لماذا يكتب المناضلون في منابر يطغى عليها صوت المؤتمر الوطني ؟

؟؟؟

بحثا عن الشهرة..

الاخ محمد
تحياتي


وافصح ابن

قول انت

Quote: قول انت

الخليفة ودمحجوب تحياتي




انا لو اعرف اقول علي طول


هو انا حا اعرف اكتر من الحكومة اقصد صاحب البوست

لأن هنالك أسئلة أكثر سذاجة من أجوبتها

يعني حاجة كده من باب الإتجاه المعاكس أوالرأي والرأي الآخر. سودانيز أونلاين بمبر من لا بنبر له. يعني عاوزهم يكتبوا وين في الجدران ما هو لو عملوا كده حا يواجهوا عقوبتين عقوبة من صاحب البيت بتشويه الحيطه وعقوبه من أمن النظام بإثارة الفتن والتحريض وكتابة شعارات معادية للسلطة. وهنا طبعاً لو لقيت ليك طريقة فالحكاية ساهلة خاصة إذا كان دخولك النت ملح زي ناس كتيرين أها بعد كده تبرطع زي ما عاوز تكتب في كل شئ خاصة وأن بكري أبوبكر نايم وقوانيه برضو نايمه وبعتبر أن المنبر هو وطن من لا وطن له ، أها شفت ناس جمهورية سودانستان ديل كيف أى واحد صاري للتاني أونلاين وأوف لاين كمان وهاك يا شتايم وسب وتحقـــــــــــــير أها باين ليك ناس زي ديل كان إتلموا وبقوا في وطن فيهو شوارع وكلاب وكدايس وناس تتبول في قارعة الطريق وقدرة فول وست شاي وحافله وهلم ما بيكون أخير منهم وطنا الحالي بي حكومة الإنقاذ.

Quote: الخليفة ودمحجوب تحياتي انا لو اعرف اقول علي طول هو انا حا اعرف اكتر من الحكومة اقصد صاحب البوست

الأخ عمر صديق تحياتى


ياخى الخطاب ليه


((لفح ود الباوقة دا خليهو)

Quote: الأخ عمر صديق تحياتى ياخى الخطاب ليه ((لفح ود الباوقة دا خليهو)

با الخليفة لان السؤال اتي بعد مداخلتي مباشرة


ولان الاخ الحبشي نادرا ما يجيب علي مثل هذه الاسئلة ولكنه اعتاد ان يضع الطواقي ويترك لكل من يرغب في اختيار مقاسه ولبسه

ما هو انت بتكتب في منبر مليان نوكى عشان تبيّن ليهم نواكتهم
نفس الفكرة هم عايزين يبيّنوا نواكة المؤتمر الوطني

ولماذا يطغي ( ويتجبر) المؤتمر الوطني ؟!

السلام عليكم ورحمة الله
------------------------------
د. ود محجوب
أنالو كنت أملك جوابا لهذا السؤال لبذلته .

محمد البشرى :

Quote: ما هو انت بتكتب في منبر مليان نوكى

المنبر مليان بالنوكى وبغير النوكى
والعزاء أن صوت النوكى ليس طاغيا طغيان صوت المؤتمر الوطني .

Quote: باين ليك ناس زي ديل كان إتلموا وبقوا في وطن فيهو شوارع وكلاب وكدايس وناس تتبول في قارعة الطريق وقدرة فول وست شاي وحافله وهلم ما بيكون أخير منهم وطنا الحالي بي حكومة الإنقاذ.

ههههههههههههه
شكرا يا ملا هلى إهدائنا هذا التمثيل.

Re: دعوة لطرد الكيزان وأذنابهم من هذا المنبر الديموقراطي فوراً

الاخ/الفاضل محمد

طبعا لا يخفى عليك ان اجهزة الاعلام جميعها

وخلنا نطلق عليها ادوات التعبير عن المجتمعات هي

مستهدفة من جميع التيارات السياسية والاستهداف يبدا من
الاختراق والسيطرة ثم التوجيه بل في عصرنا هذا سعت هذه التيارت
الى امتلاك ادوات خاصة بها اوشراء الاوسع انتشارا والادلة اكثر من يحصى
وطبعا الهدف من ذلك معروف وبين

لكن السؤال هو هل غابت هذه المعلومات الاولية عن شخص في ثقافتك

بالتاكيد لا
لكن دعني اطرح عليك سؤالا لماذا تفعل هذا بنفسك ...

الأخ الكريم محمود
تحياتي

Quote: مستهدفة من جميع التيارات السياسية والاستهداف يبدا من الاختراق والسيطرة ثم التوجيه بل في عصرنا هذا سعت هذه التيارت الى امتلاك ادوات خاصة بها اوشراء الاوسع انتشارا والادلة اكثر من يحصى وطبعا الهدف من ذلك معروف وبين

لم يغب ذلك عن بالي
وإنما في سؤالي إشارة إلى طغيان سيطرة جهة واحدة
رغم قولك بأن الاستهداف قائم من جميع التيارات السياسية.

Quote: لكن دعني اطرح عليك سؤالا لماذا تفعل هذا بنفسك

لم أعرف المقصود باسم الإشارة "هذا" حتى أرد على سؤالك .

