بعد ان خزله الافارقة حتى اقرباء الدم والقبيلة .. اصبح ملاذ (خليل) العرب

اها شن الراي .. هل اصبح العرب هم الملاذ الاخير ؟
عرفتوا الافارقة بياعين قدر شنو ؟

باعوكم جوه وبره ..


ان شاء الله فهمتوا حاجة

هل هنالك من يستطيع الان ان يقول ان مشكلة دارفور بين العرب والافارقة ؟
هل هنالك من يستطيع ان يقول انها لابادة العنصر الافريقي بايادي عربية ؟



لقد تنكر الافارقة لخليل .. فاحتضنته دولة من دول الجامعة العربية

سكب الكثيرين هنا مدادا .. يقول به انهم لايثقون في العرب

اذن اقول لهولاء كيف هي ثقتكم في الافارقة الان ؟

بوست مُوفق يا أخ وليد،

إحترامي وتقديري ..

يديك العافية يا عبد اللطيف

الاخ وليد تحية احترام

خليل ابدا ما كان ضد العرب كما يصور اعلام النظام لتغبيش الوعي وحشد الدعم حوله بدعاوي جهويه
والحاصل الان يحسب له وليس عليه اذ يثبت ان القضية ليست قضية زغاوه او تشاد دي سياسة ولا دخل لها بعرب او غير عرب
ولعلمك العدل والمساواه تضم من كل الطيف السوداني

احترامي الاكيد

لا اعتقد ان هناك مشكله مع العرب كعرق أو مع العروبه كهويه , ولكن المشكله في الذين (يدعون) انهم عرب ويريدون الباس هويتهم (المدعاه) على الدوله السودانيه لترسيخ سيطرتهم .

Quote: لا اعتقد ان هناك مشكله مع العرب كعرق أو مع العروبه كهويه , ولكن المشكله في الذين (يدعون) انهم عرب ويريدون الباس هويتهم (المدعاه) على الدوله السودانيه لترسيخ سيطرتهم .

وفيه الخير ؟؟؟

بعيدا عن اعتقادك
في المنبر ده قال البعض وبصورة واضح .. انه في مشكلة مع العرب والعروبة
شخصيا اتقال لي الكلام ده سنة 2004 من محمد سليمان
مشكلة دارفور كانت مصورة على انها حرب اادة بين العنصر العربي ( الجنجويد ) والعنصر الزنجي

ولا الكلام ده اختلف هسع ؟

مرحب المحترم محمد طاهر تكنه

Quote: خليل ابدا ما كان ضد العرب كما يصور اعلام النظام لتغبيش الوعي وحشد الدعم حوله بدعاوي جهويه والحاصل الان يحسب له وليس عليه اذ يثبت ان القضية ليست قضية زغاوه او تشاد دي سياسة ولا دخل لها بعرب او غير عرب ولعلمك العدل والمساواه تضم من كل الطيف السوداني

اعلم هذا ..
وهو حقيقة ماثلة

البوست ما موجه لليل او العدل
هو موجه لدعاة الفتن في هذا المنبر .. من صوروا ان مشكلة دارفور مشكلة اثنية بين العرق الزنجي والعرق العربي ...
الى اولائك الذين في بايات المشكلة قالوا في خليل ما قالوا وهم يعولون على مانوي ثم من بعده على عبد الواحد
والان وبعد ان اصبح في الساحة خليل وحده
يتمسحون فيه .. ويداهنوه


اها خليل ذهب الى الدوحة
والى مصر
والى ليبيا بحثا عن حل لمشكلة دارفور

هم ماشين وراه على اي اساس؟
موش قالوا هي مشكلة بين عرب وافارقة


ودي واحترامي

Quote: عرفتوا الافارقة بياعين قدر شنو ؟

تحياتي وليد

الأفارقة ما بياعين ووقفتهم مع البشير ضد الغرب بكل ضغوطه خير دليل

بس لكن الأفارقة فاقوا ووعوا كثيراً

فعرفوا أن دعم حركات اتلمرّد في دول الجوار يمكن الرد عليه بالمثل والبادئ أظلم

وعي هذا الدرس أفورقي رئيس اريتريا ووعيه أخيراً دييبي رئيس تشاد

ومن ناحية تانية

خليل دا راجل جهلول وسفيه رأي بمعنى أنه لا يحسن النظر للأمور مقدماتها وتوابعها ومألاتها

خليل دا من يوم احتل السفارة السودانية في تشاد عرفت أنّ "كيسو" فاضي

والأن العالم كله يسعى للسلام وهو ما زال في غيّه القديم واشتراطاته العسيفة الغبية وزعله الصبياني المتهوّر

قال إيه يجب أن لا تحاور الحكومة غير حركته ذات الموز وعلى جميع الحركات الذوبان في حركة ذات الموز

فهل هناك سفه رأي أبعد من هذا؟

لم يعد في العالم قاطبة من يستمع لسفاهة سفهاء الرأي من أمثال خليل

لقد خذل خليل بتهوّره الكثيرين ممن كانوا يرجون منه خيراً ولكنه تمادي لسقط غير ملأسوف عليه

تحياتي كمال














.

الأخ وليد وضيوفه الكرام

تحية طيبة


هل ما يحدث بين تشاد وخليل هو تمثيلية متفق عليها وتأتي للتغطية على هجوم كبير يقوم خليل بالإعداد له وقد يصل إلى الخرطوم عبر جهة لا تتوقعها الحكومة (الخرطوم بحري أو سوبا مثلاً)؟






10 - مايو - 2008 - وصول قوات حركة "العدل والمساواة" إلى... - دعوة لنقاش محايد

كدا ال يسمعكم القذافى الليلة عشان يقطع اصنينكم
البتقروا بيهم ديل ...

