ده مفروض يكون السلام الجمهورى

مهموم بيك يابلدي الشقيانة
زي كل الصابرين
درويشا
ماشي على الله وذاكر اسمك
في لحظة صدق ومزاج فايق..
فنانا
برسم محبوبتو بي لون الشوق
وانت الفي البال والبال رايق
سودانين
رغم البيهم حلوين
لو كنت سعيد ما بتنساهم
لو كنت حزين ما بتختاهم
كونك غربة
ارواحهم دائما وناسة
كونك وحشة
مشروعة ايديهم للترحاب
كونك مهموم
ضحاكة عيونهم بدفيك
ديل ناس بالناس
ديل ارهف ناس
من خفة دمهم مافيشين
بتحس ارواحم في جواك
شايلاك لي كون كلو محنه .
شارنك باخر قطرة دم
واخر نبضة
وآآآآآآآآخر لقمة شافع في ملجا...




مجاهد عيسى

بعد فصل الجنوب !!!

ومطالبة الغرب الكبير ودارفور بتقرير المصير

يمكن ان يكون هذا النشيد الوطني للجزء الغربي

من السودان !!!

ونقوم نشوف فنان آخر يعمل لينا نشيد وطني لكل

جزء يتشظى ومن الان يا هشو شوف ليك نشيد لام درمان .





كونفيدرالية لا م درمان والخرطوم وبحري والقصة هايصة لسة .




...............................................................حجر.

البشير كسح .... !!!!!

ولو سمعت المدحة دي تكون السلام الجمهوري او النشيد الوطني

للمركز وحق مجاهد للهامش ... يعني ناس المركز يرددون البشير

كسح كسح لا اله الا الله .












...................................................حجر.

رفاعى أتاريك إنت زول جميل كده؟؟؟




لوووووووووووووول

رفاعى لازم كلنا نحافظ على السودان الوطن الواحد والكلام الفوق ده بينطبق برضو على الجنوب ، ما سمعت الكروال لما يجر ليك سودانيييييييييييين (حتى تشعر به من نمولى إلى حلفا)

يا جماعة واحد ينزل لينا الكورال ده عشان تستمعوا بالموسيقار والفنان الرائع حسين الفكى ومن خلفه كورال الملتقى وعلى الأورق العملاقين خالد الأمين وياسر يوسف

دمت يا ملتقى السودان الإجتماعى ذخراً لنا

Quote: بعد فصل الجنوب !!! ومطالبة الغرب الكبير ودارفور بتقرير المصير يمكن ان يكون هذا النشيد الوطني للجزء الغربي من السودان !!! ونقوم نشوف فنان آخر يعمل لينا نشيد وطني لكل كونفيدرالية لا م درمان والخرطوم وبحري والقصة هايصة لسة . جزء يتشظى ومن الان يا هشو شوف ليك نشيد لام درمان .

يا رفاعي اولا لازم اوضح ليك حاجة هشام شيخ الدين ود عمك الموظف شيخ الدين وهو رجل من ناس(الذمن الجميل) ويصعب عليك ان تنسبه على جغرافية معينة من السودان وذاك النوع من لموظفين يكون قد تطبع بطباع كثير من مناطق السودان ويصعب عليك فصله وفصل اناشيده انا سعيد ان يختار هو هذا النص (سودانيين) ...

ثم ثانيا منو قال ليك الغرب عايز ينفصل ؟لماذا هذه فرية يسوقها المؤتمر الوطني لحاجة في نفسه معلومة اخرى عن ام درمان فهذه المدينة ليست كما يعتقد البعض انه وسط فمن بها اصولهم موغلة في الانتماء لكل من غرب السودان وشرقه وجنوبه خاصة الذي قدمو إبان الاستعمار كمدافعين عنها وليسو كمستفيدين من مقدراتها وكلاهما يؤمن بوحدة السودان من يطالب بالانقسام هم فقط ناس الجبهة الاسلامية وبعض المنتفعين الذين يرون في الانفصال اراحة لهم من رقابة الضمير السوداني الاصيل .. لن ينفصل الجنوب يا رفاعي ولن ينفصل الغرب لكن سيمضي هؤلاء الى مزبلة التاريخ او يصلبو عرايا ..وان قدر للنص المتواضع ان يكون نشيدا وطنيا فهو لكل السودانين

المهم :خف على عمك هشام شيخ الدين الراجل عزيز علينا










...............................................................حجر.

الشاعر الرقيق مجاهد عيسى صاحب السلام الجمهورى المرتقب

أشكرك على الإضافة وأرجوك وصى رفاعى ده علينا شوية

تحياتى

Quote: .. لن ينفصل الجنوب يا رفاعي ولن ينفصل الغرب لكن سيمضي هؤلاء الى مزبلة التاريخ او يصلبو عرايا ..وان قدر للنص المتواضع ان يكون نشيدا وطنيا فهو لكل السودانين المهم :خف على عمك هشام شيخ الدين الراجل عزيز علينا

طبعاً يا مج مج هشو دا حبيبنا وعليه لازم الواحد ينطط ليهو في البوست حقو

مرتين تلاتة وبالتلاتة وتداخلي لارغامه علىالتواصل فقد هجر المنبر فترة طويلة

وهو عندنا زي المضاد الحيوي مطلوب من حين لاخر ليكسو المنبر ببعض من تجلياته

فالحديث الجاد عن المركز والهامش والانفصال والكونفدرالية وغيرها نرجئها لحين

الحاجة لها محبتي ياهشام ود الاستاذ شيخ الدين جبريل ولمن معك ودي دعابة ليس

إلا ... مودتي وكثير التقدير.







.....................................................................حجر.

Quote: مهموم بيك يابلدي الشقيانة زي كل الصابرين

الشفيف مجاهد

هذا النبض وهذا الاحساس لا يصدر الآ من مْن هام حبا بالوطن ..

شقاء بلدنا .. ما زادنا الآ محبة لها و الف بين قلوبنا و قوى من عزيمتنا لنحوله الى هناء .

عظمتنا فى اننا ... سودانين

واصل اخى مجاهد .. الكل فى حوجة لجرعة !!

معزتى

الأحباب الرفاعى ويوسف

تسلموا تسلموا يا أحباب