Gـلـب ام G ـلـب !! ..

(الولاة) المنتخبين ( على الايمان مافى زول يقول حاجة ) !

ادوا القسم امام رئيس الجمهورية فى الايام السايقة ...
اها الليلة بقرا فى الجريدة اتضح انو رئيس الجمهورية ذاااتو ما حالف
ح يحلف يوم الخميس !!
شفتو قلب ام قلب دا ؟؟
مفروض اووولا هو يؤدى القسم ... بعدين الباقيين يقسموا قدامو ..
لانو هم بيادوا القسم امام رئيس جمهورية كامل الدسم بى حليفتو ..





ــــــــــــــ
غايتو انا الحليفة دى ذاتها ما بعرفها لى شنو
لكن لو فى حليفة كان هو يحلف اول .. ياقول
عادل امام وحياة الاخوة .. زمان قالوا ناس كسلا بحلفوهم
بى ستى مريم وسيدى الحسن هسه قال ليك ناس سيدى لا شىء (صفر)

اها شوفو دى كمان

نافع قال يمكن لنواب البرلمان ان يكونوا
حكومة ومعارضة فى ان واحد !! فتأمل !











ـــــــــــــــــــ
فاته ان يقول ومحايدين كمان ..
وبامكانهم ان يمثلوا دول الجوار والمجتمع الدولى
هو فى حاجة صعبة ؟

إنت حسع كان قاليك احلفي بتحلفي ..؟
..
عايزين يصوطو ما مخلياهم ,. عايزين يحلفو برضو باقية ليهم في رقبتم ..
طيب ما هنداك سيلفا كير حلف . مالك ما شاورتيهو..؟

Quote: نافع قال يمكن لنواب البرلمان ان يكونوا حكومة ومعارضة فى ان واحد !!

يا دينا

ما سمعتي بالمثل البيقول

الشي ان فات حدو بينقلب لي ضدو ؟؟

حلفو بخجة ولا بدون خجة

الخجة دي البتكون شقلبت الامور يا دينا فقالو يبدوا من تحت احسن

ثم هم الولاة ديل مش (منتخبين) الموديهم يحلفوا قدام الرئيس شنو
مالم ما عندهم برلمانات ولائية يحلفو فيها
ثم اصلاً هم كلهم فازو بنسب اكبر من نسبة البشير

خلاص رضيتو بيهو ومنتظرين حليفتو؟

المين شيت بتاع الاحداث امس كان

اغلاق مائة مدرسة عشوائية بالخرطوم !!!

البصيرة ام حمد ...

شفتوا الحلول الجذرية دى كيف ؟؟
قال الخبر :: وحذر مير عام الوزارة حسن هاشم اولياء الامور
من مغبة تسجيل ابنائهم فى مدارس عشوائية !!! اى والله التحذير
الوااااحد دا !








ـــــــــــــــــــ
سايبين الشئة كللللها وئاعدين فى اووضة ؟؟؟؟







ــــــــــــــــــــ
اين ذهب طلاب المائة مدرسة بعد اغلاقها ؟؟

دينا ...

Quote: غايتو انا الحليفة دى ذاتها ما بعرفها لى شنو

حلفو على دي :

Quote: اغلاق مائة مدرسة عشوائية بالخرطوم !!!

كتب ذو اليد
نقلا من مقال احد المقيمين فى امريكا

ان السودان يطالب بخليل بالانتربول ويناشد الدول بتسليمه
الان خليل يريد العودة للميدان داخل دارفور ... الحكومة
تجند كل علاقاتها لمنهة من الدخول .. واشادت بخطوة تشاد فى منعه
من التوجه للاراشى السودانية فى دارفور ...
طيب لو هى عايزاهو مش مفروض تسعى انه يدخل ؟ وهناك تلقى القبض
عليه بعد ان يحاصر وقد منع فعلا من دعم الجيران والداعمين كما قالوا ؟؟؟









ــــــــــــــــــ
هى دارفور دى مش لسه السودان ؟

دينا ...