منو قال انه ليبيا ما افريقية ؟؟؟؟؟
ليبيا دولة ضاربة الافريكانية
وهى ذى الدولة الجايى منها خليل
افريقية اولا بعدين عربية ان عجبك يا وليد !!

دى مش افريقية وبس كمان بشتركوا مع الدارفوريين فى قبايل
كتيرة

والزغاوة قبيلة خليل فيها ناس اكتر بياضا من قذافى لو بالكم
للون ...








ـــــــــــــــــــــ
قال عرب قال ..

دينا الدايشة
ياخ انت مكنتك خفت وقيتي رايحة ساااااكت

كان سمعك انت بقطع ليك عيونك البتعايني بيهم ديل

القذافي الجاية جارية وفرحانه بيه ده سمى بلده بالكامل

الجماهيرية العربية الليبية الشعبية الاشتراكية العظمى

ختى العربية قبل الليبة والافريقية ختاها مرة وهو متشاكل مع ناس الخليج وتاني شالها

Quote: افريقية اولا بعدين عربية ان عجبك يا وليد !!

ما عجبني

Quote: والزغاوة قبيلة خليل فيها ناس اكتر بياضا من قذافى لو بالكم للون ...

عليك الله
طيب ما تكلمي زول

هاك يا دينا الدايشة البتنضم ساااااكت

ده هوادة





البيان الاول للثورة الليية من الموقع الرسمي للجنة الشعبية العامة

بالله وريني وردت كلمة افريقيا كم مرة وعربي كم مرة

بدل تتفاصحي ساكت

مرحب هاني عربي

ما ظنيت السيناريو ده يحصل

لاسباب كتيره منها الجغرافي ومنها العرقي ومنها اللوجستي ومنها السياسي

شرق البحر مافي مجال للحركة على الاقل الان

سلام يا وليد ..
بداية دعني أقول اني اقرأ بوستك في اطار الرد على مناخ المنبر الداخلي ..
أي ان كلامك موجه في حقيقته الى زملاء في المنبر طالما كالوا للعرب الشتائم على حساب اعراق اخرى.
لأنه ان لم يكن كذلك و كان قراءة عامة لمواقف حركة العدل و المساواة لكانت قراءة خاطئة الى حد ما. فلا اظن في مواقف الحركة ما هو موجه تجاه عرق بل كانت دائما تتكلم عن جدلية المركز و الهامش. و المركز يضم اعراق كما يضم الهامش مثلها. كما ان تعاطي الحركة مع الدول العربية كان مقبولا الى حد كبير للمتابع.
ان كان ما سبق ( انك تخاطب اقلام منبرية محددة ) صحيح فاني امشي معك الى الأمام في موضوع خذلان تشاد لخليل لأقول ان الامر امر سياسة و مصالح.
و ربما لا اكون مخطئا لو ظننت ان ثمة أيدي مصرية وراء الأمر. خاصة اذا لاحظنا تزامن طرد مصر لخليل مع تصريحات د. نافع في القاهرة أن " قضية مياة النيل مسألة حياة أو موت ". فكان الرجل كالعادة حادا مستفزا لكن المضحك انه كان أكثر ملكية من الملك. فعلى حين مال النظام المصري للتفاوض و الضغط بلعبة المصالح مع الدول الأفريقية و البعث بوفود المخابرات الى دول المنبع خرج د. نافع بتصريحاته النارية كما لو كان يتكلم عن المعارضة السودانية في جامعة الخرطوم.
و المضحك ان ملس زناوي صرح انه لامشكلة هناك مع السودان في أمر مياة النيل بل المشكلة هي مصر.
طبعا انا اتفهم حيوية مياة النيل لمصر و ان تسعى لمصلحتها لكن لا يمكن أن يكون هذا على حساب الاخرين او على الاقل لا يمكن ان يكون دون مقابل.
المهم ان الموقف من قضية مياة النيل ربما كان هو الحاسم في هذا الشان. و لا ننسى تصريحات هاني رسلان امس ان موقف الخرطوم هو موقف ابتزاز.
لذلك اعتقد ان قضية حرب المياة الجديدة ربما كان لها دور حاسم في تدخل القاهرة لصالح الخرطوم في عدة مسائل اولها قضية خليل و اجباره على العودة الى مائدة المفاوضات. و قد كانت القاهرة قد تقاربت مؤخرا مع الموقف القطري في المفاوضات حتى رشحت اخبار ان القاهرة تنوي احتضان الجولة القادمة لكن القاهرة نفت ذلك. اضف الى ذلك نشاط زيارات قادة العدل و المساواة للقاهرة مؤخرا .. ففي خلال الشهرين الماضيين زارها ما لا يقل عن خمسة من قادة الحركة.

عليه اعتقد ان الامر امر مصالح سياسية و استراتيجية كبيرة. اجبرت مصر للتدخل و الخضوع لابتزاز الخرطوم مقابل الوقوف بجانبها في قضية حرب المياة.
فقط احاول ان اعرف ماهو الأمر الذي يمكن ان تؤثر به مصر على تشاد. لا ادري على وجه الخصوص. لكن على الوجه العام هناك كتابات متناثرة مؤخرا في الصحف عن الشأن التشادي كما ان هناك استثمارات مصرية كبيرة في انجمينا. بل بلغ الأمر درجة الاحتفاء الفني المصري بوصول فيلم تشادي الى المسابقة الرسمية لمهرجان كان و اعتبرت القاهرة هذا الفيلم هوالتمثيل المشرف لافريقيا و مصر معها.
فربما كان هناك من هذه الاستثمارات و العلائق الناعمة مع انجمينا ما يجعلها في مرمى ضغوط القاهرة المتعرضة لابتزاز الخرطوم. ربما.

