Post: #1
Title: اي محولجي حتي ولو كان في حجم جليفر يقدر ان يحولنا الي "ديمقراطية"
Author: abubakr
Date: 05-25-2010, 06:35 AM
من خلال وسائط اتصال متعددة في هذا الزمن وصحف واذاعة وكتب شاهدت وسمعت وقرءت عن تطبيق "ديمقراطية" في بريطانيا والولايات المتحدة والهند وفرنسا والمانيا .. ومؤخرا تابعت تطبيق "ديمقراطية" في بريطانيا في مراحل متعددة صارت بانسياب وشفافية وفي دقائق غاب الرئيس الذي كان يملا صوته الاذان واتي اخر .. كلها عشرون دقيقة بين ان اعلن براون وهو في معية زوجته وطفليه من امام تن دواننغ استريت انه سيستقيل وذاهب الي الملكة ليقدمها وسقترح عليها اسم الرئيس القادم والذي حاز حزبه علي الاغلبية وبين وصول كاميرون الي تن دواننغ استريت ليقول للصحفيين انه قابل الملكة وقبل ان يكون الرئيس القادم ثم فتح الباب ودخل الي تن دواننغ استريت ليبدء عمله ....بعد ذلك وفي ظرف 30 دقيقة كان بروان واسرته في طائرة متجهة الي مدينتهم في اسكتلندا ولم نسمع عنه بعدها .....
وقبلها شاهدنا كيف ذهب بوش واتي اوباما الي البيت الابيض وكيف ذهب شيراك واتي ساركوزي وكيف ذهب المستشار الالماني واتت ميركل وهكذا ....
لا زحمو ولا هوجةولا بايعناك ونحن وراك ولا بالروح بالدم ولا يفط ولا مظاهرات ولا اعتقالات ولا رقابة قبلية ولا بعدية ...
وبرضو نقول اننا "نتحول الي الديمقراطية " اها بمفردات اولاد السكة حديد الذي انا منهم "اي محولجي حتي ولو كان في حجم جليفر يقدر ان يحولناالي ديمقراطية....؟ "
عموما :
شنو يعني ديمقراطية ؟؟
هل :ديمقراطية" انواع ؟
هل "ديمقراطية" قابلة للتجزئة بحيث نقول "بعض من ديمقراطية " ؟
هل "ديمقراطية" تسبقها حالة تسمي "مرحلة تحول الي ديمقراطية " ؟
هل الانتخابات دليل "ديمقراطية" ؟؟
هل يلزم في "ديمقراطية" الاهتمام بالاقليات فذا كان ذلك ايجابا فكيف النظام الامريكي كان "ديمقراطيا" حين كانت الاقليات الملونة ومن اصول افريقية تعامل مع الحيوانات معا والي فترة زمنية قريبة لم تتجاوز ست عقود ؟؟
هل وجود احزاب ضرورة "ديمقراطية" ؟
هل تقبل "ديمقراطية" مقولة "لدينا حالة خاصة" او "مجتمعنا له خصائص تختلف عن الباقيين " ؟؟؟
___________
|
Post: #2
Title: Re: اي محولجي حتي ولو كان في حجم جليفر يقدر ان يحولنا الي "ديمقراطية"
Author: حبيب نورة
Date: 05-25-2010, 06:59 AM
Parent: #1
ابو بكر
نهارك ابيض!
|
Post: #3
Title: Re: اي محولجي حتي ولو كان في حجم جليفر يقدر ان يحولنا الي "ديمقراطية"
Author: Mahassin Ibrahim
Date: 05-25-2010, 07:16 AM
Parent: #2
ابوبكر : حياك الله.
عنوان بوست في غاية الظرافه ويحكي في نفس الوقت ماساه او ملهاه يعجز القلم عن وصفها .
