فى نقاش قريب قلت ليك انا شترة مرات نوع دا مذكر ودا مؤنث فى جنس الاحوال ماوارد خالص ..والانسانية هى الفيصل
المشاعر دى واحدة والحنين واحد وكذلك الشجن بس اظن نصيبنا(هن) فى التعبير هو الشوية ..... ياهوارى انا متاكدة انك حريف وماقصدك تورطنى؟ اشمعنا وصل المدعوين ما المدعوات؟والمعزين ما المعزيات والخ ولو مامقتنع فهن كل العزا
البوست دا تحديد لاصحاب القلوب الرهيييييييفة فحبابك
Post: #29 Title: Re: العزيزة,,,,, Author: ندى عثمان حسن Date: 05-20-2010, 05:48 AM Parent: #25
أميرة
أنت قالو مالو الايام دى؟
الطيب مدثر , بيغنى لرقبتو فى الأول , عشان كدة كل من يسمعو يطرب ليو حد الطرب.
اسمعى عندو : أسال عن حبيبك.
وناااايس ويك إند.
Post: #30 Title: Re: العزيزة,,,,, Author: خالد العبيد Date: 05-20-2010, 06:30 AM Parent: #29
سلام يا اميرة العزيزة اغنية عزيزة جدا علي ولي معها زكريات جميلة اسفت جدا وتحسرت لاعتزال صاحبها الفنان فتحي حسين المك فهو من الاصوات النادرة والمميزة يا ريت نلقى واحد ينزل لينا الاغنية بي صوت فتحي وبالعود كمان الاغنية الحان عمر الشاعر بس ما متأكد من الشاعر منو واعتقد ان فتحي مقيم الآن في الرياض بعد ان اعتزل الغناء وبالمناسبة اغنية الغاريك جمالك البغنيها حمدالريح من اغاني فتحي المك برض
خالد العبيد ...سلاااااااااااام تعرف انا ما كنت عارفة ليها فنان غير الطيب مدثر وما سمعتها من الفنان فتحى حسين .. اتمنى يتكرم زول ينزلها لينا شان اسمعها ومشكور على المعلومة دى ..
شاعر الاغنية عمادالدين ابراهيم وملحنها عمر الشاعر كما ذكرت انت ...
انت الوحيد جيت فى عضم البوست باقى الشباب ديل يبدو انهم اكتفو بالغنا او نحن جبلنا على التخدير والامنيات والانتظار فبما يخص العاطفى او كانما هو حلم وكان قصص الحب توجد على كتب التاريخ والافلام والمسلسلات اى هى من وحى الخيال فقط ,,,, لذلك تجدنا زاهدين فى محاولة تحقيق هذا الحلم ونكتفى بشرف المحاولة والباقى نعلقو على شماعة القسمة والنصيب ,,
فى مداختل استوفتنى عبارة انفتحنا اكثر ... انفتحنا اكثر صاح ولكن حسب اعتقادى هوانفتاح تجاه الكم وليس الكيف هو انفتاح تجاه الشكل وليس المضمون والانفتاح كان لصالح ثقافة الفاست فود والتيك اوى اى ان المشاعر برضها دخلت من ضمن سوق الفاست الرائج فى السنين الاخيرة ... ببساطة ممكن زول يقول ليك حب شنو؟ هو فى زمن زاتو للحب؟؟؟ تخيل؟ نفس الشئ ما فى زول قادر يصبر على علاقة ولا قادر يدافع عنها الافيما نادر ... نسبة الطلاقات مرتفعة اكثر من قبل نسبة العلاقات العاطفية البتسجل حضور فى سوق الفشل العاطفى حدث ولاحرج والكل محبط ولاادرى اين الخلل واليوانع فى مسيرة العلاقات الانسانية كلنا مساهمين فى قتلها بوعى او من غير وعى هل يصبح الحب مجرد حكاوى وذكريات ؟
اولا سلمى على بت التلب وياريت اسمع القصة الاخرى شان انا برضو بت امى وقاعد اقول عندى امهات كتار فى الدنيا ومحل ما بمشى بصادف ام وبت التلب ممكن تكون امى برضو,, هو الموضوع شنو??,, متفقة معاك فى انو الطيب مدثر عندو احساس سسسمح فى الاغنية دى ومن ضمنو غرودة العيون ياقول بت التلب,,لكن كمان مرات الاستماع بخليك عندك غرودتك الخاصة بيك وبتشوف فيهو عوالم عجيبة ... مرات كتييرة فى اغانى بتاعة سمع بس وانت بتفصل الصورة حسب احساسك وقتها..
