Post: #1
Title: ياناس الكروش .. و الدبل كروش ... و الكادريبل كروش ....
Author: adam alamar
Date: 05-18-2010, 05:41 PM
Parent: #0
بسم الله الرحمن الرحيم
الله يطراك بالخير
الاستاذ / على يعقوب
في الدورة التي اقامها تجمع الموسييقيين بالرياض
بالصالحية ....
دخلناها ... من باب العلم بالشيء و لا الجهل به
عرفنا الاحرف الموسيقيه و كذلك الازمنة
و منها الكروش ..... ده
ادم العمار
|
Post: #2
Title: Re: ياناس الكروش .. و الدبل كروش ... و الكادريبل كروش ....
Author: adam alamar
Date: 05-18-2010, 06:26 PM
Parent: #1
عنوان البوست ده مقصود بيه الكروش
جمع كرش .... و ليس كرشة .... عشان دي ام فتفت
انا بقصد الكرش ( البطن المنتفخة ... اكان هواء و لا شحم )
الاسباب ....
الاعراض الجانبية و الوسطية .... و العرضية
العلااااااااااااااج ....
|
Post: #3
Title: Re: ياناس الكروش .. و الدبل كروش ... و الكادريبل كروش ....
Author: adam alamar
Date: 05-18-2010, 06:32 PM
Parent: #2
الكروش طبعا انواع و اسماء
و الله واحد صديق قديم قطع مصاريني من الضحك
شافني بعد انقطاع كم شهر تقريبا
صاح فيني يا عملت ليك حنونه
حنونة يعني كرش صغيرونة .....
قلت ليه يعني الكروش دي ليها اسامي ....؟؟؟؟
|
Post: #4
Title: Re: ياناس الكروش .. و الدبل كروش ... و الكادريبل كروش ....
Author: adam alamar
Date: 05-18-2010, 06:55 PM
Parent: #3
معقولة
يعني مافي غيري انا ......
يعني مافي واحدة قاعدة ليكم كدة في الدخلة و المرقة كرشك
زادت .... كرشك نقصت .... البس شنو ما بعرف ......
صحباتي يقولوا كرشك ...... جننتونا
دايرين الحل ...
اوعي واحد يجي يقول لي الرياضة و البوشب
و تملرين البطن .... و سير الجري
كله كلام فارغ ..... ما في وقت ليه
و لا لياقة كمان
دايرين شربة ... شربه هنية مرية .....
ما شربه زي شربة ..... يعني دواء
علالالالالالاج .....
|
Post: #5
Title: Re: ياناس الكروش .. و الدبل كروش ... و الكادريبل كروش ....
Author: المسافر
Date: 05-19-2010, 06:30 AM
Parent: #4
نادو لي حنونة
انت عارف
في ناس كرشهم دي من المهد لي اللحد
|
Post: #6
Title: Re: ياناس الكروش .. و الدبل كروش ... و الكادريبل كروش ....
Author: Mohammed Ibrahim Othman
Date: 05-19-2010, 09:22 AM
Parent: #5
يا adam alamar مالك مولع علينا المواجع اخوي ..
انا اول مرة ادخل مكتب العمل الجديد بالرياض السعودية رحب بي مهندس سوداني ماشاء الله عليه "كرشة بجنبات كمان" قلت في نفسي ليه الزول دا مبشتم نفسه كدا ؟
ما كنت عارف انها بتبقى علينا :( ..
المهم ياسيدي ما عرفنا نتخلص منها كيف؟
وكل واحد يقول ليك كلام:
- اعمل شاي اخضر +شمار +نعناع +جنزبيل وخليهم يغلو 10 دقائق واشرب الخليط ..
- امشي بس ..
- امسح خل التفاح على بطنك ..
- اشرب خل تفاح على الريق ..
- اكل القريب فروت قبل الاكل بربع ساعة ..
- اشرب موية دافئة بس ..
