Post: #1
Title: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-18-2010, 09:12 AM
Parent: #0
كان مذيعات كان مستضافات..
شئ عجيب..
|
Post: #2
Title: Re: قناة (النيل الأزرق) بتجيب النسوان السمحات ديل من وين!!
Author: طارق ميرغني
Date: 05-18-2010, 09:37 AM
Parent: #1
وبيض كمان
وين السودانيات الخضر كملو
|
Post: #4
Title: Re: قناة (النيل الأزرق) بتجيب النسوان السمحات ديل من وين!!
Author: نادر النور آدم
Date: 05-18-2010, 09:50 AM
Parent: #3
Quote: وتساعدعلى مفسدة الشباب
|
وكذلك الكبار في السن..
مرور وتحية للكل
|
Post: #5
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-18-2010, 10:07 AM
Parent: #4
أستاذ طارق ميرغني..
غبشه نهائي مافي..
شفت كيف!!
|
Post: #12
Title: Re: قناة (النيل الأزرق) بتجيب النسوان السمحات ديل من وين!!
Author: عمران حسن صالح
Date: 05-18-2010, 11:44 AM
Parent: #4
يعني نحن نقول شعر ولا شنو ؟؟
|
Post: #14
Title: Re: قناة (النيل الأزرق) بتجيب النسوان السمحات ديل من وين!!
Author: عفاف الصادق بابكر
Date: 05-18-2010, 12:07 PM
Parent: #3
يا اميرة يا بت فاروق .. كيف حالك ..
تعرفي كلنا محتارين في الحاصل ده .ز
لكن يا اختى قادر الله ..
|
Post: #6
Title: Re: قناة (النيل الأزرق) بتجيب النسوان السمحات ديل من وين!!
Author: حافظ كنجال
Date: 05-18-2010, 10:08 AM
Parent: #2
اميرة فاروق ختي الكرة واطة...
بطلوا حركات سادومبا دي...
انتي اسمح منك مااافي...
بنات النيل الازرق ديل التقول مقتطفين من سنابل
روح طمي مزيج النيل ...ما خام برنت
الا السماحة ذاته خشم بيوت
وسيد الرايحة فتح خشم البقرة...
وماتقولي لي ياتو بقرة ...
اكيدة بقرة لبن المراااااااااااعي
وراجعلك....
|
Post: #7
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-18-2010, 10:12 AM
Parent: #6
أميرة الشيخ..
يا سميتي..
على قولك الساتر واجب..
وحاة ربي انا أتفرج في الشكل،
الكلام يفوتني..
ماعارفة موضوع النقاش شنو زاتو..
|
Post: #8
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-18-2010, 10:15 AM
Parent: #7
عمو نادر..
كبار السن.. ينصح بالنوم مبكرا..
حفاظا على الصحة العامة..
|
Post: #9
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-18-2010, 10:18 AM
Parent: #7
كنجال..
سمح الكورة واطه..
لكن ياخي ما تغشغشني ساي..
سماحة شنو لي أنا؟؟
عليك الله طيب مالم ما استضافوني يوم..
|
Post: #10
Title: Re: قناة (النيل الأزرق) بتجيب النسوان السمحات ديل من وين!!
Author: طارق جبريل
Date: 05-18-2010, 10:51 AM
Parent: #9
وحات ربي يا بت فاروق تقشطيهن بي خرطوش أليل موية
علي ينخرط وجيهن زي حيطة الزبالة
لا تشوفي المرارا دي
|
Post: #11
Title: Re: قناة (النيل الأزرق) بتجيب النسوان السمحات ديل من وين!!
Author: othman mohmmadien
Date: 05-18-2010, 11:27 AM
Parent: #10
الأميرة: اميرة
تحية طيبة ...
لماذا لا تكون كل إمرأة في نظرنا سمحة ... بغض النظر عن ما تراه العين ... وحقا أن كل إمرأة فيها من مزايا الجمال مما يمكنها أن تنافس به الآخروات
مذيعات النيل الأزرق أجمل ... وأنت أجمل وغيركن أجمل ...وانتن أجمل أما ما يميل إليه القلب فهذا شئ آخر...
أقدم
أحلى رسالة لعيون كل أنثى
لاحظوا بأن الجنة مؤنثه .. والجحيم .. مذكر
وان الابتسامة والسعادة مؤنثه .. والحزن .. مذكر
وان الصحة مؤنثه .. والمرض .. مذكر
وان الحياة مؤنثه .. والموت .. مذكر
وان المودة والرحمة مؤنثه .. والحقد والحسد والغضب .. مذكر
وان الإجازة والراحة والمتعة مؤنثه .. وان الدوام والعمل والتعب .. مذكر
فأعلموا أيها الإناث .. إنكن سر جمال هذا الكون .....
فكلكن سمحات .. وقد قال الراحل المقيم البروف عبد الله الطيب ...
ما أبعد مقدار أن تطير الحمامة بيننا وبين مصر ولكنهم يقولون للمرأة جميلة ونحن نقول سمحة... فكأنما الله قد وهبهم الجمال ووهبنا السماحة ...
أنتن أسمح وأنتن أجمل ...
الإمضاء/
واحد خارج عن النص .. وما تفهمونا غلط ... مجرد هرجلة
|
Post: #13
Title: Re: قناة (النيل الأزرق) بتجيب النسوان السمحات ديل من وين!!
Author: حمزاوي
Date: 05-18-2010, 11:48 AM
Parent: #11
السؤال موجه ليك يا عمك يا ود الصائم
|
Post: #15
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-18-2010, 12:39 PM
Parent: #13
عفاف الصادق..
شنو ياختي جيتي وراء وركبتي قدام؟؟
لكن عشان حيرتك الكبيرة دي أمسكي الموضوع عديل..
ههههههههههه...
|
Post: #22
Title: Re: قناة (النيل الأزرق) بتجيب النسوان السمحات ديل من وين!!
Author: عفاف الصادق بابكر
Date: 05-18-2010, 01:00 PM
Parent: #15
Quote: شنو ياختي جيتي وراء وركبتي قدام؟؟
|
دي ما الشارة زاته يا اميرة يا اختي ..
Quote: لكن عشان حيرتك الكبيرة دي أمسكي الموضوع عديل..
ههههههههههه... |
ماسكه سيييييييييده على قول عربنا البي هنا ..
تعرفي يا اميرة يا حبيبة ..
الحاصل ده محيرني وبكرر ليك تاني ..
أسأليني في المحيرني شنو .. ؟
المزيعه تجي اول مره شكل وبعد شهر شكل تاني ..
شهر بس ... ياربي الشهر ده بتكون عملت شنو فيهو ؟..
بعدين انتى تتحيري .. نحن نعمل شنو ..؟ واكيد انتى بيت القصيد ..
بس الجمال بفرق والاصلي أصلي ....
مودتي
|
Post: #16
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-18-2010, 12:40 PM
Parent: #13
عمران..
أشعر ياخوي أشعر..
كان بيحلك ويحلنا..
|
Post: #17
Title: Re: قناة (النيل الأزرق) بتجيب النسوان السمحات ديل من وين!!
Author: البدري عبد الله
Date: 05-18-2010, 12:49 PM
Parent: #16
Quote: وكذلك الكبار في السن..
|
|
Post: #18
Title: Re: قناة (النيل الأزرق) بتجيب النسوان السمحات ديل من وين!!
Author: الحاج حمد الحاج
Date: 05-18-2010, 12:50 PM
Parent: #16
Quote: لماذا لا تكون كل إمرأة في نظرنا سمحة ... بغض النظر عن ما تراه العين ... وحقا أن كل إمرأة فيها من مزايا الجمال مما يمكنها أن تنافس به الآخروات
مذيعات النيل الأزرق أجمل ... وأنت أجمل وغيركن أجمل ...وانتن أجمل أما ما يميل إليه القلب فهذا شئ آخر... |
ما الكلام في الشئ الآخر دا زاااااااتو
|
Post: #20
Title: Re: قناة (النيل الأزرق) بتجيب النسوان السمحات ديل من وين!!
Author: ALZOLZATOO
Date: 05-18-2010, 12:53 PM
Parent: #18
يا اميرة
غايتو نيل ازرق الجن ده فيهو جنس تماسيح موبالغة
تحياتي
زاتوووو
|
Post: #21
Title: Re: قناة (النيل الأزرق) بتجيب النسوان السمحات ديل من وين!!
Author: khalid abuahmed
Date: 05-18-2010, 12:56 PM
Parent: #18
| Quote: قناة (النيل الأزرق) بتجيب النسوان السمحات ديل من وين!! |
.
وين النسوان..؟؟
أنا قايتو مذيعات النيل الأزرق ما أشوف فيهن أي جمال المرأة السودانية هؤلاء..عبارة عن مسخ مشوه..
اعجب جدا جدا بـ د. مريم الصادق المهدي فهي جميلة جدا وسودانية خالص خالص التوب الرائع والجميل وعدم استخدام الألوان والاصباغ والدائر فعلاً يشوف المرأة السودانية يعاين لمريم هذه الصورة الجميلة شكلاً ومضمون.
|
Post: #19
Title: Re: قناة (النيل الأزرق) بتجيب النسوان السمحات ديل من وين!!
Author: Hadia Mohamed
Date: 05-18-2010, 12:52 PM
Parent: #16
لكن بليد ات
النيل الازرق دى فيها سماحة واغانى وثياب والباقى كلو عايز اعادة,
مثلا سهرة كاملة مع بشير عباس وما فيها ولا فيديو و احد للبلابل جايبين واحد يغنى اغانى البلابل وهن حيات ,
وواحدة سمحة وتوبة سمح وما بتعرف تحاور دة شنو ده؟
|
Post: #23
Title: Re: قناة (النيل الأزرق) بتجيب النسوان السمحات ديل من وين!!
Author: نادر النور آدم
Date: 05-18-2010, 02:23 PM
Parent: #19
يا أميرة يا عمتكـ
أنا جبت سيرتهم بس .. تقومي تختيني منهم ؟؟
دي شقاوة ساي ..
يا حكيم: Quote: وحات ربي يا بت فاروق تقشطيهن بي خرطوش أليل موية
علي ينخرط وجيهن زي حيطة الزبالة
لا تشوفي المرارا دي |
وجاء في النكتة:
رباطابي اتشاكل مع واحدة من ديل
قال ليها علي الطلاق اديك كف إلا كل كريم يرجع لي رفّو
|
Post: #24
Title: Re: قناة (النيل الأزرق) بتجيب النسوان السمحات ديل من وين!!
Author: جمال السنوسي
Date: 05-18-2010, 02:33 PM
Parent: #23
مقاييس الجمال السودانية
البياض سماحة
الشعر الناعم سماحة
الخد الاملس سماحة ( ياحليل زمن الشلوخ)
العيون الكبار ( سماحة)
المكياج النضيف ( سماحة)
الثوب الفاخر (سماحة)
المتبلات دي لو راحت كلهن عند العرب صابون
|
Post: #25
Title: Re: قناة (النيل الأزرق) بتجيب النسوان السمحات ديل من وين!!
Author: othman mohmmadien
Date: 05-18-2010, 02:41 PM
Parent: #19
تشكر يا الحاج حمد الحاج أخوي - مع اطيب تحية
| Quote: ما الكلام في الشئ الآخر دا زاااااااتو |
بحيث يمكن القول أنَّ لذلك الشيء ذاتاً هذا الوصف.
وقد قالت إحدى المطربات ...
والله نحن الـ......ـة
نحن أصحاب الشئ ذاتا ...
يا ترى هل ما يميل إليه القلب هو الشئ ذاتا ...
وبرغم الشئ ذاتا ستظل كل النساء أسمح بما فيهن فتيات النيل الأزرق
أنت أجمل لأنك ..