ان كان ذلك كذلك ( اي ان مصر تخضع للابتزاز هذه الأيام للحصول على اعوان في حرب المياة ) فاني اتوقع ان تأخذ الحركة الشعبية المبادرة في امر الانفصال. فان مصر سيسرها ان تظهر دولة جديدة في العمق الافريقي تقف في صفها في حرب المياة و تعقد تقسيمات المياة الجديدة التي يريدها اهل المنبع. فتصبح القاهرة و الخرطوم و جوبا في مواجهة دول المنبع. او بعضها على الاقل فان مصر توشك ان تستميل بعض هذه الدول، اذ يصل القاهرة غدا رئيس الوزراء الكيني و يمكث اربعة ايام للتفاوض ، و سيأتي كابيلا الرئيس الكونغولي بعد يومين و يمكث ايضا لاربعة ايام. و غالبا ما ستنجح الدبلوماسية المصرية في استمالتهم ان لم يكن تحييدهم.

كل هذا اعلاه محاولة للقول ان مصر استيقظت على ضربة المياة و تريد العودة الى افريقياو الشأن الافريقي بقوة. و غالبا ما تكون متاهة خليل الاخيرة هي اولى صحوات مصر و تدخلها لتستعيد مكانتها القديمة في افريقيا.
عليه سيكون السؤال هو كيف يمكن التعامل مع هذا التحرك. فان رفضنا " الحنجوري " له كمتابعين لن يقودنا لأي تحليلات و هو يتمدد عن طريق الساسة و يأخذ مكانته في الأمر الواقع ( هذا التنبه حتى لا نتخم بكتابات الرفض و الصراخ بلا جدوى ) .
و لو كان لي ان اتوقع فان مصر لن تترك خليل طويلا بعيدا عن عينها. فان تطرده كشخص استجابة لابتزاز الخرطوم لا يعني ان تهمل حركته. خاصة ان كان خليل قد لجأ الى ليبيا التي تضايق مصر منذ وقت طويل في العمق الأفريقي لكليهما.

عود الى ما افترضته انه هدف بوستك اقول ان ما حدث يؤكد ان الأمر ليس عروبة و زنوجة بل هي سياسة و بحث عن حال افضل للاقاليم المهمشة بما فيها اقاليم الشمال و بمن في اقاليم الغرب من عرب.
لذلك فان الدرس المستفاد من ما حدث لخليل هو ان لا نتعاطى السياسة عرقيا.

وليد انت قاصد نحن الافارقة خزلنا د خليل
معليش يا استاذ وليد
انت افريقي يعنى انت من الذين خزلوا خليل
ام عربي اي من الذي اصبحوا ملاذ لخليل

Quote: بعد ان خزله الافارقة حتى اقرباء الدم والقبيلة .. اصبح ملاذ (خليل) العرب

السناتور وليد
ياخ انت الدنقلاوي ده ما ياهوك الخذلت خليل بحسب فهمك و لا ماك افريقي ؟!



حاول استفيد من مداخلات الشباب القيمة . زمان قلنا ليكم الزغاوة بتعاطوا المسالة بحسابات سياسية و اديناكم الادلة .. تيمان اردمي يقاتل عمه ادريس ديبي في تشاد لاعتقاده ان عمه رجل دكتاتوري قام بتعديل الدستور للتجديد له لفترات رئاسية مفتوحة و هنا تقاتل ابناء العمومة من اجل المبدأ و ليس الدماء .
في السودان , اول من خرج على مني اركو الزغاوي هو خليل ابراهيم و تقاتلوا في الميدان شر قتال ضاربين دماء القبيلة ارض الحائط للانتصار للسياسة .
وقف ادريس ديبي الزغاوي ضد خليل الزغاوي في بداية ظهور الحركات 2003م و قام بالتنسيق مع النظام في الخرطوم للقضاء عليها الا ان المسالة كانت اكبر من انجمينا و الخرطوم و الحق يعلو ..
مجدداًالتقى ديبي الزغاوي و خليل الزغاوي عندما استهدفت الخرطوم انجمينا بدواعي قبلية .. بمعنى ان القضاء على حركة العدل يستوجب القضاء على النظام في تشاد .. في هذا الاطار التقت مصالح ديبي و حركة العدل .. الآن و بعد انتفاء الاسباب الى حين , يلتقي البشير و ديبي و يخرج خليل من النافذة .. برضو الى حين .. عارف ليه ؟!! لانو ده زواج متعة ما ح يستمر طويل .

ـــــــــــــــــــــــــ
باقي الكلام بقروش يا سيادة السناتور .. نحلل و نقري فيكم ببلاش ؟!!ههههه

مرحب عمنا الصادق ضرار

Quote: السناتور وليد ياخ انت الدنقلاوي ده ما ياهوك الخذلت خليل بحسب فهمك و لا ماك افريقي ؟!

