف ؟
Quote: أنا سالت سؤال عن إمكانية وقوع مسالة ما ، الاجابه تكون ممكن أو غير ممكن
اي شئ ممكن لكن هل في ثبران على قدر الجماعة ؟ قد فرغ جراب قيقاحاوي من أي حيلة . . . تعال نجرب نقنعم يرجعوا كوكبم الجن منو !؟
Post: #40 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-28-2010, 07:05 PM Parent: #39
Quote: السؤال يا قيقا : نحن ليه مصريين علي موضوع الديمقراطيه ده إذا كان نحنا كثقافه و كـ culture ما ديمقراطيين أبدا ! هل في إحتمال إنو موضوع الديمقراطيه ده نحن بنردد فيهو ساي محاكاه لشعوب و دول تانيه الديمقراطيه جزء أصيل من ثقافتها ؟!!!
هو ما احتمال و دا ما بنفي ( احتمال ) الذهول . . و الجمل الما بشوف عوجة رقبتو ، و لا بتحمل يقولوا ليهو رقبتك معووجة ، مع انو ما عيب كلو كلو ، و كان قبل كلام الناس دا ممكن ينظر في امرها و " يفكر " كان عوجتا دي ضروري و مالو ، و ان بقت بتضروا يفتش في طريقة يعدلا بيها و كلو أجر و لي مصلحة نفسو . . المحاكاة و نقل المسطرة هي آفتنا . . الافكار الانسانية الكبيرة كبيرة زي العلمانية ، الديمقراطية و حتى الماركسية ( المافي شنو !؟ ) و المؤسسية و شنو ما بعرفو داك. . الخ الكلام دا كلو بس استورد و ادفس في السودان الشغيغ دا التقول نحنا ما عندنا ذاكرة و لا تراث ، من غير بذل ادنى جهد لتبيئة الافكار دي قبل غرسها . . عشان كدا ما قاعد تبارح اوهام او قول الاحلام المسرطنة المعششة و بتتمدد في رؤؤس النخب فقط لا غير !! . . دي نشافة راس ساي او كما قال كاتبي المفضل ع. ع. ابراهيم عشان كدا فرزت كتابي من بدرررررررررري اي زول يقنب يجتر لينا في محفوظات ( اجنبية ) و قولات مفكرين لم يزوروا السودان الشغيغ ، أي زول يقطع مع التراث نقطع معاهو ناشف طوالي ، خوة فرّتق . . اسي هنا دا بالله عليك تأمل في جزالة الافكار الزي دي عند ( صاحبي ) محسن خالد و فسالتها عند غيرو .
------------
يا زول هي مالك علينا
ما اتيت لحوار هنا بالله فكنا من السيرة دي و حاول تاني تعالي لي في مزاج كحلي المزاج الرمادي دا بجيب الهواء
Post: #41 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-28-2010, 08:16 PM Parent: #40
Quote: لو نحن جادين كشعب في إنو يوما ما يكون عندنا وطن خير ديمقراطي ، لابد من إشراك أولادنا و بناتنا في كل القرارات اللي بتخص حاضرهم و مستقبلهم لابد من تعليمهم قيم الديمقراطيه و معاني الشوري و التسامح و تقبل الرأي ألاخر . الوطن الخير الديمقراطي بيتبني من البيت و ليس العكس !!!
جبت المفيد نحن فات فينا الفوات . . و جا استحقاق الاعتراف بإننا جيل فاشل بإمتياز . . جيل ( انتقالي ) فاشل دي الفاتت علينا دهور . . و في ناس لسه فايتة عليهم . . . نتيجة افراطنا في الوهم دا . . كانت تفريط في ( الوحدة ) - قزازة السمن او قول ( راسمالنا ) - و كان نتيجة الاطماع الضيقة و الاختلافات العنيف تاريخ دموي و انكسرت القزاز و اندلق الفيها . . راجين أيه ما تقوموا تروحوا بالجد خجلانين من الاولادنا و الاجيال الجاية . . كيف ح نقدر نواجهم بتفريطنا في آخر ما ادخر الاجداد لهم من المليون ميل الاستلمناها كاملة . . هل ثمة كذبة جديدة تستر عري الخذلان دا ؟
بتي الكبيرة سميتا " وعد " . . كان الوعد اخضر " وحدة . . ديمقراطية . . عـدالة " * الترتيب دا اعتقد اصح مش ؟ . . الوحدة ، و ألا الديمقراطية ؟
وحدة الشعب السوداني ممكنة . . لكن بطريقة واحدة فقط . . و ( رياضية ) بحتة !! قول لي كيف ؟ د. عادل سجيمان كتب عن ( فكرة ) لحل مشكلة الرئاسة - فتشت البوست سماء ارض ما عرفت خفس وين ؟ - ايام الانتخابات ( المخجوجة ) ديك فكرتو ( رئاسة دورية ) ، و انو الاطناشر مرشح ما في داعي يسو في البسو فيهو دا من نبيشة و شيل حال . . كلهم يبقوا رئيس و خلاس !
اما ( فكرتي ) انا . . انو الرئاسة ما تكون مقصورة على المرشحين الاطناشر بس . . لا ياخ ! . . لازمن نبني الديمقراطية صاح ، و الكرسي الرئاسي دا لازم يتعود على مؤخرات كل الشعب . . دي الديمقراطية الحقة و المساواة في الحقوق الدستورية على اساس المواطنة ؟ اها افتراضات عشاني و عشان " النظرية " - 40 مليون - كشششش - هو العدد الكلي لسكان السودان نسوان و رجال بما فيهم المجانين و السغار و الكبار و الرضع و اللسة قبل الخلق و التكوين ذاتم . . المافي شنو ؟! - اي بلد ( في الكيس استدي دا " السودان " ) = حكومة + شعب لتوسيع دايرة المشاركة و مد الظل الديمقراطي ليتمتع كل مواطن بحقو الدستوري في الرئاسة ، ح نقوم نعمل مؤسسة رئاسة مكونة من 39,999,999 مواطنة لي مواطن - حكاية " ليدز فريست " دي ما حاكو حاكو للخواجات يا عمك ، انها الكترة، الكترة بس ! . . الكترة الغلبت الشجاعة - اها هم يتبادول الوظيفة الرئاسية . . آي ياخ الرئاسة وظيفة . . و مؤقتة كمان ! انت قايل شنو ؟ . . و الباقين توزعوا من مستشار ، لي وزير اتحادي ، لي وزير دولة اتحادي ، لوزير ولائي و الي . . الخ من البدع الانقاذية الكتيرة و مسخة دي !! اها يا عمك كدا حسمنا موضوع الحكومة . . لكن على قول عادل إمام ، لابد للحكومة من شعب تحكمه لكي تشكمه . . مش ؟ يلا من الـ 40 مليون بعد ما طلعنا منهم الحكام . . اها الشعب السوداني بقى كم ؟ الشعب السوداني بقى ( واحد ) ** . . ياخ !! و هو المطلوب
----------
* الحقوق محفوظة لصاحب مرايا سودانية ( " وعد " حزب الوحدة ، الديمقراطية ، العدالة . . حزب في عالم افتراض ) أيمن حاج
Post: #42 Title: Re: ديمقراطيون وكت الفراغ . . حزب سوداني جديد Author: Balla Musa Date: 05-28-2010, 08:24 PM Parent: #41
دستور:
ا- يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب.
ودستور:
ا- يمنع منعاً باتاً التدخل في شؤون الحكومة . و للحكومة كامل الصلاحية في حذف , تعديل , نقل أو إغلاق أي بيت /أوضة أو إيقاف صلاحية أى مواطن دون ذكر الأسباب.
قيقا وأمين ياخواناالعايزين ديمقراطية يعملوا صف والعايزين لجوء يعملوا صف موازى ويقبلوا على بعض ويورونا الفرق بيناتم شنو؟
الحمد لله بعد مافقدنا وطن دستوره ملخص فى الفقرة التانية (أخضر) ربنا ادانا وطن دستوره ملخص فى الفقرة الأولى (أحمر) .. بالله فى نعمة أكتر من كدا؟ مافى, بس مشكلتنا بنتبطر على النعمة!
Post: #44 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-28-2010, 09:47 PM Parent: #42
Quote: دستور:
ا- يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب. و دستور:
ا- يمنع منعاً باتاً التدخل في شؤون الحكومة . و للحكومة كامل الصلاحية في حذف , تعديل , نقل أو إغلاق أي بيت /أوضة أو إيقاف صلاحية أى مواطن دون ذكر الأسباب. قيقا وأمين ياخواناالعايزين ديمقراطية يعملوا صف والعايزين لجوء يعملوا صف موازى ويقبلوا على بعض ويورونا الفرق بيناتم شنو؟
الحمد لله بعد مافقدنا وطن دستوره ملخص فى الفقرة التانية (أخضر) ربنا ادانا وطن دستوره ملخص فى الفقرة الأولى (أحمر) .. بالله فى نعمة أكتر من كدا؟ مافى, بس مشكلتنا بنتبطر على النعمة!
صدقت دا بطر مننا ساي !! مفروض نحمد الله على النفس الطالع و نازل دا ساي . . و دي اقصى حقوق ذاتو دايرين شنو نحن اكتر من كدا ؟! مفروض نفصّل لينا ( أحلام ) قدّر ظروفك ؤ كدا
قيل في شأن اختلال الموازين في الدستور الاخضر - دستوركم يا اولاد ماما . . ما قاصدكم بنتونس ساي ياخ - قيل انه بيت ساكننو اتنين ، و للتفريق وضحوا الثيمة الفارقة بينه و بين بيت العزابة ، بأنو الغريبة البدفع الايجار واحد بس ، و كل شهر كمان . . و الغريبة انو البستمتع بحق ( الطرد ) لأي مواطن منو ، هو الطرف الما بدفع كلو كلو . . فتأمل !!؟
ازيك يا د. بله ياخ
Post: #43 Title: Re: ديمقراطيون وكت الفراغ . . حزب سوداني جديد Author: جعفر محي الدين Date: 05-28-2010, 08:31 PM Parent: #39
الأخوة الديمقراطيون ليمتد السلام عليكم ورحمة الله وبركاته والله يا قيقا كنت عايز أرشح أمين لسكرتارية هذا الحزب لولا أنه تساءل هذا التساؤل الغريب
Quote: السؤال يا قيقا : نحن ليه مصريين علي موضوع الديمقراطيه ده إذا كان نحنا كثقافه و ك culture ما ديمقراطيين أبدا ! هل في إحتمال إنو موضوع الديمقراطيه ده نحن بنردد فيهو ساي محاكاه لشعوب و دول تانيه الديمقراطيه جزء أصيل من ثقافتها ؟!!!
وأظنه هنا ناوي يخلي الناس يقولوا علينا نحن ما ديمقراطيين يعني نحن يا أمين ناقصين شنو من الناس البتتمشدق بالديمقراطية دي ما كلهم بينادوا بيها ليهم ولغيرهم ولمن يشوفها جاية براحة بدفروا الباب بكرعينهم تصور بستخسروا فيها دفرة الباب باليدين
يا أمين اليائين في مصريين ذكرتني الياسمين
Post: #45 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-29-2010, 09:07 AM Parent: #43
Quote: الأخوة الديمقراطيون ليمتد السلام عليكم ورحمة الله وبركاته والله يا قيقا كنت عايز أرشح أمين لسكرتارية هذا الحزب لولا أنه تساءل هذا التساؤل الغريب
Quote: السؤال يا قيقا : نحن ليه مصريين علي موضوع الديمقراطيه ده إذا كان نحنا كثقافه و ك culture ما ديمقراطيين أبدا ! هل في إحتمال إنو موضوع الديمقراطيه ده نحن بنردد فيهو ساي محاكاه لشعوب و دول تانيه الديمقراطيه جزء أصيل من ثقافتها ؟!!!
الرفيق جعفر تحية ديمقراطية ( محدودة بالفراغ ) يا عزيز الترشيح و الترشح دا في انساق الديمقراطية الكلاسيكية ياخ 1 في ديمقراطيتنا ( دق اب جلفة )* دي ، مافي رأي و رأي آخر ياخ ، الحق ما اريكم اياه . . و سكرتيركم أمين ياسمين و لو ما عجب العجب ذاتو . . هذا او الطوفان . الفرق الحاسم في الديموقراطية دق اب جلفة هو انو ما فيها طلب انضمام و ترشيح و ترشح ، هي اصلاً مفصّلة ظبط على ( مزاج 40 مليون ميل ) الا من أبى . . و على المعترضين تقديم طلب لاستثنائهم من عضوية الحزب . . تنظر فيه المركزية الهي انا و أمين و كل من أمين مع نفسو و ما قاعد يغالط واقع حالو . . شفت كيف ؟ . . و أهو القوس مفتوح للشايف نفسو ديمقراطي ( كلاسيكي ) ينحني و يطلع من تحته عادي او يطفر من فوق . . المافي شنو !؟ . . تحسبوا لعب و لا كيف . . ما قلنا ليكم ديمقراطيون ليمتد ياخ !
Quote: وأظنه هنا ناوي يخلي الناس يقولوا علينا نحن ما ديمقراطيين يعني نحن يا أمين ناقصين شنو من الناس البتتمشدق بالديمقراطية دي ما كلهم بينادوا بيها ليهم ولغيرهم ولمن يشوفها جاية براحة بدفروا الباب بكرعينهم تصور بستخسروا فيها دفرة الباب باليدين
ما اقدر اوافقك في استيتمينت اكتر من موافقتي ليك في اعلاه يا رفيق ماشين في السكة نمد . . و سكة حديد تهز و ترز
Quote: يا أمين اليائين في مصريين ذكرتني الياسمين
ذكيرة أمين ليك ذكرتني ليك ( إتحاد علي بابكر ) . . و ما ادراك ما اتحاد علي بابكر ؟ هو فريق كورة في ( ليق ) كوستي ، و سر ارتباط اسم الفريق بعمنا علي بابكر ( مساعد طبي المركز الصحي بحي النصر ) ، هو انو عمنا علي بابكر هو المؤسس ، و المدرب ، و المدير الفني ، و رئيس النادي . . و كولووووووو تجي معوق في المركز ، يسألك بتلعب كورة ؟ . . قبل اجابتك بتلقى نفسك ( لاعب ) - ليق طبعاً - في اتحاد علي بابكر عمر الفريق ما طلع من الدرجة التالتة و لن !! . . و ما مهم ياخ كلو كلو . . فارقة هي قليك !؟ الشاهد ، يوم عمنا علي بابكر إتأخر في الشغل ، و كان الاتحاد لاعب ماتش ، اول ما وصل خط التماس سأل الجناح - جناحو - النتيجة كم ؟ . . قال ليهو مغلوبين 3/0 . . قال ليهم : ما بطال ! . . حافظو على النتيجة دي . . قرّضوا على كدا
احيك على الروح الثورية يا رفيق و قيلوا طيبين
--------
و الله دي سرقتها من زمن الشغل . . و المسألة دي بتعمل بهق في ضميري المهني فالى حين فراغ نتم باقي الفارغة دي
up من الصفحة التانية و الله ... ان شاء الله بس تحسب لي في ميزان محاولتي لدفع عجلة التحول الديموقراطي
Post: #47 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-30-2010, 00:40 AM Parent: #46
Quote: ان شاء الله بس تحسب لي في ميزان محاولتي لدفع عجلة التحول الديموقراطي
العجلة من الشيطان ياخ
( حزبنا ) دا بالو طويل . . و ما في عجلة من أمر ديمقراطيتو دي كلو كلو
----------
ازيك يا عزاز و كتر خيرك ياخ عليك الله كلو ما تلقي نفسك فاضية تعالي بجاي . . سمح ؟
Post: #48 Title: Re: ديمقراطيون وكت الفراغ . . حزب سوداني جديد Author: طلعت الطيب Date: 05-30-2010, 05:01 AM Parent: #47
العزيز قيقراوى تحياتى بوست دمو خفيف ...شطرا امين سليمان كلامو سمح الامل مهم فى امكانية الاصلاح وكلامكم ده دليل على القدرة على التشخيص وهى بدايات استئصال الداء
Post: #49 Title: Re: ديمقراطيون وكت الفراغ . . حزب سوداني جديد Author: ندى عثمان حسن Date: 05-30-2010, 07:36 AM Parent: #48
بسم الله فى اللول
قيقارواى , كلام فى مِحلو وزى العجب, وحمانا الله وأياكم شر ناس اللت والعجن.
زى ماقال مفكرنا الماشاب لافض الله فوه, نحن أبعد مانكون عن اى فعل أو سلوك ديمقراطى فى شتى مناحى حياتنا, إبتداء من البيت .
* عمو أمين أستلم الحزب زى العجب, وبكرة تلاقيهو مسجلو بأسمو فى مسجل التنظيمات السياسية, اما فيما يخص القضاء علينا, مش صعبتها شوية؟ حسة أنت اكتر 2 إستحملوك فى الفانية دى منو؟ّ!؟
الجناح النسائى فى : ديمكراتيون وقت الفراغ , المسكو منو؟
عشان عايزة أسجل, وأشارك فى صياغة دستور جناح المرأة فى الحزب (آى دستورنا برانا, مش ديمكراتية ولاكيف؟!)
Post: #50 Title: Re: ديمقراطيون وكت الفراغ . . حزب سوداني جديد Author: جعفر محي الدين Date: 05-30-2010, 08:10 AM Parent: #49
السيد رئيس الديمقراطيين قيقراوي اللي غنى عليه العطبراوي
Quote: في ديمقراطيتنا ( دق اب جلفة )* دي ، مافي رأي و رأي آخر ياخ ، الحق ما اريكم اياه . . و سكرتيركم أمين ياسمين و لو ما عجب العجب ذاتو . . هذا او الطوفان .
خلاص ما في مشكلة باركوا لي سكرتارية الإعلام الحكاية مش بالحجز ولا شنو ؟ إنت عارف قصة الحزب دا ذكرتني قصة عمنا الكان شغال في مشروع الجزيرة شيخ غفر وتمددت سني خدمته طويلا دون أن ينال أي ترقية وتساءل عن سبب غياب الترقيات فجاءه الرد من أحد المفتشين يا عمنا المشروع دا ما فيه ترقية إلا يموت واحد بعدين يترقوا الناس التحتو وعمك حفظ هذا الكلام عن ظهر قلب أو ظهر غيب وكان في أن سمع في أنباء الثامنة مساء أن السيد مدير المشروع الخواجة مين مش عارف قد عاجلته المنية وفارق هذه الدنيا الفانية فما كان من عمنا ومن دغش الرحمان إلا أن تهيأ بأحسن زينة وملبس وذهب معزيا للمفتش وبعد اكتمال مراسم العزاء سأل المفتش أها الترقية متين ؟ فاندهش المفتش ورد السؤال بسؤال : ترقية شنو ، إنت عايزنا نشغلك مدير بطل الخواجة المات دا ولا شنو ؟ فرد عمك : لا لا اتجارروها*
ـــــ اتجارروها لغير عرب الجزيرة تعني أن يتقدم كل إلى الوظيفة التي تسبقه أو يجر كل واحد منهم طرف التوب الأقرب إليه ويتدثر به.
Post: #55 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-31-2010, 00:50 AM Parent: #50
Quote: اتجارروها * لغير عرب الجزيرة تعني أن يتقدم كل إلى الوظيفة التي تسبقه أو يجر كل واحد منهم طرف التوب الأقرب إليه ويتدثر به.
* وردت في رواية قيقا راوي هكذا ( ما قلنا ليكم رقوني مفتش راسو عديل ! . . لكن ما تتجاردوا ؤ كدا ! )
و الكلمة شايعة في ادبيات المتصوفة . . و السودان غالبيته المسلمة متصوفة
ما سمعت " ود البجرد الالفية " ؟
اها الزول دا قاصد جرد السبحة دا ذاتو . . يعني كل واحد يحل محل القدامو بعد ما يزح . . زي حبات السبحة بالضبط
--------------
قال ليك واحد " فاكي الخط " تب ، و قاعد عاطل . . اها قريبو في وزارة الزراعة في الخرطوم بجاي بجاي دبر ليهو وظيفة سغيرة كدا في المشروع ، صراحة أقل من امكانياتو . . المهم ( المفتش ) لاحظ انو شغلوا دا نضيف جداً و مختلف من غيروا في نفس الوظيفة . . و اطلعو على الكلام دا . . صاحبنا قال ليهو : لكن يا سعادة المفتش تعيين الوزارة زي تعيين ابو عشرين** !!؟
** يقصد تعيين محلي . . و ابو عشرين معروف و لا شنو ؟
Post: #54 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-31-2010, 00:27 AM Parent: #49
Quote: بسم الله فى اللول
مالك يا " ست النفر " * ؟ كدا بتطردي لينا اولاد ماما ياخ !؟
لووووووووول
قليك عزابي الشواطين كل يوم يتعشوا معاهو ، يوم قاموا - الشواطين - زهجو من عشاهو الواحد ( الآسف ) دا ، قاموا ختوها ليهو واضحة كدا : يا زول يا نوّع ، يا كمان تاني تقول بسم الله . . ياخ قديتنا بالفول . . . لوووووووول
Quote: اما فيما يخص القضاء علينا, مش صعبتها شوية؟ حسة أنت اكتر 2 إستحملوك فى الفانية دى منو؟ّ!؟
امي آمنة . . و امي التومة دقستي . . و ابشرك . . لسه باقي ماما عشة و الجد شعبان كمان لوووووووول
Quote: الجناح النسائى فى : ديمكراتيون وقت الفراغ , المسكو منو؟
عشان عايزة أسجل, وأشارك فى صياغة دستور جناح المرأة فى الحزب (آى دستورنا برانا, مش ديمكراتية ولاكيف؟!)