انت أمى ...لأنك انثى ...
وانت محبوبتى ...لأنك أنثى
وانت ابنتى ....لأنك أنثى
ولمن يكون حنينى
ولمن يكون عشقى
ولمن يكون حبى وعطفى
ألا تدرين أنك امتكت كل شئ
فانتن أسمح بل أجمل ..
...
|
Post: #26
Title: Re: قناة (النيل الأزرق) بتجيب النسوان السمحات ديل من وين!!
Author: haider osman
Date: 05-18-2010, 03:31 PM
Parent: #25
بوست جميل بفرز نفسيات عاليه....
نفسيات:
البوست كانك ماشى فى النجيله...الشكيه لى الله ....واحد يزرع ورده مافى...
ان شاء الله صورة المربعات البيض
|
Post: #27
Title: Re: قناة (النيل الأزرق) بتجيب النسوان السمحات ديل من وين!!
Author: othman mohmmadien
Date: 05-18-2010, 03:54 PM
Parent: #26
المصدر
http://www.blue-nil.com/news.php?action=show&id=675
New Page 1  مقدمة (ألو مرحبا ) نجود حبيب : قناة النيل الازرق لا تعتمد على الوجوه الجميلة.. لكن ..المذيعة بفضائية النيل الازرق نجود حبيب والتي عرفت اكثر من خلال سهرة (ألو مرحبا) اوضحت من خلال حوار مطول مع (الرأي العام) سينشر لاحقاً ان العمل الاعلامي كان رغبة تتحرك بداخلها منذ ان كانت يافعاً بالمملكة العربية السعودية وتضيف اتذكر وقتها وانا صغيرة كنت امسك بفرشاة تسريحة الشعر واخاطبها بالقراءة، واضافت الدورة المدرسية بالمملكة كشفت مواهبي بشهادة المعلمين حيث كان لي ظهور لافت وشققت طريقي بدراسة الاداب (جامعة الخرطوم) ودراسة الاعلام كان سلاحي لاقتحام العمل الاعلامي والآن اعد في لتمهيدي ماجستير في الاعلام.
وعن سهرة( ألو مرحبا) قالت ان السهرة هي في الاساس حلقة تواصل بين المغتربين وذويهم بالوطن ومن خلالها يحدث ترابط اثيري يعمق النسيج الاجتماعي من خلال المهاتفات والرسائل عبر البريد الالكتروني وبث المعايدات بمناسباتها المختلفة.
نجود قالت ان البرنامج خلق تواصلاً حميمياً بينها والمشاهدين وهي تشعر كأنها تجلس مع الاسر اثناء تقديمها للبرنامج بل وتتعايش معهم ليس عبر الشاشة فقط
كما اوضحت ان اصعب فقرة على نفسها هي فقرة (رسالة الى غائب) وهي رسالة مصورة موجها للمغترب السوداني بارض المهجر الذي غاب سنوات طوالاً عن الاهل ولم يعد او ذلك الذي تقطعت به السبل وتضيف في هذه الفقرة بالذات دوما ما ابكي على الهواء ولا اتمالك نفسي وعن نفسها تقول نجود انا حنينة لدرجة ابكي مع الافلام الهندية وكل ما هو مؤثر خصوصا منظر الطفل وهو يبكي.
وتقول التجربة الاذاعية باذاعة مانقو هي التي اعانتني على خوض تجربة التقديم التلفزيوني الذي لم اجد فيه صعوبات تذكر وكانت بحق دعامه في مشواري .
نجود حبيب نفت التهمة التي تقول ان اختيار قناة النيل الازرق يعتمد فقط على الجمال وعضدت بقولها ان الوجه الجميل هو جواز سفر لقلوب الآخرين وان الجمال فقط لايدعم المذيعة بقدر ما تدعمها طريقة الاداء وطرح المواضيع وقبل ذلك تمتعها بثقافة كافية وإلمامها بالاطلاع وفي الآخر المشاهد الحصيف هو الذي يميز بين هذا وذاك.
|
|
Post: #28
Title: Re: قناة (النيل الأزرق) بتجيب النسوان السمحات ديل من وين!!
Author: هيثم التوم
Date: 05-18-2010, 03:56 PM
Parent: #27
دي سماحة شاشة ساي يا أميرة
|
Post: #29
Title: Re: قناة (النيل الأزرق) بتجيب النسوان السمحات ديل من وين!!
Author: ABUHUSSEIN
Date: 05-18-2010, 06:26 PM
Parent: #28
أميرة و ضيوفها تحية طيبة
ذكرتوني قصة الراجل اللي بعد نهاية مسلسل رمضان إقع تخ إودوهو المستشفى الضغط مرتفع
لغاية ما إنتهى المسلسل الراجل بقى عادي ما في شي.
إتضح إنو المسلسل فيه ليلى علوى الراجل إتفرج أول ما إنتهي المسلسل و تغيب ليلى علوى الضغط إرتفع.
تحياتي
|
Post: #30
Title: Re: قناة (النيل الأزرق) بتجيب النسوان السمحات ديل من وين!!
Author: Amira Elsheikh
Date: 05-18-2010, 07:37 PM
Parent: #29
| Quote: مقدمة (ألو مرحبا ) نجود حبيب : قناة النيل الازرق لا تعتمد على الوجوه الجميلة.. لكن .. |
اها كمان نجود حبيب دى تحديدا ماسمحة
ولسانها تقيل شوية لدرجة انها مابتقدر تطلع بعض الكلمات بصورة واضحة
عندها مشكلة فى الكلام عدييييييييل
|
Post: #31
Title: Re: قناة (النيل الأزرق) بتجيب النسوان السمحات ديل من وين!!
Author: khaleel
Date: 05-18-2010, 07:44 PM
Parent: #30
الغريبة كتبت مداخلة في بوست في عكس الريح بنفس الاسم
بس هناك كاتبة البوست ام صفاء
كدي نقارن بي ناس عكس الريح وسودانيز
ونشوف المعيار
http://drmoiz.com/board/viewtopic.php?f=62&t=60839
|
Post: #32
Title: Re: قناة (النيل الأزرق) بتجيب النسوان السمحات ديل من وين!!
Author: Amira Elsheikh
Date: 05-18-2010, 07:52 PM
Parent: #31
قولو واحد
|
Post: #33
Title: Re: قناة (النيل الأزرق) بتجيب النسوان السمحات ديل من وين!!
Author: Amira Elsheikh
Date: 05-18-2010, 07:55 PM
Parent: #32
واحد مكرر
|
Post: #34
Title: Re: قناة (النيل الأزرق) بتجيب النسوان السمحات ديل من وين!!
Author: ABUHUSSEIN
Date: 05-18-2010, 08:11 PM
Parent: #33
على قولك يا أميرة الشيخ المهم الأخلاق
|
Post: #35
Title: Re: قناة (النيل الأزرق) بتجيب النسوان السمحات ديل من وين!!
Author: Kostawi
Date: 05-18-2010, 08:15 PM
Parent: #34
هسع دي سمحة يا أميرة?
|
Post: #36
Title: Re: قناة (النيل الأزرق) بتجيب النسوان السمحات ديل من وين!!
Author: Amira Elsheikh
Date: 05-18-2010, 08:20 PM
Parent: #35
كوستاوى قول بسم الله .....؟
اسى انا قلت سمحة ؟
انا نزلت الصور وبس ....
وبعدين عليك الله ارجع مداخلتين تلاتة لفوق اقرا تعليقى على نجود حبيب
|
Post: #38
Title: Re: قناة (النيل الأزرق) بتجيب النسوان السمحات ديل من وين!!
Author: Kostawi
Date: 05-18-2010, 08:26 PM
Parent: #36
خالتي دومة أسمح منها
|
Post: #37
Title: Re: قناة (النيل الأزرق) بتجيب النسوان السمحات ديل من وين!!
Author: Amira Elsheikh
Date: 05-18-2010, 08:22 PM
Parent: #34
| Quote: على قولك يا أميرة الشيخ المهم الأخلاق |
الليلة وووب .....الكلام دا انا قلتو وين ؟؟
وبعدين قلتو قبل المعايير ولا بعديها ؟؟
لانها بتفرق
|
Post: #39
Title: Re: قناة (النيل الأزرق) بتجيب النسوان السمحات ديل من وين!!
Author: Kostawi
Date: 05-18-2010, 09:01 PM
Parent: #37
أها, لا رتوش ولا شمع ولا قلم كوبيا ولا أخضر شفايف
|
Post: #40
Title: Re: قناة (النيل الأزرق) بتجيب النسوان السمحات ديل من وين!!
Author: mohmmed said ahmed
Date: 05-19-2010, 05:34 AM
Parent: #39
سماحة بنات التبخ
|
Post: #41
Title: Re: قناة (النيل الأزرق) بتجيب النسوان السمحات ديل من وين!!
Author: othman mohmmadien
Date: 05-19-2010, 05:47 AM
Parent: #40
Quote: اها كمان نجود حبيب دى تحديدا ماسمحة
ولسانها تقيل شوية لدرجة انها مابتقدر تطلع بعض الكلمات بصورة واضحة
عندها مشكلة فى الكلام عدييييييييل |
بس أنا شايف ... أهلنا من مغتربي السعودية ... كلما يقدم البرنامج شخصية غيرها ... بيسألوا عنها وبشوق كمان ... وهذا دليل على نجاحها وحب جمهور القناة لها ... وخاصة المملكة ... لا أدري هل تحيز بإعتبار أنها عاشت بالمملكة لفترة ما أم لشئ آخر ... وفي بنات جريئات بيقولن ليها سمع أضاني دي :عيونك حلوات: ودوما بيكون ردها هادئ "أنت الأحلى" ...
حيرتننا يا بنات حواء ....و نجود سمحة كسائر النساء ... فكل النساء أجمل
|
Post: #44
Title: Re: قناة (النيل الأزرق) بتجيب النسوان السمحات ديل من وين!!
Author: Hassan Senada
Date: 05-19-2010, 06:03 AM
Parent: #41
الصفوة الاميرة كل شى ولا رشا الرشيد ( رشا ياكحيل )
|
Post: #42
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 05:58 AM
Parent: #40
صباح الخير عليكم جميعا..
قبل ما أجيكم واحد واحد..
صراحة أذهلتني (كسحة) البوست..
هي كانت مجرد وجهة نظر..
توالت بعدها وجهات نظر متعددة..
منها النظير ومنها المغاير..
وزي ماقال واحد منكم- هو بوست نفسيات..
يعني انا كتبت تعليقي وانا في حالة نفسية معينة..
لكن لحدي هسه مصرّة.. إنه في (سماحة)..
بغض النظر عن أسلوب التقديم..
والنصيحة أنا من شدهتي (أو دهشتي) في الفرجة
على الأشكال مرات بفوت الموضوع زاتو..
وتصدقوا بالله أسماء المذيعات زاتها ما حافظاها!!)
بعدين ما المذيعات بس ياجماعة..
الضيوف زاتهم مختارين بعناية فائقة..
أمرقوا النصيحة وقولوا إنكم لما بتختوا المؤشر
على (BNC) نسفياتكم بتتصلح..
|
Post: #45
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 06:04 AM
Parent: #42
Quote: الإمضاء/
واحد خارج عن النص .. وما تفهمونا غلط ... مجرد هرجلة |
عثمان أخوي..
ياخي إنت جوه النص شديد..
مافي أي مجال لفهم غلط..
هرجل ساي..
أنا ذاتي كنت بهرجل..
ووجهات النظر الجادة وفلسفات الجمال والسماحة..
على راسنا..