الديمقراطيه في دول العالم الاول او ان اسميها العالم الراقي (( الرقي اكتيوه يالممارسه واحترام الاخرين ))
هولاء القوم تعلمو قبل كل شي احترام بني ادمية الانسان وحولوه لفعل .....الشعب اختار :
اذن وفي لمح البصر وداعا لاكبر هرم ومرحبا بالقادم الجديد وكان ذلك لم يكن.
لكن الحال في عالمنا الثالث لا يشبه ذلك باى حال من الاحوال.
وكما قال احد الظرفاء عن الروساء العرب كمثال :
((لايمكن ان نسمع بمغادرة احد هولاء الحكام من منصبه الا الي القبر)) .
|
Post: #5
Title: Re: اي محولجي حتي ولو كان في حجم جليفر يقدر ان يحولنا الي "ديمقراطية"
Author: abubakr
Date: 05-25-2010, 08:52 AM
Parent: #3
| Quote: عنوان بوست في غاية الظرافه ويحكي في نفس الوقت ماساه او ملهاه يعجز القلم عن وصفها . |
والله يا محاسن اها بنطلع مظاهرات خمسين سنة واكتر مرات داون داون يو اس اي ومرات ويستمنستر ذاتها ومرات دوان دوان تكمبلباب ودة كدة لله في الله مخوف الحيكومة ( قرءت مؤخرا في كتابات لرجل عظيم رحل "صالح محمود اسناعيل " انو في زيارته مع زملاءه لغرب السودان بعد ثورة اكتوبر وجد ان اهلنا في الغرب كانو يضحكون عندما يرون كيف الحيكومة خايفة من تمبلباي والراجل كان في حالة شلش وقالو والله لو سمحتو لينا بنرسل ليهو مية بس من المساليت ونخلص منو ) ..اهامظاهرات وجلد وناس اسجنت وناس بيوت اشباح ومشانق ودفاع شعبي وخدمة الزامية ونيفاشا ومفوضية انتخابات وصناديق وكارتر وطيارات وعربات وحفلات وحفلات غنن فيها ناس رماز واسرار وكتار وقال ده التحول الديمقراطي وامس اها اجتمعو نفس البني ادميين الكانو قبل 11 ابريل في نفس القاعة ( مع تغيير في بعض الكومبارس ) وقالو رئيس المجلس انتخبناها تاني ويادار ما دخلك شر ......جليفر شنو دة الرجل للاخدر ذاتو ما يحول ...
|
Post: #4
Title: Re: اي محولجي حتي ولو كان في حجم جليفر يقدر ان يحولنا الي "ديمقراطية"
Author: هواري نمر
Date: 05-25-2010, 07:21 AM
Parent: #2
Quote: عموما :
شنو يعني ديمقراطية ؟؟
1-هل :ديمقراطية" انواع ؟
2-هل "ديمقراطية" قابلة للتجزئة بحيث نقول "بعض من ديمقراطية " ؟
3-هل "ديمقراطية" تسبقها حالة تسمي "مرحلة تحول الي ديمقراطية " ؟
4-هل الانتخابات دليل "ديمقراطية" ؟؟
5-هل يلزم في "ديمقراطية" الاهتمام بالاقليات فذا كان ذلك ايجابا فكيف النظام الامريكي كان "ديمقراطيا" حين كانت الاقليات الملونة ومن اصول افريقية تعامل مع الحيوانات معا والي فترة زمنية قريبة لم تتجاوز ست عقود ؟؟
6-هل وجود احزاب ضرورة "ديمقراطية" ؟
7-هل تقبل "ديمقراطية" مقولة "لدينا حالة خاصة" او "مجتمعنا له خصائص تختلف عن الباقيين " ؟؟؟ |
باشمهندس..
تحياتي واحترامي..