Quote: السودان يطالب بخليل بالانتربول ويناشد الدول بتسليمه الان خليل يريد العودة للميدان داخل دارفور ... الحكومة تجند كل علاقاتها لمنهة من الدخول .. واشادت بخطوة تشاد فى منعه من التوجه للاراشى السودانية فى دارفور ... طيب لو هى عايزاهو مش مفروض تسعى انه يدخل ؟ وهناك تلقى القبض عليه بعد ان يحاصر وقد منع فعلا من دعم الجيران والداعمين كما قالوا ؟؟؟

ناس الإنقاذ دايرين خليل في الدوحة ، حيث المُفاوضات ... لكن لو لِحِق وصل قُواتو بِنجِضُم وبِصوط ليهُم مُفاوضاتُم فوق تِحِت ...

بس حقو نعترِف بِإنو ناس المؤتمر ديل بلعبو سِياسة صاح ... الزول ما زولم ، دباب قديم ... كوز بِأضانو

Quote: فتأمل !

تصدقي دي اكتر حته عجبتني في الشقة بتاعتك..
لانه حسيت فيها شغول بتاع ايدية كده..

صباح الخير ياوطن.

ازيك يا دينا

Quote: وبامكانهم ان يمثلوا دول الجوار والمجتمع الدولى

ومنو القال ليك مافي ممثلين للمجتمع الدولي جوه البرلمان دا

في ممثلين للمؤتمر الاسلامي، والمجلس الالسلامي العالمي، والمجمع الدولي
لعلماء المسلمين، والمجلس العالمي للدعوة، وعييييييييك القاعدة في بلاد النيلين
والقاعدة في تورا بورا، وفي ممثلين للبنوك الاسلامية العالمية.....

وقال الله تعالى في امثالهم

إِنَّا بَلَوْنَاهُمْ كَمَا بَلَوْنَا أَصْحَابَ الْجَنَّةِ إِذْ أَقْسَمُوا لَيَصْرِمُنَّهَا مُصْبِحِينَ ﴿١٧﴾ وَلَا يَسْتَثْنُونَ ﴿١٨﴾ فَطَافَ عَلَيْهَا طَائِفٌ مِّن رَّبِّكَ وَهُمْ نَائِمُونَ ﴿١٩﴾ فَأَصْبَحَتْ كَالصَّرِيمِ ﴿٢٠﴾ فَتَنَادَوْا مُصْبِحِينَ ﴿٢١﴾ أَنِ اغْدُوا عَلَىٰ حَرْثِكُمْ إِن كُنتُمْ صَارِمِينَ ﴿٢٢﴾ فَانطَلَقُوا وَهُمْ يَتَخَافَتُونَ ﴿٢٣﴾ أَن لَّا يَدْخُلَنَّهَا الْيَوْمَ عَلَيْكُم مِّسْكِينٌ ﴿٢٤﴾

القلم

Quote: أصحاب المطابع يحتجون على احتكار طباعة الكتاب المدرسي الخرطوم: الميدان أعرب عدد من أصحاب المطابع التجارية بالخرطوم عن سخطهم من احتكار طباعة الكتاب المدرسي لصالح مطبعة تجارية معينة على أساس سيطرتها كمورد على سوق الورق. وقالوا للميدان أن هذه المطبعة رفعت أسعار الورق (60) جرام من (68) جنيه إلى (87) جنيه والورق (70) جرام من (75) جنيه إلى (93) جنيه والورق (ART) من (110) جنيه إلى (140) جنيه. وقال إداري بوزارة التربية والتعليم (فضل حجب اسمه) إن خصخصة إدارة النشر التربوي التي كانت تشرف على طباعة الكتاب المدرسي فتحت الباب أمام تسليع الكتاب المدرسي وفق سياسات التحرير الاقتصادي الأمر الذي أدى لطباعة وبيع الكتاب المدرسي في غياب الإشراف الحكومي. وأضاف بأن إدارة النشر التربوي كانت في السابق تشرف على جميع عمليات طباعة الكتاب المدرسي حتى لو كان تنفيذ الطباعة بمطبعة تجارية. وكان المدير العام للتعليم بولاية الخرطوم قد عزا تأخير العام الدراسي إلى المزيد من التحضير الجيد في وقت أكدت فيه مصادر (الميدان) إن إجلاس الطلاب وتأخير طباعة الكتاب المدرسي وراء تأخير العام الدراسي بالولاية.

