Post: #10 Title: Re: النميرى كان راجل .. Author: Mahir Mohammed Salih Date: 05-25-2010, 03:20 PM Parent: #1
بين يدى الله دى حاجة إستباقية عشان الناس ما تديه فى التنك ،، وفعلاَ هو كان راجل وليس إمرأة ،، ولكن هل فعلاَ كان يتصرف تصرف الرجال ؟؟ هذا هو السؤال يا عمار .
هل الوحشية التى تعامل بها هو وزمرته مع الشهداء الشفيع ورفقائه كانت تصرفاَ تليق بالرجال الأسوياء؟؟
هل الوحشية التى تعامل بها مع قيادات الإنقلابات العسكرية الكثيرة تصرفاَ تليق بالرجال الأسوياء ؟؟
هل الوحشية التى تعامل بها مع المفكر الفذ محمود محمد طه كانت تصرفاَ تليق بالرجال ؟؟
هل الوحشية التى تعامل بها مع بعض أفراد المجتمع البسطاء بقطع أياديهم وأرجلهم بسبة تطبيق الشريعة الأسلامية تصرفاَ تليق بالرجال الأسوياء ؟؟
هل وهل وهل
ففى ماذا رجولته الأخ عمار ؟؟
ماهر
Post: #11 Title: Re: النميرى كان راجل .. Author: صلاح غريبة Date: 05-25-2010, 03:24 PM Parent: #10
نعم .. لقد كان رجلا ... وحكم رجلا ... ومات رجلا ....
فلنفتخر به قائدا ... ورمزا ...
وليرحمه الله بقدر عطائه وحبه لهذا الوطن ...
وبقدر وطنيته .....
Post: #15 Title: Re: النميرى كان راجل .. Author: محمد المختار الزيادى Date: 05-25-2010, 03:40 PM Parent: #11
Quote: نعم .. لقد كان رجلا ... وحكم رجلا ... ومات رجلا ....
فلنفتخر به قائدا ... ورمزا ...
وليرحمه الله بقدر عطائه وحبه لهذا الوطن ...
وبقدر وطنيته .....
والدماء التى سفكها الا تحرك فيك الانسانية على الاقل؟؟
نحن لا نفتخر بالقتلة وهو ليس برمز
Post: #12 Title: Re: النميرى كان راجل .. Author: عمار محمد ادم Date: 05-25-2010, 03:24 PM Parent: #10
Post: #20 Title: Re: النميرى كان راجل .. Author: مامون المعتصم أحمد Date: 05-25-2010, 05:01 PM Parent: #1
كـــلام صــحــيـح و الله ...راجــل و فـارس كـمـان
أســـأل الله أن يـغـفـر لـه و يـرحـمـه و يـتـجـاوز
عــنـه و أن يــجـعـلـه مــن أصــحــاب الـيـمـين ..
Post: #21 Title: Re: النميرى كان راجل .. Author: محمد حسن العمدة Date: 05-25-2010, 06:17 PM Parent: #20
عمار محمد ادم
يتخيل لي قريت ليك اليوم انك قلت انضميت لحزب الامة صحيح ؟
هل العنوان صحيح ام انضمامك صحيح ؟
Post: #22 Title: Re: النميرى كان راجل .. Author: Mohammed Awad Date: 05-25-2010, 07:21 PM Parent: #21
طبعآ ياعمار مشيت مع عمك اب عاج دا قبل كدا عيد ضحية فى ود نميرى فرحمة الله عليه راجل طيب وكلامو مليان وموضوعى جدآ المهم وصلنا هناك يوم الوقفة عصريات كدا والدنيا كانت برد شديد.. المهم دبرنا حالنا بالليل داك لغاية الصباح انا كنت مستغرب انو مافى مسجد بيكبر ولا يهلل بمناسبة العيد المهم عمك قال لينا ارح الجامع.. مشينا لقينا ليك الجامع مقفول بالطبلة اتلفتنا يمين شمال قال اكسروها.. كسرنا الطبلة وقعدنا المهم الخبر وصل لى ناس الحلة انو نميرى فى المسجد.. جماعتك اتلقطوا بى جاى بى جاى لتًقوا ليهم خطبة وصلًوا.. قبل ما يبدوا العيدية عمك مسك المكرفون قال ليهم: اول حاجة ياخواننا كل سنة وانتوا طيبين.. تانى شى لولا انو القتل حرام لهديت فيكم الجامع وباقيكم خليت الحرس ديل يودوهم سجن كوبر لغاية ماتعرفوا تهللوا وتكبروا ساكت بلا عيد جماعتك طبعآ بالجد لاوزوا لكن عمك كان ممتعض من القصة شديد غايتو احدنا ايامنا ورجعنا الخرطوم لكن دا كلو كوم والبرد كوم انا يادوب عرفت الناس دى هناك بتسكر ليه