اسمعي لو وافقنا انك تستلمي بتوقعي معانا اتفاقية انو نصوص ( الدستور ) تكون مفخخة و ملغومة لانفجار حتمي يفضى لوحدة جاذبة على كوكب الارض دا . . يا انفصال كمان ، و كل قرد يرجع كوكبو الجا منو مش قالوا الرجال من المريخ و النساء من الزهرة او نحو ذلك ، و لا عكس نحو ذلك دي ذاتا ما عارف ؟! اها اتفقنا . . نقوم نوقع اتفاق اطاري بالاحرف الاولى ؟
ازيك يا ندى حيرناكم ما بين البركنة لي القضاء الزؤام مش ؟ عشان كدا احسن ليكن ترجعن كوكبكن الجيتن منو ساي هذا أو الطوفان . . و لأ شنو يا أمين ؟ اهو دا حل سلمي اوع تاني تشكك في اني ( مفكر )
Post: #65 Title: Re: ديمقراطيون وكت الفراغ . . حزب سوداني جديد Author: ندى عثمان حسن Date: 05-31-2010, 07:50 AM Parent: #54
Quote: و كل قرد يرجع كوكبو الجا منو
كدة 100% معانا, فى اى وقت نلملم عفشنا ونبقى مارقين.
Quote: امي آمنة . . و امي التومة دقستي
أحلف, عشان أصدقك.
Quote: حيرناكم ما بين البركنة لي القضاء الزؤام مش
دة أقوى دليل على انو نحن الحيرناكم وحيرنا دليلكم معانا.
سلامو يامؤسس الحزب.
Post: #51 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-30-2010, 10:17 PM Parent: #48
Quote: العزيز قيقراوى تحياتى بوست دمو خفيف ...شطرا امين سليمان كلامو سمح الامل مهم فى امكانية الاصلاح وكلامكم ده دليل على القدرة على التشخيص وهى بدايات استئصال الداء
استاذ طلعت شخصياً ؟ شرفت و الله
تعرف ؟ . . .
Quote: - اي بلد ( في الكيس اصطدي بتاعنا هنا " السودان الشغيغ " ) = حكومة + شعب
المعارضة أُسقطت عمداً من المعادلة دي ، لانها ما رقم مؤثر خالص خالص . . وجودها زي عدمها . . قول صفر راسو عديل . . المافي شنو !؟ في داعي اضيف لي صفر !؟ . . لشنو ؟ هي المعادلات ( صعوبيتا) بقيسوها - تقرأ " هو المعيار الرايح للناس دا ! " - بالمتر ؟ زي المعادلات دي تقرأ وفق ما اسماه استاذ / الخاتم - متهكماً على ما اعتقد - ( الرياضيات السياسية العليا والدقيقة )
Quote: ولم تدخر الإنقاذ وسعا في تدشين حروبها على كل هذه المستويات، وفي نفس الوقت. وإذا تأملنا هذا المشروع * بمنطق العقل، لقلنا أن القائمين عليه مجموعة فقدت رشدها، ولكننا إذا قلنا ذلك، وقد قلناه، فإن الرد علينا، من قبلهم، سهل وميسور، وهو أننا لا نفهم في الرياضيات السياسية العليا والدقيقة،
Quote: ولم ترد عبارة جعل الوحدة خيارا جذابا، إلا لأن أهل الجنوب لن يقبلوا الوحدة، بأية حال، إذا استمر النهج القديم، نهج الإنقاذ، كصيغة وحيدة للتعامل معهم من قبل الشماليين. ولا يكفي هنا أن يقول الشماليون أن الإنقاذ لا تمثلنا، بل هم مطالبون بأن يطرحوا بصورة إيجابية مثالا آخر للتعامل بين الشمال والجنوب. وهم مدعوون إلى ذلك بكل تنظيماتهم السياسية والاهلية ومنظمات مجتمعهم المدني. وعليهم أن يبدأوا في ذلك اليوم قبل الغد. وأن يكشفوا عن هذه الروح الجديدة في التعامل مع ملايين الجنوبيين الذين يعيشون الآن في الشمال. ولا ننسى أن الشباب، باستعدادهم الخير لقبول التوجهات الجديدة والتعبير عنها، يمكنهم أن يلعبوا دورا رائدا في هذا المجال.
Quote: ليس سرا كذلك أن قيادة الحركة الشعبية نفسها، يمكن أن تختار الإنفصال، إذا استمرت المعادلات والعقليات القديمة، عقليات الإستعلاء والإقصاء والتحـقـير والقمع، على ما كانت عليه قبل التوقيع على اتفاقات نيفاشا.
----------------
Quote: قال ليك ( قسم كامل للدينكا فى رنك مختلط تماما و لكن كونهم جنوبين شئ لا احد يجرؤ على التفكير فيه) عشان كده في قصة شمالي و جنوبي دي مافي سكه لـ others
Quote: ورغم نواقصها المعروفة، فإن إمكانيات تخطي هذه المؤسسة لذاتها تظهر بوادره بصورة لا تخطئها العين في الجيل الثاني من ابناء التجار، الذين ينتمون انتماء كاملا لهذه المدينة التي لا يعرفون لهم وطنا سواها. ولولا الانقطاعات الدموية لمسيرة التفاعل الإجتماعي في السودان لكان الحال غير الحال.
من قراءة للاستاذ / الخاتم عدلان لرواية " مندكورو برق و هلال - د. مروان حامد الرشيد "
* المشروع هو طبعاً :
Quote: المسمى بالمشروع الحضاري، في سخرية جارحة من المشاريع والحضارات،
تأمل في الحتة دي :
Quote: ومنهم من يمنى النفس بالبقاء عن طريق صفقة مع الحركة الشعبية تزور فيها الإنتخابات ويقهر فيها الخصوم،
رحم الله الخاتم عدلان . . و بحق : أي عقل انطفأت جذوته . . و أي قلب توقف عن الخفقان !؟
شكرن استاذنا طلعت . . و منتظرين قرايتك للحال المايل دا . . و الله انا ما شايف أي بصيص ضوء في نهاية النفق دا 8 مليون قاعدين برة و ينظروا ساي . . و آيات المنافق في وجوه الكلام . . شغلتنا اموالنا و اهلونا . . الخ اها واحد من سكتين يا ديمقراطية طق حنك زي حقتنا دي . . يأ استلهموا تاريخ ابطالنا الافذاذ من تهارقا و بعانخي . . لشهداء الرأي و الحق ، و ياهو طريق الثورة هدى الاحرار ح احاول انزل هنا محاولة " خالد مونيكا " لاستنهاض المك نمر " المك الماسك حبل الحيل . . يرفع في الارض افعالوا الصعبة . . حلابن وأنا ح آكل الويل مسيتكم في صدور الريل صابحوني فوق ضهر الخيل اعععععععععقل يا مك آسف مش قادر اقفل باب الشريان قربوا ابعد حتة متمة وابروا مدافن السيل دايرين اللي شان ألمي الزرقا يلوا ضراعي ويلوا ضراع النيل
يمكن تستاء القلابات !؟ يمكن تشرع في تكيف الحال بالدم و الرقص الشعبي . . . امكن تحتمل الثورية الفذة !؟ الجرح المقروء عليه تحاصين الدعوات
احمتال !؟ . . احتمالات . . كلو وارد
Post: #52 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-30-2010, 11:10 PM Parent: #51
شوف الحداثة . . حداثة المجتمع دا :
هذا لا يحدث الا في السودان الشغيغ . . في الزمن الغيهب
Post: #53 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-30-2010, 11:24 PM Parent: #52
ما تنسوا دي كمان :
دولة القانون . . و احترام القانون
و حسبوهو ؟ . . ربنا يعوضك يا ( كبير ). . H و M ما عندك لكن !؟
يا سيدي البدوي !!
الناس دي شبعت و لا شنو ؟
Post: #56 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-31-2010, 00:59 AM Parent: #53
Quote: المحاكاة و نقل المسطرة هي آفتنا . . الافكار الانسانية الكبيرة كبيرة زي العلمانية ، الديمقراطية و حتى الماركسية ( المافي شنو !؟ ) و المؤسسية و شنو ما بعرفو داك. . الخ الكلام دا كلو بس استورد و ادفس في السودان الشغيغ دا التقول نحنا ما عندنا ذاكرة و لا تراث ، من غير بذل ادنى جهد لتبيئة الافكار دي قبل غرسها . . عشان كدا ما قاعد تبارح اوهام او قول الاحلام المسرطنة المعششة و بتتمدد في رؤؤس النخب فقط لا غير !! . . دي نشافة راس ساي او كما قال كاتبي المفضل ع. ع. ابراهيم
في بوست المعيار يا قيقا أسماء رجال بِيض ذوي عيون ملونه - من نفس نوعية الرجال البِيض ذوي العيون الملونه الأنا متجدع في بلدهم دي ، أو من نوعيات مشابهه - يحدثوننا عنهم و عن رؤاهم باقتباسات و بغير اقتباسات ، شي ليبراليين ساي و شي ليبرالين بالحداثه ، شي بالمايونيز و شيتات كتيرات ما فرزتهم : تخيل يا قيقا ديل عندهم حلول لمشاكل التومه بت عجبين و أدم كاكي و ود النوراني و أكتر من أربعين مليون تانيين : فسبحان الذي وضع جل أسراره في الرجل الأبيض !!!!
Post: #57 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-31-2010, 01:05 AM Parent: #56
الأخوان بله ، جعفر و طلعت شكرا لمروركم علي بوستي الفاتحو قيقراوي ده ، و شكرا لكل من أوصي بشخصنا ( الثمين ) أمينا عاما للحزب . و الحقيقه أنا ما عارف الفرق شنو بين الرئيس و الأمين العام للحزب ، العارفو إنو أنا مفروض أكون أكبر حاجه في الحزب ده : مقرراته أهوائي و رؤية الحزب رؤاي ، ينتهي راي الحزب عندي و ما لأحد عندنا من راي يجزى !!! لا أسال عن ارائي و تصريحاتي و تصرفاتي و هم يسالون !!! تعقد لي راية الحزب فلا يحلها إلا ملك الموت !!! و من ثم تعقد لاحمد ابني - ذو العام الواحد - لانه الوحيد الواحد الذي يحمل (جيناتي) المقدسه !!! باسم الديمقراطيه و عشان يجيب ليكم الديمقراطيه لمن أموت جاييكم أحمد ولدي : أقولها ليكم صادق و من جوه قلبي : أحسن ليكم تدعو لي بطول العمر !!!
Post: #58 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-31-2010, 01:22 AM Parent: #57
يا ندي ، حزبنا ده واضح و صريح : المرا مكانها البيت لحدي ما نشوف لينا طريقه ديمقراطيه للقضاء عليها !!! ولا أقول ليك كلام ؟! تعالو نديكم 20-25% من مقاعد الحزب تقعدو فيها عشان نفشر لخلق الله الباقيين إنو حزبنا واقف و مؤيد لحقوق المراه !!!
Post: #59 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-31-2010, 01:41 AM Parent: #58
بله يا دوك
Quote: يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب.
بكري حبيبنا ده والله حاول بشتي السبل يكون ديمقراطي ، و بتذكر في فتره عمل اداره عديل من الاعضاء يسحبو و يوقفو علي كيفهم ، بعداك بكون اتوصل لانو الشعب السوداني الشقيق ده ما بتاع ديمقراطيه ، فكتب مرسومو أعلاه و بصم عليه بدمه الشريف !!!
Post: #60 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-31-2010, 01:51 AM Parent: #59
سلام يا جعفر
Quote: يعني نحن يا أمين ناقصين شنو من الناس البتتمشدق بالديمقراطية دي ما كلهم بينادوا بيها ليهم ولغيرهم ولمن يشوفها جاية براحة بدفروا الباب بكرعينهم تصور بستخسروا فيها دفرة الباب باليدين
السؤال كده مقلوب يا جعفر ، في الأول : الديموقراطيه دي مناسبانا و بتحل لينا مشاكلنا ولا لا ؟ لو طلعت مناسبانا و بتحل لينا مشاكلنا نبقي نشوف نجيبها و نطبقها كيف ؟ كدي عليك الله يا جعفر عاين لكل الناس البتنادي بالديمقراطيه في بورد بكري ده و عاين لسلوكهم عند الاختلاف معاهم : والله ما تفرزهم من الانقاذ إلا بالدبابه !!!
Post: #61 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-31-2010, 02:00 AM Parent: #60
Quote: و الله انا ما شايف أي بصيص ضوء في نهاية النفق دا
أنا شايف حل واحد ما عندو أخو : يعدم كل سوداني عاقل بالغ و نخلي المفكرين الزيي ديل بس ، نربي الأطفال علي الديمقراطيه الحقه !! غير كده يا قيقا ح تعيشو في الدائره الخبيثه بتاعت ديمقراطيه سنتين تلاته و دكتاتوريه عشرين تلتين سنه !!!
Post: #62 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 05-31-2010, 02:23 AM Parent: #61
طبقو الديمقراطيه في أنفسكم قبل أن تطالبو بها !
---------
ستظل الانقاذ تحكم السودان طالما كانت المعارضه بلا أخلاق !!!
--------
الديمقراطيه و العنقاء و الخل الوفي مستحيلات السودان الثلاث !!!
أمين محمد سليمان : مفكر ، قاص ، أديب و صحفي ناشط في حقوق الانسان .. ------- ماشي لي مشوار و جاي ، عندي كلام و تنظيرات كتيره جايه : أبقو معنا !!!
Post: #63 Title: Re: ديمقراطيون وكت الفراغ . . حزب سوداني جديد Author: طلعت الطيب Date: 05-31-2010, 03:43 AM Parent: #62
عزيزى قيقراوى اتفق مع العديد من الملاحظات التى وردت فى البوست حول بؤس الحال واجزم بمصداقية النبرة التشاؤمية التى تطل على القارئة وتقطر مرارة لكن بقولوا ان القضايا الاجتماعية والثقافية والسياسية يتم اصلاحها كاصلاح المراكب فى عرض البحر (لتيق) مسمار مسمار، اذ لا مجال للاصلاح الجذرى لانها فى عرض البحر ومهب الريح الاصلاح الجذرى يتم على الشواطىء فقط وهو شىء غير متاح لان الحياة فى ديناميكية دائمة!!
Post: #64 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-31-2010, 07:26 AM Parent: #63
Quote: أنا ما عارف الفرق شنو بين الرئيس و الأمين العام للحزب
ما تتواضع ساي يا طويل العمر
كان انت ما عرفت الداير يعرف منو ؟ معناها الحزب دا كلو الحمد له مافي زول عارف الفرق دا
غايتو نقول بعد الحمد لله و الصلاة و السلام على رسوله النعمة المهداة : الفرق هو ذاته الفرق بين أحمد و حاج أحمد و بين مولانا و مولّانا . . و هو فرق يقاس بطول السبحة او عرض المصلاية
------------
يا امين . . يا سعادة الأمين العام و القائد الاعلى لقوات حزبنا المشلحة . . بطل اسئلة فلسفية غميس هذا ما اهلك الاحزاب من قبلنا . . فانتبه . . و عوس ساي برا طايوق ان شاء الله و رئيسكم مين ؟ أمين . . أمين . . أمين
السودان مصري و الرئيس أمين
اها كدا جمعت بين الحسنيين بدون اي حرج شرعي ، و القاضي دشين ما يقدر يقول بغم !!
ياخ صراحة كملتو لي ( تفاكيري ) الفي راسي كلها . . الباقي دا نخليهو للامتحان القدامنا دا
Post: #66 Title: Re: ديمقراطيون وكت الفراغ . . حزب سوداني جديد Author: نصر الدين عثمان Date: 05-31-2010, 09:36 AM Parent: #64
قيقراوي .. سلام،
أهواك .. رغم تخاصم الأفراح في الزمن النزيفْ . أهواك .. رغم الحزن .. رغم الجراح .. رغم الـ .... آهِ يا محبوبتى .. يا أنتِ يا موبوءة بالصد في كل المراحلْ . ألقاك .. تندلقين مثل الضوء .. تنتشرين عطراً عابقاً .. في الروح .. في بوح المداخلْ . (أزهري الحاج شرشاب)
Post: #67 Title: Re: ديمقراطيون وكت الفراغ . . حزب سوداني جديد Author: نصر الدين عثمان Date: 05-31-2010, 09:47 AM Parent: #66
أن تدربهم على معينات الممارسة!!
Post: #68 Title: Re: ديمقراطيون وكت الفراغ . . حزب سوداني جديد Author: جعفر محي الدين Date: 05-31-2010, 09:47 AM Parent: #64
أمين يا رئة الحزب التي يتنفس بها وقلبه النابض ما تقول لي عايز ألقاب ، فوالله بحثت عن أي لقب غير مشغول ما وجدته أول حاجة حزبنا دا لازم يتجرد كل منسوبيه من أي ألقاب يعني حكاية مفكر وأديب وخال القاص دي شوف ليها سحارة من سحارات حبوب ست النفر وخزنها فيها تاني فكرة أي زول عامل فيها ديمقراطي يلتزم لينا بيوم (24 ساعة بالتمام والكمال) من أجل الديمقراطية يعمل أي حاجة تساعد في نمو الديمقراطية (يوزع مناشير، يلقي خطب عصماء أو غير عصماء، يكتب على حيط الزمان المائل، يعلف الديمقراطية ذات روحها بأي نوع من الأعلاف غير ضار بالصحة ).