صحيح يا عمنا
الكلام موجه الى الذين صوروا مشكلة دافور بين عرب وافارقة .. انا ما عارف هسع حا يودوا وشهم وين
الى الذين قلنا لهم 2004 ان مشكلتنا مع نظام فقالوا لا بل مشكلتنا بين اثنيات

الى الذين نسبوا انفسهم الى الافريقانية .. وحسبوا الدناقلة والشيوايقة الجعلين عرب


تتصور في قبيلة افريقية تدعي انها افريقية اكتر من الدناقلة
ناس ساقطة تاريخ

الدناقلة ما بنتموا الى افريقيا يا ضرار .. افريقيا هي التي تنتمي لهم .. فهم من اوائل من عمرها مع البجه والامهرة والقراي

Quote: انت افريقي يعنى انت من الذين خزلوا خليل ام عربي اي من الذي اصبحوا ملاذ لخليل

انا لاتيني من الذين رسموا خليل

( انه لكتابات تعبر ان ضيق افق كاتبه)

Quote: ( انه لكتابات تعبر ان ضيق افق كاتبه)

وين الصور ؟
صورة صورتين كده مع (بنات) في جبال الروكي او جبال الواق الواق بتكون معبره

قبل ما نرد عليكم واحد واحد البوست ده ما موجه للعدل والمساواة

بالعكس فعلا العد والمساواة خطها من بدت قيه ريحة القومية اكتر من باقي حركات دارفور

وده عرضها لهجوم كبير من بعد رواد المنبر هنا ايام تعويلهم على مناوي

خليل ده هنا انكتب فيه من دارفورين الكتير

وبعدين بعد التعويل على عبد الواحد برضو خليل اخد حقو

الكلام ده موجه لمناضلين المنابر بتاعين انو المشكلة بين عرب وافارقة



وبالمناسبة كمان قومية حركة خليل بالنسبة لي على الاقل ظهر عند دخولهم امدرمان
فما اعرفه ان الجيوش ان دخلت مدينة عاست فيها فسادا
ما كسر القاعدة دي الا مقاتلي حركة العدل والمساواة

والكلام ده قلته في بوست بعد يومين من الهجوم على امدرمان انتقد فيه الحركة

وحقيقي ما حدث من افراد الحركة المنهكين والعطشين بعدم تعرضهم الى اي مواطن .. جعلهم موضع احترام كبير جدا عندي رغم الاختلاف

ةطبعا ده ما كان بحدث لو ما كان في توجيهات صارمة وتدريب وتركيز على الامر ده من قبل القيادة


نختلف او نتفق خليل زول يتصرف كما القائد القومي

Quote: انه لكتابات تعبر ان ضيق افق كاتبه

افق ما ترمى اليه وتخطط له الانقاذ
افق 20 سنة من الدمار الشامل

Quote: افق ما ترمى اليه وتخطط له الانقاذ افق 20 سنة من الدمار الشامل

هذا باعتبار انه خليل لينيني ماركسي
وانه ما كان بمول حروبات الجهاد في الجنوب بالمجاهدي ولا حاجة
وباعتبار انه ما عنده علاقة بالترابي والشعي و يحزنون

ايوا كدا ياوليد
اخد ساتر مش انت ساكن امدرمان ؟؟؟ لووووووووووب












ـــــــــــــــــ
كما عهدتك حريفا ...

Quote: كما عهدتك حريفا ...

معاك معلم

فاتني ان اعلق على استضافة ليبيا لخليل و هو الأمر الذي زكرتينه مداخلة دينا خالد أعلاه عن افريقانية ليبيا.
فالعقيد له ميول افريقية عظيمة كما انه مولع للتدخل في الشأن التشادي منذ القدم و ما احتلال ليبيا لتشاد في الثماينيات ببعيد عن الاذهان و اظن خطأ نظام الخرطوم بالدفع بادريس دبي الزغاوي للسلطة كان امرا سعيدا للعقيد اذ ان السياسة السودانية في زمان نميري ( حسب افادة المحبوب عبد السلام في تأملات العشرية ) كانت ان لا يصل زغاوي للسلطة في تشاد لأنها قبيلة لها امتدادات في السودان مما قد يؤثر على الشأن السوداني. لكن الحركة الاسلامية رأت ان وصول دبي الزغاوي سينفعها في تمكينها لأن لها كحركة علائق و عمق في قبائل الزغاوة مما يضمن ولاء القسم التشادي لها. و هو الظن الذي ظهر انه خاطئ تماما لأن السلطة لا تعرف العرق. او دعنا نقول الملك عقور كما قالت العرب. و انقلب السحر على الساحر فصار دبي من اعدى الاعداء.
كما ان اهتمام العقيد بالشأن السوداني ايضا قدم خاصة شأن غرب السودن. و طموحه في مد حدود ليبيا لتشمل غرب السودان و تشاد لم يمت بعد.
عليه فان قبوله لخليل ليس مجرد شهامة بل هو مصلحة سياسية كبرى و استراتيجيات تمدد لا تقل عن نظرة القاهرة لمصلحتها بطرد خليل او نظرة تشاد لمصلحتها برفضها دخوله.

ـــــــــــــــ
تعقيبا على قولي اعلاه ان مصر لن تنفض يدها عن العدل و المساواة و لو طردت خليل فاني اضيف ان نظام الخرطوم كثيرا ما يشخصن بعض الامور. كما فعل في ترشيح عرمان. فقد رشحت اخبار ان المؤتمر الوطني اخطر الحركة انه يعترض على ترشيح عرمان كشخص اكثر من خوض الحركة للانتخابات. و قيل ان الر سالة التي وصلت الحركة بالحرف كانت : اي زول تاني .. لكن عرمان ده لأ.
فان صحت مثلهذه التصرفات فان الخرطوم قد تكون ضاقت بخليل الدباب السابق و اعتبرته كشخص خطر عليها ( ألحق هذا اعتقال الشيخ الترابي ) فطلبت ابعاده ( كشخص ) عن الميدان. عليه يصبح خليل ابراهيم شخصا غير مرغوب فيه من نظام الخرطوم و من القاهرة و انجمينا من باب المجامل الخضوع للابتزاز و الضغوط و تظل القضية موجودة و مقبول التفاوض و الحوار فيها بعيدا عن خليل كشخص. هكذا يمكن ان يصبح خليل عبئا على الجميع لأن وجوده يعني تعنت الخرطوم .. و الجميع بما فيهم المجتمع الدولي يريد تجاوز هذا التعنت. فان صح هذا يكون خليل " بطة ميتة " كما يقول الامريكان و تصبح مسألة التخلص منه مسالة زمن.
و ليس غياب قرنق ببعيد و يسر التعامل مع الحركة من بعده.

