Post: #1
Title: من يطمئنني ويؤكد ان سد مروي ملك لحكومة وشعب السودان؟
Author: أحمد ابن عوف
Date: 05-16-2010, 01:07 PM
Parent: #0
سؤال عجيب نعم، لكن قلبي ماكلني
وبالمرة شركةهجليج واخواتها
|
Post: #2
Title: Re: من يطمئنني ويؤكد ان سد مروي ملك لحكومة وشعب السودان؟
Author: أحمد ابن عوف
Date: 05-17-2010, 12:27 PM
Parent: #1
هو انتو قايلين سؤ الظن العريض دا شكله كيفن
ما ياهو من جنس المواسير دي
|
Post: #3
Title: Re: من يطمئنني ويؤكد ان سد مروي ملك لحكومة وشعب السودان؟
Author: Adam Omer
Date: 05-17-2010, 01:48 PM
Parent: #2
يا اخ أحمد تحية وسلام.
حسى أنت قلبك ماكلك على هجليج البعيدة ديك
ولا على سد مروى
كدى خلنينى أشطح أنت السد دا كهربتو ودوها وين؟
|
Post: #4
Title: Re: من يطمئنني ويؤكد ان سد مروي ملك لحكومة وشعب السودان؟
Author: أحمد ابن عوف
Date: 05-17-2010, 02:12 PM
Parent: #3
تحياتي اخي آدم عمر
| Quote: حسى أنت قلبك ماكلك على هجليج البعيدة ديك |
والله زمان الخوف كان عادي، الا المتمرد الجديد في الجنوب دا ايه كده طور
بكبس على هجليج قريييب دا
| Quote: كدى خلنينى أشطح أنت السد دا كهربتو ودوها وين؟ |
دا ما شطحان، مكاوي قال كهرباء السد لن تدخل الشبكة القومية
الا عندما يدخل الجمل من ثم الخياط
من ديك وانا بسأل السؤال دا، اذا كان ما ح يدخل الشبكة القومية
اذن من يمتلك كهرباء السد
اكيد اكيد مؤسسة غير قومية؟؟؟؟؟؟؟؟؟؟؟
ولم يكتفي بذلك، بل اضاف ان المشكلة (التي رفد بسببها) ان المشكلة
بين الادارة المركزية وادارة السد ليست مشاكل فنية، بل مسألة سيادة
والتاريخ علمنا، سبعين سنة ولابلاشفة لا يمتلكون ملابسهم التي عليهم في الاتحاد السوفيتي
يصبحوا في صباح روسيا الجديدة ويكتشفوا ان شركة البترول ملكية فردية، وشركات الغاز
ومليارديرات روسيا ما يدوك الدرب
اذن في ظل الانظمة الشمولية ممكن تتوقع اي شكل من اشكال المواسير
|
Post: #5
Title: Re: من يطمئنني ويؤكد ان سد مروي ملك لحكومة وشعب السودان؟
Author: بشير حسـن بشـير
Date: 05-17-2010, 02:24 PM
Parent: #4
.
.
الأخ / أحمد ، تحياتى ...
للأسف لن تجد من يطمنك على ذلك.
.
.
|
Post: #6
Title: Re: من يطمئنني ويؤكد ان سد مروي ملك لحكومة وشعب السودان؟
Author: dardiri satti
Date: 05-17-2010, 02:46 PM
Parent: #4
من يطمئنني ويؤكد ان سد مروي ملك لحكومة وشعب السودان؟
ياخوي سؤالك في منتهى التواضع!!!
السؤال:
من يطمئنني ويؤكد ان كل السودان ملك لحكومة وشعب السودان؟
عزيزي ،
قل لي ماذا نملك في السودان؟؟
أخصب الأراضي على ضفاف النيل
يطرد منها السودانيون إلى الصحراء،
وتوزع وتهدى آلاف الأفدنة منها للأجانب القادمين من الصحراء!!!