اخونا محمد السلام عليكم
من هم المناضلون ؟ هل هم بيننا الان ؟
اذا كانت الاجابة نعم
هل كل من عارض الموتمر الوطنى كان يقوم بذلك من اجل الوطن؟

Quote: Re: لماذا يكتب المناضلون في منابر يطغى عليها صوت المؤتمر الوطني ؟

سمعت رسول الله صلى الله عليه وسلم يقول " من رأى منكم منكرا فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان".
الراوي: أبو سعيد الخدري المحدث: مسلم - المصدر: صحيح مسلم - الصفحة أو الرقم: 49
خلاصة حكم المحدث: صحيح


الأخ العزيز محمد سليمان

نحسب انفسنا بتواضع ضمن المناضلين ولا ندعي الكمال، فالكمال لله وحده، ولا ندعي خلونا من النقائص، فالمعصوم هو سيد الخلق عليه افضل الصلاة والسلام. ولو كان أمر الوطن هو فقط مما يلينا شخصياً لعفيناه ضمن ما نعفي ولمضينا في حياتنا بدون أن نحمل هم أحد، لكن الأمر العام يختلف، ولا يغير الله ما بقوم حتى يغيروا ما بأنفسهم. ونحن هنا لنحث بعضنا بعضاً للتغيير نحو الأفضل، وننير الطريق بما تيسر لنا من خبرة بسيطة ومعرفة متواضعة للأجيال القادمة حتى لا تكون أسيرة لما يقيدنا اليوم عن الإنطلاق في ركب الأمم المتقدمة.

الأخ الكريم العوض
السلام عليكم ورحمة الله
-------------------

Quote: سمعت رسول الله صلى الله عليه وسلم يقول " من رأى منكم منكرا فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان". الراوي: أبو سعيد الخدري المحدث: مسلم - المصدر: صحيح مسلم - الصفحة أو الرقم: 49 خلاصة حكم المحدث: صحيح الأخ العزيز محمد سليمان نحسب انفسنا بتواضع ضمن المناضلين ولا ندعي الكمال، فالكمال لله وحده، ولا ندعي خلونا من النقائص، فالمعصوم هو سيد الخلق عليه افضل الصلاة والسلام. ولو كان أمر الوطن هو فقط مما يلينا شخصياً لعفيناه ضمن ما نعفي ولمضينا في حياتنا بدون أن نحمل هم أحد، لكن الأمر العام يختلف، ولا يغير الله ما بقوم حتى يغيروا ما بأنفسهم. ونحن هنا لنحث بعضنا بعضاً للتغيير نحو الأفضل، وننير الطريق بما تيسر لنا من خبرة بسيطة ومعرفة متواضعة للأجيال القادمة حتى لا تكون أسيرة لما يقيدنا اليوم عن الإنطلاق في ركب الأمم المتقدمة.

زي كلامك الجميل دا وزي كلام أخينا العوض الآخر وقلة من عقلاء المنبر
ضائع وسط الغثاء .
عندك بعض المهووسين بالنضال في هذا المنبر من أصحاب الصوت العالي
والنبرة الطاغية يعدون مثل استشهادك بحديث الرسول صلى الله عليه وسلم
من الظلامية والرجعية والتخلف-كبرت كلمة تخرج من أفواههم .
واحد مناضل يناضل ضد شعار جامعة الخرطوم مطالبا بحذف لفظ الجلالة منه .
أو يجيك مناضل بأخبار كاذبة ملفقة
هذا هو نمط النضال السائد بالمنبر
وقد فرغ كل القضايا التي تطرح في المنبر وشوهها
فطغى صوت الحزب الحاكم وأصبح المنبر منبره

ود سليمان ( برضو مصر تجيب لينا الكتاحــة )

Quote: فطغى صوت الحزب الحاكم وأصبح المنبر منبره

يا بدر الدين أنا هين
دا كلام الأخ محمد قور حامد :

Quote: أما الثوره ضد الكيزان فذاك .. فذلك يعني إنك ستبدأ بصاحب الموقع هذا ..

هذا غير إحصاء الأخت تراجي هناRe: هكذا أراد الهكر وأحكام الأخ خدر هناهل آن اوان ان اقول وداعاَ ؟ واعتراف الأخ عمر صديق هنا Re: كيف استطاعت عضوية المؤتمر الوطني فعل ذلك ؟.
--------
بس بقت علي أنا براي حكاية أجيب لكم الكتاحة ؟
عندك شهادات 2 من كبار المعارضين و2 من كبار منسوبي المؤتمر الوطني

هذا البوست من شاكلة.

إذا كان بجيب المصلي ليمونة، فهل هي تبطل الصلاة أم لا ؟

شكرا Deng

أصبحت منابر الحوار مثل ((الخرائب ))
ينعق فيها بوم المؤتمر الوطني فيطغى صوته
على نقيق شراغيف المعارضة .
بعض المعرفات الإسفيرية لبعضهم مثيرة للشكوك فعلا
من ناحية أخرى فالترخص في شروط قبول العضوية والممارسة الديموقراطية
يتيحان فرصا أكبر للجهات التي تملك قدرة على العمل الجماعي المنظم .