لكن هن سمحات.. وضيفاتهن أسمح..
|
Post: #46
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 06:06 AM
Parent: #42
| Quote: السؤال موجه ليك يا عمك يا ود الصائم |
هوي يا عمو حمزاوي..
ماتشربكني ساي مع (عمك)..
أنا هسه سألته؟؟
لكن ما وريتني رأيك إنت!!
|
Post: #47
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 06:09 AM
Parent: #42
Quote: شهر بس ... ياربي الشهر ده بتكون عملت شنو فيهو ؟..
|
عفاف يا حبيبة..
كان وريناكي عملت بتعملي زيها؟؟
Quote: بعدين انتى تتحيري .. نحن نعمل شنو ..؟ واكيد انتى بيت القصيد ..
|
باقي لك ياعفاف حيرتي وحيرتك بتكفي؟؟
ياختي بالجد يحيرن..
|
Post: #48
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 06:11 AM
Parent: #42
عمو (البدري)..
إنت برضو؟؟
عموما النصيحة لكبار السن ذكرت فوق..
هو الكويس انهن بيجن في السهرات متأخر يعني..
|
Post: #49
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 06:12 AM
Parent: #42
| Quote: ما الكلام في الشئ الآخر دا زاااااااتو |
الحاج..
كدي خلينا من الآخر داك..
السماحة رأيك فيها شنو؟؟
|
Post: #50
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 06:13 AM
Parent: #42
Quote: يا اميرة
غايتو نيل ازرق الجن ده فيهو جنس تماسيح موبالغة
تحياتي
زاتوووو |
شنو يا (زاتوووو)..
ياخي أنا أقول (سماحة) تقول لي (تماسيح)!!
|
Post: #51
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 06:14 AM
Parent: #42
أستاذي.. خالد أبو أحمد..
DONE
تشكر على المرور..
|
Post: #52
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 06:16 AM
Parent: #42
| Quote: وواحدة سمحة وتوبة سمح |
هدوية..
نقطة.. ومافي سطر جديد..
|
Post: #53
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 06:18 AM
Parent: #42
Quote: يا أميرة يا عمتكـ
أنا جبت سيرتهم بس .. تقومي تختيني منهم ؟؟ |
يا نادر..
شلاقتك عاد أسوي ليك شنو..
| Quote: قال ليها علي الطلاق اديك كف إلا كل كريم يرجع لي رفّو |
بس أووووعا يكون أداها!!
|
Post: #54
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 06:19 AM
Parent: #42
| Quote: المتبلات دي لو راحت كلهن عند العرب صابون |
يا السنوسي أخوي..
أها وكان ما راحت؟؟
قول إنت بقا..
|
Post: #55
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 06:20 AM
Parent: #42
Quote: بوست جميل بفرز نفسيات عاليه....
|
حيدر عثمان..
الله يعلي مقامك ياخي..
ده الفهم..
|
Post: #56
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 06:22 AM
Parent: #42
| Quote: دي سماحة شاشة ساي يا أميرة |
يا هيثم ياخي..
نحن بينا وبينهن الشاشة دي..
|
Post: #57
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 06:24 AM
Parent: #42
Quote: أميرة و ضيوفها تحية طيبة
ذكرتوني قصة الراجل اللي بعد نهاية مسلسل رمضان إقع تخ
إودوهو المستشفى الضغط مرتفع
لغاية ما إنتهى المسلسل الراجل بقى عادي ما في شي.
إتضح إنو المسلسل فيه ليلى علوى الراجل إتفرج
أول ما إنتهي المسلسل و تغيب ليلى علوى الضغط إرتفع.
|
أبو حسين..
كان كدي قناة النيل الأزرق لاتغيب لا تنتهي..
|
Post: #58
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 06:26 AM
Parent: #42
Quote: الغريبة كتبت مداخلة في بوست في عكس الريح بنفس الاسم
بس هناك كاتبة البوست ام صفاء
كدي نقارن بي ناس عكس الريح وسودانيز
ونشوف المعيار
|
الخليل..
الغريب شنو ياخ..
شدة ما نفسيات شديدة..
كتبته بي هنا وبهناك..
كدي خلي المقارنات..
رأيك في سماحتهن شنو؟؟
|
Post: #59
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 06:27 AM
Parent: #42
| Quote: هسع دي سمحة يا أميرة? |
ده رأيك يا كوستاوي!!
|
Post: #60
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 06:29 AM
Parent: #42
تبخ تبخ..
المهم سماحة..
ههههههههههه
|
Post: #43
Title: Re: قناة (النيل الأزرق) بتجيب النسوان السمحات ديل من وين!!
Author: محمد مختار جعفر
Date: 05-19-2010, 06:02 AM
Parent: #40
عندما يأتى الإعتراف من إمرأة بسماحة نسوان قناة النيل الأزرق ..،
يكون ده كلام كبير ويحتاج الى وقفة ،
وحقا قلتى ، .. فقنواتنا ( الفضائية الخاصة ) فى هذا الجانب أفضل من
القناة القومية وليس هناك مقارنة فى الإختيار .. فالأناقة عندهن متميزة
وصراحة هذا هو المطلوب ، النضارة والإعتناء بالمظهر وجمال الوجه من مميزات
المذيع الذى تكسبه شعبية ومتابعة مع توفر العامل الأهم وهو الأفق الثقافى ..
تصحيح إملائى ...
|
Post: #71
Title: Re: قناة (النيل الأزرق) بتجيب النسوان السمحات ديل من وين!!
Author: Zoal Wahid
Date: 05-19-2010, 08:31 AM
Parent: #43
حسادة منكم ساي
اصلو البنات السمر شينات
و بينطقن العربي غلط
وما بيعرفن اسماء المليون شهيد
و الاهم قنواتنا عايزة تثبت بالوجوه البيضاء عروبتنا
يعني نحنا عرب بي نسوانا و افارقة برجالنا.
ما في حد سأل نفسو، من ناس القنوات ديل ، لماذا كل البنات المذيعات مبيضات ( من تبييض الجسم)
و المذيعين محروقين ؟؟؟
** بصراحة انا ما قاعد اشوف قنوات السودان لكن ام العيال بتقول لي
انهن بتشابهن كأنهن بنات خالات. وعلى ذمتها - وانا مصدقها - انو مؤخرا ظهرت واحدة بتشبه
بت سوركتي .
** دعاء
اللهم احفظ مذيعات قناة الجنوب من التبييض حتى لا نرحل عن قناتهم.
|
Post: #61
Title: Re: قناة (النيل الأزرق) بتجيب النسوان السمحات ديل من وين!!
Author: هاشم محمد الحسن عبدالله
Date: 05-19-2010, 06:51 AM
Parent: #9
الأخت أميرة ، تحياتى على هذا البوست الظريف الجميل ، صدقنى الموضوع فى بالى ويثير تساؤلات الكثيرين ، لكن ياأختى قناة النيل الازرق يشرف عليها طقم مؤهل مهنى على مستوى عال وراقى واستفادت كثيرا من قتنيات وخبرت ارت المتراكمة ، كل ذلك بقيادة الربان الماهر الجنرال حسن فضل المولى، وبعدين الجمال مطلوب الشكل والمضمون ايضا ، فعلى سبيل المثال نأخذ رشا الرشيد (حلاوة وحمار) وفهم وحضور و اسراء عادل وغيرهن من الجواهر فلامانع اذا اجتمع الجمال مع الفهم والحضور، وطبعا الجمال نسبى من انسان لآخر، بالمناسبة بعض بعض الأصدقاء الأخوة فى الخليج أبدوا اعجابهم الشديد برشا الرشيد وكانو متخيلين أنها غير سودانية ، لكن أكدت لهم أنه سودانية أما وأبا، مودتى .
|
Post: #62
Title: Re: قناة (النيل الأزرق) بتجيب النسوان السمحات ديل من وين!!
Author: طارق ميرغني
Date: 05-19-2010, 07:18 AM
Parent: #61
اها كمان نجود حبيب دى تحديدا ماسمحة
ولسانها تقيل شوية لدرجة انها مابتقدر تطلع بعض الكلمات بصورة واضحة
عندها مشكلة فى الكلام عدييييييييل
كلامك صاح يا اميره الشيخ... نفس الراي..
بعدين يا هاشم حلاه وحمار دي للبطيخ ... مش كده ؟
|
Post: #66
Title: Re: قناة (النيل الأزرق) بتجيب النسوان السمحات ديل من وين!!
Author: هاشم محمد الحسن عبدالله
Date: 05-19-2010, 07:41 AM
Parent: #62
الأخ الحبيب طارق ميرغنى، تحياتى قصدت من لفظ (حمار وحلاوة) التشبيه (الشكل والمضمون) ، أرجو المعذرة لاستخدام هذا اللفظ (العامى) ، مودتى .
|
Post: #63
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 07:19 AM
Parent: #61
Quote:
عندما يأتى الإعتراف من إمرأة بسماحة نسوان قناة النيل الأزرق ..،
يكون ده كلام كبير ويحتاج الى وقفة ،
وحقا قلتى ، .. فقنواتنا ( الفضائية الخاصة ) فى هذا الجانب أفضل من
القناة القومية وليس هناك مقارنة فى الإختيار .. فالأناقة عندهن متميزة
وصراحة هذا هو المطلوب ، النضارة والإعتناء بالمظهر وجمال الوجه من مميزات
المذيع الذى تكسبه شعبية ومتابعة مع توفر العامل الأهم وهو الأفق الثقافى ..
|
كلام سليم 100% يا أستاذي..
وأصلا الإقبال على مشاهدة الفضائيات،
ينبع من العنصر الجاذب..
والجمال هو أكبر وأهم عنصر جاذب..
|
Post: #64
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 07:23 AM
Parent: #63
Quote: الأخت أميرة ، تحياتى على هذا البوست الظريف الجميل ،
صدقنى الموضوع فى بالى ويثير تساؤلات الكثيرين ،
لكن |
لكن شنو يا هاشم ياخ..
ما كنت تقول من زمان طيب!!
تسلم ياخي..
|
Post: #65
Title: Re: قناة (النيل الأزرق) بتجيب النسوان السمحات ديل من وين!!
Author: tmbis
Date: 05-19-2010, 07:34 AM
Parent: #61
Quote: وين النسوان..؟؟
أنا قايتو مذيعات النيل الأزرق ما أشوف فيهن أي جمال المرأة السودانية هؤلاء..عبارة عن مسخ مشوه.. |
...Quote: لكن بليدات
النيل الازرق دى فيها سماحة واغانى وثياب والباقى كلو عايز اعادة,
مثلا سهرة كاملة مع بشير عباس وما فيها ولا فيديو و احد للبلابل جايبين واحد يغنى اغانى البلابل وهن حيات ,
وواحدة سمحة وتوبة سمح وما بتعرف تحاور دة شنو ده؟ |
.. | Quote: هسع دي سمحة يا أميرة? |
.. ..
إلى الاخوات المقدمات للبرامج .. والمذيعات والبصورن وبتاعات المونتاج والاخراج .. وبتاعات الديكور .. وبنات الجيران .. وبنات الحلة لحدت البحــر ..
اكان بتقرن في البوست دا اقرن الاقتباسات الفوق دي .. واعلموا جيدا إنو دي سودانيزاونلاين وطن من لا وطن له .. فيها منظراتيه زي الفوق ديل عندهم كل المعايير بتاعت اي حاجة كل واحد عندو شنطة معايير .. قابله للفتح في اي لحظة..
اشتغلن شغلنكن وما تشتغلوات بالخط المعلق .. وارجو الا تحملوا على الموقع دا ما لا يحمل عقباه .. فوقو برضو ناس كويسين ومحترمين وبيعرفوا يشوفو بي شكل جيد ..