مشروع الجزيرة مفخرة السودان يتم تدميره
ليباع للأجانب وزعامات التنظيم الدولي!!
نحن لا نملك بنكاً سودانياً واحداً،
بنوكنا جميعها مملوكة للأجانب ممولي الإرهاب الدولي !!
مصانعنا الناجحة ، خطوطنا الجوية بيعت ،
ونقلنا النهري بيع لمن لايجدون في بلادهم بئر ماء!!!!
ألم تشاهد ذلك المستثمر الذي لايستطيع مجالسة أصغر الأمراء في بلاده،
يجلس وهو يخلف رجل على رجل مع كبار رجالات دولتنا؟؟!!
ليس هذا فحسب ، بل يتم تصويرهم ملتفين حوله وهم يتبسمون !!
مواطنونا في دارفور يطردون من أراضيهم الخصبة ليوطن مكانهم المهاجرون الأجانب!!
بلادنا محتلة وزعماؤنا هؤلاء الخائبون !!!،
يتسابقون نحو عاصمة المحتل عارضين خدماتهم
طالبين نصرته على بعضهم البعض!!
وأنت تريد الإطمئنان على سد مروي!!!
تحياتي
|
Post: #7
Title: Re: من يطمئنني ويؤكد ان سد مروي ملك لحكومة وشعب السودان؟
Author: أحمد ابن عوف
Date: 05-17-2010, 02:52 PM
Parent: #6
Quote: الأخ / أحمد ، تحياتى ...
للأسف لن تجد من يطمنك على ذلك. |
الاخ بشير
تحياتي
دي عوجه والله
لكن ننصبر، امكن يجينا زول بالخبر اليقين
|
Post: #8
Title: Re: من يطمئنني ويؤكد ان سد مروي ملك لحكومة وشعب السودان؟
Author: أحمد ابن عوف
Date: 05-17-2010, 02:57 PM
Parent: #7
| Quote: وأنت تريد الإطمئنان على سد مروي!!! |
الاخ درديري ساتي
الف تحية ليك وانت بتجرد في حساب حقوقنا
حقو بعد كده مغير السؤال
ماذا تبقى من ممتلكات الحكومة و الشعب؟
|
Post: #10
Title: Re: من يطمئنني ويؤكد ان سد مروي ملك لحكومة وشعب السودان؟
Author: osman righeem
Date: 05-17-2010, 03:05 PM
Parent: #7
قامة اتفاقية نيفاشا علي مبدأ قسمة الثروة و السلطة
وقام دستور 2005 الحاكم حتي الان علي هذه المبدئية
و اصبحت الموارد السيادية لا تشمل كل الموارد الطبيعية
بل تكون السيادة علي المورد القومي في نسبتها الكبري
جهوية ... ولذلك ان كان سؤالك بمعني هل تملك حكومة السودان
الاتحادية سد مروي كمورد افتصادي قومي الجواب حسب الدستور
لا اعتقد .... ولن تجد اجابة واضحة ويمكن تبدأ بالسؤال لماذا
وحدة السدود تتبع لرئاسة الجمهورية و لا تتبع لوزارة الري ؟؟؟؟
|
Post: #14
Title: Re: من يطمئنني ويؤكد ان سد مروي ملك لحكومة وشعب السودان؟
Author: osman righeem
Date: 05-17-2010, 03:47 PM
Parent: #7
قامة اتفاقية نيفاشا علي مبدأ قسمة الثروة و السلطة
وقام دستور 2005 الحاكم حتي الان علي هذه المبدئية
و اصبحت الموارد السيادية لا تشمل كل الموارد الطبيعية
بل تكون السيادة علي المورد القومي في نسبتها الكبري