وليد

اعتقد القصة ليس لها علاقة بالافارقة والاعراب

القصة صفقة متكاملة


الغرب يحل مشكلة غرب السودان والثمن انفصال سلس للجنوب

وتشاد ان لم تاخذ الضوء الاخضر من فرنسا بطرد خليل ابراهيم

لما تجرات

وليد


افارقة عرب خليل جاي الخرطوم انت وين معانا ولا معاهم


نسيت جبت كم صوت في الانتخاباتانت مش صاحبي

يا سيف

وانت جاي معاه ولا حا تزيع الكورة دي من المنبر بس ؟

Quote: وتشاد ان لم تاخذ الضوء الاخضر من فرنسا بطرد خليل ابراهيم لما تجرات

الحبيب وليد الشفت ..
تحياتى لك ...



نعم ان الحرب فى دارفور هى حرب بين نظام قائم وحركة قامت من اجل الثورة..

الخطاب الذى يقدم لا دخل للحركة فيه....

استخدام بعض القبائل للحرب ضد قبيلة .نعم حصل ..

ولكن يبقى ان الحرب حرب حركة ضد نظام ولم تكن يوما ضد عرق او جنس...


تحياتى لك والى الحبيب البصاص ولكن الاحباب بطرفك..

مرحب حبيبنا عاصم
اخبارك والاهل

ان شاء الله 100%


نعم يا صديقي انا اقصد مناضلي السايبر تحديدا

ستصل التحايا ان شاء الله

مرحب خالد حاكم

اسعدنا مرورك

مرحب خليل

Quote: وتشاد ان لم تاخذ الضوء الاخضر من فرنسا بطرد خليل ابراهيم

صحيح
وتظل حركة العدل والمساواة ذات الميول الاسلامية . مصدر خوف وقلق عند العالم الغربي

صديقي حمور
قريتني صاح
فالبوست موجه الى الذين يتمسحون في خليل الان وقد قالوا فيه الكثير بالامس القريب


بالنسبة لافريقانية العقيد فاانا اختلف معك في هذا - طبعا ما اختلافي مع دينا لانو ديك طرشة ساكت -

انا عشت في ليبيا ردحا من الزمن واعلم الكثير جدا عن عنصريتهم .. وميولهم العربية كان مواضحة من بداية ثورة الفاتح - احيلك الى ردي على دينا ستجد فيه بيان الثورة الاول - التي في بيانها الاول لم تذكر افريقيا بتاتا بل يظهر جليا ميول الثورة العربية

القذافي اتجه الى افريقيا موخرا بسبب اوهامه ومطامعه في ان يصبح قائد اممي كما يقول .. ولانه حينما حاول ان يكون قائد اممي عربي فشل لاسباب معلومة .. فتحول الى افريقيا التي تعتبر ليبيا فيها دولة غنية ومتقدمة نوعا ما مقارنة باغلب دول افريقيا ..

يعني افريقانية القذافي .. سبب شعوره بالافضلية وليس احساسه بالانتماء

مرحب كمال فرانكلي

مختلف معاك في كثير من هذا

خليل ومنذ ان كان في جهة الحكومة يعرف عنه انه يفعل ما يقوله
والكلام ده عمله بيان بالعمل في وصوله الى امدرمان

ودي حاجة عجزت عنها جميع حركات دارفور


كمان هو بعرف يقرا المواقف وزول سياسة
والكلام ده كان ظاهر في ابوجا وكت اتعنت عبد الواحد


لكن بتفق معاك في انه خلاص خليل ببح .. زمنو ولا .. والعدل والمساواة حا تعاني معاناة رهيبة مقبل الايان وحتى الاستفتاء لانه حا تكون عندها مشكلة لوجستية كبيرة
والحكومة شكلها مصرة تقضي عليها قبل الاستفتاء لانه بعد الاستفتاء الامور حا تختلف

مبسوط منك ياوليد

!

وليد الشفت
وحاتك زوله مكنته خافه غيرك هنا مافي.

يا اخي دينا خالد الحنكوشه دي طلعت لملمه بتفاصيل اكثر منك.


وكثر خير الصادق ضرار تم لك الباقي.



خليل لا ببح ولا يحزنون هذا من ناحيه.

من ناحيه آخرى ليبيا اكثر الدولا قربا لدارفور وهنالك علاقات تاريخيه
تربطهم ومن قبائل الفزان يا من سكنت ليبيا سابقا للزغاوه الليبين
تعرف ليبيا حيد ان لاهل درافور بها عمق استراتيجي.




وليبيا أفريقيه وصرفت دم قلبها في قضايا افريقيه
مش تقول لينا ان ذكرت كم مره امس عربيه باسم دولتهم ام لا
شوف نيلسون مانديلا زارها من اول الاقطار بعد الافراج عنه لماذا؟؟
لان ليبيا كانت تمول حزبه وحركته طوال ايام النضال.


وما سميته بخزلان الاقارب هذه برضو ناحيه لمصلحة حركة العدل و المساواة اكثر منها
ضدها لانكم ظليتم هنا تنعقون بانها حركة اسره وقبيله ونحن من ظل ينفي رغم عدم انتمائنا اليها.



ادعيت انك كتبت البوست لمناضلين المنبر
ونقول لك صامدين بنفس دعاوينا...نحن هينين
ان شاء الله انت اقتنعت بحاجه غير!