Post: #69 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-31-2010, 10:58 PM Parent: #68
Quote: يا طويل العمر
أمين يا حبة عارف طويل العمر دا منو ؟ الاستخدام الشائع للكلمة دي ما صحيح طبعاً . . طويل العمر هو " ابليس "
Quote: إسمحوا لى أن أعود بكم قليلآ إلى الماضى . والسبب فى العودة إلى الماضى ماهو إلا محاولة منا فى البحث عن تفسير أو مبررات لأحداث مرت ولكنها تركت علامات إستفهام لازالت تبحث عن إجابة . سنحاول هنا ربط الماضى بالحاضر لنتمعن فى أصل المصيبة التى مر ويمر بها السودان ! الماضى الذى أنا بصدده هنا ليس هو الماضى السحيق الذى ربما غطته جحافل خيول المهدية أو مدافع المستعمر فى زحفه إلى الخرطوم وبقية أنحاء البلاد . الماضى هو بداية السبعينيات من القرن الماضى والمكان هو جبال النوبا فى منطقة غرب السودان جنوب ما كان يعرف بمديرية كردفان . عندما قام الإنقلاب العسكرى بقيادة جعفر نميرى فى 25 مايو 1969 وبدأ رجالات الثورة "الإنقلاب " فى تنفيذ برامجهم التنموية تحت شعار " أبنى وعمر " ، وكان الهدف أن يشارك الجميع فى عمليات البناء والتعمير . ولكى يتم التلاحم بين رجالات الثورة وبقية الشعب السودانى، بدأ النميرى وصحبه فى القيام بزيارات ميدانية لبعض مناطق السودان ، نال غرب السودان القسط الأوفر منها . أشار الكاتب المصرى يوسف الشريف فى كتابه " السودان . وأهل السودان .. أسرار السياسة وخفايا المجتمع " الذى صدر فى عام 1996 عن دار الهلال ، إلى مصاحبته للرئيس نميرى فى شتاء عام 1970 فى جولة إلى غرب السودان كتب " كانت عتمة الليل قد أسدلت ستائرها ونحن جلوس فى خيمة نميرى نشرب الشاى والقهوة السودانية المغلية فى دوارق صغيرة من الفخار قبل أن ننصرف إلى النوم فى الخيام التى أعدت للضيوف .. حين وقف شيخ القبيلة موجهاً حديثه إلى قائلآ : قم يامصرى الليلة ليلة عرسك !؟ ولم أفهم فى البداية معنى ولا مغزى عبارته .. لكننى فوجئت بالرئيس نميرى وأعضاء مجلس الثورة يضحكون ويستحثوننى على الإستجابة للدعوة الكريمة .. وعندئذ بدأ شيخ القبيلة يشرح الأمر قائلآ : لقد سمعتك تسأل عن تقاليد الزواج فى قبيلتنا ... انظر – مشيراً بسبابته بعيداً – هناك فى هذه الخيمة تنتظرك فتاة جميلة عمرها 17 عاماً .. اذهب إليها فإذا نالت لديك القبول زوجناها لك الآن .. لانطلب منك مهراً ولا فراشاً .. المأزون جاهز لعقد قرانك وشاهدى العقد الرئيس نميرى وأى رجل آخر تختاره ... قررت الإعتذار لشيخ قبيلة (..... ) ..شاكراً له حسن ثقته وهذا التكريم الذى إختصنى به ...لكن نميرى لم ينس لى هذا الموقف الذى إعتبره ماساً بكرامته الشخصية كونى خذلته ...وراح يحكى فى جلساته الخاصة بإعتبارى جـبان .. " ص 57 ،58 . أسوق ما سبق كدلالة على عبقريات من حكم السودان 16 عاما وأضيف أن فى تجوال نميرى فى منطقة جبال النوبا فى بداية السبعينيات زار ومن معه منطقة الكاونارو ( مكونة من جبال ثلاث هى : كاو – نارو – فنجر ) . سكانها يسيرون عراة كما ولدتهم إمهاتهم وحتى بدون قطعة قماش لستر ما نسميه نحن بالعورة . المهم فى الأمر هو أن صادف وصولى وفريق البحث المرافق إلى مدينة كادوقلى اليوم الثالث لمغادرة نميرى وصحبه تلك المدينة . كان الهدف من زيارتنا للمدينة هو جزء من خطة العمل المقصود منها إجراء مسح إجتماعى وإقتصادى لمنطقة جبال النوبا . فى اليوم التالى لوصولنا المدينة جاءنى من يخبرنى بأن سيادة المحافظ يطلب مقابلتى . وبالفعل ذهبت إلى مكتب المحافظ محمود حسيب "رحمه الله " الذى قابلنى بترحاب قائلآ : كيفكم ياناس الخرطوم ؟ وفى أثناء تناولنا للشاى قال : لقد تسلمت إشاره من مكتب سيادة الرئيس جعفرنميرى يطلب فيها " تململ فى جلسته " أن نرسل ملابس لكسوة قبيلة الكاونارو .. واردف قائلآ : يظهر أنه فى رحلته الأخيرة قد شاهدهم عراة . قلت : لكن سعاتك بحكم معرفتى بالمنطقة وسكانها ، أن الكاونارو عراة لأنهم يرغبون فى ذلك .. هذا هو أسلوب حياتهم ولايمكن تغيير ذلك بإرسال ملابس لهم ! رد قائلآ : يا أخى أنا عارف لكن خلينا ننفذ الأوامر وبعدين لبسوا وله مالبسوا على كيفهم !! إستفسرت عما هو مطلوب منى !؟ سأ ل : عندكم كام عربه ؟ أجبته : ثلاثة .. كومر وإثنين لاندروفر . قال : خلاص نضيف ليهم كومر تانى نملأهم قماش دموريه . قلت : سيادتك الكاونارو يحتاجون إلى دراسة متأنية معها يمكن خلق حاجة لهم تماماً كما حدث فى أبوجبيهه " مدينة لاتبعد كثيراً عن منطقة الكاونارو " تساءل: ماذا حدث فى أبوجبيهه !؟ قلت : فى أبو جبيهة أصدرت السلطات المحلية قانوناً يحرم دخول العراة إلى المدينة وبالطبع لحاجة الكاونارو للبيع والشراء فى سوق مدينة أبوجبيهة كان القادم إلى السوق منهم يرتدى سروالآ وبعد أن يخرج من المدينة يخلعه ويضعه على رأسه ويذهب إلى أهله عارياً . قال المحافظ : أعلم ذلك ولكن علينا تنفيذ ماطلبه سيادة الرئيس ! أخبرته بأننا سنفرغ من مسح مدينة كالدوقلى وماجاورها فى خلال بضعة أيام بعدها سنتوجه إلى منطقة الجبال الشرقية ، عندها سنأخذ معنا الأقمشة ! قال : سنجهزها إنشاء الله فى خلال يومين . خرجت من مكتب سيادة المحافظ أحمل علامات إستفهام كبرى حول رئيس الدولة الذى يمر موكبه بمنطقة ما فيفسر الظواهر حسب هواه أو هوى من يفكر نيابة عنه ويرفع له بالتوصيات ! كل العذر للأجنبى الذى يحل ببلد ما ويفسر الظواهر حسب خلفيته الثقافية التى تشرب منها ، أما إذا كان من يفسر الظاهرة مثل مافى حالة الكاونارو أحد أبناء السودان فهذه مصيبة ، ولكن أن يأتى ذلك من رئيس الجمهورية فالمصيبة أعظم ! بعد أن فرغنا من إجراء المسح على كادوقلى وضواحيها والمناطق المجاورة مثل ميرى جوه وميرى بره ودلامى وعبرى ، حملنا العربات بكميات من قماش الدمورية وتوجهنا إلى منطقة الكاونارو . عندما وصلنا إلى مشارف القرية ظن البعض أن الحكومة قادمة إليهم مرة آخرى . خرج أهل المنطقة مستقبلين والأطفال يسابقون السيارات والكبار من نساء ورجال ينظرون وينتظرون لمعرفة هوية القادمين إليهم . توقفنا نسأل عن المسئول أو شيخ القرية . تقدم أحدهم وهو على مايبدو فى العقد الثالث من العمر و فى لغة عربية سليمة قال : أهلآ وسهلآ.. إتفضلوا فى الخلوة " مكان الضيافة " . تقدمنا إلى أن وصلنا للخلوة وهى عبارة عن أعمدة بسقف من القش فى شكل مستطيل وهناك مقاعد من خشب الدليب . المكان نظيف جدأ . أشاروا علينا بالجلوس فجلسنا وسرعان ما مرروا علينا أوانى مملوءة بالماء فشربنا " تقديم الماء هو نوع من كرم الضيافة" وبعد قليل جاؤا بأوانى المريسة فشرب منها البعض . لعلمى المسبق بأن رفض مايقدم لك يعتبر نوعأ من الإهانة والتقليل من الشأن مررت بسرعة إناء المريسة " كورة المريسة" إلى الجالس بجوارى محاولأ إيهام الشخص على أننى منهمك فى الحديث ولا أرغب قطع الحديث بشرب المريسة . فطن إلى ذلك محدثى فإبتسم وهو يقول : كتير من الجلابه مابشربوا المريسه . إبتسمت وواصلت الحديث . مايلفت النظر حقأ أن جميع ممن همو أقل من الخمسين من العمر لايرتدون أى نوع من الملابس ، عراة تمامأ ، حتى النساء إلا كبار السن . هذا العرى من ورائه فلسفة تقول بأن الخالق الذى منح هذا البدن من جمال فى الصنع لابد أن تكون من وراء ذلك حكمة لايجب إخفاؤها ، فهذا الجسم الأبنوسى ماخلق إلا للتباهى به . عندما عرف محدثى ماجئنا من أجله ضحك وضحك إلى أن ترقرق الدمع فى عينيه ، ثم قال: جايبين لينا دموريه عشان نلبس !؟ قهقه واردف قائلأ : يا أخى أنا القدامك ده ما شايفنى عريان كيف .. أنا كنت بشتغل عند باباكوستا " مخبز فى شارع الجمهورية " فى الخرطوم وكنت باخد ماهيه خمستاشر جنيه وكان عندى عجله جديده ، خليت كل ده عشان عيشتكم ماعجبتنى " ضرب كفاً بكف " .. خلينالكم اللبس هناك جيتم لاحقننا هنا عشان تلبسونا !؟ "أضاف " إنتو ناس البحر ديل لاترتاحو ولاتريحو ! لمن لم يحضر زمن باباكوستا . كان باباكوستا هو المخبز الوحيد المتخصص فى صناعة الخبز الفرنسى الذى كانت تتهافت عليه الجموع أثناء ساعات النهار وبلغ صيته معظم أرجاء السودان وكان يضرب به المثل حيث أن كانت الفتاة الجميلة الرشيقة القوام يمثلونها بقولهم " رشيقه وسمحه وتشبه رغيف باباكوستا " . إلتفت الشاب إلى من إجتمع حولنا من أهل القرية وخاطبهم باللهجة المحلية ، شارحاً الهدف الذى جئنا من أجله . كان الشاب يقاطع من الحاضرين بالضحك والتعليقات . أخيراً وهو يغالب الضحك قال : نزلوا الدمورية .. الليله الحلة كلها تصفى مريسه ! وبها ، ان قماش الدموريه الذى زودنا به محافظ مديرية جنوب كردفان لن يستخدم فى ستر عورة الكاونارو بل سيستخدم فى تصفية المريسة . وبهذا يكون رئيس الجمهورية جعفر نميرى قد برهن على عشوائية قراره وقصر نظر فى تفسيره للظواهر !
----------
* التقسيم من عندياتي . . عارف الناس بتمل . . لكن نسوي ليكم شنو ؟ لسه العلم دا ما وصل لكبسولات معرفة نجيبا ليكم تبلعوها . . اها سكة واحدة بس للتعرف على السودان الشغيغ دا . . مضنية و عسيرة جداً
الرقيب الالكتروني عذبنا ذاتو يشخت ساااي . . رجعت كلمة " جـبان " كما بالنص الاصلي
Post: #70 Title: Re: ديمقراطيون وكت الفراغ . . حزب سوداني جديد Author: قيقراوي Date: 05-31-2010, 11:16 PM Parent: #69
Quote: ان السودان الذى تبلغ مساحته المليون ميل مربع تقطنه قبائل متعددة ، منها الرئيسي ومنها الفرعي وهى تختلف فى عاداتها وتقاليدها . وبالرغم من أنه من السهل تقسيم السودان إلى عرب وزنج ونتاج ما إختلط منهما ، إلا أن التقسيم الثقافى يتعدد . يقترب ويتباعد بإقتراب وتباعد الحيز الجغرافى لكل منها . وتعدد الثقافات فيه ، إذا كان قد استغل الإستغلال الأمثل من قبل القائمين على أمر الحكم فيه منذ فجر الإستقلال فى عام 1956 ، كان يمكن ان يكون هذا التعدد الثقافى مصدرأ للقوة والمنعة . ولكنهم ولا أستثنى منهم أحدا عملوا على طمس أو محاولة طمس ماهو متأصل ومتعمق فى مجتمعات السودان بحجة التحد يث الذى يتمثل فى إحلال اللغة العربية محل القائم من اللغات معتقدين أن وحدة اللغة هى المكون والضمان للوحدة الجغرافية ! وبطل ماكانوا يظنون! فلغة النوبة فى الشمال ولغة الدينكا والنوير والشلك فى الجنوب ولغة أبناء النوبا فى كردفان ولهجات أبناء الغرب وأبناء الشرق ، هذا الكم الهائل من الموزييك كان من الممكن أن يكون عامل ربط وقوة ، وبالتالى عامل تلاحم للجزئيات ليصبح محركاً لتسخير الإمكانات البشرية والطبيعية لخدمة الصالح العام . ربما يتساءل البعض ، مال البعض يسير عرياً فى زمن الصواريخ والأقمار الصناعية والساتلايت !؟ ونتساءل بدورنا : هل التكنولوجيا حطت على الدول الصناعية من كوكب آخر !؟ هل تهيأ لها البشر أم جاءت من فراغ !؟ ثم أين حق الفرد فى مجتمعاتنا .. أين حقه فى الحياة الكريمة !؟ لن أسأل عن الديمقراطية لأن الحكام فى الدول النامية يعتبرونها مقرونة بنداء " تسقط الحكومة " . علينا أن نتساءل عن مقومات التغيير ، وهل هى متوفرة فى بلد مثل السودان !؟ وهل من الممكن أن يتم التغيير بقرار !؟ إذا كان علماء الإجتماع والأنثروبولوجيا وعلم النفس والإقتصاد وكل العلوم يجيبون بالنفى ، لماذا إذاً حكام العالم الثالث يسارعون فى إتخاذ القرار تلو الآخر وبدون سابق دراسة فى أمور تهم الفرد والجماعة والمجتمع !؟ ولماذا لاتتاح للفرد فى المجتمع المعين فرص المشاركة فى صنع القرار الذى يهمه ، إذا كان هوالمعنى والمستفيد الأول والأخير !؟ قبل أن تأخذنا متاهات الديمقراطية وحق الفرد ، نواصل ماقطعناه عن الكاونارو . بعد الظهيرة فى ذلك اليوم طلب من الجميع إخلاء المكان لتبدأ مراسم الرقص حيث هذا هو النشاط اليومىبعد موسم الحصاد . وبالفعل إخلى المكان وجاء الشباب إلى الحلبة وكل منهم قد طلى ساقه اليمنى وظهره ووجهه باللون الأبيض وكل يحمل حربة بيد وبالأخرى إناء فيه ألوان . جلسوا على شكل دائرة، كل فى حضن الآخر والساق اليمنى ممدة إلى الأمام ، وفى داخل الدائرة وضعت أوانى المريسة . سرعان مابدأ كل شاب برسم صور لحيوانات مختلفة على ظهر الشاب المقابل له . وفى أثناء ذلك كانوا يتسامرون وبين الفينة والأخرى يتناولون المريسة . وبعد أن إكتمل الرسم على الظهر والساق ، هبوا لجمع الأوانى ووضعوها جانباً ثم حمل كل منهم حربته وجلس على ألواح خشبية مثبتة على قوائم . الحراب كانت جميعها فى وضع رأسى. وصل إلى المكان رجل كبير السن وجىء بطبل ضخم وضع أمامه فى ركن من الحلبة . بدأ الرجل فى قرع الطبل والغناء بصوت عال . أخذنى الشاب الذى كان يشرح لى ما يحدث بعد أن خلعت عنى قميصى فأصبحت أنا الوحيد الذى يجلس ونصفه الأعلى فقط عار بخلاف البقية الذين كانوا كما ولدتهم أمهاتهم . فجأة تغير صوت المغنى وتغير الإيقاع وحدث مالم أكن أتصوره . دخل إلى الحلبة فوج مصطف من الفتيات مابين الثانية عشر وأقل من العشرين من العمرعاريات تماماً يتمايلن مع دقات الطبل وكل تحمل فى يدها سوطاً "كرباج" . أخذن يرقصن فى رشاقة متناهية .. كل منهن طلت جسدها بلون واحد منه الأحمر والأصفر والبرونزى والأزرق والأخضر من قمة الرأس إلى أخمص القدمين والجسد كله مدهون بالزيت فتكونت لوحة يعجز أن يصورها فنان .. الخالق فقط هو الذى منح لتلك الأجساد روعتها ورونقها وكمالها وجمالها ، وهو الذى له القول الأول والآخر! تضاربت عدة أسئلة فى رأسى ، من أين كل تلك الألوان وكيف أن تلك الأجساد المتمايله فى تيه ودلال لاتثير الجالس من الشباب !؟ إنقطع حبل أفكارى مع توقف القرع على الطبل وهرولت الفتيات فى مجموعات نحو الشباب من الجالسين ، فى مجموعات يقفن أمام شاب من الشباب كل على قدم واحدة وترفع الساق الأخرى وتضعها على كتف الشاب وبكلتا يديها تمسك بالسوط وتقذف بذراعيها إلى أعلى خلف رأسها . تفحصت الشباب لأرى ردة الفعل لربما أحدهم يرتكب حماقة تحت وقع الإثارة الجنسية ! عجباً ، ما كان من كل واحد منهم إلا وأن غض الطرف ! ومع نقرة معينة من الطبل يهرولن راجعات إلى منتصف الحلبة . ويتوقف الغناء . كل شاب حاز على إعجاب العدد الأكبر من الفتيات يقف ثم يتقدم قليلاً إلى داخل الحلبة ويبدأ فى الصياح مقلداً ملك الغابة ثم يعود إلى مكانه . أما الشاب الذى تكون حصيلته أقل فيخرج من الحلبة مكسور الخاطر . ويبدأ قرع الطبل والغناء مرة أخرى وتعاود الفتيات الكرة ويتكرر الحدث إلى أن يتبقى فى الحلبة شاب واحد تجتمع من حوله كل الفتيات فيصبح هو فارس ذلك اليوم . الجدير بالذكر هو أنه فى إحدى المرات هرولت مجموعة من الفتيات نحوى، وقبل أن أنعم بوضع سيقانهن على كتفى غير الرجل إيقاع الطبل وعلى إثر ذلك هرولن راجعات إلى منتصف الدائرة الشىء الذى جعلنى أصب اللعنات خفية على الرجل هادم اللذات ! وتعجبت من فهم الفتيات للغة الطبل ورمزية السكون ! توقف أيقاع الطبل مع مغيب الشمس وذهب ذلك الشاب فارس يومه يرقص فى منتصف دائرة الفتيات فى موكب هو الجمال بعينه . أسرعت إلى قارع الطبل " هادم اللذات " كى أعاتبه على فعلته وقبل أن أفتح فمى رفع كفه نحوى وكأنه يقول لى لاتفتح فمك بكلمة وبادرنى قائلاً : يا ولدى الزيك ده كان إنجلد وضحكت عليه العالمين . سألته على عجل ، لماذا !؟ وكان أن أجاب قائلآً : يا ولدى شفت السيطان الفى إيدين البنوت دى كلها كان وقعت فيك ضرب . وجدنى أنظر إليه منتظراً إجابة أوضح فأردف قائلاً : ياولدى .. نحنا ماعندنا زول بعاين ل "..." بنيه ، السوط الشايلاهو كل واحده منهن عشان تضرب بيهو البعاين .. وعشان كدى ياولدى كل واحد من وليداتنا لمن تقرب منو بنيه بدنقر راسو .. الإحترام واجب ياولدى . وواصل قائلآً : أنى كنت بعاين ليك قوى وشايف عويناتك كانت ماشيه وين فشان كدى وقفتهن قبل مايلحقوك ! جمدت فى مكانى وأنا أستمع لما قاله .. لقد غير إيقاع الطبل خشية أن يطالنى سوط كل واحدة منهن وأنا الذى لم يكن يجد تفسيراً لما يفعله الشباب عندما يضعن الفتيات بسيقانهن على أكتافـهم ! يالعظمة التقاليد .. هذا البعد من الإدراك لم يتوصل إليه سكان المدن . نحن نفسر الظواهر حسب المفهوم الثقافى للفرد منا وبذلك نحكم على الظواهر سلباً أو ايجابا حسب محصلة تجاربنا وذلك ما يوقعنا فى دائرة الخطأ . عندما تجولت بالمنطقة لاحظت الكثير من الحفر وعلى فوهة كل حفرة كومة من أغصان الشجر الشوكية وتساءلت عن لماذا يخزنون العيش " الذره " تحت الأرض !؟ وكانت المفاجأة أن جاءنى الرد : هذا ليس عيش ولكنها قبور موتانا ، نحن لاندفن الموتىكما يدفن الجلابه ، حيث أن الجلابه يحفرون للميت ثم يحفرون حفرة جانبية " ود الأحد " ثم يضعون الحجارة لإحكام الحفرة الجانبية ثم يهيلون التراب عليه ، نحن ندلى الميت فى الحفرة واقف على قدميه ثم نضع الشوك كى لايأكله المرفعين ، وعند الآخرة " يوم القيامة " لامن الجلابى يحفر ويمرق من حفرتو يكون زولنا قطع مسافه ! ياله من تفسير يتماشى مع العقل ! تعلمت من يومى ذاك مالم اتعلمه من كل المطبوعات التى قرأتها ولا كل دور العلم التى إلتحقت بها. عندما يصبح العرى قيمة ، عندها تتكسر كل التعليمات والتوجيهات حتى وإن كانت صادرة عن رئيس الجمهورية . فى ذات يوم ، فى بداية التسعينيات من القرن الماضى ،عندها كنت فى مدينة هيوستن بولاية تكساس جاءنى أحد الأصدقاء فرحاً قائلاً : الرئيس البشير غير إسم قريتنا . قلت متسائلاً غيرها لأى إسم !؟ قال : من "عد الغنم " إلى " عد الفرسان". سألته : أليس العد هو مشرب للبهائم !؟ صمت ولم أسمع منه حتى تاريحه ! عندما يشطح الرئيس ، هل يقف من وراء ذلك نفر من الجن ، أم أبالسة من البشر " المستشارين " يزينون له الباطل مؤكدين له انه الحق !؟ وهل فى الإمكان معرفة أولئك الأبالسة من الذين أوقعوا الرؤساء فى شر أعمالهم !؟ وهل لنا أن نحصى اليوم كم عدد أولئك الأبالسة !؟ .. أعينونى يرحمكم الله .
انتهى النقل
Post: #71 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 06-03-2010, 11:43 PM Parent: #70
عذرا يا اخوانا ، الأيامات الفاتت دي إتبليت في الشغل فما دخلت هنا ،.............
---------- يعني قيقا لمن يخلي الصور يمشي يجيب مقالات من مليون سطر : يا قيقا ، نحن لو كنا بنعرف نقرا قدر ده ، دي كانت حالتنا ؟!!!
Post: #72 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-04-2010, 01:42 AM Parent: #71
Quote: يعني قيقا لمن يخلي الصور يمشي يجيب مقالات من مليون سطر : يا قيقا ، نحن لو كنا بنعرف نقرا قدر ده ، دي كانت حالتنا ؟!!!
اها تقروا و لا نمشي نلفح ليكم صورة محسن خالد من بوست المعيار ؟ و الله بالغ رسميييييييييي !! . . أحسن ذاتو عشان الزول تاني ما يهوب بهناك كلو كلو
ياخ عندي سؤال في الدين :
تخيل كيف يكون الحال لو ما كنت سوداني ؟؟؟
طبعاً ( الخيال ) دا في مجال تخصص فخامة معاليكم ( الادبي ) ؤ كدا ، ما عاوزين نتهجم فجنابنا ( مساق علمي ) تخصص ( رياضيات سياسية عاليا دقيقة ) بس
---------
التاخير عادي يا قريبك ياخ ! . . الحال من بعضو غيب و تعال ، تلقانا نحن يانا نحن
Post: #73 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-04-2010, 03:20 AM Parent: #72
Quote: امي آمنة . . و امي التومة دقستي
Quote: أحلف, عشان أصدقك.
