Post: #1
Title: ينصر دينك يا شموس ... إبداع
Author: عفاف الصادق بابكر
Date: 05-20-2010, 11:06 PM
Parent: #0
ابدعت شموس على قناة النيل الازرق ..
وكانت في حضرت البروف احمد ..
واسرة عوض الكريم القرشي ..
و د. زكريات الشفيع ..
غنت شموس الغناء الجميل البرد الروح ..
تسلمي يا شموس ...
يلا ياجماعة نزلو لينا الابداع الجميل هنا ...
|
Post: #2
Title: Re: ينصر دينك يا شموس ... إبداع
Author: عبد العزيز عبدالكريم نهار
Date: 05-21-2010, 11:32 AM
Parent: #1
شموس ( نو الشام) قادمة بقوة .. صاحبة حنجرة قوية وحضور واداء غنائي متميز وتختار اجمل اغاني الشفيع القريبة الي وجدان المستمع السوداني لكن نقول لها كفي ترديد اغاني الغير وعليها ان تجتهد في امتلاك اغاني خاصة بها حتي تستطيع اثراء الساحة الفنية
لا نريدها مثل( انثي الانوفلوس) ناقلة لاغاني الشفيع نريدها ان تمتلك اغانيها الخاصة بها والا فانها يوما ستضيع وسط الزحام
تخريمة
الاخت عفاف
العنوان بدلا من ان يكون ( ينصر دينك يا شموس) ليته كان ينصر غنائك او فنك او غيره لانه ليست هنالك علاقة سببية واضحة بين تطريب شموس والدين ( مجرد رأي)
|
Post: #3
Title: Re: ينصر دينك يا شموس ... إبداع
Author: عفاف الصادق بابكر
Date: 05-21-2010, 11:51 AM
Parent: #2
الاكرم - عبدالعزيز نهار
جمعه مباركة
فعلا كما ذكرت شموس صوتها قوي وعندها مخارج ما اي واحدة ممكن تبدع فيها ..
اختارت نوع من الغناء ليس بالسهل اقتحامه وخاصة اغاني الشفيع ..
والكلمات واللحان المعبرة...
انامعاك في انها من المفترض تقدم مجموعة خاصة بها لانها فعلا فلته ..
غايتو ما ارفة لكن انا امس كنت مبسووووطه على الاخر ..
بالنسبة للعنوان اشكرك على التنبيه كلامك في محله واوافقك الراي..
لكن لا يمكن تغيير العنوان مرة تانية .. والعنوان كان كناية على فرحي بشموس ..
اشكرك .. ولك من المودة اطنان ..
|
Post: #4
Title: Re: ينصر دينك يا شموس ... إبداع
Author: عبد العزيز عبدالكريم نهار
Date: 05-21-2010, 08:48 PM
Parent: #3
اخت عفاف
رأيك شنو في هاني السراج .. اذا لم تستمعي له يمكنك ان تستمعي له في اليوتيوب وبعدين نعرف رأيك .. صوت جميل واداء جميل..واغنيات جميلة
|
Post: #5
Title: Re: ينصر دينك يا شموس ... إبداع
Author: عفاف الصادق بابكر
Date: 05-22-2010, 08:14 AM
Parent: #4
| Quote: رأيك شنو في هاني السراج |
هاني صوته جميل ..
طريقة الاداء ما عاجبتني ..
الفنان مش في الغناء وبس .. في حاجات كتيرة بتكمل شخصية الفنان ..
|
Post: #8
Title: Re: ينصر دينك يا شموس ... إبداع
Author: ismeil abbas
Date: 05-22-2010, 11:50 AM
Parent: #6
أخت عفاف السلام عليكم..
بالجد كانت حلقة جميلة جدآ وسهرة رائعة..وموفقة..
زاد من جمالها نغم شموس وألأداء المتميز..
البت صوتها بصراحة إبداع ومن أجمل ألأصوات النسائية ألأن..
زوجتى كانت منتظرة هذه الحلقة بفارق الصبر..وأستمتعنا بها كثيرآ انا وألأسرة..
لك التحية..
|
Post: #10
Title: Re: ينصر دينك يا شموس ... إبداع
Author: عفاف الصادق بابكر
Date: 05-23-2010, 11:39 AM
Parent: #8
Quote: زوجتى كانت منتظرة هذه الحلقة بفارق الصبر..وأستمتعنا بها كثيرآ انا وألأسرة..
|
إسماعيل .. ربنا يحفظك وكل افراد اسرتك ..
لكن حلقة دسمة بشكل ما طبيعي والبت شموس ابدعت ابداع ما بعده ابداع ..