- يا هادية .. بليدات عديل كدا ..؟ امسكي في تيابن ديل وخلي بلادتن يا ام فهما كامل ومكمل . طيب ما تعالي اشتغلي في النيل الأزرق والنشوف شطارتك دي .. يا ما بليدة..؟
- وعاين زي البقوليك سماحة بنات التبخ .. وقبل كم يوم جايبنو في نفس القناة ومع زولة افهم منو بي مية مرة .. لو جينا للمعايير بتاعت كل واحد ..
- أما خالد همــر .. فأخير تسكت ياخ بلاش مسخ مشوه بلاش طراش معاك .. اسكت ياخ ( تراك غثيتنا)
لامين في بنات الناس شتيمه في صمة خشمن .. المسكينات لا ايدن لا توبن ..
|
Post: #67
Title: Re: قناة (النيل الأزرق) بتجيب النسوان السمحات ديل من وين!!
Author: Salahaldeen Nadir
Date: 05-19-2010, 07:49 AM
Parent: #65
tmbis
الله يريحك ياخ
!
|
Post: #68
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 08:23 AM
Parent: #67
Quote: لامين في بنات الناس شتيمه في صمة خشمن ..
المسكينات لا ايدن لا توبن .. |
لكن يا تمبس الله يريحك أكتر زي ما قال ليك..
لمن ماعلقت لي على أصل الموضوع..
لكن ضمنيا كده غايت..و وجهة نظرك وصلت..
|
Post: #69
Title: Re: قناة (النيل الأزرق) بتجيب النسوان السمحات ديل من وين!!
Author: tmbis
Date: 05-19-2010, 08:25 AM
Parent: #67
Quote: tmbis
الله يريحك ياخ |
مش عليك الله يا نصر الدين في حقاره نوعية كدا ..؟
اها لو استثنينا الاخوات الهنا ديل ..
ولو بالمرة كدا افترضنا إنو هادية دي كانت ملكة جمال الكون .. وليها حق ... إنها تفتي في المعايير الجمالية والاكاديمية من ناحية أكاديمية صرفه ..
اهــا
عليك الله زي كوستاوي وخالد هامر ومحمد سيد أحمد ديل .. عندهم بيوتات تجميل .. ومحلات قدر ظروفك عشان يفتو في دي سمحة واللا دي شينـة ..؟
زي ديل مفترض يجو يقرو بس .. والذي نفسه بغير جمال لا يرى في الوجود اي مذيعة جميلة ..
أرجو من أي من النقاد الرجال منهم .. إنو يرفقو لينا الشهادات الاكاديمية بتاعت كل واحد فوقم والبتتيح ليهم أنهم يفتو وينظروا في الجمال والمعايير السودانية للجمال ..
ولو المسالة بقت اخنق فطس ساااي كدا .. وانطباعات ..
والله يا خالد همـــر ... ويا محمد سيد أحمد .. ويا كوستاوي .. من البورد دا أجيب ليكم مداخلات لي البعض توضح إنكم ما ليكم اي حق تتكلمو في الجمال ..
كنت عايز اقوليكم فكونا كدا ياخ ..
لكن للضمان .. خليكم ماسكين .. النشوف احتمال يكون عندكم كريمات بتاعت سماحه من ضمن الحلول الجايبنها للشنا الشايفنها دي ..
بعدين بالنسبة للمدموزيلات أو السيدات البحددن في المعايير .. حسع الواحده تلم فيها تقوليها إنت شينه وشناتك يوزعو منها .. والله اسبوعين تمام لا تنام ولا تأكل الطعام ..
..
سلام يا أميرة فاروق ..
|
Post: #70
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 08:26 AM
Parent: #67
صلاح الدين...
ههههههههه..
وأنا.. أنا دي مايريحني!!
|
Post: #73
Title: Re: قناة (النيل الأزرق) بتجيب النسوان السمحات ديل من وين!!
Author: طارق جبريل
Date: 05-19-2010, 08:47 AM
Parent: #70
Quote: وجاء في النكتة:
رباطابي اتشاكل مع واحدة من ديل
قال ليها علي الطلاق اديك كف إلا كل كريم يرجع لي رفّو
|
والله يا نادر زولك دة بالغ
|
Post: #80
Title: Re: قناة (النيل الأزرق) بتجيب النسوان السمحات ديل من وين!!
Author: هاشم محمد الحسن عبدالله
Date: 05-19-2010, 10:47 AM
Parent: #73
قريبى ود جبرين ، كيفنك أخوى والله ضحكتنى جنس ضحك ، ياأخ الرباطاب ديل ليهم جنس محن، مودتى .
|
Post: #72
Title: Re: قناة (النيل الأزرق) بتجيب النسوان السمحات ديل من وين!!
Author: محمد طاهر تكنه
Date: 05-19-2010, 08:45 AM
Parent: #65
بسم الله,,, نبدأ,,,
عمرك بين ال18 و ال 60؟
سوداني او مولود لأب سوداني داخل او خارج السودان؟
يجب ان تخضع للجنة الاختيار العامة و بعد ذلك للجنات فرعية متخصصة
و التصنيف سيكون كالاتي:
عندك شهادات و واسطة: حبابك ألف!
ماعندك شهادات وعندك واسطة: برضو حبابك ألف!
عندك شهادات و خبرة و ماعندك واسطة: سيب رقم تلفونك في الاستقبال و اكيد حاتسمع مننا..
ماعندك شهادات و لا واسطة: امشي انتحر!
شين و صوتك حلو: تبقى فنان!
سمحة و صوتك ماحلو: برضو فنانه!
سمج و دمك يلطش و تجيد فن مصمصة الشلاليف و غرويد العيون و الأاااااهآآآآآت: اذن انت مذيع سوداني!
سمحة و غبية:- نوعين الاول سمحة و نحيييفة: مذيعة في النيل الازرق!
التاني سمحة و سمينة: هارموني او الشروق!
شينة و سمينة: تلفزيون السودان!
شينة و مسيخة: مضيفة جوية!
عدم احساس جلد تمساح: ناس سودانير!
قنعان من روحك و عايز تدعم المنتج المحلي: تركب سودانير!
سبع صنايع و البخت ضايع: موظف حكومة، مدرس، سواق تكسي!
سبع صنايع و البخت الرائع: موظف اتصالات!
امك داعية ليك: ياخدوك في شركة دال
رجل المستحيل: كستمر كير!
المستحيل بي عينو: خدمة سودانية ترقى لمستوى لا بأس!
عزيز قوم ذل: طبيب
مصاص دماء: تشتغل في جهاز المغتربين!
سياسي عمرك فوق المية (ديناصور: (معارضة!
خالي مؤهلات و مستهبل: سفير للسودان بالخارج!
خالي مؤهلات و أهبل: مسؤول!
كترتا و مسختا: مستشار
عايز تشتهر: اخترع ليك حركة خزعبلاوية لتحرير السودان!
حمار شغل: الفئة دي مافي عندنا!
مدهوك معجون معفوص ممغوس موجع مقطع مرقع جيعان وسخان قرفان تلفان سجمان رمدان غالبك التسوي: مبروك انت مغترب!
من الايميل
|
Post: #74
Title: Re: قناة (النيل الأزرق) بتجيب النسوان السمحات ديل من وين!!
Author: طارق جبريل
Date: 05-19-2010, 08:49 AM
Parent: #72
دي بالذات لا سمحة لا بتعرف تقدم
ولسانها تقول رابطين فيهو يد فندك
تقييييييييييييييلا
|
Post: #75
Title: Re: قناة (النيل الأزرق) بتجيب النسوان السمحات ديل من وين!!
Author: وليد عبد اللطيف
Date: 05-19-2010, 09:09 AM
Parent: #74
الكوتش اميره الشيخ
Quote: اها كمان نجود حبيب دى تحديدا ماسمحة
ولسانها تقيل شوية لدرجة انها مابتقدر تطلع بعض الكلمات بصورة واضحة
عندها مشكلة فى الكلام عدييييييييل |
واضيفي الى ذلك لاتجيد الحوار
ياخي يوم فاتحه موضوع عن (الخيانة الزوجية )
موش غيرت القناة
قفلتو عديل وحردت المشاهده
ياجماعة القرعة لما تكون فاضية السماحة مابتغطيها
-----------------------
اميره فاروق سلامات
تعديل كلمة والتحية الى اميره معليش تاني يا اميره
|
Post: #76
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 09:50 AM
Parent: #75
| Quote: الصفوة الاميرة كل شى ولا رشا الرشيد ( رشا ياكحيل ) |
سنادة العريس..
مش رشا براها.. بنات القناة كلهن..
|
Post: #77
Title: Re: قناة (النيل الأزرق) بتجيب النسوان السمحات ديل من وين!!
Author: Zomrawi Alweli
Date: 05-19-2010, 10:03 AM
والله بنات السودان احلى من الفلسطينيات اللائي ملأن قناة الشروق
|
Post: #78
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-19-2010, 10:07 AM
قـــــــــف..
احتجاج شديد اللهجة..
من زعيم البكايين..
والمكسرين ومدشدشين في السماحة..
طارق جبريل..
قال فطيت مداخلته ومارديت عليه..
التقول هو جاييني أنا!!
تلقاه جاء مباري سكة السماحة..
Quote: وحات ربي يا بت فاروق تقشطيهن بي خرطوش أليل موية
علي ينخرط وجيهن زي حيطة الزبالة
لا تشوفي المرارا دي |
ياخوي خلينا نستمتع بالـ المرارا دي (كان قريتها صاح)..
قبال يجي خرطوش المويه ده..
|
Post: #79
Title: Re: قناة (النيل الأزرق) بتجيب النسوان السمحات ديل من وين!!
Author: سفيان بشير نابرى
Date: 05-19-2010, 10:32 AM
Parent: #78
Quote: الكوتش اميره الشيخ
|
هاهاهاهاهاهاهاهاها
أبو اللفح ذاتو
لووووووووول
غايتو المذيعات جهجهن
باكاتك يا كابتن
هاهاهاهاهاهاهاها
والله يا أميرة
كل الجمااااال
|
Post: #81
Title: Re: قناة (النيل الأزرق) بتجيب النسوان السمحات ديل من وين!!
Author: طارق ميرغني
Date: 05-19-2010, 11:17 AM
Parent: #79
اخي هاشم
لم اقصد انتقاد التعبير
بس مجرد هزار
المهم في النهايه كلو بطيخ......
|
Post: #82
Title: Re: قناة (النيل الأزرق) بتجيب النسوان السمحات ديل من وين!!
Author: Hadia Mohamed
Date: 05-19-2010, 11:25 AM
Parent: #79
Quote: اشتغلن شغلنكن وما تشتغلوات بالخط المعلق .. وارجو الا تحملوا على الموقع دا ما لا يحمل عقباه .. فوقو برضو ناس كويسين ومحترمين وبيعرفوا يشوفو بي شكل جيد
|
طبعا الزول الاسمو تمبس ده بفتكر العندهم رأى غير ايجابى هم عكس الكلام ده ولا شنو؟
|
Post: #84
Title: Re: قناة (النيل الأزرق) بتجيب النسوان السمحات ديل من وين!!
Author: tmbis
Date: 05-19-2010, 01:02 PM
Parent: #82
| Quote: طبعا الزول الاسمو تمبس ده بفتكر العندهم رأى غير ايجابى هم عكس الكلام ده ولا شنو؟ |
ااي طبعا .. يا الزولة الاسمك هادية ..
الراي السلبي ذاتو بيكون بي فهم ..
ما بي (البلادة) .. لكن يبدو أنو عندك تضخم في غدة اللا بلادة بخليك تشوفي الراي السلبي بتاعك من خلال البلاده بس ..
طبعا الزول الاسمو تمبس دا .. عندو راي فيهو السلبي والايجابي .. وممكن ينتقد من غير تجريح ..
