Post: #1 Title: في اطار الحملة القومية لأكل حقوق الناس بالباطل .. سوداتل تسرق ألحان راي شارلس .. Author: humida Date: 05-16-2010, 05:53 AM
الســـرقة في الســودان بقيت شئ عادي جدا .. و علي عينك يا تاجر .. و علي جميع المستويات .. و بدون خوف المحاسبة .. و ترعاها الدولة في احيان كثيرة .. بعد الخطأ الفادح الذي وقع فيه مركز الخاتم عدلان ( شروع في سرقة ) .. بالدعاية لعرض احد الافلام الامريكية التي لا يملك حقوق بثها .. و بعد فضح القائمين علي المركز من خلال منبر سودانيزاولاين .. نزلوا بوست قالوا انهم لمن يكونوا يعلمون ان للفيلم حقوق .. !!!! مركز الخاتم عدلان يمثل واجهة ثقافية مستنيرة علي حد زعم القائمين عليه .. و مع اول اختبار سقط المركز .. ( و الطيش عند الله بعيش ) ..
.. ..
دخلت الآن سوداتل سباق السرقات السودانية العلنية .. من باب اذا لم تخشى عاقبة الليالى ولم تستحى فاصنع ما تشاء .. اعلان سوداتل لمنتجها ( سوداني ون ) .. و الذي استمعت إليه اليوم من خلال اذاعة امدرمان ( الفترة الصباحية ) .. كان سرقة واضحة و صريحة للحن و التوزيع الموسيقى لاغنية Hit the road Jack للمغني الامريكي Ray Charles للاسف الشديد ليس لدي تسجيل للاعلان .. و لكنه يبث علي الاذاعة السودانية علي مدار الساعة ..
.. ..
Post: #2 Title: Re: في اطار الحملة القومية لأكل حقوق الناس بالباطل .. سوداتل تسرق ألحان راي شارلس .. Author: وائل فحل Date: 05-16-2010, 08:24 AM Parent: #1
...
والله ياها زاااتا !
... بس غالبا ناس سوداني ون ديل يكونوا متعاقدين مع شركة اعلانية هي الاقتبست فكرة اللحن ..
...
بالمناسبة : ما هو موقف قانون الحقوق الفكرية من مثل هذه الحالة ؟ يعني ممكن ناس الوكالة يقولوا : وقع الحافر على الحافر . او ما قاصدين . او ... الخ ؟
Post: #3 Title: Re: في اطار الحملة القومية لأكل حقوق الناس بالباطل .. سوداتل تسرق ألحان راي شارلس .. Author: humida Date: 05-16-2010, 10:58 AM Parent: #2
وائل الفحل ..
Quote: والله ياها زاااتا !
بضبانتا .. و بدون خجل .. الناس دي بتفتكر انه اي حاجة مباحة .. سوداتل شركة ربحية .. ما بحق ليها تستفيد من مجهود الآخرين بدون ما تدفع ..
Quote: بس غالبا ناس سوداني ون ديل يكونوا متعاقدين مع شركة اعلانية هي الاقتبست فكرة اللحن
القانون لا يحمي المغفلين .. اذا خدعت شركة الاعلان شركة بحجم سوداتل .. دي بتكون مشكلة سوداتل .. قانونيا .. الاذاعة السودانية متوفرة من خلال الانترنت .. و من خلال الاقمار الصناعية .. و بتتسمع في امريكا .. يعني بالثابتة .. و ادبيا .. ناس سوداتل حرامية ..
Quote: ما هو موقف قانون الحقوق الفكرية من مثل هذه الحالة ؟
Post: #4 Title: Re: في اطار الحملة القومية لأكل حقوق الناس بالباطل .. سوداتل تسرق ألحان راي شارلس .. Author: humida Date: 05-16-2010, 11:06 AM Parent: #3
و امتداد لسياسة السرقات .. و تماشيا مع قانون .. يدي في جيبك و يد غيري في جيبي .. لطش احدهم اسم منتج ( سوداني ون ) .. و عمل بيهو موقع و منتدي .. لاطشا في طريقه شعار جامعة الخرطوم ..
Post: #5 Title: Re: في اطار الحملة القومية لأكل حقوق الناس بالباطل .. سوداتل تسرق ألحان راي شارلس .. Author: humida Date: 05-19-2010, 07:54 AM Parent: #4
*
Post: #6 Title: Re: في اطار الحملة القومية لأكل حقوق الناس بالباطل .. سوداتل تسرق ألحان راي شارلس .. Author: حمد فتح الرحمن Date: 05-19-2010, 08:30 AM Parent: #5
اسه يا حميدة موش اي فنان بغني حقيبة و بسجل بيها شريط باعتبار انها تراث ؟
طيب حسب فيديوك دا اللحن دا قديم و يمكن سوداتل اعتبرتوا تراث حقيبة امريكا و ممكن تستخدموا عادي يعني
Post: #7 Title: Re: في اطار الحملة القومية لأكل حقوق الناس بالباطل .. سوداتل تسرق ألحان راي شارلس .. Author: humida Date: 05-19-2010, 08:36 AM Parent: #6
حمد لبد .. انا زاتي قلت في الاول امكن يكون يندرج تحت Briefcase الامريكية .. مشبت فتشت لقيت انه الورثة خاتي حقوق علي اغانيه .. و حتي النسخة الموجودة في اليوتيوب غير مرخصة ..