وكان حضور جميل .. واخدنا درس جميل من حياة الرائع الشفيع والشعراء الجميلين ..
تحياتي للمدام ..
|
Post: #9
Title: Re: ينصر دينك يا شموس ... إبداع
Author: عفاف الصادق بابكر
Date: 05-23-2010, 11:36 AM
Parent: #6
Quote: استراحة يا بت الصادق اختي مع هذا الطفل المعجزة
|
ود شيقوق .. كيفنك ..
لكن مباالغه بالله التقول دخل مدرسة رقيص عديل كده ..
ما شاءالله ...
|
Post: #7
Title: Re: ينصر دينك يا شموس ... إبداع
Author: عاطف عمر
Date: 05-22-2010, 11:46 AM
Parent: #1
تحياتي وسلامات عفاف
معك أتفق فـ شموس صوتها قوي وواثق وطروب
المشكلة أننا لا نستفيد من ( الدروس ) االملهمة في حياة أولئك الرواد
فالفنان الكبير عثمان الشفيع الذي كان موضوع الإحتفاء
قد ظهر في وقت تراث الحقيبة كان موجوداً ومشاعاً
وأغاني كبار فناني تلك الفترة موجودة
ولا يوجد ما يقيد أو يمنع ترديد أغاني الغير مثل قوانين الملكية الفكرية
والناس زاااتا سمحة كدا لله والرسول ما في زول بيقول لى زول حقي ما تشيلو
لكن رغم ذلك
يخبرنا الضيوف أن الفنان الكبير قد توجه من مكان إقامته في شندي لمدينة دنقلا ليقابل الشاعر مبارك المغربي ليحظى منه بأغنية .
ثم توجه مرة أخرى من شندي إلى الأبيض ليتعرف على ويقابل الشاعر محمد عوض الكريم القرشي ويحظى ببعض أشعاره .
هذا هو الإجتهاد المطلوب
وهذا هو الفرق بين من يريد أن يصبح ( رائداً )
ومن يريد الأشياء بفهم ( رزق اليوم )
_________________
من بى هناك
|
Post: #11
Title: Re: ينصر دينك يا شموس ... إبداع
Author: عفاف الصادق بابكر
Date: 05-23-2010, 11:46 AM
Parent: #7
عاطف عمر .. منور والله ..
Quote: معك أتفق فـ شموس صوتها قوي وواثق وطروب
|
يا زول والله كيفتنى كيف .. سمعتها بمزاااج 100% ..
Quote: والناس زاااتا سمحة كدا لله والرسول ما في زول بيقول لى زول حقي ما تشيلو
|
يا اخوي كان ما الناس السمحة دي سمحت بالغناء الجميل ده كان ناس شموس بطربونا كده ..
Quote: هذا هو الإجتهاد المطلوب
وهذا هو الفرق بين من يريد أن يصبح ( رائداً )
ومن يريد الأشياء بفهم ( رزق اليوم )
|
فعلا يا عاطف اتفق معاك .. لو العالم دي اجتهدت مجهود شخصي حتما ستبدع ..
لكن نعمل شنو الجاهز والفى المتناول بقى هو الاسهل للوصول ..
مودتي
|
Post: #12
Title: Re: ينصر دينك يا شموس ... إبداع
Author: محمود بكر
Date: 05-23-2010, 11:55 AM
Parent: #11
انت عارفة يا عفاف شموس ابدعت حقيقة حيث تفاعلت مع الاغنيات
بروعة شديدة وكانت في قمة الطرب
لقد حرصت ان اشاهد الاعادة لزيادة المتعة
لقد كانت الحلقة خير توثيق للشفيع وود القرشي
زادها البروف احمد اسماعيل بمعلوماته الغزيرة
|
Post: #13
Title: Re: ينصر دينك يا شموس ... إبداع
Author: عفاف الصادق بابكر
Date: 05-23-2010, 02:01 PM
Quote: لقد كانت الحلقة خير توثيق للشفيع وود القرشي
زادها البروف احمد اسماعيل بمعلوماته الغزيرة |
كانت المعلومة وطريقة السرد .. والحضور ..
في غاية البهجة والمتعة .. وشموس كانت ساطعه بكل المقاييس ..
