يا هيثم كابو ... عذبتنا!!

جلسنا أمام شاشة النيل الأزرق لنمني أنفسنا بمشاهدة السهرة الفنية " سهران يا نيل" والتي إستضافت ليلة البارحة الفنان حمد الريح والفنان سيف الجامعة والصحفيين عادل سيد أحمد وهيثم كابو وصحفي آخر لا أذكر إسمه وكان موضوع الحلقة الخلافات بين جيل الشباب و الكبار من الفنانين ودور الصحافة في هذه المعركة....
وما أن بدأ الحوار حتى أمسك المدعو كابو بتلابيب النقاش وأصبح يصول ويجول وكأنه يا إستديو ما فيك إلا أنا .... ياخي روق شوية أدي فرصة ياخي للمعاك ... حتى المذيع سعد الدين إبراهيم مقدم البرنامج وهو الذي يدير دفة الحوار غلبوا البعمله مع المدعو كابو ده... وتمدد النقاش وتشعب وتحول لهرجلة وغوغائية وتاه المشاهد بين شطحات كاوبو ومحاولات المذيع اليائسة لضبط الحلقة واعادة توازنها كما حاول عادل سيد أحمد عدة مرات أن يتدخل باللكز والرفس لأخونا كابو الذي كان يجلس بجواره ولكن لا فائدة ... أفسد هذا المدعو اللقاء الفني الذي كان من المفترض أن يتدفق فنا وجمالا وأدبا... وضاعت الحلقة وتحولت بدلا من ذلك لحلقة خضار تتعالى فيها الأصوات والصياح .... طماطم ... عجور ... جرجير ... علينا جاي

هيثم كابو عندو موهبة بتاعة نضم كدة غريبة ياخ


أنا أول مرة في حياتي أشوف زول مستعد يتكلم كلام كتير قدر دا


لكن بالنسبة لي .. وكما هي العادة .. أمبارح شفت الزول دا قاعد


بالرااااااحة كدة غيرت للمحطة البعدها


ودائماً كدة ..

Quote: حتى المذيع سعد الدين إبراهيم مقدم البرنامج وهو الذي يدير دفة الحوار غلبوا البعمله مع المدعو كابو ده

دا مع العلم إنو سعد الدين حسن زول متمكن جداً وناجح في إدارة الحوارات..


لكن تقول شنو



تحياتي

الأخ الاستاذ / الطيب مصطفى
تحياتى وتقديرى ،،


أراحنى هذا البوست كثيرا .. لاننى كنت فى صدد
فتح بوست بهذا المعنى .. فالاستاذ / كابو فعلا
أفسد هذا اللقاء بكثرة مناقشته وعدم إتاحة الفرصة
لزملائه الآخرين ..

أما الصحفى الآخر أخى الطيب فهو الاستاذ / وجدى الكردى
رئيس تحرير صحيفة حكايات بالاضافة الى الاساتذه ( كابو ، عادل
سيد أحمد ، والاستاذ / سيف الجامعة والاستاذ / حمد الريح ومقدم
البرنامج الاخ الاستاذ / سعد .
تحياتى وتقديرى أخى الطيب ..

تاج السر

أخي نادر النور .. لك التحية

Quote: دا مع العلم إنو سعد الدين حسن زول متمكن جداً وناجح في إدارة الحوارات

أوافقك على أن الأستاذ سعد الدين راجل فاهم ومن المذيعين المتميزين خاصة في الموضوعاتالفنية ولكن صاحبنا ده بالغ عديل كدة ياخ والله أمبارح دي لو جابو ليه مدير القناة زاتو ما كان وقفو

الأخ الأستاذ/ تاج السر
لك خالص التحية ومشكور على التقرير الوافي في الخرطوم عن وداع الأستاذ عبد المنعم
وأشكرك للتصحيح

Quote: أما الصحفى الآخر أخى الطيب فهو الاستاذ / وجدى الكردى رئيس تحرير صحيفة حكايات بالاضافة الى الاساتذه ( كابو ، عادل سيد أحمد ، والاستاذ / سيف الجامعة والاستاذ / حمد الريح ومقدم البرنامج الاخ الاستاذ / سعد .

