Post: #1 Title: حن ياقمر..محمد بدوى أبوصلاح..وعشرة ألأيام. Author: ismeil abbas Date: 05-20-2010, 09:20 AM Parent: #0
برنامج عشرة ألأيام التى تقدمه المذيعة نسرين النمر بصورة جيدة وحوار هادف..يستفيد منه المشاهد ويترك إرث لجيل المستقبل من حكاوى عن شخصيات خلدت جميل فنها فى حقبة مضت..
إستضافت امس فى حلقتها المميزة والتى كانت تتحدث عن شاعرنا الفذ صالح عبدالسيد ابوصلاح..
وكان ضيوفها غاية فى الروعة وألألق..
Post: #2 Title: Re: حن ياقمر..محمد بدوى أبوصلاح..وعشرة ألأيام. Author: ismeil abbas Date: 05-20-2010, 09:38 AM
من الضيوف ألأستاذ/الشاعر اللواء أبوقرون:تحدث حديث العارف بخبايا شعر أبوصلاح ووضع لمساته الجميلة على الحلقة بأدائه الرائع وروحه الفنية الجميلة
والباحث فى الغناء الشعبى ألأستاذ/أحمدالمصطفى الشاذلى..وألأستاذ/بدوى أبوصلاح إبن شاعرنا الكبير والذى يحفظ كثير من مخطوطاته ودواوينه..
Post: #8 Title: Re: حن ياقمر..محمد بدوى أبوصلاح..وعشرة ألأيام. Author: وليد عبد اللطيف Date: 05-20-2010, 11:41 AM Parent: #7
اولا اشكر حبيبنا اسماعيل كما اشكر الاخ عمر عثمان الذي اهداني هذه الاغنية في بوست سابق
Quote: أغنية حن ياقمر أوفى لي ميعادا من كلمات ابوصلاح ولقد ذكر محمد حسن الجقر في كتابه روائع حقيبة امدرمان إنها من الحان الفنان على الشايقى ولقد سجلها على الاسطوانات الفنان التوم عبدالجليل وهوالشقيق الأكبر لعصفور السودان إبراهيم عبدالجليل .. ولقد اعتزل الغناء منذ فترة طويلة ولقد كان يؤذن في إحدى مساجد الموردة... وتوفى في نهاية التسعينات على ما اذكر ...سجل التوم عبدالجليل عدة اسطوانات منها ...
* من فروع الحنه وزهرة التفاح لإبراهيم العبادى *آمنه للشاعر عبدالرحمن شوقي * القمري المظلل لابوصلاح * فرع البانه البيرنع يقود لابوصلاح * عيني ساهرة وقلّ اصطباره لابوصلاح
و حن يا قمر أوفى لي ميعادا
حن يا قمر أوفى لي ميعادا ......... منامي خاصمني و لي عادا ************** غمضة اجفانى طال بعادا ...........وسال دمعي البقـالى عادا أرجو من شوفتك الاعادا .......... جفاك شقا ونظرتك ســـعاده ********** البدور ناظره ليك حساده ......... ودون حلى تضوي خلقه ساده والشعر في القديم تساده .......... والردف باقـــى ليك وســــاده ************* المحي اللمـــع تبـــــادا........... كم عـــوازل حــــرق اكبادا نوره فرم كلاى ابــــــادا ..........وكان هواك يبقى لي عـــباده ************ ما الضمير الرنع تهادا ............. نظرته بى عيني زاد سهاده يا نجم سالك الشهادة .............. كفاي عذاب وروحي طال جهادا ************ حزت شوقي الكتر ترادا ............ وبالجمــال حــازت لانفرادا تومة البــدر قلبي رادا ..............وامـــــرى ســلمــته للاراده *************** الشعور وأخر امــتدادا ............... مــع القـــديم اتصــل ودادا والســـهام زايد اشــتدادا ............. جروحي هل تدرى بى عدادا ************* ليك لحاظ ماسكه في القيادا ........... ولى جروح ماشه في الزياده أرجو من صاحب السياده ............. قليـــل مـــراهم من العــــياده
تسلم ياوليد والله يديك العافية....شكرآ للأضافة الثره...
