Post: #1 Title: {بنجد اجوقا}...اروع القصائد النوبية...مع الشاعر الاستاذ ابراهيم عبده محمد...فيديو Author: Medhat Osman Date: 05-21-2010, 06:28 PM
الأستاذ / أبراهيم عبده محمد حامد او ابراهيم اوندي من أبنـــــــاء حلفا.أرض الحجر / عمودية دويشات / قرية أراشة شاعر نوبي مميز منذ صباه... بعد تخرجه من جامعة الخرطوم كلية الصحة عمل في مناطق حلفا والسكوت والمحس قبل ان يغترب.. يمتاز شعره بالحكم النوبية والسرد القصصي ويعود بمستمعيه الي حيث النيل والنخيل.... اشهر اعماله ملحمة الصمود عن اوندي او احمد خيري وقصة صموده ايام التهجير القسري... نعيش مع بعض قصائد هذا المبدع من صفحة الاستاذ ابوبكر سيد احمد في اليوتوب.
Post: #2 Title: Re: {بنجد اجوقا}...اروع القصائد النوبية...مع الشاعر الاستاذ ابراهيم عبده محمد...فيديو Author: Medhat Osman Date: 05-22-2010, 07:55 AM Parent: #1
ابراهيم قناوي مسكاقمي... ياخي الترجمة صعبة وخاصة ترجمة الشعر والغناء ... اذا عايز تتلعم احرص علي قضاء اجازاتك كلها في المنطقة او اذهب لكورسات اللغة النوبية في الخرطوم.. مع متابعة المواقع النوبية لتعلم اللغة في شبكة الانترنت مثل.. www.napata.org نتابع لحدي ما نشوف ليك مترجم مقتدر...
Quote: اذا عايز تتلعم احرص علي قضاء اجازاتك كلها في المنطقة او اذهب لكورسات اللغة النوبية في الخرطوم..
[B] أنا ماشي السودان شهر سبعة ان شاء الله
بس وريني محل الكوسات دي وين؟؟؟
وتاني كان ما كتبت ليك شعر
تجيبو لي إنتا ذاتك هنا تشوف براك
جادي انا والله وريني يلمولا فيهم وين؟؟؟
آفيا لقو
Post: #7 Title: Re: {بنجد اجوقا}...اروع القصائد النوبية...مع الشاعر الاستاذ ابراهيم عبده محمد...فيديو Author: Medhat Osman Date: 05-23-2010, 09:16 AM Parent: #6
Quote: تعرف حكاية الترجمة دي ذكرتني
بيها الوالدة ربنا يديها العافية
قناوي... مسكانونا؟!!! كلام والدتك الله يديها العافية مية المية... عشان كده ما عندك طريقة الا تتعلم وفي اقرب فرصة وما تفتكرك الحاجة دي صعبة او مستحيلة... امشي لي ناس جمعية اللغة النوبية في النادي النوبي في الخرطوم او نادي المحس. تلفون وايميلات اعضاء الجمعية في الخرطوم في هذا الرابط... http://www.nlsnubia.net/ar/contact.htm
يا سلام عليك .. يا سلام! شاعر متمكن من اللغة العتيقة و السرد ممتع يجيب ليك اصغر و أبعد صورة في الذاكرة عن تلك البيوت و الوجوه المغضنة بالتعب، التعب اللذيذ في أرضك ... بيرجعني زمن ..زمن و محلات و بيوت و حلل و ناس و (فنتي) و (نوقرين تو) و تتوه في ذكرى ما تعرف ليها (إرو) من (كلوه) ... شكرا لك و للاستاذ ابو بكر على حفظ هذه القصائد على السايبر .. ظللت فترة ابحث عن طريقة احول بها شرائط الكاسيت التي تغنى فيها بأسى على (الهجرة) و (زواج الغريب) (و الاغتراب) إلى صيغة تمكنني من حفظها مخافة غدر المسجلات و التقنية ... قصائده و وناستي مع امي و ما تجود به الاشرطة للاغاني النوبية هي كل ما أملك من مخزون لهذه اللغة كي لا انساها ...
Quote: قناوي... مسكانونا؟!!! كلام والدتك الله يديها العافية مية المية... عشان كده ما عندك طريقة الا تتعلم وفي اقرب فرصة وما تفتكرك الحاجة دي صعبة او مستحيلة... امشي لي ناس جمعية اللغة النوبية في النادي النوبي في الخرطوم او نادي المحس. تلفون وايميلات اعضاء الجمعية في الخرطوم في هذا الرابط... http://www.nlsnubia.net/ar/contact.htm
شكراً لك أخي مدحت
ولك التحايا والأشواق
وان شاء الله الجماعة ديل الا يقولوا الروب
آفيا لقو
Post: #11 Title: Re: {بنجد اجوقا}...اروع القصائد النوبية...مع الشاعر الاستاذ ابراهيم عبده محمد...فيديو Author: Mahir Mohammed Salih Date: 05-24-2010, 09:22 AM Parent: #10
الأخ مدحت ،، لك الشكر والتحية
يا أخى الزول ده فنان فنان بمعنى الكلمة ،، يا أخى شِعر اللغة النوبية صعب جداَ ،، فما بالك أنه ينظم لك مُعلّقة كاملة بتلك اللغة ،،
لقد أتحفنا هذا الرجل الأنيق فى العام الماضى عندما كنا فى وداع الأخ العزيز محمد سيد على همد فى البحرين ،، والله من ضمن معلقاته هذه ألقى علينا المعلقة الخاصة التى تصور لحظة تحرك البواخر الخمسة من وادى حلفا إلى إتجاه الخرطوم وهى تحمل فى جوفها أهل حلفا المُرحلين إلى حلفا الجديدة ،،
وتحديداَ عندما أصّرت إحدى الكلاب العائدة لأسرة موجودة فى إحدى تلك البواخر أن تلحق بهم ورمت نفسها فى لُج البحر وأصبحت تعوم فى إتجاه الباخرة إلى أن إختفت البواخر جنوباَ وإختفى ال###### شمالاَ ،، والله هذا الرجل فى هذه القصيدة ذكُرنى بما كان يقوله لنا الأستاذ فى الثانوية عند العالم ( الفأرابى ) الذى قال أنه كان يعزف عزفاَ حتى تبكى وتملآ الأرض دموعاَ ويقلب العزف حيناَ إلى تون آخر ويضحكك حتى تبين نواجذك .
تحية لك أخى مدحت وكذلك للأخ الفنان الراقى إبراهيم عبده ( ويا إبراهومة يا أخى لو إنتا قاعد تقرا البوست ده جاييك أول ستة فى دبى )