الخ ..
|
Post: #7
Title: Re: ياناس الكروش .. و الدبل كروش ... و الكادريبل كروش ....
Author: adam alamar
Date: 05-19-2010, 09:43 AM
Parent: #6
بسم الله الرحمن الرحيم
Quote: نادو لي حنونة
انت عارف
في ناس كرشهم دي من المهد لي اللحد |
الاخ المسافر ...
مرحب بمرورك ...
و كدي قول لينا انت كيف ..؟؟
حنونة ولا اكبر شوية؟؟
غايتو خليك قريب شكله البوست ده ح يجيب
العلاج الناجع ....
|
Post: #8
Title: Re: ياناس الكروش .. و الدبل كروش ... و الكادريبل كروش ....
Author: adam alamar
Date: 05-19-2010, 09:56 AM
Parent: #6
الاخ محمد ابراهيم عثمان
كيف حالك ... و الف مرحب بمرورك ...
| Quote: يا adam alamar مالك مولع علينا المواجع اخوي .. |
ياخوي المواجع دي معانا 24 ساعة كل ما تعاين ليها ( اقصد المواجع )
تقول ابقي جراح و اجيب العدة و اقعد اواسيها ... ( اساويها) ..
Quote: انا اول مرة ادخل مكتب العمل الجديد بالرياض السعودية رحب بي مهندس سوداني ماشاء الله عليه "كرشة بجنبات كمان" قلت في نفسي ليه الزول دا مبشتم نفسه كدا ؟
ما كنت عارف انها بتبقى علينا :( ..
المهم ياسيدي ما عرفنا نتخلص منها كيف؟ |
غايتو بجنبات دي ضحكتني جنس ضحك .... وش ضاحك سنونه كبار
Quote: - اعمل شاي اخضر +شمار +نعناع +جنزبيل وخليهم يغلو 10 دقائق واشرب الخليط ..
- امشي بس ..
- امسح خل التفاح على بطنك ..
- اشرب خل تفاح على الريق ..
- اكل القريب فروت قبل الاكل بربع ساعة ..
- اشرب موية دافئة بس .. |
اها ده الكلام ,,,, سمعنا زيه كتير
انتي جربته ... حاجة من الفوق ديل و جابت نتيجة ؟؟
انا غايتو ماشي لي في برنامج ما ح اقوله الا لما اشوف نتائجه ...
مافي واحد يجي يحلفني ... وقول لينا .. وورينا ..
|
Post: #9
Title: Re: ياناس الكروش .. و الدبل كروش ... و الكادريبل كروش ....
Author: أحمد عامر أريا
Date: 05-19-2010, 10:24 AM
Parent: #8
الأخ adam تحياتى البوست رائع وقد لمس جانب حيوى وهام ظل يشغل بال الكثيرين من أصحاب الكروش وكم كنت تواقا لسماع بقية الحديث حول الفئة المتبقية من أصحاب الدبل كروش والتربل كروش والكواتربل كروش وقروش كمان
|
Post: #10
Title: Re: ياناس الكروش .. و الدبل كروش ... و الكادريبل كروش ....
Author: adam alamar
Date: 05-19-2010, 10:33 AM
Parent: #9
بسم الله الرحمن الرحيم
الاخ احمد عامر أريا
شكرا علي المرور و المداخلة
| Quote: الأخ adam تحياتى البوست رائع وقد لمس جانب حيوى وهام ظل يشغل بال الكثيرين من أصحاب الكروش وكم كنت تواقا لسماع بقية الحديث حول الفئة المتبقية من أصحاب الدبل كروش والتربل كروش والكواتربل كروش وقروش كمان |
البوست ح يكون رائع فعلا لو قدرنا نوصل لعلاج و حل للمواجع دي ...
و خليك قريب عشان بقية الحديث
|
Post: #11
Title: Re: ياناس الكروش .. و الدبل كروش ... و الكادريبل كروش ....
