يا عــافية في الزمن العليــل

Post: #1
Title: يا عــافية في الزمن العليــل
Author: فاروق أبوحوه
Date: 05-20-2010, 04:39 PM

يا عافيه في الزمن العليل
زمن المشاعر هم وليل
أديتك الخاطر دليل
وعارف العليك
ماهو القليـل

يا حبيبة الفينا فيك
الدمعة والحزن الوشيك
يالخطوتك نيلين وقاش
سوباط منمق في مشيـك

يا نادره غنيتلك غناي
دوبيت هواك شاشاي
وإنتي البتدي نداي
القُدره
و الروح
و الناي

عارفك تمام كيف النشيد
أطفال صباح و الدنيا عيد
رغم الأسي كاسي المسا
مالشوق بيفعل ما يريد

Post: #2
Title: Re: يا عــافية في الزمن العليــل
Author: musadim
Date: 05-20-2010, 06:50 PM
Parent: #1

الله كلام جميييييييييييييييييل

شكرا

نقلة رايعة من القرف المغطي المنبر اليومين ديل

Post: #3
Title: Re: يا عــافية في الزمن العليــل
Author: الطيب شيقوق
Date: 05-20-2010, 09:15 PM
Parent: #2

كلام عسل

بس انت وين يا سجم الرماد؟

Post: #4
Title: Re: يا عــافية في الزمن العليــل
Author: فاروق أبوحوه
Date: 05-22-2010, 03:28 PM
Parent: #3

Quote: كلام عسل

بس انت وين يا سجم الرماد؟

آمقطوع الطاري إت طيب ؟:

أخوك موزع بين العافية والبنيه الممنجهه
المسيكين يطارد في حمام القصيد ،
لا قفل بُرجو ورقد
لا الحمام بقي ود حلال.
ولا ناس الحِلة بريحو

دحين إت طيب ؟

Post: #5
Title: Re: يا عــافية في الزمن العليــل
Author: فاروق أبوحوه
Date: 05-26-2010, 09:22 PM
Parent: #2

Quote: الله كلام جميييييييييييييييييل

شكرا

نقلة رايعة من القرف المغطي المنبر اليومين ديل

تسلم يا أستاذ.

وربنا يجبر بخاطرك.

تحياتي