Post: #33 Title: Re: العزيزة,,,,, Author: د.محمد حسن Date: 05-20-2010, 06:51 AM Parent: #32
Quote: لانو الاغنية خلت الناس ما تنتبه لي الآسئلة الفوق,ودي الحاجة الحاولتها امرقها في ضهر البوست ده!! *** محتاجين (نبيّن ونتكلم ونعّبر) عن المدسوس من احساسنا, وبسأل ليه بندِّس العواطف وبنداريها؟؟( بعضنا او قولي معظمنا يعني)
Post: #35 Title: Re: العزيزة,,,,, Author: عاطف عمر Date: 05-20-2010, 07:59 AM Parent: #32
سلامات أميرتنا
سلامك لأمك بت التلب وصل أرجو أن يجمعك بها الله تعالى ويجمعنا بأم الأميرة
القصة الأخرى
بدأ إعجابي بالفنان الكبير عثمان حسين في سن باكرة من حياتي وقتها كان يتوزع إعجاب أصحابي وأبناء دفعتي بين فناني شباب ( تلك الفترة ) زيدان إبراهيم وأبو عركي البخيت أو ( البرنسات ) ناس عبدالعزيز المبارك وقميصه الشهير ( تحرمني منك ) . كانت الوالدة أطال الله عمرها محتارة في ( ذوقي الغريب )
" يا ولدي عثمان حسين فنان سمح لكن ما قدرك إنت . دا فنان ناس أبوك وإنت طالع . ما تشوف ليك فنان من أولاد زمنك دا " وضحكنا من الملاحظة
مر زمان ظهر الفنان الطيب مدثر لاحظت إندماج الوالدة معه ، سجلت أخواتي لها معظم أغانيه في جهاز الفيديو ، لذلك كان هذا الشريط هو ترفيهها المفضل
يوماً مازحتها
" يا حاجة إنت قلت لى أنو عثمان حسين ما من جيلي دحين الطيب مدثر من فنانين جيلك ونحنا ماعارفين ؟؟ "
فردت بسرعة
" والله يا ولدي مع صوتو السمح دا شايقاني غرويدة عيونو دي "
Post: #37 Title: Re: العزيزة,,,,, Author: البدري عبد الله Date: 05-20-2010, 08:41 AM Parent: #35
السلام عليكم ورحمة الله اخيتنا العزيزة بت الشيخ
اول شي تشكري على التحفة التي جلبتيها الى سوق المنبر المليئ باصناف اقل ما توصف بقلة الجودة هذه الايام
وتاني شي انت طالما اضانك نضيفة للدرجة دي مبارية ناس امين الياسمين ورهطه مالك ؟
كدي خلينا نغسل دواخلنا في الاول بالعزيزة وبعدين نرجع لي قالوا وقلنا ... . . .
اميره الشيخ سلام يعجبني دايما اختيارك .. للغنا الطيب شكرا لهذا الطقس.. بالمناسبه عاده ما اسمع الاغيه دي بالذات .. واكون منتظر فيها حته واحده .. المواعيد لسة حزنانة بتنادي
والأماسي بتبكي في أسى ما إعتيادي واضحك بعدها .. لتعبير واحد دوما اختزنه لما بعدها .. "والله جهجه المواعيد والاماسي جهجها..اسه مالو ومالهم !!" لك الود ـــــــــــــــــــــ ودالسر!
Quote: " والله يا ولدي مع صوتو السمح دا شايقاني غرويدة عيونو دي "
الله يخليك يابت التلب وتستاهلى اوسكار محبة على التعبير دا ...
تعرف انا نشأت فى بيت الغنا جزء من الوجبات اليومية او اكتر من عدد الوجبات البنتناولها يوميا
ونحن صغار تجى داخل البيت من درس العصر كلو زول عندو رادى تلقى ابوى بسمع فى عثمان حسين واحمد المصطفى امى تسمع فى وردى وحبوبة ابن البادية وهكذا...... سمعنا كمية من الغناء اصلا ماممكن تتخيلها
اول مرة بقيت اسمع غنا بديت بصالح الضئ وابودؤاد حبوية قالت يابتى اتى بجدك ,, انا خليت سمع صالح الضئ وابوداؤد ا؟ رغم التغيير الحصل فى الدنيا مازال المسجل والرادى فى بيتنا شئ اساسى وعلى مدار ال24 ومايفوتك بيتنا اخر زول فيهو مواليد تسعينات وبسمع نفس الغناء وبرددو ...
Post: #63 Title: Re: العزيزة,,,,, Author: الرفاعي عبدالعاطي حجر Date: 05-22-2010, 10:08 AM Parent: #62
Quote: العزيز :الرفاعى عبدالعاطى ,,,,سلااااااااااام
انت الوحيد جيت فى عضم البوست باقى الشباب ديل يبدو انهم اكتفو بالغنا او نحن جبلنا على التخدير والامنيات والانتظار فبما يخص العاطفى او كانما هو حلم وكان قصص الحب توجد على كتب التاريخ والافلام والمسلسلات اى هى من وحى الخيال فقط ,,,, لذلك تجدنا زاهدين فى محاولة تحقيق هذا الحلم ونكتفى بشرف المحاولة والباقى نعلقو على شماعة القسمة والنصيب ,,
فى مداختلك استوفتنى عبارة انفتحنا اكثر ... انفتحنا اكثر صاح ولكن حسب اعتقادى هوانفتاح تجاه الكم وليس الكيف هو انفتاح تجاه الشكل وليس المضمون والانفتاح كان لصالح ثقافة الفاست فود والتيك اوى اى ان المشاعر برضها دخلت من ضمن سوق الفاست الرائج فى السنين الاخيرة ... ببساطة ممكن زول يقول ليك حب شنو؟ هو فى زمن زاتو للحب؟؟؟ تخيل؟ نفس الشئ ما فى زول قادر يصبر على علاقة ولا قادر يدافع عنها الافيما نادر ... نسبة الطلاقات مرتفعة اكثر من قبل نسبة العلاقات العاطفية البتسجل حضور فى سوق الفشل العاطفى حدث ولاحرج والكل محبط ولاادرى اين الخلل واليوانع فى مسيرة العلاقات الانسانية كلنا مساهمين فى قتلها بوعى او من غير وعى هل يصبح الحب مجرد حكاوى وذكريات ؟
تسلم الرفاعى وسعيدة بحضورك
العزيزة الاميرة
كأني بك تُعيدين لـ ... ماركيز (الحب في زمن الكوليرا)
تسلمي واتفق مع ما تحته خط .
............................................حجر.
Post: #64 Title: Re: العزيزة,,,,, Author: saif massad ali Date: 05-22-2010, 10:13 AM Parent: #63
كتب ليهو حاجة عن الطيب مدثر تلقيها هنا 