Post: #1
Title: فجأة يتحول ما يعرف بتلفزيون السودان الي قناة جنوبية ...الحاصل شنو!!!!!!
Author: Medhat Osman
Date: 05-19-2010, 04:12 AM
حتي النشرة الجوية....
فتشو ليهم جنوبية تقدمها....
وحديث معسول عن الوحدة!!!!!!!
.
.
.
.
قصة عجيبة...
الحاصل شنو...؟؟؟!!!
|
Post: #2
Title: Re: فجأة يتحول ما يعرف بتلفزيون السودان الي قناة جنوبية ...الحاصل شنو!!!!!!
Author: أحمد ابن عوف
Date: 05-19-2010, 04:22 AM
Parent: #1
الاخ مدحت عثمان
تحياتي
فعلا، ولا في طرحة ولا يحزنون والبنطلون الودى لبنى داك فرنسا ياهو زااااتو
دي اسمها
بعد ازاحة ياسر عرمان من سباق الرئاسة، انفصال في حنانك يا سلفاكير
حتى الكاروري في خطبة صلاة الجمعة، قال اساسا مافي داعي للاستفتاء زاتو
تحياتي
|
Post: #5
Title: Re: فجأة يتحول ما يعرف بتلفزيون السودان الي قناة جنوبية ...الحاصل شنو!!!!!!
Author: Medhat Osman
Date: 05-19-2010, 10:37 AM
Parent: #2
| Quote: حتى الكاروري في خطبة صلاة الجمعة، قال اساسا مافي داعي للاستفتاء زاتو |
احمد ابن عوف...
سلام وتحية...
اتوقع انو الكاروري وشيوخ الانقاذ يقولو في الايام القادمة
ايها الشباب اذهبوا للجنوب وتزوجوا من الحور العين اقصد الجنوبيات!!!!
ذي ما قال الدجال المصري.
|
Post: #3
Title: Re: فجأة يتحول ما يعرف بتلفزيون السودان الي قناة جنوبية ...الحاصل شنو!!!!!!
Author: humida
Date: 05-19-2010, 04:25 AM
Parent: #1
يعني شنو ( ما يعرف بتلفزيون السودان ) .. و لا دي فلسفة رطانة جديدة .. 
ذكرتني ابن البني عامر الذي عينته الحكومة في احد برلماناتها المزعومة .. و لتأكيد مقدرته علي حل مشاكلهم ..
خطب فيهم مؤكدا انه قد اتصل بالرئيس جنسيا في هذا الامر .. و طبعا قصده شخصيا ..
..
..
ابتعد عن العبارات الغريبة .. عشان موضوعك ما يضيع شمار في مرقة ..
|
Post: #4
Title: Re: فجأة يتحول ما يعرف بتلفزيون السودان الي قناة جنوبية ...الحاصل شنو!!!!!!
Author: Medhat Osman
Date: 05-19-2010, 10:08 AM
Parent: #3
انا كمان قصدي ما يعرف بالتلفزيون القومي!!!
طبعا يا حميدة العرب والمستعربين في السودان بيضحكوا فوقنا نحن الشمالين
الغير عرب ذينا نحنا النوبين والبجا والبني عامر والهدندوة اذا غلطنا في العربي ذي ما انت بتضحك هسي...
وبتقولو لي لغاتنا رطانات ذي ما كتبت انت مع انو نحن السكان الاصلين واتخلقنا بي لغاتنا في المناطق دي...
الغريبة انو الكلام ده ما بنطبق علي الجنوبين وبقولوا لي العربي المكسر في الجنوب عربي جوبا....
ما عارف السر شنو...
قبل يومين جابوا ضمن حملة جنوبة التلفزيون شاعر من الجنوب قال شعر كلماتو بتقول
شين انا والمطر نازل
انت وين يازول مستخبي
شين انا والمطر نازل
والله بحب الزول المستخبي
او كما قال...
ومشت عادي لا في زول ضحك حتي المزيع قال ايوه دي عربي جوبا الناس كلهم خلو لغاتهم في الجنوب وبيتكلموا عربي جوبا!!!!
وقال ده شعر جميل...
هههههههههههه
ياخونا نحن كمان نشيل سلاح عشان بعدين نطالب بحق تقرير المصير وبعد داك يجيبونا في التلفزيون بي عربينا المكسر ده..؟؟!!
|
Post: #6
Title: Re: فجأة يتحول ما يعرف بتلفزيون السودان الي قناة جنوبية ...الحاصل شنو!!!!!!