تراجي الشتره
فوق انا علقت لي دينا البيان الاول لثورة الفاتح
وريني انت ومعاك دينا
اسم افريقيا ورد كم مرة ؟


بالنسبة للفزان والزغاوة

في ليبيا كنا نسمعها كثيرا
( عبد عبيده شخوا فيده )

بالنسبة لنيلسون ماندلا
جوازة الكان حايم بيه ادتو ليه حكومات الجلابة المتعاقبة كما تقولون .. ليه ما قلتو انو حكومات الجلابة صرفت دم قلبها في قضايا افريقية ؟؟

Quote: ونقول لك صامدين بنفس دعاوينا...نحن هينين

وين ياخ
انت تحديدا يا تراجي اكتر زول اتلون وغير كلامه في المنبر ده
من زمن مناوي
مرورا بعد الواحد

مبدئك البعرفك صامده فيه
هو كراهية الشماليين
ما بعرف ليك حاجة تانية صامده فيها

يديك العافية يا صلاح الدين

وان شاء الله دايما مبسوط

البيان الاول لثورة الفاتج

للمتغابين

وين بتعاين ابادت العنصر العربي للعنصر الزنجي؟

من الدوحة
الى الى ليبيا
مرورا بالقاهرة

السناتور وليد
اذا الزغاوة ما عندهم مبدأ , لتم بيعك من العام 2002م .
كيف ؟
الحكومة السودانية اعطت شيكاً على بياض للرئيس ديبي طالباً منه منع ابناء قبيلته في السودان من مواصلة العمل المسلح و المساهمة مع الحكومة في مواجهة الاحزاب .
ما هو المقابل ؟
1/ ادارة ولاية دارفور كاملة
2/ مناصب وزارية و دستورية في المركز
3/ اموال و اعمار منطقة دار زغاوة

كيف ردت قيادات الزغاوة على العرض ؟
رفضوا ذلك و من هنا جاء خطاب الشهيد عبدالله ابكر عندما ذكر مخاطباً ديبي :

Quote: هذه الثورة ليست من اجل دارفور ولكن من اجل السودان عامة، وليست حكرا لقبيلة أو جهة أو حزب ولكن من أجل المظلومين والمهمشين في كل مكان، هنالـك عشرة حركات في السودان باستثناء حركة تحرير السودان، يجب أن تتوحد كل هذه الحركات في بوتقة واحدة لأن الوحدة هي سبيل الحرية.

Quote: ولولا صلابتي وقوتي لما دخلت الفاشر، يومها قالت الحكومة لإدريس دبي: "قريبك ده أفضل ليهو يسلم نفسه" أنا قلت لإدريس: أتركني أنا وحكومتي، لا بد أن يأتيك أحدنا شاكيا، أنا تحديت الحكومة ودخلت الفاشر، وعمر البشير إشتكى لإدريس ولم يصبر رغم أن الحرب لم تستمر إلا ثلاثة أشهر. إدريس أخي في القبيلة وعمر البشير أقرب لي من إدريس لأن جنسيتنا واحدة، أنا قلت لإدريس إذا كانت لك مساعي قبلية واهلية وجهها للزغاوة لكن أنا قضيتي قضية وطن، قضية دولة وليس لي دخل بالقبائل. كلكم تعرفون ما يجري في السودان، سياسات الحكومة تعتمد على المخادعة والمراوغة مثل مفتاح "الجمجم" ليس لها ثوابت، أنا إذا سلمت ووضعت السلاح فإن الحكومة لن تتركني والمليشيات لن يتركوا أهلي.

يا وليد لولا مبدئية ابناء الهامش بصورة عامة و الزغاوة على وجه الخصوص لتم بيعك انت و احزابك في وضع النهار و كان الوقت دا اهلك الزغاوة آخر ترطيبة و سلطة و ثروة ذي حقت ناس المؤتمر الوطني بس تقول شنو .. ضيعونا و ضيعوا حقوقنا.
ادريس ديبي يقدم العرض من جديد و الدكتور خليل برفض .. غازي صلاح الدين حاول بيعكم في انجمينا .. رفض خليل العرض .. يغضب ادريس و يقوم بمنع خليل من عبور تشاد الى الميدان .. ما اشبه الليلة بالبارحة .

انتبه يا وليد .. الحكومة تريد ان تشارك الزغاوة كقبيلة في السلطة و الثروة و نبقى كلنا مؤتمر وطني و ننوم في العسل .. حينئذ ليكم الله .. عشان كده ساعدوا خليل لحل مشكلة السودان جذرياً دون المحاصصة القبلية .

عمنا درار

كلامك البتحكي فيه يا عمنا ضرار قصة ما قبل النوم تحكيها لصغار الزغاوة بعد كم سنة

قصة شنو وفلم هندي شنو الجاي تخمني بيها في المنبر ؟

بعدين الحكومة ما كانت مشاركة الزغاوة في السلطة زماااااااااااااان
وخليل ده كان من اساطينها

ثم تانيا انت تعلم تماما انو الزغاوة لا يستطيعون حكم دارفور لوحدهم بمعزل عن بقية القبائل لاسباب كتيره منها القبائل العربية في المنطقة ( تاني جاب سيرة البحر )

اذا كان هم في مراحيل ساكت الكترابة قايمة
ما بالك في حكم مطلق

Quote: عمضنا درار كلامك البتحكي فيه يا عمنا ضرار قصة ما قبل النوم تحكيها لصغار الزغاوة بعد كم سنة قصة شنو وفلم هندي شنو الجاي تخمني بيها في المنبر ؟ بعدين الحكومة ما كانت مشاركة الزغاوة في السلطة زماااااااااااااان وخليل ده كان من اساطينها ثم تانيا انت تعلم تماما انو الزغاوة لا يستطيعون حكم دارفور لاسباب كتيره منها القبائل العربية في المنطقة ( تاني جاب سيرة البحر

عشان ما تقول كلامك دا جبت ليك خطاب الشهيد عبدالله ابكر البيدعم كلامي و للعلم الخطاب دا كان في العام 2003م .
بعدين دارفور حكمها كبر , كيف تستعصى على الزغاوة اذا تم ذلك برضاء المركز .