Post: #11 Title: Re: حن ياقمر..محمد بدوى أبوصلاح..وعشرة ألأيام. Author: هاشم أحمد خلف الله Date: 05-21-2010, 09:04 AM
صديقي الجميل إسماعيل عباس لم تتاح لي الفرصة لحضور تلك الحلقة ولكني حضرت الجزء الاخير منها وقد كانت أغنية ( حِن يا قمر ) وبكل اسف صدمت من اداء الإبن محمد . الأغنية فيها تطريب عالي جداً وقد سمعتها من عدد من الفنانين واجزم أن من اجاد في اداءها المطرب الرائع عاصم البنا ساحاول مرة اخرى ان احضر الحلقة من بدايتها حتى احكم على اداءه لجميع الأغاني التي غناها . ولي عودة اكيد ة .
Post: #12 Title: Re: حن ياقمر..محمد بدوى أبوصلاح..وعشرة ألأيام. Author: ismeil abbas Date: 06-03-2010, 10:09 AM Parent: #11
فوق ..عشان ألأخ/طارق ميرغنى..
Post: #13 Title: Re: حن ياقمر..محمد بدوى أبوصلاح..وعشرة ألأيام. Author: وليد عبد اللطيف Date: 06-03-2010, 10:47 AM Parent: #12
الاستاذ هشام خلف الله
Quote: واجزم أن من اجاد في اداءها المطرب الرائع عاصم البنا ساحاول مرة اخرى ان احضر الحلقة من بدايتها حتى احكم على اداءه لجميع الأغاني التي غناها . ولي عودة اكيد ة .
بالنسبة لي وامكن تكون لم تسمعها عند الاخ فرفور طبعا فرفور غناها قبل عشرون عام ووقتها كان يغني شعبي يجمال يمتلك صوت قوي وتطريب في كل اغاني الحقيبة رهيب جدا
الاخ اسماعيل ياخي يكفي الشاب محمد بدوي سماع الراحل المقيم (عثمان حسين ) الى صوته والاشاده به وطبعا حسب سهرة ابوصلاح ما عارف الناس معترضة على صوته ام على كيف تم استضافة الى حلقة ابوصلاح في نظري كان يوجد (عباس تلودي او محمود صداح ) هم اقرب ناس ممكن تغني اغاني ابوصلاح وافتكر تمت استضافة محمد بدوي لتكريم ابوصلاح في شخصة وهذا حسب قرابتهم الشاب محمد بدوي شاب متطور وربنا يوفقه
Quote: بالنسبة لي وامكن تكون لم تسمعها عند الاخ فرفور طبعا فرفور غناها قبل عشرون عام ووقتها كان يغني شعبي يجمال يمتلك صوت قوي وتطريب في كل اغاني الحقيبة رهيب جدا
وليد كيفنك .. فعلا الاغنية عند فرفور إبداع ما بعده ابداع ..
لو سمعوها بصوت فرفور حا يغيروا رائهم ..
Post: #17 Title: Re: حن ياقمر..محمد بدوى أبوصلاح..وعشرة ألأيام. Author: وليد عبد اللطيف Date: 06-03-2010, 11:44 AM Parent: #14
الاخت عفاف سلامات
Quote: وليد كيفنك .. فعلا الاغنية عند فرفور إبداع ما بعده ابداع ..
لو سمعوها بصوت فرفور حا يغيروا رائهم ..
احكي ليك بمناسبة صوت جمال في يوم مشينا (بانت امدرمان ) انا وصديقي جمال فرفور نجامل واحد زميلنا زواج شقيقته و العروس نفسها زميلتنا والحفله في حوش البيت جمال بغني تقوم تجي واحده كبيره في السن شويه وقالت الى جمال تغني الاغنية التي لما انت غنيتها بكيت فيها .. جمال المجنون يقوم يغنيها ويقول : ابوي وينو البعصر جنايا ابوي وينو مرواد العمايـا وتعالي شوفي بعد داك الخاله تقوم تقع في الارض وتنخج من البكــــاء شيلك شيلك والناس تحنس والمياه رجعت لمجاريها بقدر ما استمتعت زعلت من جمال فرفور ... جمال ياعفاف يمتلك صوت ماعادي .. في السابق كنا نقول له احترف الغناء يرفض وحتى اذا كان يغني فقط داخل البيوت والصوالين حفلة خارجية في الشارع يرفض خجول جدا جدا .... الان سبحان الله مغير الاحوال من حال الى حال
بعد ايجاز عن تاريخ ابوصلاح مولده ورحولهم لبحري وعمله بمصلحة الوابورات تحدث د. وجدي عن زواج ابو صلاح الاول من جدته زينب طه ووصفها بالشخصية التاريخية ولقبها بحبيبة الكل وانا اشهد علي ذلك وانها امراة تشع انسانية وطيبة ومحمبة لكل الناس. واثر سؤال عن كم سنه عايشها اجاب وجدي بانه عاش معها 26 سنه
وفي الحقيقة انها عاشت في منزل ابنها كامل صالح مدة اطول أي قبل ميلاد وجدي وحين قابلتها لم يكن ذلك الضمير الذي غني له ابو صلاح بل جسم ضخم رحمة الله عليها لكنها كانت من الجمال والظرف لا يمكن تصوره.