Author: Mohamed E. Seliaman
Date: 05-19-2010, 10:55 AM
Parent: #4
الأخ مدحت تحياتي
بعيدا عن موضوع هذا البوست
أرجو أن تأذن لي سؤال الأخ حميدة
تحياتي يا حميدة
(((( ذكرتني ابن البني عامر الذي عينته الحكومة في احد برلماناتها المزعومة .. و لتأكيد مقدرته علي حل مشاكلهم ..
خطب فيهم مؤكدا انه قد اتصل بالرئيس جنسيا))))
متين حصل الكلام دا ؟ ياتو حكومة ؟
مصدرك موثقا لو سمحت
شكرا .
|
Post: #7
Title: Re: فجأة يتحول ما يعرف بتلفزيون السودان الي قناة جنوبية ...الحاصل شنو!!!!!!
Author: سامي صلاح محمد
Date: 05-19-2010, 11:08 AM
Parent: #6
Quote: ذكرتني ابن البني عامر الذي عينته الحكومة في احد برلماناتها المزعومة .. و لتأكيد مقدرته علي حل مشاكلهم ..
خطب فيهم مؤكدا انه قد اتصل بالرئيس جنسيا في هذا الامر .. و طبعا قصده شخصيا .. |
وجه المقارنة شنو هنا بين الكلام القالو مدحت و بين المثال الأوردتو؟
أهو المرض؟
أم هو الغرض؟
|
Post: #15
Title: Re: فجأة يتحول ما يعرف بتلفزيون السودان الي قناة جنوبية ...الحاصل شنو!!!!!!
Author: Medhat Osman
Date: 05-19-2010, 07:02 PM
Parent: #7
سامي صلاح
تحياتي
Quote: أهو المرض؟
أم هو الغرض؟ |
أم الاثنين معا؟؟!!
|
Post: #8
Title: Re: فجأة يتحول ما يعرف بتلفزيون السودان الي قناة جنوبية ...الحاصل شنو!!!!!!
Author: Medhat Osman
Date: 05-19-2010, 11:52 AM
Parent: #6
Quote: بعيدا عن موضوع هذا البوست
أرجو أن تأذن لي سؤال الأخ حميدة |
البوست بوستيك يا محمد اخوي...
|
Post: #9
Title: Re: فجأة يتحول ما يعرف بتلفزيون السودان الي قناة جنوبية ...الحاصل شنو!!!!!!
Author: PLAYER
Date: 05-19-2010, 12:11 PM
Parent: #8
| Quote: فتشو ليهم جنوبية تقدمها.... |
مش التلفزيون دا قومي يعني بتاع السودان كلوا يعني من حق ناس جهات السودان الاربع يشتغلوا فيهوا.......
ويعني شنو لو جنوبية قدمت النشرة الجوية ولا النشرة الارضية...حتغير فيها حاجة.
حكمة اليوم
في عنصرية يا أخوانا أكثر من كدا ...ولا في كلمة غير بكرهك ارددها
حكمة الغد
في ناس كبار بتكلموا زي الشفع
|
Post: #10
Title: Re: فجأة يتحول ما يعرف بتلفزيون السودان الي قناة جنوبية ...الحاصل شنو!!!!!!
Author: Deng
Date: 05-19-2010, 12:50 PM
Parent: #9
مدحت.
ده إستهبال الجلابة البتكلم عنو أنا الوقت كلوا.
تلفزيون الكيزان ده غير مدح السلطان (البشير) تاني ما عندهم سالفة أصلا.
وأعتقد أن التقيم الحقيقي للوحدة لن يكون من خلال برامج تلفزيونية فقط بل سيكون حصيلة سنين طويلة عجاف.
|
Post: #11
Title: Re: فجأة يتحول ما يعرف بتلفزيون السودان الي قناة جنوبية ...الحاصل شنو!!!!!!
Author: EMU إيمو
Date: 05-19-2010, 01:05 PM
Parent: #10
Quote: حكمة اليوم
في عنصرية يا أخوانا أكثر من كدا ...ولا في كلمة غير بكرهك ارددها |
|
Post: #12
Title: Re: فجأة يتحول ما يعرف بتلفزيون السودان الي قناة جنوبية ...الحاصل شنو!!!!!!
Author: محمد زكريا
Date: 05-19-2010, 01:14 PM
Parent: #10
كتب Player
Quote:
مش التلفزيون دا قومي يعني بتاع السودان كلوا يعني من حق ناس جهات السودان الاربع يشتغلوا فيهوا.......
