Post: #1
Title: غرائب ورسوم في مطار الخرطوم "توجد مِحَنْ"
Author: جلال جبريل
Date: 05-18-2010, 09:21 AM
Parent: #0
...
..
.
أمانة يا إدارة مطار الخرتوم ماعندِكــْ مِحَنْ!!!
أفكار رسومكُنْ قاطعِنها من سير شبطكُنْ
|
Post: #2
Title: Re: غرائب ورسوم في مطار الخرطوم "توجد مِحَنْ"
Author: جلال جبريل
Date: 05-18-2010, 09:22 AM
Parent: #1
...
..
.
التُرُلي:
وبالمناسبة الترلي ياهو الشي البشيلو فيهو العفش ماعلينا المعنى وصل
وأنا باقي زولا ً مسيكين ومالفيت العالم بي "كراع كلِبْ"
لكن ما متخيل في مطار في العالم بيأجروا فيهو الترلى بتاع العفش للمسافرين!!!
طيب ماهي فلسفة إدارة المطار في تأجير الترلي للمسافرين وتقديمه مجانا للقاديمين؟
الإجابة وعلى ما أعتقد أن المغادرين رأؤا ما يكفي من الغرائب خلال فترة إقامتهم في السودان مواطنين كانوا أم
زوار. لذلك ما حا يتفاجأوا بالشغلانة..
أما القادم يادوووب كدا ... لو قالو ليهو أدفع ياهو الراجع للطيارة
وياريتو كان "ترلي" قاطع ليهو فرقة حدادي ومصنوع في المنطقة الصناعية
عجلاتو لاحقة الصِحْ
تدفرو لي قدام وتتفاجأ بأن الخيار له في أن يختار إتجاه ترجمتة قوة الدفع أنى شاء
يمينا ً وشمالا ً ،، أما حكاية إمشي للأمام "إستثنى" وما مطروحة البتة إلا بالتحايل
ويابورداب الخرتوم سعلتكُن بى الله كان ماجبتو لينا صورة منالدرداقة دي
|
Post: #3
Title: Re: غرائب ورسوم في مطار الخرطوم "توجد مِحَنْ"
Author: جلال جبريل
Date: 05-18-2010, 09:23 AM
Parent: #2
...
..
.
يُتَبعْ
.
..
...
|
Post: #4
Title: Re: غرائب ورسوم في مطار الخرطوم "توجد مِحَنْ"
Author: Elsheikh Mohd Aboidris
Date: 05-18-2010, 09:25 AM
Parent: #2
الرسوم والضرائب فى مطار الخرطوم وجهاز المغتربين عايزة مراجعة شاملة
لابد من الغاء تاشيرة الخروج للسودانين
لابد من الغاء دفع اى رسوم فى المطار " ضريبة المطار يجب ان تحصل مع التذكرة"
لابد من الغاء رسوم الخدمة الوطنية والغاء اذدواجية الضرائب مع الذكاة يعنى يا ضريبة او ذكاة
يجب مراجعة كل هذة السياسات
|
Post: #5
Title: Re: غرائب ورسوم في مطار الخرطوم "توجد مِحَنْ"
Author: جلال جبريل
Date: 05-18-2010, 09:32 AM
Parent: #4
الــ parking
ودي مافيشا !!!
في حين إنو مافي مطار في العالم بيوفر مواقف مجانية
وهي الأغلى في خدمات المطارات وتصل حد الخرافية
طيب ميدان واحد مدفوع الثمن بالمعنى الحقيقي يوازي كمية الرسوم البتندفع
بصورة غير لائقة دي وصاحب السيارة لامن يدفع للباركينج خاطرو طيب لأنو شئ عادي
لكن لامن ندفع لي متل القصص المشقلبة بنسِب خرافية بنسخت اليوم الودانا إجازة زاتو
طبعا حاتقول لي :
ما نحنا بندفع للباركينج في البوابة البرا ديكـــ
دي ماعندها علاقة بالباركينج من يدفع للباركينج هم من يغادرون سياراتهم؟
|
Post: #6
Title: Re: غرائب ورسوم في مطار الخرطوم "توجد مِحَنْ"
Author: جلال جبريل
Date: 05-18-2010, 09:34 AM
Parent: #4
| Quote: لابد من الغاء تاشيرة الخروج للسودانين |
أبو إدريس شكرا للمرور
بس التاشيرة يلغوها كيف ؟؟؟
فهمني دي
|
|