كأن يقول .. مذيعات القناة ديل فيهن الشينات والسمحات والبعرفن يلبسن تياب والما بيعرفن .. ودي حاجة طبيعية ..
وممكن كمان يقول:
والله بحتاجن لي شوية بتاعت مهارات بنقلو بيها الضيف من مرحلة الجمود والخوف من الكاميرا إلى مرحلة الدخول في جو الحلقة .. دا بالنسبة لي بتاعات الحلقات زي ما ذكرتي في حلقة الموسيقار بشير عباس ..
وبالنسبة لي المذيعات بتاعات الربط أو في البرنامج البجيبو فوقو رشا وامجد وبتبادلو فوقو اكتر من زولة .. وغالبا دي في حد ذاته استهلاك يومي للشابات ديل .. وفيهو مقابلة العديد من الضيوف منهم البيعرف يتكلم والما بيعرف يتكلم وفيهم البخاف من الكاميرا وما بيقدر يوصل معلومتو .. وفي الحالة دي يتطلب من المقدمة نفسها إنها تطلع بعيد من جو السيناريو الواضعو المخرج وطريقة الاسئلة البتتلقاها من خلال ربطها مع المخرج بالمايك ..
انا هنا ما اتكلمت عن سماحة زولة في ديل بس محرقاني .. البلادة بتاعتن دي جبتيها من وووين ..؟
رأي إيجابي منك ساااي ..؟
حسع كلامك دا ما عجبني ممكن اجي ادخل واقوليك يا بليدة ..؟
ممكن اجي اقوليك إنت فلاتية واللا شنــو..؟* 
حلقة بشير عباس كان عايز ينداح فيها والملاحظ انو عندو كلام كتير عايز يقولو كان .. لدرجة إنو المقدمة بتاعت البرنامج كانت كل الوقت بتحاول إنها تستلم الكلام منو .. في خجل وخايفه إنو تقاطعو .. وكل الكلام دا كان بيتم في خجل شديد .. لحدت نهاية الحلقة كان الموسيقار بشير عباس مصر إنو يتكلم لانو الجو كان مناسب لي إنو يتحدث بشكل مستفيض ..
بالنسبة للبلابل .. اعتقد إنو بشير عباس قال إنو بيقدم الشاب الغنا دا .. بجانب عاطف الفنان التاني القاعد يمين بشير عباس ..
يعني بي صورة أوضح .. ما اتطرق لي تجربة البلابل ربما لاسباب يعرفها هو ..
وربما جاب العود معاهو والاوركسترا علشان يظهر الشاب دا بي فهم خاص متعلق بيهو ..
..
هادية .. لو سمحتي لي يعني ممكن اقول عليك إنت بليدة ..؟
|
Post: #83
Title: Re: قناة (النيل الأزرق) بتجيب النسوان السمحات ديل من وين!!
Author: Amira Elsheikh
Date: 05-19-2010, 12:37 PM
Parent: #79
ياسفيان انا اخدت ترقية وبرااى رقيت روحى,,
انت ماتغيب كتير شان المخصصات تبع الكوتش ينوبك منها شئ ياصاحب
تحياتى ياعريس
|
Post: #85
Title: Re: قناة (النيل الأزرق) بتجيب النسوان السمحات ديل من وين!!
Author: وليد عبد اللطيف
Date: 05-19-2010, 01:27 PM
Parent: #83
الكوتش اميره الشيخ
تُصدق لكي كل المخصصات وماتشيلي هم
بعد ان فشل الرجال في هذا النشاط وبعد الهزائم المتلاحقة
لماذا لانعطي للفتيات الفرصة وانا بشوف هنا شابات
فكرهم وتحليلهم افضل من مدربننا ولعيبتنا ومن غير تحيز
اميره ما كلموك
خلاص انا بطلت الكلام في الشغلة دي (يادوب اتذكرت )
سفيان ياحبيب
اميره لو احتاجت مساعد خليك قريب
الشغلة ساهله
كل يوم تسافرو ا نودعكم
كل يوم ترجعوا نستقبلكم شفت كيف
|
Post: #86
Title: Re: قناة (النيل الأزرق) بتجيب النسوان السمحات ديل من وين!!
Author: PLAYER
Date: 05-19-2010, 01:39 PM
Parent: #85
حكمة اليوم
من الغيرة ما قتل
|
Post: #87
Title: Re: قناة (النيل الأزرق) بتجيب النسوان السمحات ديل من وين!!
Author: Rawia
Date: 05-19-2010, 01:55 PM
Parent: #86
نجود حبيب ماسمحة ياشينين ؟؟؟؟
نجود حبيب دي مافي أسمح منها الا مدرب إنتر ميلان
ومافي شبيهة ليها في زمنا دا
لكن من الزمن الجميل تشبه لبنى عبدالعزيز
________________
تمبس ياشين
هادية دي سمممممممحة
|
Post: #88
Title: Re: قناة (النيل الأزرق) بتجيب النسوان السمحات ديل من وين!!
Author: Rawia
Date: 05-19-2010, 01:58 PM
Parent: #87
كومار أب شلخة
منور سودانيز والله
|
Post: #92
Title: Re: قناة (النيل الأزرق) بتجيب النسوان السمحات ديل من وين!!
Author: ALZOLZATOO
Date: 05-19-2010, 02:32 PM
Parent: #88
Quote: شنو يا (زاتوووو)..
ياخي أنا أقول (سماحة) تقول لي (تماسيح)!! |
هاهاهاها
الله يهديك يا اميرة ويخفف وزنك اذا ثبت المعيار الطردي بين حجم الجسم والبلادة لووولز
ياتامبا ياخي فهمها الحاصل شنو يااعمل ليها جكة من الاذاعة مرورا بالسجن وجنوبا حتى بوابة عبدالقيوم
والرجوع للنيل الازرق تاني لو وزنها ماخفه ارميها النيل خلي التماسيح الصحي صحي تاكلها
ههههههه
تحياتي يا اميرة
زاتوووو
|
Post: #89
Title: Re: قناة (النيل الأزرق) بتجيب النسوان السمحات ديل من وين!!
Author: tmbis
Date: 05-19-2010, 02:02 PM
Parent: #87
Quote: تمبس ياشين
هادية دي سمممممممحة |
.. عندك معيار محدد يا راوية ..؟
.
.
انا خايف بي سماحته دي تكون بليده تبقى دي مشكلة .. عندنا صاحبنا طلع سمين وبليد .. حسب ما جا في معيار بوردي حايم ليهو فترة .. بيقول إنو اي سمين بليد ..
..
لكن معيار سمح وبليد دي ما اظن يتلم مع بعض ..
أرجو إنو هادية تراجع نفسه في المعيار بتاع البلاده السلبية دا .. وتجيني بالنجيضة يوم السبت كان الله حيانا .. لاني ما بدخل تاني إلا يوم السبت ..
ومن هنا لحدت يوم السبت لو زدت اتنين كيلو .. بضمن ليك إنو مباشرة إنو كلامه صاح مية المية فيما يتعلق بالشنا والبلاده ..
|
Post: #90
Title: Re: قناة (النيل الأزرق) بتجيب النسوان السمحات ديل من وين!!
Author: Rawia
Date: 05-19-2010, 02:09 PM
Parent: #89
| Quote: [ بيقول إنو اي سمين بليد |
شفتو ليك
لووووووووووول
دخلت ليك بخجل ولوعة إتضامنت معاهو
من باب المؤمن للمؤمن شنو كدا ماعارفة
مع إني كنت خايفة يقبضوني في الباب
وهم ماعارفين أنا حالفة لو ماالواطة قالت دج دج دج لمن أجي ماشة مابخلي الاكل
البلادة ملحوقة
|
Post: #91
Title: Re: قناة (النيل الأزرق) بتجيب النسوان السمحات ديل من وين!!
Author: tmbis
Date: 05-19-2010, 02:22 PM
Parent: #90
Quote: شفتو ليك
لووووووووووول |
.. .. | Quote: ماالواطة قالت دج دج دج لمن أجي ماشة مابخلي الاكل |
...
|
Post: #93
Title: Re: قناة (النيل الأزرق) بتجيب النسوان السمحات ديل من وين!!
Author: Hadia Mohamed
Date: 05-19-2010, 02:52 PM
Parent: #91
الحمد لله ما بتلمن مع بعض ولا كان رحنا فيها,
قلت لى فلاتة دى طلعت وصف ولا شتيمة؟
يعنى مافى فرق بينها وبين بليد؟
اى فى بلاده كان تهيج ولا تشتم
بلادة مقدمين وبلادة مخرحين وكمان معدين برامج وكمان فيهم ناس دفعتى واصحابى
وبرضو بليدين وما بنختلف فى السماحة,
وده ما تعميم يعنى مقدمة البرنامج العملت عنه انت بوست تمام
البرنامج ممتع والمقدمة عندها حضور جميل وناس منطقة الشجرة
امتعونا اكثر .
_______________________
بت العباسى سلام
مشتاقين كثير
|
Post: #113
Title: Re: قناة (النيل الأزرق) بتجيب النسوان السمحات ديل من وين!!
Author: tmbis
Date: 05-22-2010, 08:38 AM
Parent: #93
Quote: الحمد لله ما بتلمن مع بعض ولا كان رحنا فيها,
قلت لى فلاتة دى طلعت وصف ولا شتيمة؟
يعنى مافى فرق بينها وبين بليد؟
اى فى بلاده كان تهيج ولا تشتم |
والله بركة يا هادية الما بقن الاتنين عليكي ..
فلاتة دي مصطلح بوردي يا هادية زيها وزي القراية بي الاضنين .. وزي الامنجي الكوز .. بس اوعه تكوني اتعقدتي..؟ أنا طبعا جيت اجربه فيك .. واشوفه بتصلح للاستخدام الادمي واللا .. ما بتصلح ..؟
اها دا كان عبارة عن سؤال مباشر من زولة هنا قاعدة بتكتب معاك ومعاك في المكان دا .. وقالت بتكتب منفحه عن الكيزان .. وزولة ثورية .. تخيلي جات خاشة وختته لي طااخ كدا .. قالت لي انت فلاتي ..؟
هنا المسالة بتفرق انا استاذنت منك قبال ما اسالك ..
إذن تبقى المسالة فيها تفاصيل كتيرة:
زي صاحبنا السمين وطلعوا السمن من علامات البلاده المميزة ..
من يوم الأربحا انا قاعد مصاقر التلفزيون لحدت يوم الجمعة بالليل .. كنت عايز اشوف لي واحده في النيل الأزرق سمينة شان اقول عليها بليدة .. يا فلاتية زيك كدا عشان اقول عليها سمحة ..
بالمناسبة:
شايفك .. خرخرتي لما جبنا سيرة الشنـا .. والفلاتية .. والبلادة ..
