Post: #1
Title: مقاطع فيها جروح وعذابات روح
Author: رشا بابكر
Date: 05-22-2010, 08:10 PM
مقطع أول:
غلطة عمر
ببكي الزمان الشال هناي
خلاني أفتش للصبر
ضاع الأمل والأمنيات
وطعم السعادة لقيتو مر
أهديتم الفرح الجميل
ورموني في بحر الجمر
مقطع ثاني:
أخلصت ليك كملت فيك حدالوفا
وفتحت شرفات الأماني والمباهج والصفا
وحفظت ودك في الصميم
وكانت نهاية الود جفا
مقطع ثالث:
قاسي لمن زول تريدو
وتصعب السكة التودي
تشتهيهو
وتبقى تشتاق لو تجيهو
وتمشي اشواقك تعدي
ويبكي ويحضن لي جراحو
والدموع ياريت بتجدي
أصلو خايف
وقلبو واجف
وبرضو قبلان التحدي
|
Post: #2
Title: Re: مقاطع فيها جروح وعذابات روح
Author: منال
Date: 05-22-2010, 08:20 PM
Parent: #1
اQuote: أخلصت ليك كملت فيك حدالوفا
وفتحت شرفات الأماني والمباهج والصفا
وحفظت ودك في الصميم
وكانت نهاية الود جفا |
قولي ليهو
لابجيك لابستجير
لامفاتيح قلبى عندك
لاهواك اخر المصير ....
Quote: قاسي لمن زول تريدو
وتصعب السكة التودي
تشتهيهو
وتبقى تشتاق لو تجيهو
وتمشي اشواقك تعدي
ويبكي ويحضن لي جراحو
والدموع ياريت بتجدي
أصلو خايف
وقلبو واجف
وبرضو قبلان التحدي |
لو جربت الشوق زى شوقنا
كنت فردت جناحك وجيتنا
لو قاسيت زى ماقاسينا
كنت سليت الناس وهويتنا
ولو لي لحظة عرفت غلاوتك
زى مانعزك ....كان عزيتنا ....
مودتى يارشا ...
|
|