Post: #1
Title: سـبّ الـديـن
Author: مُحَمَّدٍ عِوَضٌ احْمَدُ
Date: 05-23-2010, 04:14 PM
عادة معلومة وذميمة طبعا لـ بعض السودانيين..العندو دين والماعندو..سب الدين فى حالات الغضب او الانفعال..والضيق..لا يسلم..الا القليل..وابدا العادة الغريبة دى ما مرتبطة ب قبيلة محددة..كما يشاع..ناس كتير بتجر دوادى..عينى عينك..!
كل خطوات التعليم والوعى الدينى وكثرة المساجد وتنوع الخطب الاسبوعية..
لم تفلح فى معالجة ذلك الأمر ..
فى القانون الجنائى هناك مادة تعاقب من يسب العقيدة..ولكن قليل جدا ما يتم
القبض على شخص لأنه قام بذلك الفعل..يتسامح الغالبية فى ذلك الأمر..البتشدد طوالى
بطلعوهو زول بتاع حجة وراكب راسو زى كبسور الشخصية الدرامية المعروفة
|
Post: #2
Title: سـبّ الـدين
Author: مُحَمَّدٍ عِوَضٌ احْمَدُ
Date: 05-23-2010, 05:49 PM
Parent: #1
المهم قبيل فى صف طـــــــــــــــــــويــــــــــــل فى نص الشمس الحارة دى..واحد خريج.. صلــعتو.. واخلاقو..الاتنين..فى النوص.. يكتح
فى السجاير واحدة ورا التانية.. منتظر من 8 صباحا الى 12..يدوهو شهادتو..وكل مرة تظهر فيها مصيبة
الموظف يرجعا ليهو..اخر حاجة قال ليهو:
.يازول اتا ما كنت مقبول سنة93 فى جامعة..الجزيرة..امشى جيب لينا افادة.بأنك استقلتا من الكلية.لو سمحت..!
زولنا اتلفت جاى وجاى..صرف للناس القاعدين كلهم..اصلو ما فرز
بنات على اولاد فى كل الصفوف..عساكر على موظفين
كل الشبابيك اخدت حقها..وزول فينا قال بغم مافى..
العسكرى اظنو لحدى هسه فاتح خشمو
|
Post: #3
Title: Re: سـبّ الـديـن
Author: jini
Date: 05-23-2010, 06:05 PM
Parent: #1
Quote: كل خطوات التعليم والوعى الدينى وكثرة المساجد وتنوع الخطب الاسبوعية..
لم تفلح فى معالجة ذلك الأمر .. |
سأل الحجاج اعرابى عما ادا كان يحفظ شيئا من القران فاجاب الاعرابى بنعم فطلب منه الحجاج ان يقرأ عليه ما تيسر فاستهل الاعرابى: إذا جاء نصر الله والفتح ورأيت الناس يحرجون من دين الله أفواجا ...) فقاطعه الحجاج ويحك يدخلون ولكن الاعرابى فاجاءه قائلا "فى زمنك يخرجون"
هؤلاء الفتية من آل إنقاذ يتوارى الحجاج خجلا من فجورهم متراجعا الى الصفوف الخلفية!!
ياخ ناس الانقاذ ممكن تسب ليهم الدين مكعب بالمليارات وانت موقن تماما انهم لا ينتمون الى اى من الديانات السماوية او الارضية!
يا زول سب سبك كما يسب الميكنيكى ماكينة فلكسواجن اكل الدهر عليها وشرب وبال!
جنى
|
Post: #4
Title: Re: سـبّ الـديـن
Author: osman righeem
Date: 05-23-2010, 06:40 PM
Parent: #3
جكنوس الميكانيكي
كان مقتنع تمام انه الدين ده
لازم يمشي بالصراخ عليه
ياخ الحديد فيه باس شديد
انت يامحمد شفته منفلة الكومر؟؟؟
|
Post: #6
Title: سـبّ الـدين
Author: مُحَمَّدٍ عِوَضٌ احْمَدُ
Date: 05-23-2010, 09:03 PM
Parent: #4
اخونا عثمان
مساء النور
ياخى كيفن ما بعرفو..؟
الكومر البجى يشيل الرملة من القوز
وبدورهو.. بالجنبة..!
Quote:
انت يامحمد شفته منفلة الكومر؟؟؟ |
|
Post: #5
Title: سـبّ الـدين
Author: مُحَمَّدٍ عِوَضٌ احْمَدُ
Date: 05-23-2010, 08:45 PM
Parent: #3
مراحب جنى
والله شفت كتير من الشباب قبيل..بسب..ماعارف لو كان دا الاسلوب الصحيح
للتعبير عن الغضب والخيبة..بس بصراحة اخوك
شخط كمان....عشان ما اعمل ليكم فيها نبى برضو
وكده
Quote: سأل الحجاج اعرابى عما ادا كان يحفظ شيئا من القران فاجاب الاعرابى بنعم فطلب منه الحجاج ان يقرأ عليه ما تيسر فاستهل الاعرابى: إذا جاء نصر الله والفتح ورأيت الناس يحرجون من دين الله أفواجا ...) فقاطعه الحجاج ويحك يدخلون ولكن الاعرابى فاجاءه قائلا "فى زمنك يخرجون"
هؤلاء الفتية من آل إنقاذ يتوارى الحجاج خجلا من فجورهم متراجعا الى الصفوف الخلفية!!
ياخ ناس الانقاذ ممكن تسب ليهم الدين مكعب بالمليارات وانت موقن تماما انهم لا ينتمون الى اى من الديانات السماوية او الارضية!
يا زول سب سبك كما يسب الميكنيكى ماكينة فلكسواجن اكل الدهر عليها وشرب وبال!
جنى |
|
|