جهوية ... ولذلك ان كان سؤالك بمعني هل تملك حكومة السودان
الاتحادية سد مروي كمورد افتصادي قومي الجواب حسب الدستور
لا اعتقد .... ولن تجد اجابة واضحة ويمكن تبدأ بالسؤال لماذا
وحدة السدود تتبع لرئاسة الجمهورية و لا تتبع لوزارة الري ؟؟؟؟
|
Post: #9
Title: Re: من يطمئنني ويؤكد ان سد مروي ملك لحكومة وشعب السودان؟
Author: ibrahim alnimma
Date: 05-17-2010, 03:03 PM
Parent: #6
عزيزي ابوعوف تحياتي:
سبقني الاخ الدرديري بالكثير ، لكني اقول لك ساكون سعيد نوعاً ما ان تيقنت بان السد
ملك لاحد اعضاء المؤتمر الوطني ،فمابالك بالسسودان؟
هؤلاء القوم لا يمكن ان يستثمرو في السودان بل لا يمكنهم ان يستثمرو اصلاً ...لان التجربة تنبأنا
بانهم يركلون للربح السريع والناتج عن الرباء(سوف المواسير) وجمع الضرائب والاتوات ، ولا صبر
عندهم يجعل الجرجير والملوخية تورق مرة اخري...دعك من الزراعة والحش والكديب والحصاد، وكنت
ساكون سعيداً ان آل مشروع الجزيرة لهم، شوف السقوف بتاعتنا تراجعت كيف؟
هؤلاء القوم يبيعون البلد ويكبون الفلوس في جيب الساعة ليتم ادخارها في بنوك خارج السودان
والاكتفاء بالمتعة العابرة في الداخل والمتمثلة في فاخر السكن والسيارات والنساء ...وربما
الاسترقاق المقنن ، من خدم وحشم وترفيه في تركيا وماليزيا والقاهرة (دي للضعفاء منهم)هل تذكر
عبدالرحيم حمدي عندما كان يسكن في الهيلتون ؟ كانه خبير جاء لهندسة امر الخصخصة (برضو قوي
امين؟)يعني الاستعمار الاجنبي خير من الاستعمار الانقاذي اي والله، فلا الارض والتراب حافظو عليه
ولا قرارهم بيدهم (لاحظ موقفهم الاخير من اتفاقية مياه النيل) ولا حتي الشريعة التي فلقونا بها
قد طبقت ....
ساقعننا البلد منعتقة وهي مسترقة الي النخاع، شابكننا اربطو الاحزمة وهم يطلقون لها العنان
والبلد متطورة بالعمارات والابراج ، وهي بيعت كارض للاجنبي وقبضو حقها كاش ....
يودوننا ان نربط ادمغتنا هي الاخري؟
|
Post: #11
Title: Re: من يطمئنني ويؤكد ان سد مروي ملك لحكومة وشعب السودان؟
Author: أحمد ابن عوف
Date: 05-17-2010, 03:12 PM
Parent: #9
Quote: ولن تجد اجابة واضحة ويمكن تبدأ بالسؤال لماذا
وحدة السدود تتبع لرئاسة الجمهورية و لا تتبع لوزارة الري ؟؟؟؟ |
الاخ عثمان رغيم
تحياتي
حسب معلوماتي المتواضعة، في الاصل اللجنة كانت تسمى وحدة تنفيذ سد مروي
وهي ادارة من ادرات وزارة الري، بعد ذلك حول البشير بأمر رئاسي ان تتغير
الى مسمى جديد واسمه وحده تنفيذ السدود، واشار القرار الى ان تؤول كل ممتلكات
وحده تنفيذ سد مروي الى الوحدة الجديدة.