يا والله كمان لو طلع صاحب المطبعة من الجماعة الإتبرعوا لحملة البشير الإنتخابية ؟؟؟؟؟

تكون بي موية وكملت

Quote: كلمة الميدان الوبائيات تنذر بكارثة ماحقة قادمة May 24th, 2010 شهدت العديد من أقاليم البلاد دون استثناء بما فيها العاصمة القومية خلال الفترة الماضية تفشياً ملحوظاً لبعض الأمراض الوبائية المعدية، مثل الإسهال المائي، والالتهاب السحائي، إضافة للحمي مجهولة المصدر، والتسمم الدموي وخلافه، الأمر الذي أودي بحياة الكثير من المواطنين. وبينما يساور القلق قطاعات واسعة من المواطنين بسبب تصاعد معدلات الإصابة بهذه الأمراض وانتشار رقعتها الجغرافية فان الجهات المعنية وبخاصة وزارة الصحة الاتحادية تلتزم الصمت المطبق ولا تكلف نفسها حتي إصدار بيان توضيحي وإرشادي عن مصادر الأوبئة وطرق الوقاية والعلاج منها. وغير خاف على أحد التردي المريع في خدمات الصحة الوقائية والعلاجية والتدهور البيئي بسبب قلة الإنفاق الحكومي على الصحة وإهمال الصحة الوقائية بصورة تامة وإلغاء مجانية العلاج الأمر الذي أدى لتراجع مؤشرات الصحة قياساً بما كان عليه الحال قبل انقلاب يونيو 89، إضافة للملاحظات الموثقة عن تلوث مياه النيل وإهمال محطات مياه الشرب وغيرها مما يؤثر سلباً على صحة الإنسان والحيوان معاً. الحكومة التي تنفق الأموال الطائلة على الأمن والدفاع تستكثر النذر اليسير منها لتطوير الخدمات الصحية بما في ذلك تأهيل المستشفيات والقيام بحملات التطعيم الدورية وتحسين شروط خدمة الأطباء والكوادر الصحية، ليس هذا فحسب بل تتم الآن وبصورة محمومة خصخصة المستشفيات العامة وتحويل أقسام معتبرة فيها إلي مستوصفات خاصة لجهات بعينها. إن محاولة التقليل من شأن هذه الوبائيات لا يغير الواقع الصحي الماثل الذي ينذر بكارثة ما لم يتم تدارك الموقف بصورة سريعة وعاجلة. وفي ظل هذا التعتيم الحكومي واللامبالاة فان المطلوب من الشرفاء والوطنيين في الحقل الصحي توضيح الحقائق وكشفها للرأي العام والمساهمة مع مختلف القوى السياسية والمنظمات ذات الصلة من أجل درء مخاطر الأوبئة وعلاج المصابين إننا إذ ندين الموقف الرسمي بصدد الكارثة الوبائية، فأننا نثق في أولئك المحافظين على شرف مهنة الطب والمكرسين جل وقتهم للتطبيب والعلاج وإنقاذ الأرواح، فهم حتماً على قدر التحدي ودوماً عند حسن ظن شعبنا.

يعني بإختصار لا تعليم لا صحة لا مويه

طيب الحالفين ليها شنو كدي النشوف نواب الحزب الواحد ديل بكونوا معارضة وحكومة كيف

Quote: الحكومة التي تنفق الأموال الطائلة على الأمن والدفاع

وبرلمان أبو خجيجة دا برضو بالله لو سمحو ..