يا وليد مقر المفاوضات في الدوحة شنو البخلي غازي يعسكر في انجمينا و يطالبوا خليل ان يعود سريعاً الى انجمينا للتشاور ؟ ياخ الناس ديل قدموا صفقه و رفضها خليل .. الصفقة ان نصبح كقبيلة جزء من السلطة بخيرها و شرها .. رفض خليل و عاد للدوحة قائلاً : الدوحة هو مقر التفاوض و ليس انجمينا .

يا وليد انا تعبت و الله .. على كيفكم لو ما دايرين تفهموا
إلا بس بعد دا بقول لخليل : بيع يا خليل

Quote: يا وليد انا تعبت و الله .. على كيفكم لو ما دايرين تفهموا إلا بس بعد دا بقول لخليل : بيع يا خليل

يا عمنا ياخ انت زول ودود والله
ربنا يحفظك ويديك العافية

Quote: اها شن الراي .. هل اصبح العرب هم الملاذ الاخير ؟ عرفتوا الافارقة بياعين قدر شنو ؟ باعوكم جوه وبره .. ان شاء الله فهمتوا حاجة

الاخ الكريم وليد المبارك
لك التحية
اين يتم استبدال ملابس العرض المسرحي ليس مهما- قد تكون في غرفة عربية او لاتينية او افريقية
انما المصيبة تكمن في عدم ادراكك لحقيقة ان العلاقة كل من الرئيس سلفا كير ميارديت والدكتور خليل ابراهيم و وليد المبارك بالرئيس السوري بشار الاسد هي علاقة متساوية تماما بعدا و قربا
اي انكم على مسافة واحدة من تامر حسني و نانسي عجرم*



* لدواعي تقريب الصورة

الاخ الاكرم حامد برقو
تحيه طيبة

Quote: انما المصيبة تكمن في عدم ادراكك لحقيقة ان العلاقة كل من الرئيس سلفا كير ميارديت والدكتور خليل ابراهيم و وليد المبارك بالرئيس السوري بشار الاسد هي علاقة متساوية تماما بعدا و قربا اي انكم على مسافة واحدة من تامر حسني و نانسي عجرم*

انا مدرك هذا
فهل انت مدركه ؟

احتمال تكون منطلقاتنا ما واحده .. انا افترض التساوي بيننا عند الرئيس بشار الاسد نظره ايجابية

فهل تنظر اليه انت من نفس زاويتي ؟

ياوليد لولوة !!!
انا خلينى مطرطشة ودايشة ومكنتى خفت
انت كلامك دا مقتنع بى ؟؟؟؟ دى تبقى المشكلةومش خليل !
.. ليبيا دولة افريقية ولا ما افريقية ؟؟؟
عضو مؤسس وتابعه للاتحاد الدول الافريقية ولا لا ؟؟؟
فى خريطة افريقيا ولا لا؟؟

طيب شنو البيان الاول والعشاء الاخير !!
هو بالكلام والتسمية ولا بى قول القذافى ؟؟
القذافى يقول اى حاجة دايرها والعنصرية موجودة
فى كل الدول الافريقية .. الاقل سوادا بضطهدوا الاكثر سوادا !
هل دا بنفى انو ليبيا دولة افريقية ؟ بطل اللولوة بالله







ــــــــــــــ
لا بكلم .. شكلك ما مصدق قصة اللون دى ..

والله يا دينا دايشة جنس دوشة

كلامي في البوست ده موجه كما قلنا للذين قالوا انه حرب دافور حرب بين العنصر العربي والعنصر الافريقي

انه العرب عاوزين يبيدوا الزنوج

اها يا افكاتو طبقا لكلامك الفوق ده .. العرب العاوزين يبيدوا الزنوج .. جابوهم بالمراكب بتين من الجزيرة العربية عشان يبيدوا الزنوج ؟؟

لو كانت ليا دولة افريقيا ما عربية

الجنجويد افارقة ولا عرب ؟


اوووول انت بقااااااااا


هذا اولا
تاثينا يا دايشة
خليل ما مشى ليبيا خليل مشى للقذافي توووووووووووشك
القذافي رئيس الجامعة العربية هسع دي في الدورة دي
القذافي الكاتب البيان الجبتوا ليك فواق وزاعه في ثورته
القذافي السماهها الجماهرية العربية الليبية ثم مؤخرا اضاف ليها الشعبية الاشتراكية العظمي


يا دايشة

Quote: كلامي في البوست ده موجه كما قلنا للذين قالوا انه حرب دافور حرب بين العنصر العربي والعنصر الافريقي انه العرب عاوزين يبيدوا الزنوج

الهبيب وليد...
الكلام الكتبتو في الاقتباس ده كان صحيح في 2003 - 2004 عندما صورت الحكومه لبعض افراد القبائل الافروعربيه في دارفور ان الثوره الدارفوريه هي في الاساس ضد القبائل الافروعربيه و لا علاقة لها بمطالب سياسية و ان القبائل الافروعربية ان تحارب في صفها ... اي الحكومه... و الا فأن مصيرهم الازاحة من اراضيهم في دارفور... و كانت الطامه التي حدثت...
سرعان ما ادركت هذه المجموعه الخطأ الذي وقعت فيه و تداركت الموقف متأخرا و لكن "Better Than Never"
ما قام به ادريس دبي ليس بالجديد فقد فعله في 2003 ايضا... و سوف يحدث مرة اخري ايضا طالما ان حكومة الخرطوم تعتقد ان حل المشكله السودانيه سوف يأتي من انجمينا...