جالك الفرج يا " حرامي " * لو اعتمدنا الحلفية " معيار " ياها الشربانة زيت و جايبة نفاخ
رايك شنو في اثبات ؟ حاجة آمنة بت السيمت امي البيولوجية . . و قصة التعب و التحمل هنا ما دايرة ليها درس عصر ، و مثبتة في القرآن الكريم " وهناً على وهن . . " التومة بت سليمان - عمتي في الحسبة - و هي الربتني و ح اقول ليك رجزتها لي بدون شرح - عشان ما نفسد جمال النص ؤ كدا - و في المسألة دي يُراجع الاديب أمين ياسمين ، و يا ريت ينزل لينا بنوتة حول الموضوع دا مشهد ليلي على ضفاف النيل . . النيل الابيض ، من الجهة الشرقية نص : " ود ام بريرة وا تومي . . الناس نايمين و انا في لومي " انتهى
ازيك يا ندى قال ليك الراجل جاهو تلغراف : توفت حرمكم اليوم . . ندفن و لا نحرق رد بتلغراف : احرقوا و بعدين ادفنوا ردو ليهو : يا فير يا لفلي . . دا شنو اسي ؟ قال ليهم : احرقوا الجثة ، و بعدين ادفنوا الرماد لووووووووول صدقيني تعبتي معانا
-----------
* في بعض الروايات المغرضة لغير الثقات وردت هكذا " قيقراوي " . . و منها رواية قيقا راوي
Post: #74 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-04-2010, 10:32 AM Parent: #73
نصرد الدين يا قريبك الجكس دا وين البرقع بتاعا ؟! مشكور يا حبيب . . و ربنا يخلي الامور/ة الفي البروفايل . . ( في معكوس نص خالد مونيكا " العجايز ما بحتاجو تمييز " . . اها الشفع ذاااتم ) قبل يومين مشينا سوق الندى ( سوق الدهب ) في البلد ، اها شركتنا في نص السوق دا ، قمت شلت " الآنسة شلوفة " او في رواية سارة جداً " وجن " و دخلت بيها الشركة . . ياخ أي زول سلم علي كرر نفس الجملة المملة : ما شاء الله - و معاها بوسة و لا خمشة جضم - ربنا يحفظ . . ولد و لا بت !؟ . . يا اخوانا في اكتر من الحلق في اضانا دا . . اها دايرني اكتب ليكم عليها بت و لا كيف ؟ . . احراج شديد
يا أمين خليك تفتيحة و وافقوا لينا على تصنيف الـ others ، عشان لما ناس " ام بلينة " ديل يتفضلن يكسحن كوكبن ، نحن نتمسك بي ناس وعد و يسر ديل ، و بالمرة نكون خلصنا من أحمد و فادي - و ما ادراك ما فادي . . دا كتاب معط براهو !؟ - و بي حجر " اتفاقية " واحدة . . و جوز لا يخسر في البلي دا
Post: #75 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-04-2010, 12:05 PM Parent: #74
Quote: ياخ عندي سؤال في الدين :
تخيل كيف يكون الحال لو ما كنت سوداني ؟؟؟
Quote: كنت ح تلتزم بالمواعيد - كنت ح تدفع فاتورة المحامي او الطبيب قريبك - كنت قاضيت المهندس اللي خرب ليك بيتك - كنت عملت مشروعك بنفسك دون محاكاة - كنت بدأت دوامك في الموعد المحدد - كنت حتنطق حرف ال (ق) و ال) غ) كما ينبغي وما كنت حا تقول للتسعة تزعة - كنت بطلت تسف ساعوط - كنت صرت متخصص وعالم في مجالك - كنت حتلبس شيك جدا عند خروجك أمام التلفاز وأجهزة الاعلام - كنت تتحدث بطلاقة وإنسيابية بدون أ أ أ أ أ أ– ولو ما كنت سودانى كنت عرفت ان باللدقيقة 60 ثانية وبالساعة 60 دقيقة وباليوم 24 ساعة وفي اليوم ممكن تعمل كذا وتنجز كذا وكنت خططت لحياتك ومستقبلك و كنت اخترت المساق التعليمي بنفسك و درست الجامعة بالكلية اللي تناسب مقدراتك ومواهبك ورغباتك المستقبلية مش عشان ود جيرانكم اختار الكلية دى بالزات يعنى اخنق فطس.. كنت ح تتصل بالتلفون قبل زيارة أحد في منزله بدري شويه, مش و أنت في خشم الباب ده طبعا لو اتصلت وما جيت داخل زي قدر الله بدون حتي ماتدق الباب وتدقو ليه؟؟مش في سلك تجرو وتدخل!!بدون مراعاة لحرمة البيت ولو ما كنت سوداني...كنت انتظرت دورك في الصف وخلصت معاملتك بنظام بدل الململة البتعملوها وكنت ح تنهر أولادك لما يبهدلوا ليهم بيت زول ويعيثوا فيهو فسادا وحضرتك قاعد تضحك ومتعوجب لي اولادك ورافع لي ناس البيت الضغط والسكري....كنت حا تتوقع بحصل شنو لما ترقد طفلك الصغير بدون بامبرز في سرير في بيت ناس!!واولادك الاكبر شوية بعملو شنو في نباتات وازهار الناس التعبانين عليها وزارعنها وراوينها بي دم قلبهم ..والطامة الكبري لو كان عندهم حوض سمك ... و كنت ح تتردد في أخذهم معاك المرة الجاية لنفس البيت, علشان يبهدلوه مرة تانية...كنت ح تتردد في إعطاء رقم تلفون أو عنوان شخص ما.. دون إذنه او حتي سؤاله اذا كان عندو رغبة يتواصل مع الناس ديل أو مفهمم انو ما عندوا تلفون من اصلو بدل تورطو وتحرجو كدة!!!.وكنت امتنعت عن السماح بجلوس طفلك الرضيع في المقعد الأمامي على حجر والده او والدته ولمن يحصل حادث الحبيب ياكلها لا لذنب جناهو سوي انو اهلو سودانين!!...كنت ح تترد في زيارة شخص ما.. أنصاص الليالي و صابح تاني يوم مدارس و عمل وتساهر بالناس وتطلع روحهم تشرب العصير والشاي ويعملو ليك العشاء علي امل انك تمشي وتخليهم ينومو وانت برضو قاعد تبرأ فيهم وما تحس الإ قبل آذان الفجر بشوية وتقوم تنكشح بعد ما الديك قرب يعوعي!!!ولو ما كنت سوداني ...كنت ح تخلي الصغار في البيت عندما تكون المناسبةمناسبة كبار..-كنت اتونست بصوت معقول, خصوصا' عندما يكون الطرف الأخر قاعد جنبك في نفس الكنبة.. و يا حبذا عندما يكون الطرف الاخر ساكت...كنت امتنعت عن التدخين في منزل شخص اخر, او على الاقل استأذنت قبل ما تولع...كنت ترددت في ارسال حاجات وزنها خمسة كيلو و ما فوق مع كل من تسمع بأنه ماشي السودان...كنت رجعت القروش الاستلفتها في وقتها, أو في الحقيقة رجعتها و بس..كنت امتنعت عن زيارة احدهم في مكتبه , للونسه او مناقشة امور لا صله لها بالعمل كنت خجلت من عدد المسكولات التي تعملها, مش كمان تقول 'شنو يا فردة, خمسه مسكولات ما ترد عليها؟ و الله الفيك اتعرفت'.....كنت حا تقعد فى صالون الناس بدل تلوص فى البيت كلو..كنت حا تبطل التحشر فى خصوصيات الناس وتعمل الحالة واحدة وتدى نفسك الحق تسأل اى سؤال يخطر فى مخك( لو كان فى يعنى) ..كنت ما حا تمشي مستشفى الولادة وتقعد تحقن النسوان الفى العنبر كلهم واللللللللللله عيب كبير يا سودانيين اصلا ما شفت غيركم بتحاوم فى عنابر الولادة وكمان معاها هرجلة وإزعاج ..اصلا انتو البوديكم شنو مستشفي الولادة؟؟ عشان تودو نسوانكم اوكي آمنا بالله طيب اقعدوا في الاستقبال لزومو شنو الحوامة في العنابر يعني حبكت تباركو للام استنو لمن تطلع في البيت أما لو كانت اختك او زوجة اخوك يا ريت الزيارة تكون من طرف الاوضة وتتوكل علي الله ... ولو ما كنت سودانى كنت بطلت تطلع بالعراقى والسروال والسفنجة وراسك مكشوف وصوتك يجيب الطاش..لو ما كنت سودانى ما كنت اكلت ميراث اخوانك الصغار واستوليت على بيت ابوك لى يوم يبعثون عشان بس انت الكبير!!ولو ما كنت سودانى كنت إبتكرت فى خريطة بيتك بدل تشف حقت صاحبك بالكربون وكنت استثمرت فى حاجة غير الركشة !! ومحلات الاتصالات !!لو ما كنت سودااااااااااانى ما كنت سوقت معاك كتيبة وانت ماشى المطار وما كنت عملت الضوضاء والغوغاء العجيبة البتعملوها فى المطارات ولابسين الجلاليب والبراطيش وراسكم كاشف وفي احسن الاحوال لابسين طاقية ويوم تحبو تقشرو تلبسو مركوب نمر يقزز .. ونسوانكم معنكشين بى دهب البيت كلو ولابسين الاحمر والاخضر والترتر وزفة الوان ما شوفناها حتي في اعتي صحن سلطة ده غير شباشب الظار البرتقالي والليموني وهلمجرا وشفعكم يكوركو ويتساككو ده غير التحنيس والدناءة عشان يمشو ليك الوزن !!! ولو ما كنتو سودانين كنت قعدتو محترمين فى الطيارة وما قرفتو المضيفات بي الطلبات والاصوات والمشية والجية والهمجية وبكاء الشفع والشنط والكراتين والصفايح الداخلين بيها الطيارة والاصوات العالية والجلاليب الشربانة وما كان نسوانكم غيرو التياب فى الطيارة وما كنتو فكيتو الاحزمة ووقفتو قبل الطيارة تنزل..لو ما كنت سودانى ما كان ممكن تدخل فى زول شمال وتقول ليهو راتبك كم؟؟؟؟ولو ما كنت سودانى ما كان ممكن تفكر انك تمشى عرس بتاع ناس وتقيف بكل بجاحة تصور العروس بى موبايلك وانت ما بتقرب للعروس ولا حتى بى حواء وآدم بدون ما تسأل نفسك منو الاداك الحق ده في إختراق خصوصيات الناس ومنو السمح ليك تدخل وتتعشي وتصور!!!! ..ولو ما كنت سودانى ما كنت طلعت من شغللك ولمدة تلاتة ايام وسبت المراجعين يتبهدلو عشان حبوبة جار جاركم ماتت عن عمر يناهز المية وشوية والبكا جاى خبر من الشمالية.. والمراجعين برضو لو ما كانو سودانيين ما كان سكتو عن حقهم وكل يوم يمشو ويجو المؤسسة عشان موضوع ######## ما بياخد اكتر من عشرة دقايق!!! لو ما كنت سودانى كنت استفدت من غربتك وامنت مستقبل اولادك وقدمت استقالتك ورجعت بلدك بي كرعينك مش بالصندوق..لو ما كنت سودانى ما كان كل يوم جاييك تلفون رسل وجيب وحول عشان هم يقعدوا ياكلو فى حقك لا شغل لا مشغلة ويشتغلو ليه؟؟كفاية عندهم سودانى مغفل زيهم يرسل بدون تفكير ..ولو ما كنت سودانى مستحيييييييييييييييل تدى اخوك يبنى ليك بيتك وترجع بعد خمسة سنين تلقاو لسة ما حفر الساس ولو سألتو عن القروش الحولتها طول السنين دي يزعل منك ويخاصمك ويعملها حكاية طويلة وعريضة ولو ما كانو اهلك زااااتهم سودانييين ما كان غلطوك وطلعوك انت الكعب!!وجبروك تسكت عن حقك وطلعت من الموضوع بي ازمة نفسية!! صدقنى لو ما كنت سودانى كانت حياتك مشت بى اريحية ونظام ورااااااااحة كانت مجاملاتك حا تكون حلوة وفى حدود المعقول بدل كل يوم جاري ولاهث من بيت لي بيت في الفارغة والمليانة!!..كنت نمت لما تحب وتصحى لمن تحب..كنت انت القررت مشروع زواجك بمن تحب بدل القبيلة كلها تقرر معاك..ويجزمو بأغلظ الإيمان انو فلانة هي البتناسبك !!!عرفو احتياجاتك كيف؟؟ميولك كيف؟؟طلبك كيف؟؟ انا ما عارف!!!!!. كنت سميت اولادك الاسماء البتحبها مش البختاروها ليك عمك وجدك ونسيبك وتقوم الدنيا وما تقعد لو ما سميت ليهم الاسم الدايرنو ويسلبوك ويسلبو الام ابسط الحقوق انها تسمي الكائن الكانت شايلاو تسعة شهور وتعبانة فيهو ده!!! .كنت استمتعت باجازتك وبى وقتك وحياتك بدل كل واحد يديك الفتوي الفى دماغو..لو ما كنت سودانى كنت حا تكون سييييييييييد نفسك وووووووووووووو.
----------
دا ايميل وردني على بريدي الخاص . . . بالمناسبة الصور برضو مصدرها ايميل عشان تشوف المد الثوري لحزبنا واصل وين ؟
أمين أخو البدري المعروف بواسطة أبن أخته حمور : بطل تحريف للبوست
نهايتو...... في إنتظارك نفتت عضم النضم علي شرف عشوة سمك عند أولاد جادالله والدفع بالدموغراطية (انقلش بوكت)
Post: #77 Title: Re: ديمقراطيون وكت الفراغ . . حزب سوداني جديد Author: سمير شيخ ادريس Date: 06-04-2010, 02:56 PM Parent: #76
Post: #78 Title: Re: ديمقراطيون وكت الفراغ . . حزب سوداني جديد Author: سمير شيخ ادريس Date: 06-04-2010, 03:07 PM Parent: #77
Post: #79 Title: Re: ديمقراطيون وكت الفراغ . . حزب سوداني جديد Author: سمير شيخ ادريس Date: 06-04-2010, 03:11 PM Parent: #78
Post: #80 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-04-2010, 05:59 PM Parent: #79
حليلو قبلو !! كان كدا نلحق نقلب أدبي مع أميننا الذي نحب ساي مع انو كنت ناوي ادشن نظرتين علميتين واحدة في معكوس الـ ER غايتو
------
ازيك يا سمير يا حبيب مشتاقين و الله
شفت نحن ورطانين قدر شنو ؟ . . و البلد ذاتا ورطانة
الله في
ياخ سعيد بشوفتك هنا و الله
Post: #81 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-05-2010, 11:30 PM Parent: #80
Quote: أولاً ... عملتوا لينا شنو في موضوع المرأة؟
منتظرين الاستفتاء على تقرير المصير يا وحدة جاذبة . . يا كمان يتفضلن يرجعن كوكبن الجن منو لكن بالشايفو دا ما في أي لغة مشتركة للحوار ذاتن ما اتن . . و كان اتن ، فما اتن لحوار كلو كلو
Quote: أمين أخو البدري المعروف بواسطة أبن أخته حمور : بطل تحريف للبوست
الريس كان جابلو رخوة من الحل ( الثوري ) . . بنتعامل معاهو بالحسم ( الثوري ) الاحزاب التقليدية كلها عندها خط سياسي واحد . . لحزبنا خطين سياسيين بتلاقو في ( الثورية ) دي بس الحل ( الثوري ) هو الحل لجدلية النص دا ( الحيكومة و ( الحكومة ) لا يمكن تغييرهن بأي طريقة سلمية مهما ارتكبن من كوارث ) فخطينا السياسيين متوازيين و متلازمين .
Quote: نهايتو...... في إنتظارك نفتت عضم النضم علي شرف عشوة سمك عند أولاد جادالله والدفع بالدموغراطية (انقلش بوكت)
لكن انا سغافتي ( روسي ) ياخ ! . . الانقلش بوكت مفهوم امبريالي كرس ليهو المستعمر ( الانقليزي )
Post: #82 Title: Re: ديمقراطيون وكت الفراغ . . حزب سوداني جديد Author: Mohamed E. Seliaman Date: 06-06-2010, 06:11 AM Parent: #81
الأخ الكريم قيقراوي السلام عليكم ورحمة الله . لم أقرأ من خيطك هذا غير عنوانه جئت هنا بغرض محدد.
كتبت
Quote: يا كيكي تتذكر لما كنت مقبقبو بتهمة ( الكذب ) كانت مراقتو شنو ؟ مش رجعك لمداخلتي ( الشرك ) ؟ دي كانت دقسة ( الشاطر ) بقى لانو نفس الفرمان الشرف بيهو كمال عباس و شيخنا وهبة دا كان قاطعو لاخوك ( برضو لضيق الزمن ، او تثمين زمنو على ضياعو في " هراء اخوك " ) . . تصدق !؟ فاذا به يستشهد بي ( فارغة ) كاتبا العبد لله عشان يتخارج من تهمة ( كذب ) . . فتأمل !؟ الفارة دقس و اتلحس كش يا ملك اللولوة
طيب أين كذبت أنا ؟ أرجو أن تحدد لي موضع كذبي موثقا حتى أعتذر عنه .
Post: #83 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-06-2010, 08:58 AM Parent: #82
Quote: الأخ الكريم قيقراوي السلام عليكم ورحمة الله . لم أقرأ من خيطك هذا غير عنوانه جئت هنا بغرض محدد.
وعليكم السلام و رحمة الله و بركاته اخونا - ولا هي اخانا - محمد الحسن نفعنا الله بعلمه و كفانا شر لولوتو كرفست مشاعري ياخ !! اسي لما شفت اسمك منور البوست قلت يكون ربنا هداك و جاي تقرقر معانا شوية الشئ شنو اصلو ؟ انت ما بتعرف تهظر كلو كلو ؟ . . بس كلو لولوة .. لولوة .. لولوة ؟! ساعةٌ فساعة يا حبيب . . النفس دي بتصدأ هي ذااااااتا !! قال ليك مرة دبيب سِكر مشى عدييييييل لوووووووووول
Quote: كتبت
ما انا بكاتب !! لووول هل انا كاتب ؟ هل ادعيتا يوم ؟ . . و رايك انت فيما اكتب شنو ؟
Quote:
Quote: يا كيكي تتذكر لما كنت مقبقبو بتهمة ( الكذب ) كانت مراقتو شنو ؟ مش رجعك لمداخلتي ( الشرك ) ؟ دي كانت دقسة ( الشاطر ) بقى لانو نفس الفرمان الشرف بيهو كمال عباس و شيخنا وهبة دا كان قاطعو لاخوك ( برضو لضيق الزمن ، او تثمين زمنو على ضياعو في " هراء اخوك " ) . . تصدق !؟ فاذا به يستشهد بي ( فارغة ) كاتبا العبد لله عشان يتخارج من تهمة ( كذب ) . . فتأمل !؟ الفارة دقس و اتلحس كش يا ملك اللولوة
طيب أين كذبت أنا ؟ أرجو أن تحدد لي موضع كذبي موثقا حتى أعتذر عنه .
اولن : شوف المخاطب منو في ما " كتبت " ؟ هو المدعي و كان بثبت في البينة . . انت عملت لينا شنو في اليمين ؟ هل انت تنكر أمر فرمانك في حق ما اكتب ، و ضيق زمنك ، و ضيق صدرك عديل بما اكتب . . و اقرارك حقي في القراءة ليك لأني لما اشوف ما تخط بخدر و عيوني بنملن و ما بقدر اتوقف عن القراءة ليك ؟ دا كلو موثق و تدلل بس ما دام شرفتنا بزيارتك دي ( مع اني كنت افضلها في شرح الكربتلوجيا و لا اسما شنو قصة ( التعمية و التشفير ) لاني ممكن افيدك فيها و انت ممكن تفيدينا بعلمك فيها - تتذكر في سؤالك عن كيف تسنى لحمور تبديل فاء " ولغ " بلامها - تتذكر قلت ليك في كودينغ سيستم عند الشماشة زي دا ؟ نديك مثال " تعمية " من بوست المعيار انا وجهت رسالة لتيسير في شأن يخصك " عماك عماي يا درفة " اهاكربت و كربت و فك لينا الشفرة دي عليك الله ؟! * سوم سانين - و كان في نقطته التالتة : انا مالي و مال كذبك مع التانين ؟!!! . . انا اعتذاري وينو ؟ منور ياخ و عليك الله ما تتقل دم البوست دا ، دي مساحة للفارغة لكتاب فارغين في وقت فراغ . . سمح
-----------
ود الصايم اوعك تغشش . . من غشنا ليس منا
Post: #84 Title: Re: ديمقراطيون وكت الفراغ . . حزب سوداني جديد Author: Mohamed E. Seliaman Date: 06-06-2010, 09:41 AM Parent: #83
قيقراوي كلامي واضح جدا من قبل وضعتني محل اتهام بقصد الوقيعة بين أختين كريمتين بدون أي برهان أو دليل ثم تراجعت واعتذرت وقبلت عذرك . أنت وضعتني محل اتهام بالكذب الآن إما أن تبين لي موضع الكذب وإما تعتذر عنه في موضع الاتهام نفسه . باقي كلامك لا يهمني . من غير لولوة .
Post: #85 Title: Re: ديمقراطيون وكت الفراغ . . حزب سوداني جديد Author: محمد عبد الماجد الصايم Date: 06-06-2010, 09:50 AM Parent: #84
البتغشش هنا شنو؟
أربط الحزام يا عمكـ أربط!
Post: #86 Title: Re: ديمقراطيون وكت الفراغ . . حزب سوداني جديد Author: Mohamed E. Seliaman Date: 06-06-2010, 10:04 AM Parent: #85
Quote: هل انت تنكر أمر فرمانك في حق ما اكتب ، و ضيق زمنك ، و ضيق صدرك عديل بما اكتب . . و اقرارك حقي في القراءة ليك لأني
ما زلت أحتفظ لنفسي بحق انتقاء ما أقرأ في البورد. إن كنت تريدني أن أقرأ لك وأنت تناقشني حول الهراء النقدي الذي يكتبه عبد الكريم الأمين فأنت واهم . هذه بداية احتكاكنا في المنبر وبالتحديد بوست حباب السراويل والكمنجات وصهيل الكتابة وكلام خارم بارم كتبه عبد الكريم الأمين وموجود في مكتبته .