يعني بالواضح، البشير بأمر رئاسي قلع الوحدة من وزارة الري واتبعها له مباشرة
وبمسمى جديد؟؟؟؟؟؟؟؟؟
|
Post: #12
Title: Re: من يطمئنني ويؤكد ان سد مروي ملك لحكومة وشعب السودان؟
Author: أحمد ابن عوف
Date: 05-17-2010, 03:18 PM
Parent: #11
Quote: عزيزي ابوعوف تحياتي:
سبقني الاخ الدرديري بالكثير ، لكني اقول لك ساكون سعيد نوعاً ما ان تيقنت بان السد
ملك لاحد اعضاء المؤتمر الوطني |
الاخ ابراهيم النعمة
تحياتي
السد تم بناؤه باموالنا، وديون ستتراكم على حكومة السودان علينا وعلى ابنائنا
ركز معاي، الديون ح تكون على حكومة السودان تبع المليارات الاخرى ولن تكون على
حساب دخل السد من بيع الكهرباء المتحكم فيها بواسطة شركات بيع الاسكراتش وليس الهيئة القومية!!
دايرين كهرباء ادفعوا، ما دارين كهرباء اتنظروا كهرباء سنار والرصيرص
دا دخل يومي يا عزيزي ابراهيم
|
Post: #13
Title: Re: من يطمئنني ويؤكد ان سد مروي ملك لحكومة وشعب السودان؟
Author: ibrahim alnimma
Date: 05-17-2010, 03:26 PM
Parent: #11
Quote: يعني بالواضح، البشير بأمر رئاسي قلع الوحدة من وزارة الري واتبعها له مباشرة
وبمسمى جديد؟؟؟؟؟؟؟؟؟ |
لا ياعزيزي الفاضل ابوعوف ، فالامر هو لرفع الحرج عن ادارة السودود حينما يتعلق الامر باصدار
قرار اداري او مالي فان الملاك الحقيقين للسد هم من يصدرون القرار وليس ادارة السدود ولا حتي
رئاسة الجمهورية ...فهي مملوكة كاملة بسيادتها لاصحابها وحكومة السودان الانقاذية اخذت
حقهاكاملاً ...
او تذكر ياعزيزي عندما بشر البشير بان سعر الكهرباء سوف يخفض ؟ هل استطاع تخفيضه حقا؟
بل ان النسسبة المعلن عنها في التخفيض لم تشمل كهرباء السد...ثم زيدت رسوم الاشتراك
الجديد الي اكثر من 200% مما يعني انه لم يكن هناك تخفيض ...
والمؤذي ياسيدي في الامر ان السلطات السودانية لا تستطيع حتي تخفيض كهرباء الهيئة القومية
لانها بسعر المنافسة ستضعف السوق للملاك السد شفت كيف الاستعمار ده؟
جعلونا نتغني بالوطن كانه محبوبة نتغزل في ضفائرها واختفت النظرة للوطن كراعي للمصاح
وراعي لانسانيتنا....ويبعون لنا السزاجة التي بموجبها نفرح لان السودان اصبح خالي من
صفوف الرغيف.....
|
Post: #15
Title: Re: من يطمئنني ويؤكد ان سد مروي ملك لحكومة وشعب السودان؟
Author: بشير أحمد
Date: 05-17-2010, 04:43 PM
Parent: #13
| Quote: من يطمئنني ويؤكد ان سد مروي ملك لحكومة وشعب السودان؟ |
ما بتفرق كتير ؛
حتي لو كان مالكه إبليس ذات نفسه؛ولو حكمت معاهو نخليهو يقلّعو
ويشتت.
___________
انا كنت قايل السد ده بنوه في المريخ
|
Post: #16
Title: Re: من يطمئنني ويؤكد ان سد مروي ملك لحكومة وشعب السودان؟
Author: Elbagir Osman
Date: 05-17-2010, 08:44 PM
Parent: #15
قرينة
منذ عرفنا مواضيع المياه
ظلت مصر تعترض على بناء أصغر جدول على أمتداد
نهر النيل وروافده
أما أن تسكت على عدة سدود!!