امراة جميلة بمعني الكلمة تناديني فور دخولي للمنزل لاسلم عليها بالاحضان وتحكي لي ضاحكة بين كل كلمة واخري رحمها الله عن كل امور الدنيا
اخي سمعه طبعا صديقي لؤي شمت هو مستشاري في هذه الحالات
اشار لي الي موقع تحميل مخستق
الثاني ساحاوله مرة اخري وان شاء الله باكر لنا محاولات
فتكم بعافيه
Post: #28 Title: Re: حن ياقمر..محمد بدوى أبوصلاح..وعشرة ألأيام. Author: وليد عبد اللطيف Date: 06-04-2010, 00:38 AM Parent: #27
الاخ طارق ميرغني (ابو الفن ) تخيل اتوقع للشاب محمد بدوي اذا التزم واجتهد سوف يصل الى مستوى (فنان العرب ) محمد عبده لانه كانت بداياته في عمر محمد بدوي بس كيف يوفر الى الشاب محمدبدوي المناخ المناسب
الغالي اسماعيل تحبة ندية وتقدير خاص لك وأنت تشير لمواطن الجمال .. محمد بدوي أبو صلاح بامكانه الظهور بمظهر الفنان المتميز ان بحث في تراث جده الذي لم يغنى ..اضافة لما تركه شعراء الحقيبة الراحلون من شعر رائع لم يصل لأذن المستمع .. يا ليت الابن محمد يهتم بتلك الأغاني غير المسموعة من غناء الحقيبة.
الحلقات فيها كلام جميل بس بصراحة شديدة حفيد ولا ولد ابو صلاح الغناء في حتة وهو في حتة في نظري المتواضع صوته ضعييييييييف ولا يصلح ان يكون مغني ياخي بدور القلعة وجوهرها غناها زي نقنيق القعونجات في موية المطر
Quote: ياخي بدور القلعة وجوهرها غناها زي نقنيق القعونجات في موية المطر
اتفق معاك تماما يا طارق
بصراحه الولد ده ما مفروض تشجعوه على الغناء لانه لا صوت لا اداء, اول حاجه نطقه ما سليم للحروف, ثاني حاجه بيفتح خشمه كبير زياده عن اللزوم عشان يطلع الصوت و يصرخ. لكن زي ما قلت قبل كده ممكن ينجح لو طور نفسه شويه لانه في ناس صوتهم اكعب منه و نجحوا لانه الساحه الفنيه الحاليه حالتها سيئه. بيعزف عود كويس, يمكن لو ركز في العزف و يدرس شويه اخير ليه يكون عازف و عشان جده ابوصلاح ممكن يكون باحث في الحقيبه لكن غناء ده ما حقه. ناس القنوات عاملين ليه شنه و رنه اكتر من الللازم و انا متاكده اهله ما شايفين صوته طروب لكن بيشجعوه لانهم عارفينه ممكن يوصل رغم كل شئ. معليش يا محمد لو قريت كلامي و زعلك لكن الحاجات دي ما فيها مجامله و اسمع كلام ببكيك
Quote: الغالي اسماعيل تحبة ندية وتقدير خاص لك وأنت تشير لمواطن الجمال .. محمد بدوي أبو صلاح بامكانه الظهور بمظهر الفنان المتميز ان بحث في تراث جده الذي لم يغنى ..اضافة لما تركه شعراء الحقيبة الراحلون من شعر رائع لم يصل لأذن المستمع .. يا ليت الابن محمد يهتم بتلك الأغاني غير المسموعة من غناء الحقيبة.
إقتراح جميل..ولآبو صلاح كثير من القصائد لم ترى النور...