يللا هنا ممكن نصل لي منصة اتفاق .. بتقول إنو السماحة دي حاجة براها والبلاده دي كوم براهو .. إنت بس امسكي الحتة بتاعت التياب والتسريحات .. وخليك من البلاده حقتن .. | Quote: اى فى بلاده كان تهيج ولا تشتم |
انا ما بهيج ولا بشتمك .. اكان للهيجة ياكي الهجتي .. واكان للشتيمة ياكي الشتمتي البنات عشان تيابم عاجبنك بس .. صاح؟؟ انا ما شتمتك لكن جبت ليك كتابة بتاعت عقلية زولة حايمة هنا دا وللاسف عندها باص وورد وبتكتب بيهو .. يعني للاسف إنتي بي سماحتك دي طلعتي زيها واحد .. ما بتقبل الشتيمة وعايزه تشتم.. Quote: بلادة مقدمين وبلادة مخرحين وكمان معدين برامج وكمان فيهم ناس دفعتى واصحابى
وبرضو بليدين وما بنختلف فى السماحة, |
يعني رجعتي لي كلامي يا هادية بخصوص الاكادميات .. والنقد الموضوعي .. القلتو ليك أول .. حسع لو اتحدثتي حديث العارفين .. وبما انو عندك زملاك في المكان داك .. كان استفدنا نحن في شوفنا لي الجميلات ديل والما جميلات .. وكان هن ذاتن استفادن من كلامك الاكاديمي .. بدل (البلادة) بتاعتك دي .. صاح يا هادية؟؟
Quote: وده ما تعميم يعنى مقدمة البرنامج العملت عنه انت بوست تمام
البرنامج ممتع والمقدمة عندها حضور جميل وناس منطقة الشجرة
امتعونا اكثر . |
.. ايوة كدا تمام يا هادية اتصلحي معانا .. بعدين طبيعة البرنامج دا يا هادية كان لازم يكون كدا .. لانو فكرتو مبنية على التلقائية دا طبعا ما انقاص لي حق إيمان بركية المقدمة الناجحة جدا .. لكن شكل البرنامج الكاشول البعيد من خنقة حيطان الاستديو .. واسبوطات الاضاءة وحركة الكاميرات وكواريك المخرج بيديك مساحة ابداع ..
|
Post: #94
Title: Re: قناة (النيل الأزرق) بتجيب النسوان السمحات ديل من وين!!
Author: Amira Elsheikh
Date: 05-19-2010, 02:57 PM
Parent: #91
ياجماعة ماتحشمونا الكلام وتبلعونا لسناتنا ياقول حبوبة ...
رايى فى نجود حبيب قلتو فوق وفى كم زول جو وقالو نفس الراى تقربيا منهم
وليد... طارق ميرغنى ... طارق جبريل ....يبقى من حق الناس تجى تقول رايها سلبا او ايجابيا
ناس السعودية شايفين نجود دى سمحة واحسن زول دى وجهة نظرهم ونحترمها
اما ناس غيرة بنات وشنو دى ماعارفة والله حيرتنى يا بلير
يعنى نحن البنات ديل بمجرد ما الواحدة تفتح خشمها وتبدى وجهة نظرها تكون غيرة ؟؟
نجود حبيب عندها مشكلة واااضحة وما بتقدر تتابعها لو اتكلمت ليها كلام متواصل
وبعدين الصوت دا مش حاجة مهمة بالنسبة للمذيع/ة؟ طيب نجود دا ماعندها الحاجة دى
اى زول شايفها سمحة يجيب صورتها ويعلقها مافى زول حيقول تلت التلاتة كم لكن طالما صورتها
دى معلقة على قناة الازرق ونحن بنشوفها كل يوم اوقول كل اوسبوع من حقنا نقول راينا
صوت نجود حبيب ماسمح ..اها تانى شنو ؟
|
Post: #95
Title: Re: قناة (النيل الأزرق) بتجيب النسوان السمحات ديل من وين!!
Author: Rawia
Date: 05-19-2010, 03:06 PM
Parent: #94
Quote:
صوت نجود حبيب ماسمح ..اها تانى شنو ؟ |
دا إسمو غنج...دلال...دلع...رقة
أو أي تسمية ولا عبارة تنم عن الجمال والاناقة
|
Post: #96
Title: Re: قناة (النيل الأزرق) بتجيب النسوان السمحات ديل من وين!!
Author: طارق جبريل
Date: 05-19-2010, 03:25 PM
Parent: #95
Quote: ياخوي خلينا نستمتع بالـ المرارا دي (كان قريتها صاح)..
قبال يجي خرطوش المويه ده..
|
|
Post: #97
Title: Re: قناة (النيل الأزرق) بتجيب النسوان السمحات ديل من وين!!
Author: صديق الموج
Date: 05-19-2010, 04:48 PM
Parent: #96
احى انا بنات سمحات ويقطعن القلب
ان شاء الله نحن نلحس المكوة حارة
بعدين حكمة الله تقول بفكوهن من القصدير ويجيبوهن على الاستديو
ياربى ما بكونوا دايرين فراشين للقناة دى
كيتن على زول كده بس،،،
|
Post: #98
Title: Re: قناة (النيل الأزرق) بتجيب النسوان السمحات ديل من وين!!
Author: othman mohmmadien
Date: 05-19-2010, 05:30 PM
Parent: #97
المصدر:
http://www.sudanelite.com/news.php?action=show&id=8946
New Page 1 مذيعة قناة النيل الأزرق الموقوفة عن العمل في حوار لا يخلو من إثارة هل يمكننا القول بأن إنضمامك للقناة كان لما تتمتعين به من كفاءه وجمال؟ أحرجني حينما قال لي (يا قمر)، فكان موقفاً صعباً جداً عليّ أمام المشاهدين، وحاولت أن أتمالك نفسي بسرعة.  الإذاعية الشابة ريم علي مصطفى تغلّب عليها حبها للإعلام رغم دراستها للقانون، وانضمت لقناة النيل الأزرق (بالصدفة) رغم أنها اجتازت كل المعاينات بجدارة، وقدمت العديد من البرامج المميزة خلالها، ولكن تم فصلها الذي أرجعته ريم (للحسد).
(آخر لحظة) استمعت اليها في حوار كشف الحقائق.. تحدثت من خلاله بكل صراحة عن الظلم.. والمعاملة والمضايقات التي تعرضت اليها إبان فترة عملها بالقناة.. والكثير المثير غير ذلك.. فإلى حديث النجمة ريم:-
البدايات كيف كانت؟
- بداياتي كانت منذ وقت مبكر جداً خلال فترة دراستي الأولية، وكانت مجرد هواية فقط، وبعد عودتي للسودان قررت الإنضمام لقناة النيل الأزرق، وكان ذلك عن طريق الصدفة، وذلك عندما دخلت على حسن فضل المولى مدير القناة وأجرى لي معاينات مبدئية، ومن ثم دخلت في عدد من المعاينات ومعي ما يفوق الألف متقدم، وبعد التصفيات وصل عددنا الى أربعة أنا وآسيا وسهام عمر وشيبة الحمد، وتم تدريبنا لمدة ثلاثة أشهر وبعد ذلك تم تعيينا في القناة.
مقاطعاً: هل الفترة التدريبية التي تلقيتيها لمدة ثلاثة أشهر في قناة النيل الأزرق كانت كافية للدفع بك أمام الشاشة؟
- بصراحة.. لم نتلقَ أي تدريب كافٍ على مواجهة الكاميرات والتعود عليها ولا أحد ينكر ذلك، وخلال فترة التدريب لم ندخل الأستديوهات إلا ثلاث مرات فقط، ودفعوا بنا للشاشة مباشرة رغم أنني في تلك الفترة كنت مذيعة (خام) ولكن مع ذلك أثبت وجودي وطورت أدائي، ومع كل ذلك لم استمع الى أي كلمة تشجيع إيجابية، بل أحسست بعلامات الغضب لنجاحي عند البعض وتألمت كثيراً لذلك.
هل يمكننا القول بأن إنضمامك للقناة كان لما تتمتعين به من كفاءه وجمال؟
- ضحكت وقالت: يمكن أن أكون في نظر البعض جميلة جداً ولكنني اجتزت اختبارات القناة عن جدارة وذلك لثقافتي العالية.
رصيدك البرامجي في تلك الفترة؟
- فترة عملي في قناة النيل الأزرق كانت حوالي عام ونصف قدمت من خلالها عدداً من البرامج، منها (مشاوير، سهرة مفتوحة، الديوان، مساء جديد، الو مرحبا)، وشكلت خلال هذه الفترة إضافة حقيقية للقناة رغم أنني لم أعمل كثيراً بها.. ولكن بصراحة لم أجد الفرصة الكافية والمناخ المناسب للعمل.
مقاطعاً: قلت بأنك لم تجدي الفرصة الكافية والمناخ المناسب للعمل.. هل تعرضتِ لمضايقات؟
- نعم.. فمنذ أن دخلت القناة اشترطت على مديرها بأنني أريد أن أحفظ شخصيتي بعيداً عن القيل والقال وأخرج بعد أداء عملي مباشرة ووافقني على ذلك، لذلك فإن علاقاتي الاجتماعية كانت في حدود.
ما هو نوع المضايقات التي تعرضتِ لها؟
- على سبيل المثال يحسسني بعض العاملين بالضعف من خلال تهميش رأيي في أي موضوع ويقولون لي متى جئتِ حتى تبدي رأيك.. كما سجل الكثيرون أصوات لوم ضدي لمدير القناة الذي قال لي: إن الموظفين قالوا إنك إنسانة غير (ودودة)، لأنني لا أجلس وأتبادل الكلام معهم، فقلت له أنا في مكان عمل ولا يوجد ما يدعني أجلس بعد الانتهاء من عملي فهل اخطأت في ذلك، كما أخبرته بأنني أتعرض للمضايقات من قبل البعض، ولكن كان موقفي ضعيفاً وأحسست بأن وضعي في القناة يسير بصورة سيئة، وبعد ذلك تعدل الوضع قليلاً لفترة معينة وعاد مرة أخرى، ولكنني مع ذلك واصلت عملي بصورة عادية وطورت أدائي رغم التوتر والغضب.
ولكن.. ألم تؤثر هذه المضايقات على أدائك؟
- معظم الحلقات التي قدمتها كانت مباشرة، وكنت متوترة فيها جداً بسبب الأقاويل و(المطالبات) التي كنت أسمعها قبل دخولي للأستديو وكانت عبارة عن أنواع من الحروب والاستهتار، كل هذه الأسباب وغيرها أثرت في شكلي وطريقة أدائي.
هل شعرت بأن بعض زملائك يرغبون في إبعادك من القناة؟
- نعم.. والدليل على ذلك أن من يسببون لي هذه التوترات يترصدون أخطائي كلها في البرنامج وينقلونها الى المدير حتى قبل أن أخرج من الأستديو ليسمموا أفكاره ضدي.. ورغم كل هذه الظروف تحملت هذا الوضع المؤلم واعتبرتها تجارب تضايقني ولكن لا تحطمني، فما لا يقتلني يقويني.
إذن.. ما هي حقيقة إبعادك من قناة النيل الأزرق؟
- قدمت لدورة تدريبية بقناة الجزيرة القطرية وأخطرت مدير القناة والمدير المالي شفاهة لضيق الوقت بذلك ووافقوا على سفري، ولم أتمكن من إخطار مدير البرامج الشفيع عبد العزيز، لأنه كان غائباً حينها. واتصلت عليه من قطر، فقال لي: سيتم عرضك على مجلس محاسبة مع العلم بأن سفري لا يؤثر في القناة، لأنني في تلك الفترة كنت أقدم حلقة واحدة فقط في الأسبوع من برنامج (مساء جديد).
وبعد عودتك من الدوحة ماذا حدث؟
- قابلت الشفيع عبد العزيز وأعطاني خطاب إيقاف عن العمل مكتوب فيه (إيقاف حتى إشعار آخر) وتاريخه بعد يوم واحد فقط من سفري للدوحة، ومر على ذلك أكثر من ستة أشهر وما زلت انتظر مجلس المحاسبة، فأخبرت مدير القناة بذلك ولكنه لم يرد عليّ نهائياً ومن ذلك اليوم خرجت من القناة ولم أعد اليها حتى الآن.
هل تعتقدي بأن قرار إقصائك من القناة ناتج عن المضايقات التي تعرضتِ لها إبان فترة عملك فيها.. وهل يمكن تسمية ذلك بالحسد؟
- نعم.. فقد أحسست بالحسد والظلم في هذا القرار مع العلم بأنني سافرت لتلقي المزيد من العلم في أميز القنوات في العالم، الذي تعود فائدته الأولى والأخيرة للقناة، ورأيت الحسد في عيون الكثيرين.