فهذا أمر غريب
الباقر موسى
|
Post: #17
Title: Re: من يطمئنني ويؤكد ان سد مروي ملك لحكومة وشعب السودان؟
Author: أحمد ابن عوف
Date: 05-18-2010, 06:19 AM
Parent: #16
الاخ بشير احمد
تحياتي
شكلك كدا يا اخوي قاعد في الطرواة زيننا وما جايب خبر
لكن ممكن نعتمد اجابتك ولو على سبيل التخمين
| Quote: مالكه إبليس ذات نفسه |
يجري البحث حاليا عن ابليس افندي
|
Post: #18
Title: Re: من يطمئنني ويؤكد ان سد مروي ملك لحكومة وشعب السودان؟
Author: أحمد ابن عوف
Date: 05-18-2010, 06:24 AM
Parent: #17
الاخ ابراهيم النعمة
اؤمن على كل كلمة قلتها هنا
Quote: لا ياعزيزي الفاضل ابوعوف ، فالامر هو لرفع الحرج عن ادارة السودود حينما يتعلق الامر باصدار
قرار اداري او مالي فان الملاك الحقيقين للسد هم من يصدرون القرار وليس ادارة السدود ولا حتي
رئاسة الجمهورية ...فهي مملوكة كاملة بسيادتها لاصحابها وحكومة السودان الانقاذية اخذت
حقهاكاملاً ...
او تذكر ياعزيزي عندما بشر البشير بان سعر الكهرباء سوف يخفض ؟ هل استطاع تخفيضه حقا؟
بل ان النسسبة المعلن عنها في التخفيض لم تشمل كهرباء السد...ثم زيدت رسوم الاشتراك
الجديد الي اكثر من 200% مما يعني انه لم يكن هناك تخفيض ...
والمؤذي ياسيدي في الامر ان السلطات السودانية لا تستطيع حتي تخفيض كهرباء الهيئة القومية
لانها بسعر المنافسة ستضعف السوق للملاك السد شفت كيف الاستعمار ده؟
جعلونا نتغني بالوطن كانه محبوبة نتغزل في ضفائرها واختفت النظرة للوطن كراعي للمصاح
وراعي لانسانيتنا....ويبعون لنا السزاجة التي بموجبها نفرح لان السودان اصبح خالي من
صفوف الرغيف..... |
ومداخلنك بنطرح سؤال جوهري آخر
هل تدخل الاموال المتحصلة بواسطة السد التي تشتريها (الحكومة) الى خزينة الدولة؟؟؟
|
Post: #19
Title: Re: من يطمئنني ويؤكد ان سد مروي ملك لحكومة وشعب السودان؟
Author: أحمد ابن عوف
Date: 05-18-2010, 06:27 AM
Parent: #18
Quote: قرينة
منذ عرفنا مواضيع المياه
ظلت مصر تعترض على بناء أصغر جدول على أمتداد
نهر النيل وروافده
أما أن تسكت على عدة سدود!!
فهذا أمر غريب
الباقر موسى |
الاخ الباقر
تحياتي
الاخ علاء الدين يوسف افاد قبل يومين في بوست محطة مياه كرري
ان مصر كانت تحاول وبكل قوة حرمان السودان من الحصول على قروض
لبناء سد مروي ولكن خابت محاولاتهم!!!!!!!؟؟؟؟؟؟؟
ردي انحصر في كونها معلومة جديدة.