Post: #87 Title: Re: ديمقراطيون وكت الفراغ . . حزب سوداني جديد Author: محمد عبد الماجد الصايم Date: 06-06-2010, 10:19 AM Parent: #86
Quote: ما زلت أحتفظ لنفسي بحق انتقاء ما أقرأ في البورد. إن كنت تريدني أن أقرأ لك وأنت تناقشني حول الهراء النقدي الذي يكتبه عبد الكريم الأمين فأنت واهم . هذه بداية احتكاكنا في المنبر وبالتحديد بوست حباب السراويل والكمنجات وصهيل الكتابة وكلام خارم بارم كتبه عبد الكريم الأمين وموجود في مكتبته .
اللغم ضرب
Post: #88 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-06-2010, 10:29 AM Parent: #84
Quote: أنت وضعتني محل اتهام بالكذب الآن إما أن تبين لي موضع الكذب وإما تعتذر عنه في موضع الاتهام نفسه . باقي كلامك لا يهمني . من غير لولوة .
يا محمد انت عسل و الله يعني اسي عاوز تقرب فهم لقراءك النواكي انو انا البتلولو !؟ حيرتا الحيرة ذااااااااااتا !!!!!!!
ياخ انت شايفني بتلولو لانو الكتابة دي عديلة و انت البتللولو . . عشان كدا انت شايف اللولة !! فما ترمي كلامك ساي يا حبيب . . كان قريت عديل بتعرف انو انا حصرت مطلبي في اعتذار او توضيح عن ما اراه تناقضك في انو ما عندك زمن لهرائي و اقوم اكتشف انك بتقرأ هرائ الكتبتو بإعتقاد انك ما قاعد تقراهو . . كدا ما حلو يا محمد ياخ !؟ . . تغشنى ليه ياخ ؟!
فاذا عندك تفسير يحل لي ( التناقض ) الشايفو دا . . عليك الله كبو و خليني اشيل الفكرة دي من راسي كلو كلو و صدقني ح تنتهي هنا دا . . .
انا ما تهمتك بكذب ابداً لكن قرايتي للوقائع السردتها دي بتقول انو في تناقض بين الخطاب و الواقع . . اها دا اسمو شنو ؟ لو رفع التناقض دا . . بتكون دحضت القراية من اساسها . . و يا دار ما دخلك شر مش ياهو دا النقاش العلمي البقولوا عليهو ؟ و لا غيروهو ؟
-----------
صدقني و الله انا اسي خاشي من الشغل . . و المسألة دي ما مقبولة بالنسبة لي - خاصة للمحاكات الزي دي - و ما عاوز اكترا اكتر من كدا . .
اكتب وجهة نظرك و ح اجيك بالليل نتمو اتفقنا ؟
Post: #89 Title: Re: ديمقراطيون وكت الفراغ . . حزب سوداني جديد Author: تيسير عووضة Date: 06-06-2010, 10:50 AM Parent: #88
أمين وقيقا يا أعداء المرأة ..
البوست دا كلو ما فرزت منو غير عبارة
Quote: القضاء على المرأة
وحا أتداخل فيهو على هذا الأساس الليلة إلا ترحلوا
Post: #90 Title: Re: ديمقراطيون وكت الفراغ . . حزب سوداني جديد Author: تيسير عووضة Date: 06-06-2010, 10:58 AM Parent: #89
Quote:
وثيقة الزواج المُعدّلة ..
بنود الوثيقة بشكلها الحالي:
صراع السلطة والثروة يعتبر صراع السلطة والثروة هو أساس الصراعات التي تأتي لاحقاً، فمن بيده الثروة مؤهل أكثر لأن تكون بيده السلطة وليس هنالك أوضح من مقولة (من لا يملك قوته لا يملك قراره) في هذا الخصوص، لذلك يسعى كل من شريكي المؤسسة الزوجية لإثبات أن الكلمة العليا كلمته وأنه فقط من لديه كامل الحق في التصرف في الثروة سواء كانت أصول ثابتة كالعقار المشترك أو السيارة أو حتى قطعة أرض درجة تالتة أو كانت أصول متداولة كالنقود الحية أو حلي الزوجة والتي تعرف إصطلاحاً بـ (دهب المرة) .. صراع الموارد يكون الصراع شديداً هنا نظراً لتعدد الأفراد وشح الموارد الإقتصادية (الماهية) خصوصاً في حالة الزوجة غير العاملة والتي نجدها تحاول بجميع السبل إثبات حقها في الإستفادة من أو إستغلال هذه الموارد بالشكل الذي تراه مناسباً رغم الإعتراضات المتكررة من الزوج الذي يرى أنه صاحب الحق في إستغلال هذه الموارد وإدارتها مبرراً لذلك بأن: في زول فيكم شغال الماهية دي معاي ! صراع الحضارات وينشأ غالباً بين الزوجين المتحدرين من مناطق جغرافية مختلفة أو حتى من قبائل مختلفة عندما يحاول كل من الزوج والزوجة أن يفرض رأيه ويبسط هيمنته الثقافية(من Culture وليس من Intellectuality) على الأسرة، وذلك بإعلاء قيمة ما إستقاه من بيئته قبل الزواج وبتبخيس وإنتقاد قيم ومصطحبات الآخر والحوار أدناه نموذج مختصر لذلك: الزوجة بغضب: ستين مرة قلت ليك ما تقول الكلمة دي قدام الأولاد إنت دايرهم يطلعوا زيك إنت وأهلك؟ الزوج بخلعة: يا مرة إنتي جنيتي؟ الكلمة دي من ما عرفتيني أنا بقولا هسي بقت كعبة؟ وبعدين ما لم أهلي؟ الزوجة بإستهزاء: مالم أهلك؟ أكبر مقلب أخدتو في حياتي الزوج مبتسماً تحت تحت: زي المقلب الأخدتو أنا فيك وفي اهلك الزوجة محذرة: أوووووعك تجيب سيرة أهلي على لسانك هسي أهلي سألوك (!!!!!!) إنتهاك الحريات ونجده متمثلاً بشكل واضح في منع حرية التعبير للزوجة والتي سرعان ما يتم دمغها بوصف (النقناقة) فقط لأنها تتكلم وتشتكي وتتذمر 25 ساعة في اليوم (بحسب معظم الأزواج) مما تعتبره الزوجة إنتهاكاً لحرية التعبير وتكميماً للأفواه. من جهة أخرى نجد الزوج يشتكي من المساس بحرية الإتصال والتنقل فما أن تلمح الزوجة أي علامة تدل على أنه بصدد الخروج من المنزل إلا وتبادره بالسؤال الخالد: ماشي وين؟ وقبل أن تسمع الإجابة تتبعه بـ : وحا تجي متين؟ لتختم الملاحقة بأن (يجيب معاهو عيش للعشا) ودا طبعاً تكنيك نسائي متّبع وشائع جداً تضمن به الزوجة عدم تأخر الزوج كثيراً بحجة أن ناس البيت مستنينو بي عيش العشا، دا كلو كوم و وحرية الإتصال كوم تاني حيث يجد الزوج نفسه مطالباً بتبرير أي إضاءة للموبايل سواء كانت مسكول أو رسالة أو مكالمة عديل أما الكارثة بحق فهي عندما لا تلاحظ الزوجة أي حركة لتلفون الزوج طيلة فترة مكوثه بالمنزل والذي يكون مغلقاً في تلك الأثناء منعاً للهوا واللبش .. حق تقرير المصير وهو ورقة الضغط التي يشهرها كل من الزوجين للآخر من وقت لوقت تذكيراً بالحقوق المهضومة أو إحتجاجاً على موقف معين (صغر أو كبر) أو أحياناً قرفة ساي كدا بس!. وعليه تتكرر حالات حردان الزوجة في بيت أهلها في خطوة أولية منها لتهديد الزوج بإمكانية ممارسة حقها في تقرير مصيرها أو أن يتطوع الزوج من نفسه بإرسالها لبيت أهلها مهددأ بممارسته لنفس الحق إن لم ترعوي وتمسك الدرب العديل متناسين هم الأثنين وحدة المصير المشترك وكلام جيراننا بأن: دخول (أي مكان) مش زي خروجو .. الحرب الباردة وهو ذلك النوع من الصراع بين الزوجين الذي لا يظهر للعلن في شكل كلمات مباشرة أو أفعال ملموسة ليستمر مدة زمنية طويلة متلفاً لأعصاب الطرفين والذي يأخذ عادة شكل أن تحرق الزوجة قميص زوجها الذي يفضله جداً بالمكوة عن قصد أو يقوم الزوج بإيقاظ الطفل الرضيع باكياً في الوقت الذي تكون أمه قد فرغت من (خت حنتها) للتو! وعادة ما يتطور الأمر ليمتد خارج حدود المؤسسة الزوجية متضمناً الأهل من الجانبين و لابد أن نشير إلى أن الحرب الباردة هنا قد تمتد لسنين طويلة تنتهي عادة بتفتت إحدى أطراف الصراع وتحرره من التكتل والهيمنة المحيطة .. التدخل العسكري هل تريدون تعريفاً له؟
Post: #91 Title: Re: ديمقراطيون وكت الفراغ . . حزب سوداني جديد Author: Mohamed E. Seliaman Date: 06-06-2010, 02:24 PM Parent: #90
Quote: انا ما تهمتك بكذب ابداً
قيقراوي
Quote: يا كيكي تتذكر لما كنت مقبقبو بتهمة ( الكذب ) كانت مراقتو شنو ؟ مش رجعك لمداخلتي ( الشرك ) ؟ دي كانت دقسة ( الشاطر ) بقى لانو نفس الفرمان الشرف بيهو كمال عباس و شيخنا وهبة دا كان قاطعو لاخوك ( برضو لضيق الزمن ، او تثمين زمنو على ضياعو في " هراء اخوك " ) . . تصدق !؟ فاذا به يستشهد بي ( فارغة ) كاتبا العبد لله عشان يتخارج من تهمة ( كذب ) . . فتأمل !؟ الفارة دقس و اتلحس
فعلا كش يا ملك اللولوة. ------------- مافي أي تناقض كلامي عن امتناعي عن القراءة كان في بوست للرد على رسالة محسن خالد. شهادتك التي أتيت بها كانت في بوست كان عبد الكريم يجر قطيعه ويرميني بالكذب . لا أنت ولا عبد الكريم ولا باقي القطيع استطاعوا أن يثبتوا علي كذبا . وعبارتي التي كتبتها ما زلت مصرا عليه :(أنا لا أمارس التدريس في أي جامعة ) --------------------- أعطيتك أكثر مما تستحق من الوقت . والسلام عليكم ورحمة الله وبركاته
Post: #92 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-06-2010, 02:53 PM Parent: #91
Quote: أعطيتك أكثر مما تستحق من الوقت . والسلام عليكم ورحمة الله وبركاته
الم اقل لك عزيزنا القارئ انو حمادة دا عسل ينقط !؟
------------
من ناحيتي انا قبلت كلامك اعلاه و صافية لبن يا حبيب ياخ كان لقيت ليك وقت فراغ تاني تعال لينا بجاي . . . ياخ ما تعال نبقى اصحاب طيب ؟ المافي شنو !؟
و عليكم السلام و رحمة الله و بركاته
Post: #95 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-06-2010, 09:36 PM Parent: #90
Quote: ونجده متمثلاً بشكل واضح في منع حرية التعبير للزوجة والتي سرعان ما يتم دمغها بوصف (النقناقة) فقط لأنها تتكلم وتشتكي وتتذمر 25 ساعة في اليوم (بحسب معظم الأزواج) مما تعتبره الزوجة إنتهاكاً لحرية التعبير وتكميماً للأفواه.
شكرن يا تيسير لاتاحة الفرصة لإعادة تدوير نكتة عصام كسر الله المؤودة في بويت المعيار : قال ليك الجماعة كل واحد يقول مرتي نقناقة او ( نقاققة ) - و على مواطنينا في البنادر مراعاة فروق السغافات - اها واحد لائذ بصمت مبجل ، و راكب فيلو في أمان الله - تقرأ مسطول - ما شارك معاهم كلو كلو ! . . قاموا سألوه : انت مرتك برضو من النوع النقاق ؟ فاجعهم - ما في خطأ طباعي هنا ! - فجعهم بالرد بسؤال : هو في نوع ما نقاق !؟
------------
وثيقة الزواج المُعدّلة .. وثيقة جيدة يا اخ / أخت تيسير - الفيفا لسه ما طلع قرارو ؟ عذبتونا . . عشان نفرز ؤ كدا ياخ - اقترح - بعد موافقة الريس طبعاً - إعتماد الوثيقة ضمن الوثائق الحزبية
ياخ دي منصة جيدة للإطلاق مواكبة للأحداث و الحراك العالمي . . ح ننزل مرسوم بخصوص كأس العالم . . فترقبوه مع خالص الشكر للناشط الحزبي و الحقوقي صديقنا سمير شيخ ادريس
Post: #93 Title: Re: ديمقراطيون وكت الفراغ . . حزب سوداني جديد Author: محمد كابيلا Date: 06-06-2010, 02:59 PM Parent: #1
قيقراوى ...سلااااااام
Quote: ديمقراطيون وكت الفراغ
وفى رواية أخرى
ديمقراطية من حضر ..!!
Post: #94 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-06-2010, 03:18 PM Parent: #93
Quote: وفى رواية أخرى
ديمقراطية من حضر ..!!
شكراً لاستعدالك البوست يا حبيب فعلن ناس البنادر دي ما خابرالنا شئ و الحيكومة ما خابرالنا شئ و رادي الدندهوب الغادي امدرمان ما خابرلنا شئ و ينادي : حبيبي آه . . و حبيبي وين و التساب غرقانة
الله في
-----------
تايسا يا انتهازية لقيتي قيادتنا مشغولة بي لولوة تانية . . جيتي تلولوي لا تلوي على شئ
صدقيني لم اقرأ مداخلتك فقط لضيق الزمن
Post: #96 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-07-2010, 09:54 AM Parent: #94
Quote: مواكبة للأحداث و الحراك العالمي . . ح ننزل مرسوم بخصوص كأس العالم . . فترقبوه مع خالص الشكر للناشط الحزبي و الحقوقي صديقنا سمير شيخ ادريس
دستور الحزب ( بنين ) المرحلي لفترة كأس العالم ( يسري العمل به في الفترة من 11 يونيو الى 11 يوليو 2010 ) استثناء : كل تصنيفات الـ Others تيسير عووضة و دينا خالد مثالاً ، حتى يصدر قرار الـ " فيفا " بشأنهم/ن ، و بعض الحالات الخاصة زي أميرة الشيخ و أماني الامين . . فنجرية ساي من قيادة الحزب
Quote: 1-في الفترة ما بين 11 يونيو حتى 11 يوليو يجب عليكي أن تقرأي الصحافة الرياضية ومتابعة اخبار المونديال وبهذا يمكنك ان تشاركيني الحديث حول ما يحدث وان لم تفعلي هذا فلن يكون امامي خيار سوى ان اتجاهلك بشكل تام وهو الأمر الذي لن تحبيه. 2-خلال كأس العالم التلفاز يعتبر ملكا لي في كل أوقات اليوم بدون ابداء الاسباب واذا رأيتك تنظرين الى جهاز التحكم قد تفقدين عينيكي 3-اذا اردتي ان تمري امام التلفاز خلال المباراة أو قبلها أو بعدها فاني لا امانع أبدا طالما يتم ذلك زحفا على الأرض مثل رجال الكوماندوز في الحرب العالمية. 4-خلال المباريات يجب ان تعلمي انني لا أرى ولا اسمع ولا اتكلم, الا اذا احتجت منك طعاما أو شرابا, ولن اوافق على سماع جمل مثل: رد على الهاتف, احضر لنا طعاما من السوبر ماركت أو افتح الباب. 5-اذا قمتي بكل ما سبق فانني سوف اسمح لكي بمشاهدة التلفاز من الساعة 12 مساءًً حتى ال 6 صباحا. 6-أرجوكي ثم أرجوكي ثم أرجوكي الا تقولي لي "انها مجرد لعبة" أو"سيفوزون في المرة المقبلة" عندما ابدو حزينا لخسارة فريقي في المونديال, لأن هذا لا يساعدني انما يزيد من غضبي و كلماتك "التشجيعية" لن تجلعني اتحسن انما قد تؤدي الى مزيد من الغضب والنكد. 7-لن امانع ابدا في ان تشاهدي مباراة واحدة معي وسأسمح لك بالكلام خلال فترة الاستراحة بين الشوطين فقط اذا كانت نتيجة المباراة لصالح فريقي الذي اشجعه, أرجو وضع خط تحت كلمة مباراة واحدة فقط. 8-الاعادة التلفزيونية للأهداف مهمة جدا لي ولا اهتم اذا شاهدت الهدف 100 مرة فلا تظهري تذمرا. 9-قولي لأصحابك وأصدقائنا بشكل عام الا يقوموا بانجاب اطفال أو اقامة أي حفلات تتطلب تواجدي معهم لسبب بسيط هو انني لن أذهب . 10-تلغى النقطة السابقة في حالة واحدة وهي ان يدعونا احد اصدقائنا لمشاهدة المباراة. 11-خلال الملخص اليومي لكأس العالم يجب عليكي ألا تقولي "لقد شاهدت المباراة فلماذا تشاهدها مرة اخرى", لأن ردي سيكون "ارجعي للنقطة رقم 2". 12-في نهاية كأس العالم ارجو منكي الا تقولي "الحمد لله ان كأس العالم تأتي كل 4 سنوات" لأن لدي مناعة ضد مثل هذه الكلمات ولا تنسي ان بعد هذا سيأتي الدوري الانجليزي والدوري الأسباني والدوري الايطالي ودوري أبطال أوروبا وكأس اوروبا وكأس الاتحاد الانجليزي, وكأس أسبانيا .... الخ.
وشكرا لك يا عزيزتي على حسن تفهمك
---------
يا ممدوح اهو دستورنا . . خلينا نشوف دستور " بنات ماما " كيف ؟
Post: #97 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 06-08-2010, 04:23 AM Parent: #96
بالله يا قيقا ما تزج بحزبنا - الذي سقيناه بماء العيون *- في أتون مشاكلك الشخصيه مع الحبشي ولا غيره !!!
--------- *التعبير لسيدنا عثمان محمد صالح . --------- بالله ركزو علي ( أتون ) دي لانو فيها الدمعه كلها !!!
Post: #98 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 06-08-2010, 04:35 AM Parent: #97
Quote: أمين يا رئة الحزب التي يتنفس بها وقلبه النابض ما تقول لي عايز ألقاب ، فوالله بحثت عن أي لقب غير مشغول ما وجدته أول حاجة حزبنا دا لازم يتجرد كل منسوبيه من أي ألقاب
رئه واحده بس يا جعفر ؟ والله إتلومت !!! يا جعفر ياخي أنا زول الأنا حقتي متضخمه - لا تقل عن أساسي و ود الصايم مجتمعين - تقول لي رئه وحده ؟!!
Post: #99 Title: Re: ديمقراطيون وكت الفراغ . . حزب سوداني جديد Author: ندى عثمان حسن Date: 06-08-2010, 05:15 AM Parent: #98
ياقيقا, حسة وين الديمقراطية هنا؟ وأمين يُصر على أن يكون سكرتير الحزب, الناطق الرسمى, ممثل الشئون الخارجية وهلم جرا؟
أنا كنت متأكدة أنو حال الحزب دة ح يكون صورة مُصغرة لأى ديمقراطية سودانية.
نطالب بحل الحزب وإستدعاء القواعد وإعادة صياغة كاملة.
Post: #100 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 06-08-2010, 05:22 AM Parent: #98
Quote: أمين أخو البدري المعروف بواسطة أبن أخته حمور : بطل تحريف للبوست
يا ممدوح ياخي أنا البوست - علي وزن أنا الشعب - تقول لي بطل تحريف ؟
------- قيقا عليك الله سلم ابارو ده إستقالتو !
Post: #102 Title: Re: ديمقراطيون وكت الفراغ . . حزب سوداني جديد Author: Sana Khalid Date: 06-08-2010, 05:28 AM Parent: #98
من هسة أنا حاجزة مقعد رئيسة الحزب المنشق من حزبكم دا..
Post: #109 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-08-2010, 11:25 AM Parent: #102
مرحبا بيك كتير الريس سناء شرفت و الله
صدقيني لم اقرأ مداخلتك دي باضاني لسه لانو اضاني مشغولة حالياً بشيل النضارة
الليلة شنو في أيام الله ؟ مش التلاتاء ؟ آي هاف نو اربيك كيبورد رايت ناو في الشغل الـ LCD عندي ما ملونة ذاتو ياخ !!
---------
على السبورترز مستقيمي الرأي لنظرية الـ ER ُ ٌُ الاستعداد للدفاع عنها
ختينا ليك خط تحت مستقيمي الرأي يا محمد . . عارف يعني شنو مستقيمي الرأي ؟ يعني لولوة ما معانا ما تكرهنا البلي ياخ !!