رحمة الله عليه
Post: #23 Title: Re: النميرى كان راجل .. Author: Mahir Mohammed Salih Date: 05-26-2010, 07:06 AM Parent: #22
Quote: فرحمة الله عليه راجل طيب وكلامو مليان وموضوعى جدآ
يا محمد عوض ،، يا أخى والله بالغت فى دى شديد ،، لم أكن أركز فى خطبه الكثيرة عندما كان فى الحُكم ،، ولكن بعد إسقاطه وإحتضان الرئيس حسنى المبارك له فى إحدى القصور ،، تابعت إحدى اللقاءآت التلفزيونية معه وأعتقد كان تلفزيون المستقبل اللبنانية وأعتقد كان برنامج ( خليك فى البيت ) ،، فهنالك فقط علمت كيف أن كلامه لا مليان ولا حاجة ،، ولا موضوعى ولا حاجة ،، وعلمت كيف أن رأسه أفرغ من الفارغ زاتو ،، وتحسرت على نفسى كثيراَ كيف أن مثل هذا الرجل كان يحكمنا لمدة 16 سنة .
أما آخر فقرة فى مداخلتك ،، والله حلوة شديد.
ماهر
Post: #24 Title: Re: النميرى كان راجل .. Author: Mohammed Awad Date: 05-26-2010, 07:23 AM Parent: #23
والله ياماهر طبعآ احتكاكى بيهو كان قريب فى فترتو الاخيرة فاحتمال مع تقدم السنة الدنيا بتكون ورتك كتير منها تطلع بى حِكم عمك بس كان بلدى شوية لكن برضو ليهو هيبة
رحمة الله عليه نزكر محاسن موتانا برضو
Post: #25 Title: Re: النميرى كان راجل .. Author: فيصل محمد خليل Date: 05-26-2010, 10:21 AM Parent: #24
هاك ان شاءالله ما تنفعك
ــــــــــ نميري كان مانعنّا الهواء
Post: #26 Title: Re: النميرى كان راجل .. Author: Mohammed Awad Date: 05-26-2010, 11:55 AM Parent: #25
Quote: نميري كان مانعنّا الهواء
وانشالله الهوا الايام ى راقد عندكم؟؟؟!!
Post: #27 Title: Re: النميرى كان راجل .. Author: فيصل محمد خليل Date: 05-26-2010, 12:38 PM Parent: #26
Quote: وانشالله الهوا الايام ى راقد عندكم؟؟؟!!
ما راقد , قايم صوف
Post: #28 Title: Re: النميرى كان راجل .. Author: الرفاعي عبدالعاطي حجر Date: 05-26-2010, 01:09 PM Parent: #27
Post: #29 Title: Re: النميرى كان راجل .. Author: فيصل محمد خليل Date: 05-26-2010, 03:21 PM Parent: #28
برضو تقول لي
ديدان ابراهيم واسعاف الحلنقي
Post: #30 Title: Re: النميرى كان راجل .. Author: عمار محمد ادم Date: 05-26-2010, 07:28 PM Parent: #29
Quote: ديدان
اْخ
Post: #31 Title: Re: النميرى كان راجل .. Author: مدثر محمد عمر Date: 05-26-2010, 07:55 PM Parent: #30
ياخي في ناس لسه ما عارفين قبور أباءهم وين.. هسه بي بساطه لو جا زول كتل ابوك وما عرفت قبرو وين وجا زول قال انو راجل بتقبل؟؟!! هل الرجوله دي سكر؟ ظلم الناس عندما تكون قادرا عليهم؟؟ قتل الرجال وهم عزل؟؟ رمي الجثث في أماكن مجهولة والتعذيب؟؟
ياخي في حاجات مخجله الزول ما بعمله لأنو الثناء على رجل تحرى الإجرام ده مباركه للجريمه
Post: #32 Title: Re: النميرى كان راجل .. Author: عمار محمد ادم Date: 05-30-2010, 07:51 AM Parent: #1
ز
Post: #33 Title: Re: النميرى كان راجل .. Author: سامي صلاح محمد Date: 05-30-2010, 08:11 AM Parent: #32