كيف كان إحساسك في تلك الفترة؟
- الشعور بالظلم هو أصعب إحساس وتألمت كثيراً لتنكر القناة لي بهذه الصورة رغم أنني احترمتها وقدرتها وقدمت الكثير،ولكن لم أجد أي مقابل.
هل لديك الرغبة للعودة مجدداً للعمل في قناة النيل الأزرق؟
- بصراحة شديدة.. لو تركت العمل الإعلامي نهائياً، فلن أعود مجدداً للعمل في قناة النيل الأزرق، لأنها لم تقدرني ولم تهتم بي.
بصراحة.. يقال إن بعض القنوات الفضائية السودانية تهتم بشكل المذيع الخارجي أكثر من إمكاناته؟
- هذا السؤال لا أملك حق الإجابة عليه لأنه يخص الإداريين ورؤيتهم، ولكن الوسامة لها دور كبير في المعاينات وهي لا تعني الجمال الصارخ، لأن القبول من الله وليست له علاقة بالوسامة، والآن أصبحت الفضائيات في حيرة من أمرها لاختيار كوادرها التي لابد أن تتوفر فيها عدة صفات أبرزها قوة الشخصية والثقة في النفس والتحكم والقدرة على التصرف في المواقف الصعبة، ومن ثم قبول الشخصية ومثال لذلك المذيع المميز سعد الدين حسن.
بعد توقفك عن العمل بقناة النيل الأزرق.. ألم تقدم لك أي عروض من القنوات الأخرى للإنضمام اليها؟
- قدم لي عدد من العروض من داخل وخارج السودان، من قناة أم درمان والأمل الحديثة وعدد من القنوات المصرية والسورية والإماراتية، ولكنني لا أحب التسرع في اتخاذ القرارات، كما أنني لا أنبهر بالإغراءات، واعتبر هذه الفترة كاستراحة محارب.
ولكن.. ألا تعتقدي بأن هذه الوقفة الطويلة قد أثرت على أدائك؟
- نعم أضرت بي من ناحية وجودي في الساحة الإعلامية، ولكن أشكر الله كثيراً على أن الجمهور والصحافة ما زالت تذكرني والدليل على ذلك هذا الحوار في صحيفة السودان الأولى.. وأقول الأيام تحمل المفاجآت.
الى أي مدى كانت استفادتك من الدورة التدريبية بقناة الجزيرة؟
- كانت استفادتي كبيرة جداً من هذه الدورة التي استمرت لشهرين وجدت خلالها الإشادة من المذيعة المتميزة خديجة بنت قنه التي وصفت صوتي بأروع الأصوات بالدورة، كما أن العاملين بقناة الجزيرة شبهوني بالمذيعة المتمكنة إيمان بنوره، وأنا أعتز بتلك الشهادات واعتبرها رصيداً إيجابياً في تجربتي الإعلامية.
بعيداً عن العمل الإذاعي.. أين تجدي نفسك؟
- أمارس الرياضة والرماية وركوب الخيل، وأحب الأسلحة ولا أعرف لماذا رغم أنني حساسة ورقيقة وعاطفية جداً.
علاقتك مع الشعر والموسيقى؟
- أكتب النثر والقصة ومغرمة بالكتابات الاجتماعية وتجاربي الشعرية قليلة، وأحب الموسيقى جداً، فهي كل حياتي وأجيد العزف على آلة الأورغن وحالياً أتدرب على آلة الجيتار، ولا أمانع في خوض تجربة التمثيل اذا وجدت العرض المناسب.. وأهوى الاستماع للفنان عبد الكريم الكابلي والشاب طه سليمان.
أحرج المواقف التي تعرضت لها ريم في العمل الإعلامي؟
- حلقة على الهواء على قناة النيل الأزرق استضفت من خلالها دكتور الباز مستشار وكالة (ناسا) الفضائية الذي أحرجني حينما قال لي (يا قمر)، فكان موقفاً صعباً جداً عليّ أمام المشاهدين، وحاولت أن أتمالك نفسي بسرعة.
|
|
Post: #99
Title: Re: قناة (النيل الأزرق) بتجيب النسوان السمحات ديل من وين!!
Author: Magdi Algorashi
Date: 05-19-2010, 05:47 PM
Parent: #97
اميرة سلام
انا شايف التنظير كتر
والانشاء كتيرة جدا
بصراحة ساعدونا بالصور عشان نقدر نكون معاكم
جوة الشبكة والله قاعدين في سقط لقط لاشايفين نيل ازرق لا ابيض
نكرر ساعدونا بالمفيد (اقصد الصور ) انشاء الله قبل السمكرة .
|
Post: #100
Title: Re: قناة (النيل الأزرق) بتجيب النسوان السمحات ديل من وين!!
Author: Amira Elsheikh
Date: 05-19-2010, 05:52 PM
Parent: #99
Quote: بعيداً عن العمل الإذاعي.. أين تجدي نفسك؟
- أمارس الرياضة والرماية وركوب الخيل، وأحب الأسلحة ولا أعرف لماذا رغم أنني حساسة ورقيقة وعاطفية جداً. |
سمحة المقدرة ....
حكومة والناس اهالى ياقول حبوبة
|
Post: #101
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-20-2010, 08:10 AM
Parent: #100
يا زول واحد..
Quote: ** بصراحة انا ما قاعد اشوف قنوات السودان
لكن ام العيال بتقول لي |
حيث كده..
تمشي تسأل لينا أم العيال،
عن رأيها في سماحة المذيعات..
سؤال:-
ليه مابتشوف قنوات السودان؟
بالرغم من دفاعك القوي ده!!
|
Post: #102
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-20-2010, 08:13 AM
Parent: #100
سفيان يا..
Quote: والله يا أميرة
كل الجمااااال |
وهبوه لــــيك..
|
Post: #103
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-20-2010, 08:15 AM
Parent: #100
بلاير..
Quote: حكمة اليوم
من الغيرة ما قتل |
والله ما حاسدنهن..
بس بقرانين..
|
Post: #104
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-20-2010, 08:18 AM
Parent: #100
Quote: هاهاهاها
الله يهديك يا اميرة ويخفف وزنك اذا ثبت المعيار الطردي بين حجم الجسم والبلادة لووولز
ياتامبا ياخي فهمها الحاصل شنو يااعمل ليها جكة من الاذاعة مرورا بالسجن وجنوبا حتى بوابة عبدالقيوم
والرجوع للنيل الازرق تاني لو وزنها ماخفه ارميها النيل خلي التماسيح الصحي صحي تاكلها
ههههههه
تحياتي يا اميرة
زاتوووو |
شايفاكم خليتو السماحة ومسكتو في البلادة..
بعدين يفهمني تامبا ليه؟؟ فهمني إنت ياخ..
|
Post: #108
Title: Re: قناة (النيل الأزرق) بتجيب النسوان السمحات ديل من وين!!
Author: عاطف عمر
Date: 05-20-2010, 08:23 AM
Parent: #104
سلامات أميرة
في نظري أن الأجمل من حيث الشكل والموضوع هى
هبة معتمد
بسيطة في غير تفريط
وأنيقة في غير إفراط
متمكنة من مادتها
تتعامل بطبيعتها التلقائية
لا بـ ( موضة ) الكلام السريع والمقاطعة المزعجة
|
Post: #105
Title: Re: قناة (النيل الأزرق) بتجيب النسوان السمحات ديل من وين!!
Author: كتو
Date: 05-20-2010, 08:20 AM
Parent: #100
اميرة ..
بالامس قبل اقرأ البوست دة كنت عايز اعمل بوست في نفس المعنى ولكن مفتضح اكتر ...
والقصة بكل بساطة بطلها مدير القناة المدعو حسن فضل المولى ..
شوهد هذا المدعو وهو يطارد احدى الفتيات التى كانت بصحبة رفيقتها وزميلها من الكلية الجامعية
القريبة من القناة .. الى احدى الكافتريات .. وبدون اى خجل منه طلب منها ان تعطيه رقم موبايلها
حتى يقوم بتوظيفها فى قناة النيل الازرق .. وعندما رفضت الفتاة بحجة عدم رغبتها اصر انه على استعداد
لتدريسها فى معهد مختص !!!
اتخيلوا ؟؟؟؟؟؟؟؟؟؟؟؟
فالمعيار الحقيقى لهذا الصفيق هو الجمال بغض النظر عن الرغبة والميول ؟؟؟
وهل هؤلاء المذيعات قد تدربن فعلا في معاهد مختصة ؟؟؟ اشك في ذلك حسب مشاهدتى لهن...
وعندما تدخلت رفيقتها في الحوار اصر هو ان يعطيها رقم هاتفه المحمول ...
هذه القصة حدثت اول امس الثلاثاء .. وجميع الاشخاص والاماكن والازمان محفوظة .
وهكذا (بستورد) (ويورد) مدير القناة الفتيات موضع سؤالك ...
|
Post: #107
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-20-2010, 08:23 AM
Parent: #100
صديق الموج..
| Quote: كيتن على زول كده بس،،، |
أها انا سمعت انهم عاوزين مذيعات..
كيتا على (روحي) دي!!
|
Post: #109
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-20-2010, 08:28 AM
Parent: #100
مجدي..
Quote: اميرة سلام
انا شايف التنظير كتر
والانشاء كتيرة جدا
بصراحة ساعدونا بالصور عشان نقدر نكون معاكم
جوة الشبكة والله قاعدين في سقط لقط لاشايفين نيل ازرق لا ابيض
نكرر ساعدونا بالمفيد (اقصد الصور ) انشاء الله قبل السمكرة . |
والله يا مجدي صدقت..
عالم جنها تنظير..
لمن بعدونا من الموضوع الأصلي زاتو..
لكن أسمع كلامي، الصور بتجهجهك ساي..
في سقط لقط بتاعتك دي..
|
Post: #110
Title: Re: قناة (النيل الأزرق) بتجيب النسوان السمحات ديل من وين!!
Author: khalid abuahmed
Date: 05-20-2010, 08:45 AM
Parent: #106
Quote: والقصة بكل بساطة بطلها مدير القناة المدعو حسن فضل المولى ..
|
الاخ كتو..انت مسكت اللحم الحي..!!
فعلاً القصة بطلها هذا الرجل..وهذه تصلح لمقال طويل وعريض فالرجل يلعب دور عجيب جدا جداً في مسيرة هذا النظام..
حسن فضل الله كان موظف بمنظمة الدعوة الاسلامية في قسم العلاقات العامة والاعلام..والصجفة وحدها رفعته في هذه المكانة وعندما كان في تلفزيون السودان كان يمثل امبراطورية بحالها..كانت ترفع عنه التقارير بين كل يوم والتاني ترصد ممارساته وعلاقاته وطريقة تعامله مع العاملين من هضم للحقوق ومحاربة لمن يختلف معه او من لا يرضاه او من يكره.. وآخرين يبسط لهم كل أنواع التعامل الجيد والهبات المالية والظروف الدائم والسفر للخارج والداخل وآخرين مهمشين حتى أصبح التلفزيون دولة داخل دولة وصراع الاجنحة ومراكز القوى هذا النمط من الادارة منع الكثير من أصحاب المواهب من العمل في هذا الجهاز بل أصبح العاملين فيه إما منظمين يعملون وفق أجندة تنظيمية سياسية من طرف الحاكمين أن من رضي عنه سيدنا حسن فضل المولى وهؤلاء دائماً يأتون من خارج نطاق الوسط (التنظيمي) و(الاعلامي) وبعد أن فاحت رائحة الصراعات داخل التلفزيون تم ابعاد حسن فضل المولى للقاهرة ملحق اعلامي وثقافي.