وآسف لعدم تذكري للأستاذ وجدي فقد كانت مساهمته في الحوار مقدرة واتسمت بالعقلانية والإيجابية لكن الجميع لم يستطيعوا أن يقودوا الحوار بشكل يستفيد منه المشاهد بكافة مستوياته والسبب كما قلت (( وأظنك إتفقت معي)) صاحبنا كابو ... وعشان لا نهضمه حقه كابو ده لو تجمل بأدب الحوار والإتزان مكن يجي منه الكثير ...

الأخ العزيز / الطيب مصطفى ...

تحية الود والتجلة ...

صراحة هيثم كابو أمس بالغ عديل ... ياخي أنا لو لي مراد كنت كسرت التلفزيون .. يعني كان بيتكلم وبيقاطع بطريقه ما معقوله .. أفسدت الحوار حقاً .. حتى علقت للمدام .. (بالله شوفي الناس ديل زي نسوان السمايه .. كلهم يتكلموا وزول يسمع مافي ) ...

Quote: وعشان لا نهضمه حقه كابو ده لو تجمل بأدب الحوار والإتزان مكن يجي منه الكثير ...

وكمان بوافقك في الحته دي أخوي الطيب .. أمبارح ما عارف ليه تذكرت د. حمزه .. راجل مثقف ولكن عيبو إنو بيتكلم أكثر من الضيف وبحب يستعرض معلوماتو ... لكن بالجد كابو أمس كترها خالص ... حتى إنو الفنان سيف الجامعه أتذمر من المسأله دي ومره قال : إنتو هيثم ده بيتكلم كتير كده ليه ؟ .. غايتو أرجو أن يجد من ينتقده صراحة في هذا المنحى حتى لا يعود لمثل ذلك في المستقبل...


وتقبل خالص تحياتي .. وصادق الأمنيات ...

أخي إدريس أشكرك كثيراً على التعليق الذي تتفق فيه معي ومع الكثيرين على ما أظن ونحن لا نريد أن نحاكم الرجل بقدر ما نريد لأجهزة إعلامنا أن ترتقي لمستوى الإعلام العربي ( دع عنك العالمي) الذي من حولنا ففيه مدارس كثيرة سبقتنا وتركتنا عايشين على الماضي وزمانه الراح ... مثل الكثير من المجالات التي كان لنا فيها قصب السبق وأصبحنا في ذيل القائمة بل إنمحت كل بصماتنا التي وضعها أجدادنا في السابق في مجالات إبداعية كثيرة ككرة القدم والإدارة والسياسة وغيرها فضاعت منا الريادة في معظم الأشياء نتيجة لهذه الممارسات الفطيرة......

كابو سيد الورم زاتو
والعجب كان قريتو ليهو شي عن الكورة

اخي الطيب

بعد برنامج محاكمات يبدو ان كابو بيفتكر انو الحكم في اي محاور نقاش

اما اخي تاج السر:

Quote: أراحنى هذا البوست كثيرا .. لاننى كنت فى صدد فتح بوست بهذا المعنى .. فالاستاذ / كابو فعلا أفسد هذا اللقاء بكثرة مناقشته وعدم إتاحة الفرصة لزملائه الآخرين

في انتظار بوستك الداخل البوست ده

يا أخوانا المشكلة ما بس في انو كلامو كتير وصادر حق الناس في الكلام..

المشكلة في انو هذا الولد رأسه عبارة عن قرعة فاضية

سواء في كلامو أو كتاباتو...ويا ريت لو واحد زودنا بمقال الاستاذ فيصل محمد صالح عن الصحفي الشبح..

الأخوان الكرام
طارق ميرغني
حسام هارون
عمران حسن
لكم التحية والتقدير
أود أن أؤكد مرة أخرى كامل إحترامي للصحفي كابو ولكن من حقنا أن نشاهد ونستمع ونقرأ ما يفيد لا ما يعكر الصفو

الطيب يا خوي احترموا لما هو يحترم الناس المعاو

انا الفلم ده خشيتو مرتين وفي المرتين البطل كابو بمسخو علي

لان الحلقه الشفتوها كانت امتداد للحلقة السابقه يوم الثلاثاء الماضي

واللي كان مافيها سيف ولا حمد يعني البطوله شبه مطلقه لاخونا كابو

و بننصحو يخف شويه لانو كتر الحكي والصوت العالي مابيعني ابدا ثبات الحجه يامعلم بس بعذبنا نحنا