Author: طارق عبد اللطيف نقد
Date: 05-19-2010, 10:57 AM
Parent: #10
والله يا ادم العمار
هبشته الجرح
والله الكرشه اتنفخت واستفحلت
وبقينا لمن نلبس تيشيرت الا نكتم نفسنا
ورونا العلاج
اريحونا اراحكم الله
لكن الجكه وتمارين البطن
بتفيد
بإنتظام وعدم توقف
|
Post: #12
Title: Re: ياناس الكروش .. و الدبل كروش ... و الكادريبل كروش ....
Author: adam alamar
Date: 05-19-2010, 10:58 AM
Parent: #10
بسم الله الرحمن الرحيم
يا اخوانا اتو حكاية الكروش دي حكرا على ناس السعودية بس و لا شنو ؟؟؟
الناس بغادي ... متواسيين و زيينين .. عشان الحركة و طبيعة الحياة
نحن بجاي الدوامين ... و السخانة القلاية دي ما في اي طريقة
لي جكةو لا حتي مشية زاتوا مافي ...
كدي شوفوا البرنامج اليومي ده لزول في السعودية ده مش معزور
تجيهوا كرش و الله كان جاه روند عدييل ما عليه لوم ... ( الروند
ده اكبر اقصد اطول زمن في الموسيقي )
- يتخارج الصباح دقش يودي العيال المدرسة ..
- يرجع يمشي الشغل طوالى .. شوية عكننه من زحمة الطريق ..
ينزل قدام الشغل اول نزلة ليه من العربية في هذا اليوم ...
- يقعد للضهر كباية شاي وراء كباية شاي و فنجان قهوة ورا الاخر
و يكون شرب ليه كم كباية موية بـ ااااااااردة تلج ...
لو جمعتها يمكن تملي تيرمس من الحجم المتوسط ...
- يطلع الضهر جري للمدارس لقط العيال و البنيات .. و غشي المخبز
شال الرغيف اقصد الخبز و مرة على البقالة جاب الصلصة
الحمدلله الليلة مافي غاز لا حاجة .
- وصل البيت جابوا ليه الغداء ضرب لمن وقف لمبه طرد العيال
و امهم عشان يلحق ينوم ليه ساعة زمن قبل العصر ...
- صلي العصر و قام جاري يدافر و يعافر في زحمة الطريق لحدي
ما وصل للشغل ... نفس الجلسة و نفس الكمية من الشاي و القهوة
و الموية الباردة ...
- طلع من الشغل ... طلع ورقة الطلبات الكتبتها الحرم المصون
تمشي بندة تتقضي , تمشي لناس علوية تودي قروش الصندوق ...
تمشي لفلانة تجيب منها ( عدتنا ) نسناها معاهم يوم الخميس في
الحديقة ...
- بعد داك داير تمشي تعزي فلان ... و تكفر لى علان .... و تزور زيد
و اجتماع الجمعية ( طبعا الجمعيات دي كتيرة جنس كتر )
جمعية المنطقة و جمعية التراث و جمعية القبيلة و اجتماع الحزب
و الجمعيات الفئوية و الجهوية و المهنية ...
- ترجع البيت عينك طالعة تتعشي و تشرب الشاي و الموية البـاااااردة
و تفتح الكمبيوتر ... تقرا سطر و تفط عشرة .. و التلفزيون مفتوح في
نفس الوقت و عايز تبقي حاوي تتصفح في النت بعين و تسمع الاخبار
بالاضان التانية .. المهم تسمع خبر و تفض خبر .... تجي الصباح
الشغل و الناس ما عندهم حديث الا الخبر الفلاني ... ياخسارة
ده كان من الاخبار الفطيتهم ...
بعد ده كله ما عايزين تقوم لينا كروش ... الحمدلله ما قامت لينا في صناقيرنا
يتتتتتتتبع
|
Post: #13
Title: Re: ياناس الكروش .. و الدبل كروش ... و الكادريبل كروش ....