المهم..
|
Post: #111
Title: Re: قناة (النيل الأزرق) بتجيب النسوان السمحات ديل من وين!!
Author: أميرة فاروق عبد العال
Date: 05-20-2010, 08:51 AM
Parent: #110
عاطف..
Quote: سلامات أميرة
في نظري أن الأجمل من حيث الشكل والموضوع هى
هبة معتمد
|
دي نمرة (1) عديل كده..
|
Post: #112
Title: Re: قناة (النيل الأزرق) بتجيب النسوان السمحات ديل من وين!!
Author: كتو
Date: 05-20-2010, 09:08 AM
Parent: #110
| Quote: تم ابعاد حسن فضل المولى للقاهرة ملحق اعلامي وثقافي. |
ودى براها فيها مجلدات ومقالات ... ياخالد ..
مؤسف ان ترى شخص في موضع مسؤولية بهذا الفهم المتدنى والواطى وال######## ..
مخجل والله ...
|
Post: #114
Title: Re: قناة (النيل الأزرق) بتجيب النسوان السمحات ديل من وين!!
Author: نجوان
Date: 05-22-2010, 11:28 AM
Parent: #112
لا يوجد تدريب كافي ولا تأهيل للمذيعات والمذيعين بالنيل الأزرق..
والدليل الأداء الضعيف والحوارات الصبيانية السخيفة..
كللللهم على بعضهم كدة شيء واحد ونسخة كربونية..
لا إطلاع، لا ثقافة.. وظيفة فقط فيما يبدو.. وليست career واختصاص..
مصدر الهامهم ومعرفتهم هو ما تجود به قريحة سماعة الكنترول..
هبة المعتمد فعلا تختلف، لأنها مختصة في مجال برنامجها.. الصحة والتغذية..
أعيب على البرنامج تلقين الضيوف لمداخلاتهم..
نجود صوتها تعبان، وعندها فعلا مشكلة في الكلام..
بالنسبة للشكل، مافي واحدة شينة الزمن دة،
نجود بس حقروا بيها وما دخّلوها السمكرة الجد (لسة بتسمكر براها)..
إسراء عادل تختلف قليلا عن البقية، وأخشى عليها ان تنجرف مع تيّار الجماعة
في الكلام الميكانيكي، العبارات المتكررة، وتحديدا، ووجدان المشاهد، ومساء الخير عليكم..
أمجد ومحمد عثمان، يدوران في ذات الفلك الخاوي مع إخياتهم..
أسراء عادل
نسرين النمر محتفظة الى حد ما باسلوبها الخاص
نجود
سهام عمر (ذبحتنا بنطقها للقاف والغين)
ايفانا موسى
تسابيح مبارك خاطر
شذى عبد العال
أمجد نورالدين
محمد عثمان (شغل جمعيات ادبية سااااكت)
وكبيرهم الذي علمّهم الفلسفة والتكلف، دون محتوى.. سعدالدين حسن
______
الصور من موقع قناة الهباب الأزرق
|
Post: #115
Title: Re: قناة (النيل الأزرق) بتجيب النسوان السمحات ديل من وين!!
Author: tmbis
Date: 05-22-2010, 11:45 AM
Parent: #114
والله يا نجوان كنت في انتظارك ...
على العموم متفق معاك بمعدل .. تلاتة من عشرة .. في الصور الفوقانية دي ..
محمد عثمان .. ونسرين النمر .. وسعد
أمجد دا .. تحت تحت .. قالو بشبهني علشان كدا ما تضغطي عليووو .. وبالنسبة لي نجود .. عفيت ليك
ومعاك بنسبة مية في المية في غياب التدريب .. والتأهيل واعتمادهم على الكنترول البيكون ظاهر من طريقة عيونم وهبش السماعة من حين لآخر لطرح السؤال ..
عندك فكرة عن حلقة مساء جديد لما استضافو الدكتور محمد الأمين ..؟
ياخ دي كانت عبارة عن حلقة نموذجية لو استمرت ولو خمسة ثواني كان محمد الأمين عمل عمايل .. خاصة وإنو ضغطو عليهو شديد جدا في حتة اساسا أبدى فيها عدم تجاوبو مع الطرح .. ومحاولة الضغط المملة جدا لاستخلاص معلومة هو ما راضي يفصح عنها ..
طبعا محمد الأمين زول نجيضة .. ما بيجامل في (حرف) من مزيكتو المدونة .. وما بيقولوهو الما عايز يقولو
وممكن يختها طااخ
|
Post: #116
Title: Re: قناة (النيل الأزرق) بتجيب النسوان السمحات ديل من وين!!
Author: بدر الدين اسحاق احمد
Date: 05-22-2010, 05:07 PM
Parent: #115
ست البوســت ( سلام )
عندى سؤال ما عارف اسألو ليه منو ولا اسألو وين ...
عنوان البوســت فيــه جملة ( النسوان السمحات )
الســؤال ...
النسوان الشينات ديــل شكلهم كيــف ؟
مع الشكر ...
|
Post: #117
Title: Re: قناة (النيل الأزرق) بتجيب النسوان السمحات ديل من وين!!
Author: بت قضيم
Date: 05-23-2010, 12:44 PM
Parent: #116
سلام للجميع
موضوع جميل
بالنسبة للجمال، فالمشى السودان قريب بعد فترة غياب طويلة، حيفاجأ بأن تقريباً حتى الشينة بقت سمحة، فكرة الجمال والاهتمام به اتغيرت، فبعد أن كانت رفاهية لطبقات معينة في المجتمع أصبحت منتشرة ومن الأساسيات
زمان نساء السودان كانوا بهتموا أكتر حاجة بال(وش) والكريمات والتبيض،الكروش والترهل والأظافر (بطبعة الصبغة المميزة فيها) وما إلى ذلك ما حد بيهتم بها ولا هي أساساً في البال والخاطر،
الآن، في عمليات صنفرة كاملة من بداية الرأس لأخمص القدم(في عمليات مثلاً اسمها توحيد اللون النقول ليكم كان ما عارفين)
لو بتابعوا الإعلانات المتحركة في القنوات الفضائية، حتشوفوا كمية مراكز التجميل المنتشرة في كل الأنحاء تقريباً، وفيها الغالي وفيها الرخيص وفيها الوسط، يعني حتى الماعندو بقدر يتجمل
(شوفوا حفلات برنامج أفراح افراح مثلاً)
حتى النساء الكبار في السن، ايضاً مفاهيم الجمال عندهم ما اقدر اقول اتغيرت لكنها تطورت وتميزت، ابتداء من (الحنة) التي دخلت مجال (العمل الفني الراقي) وانتهاء بالروائح ال(كانت) معروفة بتقليديتها فتغيرت لتصبح خليط من عطور سودانية وفرنسية رائعة جداً (ما دايرين نخش في الغريق لكن أنواع العطور دي تنافس والله شانيل في بيت ابوه)
يعني لو سمحتي لي يا أميرة ممكن احرف تعبير(النسوان السمحات) لتعبير (النسوان المهتمات بأنفسهن)، فتقاطيع الجمال نفسها وتفاصيلها، من الله، لكن، مهارة إظهار نقاط القوة في الوجه والجسم فهذه مهارة معظم السودانيات في الفترة الأخيرة اكتسبنها وبطوروا فيها كمان
وليس فقط عند السيدات، حتى الرجل السوداني تغير هندامه ومظهره واهتمامه بنفسه (لكن لسسسسسسسسة ماسك في العراقي)
زمان المغتربات كانوا بياكلوا الجو بنضارة بشرتهن والنعومة و(رواقة اللون)
الآن، فيا ايتها المغتربات (ناس السعودية بالذات) خموا وصروا
بالنسبة لمذيعات قناة النيل الأزرق، فوالله الحق يقال، كشكل عام فهو شكل مشرف وجميل عن السودان بغض النظر عن (بياض اللون) او سماره، المهم الهيئة النضيفة والطلة المرتبة
هذا كشكل
لكن كتميز ومضمون، فاللأسف، للآن، جميعهن متشابهات مع اختلافات شخصية طفيفة
يعني الهيئة وطريقة التقديم وإدارة الحوار ليس فيها أي نوع من التميز
كووووولهم بشبهوا بعض (يا قول حبوبتي زي تعاريف الجمهورية)
عني فأنا بصراحة يعني لا استطيع أن أميز بين فلانة ولا علانة ولا البرنامج الفلاني واللا العلاني، يعني كل البرامج تقريباً واحدة تتغير مسمياتها، برامج حوارية تعتمد على أسلوب (خذ وهات) ما في (اسلوب) معين لكل واحدة تتميز به عن الأخرى
أي واحدة تستطيع تقديم برنامج الاخرى بنفس الطريقة دون أي فروقات شخصية في الأسلوب، نفس الصبغة بنفس الطلة بنفس الملبس بنفس مخارج الحروف حتى ونفس طريقة التقديم (المنزعجة)، مرات بحسهم جايين من بيوت اهلهم بالدس
كلو كوم ولفح الكلام من الضيف كوم تاني ،اكثر صفة (تنرفزني) رسمي في كل مذيعي قناة النيل (رجال وسيدات)، لفح الكلام من الضيف
يكون مثلاً بقول في كلام حلوووووو وذكريات جميلة يحكي فيها عن موقف معين، قبل ما ينتهي من الكلام، تتداخل أو يتداخل المذيع بما يقطع سلاسة الحديث ومصاريني معاً
أخيراً وليس آخراً
الرسول فيكم
لو في ناس من قناة النيل حيقرأ البوست ده،واللا بعرف الناس ديل، يا ريت تقولوا للأستاذ سعد الدين (النبي، عليك الله بطل الكشيم والقهقه الكتيييييره دي، فقد قال الحكماء، الرشاقة يوماً قتلت اشراقة)
سلمتم جميعاً
|
Post: #118
Title: Re: قناة (النيل الأزرق) بتجيب النسوان السمحات ديل من وين!!
Author: وليد عبد اللطيف
Date: 05-23-2010, 01:15 PM
Parent: #117
لكل الضيوق
اذا كان صوالين الرجال والاهتمام بمظهره اكثر من كوافير النساء
شيء ساونا وشيء قناع وشيء صبغة وشيء ليزر ومساج
شنو البخلي بنات السودان بعد كدا يكونو شينات
ولكن نحن نتحدث لازم يكون المزيع مثقف ومدرب ومؤهل حتى يستيطع
ان يخرج كل ما بداخل الضيوف ويستمتع المشاهد ويكون توثيق في نفس الوقت
الاستاذ حسين خوجلي ممتع في مثل هذه الاشياء
و في يوم حضرت لقاء (كوثر البشراوي ) مع الشاعر الفيتوري
تخيلت هذه البنت سودانية وساكنه العرضه
وكذلك كل المزيعيين العرب في حالة ضيوفهم سودانيين تشعري ثقافتهم عالية
التدريب ثم التدريب
نموزج (1)
Quote: كلو كوم ولفح الكلام من الضيف كوم تاني ،اكثر صفة (تنرفزني) رسمي في كل مذيعي قناة النيل (رجال وسيدات)، لفح الكلام من الضيف
يكون مثلاً بقول في كلام حلوووووو وذكريات جميلة يحكي فيها عن موقف معين، قبل ما ينتهي من الكلام، تتداخل أو يتداخل المذيع بما يقطع سلاسة الحديث ومصاريني معاً |
اثني
| Quote: يا ريت تقولوا للأستاذ سعد الدين (النبي، عليك الله بطل الكشيم والقهقه الكتيييييره دي، فقد قال الحكماء، الرشاقة يوماً قتلت اشراقة) |
|
|