هى التصويت والحليفة براهن ؟؟؟
انا بقيت ادخل يدى فى الادب والمزيكا
واخت ارائى فى العود وفى الفضاءات
والكورة وعمل الفسيخ ،، هو فى معيار ؟؟؟
ما رب رب رب رب وخلاص !
لما المعيار يجهز فى ص 258 اساسى قال لى
بكلمك اها بعد داك بنتخصص ..


الراجل الراقى طارق ميرغنى
زارتنا البركات
او كما يقول الشباب هذه الايام يا طارق
لممممممممممممما بى هناك !!

بالله يا امجد شفت الكلام دا كيف
هسه لو ما استهتار بالقصة كلها
بكلفهم شنو لو انتظروا حلف هو لى روحو
بعدين حلفوا هم قدامو ؟؟؟

ود الصايم .. امنع الفوضى !!
انت معاناااا ولا مع الخيانة ّّ؟؟؟






ـــــــــــــــ
انت ود البشرى دا لما رجعوا حلف ؟؟؟

عزام يا صديق
شفت قلب ام قلب دا ؟؟
يعنى ايهما احسن تتعلم عشوائى
وذلك اضعف الايمان !
ولا ما تتعلم كلو كلو ؟؟

قلب ام قلب دا داير لى
مسدار مسدارين !!

عبد الناصر !!!
والله اريتها كان اكلتنا ,,
على قول النكتة الشهيرة ..


يا عزام ..
دايما هم حوارهم بغلب الشيخ ..
لكن هى دارفور دى مش جوة البلد ؟؟
يعنى الاسهل يقبضوا ليهم الناس بالمداعى ؟؟ خجلتتتنا !

صباح الورد ياوطن
الانيق طه الملك !
وتاملت ؟؟؟؟ شوفت قلب ام قلب دا ؟
البلد تفتقد سماع مثقفيها .. وحشنا صوتهم ..
عايزين نسمع بى اضنينا بدل ما نحن بنقرا بيهم كدا !
لووووووووووب .

احمد ابن عوف !
قلت لى مساكين ما معانا ؟؟
برلمان بتاع كلو ياخ ..

احسن ذاتو انو ما معاهم غرباء يتشاكلوا
معاهم يتشاكلوا فى ى ى روحهم دى !
ربى واشغل اعدائى عنى بانفسهم

ورب ضارة نافعة مش نافع ..

عبد الناصر !!
عارف بتاعين الصحة فى نيالا ناكرين الحميات دى كلو كلو
وغالطوا بتاع الاحداث لما اتصلوا بي يعنفوه على
المين شيت بتاعهم .. اها ديك ما كضبوا جابو ليهم الاحصائية
من المستشفيات !!

فعلا يا ناصر لو البرلمانات دى امها بت عم ابوها
اووووول شىء تناقشوا الميزانية بتاعت الدفاع الاكبر من
التعليم والصحة ودعم الكهربا والموية والسكن ...

دينا
يا بتي خلي السياسة دي و تعالي لينا راجعة لينا في ربة العود دييييك
بجيك ضغط وللا هارت اتتاك ساكت
...
ماسمعت بالغنية (أنتا أحلف لييييييييييييي....وأنا احلف ليك..وانا احلف ليييك)
مع الاعتذار للاغنية الاصلية

دينا خالد

تحياتي

Quote: وتم في الجلسة التي ترأستها القيادية في الوطني سعاد الفاتح أكبر الأعضاء سنا انتخاب الطاهر بحصوله على 383 صوتا مقابل 26 صوتا لمرشح حزب المؤتمر الشعبي إسماعيل حسين فضل عيسى من جملة 420 عضوا شاركوا في عملية الاقتراع السري وفقا للائحة تنظيم أعمال المجلس فيما أتلف 11 نائبا بطاقاتهم، وقالت سعاد «إن السودان يواجه بتحدي الوحدة الذي يجب مقابلته بالفكر والعمل والتخطيط».