Author: Ammir Mohamed
Date: 05-19-2010, 11:32 AM
Parent: #12
Dear Adam
if you wanna lose weigh ...... SHUT UP YOUR MOUTH
يعني بالدارجي كدة أقفل خشمك شوية .. السعودية تعرف لو باريت لي الكبسة المندي المظبي ومعاها عمل مكتبي ودوامين انت حتفرش مش حتكرش... لو ختيتالكبسة بتاعت الكاتم وكبريتو (بيني بينك كبريتو ده عندو كبسة بتخليك أحول من المتعة!)ما بتجيك عوجة
لازم تغير طابع الحياة!
تحياتي
أمير (مكرش سابق)
|
Post: #14
Title: Re: ياناس الكروش .. و الدبل كروش ... و الكادريبل كروش ....
Author: adam alamar
Date: 05-19-2010, 12:25 PM
Parent: #13
الاخ طارق عبداللطيف نقد
ياخي الف مرحب بيك ... ومرحب بمرورك اللطيف
Quote: والله يا ادم العمار
هبشته الجرح
والله الكرشه اتنفخت واستفحلت
وبقينا لمن نلبس تيشيرت الا نكتم نفسنا |
الحال من بعضه .... خليك في السفاري ... فيها السترة ..
Quote: ورونا العلاج
اريحونا اراحكم الله
لكن الجكه وتمارين البطن
بتفيد
بإنتظام وعدم توقف |
الجكة و جكيناها و التمارين و سويناها
و الفرق حاجة بسيطة ما بتغير في مقاس كمر البنطلون اي حاجة
اللهم حاجة معنوية بس ....
و الوصفة عندي .... خليني اجربها ... و بعدين اديكم ليها
عشان ياتدعوا لي يا تدعوا علي
ادم العمار
|
Post: #15
Title: Re: ياناس الكروش .. و الدبل كروش ... و الكادريبل كروش ....
Author: adam alamar
Date: 05-19-2010, 12:33 PM
Parent: #13
الاخ امير محمد شكرا على المرور
Quote: if you wanna lose weigh ...... SHUT UP YOUR MOUTH
يعني بالدارجي كدة أقفل خشمك شوية .. السعودية تعرف لو باريت لي الكبسة المندي المظبي ومعاها عمل مكتبي ودوامين انت حتفرش مش حتكرش... لو ختيتالكبسة بتاعت الكاتم وكبريتو (بيني بينك كبريتو ده عندو كبسة بتخليك أحول من المتعة!)ما بتجيك عوجة
لازم تغير طابع الحياة! |
في الاول قلت الزول ده داير يبلعني كلامي و لا شنو... لكن بالعربي كدة
افحمتني ... الكبسة دي ح نختاها وين ...
الفراش كبسة
السماية كبسة
العرس كبسة
الكرامة كبسة
العيزومة كبسة
لمن كبست لينا حياتنا زاته .......
اوعدنا يارب .... لمن نبقي مكرشين سابقين
ادونا الوصفة الخلصتكم دي بالله
التعديل لتصحيح خطاء كيبوردي
ادم العمار
|
Post: #16
Title: Re: ياناس الكروش .. و الدبل كروش ... و الكادريبل كروش ....
Author: adam alamar
Date: 05-19-2010, 06:00 PM
Parent: #15
بسم الله الرحمن الرحيم
طبعالكل شي مقاس
و زي ما بنستعمل المقاسات التالية في
الملابس S.M.L.XL.XXL.XXXL
برضو عندنا للكروش ايضا مقاسات
يعني لما الوصفة تقدم لصاحب الكرش
يجب ان يعرف مقاس كرشه عشان يأخذ الجرعة الصحيحة
مقاساتنا كالتالي :
الكروش = سمول
دبل كروش = ميديوم
و التربل كروش = لارج
والكادريبل كروش = اكس لارج
و العندها جنبات ديك ما عارف ليها مقاس
غايتو الجاب سيرتها الا يعرف لينا مقاسها كيف
ادم العمار
|
Post: #17
Title: Re: ياناس الكروش .. و الدبل كروش ... و الكادريبل كروش ....
