Post: #1
Title: صباح الخير الخرطوم
Author: saif massad ali
Date: 05-22-2010, 08:31 AM
Parent: #0
خليل إبراهيم: القذافي يقف على مسافة واحدة بين الفرقاء السودانيين
22nd, May 2010, 9:19 am
زعيم «العدل والمساواة» طالب القطريين بمراجعة مواقفهم
قال الدكتور خليل إبراهيم، رئيس حركة العدل والمساواة كبرى الحركات المتمردة في دارفور، إن محاولات منعه من دخول المناطق التي تسيطر عليها قواته في دارفور لن تنجح، في وقت سعت فيه السلطات السودانية أمس إلى إقناع ليبيا بطرده من أراضيها وعدم تمكينه من الدخول إلى معقل الحركة عبر الأراضي الليبية. وامتنعت ليبيا أمس عن التعليق بشأن وجود الدكتور خليل في أحد فنادق العاصمة طرابلس، لكن مصادر ليبية قالت لـ«الشرق الأوسط» إن مشاورات مكثفة تجرى حاليا بين طرابلس والخرطوم للتوصل إلى حل لإنهاء هذه الأزمة.
وكان زعيم الحركة الشعبية الذي تقطعت به السبل، بعد منعه من الالتحاق بقواته عن طريق تشاد، لجأ إلى ليبيا، في وقت تحاول فيه عدة جهات دولية وإقليمية إقناعه بالذهاب إلى الدوحة لمواصلة المفاوضات مع الخرطوم، في وقت يضغط فيه الرئيس السوداني عمر البشير بشدة من أجل إقناع ليبيا بعدم السماح له بالعبور إلى دارفور عبر أراضيها. وطلب السودان من جميع دول الجوار عدم استضافة خليل. وأجرى البشير مساء أول من أمس اتصالا هاتفيا، مع الزعيم الليبي العقيد القذافي بعد يومين فقط من قيام وزير الرئاسة السوداني الفريق الركن بكري حسن صالح بنقل رسالة خطية من البشير إلى القذافي لدى لقائه الدكتور البغدادي المحمودي رئيس الحكومة الليبية.
في المقابل، قال الدكتور خليل إبراهيم في تصريحات نقلهاعنه لـ«الشرق الأوسط» الناطق الرسمي باسم الحركة أحمد حسين آدم، إن ليبيا، وزعيمها القذافي، تقف على مسافة واحدة من جميع الأطراف السودانية، ودعا قطر إلى مراجعة مواقفها فيما يتعلق بمنبر التفاوض لحل الأزمة في دارفور. ولم تعلن السلطات الليبية رسميا عن وصول خليل إلى أراضيها، بينما كان متوقعا أن يكون قد التقى العقيد القذافي، الرئيس الحالي للقمة العربية في ساعة متأخرة من مساء أمس.
وبدا أن خليل الذي تربطه صلات قوية بالقيادة الليبية لا يريد إثارتها عبر الإدلاء بتصريحات إعلامية أو صحافية من الأراضي الليبية، حيث امتنع عن الإدلاء بأي تصريحات منذ رجوعه مضطرا من تشاد.
لكن أحمد حسين آدم، الناطق الرسمي باسم الحركة، نقل لـ«الشرق الأوسط» في اتصال هاتفي من العاصمة البريطانية لندن عن الدكتور خليل قوله إنه لم يرتكب أي خطيئة في حق تشاد أو شعبها، لافتا إلى أنه يكن كل تقدير للشعب التشادي الذي يستضيف أكثر من 300 ألف لاجئ سوداني.