ويعني شنو لو جنوبية قدمت النشرة الجوية ولا النشرة الارضية...حتغير فيها حاجة.
|
طيب يا اخ بلاير يعنى خلاااااااص يعنى التلفزيون اصبح قومى عشان فى مزيعه اخبار جويه من الجنوب بتظهر اليومين ديل
ولا عشان فيهو فجاءه وبقدره قادر اصبحت الوجوه المطله فيها وجوه من الجنوب؟؟ لماذا فقط الان
وين من زمان؟ بعدين وين وجوه مناطق السودان الاخرى؟ولا خلاص معانى القوميه تنحصر بشمل الجنوبيين فقط فى برامج التلفزيون القومى هذه الايام
فمن السذاجه ان تقنعنا الهيئه بانه تلفزيوننا قومي الان فقط بسبب زياده عدد الوجوه غير المالوفه, اما اذا كانت هذه ستكون البدايه فهنيئاً لاهل السودان بذلك
لا اعتقد ان هنالك عنصريه فى كتابه صاحب البوست وانما هى الاشاره الى اللعبه المفضوحه التى يستغل فيها التلفزيون بعض الوجوه من الجنوب لغايات اعلاميه محدده
من ناحيتى وبشكل اخر اعتقد ان تكون كل الوجوه والسحنات والثقافات الشعبيه السودانيه من كل اقاليم السودان تجد فرصتها عبر الشاشه القوميه
===
تحياتى
|
Post: #16
Title: Re: فجأة يتحول ما يعرف بتلفزيون السودان الي قناة جنوبية ...الحاصل شنو!!!!!!
Author: Ahmed musa
Date: 05-19-2010, 07:18 PM
Parent: #10
| Quote: تلفزيون الكيزان ده غير مدح السلطان (البشير) تاني ما عندهم سالفة أصلا. |
!!!
|
Post: #13
Title: Re: فجأة يتحول ما يعرف بتلفزيون السودان الي قناة جنوبية ...الحاصل شنو!!!!!!
Author: الشفيع رمزي
Date: 05-19-2010, 01:28 PM
Parent: #9
ياعزيزي بلير لا اخفيك ان كتاباتك من جملة الكتابات المحببي لدي واكثرها خــــواتيمها ..
لكين ياخوي الزول كلاموا مافيه عصرية كما تفضلت بل يقيني انه طرح الموضوع على شاكلة التهكم من ان يتحول ودونما اي مقدمات وخلافاً لما تسير عليه مجمل ممارسات الانقاذ منذ عشرون عاماً واكثر في تجاهلها للثقافات المحلية ان لم نقل محاربتها باعتبار انها حامل لواء العروبة في هذا المحيط الافريقي ومروراً باتفاقية نفاشا ومتطلبات تحويل خيار الوحد لخيار جاذب والذي اصبحاً شعار اً للاستهلاك الاعلامي ليس إلا وفجأة وبين ليلة وضحاها تنتبه ادارة البرامج في التلفزيون ( المسمى ) قومي الى ضرورة ان يرسل رسائل اعلامية موجبة للمواطن السوداني .
مدحت ياخوي . نـــــــــــور اكــــــــــــة هفدوسا
تحياتي
|
Post: #14
Title: Re: فجأة يتحول ما يعرف بتلفزيون السودان الي قناة جنوبية ...الحاصل شنو!!!!!!
Author: Medhat Osman
Date: 05-19-2010, 03:27 PM
Parent: #13
الاعزاء
بلير
دينق
ايمو
محمد زكريا
الشفيع
تحياتي
وشكرا لكم....
Quote: مش التلفزيون دا قومي يعني بتاع السودان كلوا يعني من حق ناس جهات السودان الاربع يشتغلوا فيهوا.......
ويعني شنو لو جنوبية قدمت النشرة الجوية ولا النشرة الارضية...حتغير فيها حاجة. |
بلير...
فهمتني غلط ....
لو التلفزيون كان قومي وبتاع كل السودان ما كان قلت كلامي ده...
تعرف يا بلير ناس التلفزيون مرة جابوا اغنية نوبية تمجد شهداء كجبار بالغلط يعني ما كانوا فاهمين مضمون الاغنية...
وبعد ما عرفوا الحاصل اقاموا الدنيا ولم يقعدوها ...
ومن اليوم داك منعوا بث اي اغنية نوبية الا بعد ترجمتها وفحصها جيدا...
وطبعا ما جابوا اي سيرة للحاصل عندنا لليوم في ما يعرف بالتلفزيون القومي مع اننا مواطنين سوادنين...
في حين بث اكثر من برنامج مع اخبار المنطقة في قنوات دولية مثل البي بي سي والجزيرة والعربية.
|
Post: #17
Title: Re: فجأة يتحول ما يعرف بتلفزيون السودان الي قناة جنوبية ...الحاصل شنو!!!!!!
Author: Medhat Osman
Date: 05-20-2010, 10:24 AM
Parent: #14
؟؟؟؟؟؟؟؟!!!!!!!!!
|
|