Post: #101 Title: Re: ديمقراطيون وكت الفراغ . . حزب سوداني جديد Author: ندى عثمان حسن Date: 06-08-2010, 05:22 AM Parent: #96
Quote: يا ممدوح اهو دستورنا . . خلينا نشوف دستور " بنات ماما " كيف ؟
ياقيقا,أنا غايتو بحكم أنى فى مقاعد المتفرجين, لكن اضانى ماسديتا (دة كلام حبوبتى ماحبوبة غريبة) فما تخرب على ممدوح ساى وتجيب لروحك هوا أنت ماعندك ليو قُدرة .
اوكى رفيق؟
Post: #103 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 06-08-2010, 07:13 AM Parent: #101
Quote: أمين وقيقا يا أعداء المرأة ..
البوست دا كلو ما فرزت منو غير عبارة Quote: القضاء على المرأة
وحا أتداخل فيهو على هذا الأساس الليلة إلا ترحلوا
اسمعي النكته دي يا تيسير نلطف بيها الجو بعد طلتك البهيه دي : فيران فشاريين كده زي حمور ملمومين في جحر و فاكنا في بعض : أنا والله امبارح شارب لي قزازتين سم فار ...و التاني يقول ليه يومديك ما لقيت سكر كبيت الصبغه مع الشاي ، واحد فيهم فت فت مارق من الجحر قالو ليه قاشر كده ماشي وين؟ قال ليهم عندي مواعيد : مجكس كديسة الجيران !!!
Post: #104 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 06-08-2010, 07:20 AM Parent: #103
شايف القصه جابت ليها ندي و سناء و تيسير حاتله بتهديداتها !!!
بالله يا قيقا خارج لينا (العوين ) ديل من هنا و الا علي حزبنا السلام !!!
------------ المراه مهدد أساسي لكل ما هو جميل في الحياه !! * * الأب المؤسس : أمين محمد سليمان
Post: #105 Title: Re: ديمقراطيون وكت الفراغ . . حزب سوداني جديد Author: تيسير عووضة Date: 06-08-2010, 07:45 AM Parent: #104
أمين وقيقا ما تعملوا رايحين وتغشونا بي نكاتكم اللذيذة دي إنا هنا قاعدون
Quote: المراه مهدد أساسي لكل ما هو جميل في الحياه !!
أمين .. عارفاك بتكتب في العبارة دي وإحساس الإمتنان تجاه النساء مخليك تدبل الحروف كما هو واضح مع حرف الدال
Quote: المراه مهد أساسي لكل ما هو جميل في الحياه !!
إنت قصدك كدا مش؟
Post: #106 Title: Re: ديمقراطيون وكت الفراغ . . حزب سوداني جديد Author: تيسير عووضة Date: 06-08-2010, 07:55 AM Parent: #105
قيقا ..
Quote: وثيقة الزواج المُعدّلة .. وثيقة جيدة يا اخ / أخت تيسير - الفيفا لسه ما طلع قرارو ؟ عذبتونا . . عشان نفرز ؤ كدا ياخ - اقترح - بعد موافقة الريس طبعاً - إعتماد الوثيقة ضمن الوثائق الحزبية
الفيفا الأيام دي ما فاضي لينا قال تعالوا بعد كاس العالم أتمنى إنتو زاتكم ما تكونوا فاضين لنفس السبب اللي هو كاس العالم وتخلونا في الحزب دا برانا لأني - كممثلة عن الكتلة النسائية - بصدد القيام ببعض الإصلاحات الجذرية في الحزب ..
قال القضاء على المرأة قال
Post: #107 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-08-2010, 08:50 AM Parent: #106
Quote: ياقيقا, حسة وين الديمقراطية هنا؟
يا ندى بطلي اسئلة تعسفية ياخ ؟
السؤال خطيئة الانسان الاولى فاجتنبوه تعيشوا طويلاً . . . هذا ما اهلك المفكرين من قبلكم
حبوبتك خطيرة لكن . . عشان كدا قلنا الما عندو كبير يشتري ليهو كبير . . او كما قال القندران
اوكي رفيق ( الاردو ما فيهو تمييز جنسي . . كلو عند البنغلا صابون ) اوكي الله و الرسول
Post: #108 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-08-2010, 09:20 AM Parent: #107
Quote: بالله يا قيقا ما تزج بحزبنا - الذي سقيناه بماء العيون *- في أتون مشاكلك الشخصيه مع الحبشي ولا غيره !!!
أمين يا فردة جناحي التانية لما الناس تطير لي عالما
نقد ذاتي
آسف و الله ، لكن الحبشي اقتحم علينا دار الحزب بي بقج غباينو دي . . و فرش لينا كمية من ( الالغام ) يا قول ود الصائم - التاريخية بالمناسبة . . لكن شن عرّف الحبش بقواعد الديالكتيك ؟! - يا ريت لو كان للحبشي نصيب من اسمك ياخ . . ياخ الزول دا جاب ليكم الاقتباس من ( هرائي ) دا ناقص بامبرز . . آسف اقصد ناقص وش زي الوش الاخدر دا . . بما يخل بإتساق النص ، و الاخلال العام بالسياق . . في الحتة دي انا بزعل ياخ . . و بقيف قنقبة و شَتَم عديل . . و انت عارف يا ريس اني في مسائل الابداع دي ما بتساهل كلو كلو .
عموماً و عملاً بالقاعدة الذهبية لحزبنا " من دخل دار الحزب فهو آمن " . . و إكرام لتشريف الحبشي لدار الحزب ( شكراً ) يا حبشي ياخ على الدعاية و الترويج للحزب و دارو بالمناسبة ( من لا يشكر الناس لا يشكر الله ) .
هانذا امدها يد بيضاء من غير سوء . . و تاني نكرر . . صافية لبن يا قشطة بالتمر هندي بالسمك استبينا ؟
-----------
هو مالو طوّل كدي ؟ . . الظاهر المرة دي ما زي زمان !!! يا حبشي بقيت ما زي زمان ! كنت بتدورنا و تزورنا
زيارتك تسعدنا . . ما تطول الغيبة . . ما تنقطع . . و كمان ما تسوينا درب عديل . . سمح
Post: #110 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-08-2010, 08:44 PM Parent: #108
Post: #111 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 06-08-2010, 09:09 PM Parent: #108
بالله يا قيقا لمن نجي نقضي علي المراه ذكرني نخلي الفي الغنيه الجبتها دي ، لانو حرام والله !!!
Post: #112 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 06-09-2010, 01:45 AM Parent: #111
كركبات اسفيريه ؟!
ابحث عن المراه !!!
--------- قيقا ، القصه دي ماشه علي تصعيد و الجكس ده شرس جدا : بتموت معاي ولا اتخارج من هسي ؟!!
Post: #113 Title: Re: ديمقراطيون وكت الفراغ . . حزب سوداني جديد Author: ندى عثمان حسن Date: 06-09-2010, 05:03 AM Parent: #111
Quote: ذكرني نخلي الفي الغنيه الجبتها دي ، لانو حرام والله
فتأمل...........
Post: #114 Title: Re: ديمقراطيون وكت الفراغ . . حزب سوداني جديد Author: ندى عثمان حسن Date: 06-09-2010, 05:07 AM Parent: #113
Quote: قيقا ، القصه دي ماشه علي تصعيد و الجكس ده شرس جدا : بتموت معاي ولا اتخارج من هسي
قبيييل صحبك رفع الرايا البيضا, وأنت ماجايب خبر , نصيحة لوجه الله تعالى أحسن ليك تتخارج أو كمان طاولة مفاوضات ماعندنا مانع.
تعظيم سلام لقوات الحسم.
Post: #115 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 06-09-2010, 05:28 AM Parent: #114
Quote: فتأمل...........
يا ندي ، العقل و المنطق بقولو إنو ما ممكن نقضي عليهم كلهم ، لازم يكون في إستثناءات !!!
Quote: قبيييل صحبك رفع الرايا البيضا, وأنت ماجايب خبر , نصيحة لوجه الله تعالى أحسن ليك تتخارج أو كمان طاولة مفاوضات ماعندنا مانع.
العبادي لمن قال : سلّ السيـف ولاقاهن اخوك يا الضامرة تور عنز ام هشيم الفي المجامع دامرة سيل تل إندفق فوقو السحايب دامرة حجر الصاقعة فرتاق الصفوف العامرة كان بيوصف في منو ؟ ما في قيقا ده ذاتو ، تقول لي يجري يخليني ؟ يجري يخليني كيف يعني ؟ المافي شنو ؟!!!
Post: #116 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-09-2010, 09:54 AM Parent: #115
Quote: العبادي لمن قال : سلّ السيـف ولاقاهن اخوك يا الضامرة تور عنز ام هشيم الفي المجامع دامرة سيل تل إندفق فوقو السحايب دامرة حجر الصاقعة فرتاق الصفوف العامرة كان بيوصف في منو ؟ ما في قيقا ده ذاتو ، تقول لي يجري يخليني ؟ يجري يخليني كيف يعني ؟ المافي شنو ؟!!!
و انت الصادق . . برضو خلف الله حمد غنى لي : يا تور بقر الجواميس امات رُقادن لُخ من تبيت قمت ما خوفوك بي أُخ . . . الخ الخ
------------
أمين يا عمك انت بتناقش في الشيعة ديل ساي ما اتعلمت منهم أي شئ
و مال الموية الفي خشم الازهري 2 جات من ماسورتكم ؟ انت خشمك دا ما بتبل فيهو فولة كلو كلو ؟
التقية التقية التقية
طلبك باستثناء ستنا " شاكيرا " . . غريب و مريب !! هو من الجاب سيرة الزيها هنا !؟ . . نحن بنتكلم عن ناسنا . . ست النفر . . و ستي نور . . و ام بلينة ديل اليتفضلن يمشن كوكبن طوالي . . . ديل ما أتن لحوار اما شاكيرا و جنيفر لوبيز و جنيفر آنستون ، و جنيفر لوف هيويت ، و جنيفر قارنر . . و كل من تجنفرت ( المافي شنو ) فديل مستثنيات خلقة كدا - هنا انحنا الما اتينا لحوار - يا زول عشان ما تجيني تاني تطلب التعامل مع الماء كأنه ماء ، نديك النجيضة ، كل من دخلت " هوليوود " فهي آمنة
* بمناسبة تور بقر الجواميس دي ، ياخ ما تعال نعمل بزنس ، قالوا الجاموس هنا عندكم من النوع الخطير ، خاصة في حدود المكسيك . . تعال نشتغل في تصدير الثيران للشغيغ السودان ، مع مراعاة الا يشغلنا عن عملنا في تصدير الثورة برضو جوز لا يخسر يا عمك . . خليك تفتيحة
Post: #117 Title: Re: ديمقراطيون وكت الفراغ . . حزب سوداني جديد Author: تيسير عووضة Date: 06-09-2010, 11:04 AM Parent: #116
Quote: طلبك باستثناء ستنا " شاكيرا " . . غريب و مريب !! هو من الجاب سيرة الزيها هنا !؟ . . نحن بنتكلم عن ناسنا . . ست النفر . . و ستي نور . . و ام بلينة ديل اليتفضلن يمشن كوكبن طوالي . . . ديل ما أتن لحوار اما شاكيرا و جنيفر لوبيز و جنيفر آنستون ، و جنيفر لوف هيويت ، و جنيفر قارنر . . و كل من تجنفرت ( المافي شنو ) فديل مستثنيات خلقة كدا - هنا انحنا الما اتينا لحوار
Quote: الثورة
دي مرة الثور؟
Post: #118 Title: Re: ديمقراطيون وكت الفراغ . . حزب سوداني جديد Author: محمد على طه الملك Date: 06-09-2010, 11:59 AM Parent: #117
Quote: برضو جوز لا يخسر يا عمك
سلام قيقا ورهطه ورهطاته( التصريف الاخير منا براي انا الاسود دا).. قلت لي جوز ما بخسر - مقايضه يعني؟ الست القائل بعضمة لسانك الذي كثر عضمه في الآونه الأخيرة تحت شعار( المافي شنو).. النية زاملة سيدها.. والا ما غلط. شفت محمد (بدون أي )كاشف ورقكم انت وصحابك صاحب المسيحي.. اها مشروع التلاقح دا مسيار والا عرفي ولا تابيدة؟ .. يمين انتو الذ ناس.
Post: #120 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-09-2010, 03:45 PM Parent: #118
Quote: الست القائل بعضمة لسانك الذي كثر عضمه في الآونه الأخيرة تحت شعار( المافي شنو).. النية زاملة سيدها.. والا ما غلط. شفت محمد (بدون أي )كاشف ورقكم انت وصحابك صاحب المسيحي.. اها مشروع التلاقح دا مسيار والا عرفي ولا تابيدة؟ .. يمين انتو الذ ناس.
و الله يا م. ع . الملك * ، لو ما زمن استثنائي ساي انا و اخوي الكاشف دا مفروض نكون في الكنب و في ايدنا كراس و قلم رصاص أو اقلو نرفق روانفنا بالجبوب ، حتى لا تنفوا نفية الا و نكون قد اودعناها مجماطة جلجلاننا ( ما متذكر قريت البي الاحمر دا - بتصرف و تصريف طبعاً - ما عارف قريتو وين ؟ . . لكن متذكر انو مصنف تحت باب ( الغريب ) ، و على ما اذكر القائل هو سيدنا الامام علي كرم الله وجهه . . و الله اعلم )
ازيك يا سيدنا الملك
لا ترحيب يليق الا الكالوس مرحب بيك في دار حزبنا [ و هاك يا زميل ] : { قصاصة بتحمل وصف البيت . . في شارع الوجد }
تحسب تنهيدة وتنهيدة ح تقابلك ساحة من الاشعار وتقودك لي لحظة جديدة ح تلقي طريق مرصوف بالغيم شبورة علي ضحكة وليدة ما تسأل زول ما تدق علي باب القلب شديد وادخل بشويش لا يحسوا الديش
الكالوس كلمات : خالد عباس الطاهر الحان : استاذنا يوسف الموصلي اداء : عاطف انيس و فرقة اوتار النيل
اما بعد
اما دار سؤالكم عنه في حال مآل اخانا محمد ( ساي ) او ملك اللولة نفعنا الله بعلمه و كفانا شر لولوتو . . الزول دا ( دبيب ) بس ما بنقبض كلو كلو اسي ما شفتو براك . . كمان جايي يقشها في اخوك المسكين دا . . لكن وين ياااااا !!! و الله الزول دا يحمل قلب طفل بين جوانحو . . لكن الجن دا حدو وين ما تعرف ؟ بالمناسبة قيل قديماً : " أي زول يحصر نفسو ما بين الـ ( 0 ) و الـ ( 9 ) بحصل ليهو ( ككـ ) . . اهو كلنا ربنا ابتلانا بجعل رزقنا على الـ ( 0 ) و الـ ( 9 ) . . و بنكاكي و الحمد لله الذي لا يحمد على مكروهٍ سواه . يا حبيبنا و سيدنا . . الدنيا زايلة . . ما بدها . . فوق ام كم ؟ خلونا نستثمر وكتنا هنا فيما يفيد و ينفع . . و خلونا نهونا على بعض ، بدل ما نحول المكان دا لعبء جديد على كاهل بعض . ياخ بالمناسبة متمني صادق اشوف اختنا رحاب نفعنا الله بعلمها هنا . . الموت من الحياة ما معروفة ياخ .
----------
( مع الملك ) ادام الله عزك و حشرنا في ( زمرتك ) دنيا و آخرة . . يا زول ما احسن ليك من اقتراح سيدي الحسن
التعديل لمزيد من الديموغراطية و الدمغرطة . . و توسيع كورس الخيارات لسماع ( الكالوس ) لخيارين عديل كدا !! . . المافي شنو !؟ . . ما ديموغراطيين ؤ كدا
Post: #119 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-09-2010, 02:53 PM Parent: #117
Quote: دي مرة الثور؟
لا برج الثور ( بنات )
ياخ الايام دي متلبسني ( شيطان ) خالد مونيكا* رسميييييييييي
Quote: ( إن تهيئة سباق للحمير لاستقبال الرئيس ود حمد لن يشغلنا عن مهامنا التاريخية بل بضيف إلي سيرة النضال الوطني الكثير ) هكذا كان يقول المثقفين في بلادي والقرية تستعد لأكبر استقبال جماهيري يخدش ذاكرة الأطفال بمنظر العربة ذات السقف الذي يسمح للرئيس بتحية الجماهير
ثلاثة مقاطع لفخامته أو سباق الحمير مع خالص التحايا للسيد الرئيس
Quote:
( النقطة )
النقطة نقرة طائر السر في بياض الخليقة هاجس ثدى الأمومة بسن اللبن رسم المدينة في الخارطة نقطة باتساع السواد المعلم بالحبر وامية البياض الوطن طائر السر طار يا سادتي إذ تجي القرى بسنابل مشوية بالفوانيس مشغولة بالنواميس بالسادة السود والكادحين الحزام الذي يقلم المدينة كالظفر بالفقر والمعجزات العطاء طائر السر عاد يا سادتي كي ينقّر لوح البياض العظيم بالسواد الوطن
( الخط )
الخط رسمه واضح في الكتاب يتثني كافعى في الرسم والسحر لكنه في السياسة الخط يستحيل سنارة لاصطياد كراسيها العائمة في لجة الخلق وفي البرق يضي شفيفاً ومرتبكاً كامضاء الوزير الممارس في الحكومات والمشارك في المجزرة يضي شفيفاً ومرتبكاً ويتبعه اللظى والسخان ان لم تفي حالة الزمجرة
( الدائرة )
الدائرة خاتم الحب ما قام أورق من حمائم البر يستدير حول انثاه حتى يكز على ظهرها ورقص الحسان على نعش أوسم العابرين الذين دانت لهم ضفائرهن بالحلم الشتائي الطويل لكنه مات قبل وهن اجتمعن في ماتم ريف طقوسي يودعنه ودارت الدائرة دارت الدائرة لغة الحرب والدائرة لغة التواصل بلا انقطاع والدائرة عقدة الحبل أعلى الشراع ومركزاً صارت مواثيقه عدماً وشعباً يحيط باحلامه له قطره وله بالصراع أنها صورة الثورة القادمة
( المربع )
المربع يعيش توازنه في تساوى اضلاعه وفي اقتسام المقادير بالقسط بالملميتر وفي الثروات اذا اتسعت مساحته اتسعت بالتساوى في الحق وإن ضاقت باوجاعه لا يتذمر ضلع على اخر أو جص على اجر والمربع نافذة القطار على المرج والصور المتحركة رغم أنف الحديد يستحث الاقاليم بالنبت والآدميين نحو افق بعيد
( المستطيل )
يستطيل على الطاولة بالطول والعرض ويستقر على الارض بلا قلق في الزوايا قيل كان اصلاً مربع لكنه شب بأمشاطه كي يرى أغوار الحزن فيّ دون أن يواجهني فاعترته لعنة الروح وصار يواجهنا بالزجاج الامامي للحافلة منبرياً كأنه سيد القافلة وله ما وشمته الجماهير بالثورات وشم الحجر
( المعين )
اسم لمفعول يعرب على بطش سيدة الفاعل الملك المرفوع عرشه الهيكل الادمي والشكل زخرفة الجص بالخزف المروي القديم كبصمة فلاحة في مزارع كوش تشتهى تعد الطعام في الاناء المذهب وليس لها في الطعام المذهب المعادن كلها اصدقاء الملوك إلا حديد السيوف ضلع المعين راحة العنق والمعين حاجب القصر ووصيفة الملك ونوط الجسارة والنصر غير أن المحب نديمي قال: المعين شكل العشيقة أن توج القلب لكنك صورته في حالة الحرب
( المنشور )
هو اللفظ المهجس بالاتقاء وراحة القلم الحكومي والمسألة وهو الشكل المراوح اوجهه والمشي للضو كالمقصله إذ تشيو اجداث من حمل لفظه كالبنوك هاجسنا جلنا غير أن المضى سيعود جل ناراً تكسرا في مرايا
( )
---------
* كتب ابو ذر النضيف [ وهنا لابد ان واضح شئ حتي لا يلتبس علي الجميع .. كتبت خماسية مونيكا قبل فضيحة مونيكا الامريكية بسنين طويلة .. وليس لها علاقة بها ] ومونيكا زنجية لإنفجار موقت في النسل وسط الدنيكا .. الباريا بإبن يشرب المريسة . . وهو نجل الموندكورو الموعود ...
** منتظرين درء الكوارث ياخ !
Post: #121 Title: Re: ديمقراطيون وكت الفراغ . . حزب سوداني جديد Author: محمد على طه الملك Date: 06-09-2010, 09:09 PM Parent: #119
أخ .. تضقل بي يا قيقا و(اناتي) الغافلة قايله روحها تضقلت بيك !.. وكمان داخل عليّ بى بابها عديل كدا.. وكتين بلغت مقام العبقريات اخير السكات.. صحيح لاحظت فيك مقام عفو ودا مقام من مقامات اولي العزم.. ما بقدر عليهو اي زول.. لكن ابدا ما توقعتك داخل بالباب.. الله قادر ..
Quote: ولا تنفي نفية حتى تودعها مجماطة جلجلانك
بالاخضر يا حبيب بالاخضر.. نعم قائلها هو- كرم الله وجهه.. وله سواها من الكلمات المتقعرة في اللغة القرآنية.. وقيل في معناها – لا تلفظ لفظة لا تخرجها من سويداء فؤادك.. او لا تلفظها دون أن تعيها بشغاف قلبك.. أها دي حد يقدر عليها مع شفقتنا في زمنا الاغبر دا.. اليست هي ذات نفسه ( الايمان ها هنا ).. ياخي انا طلعت زول ساكت .. يا خوي ما توازيني مع سيدنا الحسن دا مقام براه .. تصدق اليوم داك خوفني عديل .. لأنه بمرق الكلمة من مجماطة جلجلانه.. و بختها في محلتها بعد يتمّرها .. كدى اذا الله قدرك زح ليك كلمة من بكانها وشوف .. قدر ما تحاول تملأ فجتها تلقى الموضوع بايظ .. لا ينفعك جناس ولا تصحيف ولا كل معينات البلاغة .. دا شنو دا ؟ الحمد لله منكم نتعلم..
