فـوق

فوق هذه المرة ليس مقصوداً بها أن يبقى البوست عالياً

لكنها فوق بتاعة الضٌمَنة (الدومينو) حينما لا يكون عند صاحب الورق لعب
فيقول (فوق) كناية عن إنه مجلّي ، يعني برة اللعب..

منذ مدة وأنا مصاب بهذه الفوق الأخيرة..
أمر وأقرأ مجموعة من البوستات لكنني لا أجد كلاماً أكتبه..
ليس بسبب انعدام التعليق ولكنني أحس في الغالب أن الأمر أكبر
من أن تعبر عنه الكلمات، فأغادر البوست إلى غيره وفي القلب شيٌ من حسرة..
حسرة أن تكبر مشكلاتنا حتى نعجز أن نعبر عنها بكلماتنا.. وحسرة أن نقرأ عن ممارسات لا نجد
اللغة التي تسعفنا لكي نعبر بها عن هذه الممارسات والأفعال التي
ما كنا نتوقع أن تصدر من مجتمعاتنا في يومٍ من الأيام..
هل مر أحدكم بمثل هذا الشعور الذي ينتابني هذه الأيام... شعور الإصابة بهاء السكت؟

الشفقة فوووق كم يا زول !
مالك قول بسم الله ههه
إنت داير شنو يا زول

Quote: إنت داير شنو يا زول

داير اتكلّم معاكم
داير أعـــبّر
مــاني قادر..

Quote: Quote: داير اتكلّم معاكم داير أعـــبّر مــاني قادر.... والله بالجد في الفترة الفاتت كان في إحباط بعد الإنتخابات بس النصيحة يازووول.. رش البوستات دي من طرف , ما تخلي ولا زول غلطان إلا وترد ليهو , وتوري الغلط عشان البورد يتصلح ..... ولا شنو يا عمك يالا قول بسم الله ... وراجع بوست الدكتور الناس كالأرض ومنها هُُمُ --- فمن خَشنِ الطبع ومن ليِّنِ...ن التعامل مع الناس )

---

Post: #7 Title: Re: فـوق Author: Nasruddin Al Basheer Date: 05-25-2010, 06:57 AM Parent: #6 Quote: والله بالجد في الفترة الفاتت كان في إحباط بعد الإنتخابات بس النصيحة يازووول.. رش البوستات دي من طرف , ما تخلي ولا زول غلطان إلا وترد ليهو , وتوري الغلط عشان البورد يتصلح ..... ولا شنو يا عمك تحياتي يا أبو حميد فترة ما بعد الانتخابات فعلاً كانت محبطة والآن بنمر بفترة خوف وهواجس من الذي سيحدث للسودان في فترة ما قبيل وبعد الانفصال.. برغم ما حدث وما سيحدث للسودان لكن هناك بعض الناس ما زالوا يكابرون ويتجملون في كذبهم ونسوا الأمر بالمعروف والنهي عن المنكر، وأصبح الناطقون بالحق (في نظر البعض) مجرد عملاء ومأجورين.. كل ذلك يحدث ونحن لا نعي حجم المصيبة التي ستحل بالسودان.. عشان كده الواحد بقول السكوت أفضل من الكلام طالما الكلام لا يقدم ولا يؤخر..

---

Post: #8 Title: Re: فـوق Author: محمد عبد الماجد الصايم Date: 05-25-2010, 07:34 AM Parent: #7 يا عمكـ متذكر بوستيكـ الزمان بتاع رعاية البوستات؟

---

Post: #9 Title: Re: فـوق Author: Nasruddin Al Basheer Date: 05-25-2010, 09:03 AM Parent: #8 Quote: متذكر بوستيكـ الزمان بتاع رعاية البوستات؟ بالحيل بتذكروا.. بس المرة دي يا ود الصايم المسألة مختلفة خالص الحكاية بقى فيها بكم عديل كده وبعدها صهينة.. تقرا وتشتت.. وما تقدر تقول أي حاجة، يظهر الخجاجين كتبوا أخوك.. بقولوا آيات الله هدن الجبال... إنت قايل الهكر البجي ده شنو.. ما رتينزات!