محمود ود بكر .. لك منى المودة
|
Post: #14
Title: Re: ينصر دينك يا شموس ... إبداع
Author: مدثر قرجاج
Date: 05-23-2010, 10:02 PM
Parent: #13
عفاف سلام
شموس ابدعت دون شك فى ذلك لكن الحلقة ككل لاتتناسب مع الراحل الكبير
مقدم البرنامج ضعيف فى ادارة الحوار والاتيان بالجديد الاسئلة مكرره
مثل هذه الحلقات التوثقية محتاجه لمقدم متمكن مثقف يعرف الكثير عن الراحل
يتفنن فى الانتقال بين الشخصيات القاعده معاهو، لكن صاحبنا ده جايب ليه ورق ويقرا منو
لايمكن ان نسمى هذه الحلقة حلقة توثقية بقدر ماهى حلقة رمزية احتفائية بمناسبة
ذكرى الراحل ...
اجمل مافى الحلقة الفرقه الموسيقية ....الكورال المصاحب لشموس كان سى جدا وباهت
فى الاداء وفارقين زمن كان لابد ان يكون الكورال من الناس العندهم خبرة واصوات جميلة لان كل اغانى
الشفيع وود القرشى تعتمد على الكورال وعندما كان ود القرشى يلحن للراحل الشفيع اول
مايفكر فيه قبل اللحن ان تكون الاغنية جماعية بحيث يوجد فيها فواصل جماعية كى يتمتع الجميع
فلماذا تجاهل المعدين موضوع الكورس المصاحب !!!!!!....
مودتى
|
Post: #15
Title: Re: ينصر دينك يا شموس ... إبداع
Author: عفاف الصادق بابكر
Date: 05-24-2010, 08:20 AM
Parent: #14
Quote: شموس ابدعت دون شك فى ذلك لكن الحلقة ككل لاتتناسب مع الراحل الكبير
مقدم البرنامج ضعيف فى ادارة الحوار والاتيان بالجديد الاسئلة مكرره
|
يافردة ... صباح الخير
شموس ابدعت مافي شك ..
مقدم البرنامج يا قرجاج يا اخوي لسه فى اول طريقه .. نستحمل ..
| Quote: اجمل مافى الحلقة الفرقه الموسيقية . |
ديل الفطاحلة بقيادة الكنغ محمدية ..
Quote: الكورال المصاحب لشموس كان سى جدا وباهت
|
اوافقك القول ..
Quote: وعندما كان ود القرشى يلحن للراحل الشفيع اول
مايفكر فيه قبل اللحن ان تكون الاغنية جماعية بحيث يوجد فيها فواصل جماعية كى يتمتع الجميع
فلماذا تجاهل المعدين موضوع الكورس المصاحب !!!!!!....
|
رحم الله الزمن الجميل ..
مودتى يا قرجاج ..
|
Post: #16
Title: Re: ينصر دينك يا شموس ... إبداع
Author: khaleel
Date: 05-24-2010, 09:41 AM
Parent: #15
عفاف سلامات
الحلقة فاتتني والاعادة فاتتني
لو سجلتي الحلقة رسليها لي وبرسل ليك العنوان
|
Post: #17
Title: Re: ينصر دينك يا شموس ... إبداع
Author: عفاف الصادق بابكر
Date: 05-24-2010, 10:58 AM
Parent: #16
Quote: عفاف سلامات
الحلقة فاتتني والاعادة فاتتني
لو سجلتي الحلقة رسليها لي وبرسل ليك العنوان |
اجي .. اجي .. اجي .. يا خليل والله اتفقعته بالضحك ..
معقوله الحلقة فاتتك ؟؟؟؟؟؟؟؟؟ ..
والله بااااالغته يا خليل ..
ما سجلتها والله .. لكن طلبته منهم ينزلوها ..
كانت حلقة في منتهى الروعه ..
|
Post: #21
Title: Re: ينصر دينك يا شموس ... إبداع
Author: عفاف الصادق بابكر
Date: 05-26-2010, 09:49 AM
Parent: #20
Quote: وللأسف في أغنية
زاغت مني |
motaz الله يديك العافية ..
والله ما قصرته .. ربنا يذرع الفرح فى طريقك ..
رائك شنو بالله في الحلقة دي ؟ .. إبداع مش كده ..
|
Post: #22
Title: Re: ينصر دينك يا شموس ... إبداع
Author: tmbis
Date: 05-26-2010, 09:59 AM
Parent: #21
| Quote: غنت شموس الغناء الجميل البرد الروح .. |
.. يا سلالالام يا عفاف .. الزولة دي فيها ثقة عجيبة جدا في صوته .. وطريقة عجيبة جدا في الاداء ..
حضرت جزء بسيط من الحلقة وللاسف ما قدرت اكمل الباقي ..