Author: طارق ميرغني
Date: 05-19-2010, 06:49 PM
Parent: #16
اخي ادم
كيفنك
الحمد لله اليوم ذكرت صديقنا علي يعقوب وبالمناسبة قبل يومين اتصلت عليه في الخرطوم
وهو بالف خير وفي الاجازه كنت معاهو في سلاح الموسيقي حيث يعمل من كبار المعلمين
ربنا يطراهو بالخير
المهم نرجع لذوي الاشكال الموسيقيه
انا شخصيا من فصيلة الدبل كروش
وقبل يومين قريت دراسة جديدة بتقول ان التمارين لا تكفي لانقاص الكرش
الرجيم فقط هو الحل.
نحن ساهلين لكني شفت ناس " ما ظالمين كتير"
شفت ناس في الرياض هنا عندهم "مازوره" عديل كده
طبعا المازوره هلي الجملة الموسيقية الكاملة وتشمل كل الاشكال الذكرتها فوق .
|
Post: #18
Title: Re: ياناس الكروش .. و الدبل كروش ... و الكادريبل كروش ....
Author: محمد زكريا
Date: 05-19-2010, 07:31 PM
Parent: #17
Quote:
الكروش = سمول
دبل كروش = ميديوم
و التربل كروش = لارج
والكادريبل كروش = اكس لارج
و العندها جنبات ديك ما عارف ليها مقاس
غايتو الجاب سيرتها الا يعرف لينا مقاسها كيف
|
ادم العمار
سلام عليك....العنوان جابنا جرى....طبعاً رميت لينا طعم الحاجات الموسيقيه وختيت ليها لحن محورى من عندك
الموضوع مهم مهم مهم.تقريباً 60 فى الميه من مغتربى الخليج يعانون منه حسب احصائياتى الخاصه
وما بتحلكم غير الكونديشون ترانينك وتخفيف الدهنيات والكاربوهيدرات............وتقليل السكريات والمويه البااااااااارده
جربت دواء من منتجات زيت السمك النرويجى وملك شيك خاص والنتيجه فشششششششششش
كانت هنا كرشه........مع انى ما مكرش ولا اى حاجه
======
ملحظتى المهمه هى فى ترتيبك امقاسات الكروش حسب الحجم والمصطلح
الحقيقه ان القيمه الزمنيه للكروش اكبر من القيمه الزمنيه للكواتربل كروش ومن الدبلكروش برغم الاسم الذى يعنى مثنى وثلاث
لذا الاصح ان تكون الكرشه الاقل حجما تساوى شكل الكواتربل كروش وهكذا الى الاكبر حجماً وهو الرندو
هكذا يعني
كواتربل كروش = اسمول= S
دبل كروش = ميديوم = M
كروش = لارج =L
نوار = اكس لارج = XL
روندو = اكس اكس لارج = XXL .............لاحظ كلمه روندو يعنى مدوره........كوره ارضيه بس 
========
وابداء بتمارين العزف شويه شويه.........بالموسيقى الخفيفه.........وتمارين السويدى......والنرويجى زى الكديس ده
تحياتى.
|
Post: #19
Title: Re: ياناس الكروش .. و الدبل كروش ... و الكادريبل كروش ....
Author: محمد زكريا
Date: 05-19-2010, 07:39 PM
Parent: #18
Quote: هكذا يعني
كواتربل كروش = اسمول= S
دبل كروش = ميديوم = M
كروش = لارج =L
نوار = اكس لارج = XL
روندو = اكس اكس لارج = XXL .............لاحظ كلمه روندو يعنى مدوره........كوره ارضيه بس sudansudansudansudansudansudansudan.gif
|
نسينا البلانش...او قول اتغاضينا النظر عنه وهو الشك ما ين النوار والروندو يعنى بين XL و ال XXL
والسبب فى التغاضى انو بعد ما تحصل النوار تانى ما بتتلحق .....روندو على طول....يعنى بتفتح زى المظله
لامن تشوف نفسك فى مرايه الحمام..........من الخلعه يمكن لامن تقوم جارى او هكذا 
|
Post: #20
Title: Re: ياناس الكروش .. و الدبل كروش ... و الكادريبل كروش ....