بشويش على اخوك الكبير .. الله يرضى عليك ويمتعك دنيا وآخرة.. والتحية من بعد الشكر لهؤلاء الذين اهديتني رائعتهم.. فغسلوا كدر نفسي.. الموسيقار العلم الموصلي.. صاحب الكلمات الرائعة خالد عباس.. وصاحب الصوت المدوزن الشاب الواعد عاطف .. واصحاب الاداء الممتاز فرقة اوتار النيل.. الله يبسطتك.
Post: #122 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 06-10-2010, 02:51 AM Parent: #121
Quote: التقية التقية التقية
إذن : ربنا يخلي لينا المراه عموما و اخواتنا في هذا المكان خصوصا !!
Post: #123 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-10-2010, 09:53 AM Parent: #122
Quote: وله سواها من الكلمات المتقعرة في اللغة القرآنية.. وقيل في معناها – لا تلفظ لفظة لا تخرجها من سويداء فؤادك.. او لا تلفظها دون أن تعيها بشغاف قلبك.. أها دي حد يقدر عليها مع شفقتنا في زمنا الاغبر دا.. اليست هي ذات نفسه ( الايمان ها هنا )..
يا ملك الكلمة اها دا فهم جديد للوحة الكرارية العلوية دي . . تكرم وجهه ترجمتي - تقرأ قرايتي او قول قراية البسطاء - ليها كما يلي : ( ها آآ درويش الزم الجابرة دي ، و اتوهط تب فيها ، خلي نحدثك و اسمعني كوييييس - عشان ما تجلي أو تضل - و كل حرف ( او صوت ساي ) ولو بسيط ، ميزو و استنكهو بقلب وحدّك و براك - لو افتوك - و بعد داك توهطو زيييين في جوووة قلبك دا . . سمعتا آلمبروك !؟ )
الله يهدي محمد الحسن ! اسي كان خت الرحمان في قلبو . . و جانا و افتى لينا و علمنا مما علمه الله من علم . . و
Quote: كربتلوجيا و كربتوغرافيا يا حبشي ؟ الله المستعان !!!
و كان استرسل في جواب سؤال تبارك المهم ، و ( المهم ) هنا ما صفة لـ " طبارك " الذي بيده الفرشة ، و رسم بيها " الخنتيلة " في ابهى " صورة " بهناك . . لا ياخ !! . . سؤالو هو المهم ما كان فك حيرة الكاشف اخوي الامين دا
Quote: الأخ تبارك شيخ الدين جبريل تحياتي
Quote: الأمريكان عندهم اشاعة انو لمّا الكنتة بتاعتم اتفقعت فى الحرب الفيتنامية ... لجأوا لى الرطانة بتاعة الهنود الحمر بى شكل اضطرارى ... السؤال: هل ممكن تتعلم لغة غريبة عليك بس لأنك فكيت شفرتا بالإحصا والرياضيات بتاعة الديسايفرينج دى؟
طريقة الخصائص الإحصائية لتوزيع الحروف في لغة معينة\طريقة الجدوال الإحصائية التكرارية[1] هي طريقة لفك نوع من الشفرات يعرف بشفرات المفاتيح المتماثلة وبالتحديد شفرة التعويض[2] [3] حيث تستبدل الحروف الأصلية بحروف أخرى أو برموز ويوضع معها جدول هو عبارة عن المفتاح حيث يظهر كل حرف مقرونا بالحرف البديل له أو الرمز. ولو ذاكرتي لم تخني[3] فإن محلل شفرات أمريكيا استطاع فك شفرة الجيش الياباني أيام الحرب بدون أن يكون له إلمام باللغة اليابانية. هو فقط استطاع إعادة الرسائل المشفرة إلى الرسائل الأصلية قبل التشفير مستخدما الخصائص الإحصائية للغة. بالتأكيد هو لم يكن يفهم محتوى الرسائل لأنه يجهل اللغة اليابانية وفكه للشفرة لا يعني أنه تعلم اللغة. بالمناسبة عندما كسرت الاستخبارات الإسرائيلية شفرة الجيش المصري ، استخدمت مصر اللغة النوبية لتشفير اتصالاتها .
Post: #126 Title: Re: ديمقراطيون وكت الفراغ . . حزب سوداني جديد Author: محمد على طه الملك Date: 06-10-2010, 02:17 PM Parent: #125
والله يا قيقا دي ما قدرت افوتها..
Quote: ما كان فك حيرة الكاشف اخوي الامين دا
استوساخ شديد اللهجة.. ياربي دا يكون السبب الخلاه يمشي يصاحب المسيحي ( نظام كيتا فيك اوكده).. حالتك برضو دخلت واسطة ولحقوك واحد استوساخ مصلح( وش مدردق).. شي عجحححيب!! العفو العفو العفو - قالها ثلاثا حتى خلته بابا من ابواب الجنة (الراوي أنا دا).. هو الصحيح
Quote: كربتلوجيا و كربتوغرافيا
ام كرابتولوجيا وكرابتوغرافيا؟ علمه واسع.
حرف ساقط.
Post: #129 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-10-2010, 03:28 PM Parent: #126
Quote: استوساخ شديد اللهجة.. ياربي دا يكون السبب الخلاه يمشي يصاحب المسيحي ( نظام كيتا فيك اوكده).. حالتك برضو دخلت واسطة ولحقوك واحد استوساخ مصلح( وش مدردق).. شي عجحححيب!! العفو العفو العفو - قالها ثلاثا حتى خلته بابا من ابواب الجنة (الراوي أنا دا)..
ما قلت ليك الزول دا حقاااااااار
Quote: هو الصحيح
Quote: كربتلوجيا و كربتوغرافيا
ام كرابتولجيا وكرابتوغرافيا؟
هو لكن دجانقو راضي يحن علينا عشان نفرز !؟ غايتو انا بقول الاولى لسبب بسيييييط لأنو كتبا بتبخة كيبورديهو شفت كيف ؟ انت عارف أمين - معلمي - ما بتساهل في الشئون العلمية الدقيقة دي و خصوصاً مع صاحبو دا . . و الله كان دقس المرة دي معناها لحسني معاهو تب ما يدقس إلا لمستر [ جيب الكوت ] شخصياً !؟ طيب كدا ما بموية و كملت !؟
كب نقوم نطمن على مستقبل بقاءنا في البورد دا . . و الله يستر
Post: #128 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-10-2010, 03:17 PM Parent: #125
سعادتككككككككككك هذا ما اهلك الثورات من قبلنا هي ثورتنا دي لسه كسرة و ملاحا في الريف - واخد بال سعادتك - في الريف و قيل في الهامش عديل ، اها نقعد نقسم في الكراسي ( الوهمية ) و من اسي و نكسر قزازة سمنّا في محلها ؟! . . ما دا الطلّع سمنا نحن ذااااااااااتو !!
لا لا لا !!؟ ثورتنا دي مختلفة سعادتك كلو كلو . . . الميدان هو البحدد الكراسي . . الجماعة ما اتوا في 1989م لحوار . . و ما بفهموا غير لغة السلاح ! الملكية بتاعين الاحزاب ديل لو حرسناهم عشرمية سنة - مش بس واحد و عشرين - ما بجيبوا شئ . . لو كنا مبارين جدادة بذاكرة ( سلحفاة ) كان وصلتنا الكوشة في الواحد و عشرين سنة دي !! . . اهو برضو شئ خير من الـ ( لاشئ ) النحنا فيهو اسي دا !! . . يا زول دا ضياع زمن ساي
يا الملكية ديل يبطلوا شغلم البسووا فيهو دا ؟ . . يا كمان يسيبونا في ديمغراطيتنا الكرتونية دي نتماهى معاها/فيها و نتمها موية ساااااااااااي !؟
-----------
اوع تكون اتحسست يا جنابك من ( ما يحسوا الديش ) ؟ مقصود البالي بالك يا ريس
Post: #127 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-10-2010, 02:58 PM Parent: #124
Quote: حاضرين يا قيقا ..
الروح الرياضية متوووفرة ..والحديقة كلها تحت أمرك ؟
الما في شنو ؟
داليا حافظ
يأمين بالله اصدر عدد واحد فرمان رئاسي باستثناء الزولة دي - برضو حرام ياخ !! . . هي الجابت الفيديو - هديل الناس البفهموا لغتنا- الكروية - بأمارة دي :
Quote: الروح الرياضية متوووفرة ..
شايف الفرق بين الما أتو لحوار و الاتوا لحوار ؟ . . واخد بال سعادتك
اقول ليك قولة ؟
بصدروا انا دا . . المافي شنو !؟
Quote: فرمان سلطاني ديمغراطي : من أمين ياسمين ، الامين العام و رئيس الحزب و أمين المال و أمين سر و أمين دار الحزب الى الخنتيلة * نبلغكم بأنه في توه و لحظته قد انعمنا عليكم بمرتبة " الاستثنائية " و يسري اللقب من يوم الليلة دي ، و على جيوش الثورة التقيد و العمل بمقتضاه بعد انطلاق ( الثورة المظفرة ) و عند لحظة القضاء الزؤآم . . أي مخالفة للمرسوم السامي تعرض مرتكبها لغضبتي . . و صراحة كدي ما بضمن ليكم أي شئ وكتها . . فأخير ليكم تلتزموا قراراتي من سكات ! صدر تحت توقيعي و خاتم الحزب في اليوم الثامن من الاسبوع الخامس في الشهر الثالث عشر للسنة الديمقراطية الاولى
----------
مباراة تبارك دي بتودي وين ما معروف ؟ . . المهم جات كدا
Post: #130 Title: Re: ديمقراطيون وكت الفراغ . . حزب سوداني جديد Author: محمد على طه الملك Date: 06-10-2010, 04:24 PM Parent: #127
Quote: لأنو كتبا بتبخة كيبورديهو
ايييوه وجاء تاني نزل الموقع دا بالانجليزي http://home.cogeco.ca/~cipher/ فيه بتلقى الكلمتين ديل.. .. الراجل دا والله بى لولواته بحبه لله فالله لكن يا قيقا كدا كدا بليتو كراعي الله يهون.
Post: #131 Title: Re: ديمقراطيون وكت الفراغ . . حزب سوداني جديد Author: أمين محمد سليمان Date: 06-10-2010, 04:39 PM Parent: #130
Quote: يأمين بالله اصدر عدد واحد فرمان رئاسي باستثناء الزولة دي - برضو حرام ياخ !! . . هي الجابت الفيديو
كده بتفتح لينا فتحه ما بنقدر نسدها ، رايي القضاء علي الهنا ديل كلهم بخنتيلتم ، الناس دي شرسه و شريره جدا . نحنا كحزب موقفنا واضح : مافي أي إستثناءات للهنا ديل : داير تطبع بصفتك الشخصيه : حزبنا لا يتدخل في خيارات أفرادو الشخصيه !
Post: #149 Title: Re: ديمقراطيون وكت الفراغ . . حزب سوداني جديد Author: داليا حافظ Date: 06-13-2010, 11:48 AM Parent: #131
Quote: رايي القضاء علي الهنا ديل كلهم بخنتيلتم ، الناس دي شرسه و شريره جدا .
ألم نأتي لحوار ؟
هي حرب إبادة إذن
Post: #132 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-10-2010, 04:40 PM Parent: #130
Quote: الراجل دا والله بى لولواته بحبه لله فالله لكن يا قيقا كدا كدا بليتو كراعي الله يهون.
واصل في الكلامات الزي دي . . و انفخو لينا اكتر مما هو منفوخ اصلو . . و ابعد من الشجرة الحرام و ما بتجيك عوجة كلو كلو . . اوع تصرح بإعجابك بأي من ( كتابات ) المايتسموش . . دا البعمل ليهو ارتكاريا جلدية في كيبورديهو طوالي !! تعرف بدايتي معاه بس علقت على قرايتو انها ما صحيحة . . و من ديك الحب شبك . . بس كيف التقدرني اقول محسن ما غلطان !!؟؟ ما كنت متخيل انو البحر دا غريق قدر دا !؟
اسمع !؟ قالو البتبلبل احسن يعوم
كنت في بوست المعيار بديت اتكلمت عن النقلة الاحدثتا الاسافير من ( المشافهة ) للتدوين . . . و الاتاحتو للناس للتفاعل و التواصل . . .
رايك شنو تواصل هنا ؟
راقد لي فوق رأي
Post: #133 Title: Re: ديمقراطيون وكت الفراغ . . حزب سوداني جديد Author: محمد على طه الملك Date: 06-10-2010, 05:12 PM Parent: #132
كدا خليني في الاول الحق اصحح المغالطة العملتها في كتابة الكلمتين .. رجعت للدكشنري المنطوق ولقيتها كربتولوجي او كربتولوجيا يعني كتابة محمد دي (كربتلوجيا) برضها اصوب من حفتي الفوق.. قلت لي:
Quote: كنت في بوست المعيار بديت اتكلمت عن النقلة الاحدثتا الاسافير من ( المشافهة ) للتدوين . . . و الاتاحتو للناس للتفاعل و التواصل . . .
رايك شنو تواصل هنا ؟
راقد لي فوق رأي
يلا اجدع بياضك وخليها تدور.. اصلو صاحبك امين دا ماظنيتو يستمر معاك .. الجماعة بي غادي مشمرين وراجنو متين يقول ليهم كلام يحي خلص.. بعد داك الا تشيل البوست دا ونمشي نفزعوا ..
السيدين قيقراوي و محمد على طه الملك (اقترح لي اسم اقصر) ابتدو الحوار في المدخل أعلاه خلو وقت دخولنا للبود يبقى جايب قيمة الدي اس ال ...
مودتي و احترامي
Post: #135 Title: Re: ديمقراطيون وكت الفراغ . . حزب سوداني جديد Author: محمد على طه الملك Date: 06-10-2010, 07:00 PM Parent: #134
اهلين يا عزاز.. م. الملك .. كده كويس معاكى؟ بس من فضلك بدون القاب.. دا اذا كنت قريتك صاح .. بالنسبة للمدخل ( اعلاه دي لخبطتني ).. البوست دا كل مداخله فيه مدخل براه .. انت بس اشري .. مع انو صاحبي دا من اول مداخلتين رفع الراية البيضاء..
Quote: ننوه البوست دا ما عندو أي علاقة باي حاجة دا فضاء للفارغة ساي زي ما هو واضح من العنوان
Quote: كدا خليني في الاول الحق اصحح المغالطة العملتها في كتابة الكلمتين .. رجعت للدكشنري المنطوق ولقيتها كربتولوجي او كربتولوجيا يعني كتابة محمد دي (كربتلوجيا) برضها اصوب من حفتي الفوق.. قلت لي:
Quote: كنت في بوست المعيار بديت اتكلمت عن النقلة الاحدثتا الاسافير من ( المشافهة ) للتدوين . . . و الاتاحتو للناس للتفاعل و التواصل . . .
رايك شنو تواصل هنا ؟
راقد لي فوق رأي يلا اجدع بياضك وخليها تدور.. اصلو صاحبك امين دا ماظنيتو يستمر معاك .. الجماعة بي غادي مشمرين وراجنو متين يقول ليهم كلام يحي خلص.. بعد داك الا تشيل البوست دا ونمشي نفزعوا ..
بس كمان ما بضمن ليك بعد تبدأ مباريات كاس العالم.
الاستاذ م. الملك و الاستاذ ما لقب في الحالة دي، اعتبرها توصيف حالة ان شاء الله سيد البوست يقبل لينا بالاستمتاع بالقراءة لكليكما ولكل من يأنس في نفسه المزاج لتناول أمر التدوين و انتقالنا عبر قرون من الطبلة و رسائل الدخان إلى عصر النت و المنتديات والمعلومة العابرة للقارات و السفر عبر فروق الزمن وخطوط الطول بضغطة على زر الموبايل كرسالة أو (رد) في بورض بكري تبراه العافية و يفتحها في وشو شقيق ما قبل (كسير تلج لا يخفى عليك)...
و ان ما شالنا البوست و سعة صدر سيد البوست الما بتغباني، بيشيلنا بورد بكري، انتو بس ابقوا مارقين
مودتي و احترامي
Post: #137 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-11-2010, 00:30 AM Parent: #136
Quote: الاستاذ م. الملك و الاستاذ ما لقب في الحالة دي، اعتبرها توصيف حالة ان شاء الله سيد البوست يقبل لينا بالاستمتاع بالقراءة لكليكما ولكل من يأنس في نفسه المزاج لتناول أمر التدوين و انتقالنا عبر قرون من الطبلة و رسائل الدخان إلى عصر النت و المنتديات والمعلومة العابرة للقارات و السفر عبر فروق الزمن وخطوط الطول بضغطة على زر الموبايل كرسالة أو (رد) في بورض بكري تبراه العافية و يفتحها في وشو شقيق ما قبل (كسير تلج لا يخفى عليك)...
و ان ما شالنا البوست و سعة صدر سيد البوست الما بتغباني، بيشيلنا بورد بكري، انتو بس ابقوا مارقين
مودتي و احترامي
شفتي يا عزاز بس نبدا من حيث انتهى كلامك المليان دا الاحترام دا هو المطلوب الاسافير دي خلقت فرصة كبيرة للتواصل المبدع ، الواعي ، لتبادل الاراء و الافكار . . . و هي فرصة للمماحكة و اختبار الافكار و المسلمات العدمية و ممارسة ديمقراطية التفكير لكن نسوي شنو للناس الشايفاهو اقطاعيتم و مصرين يفرضو احادية وجهة نظرم ؟ رغم خراقتها في كتير مما لا ينظرون فيه و لا يخضعونه للمراجعة ، و لا مستعدين يسمعوا غير صوتم ذاتو ! و بقدرة قادر تحول لفضاء لتبادل النبز و التهاتر !! ما يعنيني هنا تحديداً ، و ما عانيت منه هو عبارة " قراية بالاضنين " . . يعني شنو بالتحديد ؟ كيف يعني ؟ . . بالجد ما واقعة لي ؟ و ليه الحط من شأن الاضان !؟ قد اكون اوف بوينت . . عادي . . الرجاء التصحيح ؟ لكن انا مواجه بمشكلة فنية ، قد يكون ليها امتداد فكري يدحض فكرة الـ ER و ربطها بالاضينات . . ابتداءاً خلوني اعترف ، اني ما عارف من وين جات " اضينات " دي في عاميتنا ، هل هي اشتقاق او تصريف لأضان ؟ و العلاقة ( السببية ) شنو بين الاضان و المسكنة ؟ مشكلتي : عاوز انشر " الدلكة دميرة هذا العام - لخالد عباس الطاهر " و دي واحدة من مفارقات الاسافير المضحكة و الجارحة ، يدوا الباسويرد للزينا و خالد برة الساحات دي ؟! اها دا الحلق الـ للما عندو اضان بي ذاتو !! . . الاضينة ما فارق الاضان هنا ؟ قصرو - و رفقاً بالباندويدث - لو نزلت النص ( مكتوب ) هنا البوست دا ح يبقى كم كيلومتر طولاً . . و بعرض بيت شعر حديث بس ، المشكلة التانية النص مكتوب بكم لكنة ( شامية ، مصرية ، سودانية وسطية ، فصحى ) . . و قرايتو - بالعين - ما ح تكون ممتعة زي سماعو - دا رأيي الشخصي - اها كيف الدبارة هنا ؟ . . ممكن نستخدم الاضان كـ ( اداة ) قراية و لا بنبقى اضينات ساي ؟ اعتقد - و قد اكون مخطئ - انو مشكلة المشافهة ما في وسيلتها او داواتها . . لا ياخ !! . . القصة قصة ( توثيق ) اولاً ، الشعر ، الامثال ، الحجى موجود بوجود الانسان تقريباً و رغم ما فيها من افكار صائبة، و نظرات ثاقبة " فإنها جميعاً كانت مجرد أقوال عابرة ، او محض امثال سائرة ، لا تشكل تركيباً فكرياً ، و لم ترتب تكويناً عقلياً. " * ، اضف لذلك محدودية الاتصال و التواصل بالمشافهة المجردة ، و قارن بالفرص الاتاحتا الانترنت . اها مع الثورة التقنية و المعلوماتية ، و امكانات الكمبيوتر الهائلة في التخزين و التوصيل و التواصل ، الاضان دي ما جاء وكت اكرامها و اعفاءها من عيوب و علل المشافهة ؟ و رفعها لمرتبة ( فاعل ) عديل . غايتو عندنا في التسويق بقولوا ليك " اغلب الفرص المرتقبة تكمن في الاذان " . .