تعرف يا عمنا ابوبكر, كلو سؤال محتاج لي بوست لوحده,وعايزة كم وكيف من ناس العلوم السياسية والادارة,الا مشكلتنا في بلدنا و(الزائد الطين بلّه),حا تسمع ومن كتير من الناس
تعليقا علي الحكومة واي حكومة قاعدة في بلدنا عبارة قاتلة جدا:
(ياخي جناّ تعرفو آخير من جناً مابتعرفو) والاشد ايلاماً وقتلا:(الناس دي قاعدة وشبعت,أحسن لينا من نجيب ناس تاني,يبدأو ياكلو من الآول)
اها كلام زي ده,قاعد ينسف لي آي كلام عن(تدوير الحياة وديمومتها)و( اذا دامت لغيرك لما آلت اليك)..وخلق الانسان والتكاثر وارسال الرُسل والانبياء....وووو
بالجد حاجة تحير,انو نكون خانعين لدرجة زي دي...
ومعاك في انتظار الاجابات
أو بعض منها...
___
عملت ارقام للاسئلة,من عندي
|
Post: #6
Title: Re: اي محولجي حتي ولو كان في حجم جليفر يقدر ان يحولنا الي "ديمقراطية"
Author: abubakr
Date: 05-25-2010, 09:02 AM
Parent: #4
سلام يا هواري ...
Quote: (ياخي جناّ تعرفو آخير من جناً مابتعرفو) والاشد ايلاماً وقتلا:(الناس دي قاعدة وشبعت,أحسن لينا من نجيب ناس تاني,يبدأو ياكلو من الآول)
اها كلام زي ده,قاعد ينسف لي آي كلام عن(تدوير الحياة وديمومتها)و( اذا دامت لغيرك لما آلت اليك)..وخلق الانسان والتكاثر وارسال الرُسل والانبياء....وووو |
بعد هوجة الحاجة السموها انتخابات دييك انا كتبت عن "احسن السيئين" وهذا مصطلح نجروه بعض اهل السودان من البسموهم "نخبوية " و"متعلميين " تبريرا لا نتهازية وفشل دماغي .. فليس في امر البلاد والعباد ومستقبلهم من يكون عاقلا وياتي بسئ عمدا ليحكمه بحجة انه احسن السيئين ... .. كيف احسن السيئيين ؟؟
|
Post: #7
Title: Re: اي محولجي حتي ولو كان في حجم جليفر يقدر ان يحولنا الي "ديمقراطية"
Author: abubakr
Date: 05-25-2010, 09:08 AM
Parent: #2
نهارك قشطة (دي من ماكولات الصفة في الصعيد الجواني ) يا الجالس القرفصاء .... قالو فتحت مطعم نيلي والماكولات البحرية مجانا بس الشاي مكلف..
|
Post: #8
Title: Re: اي محولجي حتي ولو كان في حجم جليفر يقدر ان يحولنا الي "ديمقراطية"
Author: أحمد الشايقي
Date: 05-25-2010, 10:33 AM
Parent: #7
| Quote: انا كتبت عن "احسن السيئين" وهذا مصطلح نجروه بعض اهل السودان من البسموهم "نخبوية " و"متعلميين " تبريرا لا نتهازية وفشل دماغي .. فليس في امر البلاد والعباد ومستقبلهم من يكون عاقلا وياتي بسئ عمدا ليحكمه بحجة انه احسن السيئين ... .. كيف احسن السيئيين |
هي يا عزيزي أبو بكر مبررات اعتذاريـة توصـل إلى جني ثمار الانتهازية وتبرير العقم الفكري
لك التحيـة
أحمد الشايقي
|
Post: #9
Title: Re: اي محولجي حتي ولو كان في حجم جليفر يقدر ان يحولنا الي "ديمقراطية"
Author: محمد حسن العمدة
Date: 05-25-2010, 10:42 AM
Parent: #8
اخشى ما اخشاه ان يصبح حال السودان كحال السكة الحديد
والتحية لمحولجية السكة الحديد الذين قبضوا على جمر القضية حتى طالتهم سياسات النظام الغاشم
والتحية لمحولجية السكة الحديد الذين حولو من قبل حياتنا الى تواصل وتعاضد وتكاتف وتعايش
والخزي والعار لجلادي الشعب
شكرا يا ابو بكر
|
|