Post: #1
Title: القيد الصحفى دا شنو ؟
Author: قرشى محمد عبدون
Date: 05-25-2010, 00:05 AM
القيد الصحفى دا شنو ؟ تعرف ليك كلمتين بالعربى وكلمتين بالانقليزى والباقى هباب ساكت
والله استلام بطاقة اتحاد الصحفيين اصعب من امتحان القيد الصخفى
البيعذبو بيهو خلق الله ساى
اى تلميذ خريج مرحلة ثانوى ممكن ينجح فيهو
بالواضح اى زول قارى نايل كورس ولا اسباين بطريقة صحيحة
وعارف شوية نحو وصرف وبيقرأ الصحف اليومية ساااكت كدى
مش يكون كمان اشتغل في صحيفة لمدة ستة شهور للتدريب ممكن يجتاز الامتحان بمززززاج
لامن يكون فى نظام صحفى حقيقى وقوانين حقيقية تعالو حاكمو الناس دى بيها
بلى يخم الصحافة وقوانين الصحافة المهترئة
امن قومى قال..البلد مشلعة من جهاتها الاربعة يقول ليك الامن القومى
|
Post: #2
Title: Re: القيد الصحفى دا شنو ؟
Author: قرشى محمد عبدون
Date: 05-25-2010, 03:49 PM
Parent: #1
القيد الصحفى كقيمة اكاديمية لاتعنى شئ
|
Post: #3
Title: Re: القيد الصحفى دا شنو ؟
Author: قرشى محمد عبدون
Date: 05-26-2010, 02:25 AM
Parent: #2
مهنة الصحافة مثلها مثل الطب فيهاالتحليل و التشخيص والتشريح والفحص وصرف روشتات ومتابعة
الخ وهى من اشق المهن على الاطلاق ..انت قايلو سمبلا يا طالب الاعلام
وعدم اجتياز طلاب كليه الاعلام لامتحان القيد الصحفى يرجع لضعف كليات الاعلام والتعليم عموما
وللاسف معظم الذين يتجهون لدراسة الاعلام يدخلونه لتدنى درجاتهم فى الشهادة السودانية
وهذا خطا كبير و بيفتكروا انومجال او حقل الاعلام حقل سهل.والاعلام مهنة من لا مهنة له.والحقيقة غير ذلك
اسالو االدولة لماذا تخرج كليات الاعلام طلاب غير مؤهلين ..؟؟
|
Post: #4
Title: Re: القيد الصحفى دا شنو ؟
Author: ذواليد سليمان مصطفى
Date: 06-14-2010, 01:55 PM
Parent: #3
| Quote: .انت قايلو سمبلا يا طالب الاعلام |
بعد الذين يمتلكون القيد الصحفي بالمشاهرة
اذا تم استجوابهم للعمل الصحفي فيكونوا ضحايا الاعلام
ونجد اشخاص تم منحهم القيد الصحفي
وهم لا يجديون اللغتين
واهم شئ في الاعلام اللغات..!
|
|