وأضاف «لن نتنازل عن حقوق الشعب، ورغم الطريقة التي يتعاملون بها مع الحركة فإنهم لن يتمكنوا من ابتزازها، وعلى القطريين أن يراجعوا موقفهم في مسألة الحيادية وعدم الانحياز لأي طرف، وإذا كانوا فعلا يريدون الحركة في المنبر فعليهم أن يسهلوا مع الآخرين رجوعي إلى الميدان». كما نقل آدم لـ«الشرق الأوسط» عن الدكتور خليل قوله «ما زالت المشاورات مع مصر جارية، وأنا على يقين من أن مصر ستدعم العملية السلمية إذا كانت جادة». وبشأن العلاقات مع ليبيا قال رئيس حركة العدل والمساواة «نقدر عاليا موقف القائد القذافي لأنه موقف نبيل، وهو يثبت أنه على مسافة واحدة من كل أطراف النزاع في السودان».
من جهته، قال آدم لـ«الشرق الأوسط»، إنه «على الرغم من أن الدكتور خليل رئيس الحركة بعيد عن الميدان، فإن معنوياته عالية وممتازة، والحركة تدير شؤونها في غيابه بكل حنكة، ولن يكون هناك أي تفاوض في الدوحة قبل عودته إلى أرض الميدان في السودان». وتابع «(الرئيس السوداني عمر) البشير يكون واهما إذا تصور خلاف هذا، لا بد من تسهيل عودة الدكتور خليل إلى السودان للتشاور مع قواته وقياداته»، مشيرا إلى أن ليبيا تلعب دورا إيجابيا في إيجاد حل للنزاع في دارفور، ودورها يحتم عليها أن تقف محايدة
|
Post: #2
Title: Re: صباح الخير الخرطوم
Author: ود الباوقة
Date: 05-22-2010, 08:37 AM
Parent: #1
ود عوج الدرب
سمعنا قالوا قوات خليل متمركزة قرب صالحة
نرجو تاكيد الخبر
|
Post: #3
Title: Re: صباح الخير الخرطوم
Author: saif massad ali
Date: 05-22-2010, 08:38 AM
Parent: #2
ود الباوقة
انتو وين
|
Post: #4
Title: Re: صباح الخير الخرطوم
Author: Faisal Elrasheed
Date: 05-22-2010, 08:42 AM
Parent: #3
Quote: سمعنا قالوا قوات خليل متمركزة قرب صالحة
نرجو تاكيد الخبر |
ود الباوقه ..
حاليا انا في اطراف سوق ليبيا ..معاي دفارين موز وتنكر مويه بارده ..
في انتظار الجماعه ديل ..
يا سيف ..
عزلته ليك الموز النجيض نجيض ..عشان تقدر تبلع وتهضم بسرعه ..
|
Post: #9
Title: Re: صباح الخير الخرطوم
Author: ود الباوقة
Date: 05-22-2010, 08:51 AM
Parent: #4
Quote: ود الباوقه ..
حاليا انا في اطراف سوق ليبيا ..معاي دفارين موز وتنكر مويه بارده ..
في انتظار الجماعه ديل .. |
عليك الله تاخذ لي 200 كيلو موز مستوي
و100 لوح تلج بارد
وتوزعا على الجماعة
وركز على الحجبات داير لي واحد حق عقرب
|
Post: #6
Title: Re: صباح الخير الخرطوم
Author: haroon diyab
Date: 05-22-2010, 08:45 AM
Parent: #2
ود عوج الدرب
سلامات
ياخي اخوك من الصباح منتظر
كل القوة ولغايت حسع مافي خبر.....!!!!!
مش وصولهم الليلة.....؟
المهم....
| Quote: للشعب التشادي الذي يستضيف أكثر من 300 ألف لاجئ سوداني. |
والله دي حارقاني شديييييييييييييييد
300 الف ....؟ طيب زولكم ده مايضحي عشانهم ويرجع للمفاوضات
في داعي للبشتنة دي.....؟
سلام
|
Post: #5
Title: Re: صباح الخير الخرطوم
Author: وليد محمد المبارك
Date: 05-22-2010, 08:43 AM
Parent: #1
اها نجري و لسع؟
|
Post: #7
Title: Re: صباح الخير الخرطوم
Author: ود الباوقة
Date: 05-22-2010, 08:47 AM
Parent: #5
وليد
انت لس ما جريت
مفروض تكون جريت من البارح بالليل
يعني من سمعت الخبر
|
Post: #8
Title: Re: صباح الخير الخرطوم
Author: humida
Date: 05-22-2010, 08:50 AM
Parent: #7
يا عمك القوات دي وصلت و لا قزازتك كملت ..