|
Post: #20
Title: Re: من يطمئنني ويؤكد ان سد مروي ملك لحكومة وشعب السودان؟
Author: Hani Arabi Mohamed
Date: 05-18-2010, 07:49 AM
Parent: #19
عندما كنّا نريد سقاية فدان من الأرض بطلمبة "ليستر" صغيرة .... كان لا بد من تصديق الري المصري .... الذي كان من المعتاد أن يرفض بحجّة "اتفاقية مياه النيل"
فهل تعتقدون أن مصر التي ترفض إضافة لستر واحد على النيل ستقبل ببناء كل هذه السدود لو لم تكن هي مالك هذه السدود ؟
|
Post: #21
Title: Re: من يطمئنني ويؤكد ان سد مروي ملك لحكومة وشعب السودان؟
Author: رغيم عثمان رغيم الحسن
Date: 05-18-2010, 08:22 AM
Parent: #20
احمد سلام ومرحبا بك فى سودانيس
رغم انى ما بحب اعتمد على المعلومات الشفهية لكن واحد من اصدقائى الشغالين فى سد مروى
قال لى انو الشركة الفرنسية المساهمة فى بناء السد وضعت نظام تحكم السد لا يمكن تجاوزه بمكنا من انها تمنع تمرير كهرباء السد للشبكة القومية
لما ادارة السد ما تسدد القرض
عشان كدا البشير الزم الهيئة انها تشترى الكهرباء من سد مروى بى سعر اعلى من السعر البتبيع بيه للمواطن
ومكاوى كان رافض الموضوع دا عشان كدا اقالوه
دا بالنسبة للكهربا
اما بلنسبة للموية فعلى ما اعتقد انو بروف محمد جلال هاشم كان قدم ورقة اتكلم فيها عن انو بحيرة ناصر خلف السد العالى اتملت بالطمى
عشان كدا كان محتاج لى سدود بديلة وانو موقع بحيرة سد مروى موقع غلط بى كل المعاير المناخية لانو درجة الحرارة بتبخر 9 مليار متر مكعب
(نصيب السودان من مياه النيل 19 مليار) يعنى تقريبا نحنا بنخزن الموية لى مصر وبنبخر نص مويتنا فى الهوا
*******************
لو الكلام دا كلو طلع صاح مافى زول هنا بقدر يطمنك
|
Post: #22
Title: Re: من يطمئنني ويؤكد ان سد مروي ملك لحكومة وشعب السودان؟
Author: أحمد ابن عوف
Date: 05-18-2010, 08:48 AM
Parent: #21
Quote: عندما كنّا نريد سقاية فدان من الأرض بطلمبة "ليستر" صغيرة .... كان لا بد من تصديق الري المصري .... الذي كان من المعتاد أن يرفض بحجّة "اتفاقية مياه النيل"
فهل تعتقدون أن مصر التي ترفض إضافة لستر واحد على النيل ستقبل ببناء كل هذه السدود لو لم تكن هي مالك هذه السدود ؟ |
الاخ هاني عربي
تحياتي
كلامك منطقي، من مصلحة مصر طبعا تخزين المياه على حساب اراضي السودان
قصة انو السودان يستفيد من مياه سد مروي للزراعة، كان المصريين اشطر
وفشل مشروع توشكي اثبت ان استصلاح الاراضي الصحراوية حول حوض النيل غير
مجدية اقتصاديا
اذن الاستثمار في سد مروي سينحصر في انتاج الكهرباء
|
Post: #23
Title: Re: من يطمئنني ويؤكد ان سد مروي ملك لحكومة وشعب السودان؟
Author: أحمد ابن عوف
Date: 05-18-2010, 08:51 AM
Parent: #22
الاخ رغيم
| Quote: عشان كدا البشير الزم الهيئة انها تشترى الكهرباء من سد مروى |
ما دا المجنني زاتو
كيف الحكومة تشتري من الحكومة؟؟؟؟؟؟؟؟
وما زال البحث جاريا عن ابليس ذات نفسه
|
Post: #25
Title: Re: من يطمئنني ويؤكد ان سد مروي ملك لحكومة وشعب السودان؟
Author: abuguta
Date: 05-18-2010, 09:00 AM
السد ملك الجامعة العربية
بتموين خليجى,,,
هذا ما جعل مصر ان توافق على قيامه
|
Post: #24
Title: Re: من يطمئنني ويؤكد ان سد مروي ملك لحكومة وشعب السودان؟
Author: ibrahim alnimma
Date: 05-18-2010, 08:54 AM
Parent: #20
| Quote: هل تدخل الاموال المتحصلة بواسطة السد التي تشتريها (الحكومة) الى خزينة الدولة؟؟؟ |
السيد اين عوف بعد التحية :
لا بالتأكيد ياخي، ويمكنك ان تتأكد بنفسك حينما تري الميزانية....فالسودان (او قل المؤتمر الوطني)
قبض حقو في بيع الارض والسياده كااااااااااااااش ....والشركات القابضة ستترد اموالها من الفواتير
وغيرها ، حتي صيد الاسماك قد منعوا السكان من مزاولتها بالقرب من السد....وهتيفة المؤتمر الوطني
يصيغونا علي طريقتهم الهتافية ، بان نجري وراء الصور الفوتوغرافية للسد ، ليسوق الينا كتنمية!!!