Quote: بصراحه الولد ده ما مفروض تشجعوه على الغناء لانه لا صوت لا اداء, اول حاجه نطقه ما سليم للحروف, ثاني حاجه بيفتح خشمه كبير زياده عن اللزوم عشان يطلع الصوت و يصرخ. لكن زي ما قلت قبل كده ممكن ينجح لو طور نفسه شويه لانه في ناس صوتهم اكعب منه و نجحوا لانه الساحه الفنيه الحاليه حالتها سيئه. بيعزف عود كويس, يمكن لو ركز في العزف و يدرس شويه اخير ليه يكون عازف و عشان جده ابوصلاح ممكن يكون باحث في الحقيبه لكن غناء ده ما حقه. ناس القنوات عاملين ليه شنه و رنه اكتر من الللازم و انا متاكده اهله ما شايفين صوته طروب لكن بيشجعوه لانهم عارفينه ممكن يوصل رغم كل شئ. معليش يا محمد لو قريت كلامي و زعلك لكن الحاجات دي ما فيها مجامله و اسمع كلام ببكيك
Quote: لكن زي ما قلت قبل كده ممكن ينجح لو طور نفسه شويه لانه في ناس صوتهم اكعب منه و نجحوا لانه الساحه الفنيه الحاليه حالتها سيئه.
لاصوت له ولا أداء.:. يعنى با أخت دانيا الناس تخفزوا عشان يستمر وللا نقول ليهو stopهنا ....
Quote: اول حاجه نطقه ما سليم للحروف
ممكن مثال يا أخت دانيا عشان يصلح نفسو فى الحتة النطقو فيها ما سليم...
Quote: ثاني حاجه بيفتح خشمه كبير زياده
ما اعتقد بتأثر الحكاية دى..لكن ممكن تانى يصم خشمو وما يفتحو شديد ..
Quote: لكن غناء ده ما حقه
Quote: ناس القنوات عاملين ليه شنه و رنه اكتر من الللازم و انا متاكده اهله ما شايفين صوته طروب لكن بيشجعوه لانهم عارفينه ممكن يوصل رغم كل شئ. معليش يا محمد لو قريت كلامي و زعلك لكن الحاجات دي ما فيها مجامله و اسمع كلام ببكيك
كان ناس القنوات عاملين ليهو شنه ورنه أكثر من اللأزم ماعارف..يعنى ناس القنوات ديل كلهم غلط؟؟وما تتأكدى كثير والله أهله شايفنوا كويس وصوته جيد وممكن يتطور..ويوصل كيف يا دانيا رغم كل شىء؟؟كلام ماقادر أستوعبو...
النصيحة سمحة مافى شك..لكن لابد ان ننصح بحكمة حتى يستفيد متلقى النصيحة...
لك التحية مرة أخرى أخت دانيا...
Post: #44 Title: Re: حن ياقمر..محمد بدوى أبوصلاح..وعشرة ألأيام. Author: معتصم دفع الله Date: 06-06-2010, 05:29 PM Parent: #42
إسماعيل يا صديق .. عارف محمد بدوي أبوصلاح قدر إنه يضع قدمه على أرضية كويسه للدخول لعامل الفن رغم صغر سنه .. إختلفنا معاه في أدائه أو إتفقنا .. يجيد العزف على العود بأسلوب جميل + تعامله مع المجموعة الموسيقية المصاحبة له بصورة جيدة .. نحن دائماً تعودنا أن نسمع الحاجة القديمة مع رفضنا للجديد شغالين بالمثل سمح الغناء في خشم سيده .. وبدون تشجيعنا للشباب لن يكون هنالك تواصل أجيال وكلامي دا للشباب المجدد والمبدع في نفس الوقت .. أخونا طارق جبريل دا زينا كده (أضانه) إتعودت على الحاجات القديمة السمحة .. بس يا طارق قعونج مره واحده كتيره ياخ عارف يا طارق عندي ود أختي من صغره قاعد يغني وعامل فيها فنان لكن بي طريقته هو .. كم مره إقترحت عليهو نوديهو لواحدة من القنوات الفضائية لكن قاعد يرفض بأدب .. تعرف ود أختي دا معاهو شلة شباب أصحابه ماسكين درب الموسيقى قاعدين يألفو ويلحنو براهم .. قبل كم يوم شفته في أستديو النجوم بالتلفزيون قلت الزول دا شغال بطريقتو وإنو فنه دا عايز إجتهاد منه موووش عايز واسطة .. أها أولادنا ديل خلينا نقيف معاهم بأضعف الإيمان ما عايزنهم يطربونا لأنو عندهم الجيل القدرهم البقدر يسمع ليهم ويطرب ليهم .. يعني نحن ما ناكل خريفنا وخريف غيرنا .. ولا زلت مصر على إنو نقف مع الشباب والشباب الطموح الذي يحمل الفن في دواخله ويريد إسعادنا به ..