------- يا عزاز يا عزيزة المقامات محفوظة ياخ ! . .سامحك الله يا اخية فقد قتلت اخاك بترقية غير مستحقة ، و رفعتي ذكره بالربط باستاذنا الملك مرة واحدة !! . . يا للهول !! . . دا مقام ذهول بذوب الدراويش الزينا ديل المقامات محفوظة و الدار كان ما شالتك نشيلك في رسينا ديل . . انت قايلة روحك هينة و لا هينة ؟ سؤال شخصي ممكن تجليهو عادي : الاخت مش برج الثور ( بنات ) برضو ؟ يا ملك ما بخذلك تب . . انت قايلني الحبشي - بالمناسبة انا ذاتي حبشي ( تثبت في حينها ) - ياخ انا ما بقدر التزم اكون جادي كوووووووول اليوم . . ساعةٌ فساعة يا حبيب . . مع ذلك و برغمه ملتزمين بخط الحزب . . اقصد خط البوست . . رغم اني من انصار الحداثة لكن برضو ملتزم بوحدة الموضوع و ح ارجع ليك ببيان . . لوكتها شاكر ليك بالجد وجودك في الساحة دي و بالمرة نتآسى بيك و نصحح التصحيف و نحرر التحريف الوقعت فيهو في بوست المعيار عن " الدلكة دميرة هذا العام " و هي ( بالاخدر . . ايوة بالاخدر ) : قراءة جديدة من تحت خيول الترك من ظهر خيول المك للدم السايل من قدح الدفتردار الصحيح الحركة ( السايل ) و كان كتبتها ( السال ) و الدليل آلوا لو :
يطلع فارس درويش يسارق الدم في الروح والجتة يلبس علي شكل الارض مرقع غابة وصحراء ونيل يسارق الدم في الروح و الجتة يملص درعوا في كرري يلبسوا فارس بي كسكتة ويخطط اوردة الجسد النّور للنيل الوهج الازرق شارعين ومحطة وغيم رحال
و الدليل :
والدلكة دميرة هذا القرن الواحد والعشرين سارقوا الدم في الروح والجتة يطلع مك من يات من حتة تشرق شمس العرس الغابت يمشي الحق ويخت الختّة ما لاقيت من غير الصامد ما لاقيت من غيروا البتة يمرق حاضن الفعل السيد شال نوار الثورة وحتّ
* بالمناسبة النص كتب قبل قيام التجمع الوطني الديمقراطي ، و هجرتو الى اراض الحبشة ( تقدر تقول : انو خالد مونيكا إتنبأ بيو بدون أي مجازفة تذكر ) . .
Post: #138 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-11-2010, 12:54 PM Parent: #137
في شأن معكوس الـ ER
تجربة ( علمية ) رقم ( 1 )
يروى انه ، قام احد العلماء بإجراء تجربة ( علمية ) توصلت لنتائج هامة و خطيرة جداً بخصوص ( السمع ) و اداته !! كل المعينات كانت جاهزة . . المافي شنو !؟ عدد واحد ( ضفدعة ) - ( قعونجة ) يعني . . و على مواطنينا في الاقاليم مراعاة فروق السغافات - و تربيزة خشب . . و صلى الله و بارك . . التجربة ذات نفسها بسيطة جداً . . . جرت بالشكل التالي : قام عالمنا الجليل بالخبط على التربيزة بعد ان وسّط الضفدعة فيها ، فقفزت الضفدعة ( مخضوضة يا عيني ) . . فقام بقطع احد ارجلها الخلفية !!! كرر الخبط . . فقفزت !! . . سبحان الله !!! طفق يكرر نفس السيناريو ( الخبطي / القطعي ) . . و الضفدعة مقطوعة الطاري . . اقصد مقطوعة الاطراف ما فتئت تقفز . . و تقفز . . و تقفز . . قفزت ثلاثاً في المرة الرابعة و الاخيرة للقطع - هو اصلو ما فضل ليها الا رجل واحدة بس المسكينة ! - قطع الرجل الاخيرة و عاود الخبط . . تصدقوا ما قفزت المرة دي امسك صاحبنا ( العالم ) بالقلم و دفتر الملاحظات و سجل خلاصة نظريته :
Post: #139 Title: Re: ديمقراطيون وكت الفراغ . . حزب سوداني جديد Author: محمد على طه الملك Date: 06-11-2010, 02:14 PM Parent: #138
يا قيقا وعزاز.. قبل الرابعة بتوقيت هنا ..
Quote: ما يعنيني هنا تحديداً ، و ما عانيت منه هو عبارة " قراية بالاضنين " . . يعني شنو بالتحديد ؟ كيف يعني ؟ . . بالجد ما واقعة لي ؟ و ليه الحط من شأن الاضان !؟
ياقيقا ياخي قديت اضانا..( بهظر ياخي) لكن نقتك ما نقه .. هو انتو ذاتكم لو ما ملوك ادب الشفاهة ما كان استقامة ليك مرافعة ذي دي عن الاضان.. يا زول قول بسم الله - مين البقدر يحط من شأن الاضان؟ ياخي ربنا سبحانه وتعالى ميز السمع وقدمه على البصر في خمسة وعشرين آية.. {وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ لَعَلَّكُمْ تَشْكُرُونَ} [النحل: 78 وازيدك من الشعر بيت .. البحوث العلمية الحديثة تؤكد أن جهاز السمع أرقى وأدق وأرهف وأكثر أهميه و تعقيداً من جهاز الإبصار .. ويمتاز عنه بإدراك المجردات من الأصوات .. وإدراك المتداخلات من الأصوات وتمييز كل صوت على إنفرد .. تقول لي محمد حسين فال.. ( دي تسديره عامه كانت سائدة بين المجايلين لي).. ثورة الاسافير يا صاحب ما فرزت بين العين والاضان بمفهوم الادراك السمعي.. وساوت بيناتهم في الفرص .. وبمثلما اتاحت فرص التواصل الخطي كما اشارت الاستاذة عزاز عن طريق الرسائل الهاتفية والمداخلات في المنابر .. اتاحت فرص التواصل عن طريق المخاطبة الهاتفية والزول شايفو اهو قدامك .. وايضا عن طريق التواصل السمعي زي القصيدة الرائعة السمعناها دي للاستاذ خالد..
Quote: و ربطها بالاضينات . . ابتداءاً
بالنسبة لمفردة ( القراية بالاضنين ) .. مفهومها الاسفيري يختلف عندي عن مفهوم ( الاضينه ) الشائع في العرف السوداني .. فالاضينه هو السميع ، فاقد الرأي ، درق سيدة ، التابع للمتبوع ، والمعنى الآخر الانت عارفه داك .. وأظن يا قيقا استخدامات مصطلح القراية بالاضنين كمصلح شاع استخدامه بين المتحاورين كتابيا في الاسافير .. اضاف مفهوم جديد يختلف عن المفهوم التقليدي اعلاه.. والخلط بينهما ما وارد ولم يرد من قبل الا في عنوان بوست للاخ محمد الحسن على ما اذكر.. حقيقة لم اتابع ذلك البوست بصورة راتبة لاعرف ما ان قدم الاخ محمد تفسير آخر لكلمة ( اضينه) غير مفهومها الشائع.. ام أن استخدامه جاء هكذا عفو الخاطر ؟ مبلع ظني أن مصطلح القراءة بالاضنين .. تعني قراءة وتقييم المكتوب على ضوء تصنبق مسبق للكاتب من قبل القارئ .. او فهم عجل غير عميق للفكرة او الرأي المطروح.. بعبارة اخرى- ينطلق القارئ في فهمه واستيعابة للنص المكتوب على خلفية مختزنة عنده عن الكاتب .. ويتداخل في حواره للنص على ضوء مخزون تفسيره للكاتب لا على ضوء الفكرة او الرأي المجرد المطروح امامه.. ولا تعنى - على الاقل بالنسبة لى - المعني التقليدي اعلاه..
باقي التعقيب على مداخلتك سجلها في الدفتر لحد ما ربنا يفرجها .. .. شفتي ياعزاز ود الموية دا مرقنا بى وين ووين؟ خلينا تشوف بياضك.
قيقا العظيم و الاستاذ م. الملك ... مشتتة بين شاشتي التلفاز (كيف بالله التعريب ده؟) اجامل بني دم في افتتاح كأس العالم وبين شاشة اللابتوب احلل في هروب اربعة اولاد كشتينة من طربيزة اللعب ... ود الموية أسدى لنا خدمة دون أن يدري و هاهو يحاول عمل loss management بس على مين؟ ولكن يا قيقا قراية الاضنين ماياها الاضينة و بينهم في المعنى ما بين انسى (فعل أمر) و أُنسي (بهجتي) يعني تقدر مشتركات في حروف أضن و النسب للاضنين بس المعاني كفاني الاستاذ بقوله عن الشرح:
Quote: مبلع ظني أن مصطلح القراءة بالاضنين .. تعني قراءة وتقييم المكتوب على ضوء تصنبق مسبق للكاتب من قبل القارئ .. او فهم عجل غير عميق للفكرة او الرأي المطروح.. بعبارة اخرى- ينطلق القارئ في فهمه واستيعابة للنص المكتوب على خلفية مختزنة عنده عن الكاتب .. ويتداخل في حواره للنص على ضوء مخزون تفسيره للكاتب لا على ضوء الفكرة او الرأي المجرد المطروح امامه.. ولا تعنى - على الاقل بالنسبة لى - المعني التقليدي اعلاه..
هي كل ما تقدم من قراءة مبنية على حكم مسبق، و اسقاطات القراءة و الخ الخ من ويلات القراية بالاضنين ... قصيدة صديقك تُقرأ سماعا و النصيحة لله لها حياتين مكتبوبة و مقروءة، و المتعة تكتمل بتمازج الاثنتين...
ابقوا طيبين و راجعة بالمهلة
Post: #141 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-11-2010, 07:56 PM Parent: #140
Quote: ولكن يا قيقا قراية الاضنين ماياها الاضينة و بينهم في المعنى ما بين انسى (فعل أمر) و أُنسي (بهجتي) يعني تقدر مشتركات في حروف أضن و النسب للاضنين بس المعاني كفاني الاستاذ بقوله عن الشرح: عزاز شامي
Quote: مبلع ظني أن مصطلح القراءة بالاضنين .. تعني قراءة وتقييم المكتوب على ضوء تصنبق مسبق للكاتب من قبل القارئ .. او فهم عجل غير عميق للفكرة او الرأي المطروح.. بعبارة اخرى- ينطلق القارئ في فهمه واستيعابة للنص المكتوب على خلفية مختزنة عنده عن الكاتب .. ويتداخل في حواره للنص على ضوء مخزون تفسيره للكاتب لا على ضوء الفكرة او الرأي المجرد المطروح امامه.. ولا تعنى - على الاقل بالنسبة لى - المعني التقليدي اعلاه.. م.ع. الملك
كلام زي قِسَم الدهب
Quote: والخلط بينهما ما وارد ولم يرد من قبل الا في عنوان بوست للاخ محمد الحسن على ما اذكر.. حقيقة لم اتابع ذلك البوست بصورة راتبة لاعرف ما ان قدم الاخ محمد تفسير آخر لكلمة ( اضينه) غير مفهومها الشائع.. م.ع. الملك
Quote: هذا الخيط يتناول مفهوم القراءة بالإضنين تناولا جادا. Mohamed E. Seliaman
Quote: الأخت الكريمة تيسير تحياتي المعنى الذي تشيرين إليه مضمن في العنوان (واستيعاب الإضينات) وقد قمت بتوسيع معنى المصطلح ولحسين ملاسي التحية على استحداثه . Mohamed E. Seliaman
المفردة مقصود بيها قراءة موضوع/موقف معين مع إستصحاب أو التأثر برأي الآخرين في هذا الموضوع أو الموقف والأمثلة هنا لا تعد ولا تحصى وكان ما مصدقني أسأل حسين ملاسي أول من إبتكر هذا المصطلح ..
هل من اقوال اخرى ؟
Quote: على السبورترز - مستقيمي الرأي - لنظرية الـ ER الاستعداد للدفاع عنها
ختينا ليك خط تحت مستقيمي الرأي يا محمد . . عارف يعني شنو مستقيمي الرأي ؟ يعني لولوة ما معانا ما تكرهنا البلي ياخ !!
---------- شكرن يا ملك . . الملكة عزاز . . و تيسير يكملكن بعقولكن * يا تايسا غلبني افوت الشماتة في النيران الصديقة من كمال عباس في بوست المعيار . . للأمانة هو قال مرات مرات ما طوااالي . . شكرن يا كيمو إذ جعلت هذا ممكناً
Post: #142 Title: Re: ديمقراطيون وكت الفراغ . . حزب سوداني جديد Author: محمد على طه الملك Date: 06-11-2010, 11:42 PM Parent: #141
المباراتين كانن بايخات و ملولات.. وزنة الصفافير المرقوا بيها السنة دي تنعس عديل برتابنها.. دي برضها قراية عينبن واضنين – المرجع عزاز اعلاه.. فهي تبهج القارئ (بجناسها ) الفكري.. .. قيقا هاك دا باقيك ..
Quote: يمشي الحق
انا لله.. يمشي .. منو؟ الحق فعل المشي – الحركة - حضورا وغيابا - جيئة وذهابا.. يتجانس ويوافق بل يطابق طبيعة الحق .. سواء بمدلول صاحب الديمومة الذي كل يوم هو في شأن .. ام بمدول الحق كاستحقاق مادي - معنوي للفرد اوالجماعة .. وهو حق متحرك حضورا وغيابا بين الناس .. خلال دورات الزمن ومراحل تطور البشر وتباين حاجاتهم..
Quote: يخت الختة
.. عليك دينك شوفها راكبة كيف مع حالتي الحق.. حالتة في مقام الديمومة .. وحالتة في مقام المستحق البشري.. في الاولى المشية قدرية.. وفي الثانية المشية تقريرية.. انسى روعة الجناس في البيت.. وابقى متحزم وحاول قدر الله اداك من نباهة وقوة المعرفة.. وزح كلمة من الكلمات دي من فجتها .. جرب.. اتحداك جرب.. الله قادر.. ..
Quote: هل من اقوال اخرى ؟
أيوه.. يا قيقا دحين يا خوي انت متأكد انو العالم بتاع نظرية الضفدعه دا.. ما سرب نظريته دي لجماعتنا ديل؟
Post: #143 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-12-2010, 08:29 PM Parent: #142
Quote: يا زول قول بسم الله - مين البقدر يحط من شأن الاضان؟ ياخي ربنا سبحانه وتعالى ميز السمع وقدمه على البصر في خمسة وعشرين آية.. {وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ لَعَلَّكُمْ تَشْكُرُونَ} [النحل: 78 وازيدك من الشعر بيت .. البحوث العلمية الحديثة تؤكد أن جهاز السمع أرقى وأدق وأرهف وأكثر أهميه و تعقيداً من جهاز الإبصار .. ويمتاز عنه بإدراك المجردات من الأصوات .. وإدراك المتداخلات من الأصوات وتمييز كل صوت على إنفرد .. تقول لي محمد حسين فال.. ( دي تسديره عامه كانت سائدة بين المجايلين لي)..
سلام يا ملك
آسف على التاخير في الرد . .مشاغل الدنيا تجبرني اخالف وعدي و اتلوم لكن بتكون قريت شروط التزامنا في الحزب دا مش ؟
السبت . . السبت . . السبت مرهق و ممكون . . مكروب على الآخر
ياخ بالمناسبة
Quote: ياخي ربنا سبحانه وتعالى ميز السمع وقدمه على البصر في خمسة وعشرين آية..
زمان زمن الزمن زمين كان سمعت الشعراوي بتكلم عن موضع واحد تقدم فيهو البصر على السمع يا ريت اهل العلم ينورونا ؟
---------
ما تكبر روحك ساي انت قايلني ود متين ؟ التسديرة دي كلنا نالنا منها، و نلنا بيها من اعدقاء الزمن السمح داك بجيكم بي مهلة الله يجيب الروقة بس . .
Post: #144 Title: Re: ديمقراطيون وكت الفراغ . . حزب سوداني جديد Author: محمد مكى محمد Date: 06-12-2010, 08:40 PM Parent: #143
متابع ياقيقا... داير أجيك بى مزاج.. بس بعد تنكشف الغمة ويفكوا ناسنا البعزبوا فيهم ديل.. تحياتى
Post: #145 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-12-2010, 10:36 PM Parent: #144
Quote: متابع ياقيقا... داير أجيك بى مزاج.. بس بعد تنكشف الغمة ويفكوا ناسنا البعزبوا فيهم ديل.. تحياتى
ود المكي يا فردة ما بفكوا . . ما بفكوا !! العبث دا ما بقيف براهو . . واحد وعشرين سنة بالتمام و شمس الحق غياب تام و ( بلال ) ينثر ريحان الاخلاص احدٌ . . أحدٌ . . أحد و ما اشبه الليلة بالبارحة !! ما بفكوا براهم !! . . ما بفكوا
عاطف انيس
خوفى يا على يا ابن امك خوفى دمك من يضيع وخوفى من عزلتنا عنو شعبنا الانسانى ظنو والتعالى الماهو منو خوفى اكثر من تواصل خطو يفتر خوفى عذرا يا حبيبنا من ديالكتيك مدجل سيل ضجيج الايدولوجيا اللافى والليل المهرجل نهج عُجّل . . بالتسامح والتصالح والتصافح والصراع زي المؤجل يا حمام الوعي أكبر بي اللي خنجر واللي منجل ويا جواد الشارع الدم المبجل كالحمى بدأ الوقت المكرس للنماء انتهى الموت الإضافي كما آن للفارس فيك أن يترجل كالدمى آن للراجل فيك أن يتفرس في السماء والتراب الما اترمى والسحاب الما همى أو يحمّر بالغبينة .. في الشعارات المهينة في العمائم والتمائم .. وينو دينا !؟ ده البيصطاد الحمائم من عوينا البيقتاد النسائم والغمائم من جبينا ونحنا نعتاد السمائم والهزائم والسكينة والسكاتات الحزينة على العمايل والمهازل والتفاهات المشينة
Post: #146 Title: Re: ديمقراطيون وكت الفراغ . . حزب سوداني جديد Author: محمد على طه الملك Date: 06-13-2010, 02:12 AM Parent: #145
Quote: آسف على التاخير في الرد . .مشاغل الدنيا تجبرني اخالف وعدي و اتلوم
يارااااجل.. الله لا يجيب اللوم.. انا ذاتي ما بتحسس من المسائل دي.. حتى لوما عقبت على كلامي وانا عندي اضافه بجي عادي .. ياخي انا مش رويت ليك حديثي فوق؟ العفو العفو ..الخ .. قلت لي شروط الحزب؟
Quote: إذن : !!
اذا نضم الرئيس فيهم تركوه.. واذا نضم الضعيف فيهم شدوه على الفلقة.
Post: #147 Title: Re: ديمقراطيون وكت الفراغ . . حزب سوداني جديد Author: محمد عبد الماجد الصايم Date: 06-13-2010, 06:25 AM Parent: #146
حفظاً للحقوق : القعونجة دي انا لطشتها من محمد الجزولي دا ذاااتو هذا ما لزم التنويه اليه
سلامات يا ناس و الله شكلو كدا يا غيرنا اسم الحزب دا لـ " ديمقراطيون في الويك ايند بس " . . يا كمان سوينا واحد جديد . . المافي شنو !؟
التعديل : لانو القعونجة لم تعد تضحك
Post: #151 Title: Re: ديمقراطيون وكت الفراغ . . حزب سوداني جديد Author: كمال عباس Date: 06-13-2010, 11:00 PM Parent: #150
سلام ياقيقراوي ........ قراية الإضنين تعبير قديم -من زمن حفروا البحر- ولم يخترعه فلان أو علان في النت .... وقد قال الشاعر شوقي :
Quote: انظر الشعب جاهلاً كيف يوحون إليه ملأ الجو هتافا بحياة قاتليه أثر البهتان فيه وانطلى الزور عليه ياله من ببغاء عقله فى أذنيه…!! ,,,,,,,,,,
ياله من ببغاء عقله فى أذنيه…!! ياله من ببغاء عقله فى أذنيه…!! والابيات من مسرحية مصرع كيلوباترا - حيث عمت المهرجانات والمظاهرات مهللة ( تحت تأثير الدعاية المضللة) بإنتصار جيش مهزوم !! قراية الأضنين ( أن تردد ماتسمع أو تحفظ بصورة اليةوتقلينية) ........ التلقين والحفظ والإجترار والتسميع !! مقابل التلقي والتمحيص - والنقد والإستيعاب المبدع !! والغريبة أن بعضا ممن يتحدث عن قراية الأضنين يناصر تنظيم شمولي يعتمد علي الدعاية والتلقين والهتافية والتهييج الجماهيري !! ........... قال قراية الإضنين قال !
Post: #152 Title: Re: ديمقراطيون وكت الفراغ . . حزب سوداني جديد Author: قيقراوي Date: 06-14-2010, 09:57 AM Parent: #151
سلامات يا كيمو و شرفت كتير ياخ
Quote:
ياله من ببغاء عقله فى أذنيه…!!
والابيات من مسرحية مصرع كيلوباترا - حيث عمت المهرجانات والمظاهرات مهللة ( تحت تأثير الدعاية المضللة) بإنتصار جيش مهزوم !! قراية الأضنين ( أن تردد ماتسمع أو تحفظ بصورة اليةوتقلينية)
كلام زي قِسَم الدهب يلا دا ما عندو علاقة بالفهم البكرس ليهو محمد الحسن كلو كلو قد يكون قاصد الـ Dyslexia . . او يكون ما عارف ( لحّان ) يعني شنو !
يا ريت يا كمال تفيدنا بالمعنى الدقيق للـ Dyslexia ، يا د. بله و المتخصصين معزومين ياخ انا غايتو لفحتها من بوست لدكتورة بيان ، و بالبحث - بتاع زول اضينة ساي - عرفت انها بتعني معاناة في قراية الكلام المكتوب . . او نحو ذلك
اها من كان له فضل علم فليعد به على من لا علم له كلو كلو زينا . . و كلو بثوابه إن شاء الله