....في واحدة من المانشيتات: المؤتمر الشعبي (يفاجيء)الوطني بخمسة أعضاء في البرلمان....

دي (المفاجاءات)ولا بلاش

Quote: زمان قالوا ناس كسلا بحلفوهم بى ستى مريم وسيدى الحسن هسه قال ليك ناس سيدى لا شىء (صفر)

....دا طبعا (بلنتي) لكن حنمشيهوا لصالح (الهجمة)....

Quote: ادوا القسم امام رئيس الجمهورية فى الايام السايقة

السايقة واصلة يا بت خالد
وسوقني معاك.. وقف وقف وسوقني معاك

مشتاقين يا دينااااااااااااااااااااااااااااااااااااااا

دينا خالد

تحياتي...


تفوزوه...وتخرخروا من القسم!!!
اها الحا يقسم قدامهم الرئيس زاتهم ما اقسموا
وكان اقسموا اقسموا قدام منو؟؟


المفروض البحلفوا الرئيس ديل يطوفوا بي عربية مكشوفة
حلة حلة ويحلفوا...نقسم بالله العظيم نحن نحلف الرئيس صحي صحي...ونخت
ليه مصحف عديل كدي في تربيزة...ونشوفوا خت ايده ونسمعوا قال ورانا
او الرئيس يحلف في التلفزيون..

زي ما جاءنا البيان التالي:

Quote: المين شيت بتاع الاحداث امس كان

فعلا مين شيت!



بمناسبة .. ود البشرى رجّعوهو لما حلف!
ما حلّفوهو لما رجع .. وشتان ما بين قبل وبعد!

Quote: فعلا مين شيت

حاسب علي المعيار يا ودالصايم...

ما شفت المين شيت في المين رود؟؟؟

قلب ام قلب

القتلة يفرون (ياكلون الحصرم) وبقية المظاليم فى كوبر
( يضرسون) بالاجراءات التشددية عقب فرار الفارين ...

Quote: رئيس جمهورية كامل الدسم بى حليفتو ..

سلام يا دينا
ياخي ما تخلو غموض ناس القانون ده.يعني هسع إنحنا نقدم طلب تفاصيل ولا شنو عشان نفهم الحتة الفوق دي.
الحلايف كتيرة ياخ أنتي قاصدة ياتو حليفة: اليمين الدستورية ولا يمين الطلاق؟

تسلمي

اخ دينا
ينصر دينك ...

Quote: (الولاة) المنتخبين ( على الايمان مافى زول يقول حاجة ) !

بدل ما تطعني في أهلية الوالي المنتخب
شوفي لينا المنتخب السوداني بتاع الكورة ده مين الانتخبو؟

Quote: ادوا القسم امام رئيس الجمهورية فى الايام السايقة ... اها الليلة بقرا فى الجريدة اتضح انو رئيس الجمهورية ذاااتو ما حالف

كفاية أنو الرئيس حالف بالطلاق ... مايجرب لحسة كوعو

مطلوب فتوى


إنتوا يا أخوانا الحليفة بتجدد كل كام سنة ولا هي أزلية ؟؟

ممكن حد يفتينا في الحاجة دي

بالمناسبة بتاعت حليفة الطلاق .. عندي ليكم نكتة

واحد دمه خفيف عاوز يجنن مرتو قام شال ليك عقد الزواج وقعد يقلب فيهو يمين وشمال قدام المرة

وقال والله حاجة عجيبة

المرة قالت ليهو في شنو

قال ليها بفتش لتاريخ الإنتهاء في العقد ما عارف نسوا يكتبوه ولا شنو


المرة نططت عيوناتا قدر الريال أب عشرة


مع تحياتي

عاصم فقيري