Quote: ولا زلت مصر على إنو نقف مع الشباب والشباب الطموح الذي يحمل الفن في دواخله ويريد إسعادنا به ..
لكم جميعاً .. ولمحمد بدوي كل الود والتقدير ..
كلامك مفيد وفى محلو..ورسالتك وصلت لمحمد بودى بصورة جميلة وبشكرك عليها...
نحن السودانيين إنطباعيين جدآ ما يرسخ فى ألأذن أول هو الجيد..وماسكين فى المثل البقول سمح الغنا فى خشم سيدو...ودى الحتة القافلين فيها أنفسنا..
فى كل حاجاتنا حتى الحياتية غير الفن يا أخى معتصم..بنقول مد كراعك قدر لحافك..طموح بعضنا محدود ومحدداهو أمثالنا المغلقة دى...
كنت بتكلم مع محمد بدوى قبل شوية..قال لى ..هل بتشوف بأنى ممكن أستفيد من ألأراء الشخصية المكتوبة دى هنا....قلت ليهو إنت ما خسران حاجة أقرأ وأعمل ألبتراهو مناسب وأسأل أهل ألأختصاص..فى ناس بتستفيد منهم وفى ناس بجوا بكتبوا أى كلام والسلام..
شوف من الدقيقه الرابعه بس عشان تشوف فتح الخشم الكبير و النطق الغلط و غير السليم لحرف الذال في شذاها و حرف الثاء في ثراها و لك الود
معليش في نقاط ما شفتها, ممكن ينجح رغم كل شئ اعتقد اني وضحتها في الرد نفسه انه ممكن ينجح رغم انه بينطق غلط و صوته ما خالص و بيفتح خشمه كبير عشان الساحه الفنيه الحاليه ممكن تستوعب الاسوأ منه كمان و عشان جده ابوصلاح, بصراحه كده قول ليه ستوب و ركز في العزف.
Quote: يسعدنى مرورك هنا بالرغم من إنك لم تبدى بالتحية لشخصى...
يا سيدي الفاضل سامحنا لانه الواحد في الاسافير دي اتعود يجي يكب رأيه ويقطع وشه اكرر اعتذاري على عدم التحية
Quote: واتمنى ان يحسن محمد بدوى من ادائه أكثر وأكثر حتى يبعد حسب وجهة نظرك من نقنيق القعونجات فى موية المطر ... لم احس بأنه كذلك ..لمذا الله اعلم؟؟
لا زلت عند وجهة نظري الود دة موهوب في العود جدا وممكن يكون عنده مستقبل باهر ويكون مشروع ملحن كبير بس قصة يغني دي مااااا لااااااااااااااافقة ما عنده إمكانيات بتاعة غناء نهائي بالنسبة لي ان لن يكون مطربا ولو طارت معزة ملحنا وعازف عود ممتاز ابصم عليها بالعشرة
Quote: وفى ناس بجوا بكتبوا أى كلام والسلام..
أي زول يا حبيبنا اسماعيل بيجي يكتب رأي بالنسبة لي هو جدير بالاحترام حتى لو اختلفت معاهو يعني لو اختلفنا معاهو ما معناهو انه كلامه دة مفكوك في السهلة كدة وهردبيس ساكت
معتصم يا حبيبنا:
Quote: أها أولادنا ديل خلينا نقيف معاهم بأضعف الإيمان ما عايزنهم يطربونا لأنو عندهم الجيل القدرهم البقدر يسمع ليهم ويطرب ليهم .. يعني نحن ما ناكل خريفنا وخريف غيرنا ..
يا حبينا اي موهبة انا معاها للطيش الولد دة موهوب في العود جدا جدا بس حكاية يغني دي اعفيني منها ماااا لااااااااافقة كله كله معاهو ياخي
تليشة: اسماعيل عباس الرأي هو رأي لا أكثر ولا يحتمل شخصنته