Author: adam alamar
Date: 05-19-2010, 08:21 PM
Parent: #19
الاخ طارق ميرغني
كيفك يا حبيب سعدنا بمروركم اللطيف
Quote: اخي ادم
كيفنك
الحمد لله اليوم ذكرت صديقنا علي يعقوب وبالمناسبة قبل يومين اتصلت عليه في الخرطوم
وهو بالف خير وفي الاجازه كنت معاهو في سلاح الموسيقي حيث يعمل من كبار المعلمين
ربنا يطراهو بالخير
|
الله يطراهو بالخير اينما حل ... فالرجل طيب المعشر
كريم الخصال مرح جدا ..... و الروح لسة شباب
بالله تحياتنا ليه ...
ولو ممكن رقم تلفونه ....
Quote: المهم نرجع لذوي الاشكال الموسيقيه
انا شخصيا من فصيلة الدبل كروش
وقبل يومين قريت دراسة جديدة بتقول ان التمارين لا تكفي لانقاص الكرش
الرجيم فقط هو الحل. |
يا عم انتا كويس ( قرط على كدة ) جملة اقترنت بالاستاذ علي يعقوب
الحق قبال المقاس الجاي .... ح تكون مشكلة و ما ليها حل
Quote: نحن ساهلين لكني شفت ناس " ما ظالمين كتير"
شفت ناس في الرياض هنا عندهم "مازوره" عديل كده
طبعا المازوره هلي الجملة الموسيقية الكاملة وتشمل كل الاشكال الذكرتها فوق . |
اها ده الخايفين منه نحنا .....
|
Post: #21
Title: Re: ياناس الكروش .. و الدبل كروش ... و الكادريبل كروش ....
Author: adam alamar
Date: 05-19-2010, 08:38 PM
Parent: #18
الاخ محمد زكريا لك تحياتي
وشكرا على المرور المتخصص ده
Quote: ادم العمار
سلام عليك....العنوان جابنا جرى....طبعاً رميت لينا طعم الحاجات الموسيقيه وختيت ليها لحن محورى من عندك
الموضوع مهم مهم مهم.تقريباً 60 فى الميه من مغتربى الخليج يعانون منه حسب احصائياتى الخاصه
وما بتحلكم غير الكونديشون ترانينك وتخفيف الدهنيات والكاربوهيدرات............وتقليل السكريات والمويه البااااااااارده
جربت دواء من منتجات زيت السمك النرويجى وملك شيك خاص والنتيجه فشششششششششش
كانت هنا كرشه........مع انى ما مكرش ولا اى حاجه |
و الله اول اجازة امشيها للسودان بت جيرانا قالت لي مالك جاي ضعفان كدة
ناس السعودية ديل بالذات بجو سمان و مكرشين
يا اخوي انتا مغترب في بورسودان و غاشينا انك في السعودية و لا شنو....
اها المرة دي كنت حريص اوريها نعم الله علينا الا مافي فايدة لقيته عرسوها و رحلوها
اها ناس الخليج عموما .... مشهورين بالكروش .... ليه الله اعلم
Quote: ملحظتى المهمه هى فى ترتيبك امقاسات الكروش حسب الحجم والمصطلح
الحقيقه ان القيمه الزمنيه للكروش اكبر من القيمه الزمنيه للكواتربل كروش ومن الدبلكروش برغم الاسم الذى يعنى مثنى وثلاث
لذا الاصح ان تكون الكرشه الاقل حجما تساوى شكل الكواتربل كروش وهكذا الى الاكبر حجماً وهو الرندو
هكذا يعني
كواتربل كروش = اسمول= S
دبل كروش = ميديوم = M
كروش = لارج =L
نوار = اكس لارج = XL
روندو = اكس اكس لارج = XXL .............لاحظ كلمه روندو يعنى مدوره........كوره ارضيه بس |
يا خي و الله انا عارفها و طبعا انا لم اجزم ان للمقاسات نفس الترتيب
لكن كدي حللها براك كدة
كروش جمع كرش يعني كرش واحدة
دبل كروش يعني زي الكرشين من النوع الاول يعني اكبر شوية
و التربل كروش يعني بحجم 3 كروش من النوع الاول و هكذا
طبعا ده من عندي انا ... ما عارف ناس المواصفات و المقاييس
يقبلوا و لا لا .....