قالوا باقي ليهو شوية .. يعني كباية بيرة بتوصلهم ..
دفرة صغيرة .. 
|
Post: #10
Title: Re: صباح الخير الخرطوم
Author: saif massad ali
Date: 05-22-2010, 08:58 AM
Parent: #8
حميضة
Quote:
يا عمك القوات دي وصلت و لا قزازتك كملت ..
قالوا باقي ليهو شوية .. يعني كباية بيرة بتوصلهم ..
دفرة صغيرة |
هنا مافي شئ اسمو قزاز
ماسورة بي عداد يعني زي الموية بس الموية اغلي
|
Post: #11
Title: Re: صباح الخير الخرطوم
Author: ود الباوقة
Date: 05-22-2010, 09:48 AM
Parent: #10
| Quote: ماسورة بي عداد يعني زي الموية بس الموية اغلي |
عشان كدا قاعد تهضرب
اكتح يا عمك
|
Post: #12
Title: Re: صباح الخير الخرطوم
Author: humida
Date: 05-22-2010, 10:32 AM
| Quote: ماسورة بي عداد يعني زي الموية بس الموية اغلي |
و الله ايامك يا ود مساعد .. لو كنت في السودان كان عرقي العيش شقاك ..
|
Post: #15
Title: Re: صباح الخير الخرطوم
Author: ود الباوقة
Date: 05-22-2010, 10:41 AM
Parent: #12
حميدة
يا اخي اي زول لاجئ عنده
سرير وكمبل وعلبه سجاير كل يوم
وماسورة لها ثلاثة بزابيز
البزبوز الاول بيرة
البزبوز الثاني بيرة مخلوطة
البزبوز الثالث ويسكي صافي
علا ياحميدة زولك دا كان رجع السودان كان مرايسو تتطاقش
يعني زي ود عوج الدرب دا يكون بيفتح الثلاثة بزابيز مرة واحدة
|
Post: #13
Title: Re: صباح الخير الخرطوم
Author: saif massad ali
Date: 05-22-2010, 10:35 AM
ود الباوقة
Quote:
عشان كدا قاعد تهضرب
اكتح يا عمك |
انا كان قاعد اكتح
كان بقيت ليك في رقبتك
احتفالكم كان كيف؟
|
Post: #14
Title: Re: صباح الخير الخرطوم
Author: saif massad ali
Date: 05-22-2010, 10:40 AM
Parent: #13
حميضة
Quote:
و الله ايامك يا ود مساعد .. لو كنت في السودان كان عرقي العيش شقاك .. |
العرقي عندكم في الرياض شايلنو بالاكياس تهللو وتكبرو وتكتحو
جايبين خبركم
|
Post: #16
Title: Re: صباح الخير الخرطوم
Author: humida
Date: 05-22-2010, 10:46 AM
Parent: #14
و الله دا تطور .. خليت متابعة اخبار النسوان .. بقيت في ناس العرقي المساكين ديل ..
|
Post: #17
Title: Re: صباح الخير الخرطوم
Author: معتز القريش
Date: 05-22-2010, 10:47 AM
Parent: #13
طرابلس: لا يمكن السماح بإقامة طويلة لزعيم متمردي دارفور
قالت مصادر دبلوماسية ليبية: إن ليبيا أخطرت حركة العدل والمساواة أنها لن تسمح بإقامة طويلة على أراضيها لزعيم الحركة خليل إبراهيم بالبقاء طويلا على الأراضي الليبية وبحسب المصادر نفسها فإن السلطات بطرابلس أخطرت خليل إبراهيم بأن عليه تفهم دوافع الموقف الليبي وتقديره.
