هل سيعود خليل الي الدوحه ؟؟ وكراعه فوق رقبته !!

اصلا هو كراعه فوق رقبته من امس ..

خصوصا وان القوات المسلحه الان تسيطر علي كل الاقليم بعد ان فقد خليل كل قواته في جبل مون ..
وبعد ان استسلمت المليشيات الباقيه وكانت قاصمة ظهر المتمرد وحركته ..

لكن السؤال هو ..
هل ما حدث كان صدفه ام يأتي الجواب من ليبيا ؟؟!!
...
وبسرعه !

الانباء تقول ان ما تبقي من متمرديه لا يتعدي 5 عربات لاندركوزر فرت الي الصحراء هربا من جحيم الجيش ..
حتي الان خليل يعجز عن الاتصال بأي من قادته الميدانيين ..
والسبب انهم فيهم من هلك وفيهم من اثر الاستسلام ..

لكن !! لماذا لم تسلم مصر خليل رغم علمهم بأنه قد انتهي ؟؟
ولماذا لم تسلم شاد خليل رغم علمهم بأنه قد انتهي ؟؟
ولماذا استضافته ليبيا مرة اخري؟؟

Quote: ولماذا استضافته ليبيا مرة اخري؟؟

اعتقد يا فيصل

ان ليبيا تمهد الطريق لصديقها القوي التجاني سيسي

لقيادة اقليم دارفور

ليبيا ظل يدعم كل حركات التمرد سرا وفي كل الدول المجاورة ولليبيا تاريخ اسود في هذا الاتجاه واغلب قيادات الحركات الاولي في دارفور نالوا تدريبهم داخل الاراضي الليبية
ولكن نتوقع خطوة شجاعة من المعمر حول ابعاد خليل الي مصر ثم الدوحة ليكون رحلة سعيدة

Quote: ان ليبيا تمهد الطريق لصديقها القوي التجاني سيسي

يبدو ذلك يا خليل ..
الا ان الوضع الان اصبح متساويا علي الارض ..
خليل وسيسي وعبد الواحد لم يتبقي لهم غير السنتهم ليتحدثوا بها ..
خليل فقد جيشه وهو الذي كان يمثل الفارق علي الارض ..

لكن السؤال الاخر هو ..هل تظن انهم سيندمجون في ممثل واحد ..وكرعينهم التلاته فوق رقبتهم ؟؟

حيرجع وكراعه فوق كتفو..
لانو حاليآ رقبتو مقطوعة

Quote: ليبيا ظل يدعم كل حركات التمرد سرا وفي كل الدول المجاورة ولليبيا تاريخ اسود في هذا الاتجاه واغلب قيادات الحركات الاولي في دارفور نالوا تدريبهم داخل الاراضي الليبية

وهذه لا يختلف فيها اثنان يا عصام ..
فالقذافي متخصص في اثارة الفتن والنزاعات في الجوار ..

Quote: ولكن نتوقع خطوة شجاعة من المعمر حول ابعاد خليل الي مصر ثم الدوحة ليكون رحلة سعيدة

الحكومة السودانية تتمتع الان بوسائل ضغط كما لم تتمتع بها من قبل فيما يخص مصر ومياه النيل وشاد ومتمرديها ..
اما ليبيا فتحتاج الي حلول اخري تجعلها ترضخ وتغسل يديها من هذا الدور ..

Quote: حيرجع وكراعه فوق كتفو..

نعم يا محمد عوض ..لا شك في هذا ..
لكن هل سيوافق ان يعمل تحت مظلة سيسي ؟؟
خصوصا وانه اصبح بلاسند عسكري ..او اقليمي ؟؟

الحكومة السودانية حرصا لدماء الشعب السوداني وبموقع مسئوليتها مد حبال الصبر لحركات التمرد رغم تنفيذ كل مطالب اهلنا في دارفور ولكن ظل العدل والمساوة وغيره رهينة لاجندة حزبية ودولية تقتل وتحرق قري اهلنا في دارفور ولكن كل المجتمع الدولي ادرك حقيقة تلك الحركات والقوات المسلحة دون شك لم تكن عاجزة لدك تلك الحركات ولكن ان الاوان لذلك لحماية شعب دارفور من تسلط الحركات

اخر الاخبار من طرابلس او قوول من مدينة سرت ؛

القذافي عرض عليهو خيارين :

1/نركبك الطيارة دي وعلي حسابنا وتسافر الدوحة.
2/نركبك نفس الطيارة الفوق دي ؛وبرضو علي حسابنا ونسلمك ناس الخرطوم


**
تحياتي يافيصل.

Quote: لقذافي عرض عليهو خيارين : 1/نركبك الطيارة دي وعلي حسابنا وتسافر الدوحة. 2/نركبك نفس الطيارة الفوق دي ؛وبرضو علي حسابنا ونسلمك ناس الخرطوم

شكرا بشير علي المعلومة ..
وانا شخصيا لا امن الليبي علي اي شئ ..خليل انتهي وسيذهب الي الدوحه دون شك..

لكن

هل سيكف القذافي شروره وجنونه عنا ؟؟

Quote: الحكومة السودانية حرصا لدماء الشعب السوداني وبموقع مسئوليتها مد حبال الصبر لحركات التمرد رغم تنفيذ كل مطالب اهلنا في دارفور

وهذا ما جعلهم يتبجحون ..
اتمني ان يكونو قد وعوا الدرس ..

Quote: اخر الاخبار من طرابلس او قوول من مدينة سرت ؛ القذافي عرض عليهو خيارين : 1/نركبك الطيارة دي وعلي حسابنا وتسافر الدوحة. 2/نركبك نفس الطيارة الفوق دي ؛وبرضو علي حسابنا ونسلمك ناس الخرطوم ** تحياتي يافيصل.

والله مهزلة ياحليلك ياخليل اخوي
وقبل قليل في قناة الجزيرة احمد حسين حالتوا تحنن والله زنقة من المذيع ما اقل من زنقة خليل في الطيارة
اللهم لاشمت

Quote: وقبل قليل في قناة الجزيرة احمد حسين حالتوا تحنن

احمد حسين (يلهث) من اول امس ..
وطاقي الكوراك لا قادر يقول الحقونا لا قادر يقول انا ما داير معاكم ..
هسه في وكت زي ده الود احمد ده مش مفروض يركب اول طياره ويجي علي ليبيا يلحق رئيسه(:

الأخ فيصل الرشيد
لا تبنى أبراج من الرمل
على شاطئ دارفور وأسأل نفسك
لماذا لم تعتقل تشاد د. خليل
حسب مذكرة التوقيف الصادرة من حكومة
الخرطوم ؟ سيسى لن يكون بديلا لعبد الواحد
محمد نور ود. خليل ابراهيم وغدا لناظره لقريب .