| Quote: وابداء بتمارين العزف شويه شويه.........بالموسيقى الخفيفه.........وتمارين السويدى......والنرويجى زى الكديس |
يازول و الله ما خلينا حاجة تب .... و الله الا النرويجي ده ما قريناه خالص ... حلوة
Quote: نسينا البلانش...او قول اتغاضينا النظر عنه وهو الشك ما ين النوار والروندو يعنى بين XL و ال XXL
والسبب فى التغاضى انو بعد ما تحصل النوار تانى ما بتتلحق .....روندو على طول....يعنى بتفتح زى المظله
لامن تشوف نفسك فى مرايه الحمام..........من الخلعه يمكن لامن تقوم جارى او هكذا |
المهم دايرين العلاج ... و لكل المقاسات ...
عشان في ناس بتاوقوا من برة لبرة .... منتظرين العلالالالالالالالالاج
مداخلة بمقام بروفة عدييييل شكرا
|
Post: #22
Title: Re: ياناس الكروش .. و الدبل كروش ... و الكادريبل كروش ....
Author: Ammir Mohamed
Date: 05-20-2010, 10:31 AM
Parent: #21
دي مقاسها كم...؟
يا حبيب عليك بالمشي، تقليل كمية الأكل، استعيض بالبروتينات بدل النشويات (قلل من البيض المسلوق عشان الكلسترول) وكتر من السلطات .. وآكل مشاوي على كيف كيفك عيش مافي سكر أبيض مافي، باسطات مافي، موز مافي ... خلال 45 يوم كرشتك حتبقى زي كرشة ريما ملكة جمال أمريكا
أمير
|
Post: #23
Title: Re: ياناس الكروش .. و الدبل كروش ... و الكادريبل كروش ....
Author: adam alamar
Date: 05-20-2010, 11:24 AM
الاخ امير محمد سلامات
و بما انك ( مكرش سابق )
شايف مداخلاتك كلها ( مفيدة جدا )
واصل المنتظرنه منك كتير
و المنتظرين برضو كتير
دي زي ما قال لينا محمد زكريا ... دي مازوووورة عديل كدة
يا حبيب نحن لسة ما وصلنا المرحلة دي ..... لي جنس ده
نحن قمة الرشاقة ....
Quote:
يا حبيب عليك بالمشي، تقليل كمية الأكل، استعيض بالبروتينات بدل النشويات (قلل من البيض المسلوق عشان الكلسترول) وكتر من السلطات .. وآكل مشاوي على كيف كيفك عيش مافي سكر أبيض مافي، باسطات مافي، موز مافي ... خلال 45 يوم كرشتك حتبقى زي كرشة ريما ملكة جمال أمريكا
|
يا خي يعني ما ناكل عديييييل كدة ما خليتوا شي ما منعتوا
كدي خلي الممنوع قول لينا المسموح بيه شنو
|
Post: #24
Title: Re: ياناس الكروش .. و الدبل كروش ... و الكادريبل كروش ....
Author: adam alamar
Date: 05-20-2010, 11:20 PM
Parent: #23
و الله انا لي مدة ماشي في برنامج حاسي ان فيه الخلاص
لا نتائج تذكر ... و لكن التفاؤل حاصل
|
|