وفيما لم تكشف المصادر طبيعة الاتصالات الجارية ونتائجها النهائية أكد مقربون لرئيس العدل والمساواة أن خليل ومساعديه فشلوا في عقد لقاءات مع مسئولين ليبيين كبار كما فرضت السلطات الليبية سياجا من الإجراءات المرتبطة بحركة وفد المتمردين مما أدى لتذمر زعيم العدل والمساواة والوفد المرافق له.
وفي السياق نفسه أكد المتحدث باسم حركة العدل والمساواة أحمد آدم حسين أمس في اتصال هاتفي مع وكالة الأنباء الألمانية "إن الحركة الآن تجري مشاورات مع القيادة الليبية..
وستقرر بعد ذلك الخطوة القادمة لها ورفض آدم الحديث عما إذا كان هناك وسطاء أوربيون أو من الاتحاد الأفريقي يشاركون في المشاورات التي تجريها الحركة مع القيادة الليبية مكتفيا بالقول " نحن الآن نتكلم مع القيادة الليبية كما أحجم آدم عن إيضاح كيفية عودة زعيم الحركة والوفد المرافق له من قيادات الحركة لدارفور مؤكدا أنه "لا مجال للحديث مع الإعلام حول العودة لدارفور.
و قال المتحدث باسم الحركة أحمد حسين إن إبراهيم سيعود إلى دارفور من طريق آخر. ولم يخض في التفاصيل.
|
Post: #18
Title: Re: صباح الخير الخرطوم
Author: السيد أحمد إبراهيم
Date: 05-22-2010, 10:54 AM
Parent: #17
ياسيف مساعد
إنت زول محبط خالص خالص
ياخ أنا دخلت قلت صباح الخير الخرطوم يعني
الجماعة دخلوا الخرطوم ( بعد تطهير أم درمان )
ألقاك شغال قص ولزق .. وأنا الكنت فاكرك مسؤول
كبير في العدل والمساواة .. ألقاك زول عادي زينا
تلقط في الأخبار وتلصق .. ياخ بالغت والله
|
Post: #19
Title: Re: صباح الخير الخرطوم
Author: humida
Date: 05-22-2010, 11:15 AM
Parent: #18
| Quote: تلقط في الأخبار وتلصق |
بمناسبة تلصق دي ..
قالوا في واحد سكران حيران ذي اخونا ود مساعد دا .. مرتو قالت ليهو كان تاني ختيت البتاع دا في خشمك .. بدقك دق العيش ..
لا بعرف طلاق و لا اهلك و لا الاجاويد .. و الله ادقك لمن تقول شكرا ..
اها صاحبنا لبت ليك لبتا كدا مبالغة .. الي ان جاء احد الايام .. مطرة و جو مبالغة .. حزم امره سجن سجن غرامة غرامة ..
مش ضرب من البزبوز علي قولة ود الباوقة .. لمن جا راجع اتزلق ليك في موية المطرة .. كل ما يقوم صلعته تضرب في الحيطة و يتزلق ..
اها دخل البيت لقى الولية نايمة .. حمد ربه .. و شال ليهو كم لصقة كدا ووقف قدام المراية لكي يداوي جروحه ..
و مشى نام ..
الصباح الولية صحتو و شايلة المفراكة .. يا تعيس تاني مشيت سكرت .. قال ليها و الله ما سكرت .. قالت ليهو طيب اللصقات الملصقا في المراية دي شنو ..
|
Post: #20
Title: Re: صباح الخير الخرطوم
Author: الأمين عثمان صديق محمد
Date: 05-22-2010, 11:48 AM
Parent: #1
يا سيف الحكاية شنو يا زول من امبارح مالي المنبر بوستات
هي قوات ماشة تحارب وللا رحلة بورداب
طيب وين الصور 
|
|