قناعة وصلت ليها من فترة إنو عشرة حداشر زول أو زولة بتغني ومسلطين عليهم الضو وفارضنهم علينا .. بتظهر فجأة مغنية او مغني .. متمكنين جدا .. وبيدوك ثقة في سمع اضانك ..
تابعت الفيديوهات المرفقة .. وفعلا شموس والله تستاهل الناس تحكي عنها ..
|
Post: #23
Title: Re: ينصر دينك يا شموس ... إبداع
Author: عفاف الصادق بابكر
Date: 05-26-2010, 01:09 PM
Parent: #22
| Quote: تابعت الفيديوهات المرفقة .. وفعلا شموس والله تستاهل الناس تحكي عنها .. |
تمبس .. والله عارفاك حا تزورنا هنا ..
لانك زول راقي ... بالله رائك شنو في الشغل النضيف ده ..
يرد الروح يشهد الله ..
شموس تتعلى ما تتدلى ....
|
Post: #24
Title: Re: ينصر دينك يا شموس ... إبداع
Author: Safa Fagiri
Date: 05-26-2010, 02:20 PM
Parent: #23
رائع...
رائع أدائها
يا عفاف.
رائع صوتها..
والأكثر روعة
ثقتها في الأداء والهوينة
في خلجات إيقاع نبراتها المتدرجة
التي تتمتع بها أغاني الخالد
عثمان الشفيع..
لك ولشموس ولكل الكواكب
بالنيل الأزرق ومن قبل
ومن بعد للصامتون
المتكلمون بالأوتار -العازفون-
هتون الحب...
|
Post: #26
Title: Re: ينصر دينك يا شموس ... إبداع
Author: khaleel
Date: 05-26-2010, 06:48 PM
Parent: #25
يا عفاف
شموس ما بالغت عديل
شفت الفيديوهات
|
Post: #27
Title: Re: ينصر دينك يا شموس ... إبداع
Author: khaleel
Date: 05-26-2010, 06:51 PM
Parent: #26
عيد الكواكب بالغت
|
Post: #28
Title: Re: ينصر دينك يا شموس ... إبداع
Author: khaleel
Date: 05-26-2010, 07:01 PM
Parent: #27
عفاف
ممكن اهدي ليك عيد الكواكب
|
Post: #29
Title: Re: ينصر دينك يا شموس ... إبداع
Author: وليد عبد اللطيف
Date: 05-26-2010, 08:16 PM
Parent: #28
الاخت عفاف
Quote: بالنسبة للعنوان اشكرك على التنبيه كلامك في محله واوافقك الراي..
لكن لا يمكن تغيير العنوان مرة تانية .. والعنوان كان كناية على فرحي بشموس .. |
انتي كمان ينصر دينك
والله العنوان جميل ومعبر وتخيلت لحظة كتابتك له اي تخيلت معه منك حركة كمان
وماعايزين نخوض في العنوان كتير
ولكن شموس بنت واثقة وفنانه
ويفترض تحصل على الترتب الاول في المسابقة
ولكن نعمل شنو مع دموع سليمان محمد سليمان
في غناء نعيمة وهل هذا هو(المعيار )هههه
في السودان كلو اثنان استطاعوا الغناء لهذا القامة
وهم (خوجلي عثمان والخالدي )وها هي ترجعنا شموس الى هذه
المحطة التي تخيلنا اننا فتناها
ينصر دينك ياشموس
------------
تحياتي لك وللضيوف
|
Post: #34
Title: Re: ينصر دينك يا شموس ... إبداع
Author: عفاف الصادق بابكر
Date: 05-27-2010, 10:09 AM
Parent: #29
وين ما يكون الجمال حاضر يكون ود عبداللطيف حاضر ..
Quote: والله العنوان جميل ومعبر وتخيلت لحظة كتابتك له اي تخيلت معه منك حركة كمان
وماعايزين نخوض في العنوان كتير |
والله لو شفته اللحظة لايف هههههههههه ..
Quote: ولكن شموس بنت واثقة وفنانه
ويفترض تحصل على الترتب الاول في المسابقة
ولكن نعمل شنو مع دموع سليمان محمد سليمان
في غناء نعيمة وهل هذا هو(المعيار )هههه |
نسوي شنو الله غالب ..
مع انه الراجل في البداية كان ماشي كويس هههه
Quote:
وها هي ترجعنا شموس الى هذه
المحطة التي تخيلنا اننا فتناها
ينصر دينك ياشموس |
غايتو يا وليد البت دي مشروع ابداع عالمي كمان ..
بس انشاء الله تلقى ليها زول ياخد بيدها وينورها اكتر ..