Quote: والله يا دينا دايشة جنس دوشة كلامي في البوست ده موجه كما قلنا للذين قالوا انه حرب دافور حرب بين العنصر العربي والعنصر الافريقي انه العرب عاوزين يبيدوا الزنوج

وليد السلام عليكم
هذه الحركة"العدل والمساواة"
يمارس كثير من قادتها العنصرية -القبيحة كمان!
لقد أنفقنا-ومعي بعض الإخوة الصحفيين السودانيين بمختلف التوجهات-
هنا في الدوحة وقتا ثمينا في الرد على رئيس المؤتمر العام للعدل
والمساواة -أبوبكر القاضي- الذي سخّر معظم مقالاته لسب الإسلام والعرب والعروبة
والدعوة لعنصرية قبيحة... بأسلوب عنصري بشع حتى تم منعه.
السودان لا تُحَل مشاكله بذات موز جديدة
هناك حاجة لمقاربة وتصالح ومراجعة وتناصح وحوار
لك شكري

مرحب عماد موسى محمد
اخبارك

العنصرية موجوده في السودانيين بصورة عامة .. لكنها كانت مدسوسة وما ظاهرة للعلن كما الان
الاعلان عنها في رائي الشخصي للمنبر ده دور كبير فيه .. حركات دارفور وبسبب التعتيم الحكومي والتضيق في ارض الواقع .. كانت تستقي كثير من اخبارها ومن مواقفها من المنبر ده تحديدا

والمنبر ده .. خصوصا العاملين فيها شايلين قضية دارفور اسفيريا
عنصريين درجة اولى

زمان كانوا بقولوها لينا وضحة مشكلة بين عرب وافارقة
بعد شويةو عملوها في قبايل دارفور العربية ( موسى هلال وخلافة )
بعد شوية قلبوا على القبائل الثلاث ( دناقلة شوايقة جعليين )

هسع كلهم بقوا قوميين

بالله

حبيبنا محجوب عبد الله

طيب وكت كده مناتلين المنبر ديل ما يقلوا لينا الوضع اختلف

ما زمان في المنبر ده قالوا لينا مشكلتكم معاكم انت يالعرب
مشكلتنا ما مع نظام مع اتجاه جغرافي واثينة محددة


لو الوضع اختلف الناس ما تقول يا جماعة متاسفين الوضع اختلف

ودي

Quote: ما زمان في المنبر ده قالوا لينا مشكلتكم معاكم انت يالعرب

ما ياها دي المشكلة...
الناس تقول مشكلتها مع فهد و جلد فهد ... و انت زول من اندنا... تجي ناطي في النص...
خلي الغلاط الكتير يا وليد السيناتور...

أخي وليد
بتفق معاك جداَ إنو دارفور" القضية " من الجهل بمكان إقحام مسألة الأقرقة والعروبه على إنها من مسببات إنتاج الأزمه .. ودارفور هي فعلاَ مشكلة نظام وليس هوية ..
بس كمان يا وليد قياس موقف الأفارقة " وأنا هنا ما عارف إنت بتقصد منو بالأفارقة غير تشاد " المهم قياس موقف الأقارقة من قضية دارفور تحديداَ ما بينتج حكم عام على الأفارقه على إنهم بيخزلو أو ما بيخزلو أو إنو العرب كويسين أو ما كويسين .. ولا شنو ؟؟

مع كامل إحترامي ..

كاهن

Quote: الاعلان عنها في رائي الشخصي للمنبر ده دور كبير فيه

والله ثقتكم الفى المنبر الخلتكم تنزلوا الانتخابات دى
الله يدينا خيرها ... لووووووب.


وليد بطل اللولوة قذافى ذاتو افريقى !
افريقى قاعد فى العربية الليبية ....الخ









ـــــــــــــ
وماهو المعيار ؟؟؟

Quote: وليد بطل اللولوة قذافى ذاتو افريقى ! افريقى قاعد فى العربية الليبية ....الخ

اها ومشكلة دارفور بين عرب وافارقة كيف ؟

مرحب حاتم كاهن

Quote: ودارفور هي فعلاَ مشكلة نظام وليس هوية ..

عليك نور

البوست ده موجه لافراد يعرفون انفسهم جيدا .. وهو مفتوح من وحي كتابات قديمة لهم في هذا المنبر

Quote: البوست ده موجه لافراد يعرفون انفسهم جيدا .. وهو مفتوح من وحي كتابات قديمة لهم في هذا المنبر

وليد يا أخوي .. معليش أخوك حاتم شكلو لسه دايش في البورد ده ..

عاطر التحايا ..

Quote: وليد يا أخوي .. معليش أخوك حاتم شكلو لسه دايش في البورد ده ..

العفو يا حاتم

انا بس قلت ليك كده عشان كلامي ما يتفهم لط ويُحمل اكتر من معناه
حقيقي البوست ده مفتوح ردا على بعض الزملاء هنا .. الذين اساوا كثيرا الى شمال السودان والى بعض قبائل دارفور العربية ..

ودي

Quote: و انت زول من اندنا... تجي ناطي في النص... خلي الغلاط الكتير يا وليد السيناتور...

والله يا محجوب قلنا كده

قالوا لينا لع انتو ما معانا انتو جيتو بالجمال
ده حالتي دنقلاوي

انصح خليل بسرعة المخارجة من الليبي ده
الزول ده عنو جنونه
وتصرفاتو غير متوقعة