Post: #1 Title: ما دا ابوكم بتعملوا فيه كدا ليه ؟؟؟؟؟؟ ربنا قال بالوالدين احسانا Author: هاجر التهامي ياسين Date: 05-16-2010, 10:47 AM
تناقلت الاذاعات خبر اعتقال الشيخ حسن الترابي من قبل قوات الامن
المحيرني الشيخ الكبير دا كان العقل المدبر وللان باعتبار انهم شربوا
من فكره وهو الذي قام بتربيتهم وهو الاستاذ والمربي في نفس الوقت
على الاقل مفروض كدا يردوا الجميل , المشكلة وين انتوا احتلتوا السودان
رضينا ام ابينا , خلاص عليكم الله اظهروا القليل من رد الجميل والله لولا هذا
الترابي لما كنتم على ظهر هذه الحكومة ولم تقم لكم قائمة, على الاقل سوف
يقال بان السودانين اُناس طيبون يوقرون الكبير , اليس هذا كبيركم الذي علمكم السحر.
مع كل اسفي على اهانة هذه الشيخوخة
مع ودي لكل السودانين الذين بين مطرقة الحكومة وسندان اعضائها المنشقون
لكم احبتي في ارض بلادي اسفي ودموعي انتم اخر من تٌضعون في الحسبان
اليكم انتم يامن اصبحتم في العراء بعد ان اُحرقت بيوتكم التي هي اصلا من قش
ليست كما بيوت المنشية او القصور الفخمة فلما يُلتفت اليها .
مع ودي
هاجر
Post: #2 Title: Re: ما دا ابوكم بتعملوا فيه كدا ليه ؟؟؟؟؟؟ ربنا قال بالوالدين احسانا Author: SILVER MOON Date: 05-16-2010, 01:40 PM Parent: #1
جون قرنق قال سمعنا بثورات تأكل بنهيا لكن لأول مرة نسمع الثورة تأكل أبوها الثورة دى حتاكل السودان داذاتو وتفتت حتا حتا مع تحياتى ياهاجر
Post: #5 Title: Re: ما دا ابوكم بتعملوا فيه كدا ليه ؟؟؟؟؟؟ ربنا قال بالوالدين احسانا Author: هاجر التهامي ياسين Date: 05-17-2010, 08:29 AM Parent: #2
شكرا سيلفرمون على المرور
الثورة دي موش تاكل ابوها وبنيها وبس دي تاكل اي حاجة قدامها.
الله يكون في عون الشعب السوداني
مع ودي
هاجر
Post: #3 Title: ما دا ابوكم بتعملوا فيه كدا ليه ؟؟؟؟؟؟ ربنا قال بالوالدين احسانا Author: مُحَمَّدٍ عِوَضٌ احْمَدُ Date: 05-16-2010, 08:15 PM Parent: #1
تحياتى الترابى لا يستحق التعاطف..ولو فات المية سنة والحريات التى يتباكى عليها الان..حرمها على الالاف فى زمان مضى.. وبصراحة اولادو ديل ما قصرو معاهو..وطنشو كتير من تصريحاتو.. المسمومة..ضدهم ولى كشف حالهم..وحالوا لمن كانو رأسين فى طاقية واحدة
Post: #4 Title: Re: ما دا ابوكم بتعملوا فيه كدا ليه ؟؟؟؟؟؟ ربنا قال بالوالدين احسانا Author: khaleel Date: 05-16-2010, 08:59 PM Parent: #3
هل ظهرت الاسباب الحقيقية لاعتقال دكتور ترابي
Post: #6 Title: Re: ما دا ابوكم بتعملوا فيه كدا ليه ؟؟؟؟؟؟ ربنا قال بالوالدين احسانا Author: هاجر التهامي ياسين Date: 05-17-2010, 09:14 AM Parent: #3
شكرا الاخ محمد عوض احمد
نحن لا نتعاطف مع الترابي ولكن نحن ندعوهم ان يراعوا عامل السن على قول ترباس
قيل اذا اختلف اللصان ظهر المسروق
وطبعا الناس ديل بيخافوا من الترابي لانو البعبع حقهم لانه هو عارف هم بيفكروا كيف
واكيد الناس ديل عندهم مصيبة بيعملوا فيها وعايزين الناس تنشغل بموضوع الترابي
مع ودي
هاجر
Post: #7 Title: Re: ما دا ابوكم بتعملوا فيه كدا ليه ؟؟؟؟؟؟ ربنا قال بالوالدين احسانا Author: عبدالمجيد الكونت Date: 05-17-2010, 10:21 AM Parent: #6
Quote: واكيد الناس ديل عندهم مصيبة بيعملوا فيها وعايزين الناس تنشغل بموضوع الترابي
Post: #8 Title: Re: ما دا ابوكم بتعملوا فيه كدا ليه ؟؟؟؟؟؟ ربنا قال بالوالدين احسانا Author: rani Date: 05-17-2010, 11:01 AM Parent: #7
Post: #9 Title: Re: ما دا ابوكم بتعملوا فيه كدا ليه ؟؟؟؟؟؟ ربنا قال بالوالدين احسانا Author: هاجر التهامي ياسين Date: 05-17-2010, 11:21 AM Parent: #7
اهلن بعبد المجيد الكونت
وشكرا على المرور
اكيييييييد دي الحقيقة
Post: #10 Title: Re: ما دا ابوكم بتعملوا فيه كدا ليه ؟؟؟؟؟؟ ربنا قال بالوالدين احسانا Author: اناهيد كمال Date: 05-17-2010, 12:00 PM Parent: #9
الاخت هاجر بعد التحايا السياسة لا تعرف المشاعر او الاعراف والتقليد فدعك من توقير الكبير وما شابه فالذى يحكم هو من يضع القانون بحسب المصلحة وهذا ما يحدث واعتقال دكتور الترابى به العديد من الملابسات السياسية تصريحات--ارتباطه بحركة العدل والمساواة وغيرها فالنرى ماذا بعد الاعتقال وما يحدث على الساحة السياسيةالسودانية؟؟؟؟؟؟؟؟؟