مودتي ..
|
Post: #33
Title: Re: ينصر دينك يا شموس ... إبداع
Author: عفاف الصادق بابكر
Date: 05-27-2010, 10:04 AM
Parent: #28
Quote: عفاف
ممكن اهدي ليك عيد الكواكب |
شكرا يا خليل يا راقي ..
وانا بهدي ليك كل اغاني الحلقة ... اها قصرته معاك ... هههههه
|
Post: #32
Title: Re: ينصر دينك يا شموس ... إبداع
Author: عفاف الصادق بابكر
Date: 05-27-2010, 10:02 AM
Parent: #26
Quote: يا عفاف
شموس ما بالغت عديل
شفت الفيديوهات |
ابدعت عدييييل كده ..
|
Post: #31
Title: Re: ينصر دينك يا شموس ... إبداع
Author: عفاف الصادق بابكر
Date: 05-27-2010, 10:00 AM
Parent: #25
Quote: دي ملفات للأغاني بصيغة mp3
للأستماع صوت فقط
|
تسلم ومشكور على نشر الجمال ..
|
Post: #30
Title: Re: ينصر دينك يا شموس ... إبداع
Author: عفاف الصادق بابكر
Date: 05-27-2010, 09:58 AM
Parent: #24
Safa Fagiri نهارك سعيد من عندنا ..
Quote: والأكثر روعة
ثقتها في الأداء والهوينة
في خلجات إيقاع نبراتها المتدرجة
التي تتمتع بها أغاني الخالد
عثمان الشفيع..
|
شفتى البت دي وجعت الاداء ده كيف ..
والله فرحتنى فرح وبتغنى بهدوء ذي الونسه ..
ينصر كل شيء عنده ..
Quote: لك ولشموس ولكل الكواكب
بالنيل الأزرق ومن قبل
ومن بعد للصامتون
المتكلمون بالأوتار -العازفون-
هتون الحب... |
ولك انتى كل الفرح والسرور يا راقيه ..
|
Post: #35
Title: Re: ينصر دينك يا شموس ... إبداع
Author: وليد عبد اللطيف
Date: 05-27-2010, 10:35 AM
Parent: #30
الاخت عفاف
Quote:
اخت عفاف
رأيك شنو في هاني السراج .. اذا لم تستمعي له يمكنك ان تستمعي له في اليوتيوب وبعدين نعرف رأيك .. صوت جميل واداء جميل..واغنيات جميلة |
ياللللللللللللللللللللللللللللللللله
ياخي ياريت تسمعي هذا الشاب بس اسمعي باضنيك
ولاتنظري الى حركاته منتهى الابداع
تخيلي هذا الشاب كان متوقع انه يكون من الثلاثة الاوائل وتقديره فعلا كان سليم حسب الترتيب
1- شموس
2- نعيمة
3- هاني السراج
ولم يعرف هاني السراج ان مع الاقدار اناس ليس لها معايير ورحمه
وقتها احسست كمية الاحباط التي انتابت هذا اليافع
بعد ان تقدم (شول دينق ) عليه وحينها ربطوا الفن بالسياسة وياله من امر مؤسف
واحد لم ينطق الحرف صاح في اغنية العطبراوي ويقول (حكّموا الادلا ) بدل من (حكّموا العدل )
يتقدم على هاني السراج حرام والله حرام
---------------
تسلمي يااختنا عفاف على هذا الابداع
|
Post: #36
Title: Re: ينصر دينك يا شموس ... إبداع
Author: عفاف الصادق بابكر
Date: 05-27-2010, 11:42 AM
Parent: #35
Quote: ياخي ياريت تسمعي هذا الشاب بس اسمعي باضنيك
ولاتنظري الى حركاته منتهى الابداع
تخيلي هذا الشاب كان متوقع انه يكون من الثلاثة الاوائل وتقديره فعلا كان سليم حسب الترتيب
|
يا وليد هاني صوته جميل ..
لكن تعرف في ناس بتحب الفن المكمل ...
يعني طريقة الاداء .. ومواجهة الجمهور ..
وزيادة على كده الفنون التانية من الاناقة وا وا وا ...
الحاجات دي بتنقص من رصيد الفنان ذي ما بتزيد في رصيده برضو ..
حقو لما نقول الزول ده فنان نفتش عن جميع جوانب الفن فيهو ..
في بعض من الفنانين تغمض عينك تستمتع بغناهم ..
وفي فنانين تقفل اضنيك تشوف الاناقة تديهو عليها 50% إبداع ..
نتمنى التوفيق لكل من يذرع جمال ..
مودتى بلا حدود...
|
|