شوف المحن دي ؟
شعب السودان يتطلع للتنمية التي تنعكس علي حياة المواطن رخاءاً وتعليم وصحة مش صور .....لاحظ
موضة اغراق المنبر بالصور؟وغض الطرف عن صور الاطفال وفاقد التربية والعطالة واطفال المايقوما
والناس الذي يذفون الدموع لمواتاهم بالملاريا؟ والسد هو رد بس ؟ولمن لاوكامبو شوف جنس المحن دي
كمان؟ مال اوكامبو ومال السد؟فمصر عندما بنت السد العالي كان من حر مالها ودفعت علي دائر المليم
تكلفته ،لذلك كانت محقة في احتفاءها وتهليها وتكبيرها (لو فعلت) ....
اقول ليك قولة؟ هل يرغب البشير في زيادة تكاليف الحياة للمواطن؟ هل هو يود ذلك؟ وبدوري ساتبرع
بالاجابة من حر كيبوردي، بالتاكيد لا، اذن لماذا لا يخفض الفواتير ورسوم العدادات الجديدة؟ ساجيب
لانه لا يستطيع...وطيب وليه ؟ لان القرار ليس بيده ولا بيد كل السلطة ياابن عوف.
مجددا لك ودي وتقديري
|
Post: #26
Title: Re: من يطمئنني ويؤكد ان سد مروي ملك لحكومة وشعب السودان؟
Author: أحمد ابن عوف
Date: 05-18-2010, 09:13 AM
Parent: #24
الاخ ابوقوته
تحياتي
Quote: السد ملك الجامعة العربية
بتموين خليجى,,, |
اجابة ممكن تكون مقبولة منطقيا
حيث ان امن مصر المائي جزء من امن مصر القومي
وامن مصر القمومي جزء من امن الوطن العربي
لكن دا ما خازوق كبير، لان الامر لن يقتصر على التحكم في سعر الكهرباء
الامر يتدخل في فقدان سيادتك الوطنية على ممتلكات الدولة، وشوية شوية
يصبح اسم السودان (شركة الجامعة العربيةالسودانية المتحدة) ويدونا
جوازات سفر (عربية) واحتمال اقامات زي الخليج ونفتش لينا كفيل في بلدنا
امر التفريط في السيادة (ودا كلام مكاوي) موش كلامي انا ممكن يدينا
الحق لاتهام البشير بالخيانة الوطنية
|
Post: #27
Title: Re: من يطمئنني ويؤكد ان سد مروي ملك لحكومة وشعب السودان؟
Author: أحمد ابن عوف
Date: 05-18-2010, 01:49 PM
Parent: #1
هل يمكن ان يفيدني احد في كيفية الحصول على تقرير حصر اصول وممتلكات حكومة السودان
ذهب الى موقع وزارة المالية ولم اعثر على شيء، كل الذي وجدته ان هناك لجنة تشكلت
من الوزارة وستنهي تقريرا في شهر يناير؟؟؟؟؟
برضو من حقنا نعرف حكومتنا تمتلك شنو، بعد ما خصخصوا اي حاجة
|
|